بتنجان اسامة منير ....!!!!!

[lyonaids]

حبيبي يا اسامة ...!!:mdr:




النهارده انا جايب لكل الولاد والبنات ..حوار مع واحد انا شخصيا

بحبه جدااااااااا:mdr: أوي يعني ..خالص ...عاوزكم تعرفو اني مكسر

راديو قبل كدا من غيظي من كلامه ..والافتاء في كل اي حتة حبة اي

حاجة عن الحب! ..انا ممكن اكون اتعقدت من الحب وبطلت

احب بسببه وبسبب برنامجه ...ده رايي الشخصي ومش خايف اقوله ...


جايب الحوار بالنص من مجلة مشهورة اوي ...عشان نعرف دماغ الراجل ده

فيها ايه :mdr:

واي خدمة ...!








‏هو ‏الصوت‏ ‏المفضل‏ ‏لآلاف‏ ‏المراهقين‏ ‏الذين‏ ‏يرمون‏ ‏بهمومهم‏ ‏علي‏ ‏مسامعه‏ ‏فيتكلم‏ ‏إما‏ ‏بنصيحة‏ ‏ـ‏ ‏قد‏ ‏نتفق‏ ‏او‏ ‏نختلف‏ ‏معها‏, ‏او‏ ‏بالغناء‏ ‏هوايته‏ ‏القديمة‏ .. ‏فمن‏ ‏هو‏ ‏اسامة‏ ‏منير‏ ‏حلال‏ ‏المشاكل‏ ‏الذي‏ ‏لا‏ ‏يمل‏ ‏الحديث‏ ‏عن‏ ‏الرومانسية‏ ‏والحب‏ ‏وما‏ ‏هي‏ ‏مشاكله‏ ‏هو‏ ‏شخصيا؟‏!‏
‏
‏ما‏ ‏هي‏ ‏مؤهلاتك‏ ‏لتكون‏ ‏أمينا‏ ‏علي‏ ‏حل‏ ‏مشاكل‏ ‏ومتاعب‏ ‏الشباب‏ ‏ولو‏ ‏حتي‏ ‏بالنصيحة؟‏!‏
‏
‏أنت‏ ‏قلتها‏ ‏النصيحة‏.. ‏هل‏ ‏هذه‏ ‏تحتاج‏ ‏سوي‏ ‏لتجارب‏ ‏الحياة‏ ‏والقراءة‏ ‏والخبرة‏ ‏في‏ ‏التعامل‏ ‏مع‏ ‏انماط‏ ‏مختلفة‏ ‏من‏ ‏البشر‏ , ‏والأهم‏ ‏طبعا‏ ‏عاداتنا‏ ‏وتقاليدنا‏ .‏
‏
‏ولكنك‏ ‏في‏ ‏بعض‏ ‏المشاكل‏ ‏تبدو‏ ‏مندمجا‏ ‏زيادة‏ ‏عن‏ ‏اللزوم؟‏
‏طبعا‏ ‏لأنه‏ ‏ربما‏ ‏أنا‏ ‏شخصيا‏ ‏مررت‏ ‏بها‏, ‏فأنا‏ ‏شعرت‏ ‏بالحب‏ ‏لأول‏ ‏مرة‏ ‏وعمري‏ 12 ‏عاما‏ ‏واتبهدلت‏ ‏في‏ ‏الحب‏ ‏وعشت‏ ‏قصصا‏ ‏عديدة‏ ‏مثل‏ ‏اي‏ ‏مراهق‏ , ‏وحتي‏ ‏في‏ ‏أيام‏ ‏الجامعة‏ ‏ارتبطت‏ ‏من‏ ‏طرف‏ ‏واحد‏ ‏ثم‏ ‏تعرضت‏ ‏للخيانة‏ ‏وأنا‏ ‏نفسي‏ ‏خفت‏ ‏ولكن‏ ‏بمرور‏ ‏السنين‏ ‏وزواجي‏ ‏واستقراري‏ ‏ترسبت‏ ‏بداخلي‏ ‏خبرة‏ ‏حياة‏ ‏اعطتني‏ ‏شجاعة‏ ‏علي‏ ‏الكلام‏ ‏والاقتناع‏ ‏بما‏ ‏أفعله‏.‏
‏
‏لماذا‏ ‏نشعر‏ ‏بازدواجية‏ ‏احيانا‏ ‏في‏ ‏كلامك‏.. ‏مع‏ ‏البنات‏ ‏تقول‏: ‏هذا‏ ‏عيب‏ ‏وذلك‏ ‏لا‏ ‏يجوز‏ ‏وتأكيد‏ ‏العادات‏ ‏والتقاليد‏.. ‏لكن‏ ‏مع‏ ‏الأولاد‏ ‏هناك‏ ‏مرونة‏ ‏في‏ ‏كل‏ ‏شيء؟‏
‏هذا‏ ‏غير‏ ‏صحيح‏ ‏ولكن‏ ‏ربما‏ ‏جاء‏ ‏هذا‏ ‏الانطباع‏ ‏لأن‏ ‏البنات‏ ‏هم‏ ‏اللائي‏ ‏يتصلن‏ ‏ومساحة‏ ‏الحوار‏ ‏تكون‏ ‏كبيرة‏ ‏أما‏ ‏الأولاد‏ ‏فيشاركون‏ ‏فقط‏ ‏برسائل‏ ‏الموبايل‏ ‏ومعظمها‏ ‏اهداءات‏.. ‏
‏
‏لماذا‏ ‏دائما‏ ‏البنات‏ ‏اللاتي‏ ‏يتصلن‏ ‏بك‏ ‏صوتهن‏ ‏ناعم‏ ‏زيادة‏ ‏عن‏ ‏اللزوم‏ ‏؟‏
‏يضحك‏ ‏ويقول‏ : ‏هناك‏ ‏احتمالان‏ : ‏الاول‏ ‏وهو‏ ‏المنطقي‏ .. ‏إن‏ ‏البنت‏ ‏تخاف‏ ‏ان‏ ‏يسمعها‏ ‏ابوها‏ ‏او‏ ‏اخوها‏ ‏لأنها‏ ‏تتكلم‏ ‏من‏ ‏بيتها‏ ‏بعد‏ ‏منتصف‏ ‏الليل‏ ‏في‏ ‏اسرارها‏ ‏العاطفية‏ ‏وبالتالي‏ ‏تخشي‏ ‏ايضا‏ ‏ان‏ ‏يتعرف‏ ‏عليها‏ ‏أحد‏ ‏وبالتالي‏ ‏تغير‏ ‏من‏ ‏نبرة‏ ‏صوتها‏ ‏ليصبح‏ ‏مبحوح‏ ‏ولذلك‏ ‏معظم‏ ‏الاصوات‏ ‏متشابهة‏, ‏وثانيا‏ ‏ان‏ ‏الصوت‏ ‏القادم‏ ‏من‏ ‏التليفون‏ ‏عموما‏ ‏يكون‏ ‏رفيعا‏ ‏وربما‏ ‏أيضا‏ ‏ان‏ ‏البنت‏ ‏صوتها‏ ‏كده‏.‏
‏
‏ألا‏ ‏تشعر‏ ‏أن‏ ‏إذاعة‏ ‏برنامج‏ ‏بهذه‏ ‏الطبيعة‏ ‏علي‏ ‏الهواء‏ .. ‏خطر؟‏
‏في‏ ‏بداية‏ ‏البرنامج‏ ‏نصحني‏ ‏مدير‏ ‏الاذاعة‏ ‏بإيقاف‏ ‏استقبال‏ ‏المكالمات‏ ‏لأن‏ ‏مسألة‏ ‏الاعترافات‏ ‏والمشاكل‏ ‏العاطفية‏ ‏كانت‏ ‏صادمة‏ ‏بالفعل‏ .. ‏لكنني‏ ‏رفضت‏ .. ‏وحاولوا‏ ‏ان‏ ‏يتم‏ ‏تسجيله‏ ‏مسبقا‏ ‏ولكنني‏ ‏شعرت‏ ‏بأنني‏ ‏وقتها‏ ‏غير‏ ‏صادق‏ .. ‏أنا‏ ‏مقتنع‏ ‏جدا‏ ‏بأنني‏ ‏لا‏ ‏أعمل‏ ‏اي‏ ‏شيء‏ ‏خطأ‏ ‏وبالتالي‏ ‏ليه‏ ‏استخبي؟
‏
‏البعض‏ ‏يتهمك‏ ‏بأنك‏ ‏تشجع‏ ‏الفتيات‏ ‏المراهقات‏ ‏علي‏ ‏الحب؟‏
‏طبعا‏ ‏دي‏ ‏ناس‏ ‏عايشة‏ ‏في‏ ‏المريخ‏ .. ‏كل‏ ‏الناس‏ ‏بتحب‏ ‏وبلاش‏ ‏نضحك‏ ‏علي‏ ‏بعض‏, ‏كل‏ ‏الفكرة‏ ‏ان‏ ‏البنت‏ ‏كانت‏ ‏تحكي‏ ‏لاختها‏ ‏او‏ ‏صديقتها‏ ‏والان‏ ‏اذا‏ ‏كان‏ ‏عندها‏ ‏مشكلة‏ .. ‏تحكيها‏ ‏في‏ ‏الاذاعة‏, ‏كما‏ ‏انني‏ ‏لا‏ ‏أشجع‏ ‏علي‏ ‏الغلط‏ ‏وهذا‏ ‏واضح‏ ‏في‏ ‏كلامي‏.‏
‏
‏طموحك‏ ‏كمطرب‏.. ‏الي‏ ‏اين؟‏
‏انا‏ ‏اغني‏ ‏بمزاجي‏ ‏وحسب‏ ‏شعوري‏ ‏الشخص‏ ‏لانها‏ ‏هواية‏ ‏ولذلك‏ ‏عندما‏ ‏أجد‏ ‏الاغنية‏ ‏المناسبة‏ ‏أقدمهاعلي‏ ‏الفور‏, ‏بالمناسبة‏ ‏انا‏ ‏سأشارك‏ ‏بصوتي‏ ‏فقط‏.. ‏بشخصيتي‏ ‏الحقيقية‏ ‏في‏ ‏فيلم‏ ‏يتم‏ ‏تصويره‏ ‏حاليا‏ ‏بطولة‏ ‏احمد‏ ‏حلمي‏ ‏ونور‏.. ‏وقصة‏ ‏الفيلم‏ ‏كلها‏ ‏عن‏ ‏برنامج‏ ‏انا‏ ‏والنجوم‏ ‏وهواك‏.‏







اااااااااااه:mdr:

بسرعة حكمة الموضوع عشان الحق اعالج الحاجات الضاربة عندي :!


يا اسامة ...بحبك ...

اوي ..نفسي اشوفك ...

لحظه بس ...اقابلك ...

وربنا يا حبيبي لو شفتك..؟؟


هاعمل معاك واجب محترم ..:mdr:





...موبايلات بقا هه..:mdr:





.

[koky25]

انا مش فاهماه
انت بتتريأ على اسامة و لا ايه
انا عن نفسي شايفة ان الراجل مغلطش
ولا ايه؟؟؟؟؟؟؟؟؟؟؟

[haiam85]

بتنجان بس ياليو ده بتنجان وحاجات تانيه كتير بس بصراحه انا مش ضد اسامه منير انا اصلا مش بحب البرنامج ده انا ممكن اسمعه كده من الزهق بس اسامه مش بيقول غلط. كتير بلائيه بيقول كلام حلو اوى وساعات ببقى حاساه بيفرقع من اللى بيكلموه وعايز يقفل فى وشهم بس هو اللى يضايق فعلا البنات والستات اللى بيتصلو لان كتير منهم ميعرفوش يعنى ايه احترام وفاضحين نفسهم بشكل غريب ومش عارفه جايبين جرأة منين يحكوا اللى بيقولوه ده.. يعنى ده حتى اذا بليتم فاستتروا مش اتفضحو

[el rayk gedan]

بص ياليو انا مش ضدك ولا مع أسامه منير وأنا أساسا مش متابع البرنامج لكن بسمعه كدا بالصدفه لما ابقى مشغل الــ FM
ببساطه مفيش حد أسمه مش بيحب عشان دى غريزة ملناش دخل فيها
ومتعرفش حصل ازاى وامتى فجأة تلاقى نفسك طبيت
وكل الناس صغير وكبير ولد او بنت غنى او فقير اوحتى متشرد كلهم بيحبوا
لكن مش بيبان عليهم ولا بيعرفوا يحكوا لحد عشان يوجهم صح ويفهمهم
لأن ببساطه فكرة الحب مرفوضه فى مجتمعنا ومش بنلاقى حد نفضفض معاه
وكمان ان أغلب الناس الى بتحب هما المراهقين وبيبقوا مش عارفين يتصرفوا أزاى وكل الى بيعرفوا بيبقى عن طريق أصحابهم وده الى بيودينا فى الاخر لطريق غلط
عشان المصدر الى أخدوا منه المعلومات مش متخصص بل مراهق زيهم
عشان كدا الراجل ما غلطش وقال ان الكل بيحب سواء عارف او مش عارف الصح من الغلط لكن الكل بيحب ومحدش يقدر يمنعهم
وانا لاحظت كام مرة من ردود أسامه انه دايما بيرد ويقول اذا كان العلاقه علاقه حب وخلاص يبقى تنهيها أحسن لكن لو الجواز كان فى الخطه يبقى كملى معاه بس بشرط ان يكون بيعمل الى عليه عشان تنتهى القصه بالجواز انشاء الله
يعنى الراجل بيحاول يهدى الناس عشان متلجأش لأصحاب السوء
مش عاوز أطول أكتر من كدا لكن متزعلش منى ياليو انا كنت داخل عشان بحسبك بتهرج وكدا وكنت ها هرج معاك
لكن انت بس هتلاقيك سمعت حلقه من حلاقاته دايقتك ولا حاجه عشان كدا أخدت عنه فكرة وحشه
ويارب ميكونش كلامى دايقك

[bigsonson2003]

انا احسنلى معلقش عنه او عن مواضيعه لأن رأيى مش حيعجب ناس كتير وخصوصا مراهقين بنات بس وماله اهو بياكل عي من ورا صوته اللى مدوب نص حريم البلد

[lyonaids]

ههههههههههههههه:mdr:

لا طبعا بالعكس كلامك يدايقني ليه هو ليبقي راي الناس زي رأيي لاما بلاش

لا طبعا ده رايك ...بس انا حاسس ان برنامجة بيساعد الولاد والبنات عالكذب لانهم بيكذبو في بياناتهم وفي حاجات كتير في قصصهم ..وكمان ساعات كانو بيشهرو وبيفضحو ناس يعرفوهم في حكاياتهم ..

انا مش متدايق يارايق من اسامه علي قد ما متدايق من الاشكال اللي بتيجي تتكلم ..اسمع دي ...

بنت مرة اتكلمت .

.ويارب اشوف البنت دي قدامي والله ياعم مااسيبها :mdr:

الحلوة بقي اتكلمت بطريقة يارايق لو سمعتها ممكن تعيط من الغيظ..

والمصحف...مرفعة صوتها بدرجة بشعة ..وبتمثل بطريقة ابشع..

وكلامه بتقولله انا بقي مش عارفة اعمل ايه في نفسي..انا جميلة وكل الصبيان بيحبوني..مرة واحد حاول ينتحر عشاني..والتاني ساب بيته وهيهاجر عشان يبعد عني بعد مانفصلنا...والتالت ..كان هيعيط قدامي في الشارع ..وكدا البنت ماكملتش لان اسامه قاللها انتي ليه محسساني انك سندريللا ...:mdr:بجد يارايق اتفقعت ..هنا اسامة كان كويس

والضيف اللي مش كدا...بس ده استثناء...بس انا رأيي الشخصي

ان اسامة منير ده ممثل جدا...ومغرور جدا...ومعجب بنفسه وبيتخن في صوته ..وبيفتي في امور الحب كأنه ابو كيوبيد بتاع الحب ..:mdr:


بجد انا بكره برنامجة اوي...لحد دلوقتي ...!!

[lyonaids]

انا احسنلى معلقش عنه او عن مواضيعه لأن رأيى مش حيعجب ناس كتير وخصوصا مراهقين بنات بس وماله اهو بياكل عي من ورا صوته اللى مدوب نص حريم البلد

هههههههههههههههه:mdr: حسااااااااان حبيب قلبي وقلب شاكيرا ...

وحشتني والله يبني...انت ورايق اللي منفضلي خالص ماشي يارايق..

تعليقك قصير يا حسن ..انا عايز اضحك والله منك كتير بقا ...


انا عايزك توضح زيادة بقي يا حسن
انت ليه مش عايز تعلق علي الاخ اس:mdr:هههههههههههه

[tito love]

walahy ya gma3a elragl da mo7tarm gedan gedan gedan we ana 3n nafsy bamoooot feeh

[bigsonson2003]

شوف يا برنس انا بكره اى شخصية تلعب على وتر المراهقة او السن الحرج لأن الفترة دى فترة جامحة والشباب بياخدوها بعنفوانية ومش طبيعى ان من كل 20 مكالمة تلاقى ولد واحد بس لأن دا وان دل على شىء بيدل ان فيه حاجة مبقتش تمام فينا وانا مش بستبعد نفسى من الناس دى
البرنامج معمول من 12 الى 2 صباحا يعنى والناس نيام واللى بيتكلم بنات بس طب ليييييييييييه؟؟؟
بدل ما البنت تروح تحكى لأمها وتاخد رأيها بتسأل واحد عبر الأثير والمصيبة انه بيقول اراء جايز صح وجايز غلط ماهو كلامه مش قرأن واللى يمشى عليك ما يمشيش علياوالمشكلة انه كشخصية اللى انا قر يته والله اعلم انه مش قدوة وبيعمل حاجات مش ولا بد اذن هو مش البنى ادم اللى اثق فيه وبعدين معلش يعنى هو انا او انت عندنا شوية دم بنتى تيجى تقولى ممكن يا بابا اكلم اسامة عشان اسأله على مشكلة مع صاحبى؟؟؟ او حبيبى ؟؟؟
بذمتك دا يعنى حاجة تعقل

[lyonaids]

اسكت يا تيتو هه..:mdr:

مهو محترم بس بيغيظني بالافتا اللي بيفتيه ده يا عمنا

يرضيك يعني مثلا بنت تقوله انا من كفر الشيخ وبحب واحد من مدغشقر

واعمل ايه ..يقوم قايلها الحب مافهوش مستحيل :mdr:

كلميه عالنت خليه يبعتلك تذكرة اول طيارة طالعة مدغشقر...:mdr:


فيييييييييه اييييييييييه !!

[lyonaids]

شوف يا برنس انا بكره اى شخصية تلعب على وتر المراهقة او السن الحرج لأن الفترة دى فترة جامحة والشباب بياخدوها بعنفوانية ومش طبيعى ان من كل 20 مكالمة تلاقى ولد واحد بس لأن دا وان دل على شىء بيدل ان فيه حاجة مبقتش تمام فينا وانا مش بستبعد نفسى من الناس دى
البرنامج معمول من 12 الى 2 صباحا يعنى والناس نيام واللى بيتكلم بنات بس طب ليييييييييييه؟؟؟
بدل ما البنت تروح تحكى لأمها وتاخد رأيها بتسأل واحد عبر الأثير والمصيبة انه بيقول اراء جايز صح وجايز غلط ماهو كلامه مش قرأن واللى يمشى عليك ما يمشيش علياوالمشكلة انه كشخصية اللى انا قر يته والله اعلم انه مش قدوة وبيعمل حاجات مش ولا بد اذن هو مش البنى ادم اللى اثق فيه وبعدين معلش يعنى هو انا او انت عندنا شوية دم بنتى تيجى تقولى ممكن يا بابا اكلم اسامة عشان اسأله على مشكلة مع صاحبى؟؟؟ او حبيبى ؟؟؟
بذمتك دا يعنى حاجة تعقل


يااااااااااااه ..


الللللللللللللله :mdr:

اقسملك بالله انا بتكيف من كلامك ده يا منبع الحكمة والكلام السهل الممتنع ..يااااااااااه يا حسسسسسن والله فظيع ....بديع...


مريييييع :mdr:

روح ياشيخ ....

وتعالي بسرعة :mdr:

[lyonaids]

بتنجان بس ياليو ده بتنجان وحاجات تانيه كتير بس بصراحه انا مش ضد اسامه منير انا اصلا مش بحب البرنامج ده انا ممكن اسمعه كده من الزهق بس اسامه مش بيقول غلط. كتير بلائيه بيقول كلام حلو اوى وساعات ببقى حاساه بيفرقع من اللى بيكلموه وعايز يقفل فى وشهم بس هو اللى يضايق فعلا البنات والستات اللى بيتصلو لان كتير منهم ميعرفوش يعنى ايه احترام وفاضحين نفسهم بشكل غريب ومش عارفه جايبين جرأة منين يحكوا اللى بيقولوه ده.. يعنى ده حتى اذا بليتم فاستتروا مش اتفضحو

وادي كمان بنت ...من الجنس اللطيف تعلن ..انها مابتحبش البرنامج المخرب ده ...لااااااا لبرنامج انا والنجوم وأفاك لااااااا للفسااد

لا للتمثيل ...:mdr:

لا لاعلانات بين الفاصل ...!!

لا للاس ام اس اللي بتاكل من لحم الشباب الغلباناااا!!!

لا للنفاق باسم الحب و البرنامج اللي عاملاه ادارة القناة عشان يكسب القناه ويشهرها بأبو صوت تخين مسهوك ده:mdr:


لا للاف ام والف اخس عليهااااااااا...:mdr:


لاااا للراديو اصلا ...وليه نسمع راديو
واحنا عندنا التليفزيون وموقع الديفيدي هه:mdr:??

[bigsonson2003]

ياعم انا برده لازم اقول حاجة ساعات مواضيعه بتعجبنى بس ردوده وردية اوى وبتغيظنى يعنى واحدة متصلة مرة تقوله اصل(بابى) مش موافق على مش عارف مين كدا عشان هو اكبر منى ب6 سنين بس انا بحبه اوى اوى يا اسامة وبموت فيه حيطلعلو كالو فى ودانى لو متجوزتوش او حنتحر من فوق الرصيف يروح عمك دا قايلها الحب مفيهوش مستحيل(كأنه اعلان nike )
وانها ممكن تروح تسنن نفسها اكبر من سنها وساعتها ممكن تتجحوزه ياعم بلا وجع دماغ ويقعد اول كل فترة يقولك كلام من اشعار الحلزونةيا اماالحلزونة عن الحب وغير كدا وكدا اللى تقوله عايزة رقمك عشان احكيلك مشكلتى عشان مينفعش على الهوا!!!!!!!!!!!
حتحكيله ايه يعنى بالله عليك؟

[kokilina]

بص بقى يا ليو كويس بقى انى لقيت حد مشاركنى فى غيظى من البرنامج ده..انا عن نفسى اخر مره سمعته كانت من تلات سنين بالضبط ومن ساعتها مبسمعش لا اسامه ولا نجوم اف ام عشان كده كنت متردده انى ارد على الموضوع بس قولت بقى افش غلى شويه ..والراجل مسبنيش فى حالى لا دا جه ورايا البيت بيتك من فتره كده قال ايه بيتكلم عن مشاكل الشباب بس هاتكلم بقى بصراحه انا معرفش اسامه منير ولا اعرف شخصيته ولا يهمنى اعرفها ولا حتى ارائه تهمنى فى حاجه ..بس البرنامج نفسه سخيف وتافه ..تخيل انت بقى تكون قرفان وطهقان من عيشتك وبتفكر انك عاوز تشترى حاجات مهمه مثلا وفلوسك خلصت وسالف من صاحبك وعمال تفكر هتعمل ايه وشغلك ومصالحك وعمرك اللى بيجرى تقوم بقى تلاقى صاحبنا طالع بصوته من وسط الضباب ويقولك الحب هو معرفش ايه فى بتاع ايه ..حب بقى وانت هتلاقى الكون بمبى فى وردى ..تخيل تبقى عاوز تخنقه ولا لا ؟ يعنى خلاص مشاكل الشباب انحصرت فى الحب والعواطف والرومانسيات وصاحبى سابنى وصاحبتى اتجوزت واحد غنى وترباتاتى ..ايه ده ؟ انا معرفش الصراحه الراجل زى ما هو من تلات سنين ولا اتغير ..المهم من فتره على البيت بيتك لما كانوا بيجيبوه عجبنى مره واحده بس لما اتكلم عن فراغ الشباب واننا بنضيع وقتنا فى حاجات هايفه وكده ..غير كده حب بقى وحب ايه اللى انت جاى تقول عليه وياللى ظلمتوا الحب وقولتوا وعدتوا عليه -الله عليكى يا ست -بصراحه شايفه يعنى ان الحياه فيها من الهم والغم اكتر من مشاكل الحب ..عارفه ان دى مرحله عمريه معينه وكلنا مرينا بيها وكده بس هى معلقه شويه معاه ..وبما انك اديتنى الفرصه للكلام فنفسى اعرف ليه مفيش برنامج بقى عن مشاكل الشباب اللى بجد وبحق وحقيق ؟ يعنى مثلا عن البطاله ؟ عن فرص العمل ؟ عن الواسطه ؟ عن الهجره ؟ ليييييييييييييييه ؟؟ مش بجد الناس محتاجه توجيه فعلا فى الامور دى ؟؟؟؟؟؟؟؟؟؟؟؟؟؟؟ ولا خلاص بقينا مرفهين لدرجه ان مشاكلنا تخطت كل الحاجات دى وبقت فى يوم ما حبيبى ودعنى ؟؟؟

[mido-ghost]

انا مش فاهماه
انت بتتريأ على اسامة و لا ايه
انا عن نفسي شايفة ان الراجل مغلطش
ولا ايه؟؟؟؟؟؟؟؟؟؟؟

ولا BBBB

:thumbdown:

[ZOLA_ALEX]

انا عاوز اقول حاجه عن اسامه منير
الراجل ده بيفكرنى بالبطل بتاع فيلم سووو

[SHADIMETALLIAN]

يا عم هي ناقصه
ده عايش فيلم عربي

[el rayk gedan]

شوف يا برنس انا بكره اى شخصية تلعب على وتر المراهقة او السن الحرج لأن الفترة دى فترة جامحة والشباب بياخدوها بعنفوانية ومش طبيعى ان من كل 20 مكالمة تلاقى ولد واحد بس لأن دا وان دل على شىء بيدل ان فيه حاجة مبقتش تمام فينا وانا مش بستبعد نفسى من الناس دى
البرنامج معمول من 12 الى 2 صباحا يعنى والناس نيام واللى بيتكلم بنات بس طب ليييييييييييه؟؟؟
بدل ما البنت تروح تحكى لأمها وتاخد رأيها بتسأل واحد عبر الأثير والمصيبة انه بيقول اراء جايز صح وجايز غلط ماهو كلامه مش قرأن واللى يمشى عليك ما يمشيش علياوالمشكلة انه كشخصية اللى انا قر يته والله اعلم انه مش قدوة وبيعمل حاجات مش ولا بد اذن هو مش البنى ادم اللى اثق فيه وبعدين معلش يعنى هو انا او انت عندنا شوية دم بنتى تيجى تقولى ممكن يا بابا اكلم اسامة عشان اسأله على مشكلة مع صاحبى؟؟؟ او حبيبى ؟؟؟
بذمتك دا يعنى حاجة تعقل


بص يا حسن أهم حاجه انه يتكلم عن المرهقين عشان دى فترة خطيرة جدا وبتبقى عايزة أهتمام كبير من اولياء الامور لكن للأسف الاب مشغول فى شغله او الام مش فاضيه تسمع الكلام التافه ده وطبعا ده بالنسبالهم

اما بالنسبه ممكن يا بابا اكلم اسامة عشان اسأله على مشكلة مع صاحبى؟؟؟ او حبيبى ؟؟؟

اذا كان ينفع تقول لأبوها كدا يبقى من الافضل كان ابوها قعد معاها وفهمها هو بدل ما تلجأ لحد غريب
لكن الحب فى مجتمعنا مش معترف بيه وفنظر المجتمع شئ مش مقبول وغير مسموح انك تتكلم فيه
لكن دى الفرصه الوحيده لناس كتيير عشان تفضفض وتبوح عن الى جواها
وماهو اذا كان فى حد مهتم بيهم ومستعد يسمع يبقى مكنش اتعمل البرنامج
يعنى الغلط من عندنا مش من الراجل وبعدين اذا كان فى بنات مش كويسه بتتصل يبقى ده مش ذنب اسامه ولا ذنب البرنامج
وانا والله مش بدافع عن أسامه عشان بحبه وكدا لكن والله انا شايف ان الراجل مغلطتش والناس الى بتتصل هى الى سؤت سمعت البرنامج
وانا مش بسمع البرنامج خالص والله أخر مرة سمعت فيها البرنامج كان تقريبا من حوالى سنه

وسورى اذا كان كلامى دايق حد

[el rayk gedan]

بص بقى يا ليو كويس بقى انى لقيت حد مشاركنى فى غيظى من البرنامج ده..انا عن نفسى اخر مره سمعته كانت من تلات سنين بالضبط ومن ساعتها مبسمعش لا اسامه ولا نجوم اف ام عشان كده كنت متردده انى ارد على الموضوع بس قولت بقى افش غلى شويه ..والراجل مسبنيش فى حالى لا دا جه ورايا البيت بيتك من فتره كده قال ايه بيتكلم عن مشاكل الشباب بس هاتكلم بقى بصراحه انا معرفش اسامه منير ولا اعرف شخصيته ولا يهمنى اعرفها ولا حتى ارائه تهمنى فى حاجه ..بس البرنامج نفسه سخيف وتافه ..تخيل انت بقى تكون قرفان وطهقان من عيشتك وبتفكر انك عاوز تشترى حاجات مهمه مثلا وفلوسك خلصت وسالف من صاحبك وعمال تفكر هتعمل ايه وشغلك ومصالحك وعمرك اللى بيجرى تقوم بقى تلاقى صاحبنا طالع بصوته من وسط الضباب ويقولك الحب هو معرفش ايه فى بتاع ايه ..حب بقى وانت هتلاقى الكون بمبى فى وردى ..تخيل تبقى عاوز تخنقه ولا لا ؟ يعنى خلاص مشاكل الشباب انحصرت فى الحب والعواطف والرومانسيات وصاحبى سابنى وصاحبتى اتجوزت واحد غنى وترباتاتى ..ايه ده ؟ انا معرفش الصراحه الراجل زى ما هو من تلات سنين ولا اتغير ..المهم من فتره على البيت بيتك لما كانوا بيجيبوه عجبنى مره واحده بس لما اتكلم عن فراغ الشباب واننا بنضيع وقتنا فى حاجات هايفه وكده ..غير كده حب بقى وحب ايه اللى انت جاى تقول عليه وياللى ظلمتوا الحب وقولتوا وعدتوا عليه -الله عليكى يا ست -بصراحه شايفه يعنى ان الحياه فيها من الهم والغم اكتر من مشاكل الحب ..عارفه ان دى مرحله عمريه معينه وكلنا مرينا بيها وكده بس هى معلقه شويه معاه ..وبما انك اديتنى الفرصه للكلام فنفسى اعرف ليه مفيش برنامج بقى عن مشاكل الشباب اللى بجد وبحق وحقيق ؟ يعنى مثلا عن البطاله ؟ عن فرص العمل ؟ عن الواسطه ؟ عن الهجره ؟ ليييييييييييييييه ؟؟ مش بجد الناس محتاجه توجيه فعلا فى الامور دى ؟؟؟؟؟؟؟؟؟؟؟؟؟؟؟ ولا خلاص بقينا مرفهين لدرجه ان مشاكلنا تخطت كل الحاجات دى وبقت فى يوم ما حبيبى ودعنى ؟؟؟

يا كوكى الحياة مش كلها فلوس وسلف وخلاص وبعدين انتى مصغرة مشكلة الحب اوى وده الى مخلى الشباب ماشيه عرفى عشان مفيش توجهيه ومفيش الى يسمع مشاكلهم
يابنتى البرنامج ده اتعمل عشان المشاكل الحقيقيه الى بين الشباب
لكن بما أن البرنامج مفتوح لمشاركة أى حد فا تلاقى كل من هب ودب يتصل
تلاقى واحد بيتصل يقولك انا سألت واحده على الساعه, قالتلى الساعه دلوقتى 3:00 السؤال هنا هل هى كدا بتحبنى او بتبادلنى نفس الاحساس ؟؟
طبعا المثل من دماغى
وانااقصد ان فى مشركات تافه من بعض الشباب والبنات لكن أسامه مفيش فى أيده حاجه غير انه يرد عليها ولو المشاركه مستفزة أضعف الايمان بياخدها بتهريج او مش بيرد عليها
لكن فى مشاكل حقيقيه بين الشباب ونفسهم فى حد يفضفضوا معاه غير أصحاب السوء
وكمان يا كوكى أصعب الامراض هو المرض النفسى , لما يكون الواحد تعبان نفسيا بيحس بشلل فى كل جسمه
لكن على العموم ده رأيك وانتى حره فيه وانا مقدرش أغيره لكن أنا حبيت أغير مفهوم خاطئ
وكل سنه وانتى طيبه

[kokilina]

وانت طيب يا رايق انا مقصدش اصغر مشكله الحب انا اقصد اكبر المشاكل التانيه اللى بجد محدش بيناقشها ولا بيهتم بيها ..وانت جبت بيت القصيد وهو ان فعلا فيه مشاكل تافهه جدا سواء فى الحب او فى غيره ..انا قصدى بس ان ندى لكل حاجه حجمها زى ما الحب واخد حقه تالت ومتلت فى تفكير الشباب ياريت المشاكل التانيه كمان تاخد حقها وبعدين للاسف البرنامج بيسطح تفكير الشباب ومديهم الوهم ان الحب هو حل كل مشكله فى الدنيا وان عادى يعنى تحب وتعيش وانت لسه طالب فى كليه بتاخد مصروفك ..يعنى المفروض ان اسامه او غيره يوعوا الشباب بجد ان الاهم فالمهم ..الاهم تنجح وتبنى نفسك ولما تحس ان اللى ناقصك فى حياتك هو الحب يبقى ساعتها يا اهلا وسهلا ..دا قصدى مش اكتر
وكل سنه والجميع طيبين وبخير

[el rayk gedan]

عموما أنا قلت الى أعرفه بس فعلا انا معاكى فأن المفروض يبقى فى برامج لمناقشه المشاكل الاكبر لكن ده طبعا مش فأدينا
وأكيد انتى عارفه ان المشكله وحلها فأيد مين ؟؟

وكل سنه وانتى طيبه كمان مرة

[bigsonson2003]

وهو دا مبرر انى او اى بنت الجأ لواحد اسأله فى مشاكل عاطفية فى سن مراهقة؟؟
الصح بين والغلط بين وهو لو كان عمل البرنامج دا فى عز الضهر او بدرى شوية يبقى حد يقابلنى لو فيه بنت اتكلمت
وبعدين مين قالك ان الحب مش معترف بيه؟؟؟ دا احنا شبعنا افلام حب واحمد ومنى بس مش معنى كدا انى اعمل برنامج مخصوووووووص عن الحب بس
لو مهتم قوى بالمراهقين كان عمل برنامج لمشاكل الشباب عموما مش الحب بس
يابرنس فيه حاجات اكبر واخطر بكتير من المشاكل العاطفية لأن المشاكل اللى بجد مش نابعة من العواطف ولكنها نابعة من ظروف الحياة الصعبة

[el rayk gedan]

حسن انا قلت لو أبوها كان أقعد معاها من البدايه عشان يفهمها الصح والغلط مكنتش لجأت لحد غريب يعنى أحنا الى غلطانين مش هو وبعدين احنا بنتكلم على أسامه انت ايه الى دخلك فى البينت دلوقتى ؟؟..:whistle:

[bigsonson2003]

تمام وانا قريت الرد والحل احنا عارفينه فى ايد مين فعلا

[bigsonson2003]

عشان الطرف التانى فى المشكلة هو البنت وللاسف هى برده الضحية فى نفس الوقت انا لما بتكلم على اسامة بقول انه بيلعب على سن المراهقة
وطبيعى ان البنات ينجذبوا قبل الاولاد عشان كدا انا بجيب سيرة البنت

[el rayk gedan]

وبالمناسبه كل سنه وانت طيب يا ابو على والسنه الجايه يكون معاك العروسه مش زى كوكى بتقولك اهم حاجه الشغل

[عمرونبيل]

شوف انت بتتكلم زيه ازاي شوفت انت صوتك زيه ازاي انت لسه بتسمع البرنامج ده
اوعى اشوفك بتسمع البرنامج ده تاني (وسيم وسيم وسيم وسيم وسيم وسيم)
الحقني يا ليو في شريط رخم عندي انا بتسف

[bigsonson2003]

وانت طيب يا باشا بس لسة بدرى يا باشا كدا حلو طائر يحلق وحيدا شريدا فى سماء العزوبية ولكن سعيدا
انت اللى عقبالك كدا بواحدة بنت حلال

[el rayk gedan]

هعهعهعهع شريدا فى سماء العزوبيه ؟ يابنى انا هتجوز عشان مش لاقى حاجه أعملها واهو الجواز هيشغلنى شويه

[el rayk gedan]

يلا تصبح على خير انت وكوكى

[bigsonson2003]

وانت من اهله

[lyonaids]

ياعم انا برده لازم اقول حاجة ساعات مواضيعه بتعجبنى بس ردوده وردية اوى وبتغيظنى يعنى واحدة متصلة مرة تقوله اصل(بابى) مش موافق على مش عارف مين كدا عشان هو اكبر منى ب6 سنين بس انا بحبه اوى اوى يا اسامة وبموت فيه حيطلعلو كالو فى ودانى لو متجوزتوش او حنتحر من فوق الرصيف يروح عمك دا قايلها الحب مفيهوش مستحيل(كأنه اعلان nike )
وانها ممكن تروح تسنن نفسها اكبر من سنها وساعتها ممكن تتجحوزه ياعم بلا وجع دماغ ويقعد اول كل فترة يقولك كلام من اشعار الحلزونةيا اماالحلزونة عن الحب وغير كدا وكدا اللى تقوله عايزة رقمك عشان احكيلك مشكلتى عشان مينفعش على الهوا!!!!!!!!!!!
حتحكيله ايه يعنى بالله عليك؟



هههههههههههه كأنه اعلان nike ..؟؟!!

وربنا يا حسن انت موتني من الضحك :mdr:
انا نسيت صح اشعار الحلزونة اللي بيقعد يقولها دي...:





عيناكي ..: اجمل من بيض شم النسيم !!

وشفتاكي...: مش عارف من غيرهم اروح لمين..!

ورجلاكي..: اجمل من رجلين ابو تريكة..واللاعيبة التانيين!!

يا فاتنتي .....بحبك عشان انتي جامدة ...

هتسيبيني ..وتروحي لميييييين :mdr:






ااااااااااخ......يااااااااااااه ....يا أسامة !!

[eng_omar_1]

هههههههههههههههه
والله انت مصيبة يا ليو

لولا اني طالع من الحج لسه كنت عملتلك رد فظيع
بس انت بجد باين عليك مخنوق قوي منه
هههههههههههه
يا راجل ده كويس قوي....!!!
كان في واحد صاحبي بيجب يسمعه ايام لما كنا بنسهر شوية في الشغل
ايام لما كنت في مصر من 3 سنين
يااااااااااه كانت ايام
منيلة بستين نيلة
.....
ارد عليك بعد الفاصل

[lyonaids]

بس يا عمرو انا قلتلك تدعيلي في السعودية وشكلك ما عملتش اي حاجة ليا انا جالي برد ..:mdr:

استناني اقرا كلامك تاني وهارد ...

[blues]

الحمدلله الحمدلله الحمدلله
لقيت ناس طبيعين زي و مطلعتش انا الوحيده في مصر اللي مبتحبش تسمع "عمو" أسامه منير :glasses:
ووووووووووه...........هروح احتفل بالخبر ده :0: وارجع ارد تاني

[lyonaids]

ههههههههه اكيد طبعا في ناس طبيعيين كتير...

انا عن نفسي ...بقوللك كسرت راديو قبل كدا :mdr:


قال بكل الحب هنتكلم عن الحب ..!!

المفروض يقول بكل الغش ..هنكسب من وراكو فلوس للقناه :mdr:




ميرسي لكي blues علي متابعتك وتعليقك الظريف ..

وكل عيد وانتي طيبة وبخير




..

[eng_omar_1]

بس يا عمرو انا قلتلك تدعيلي في السعودية وشكلك ما عملتش اي حاجة ليا انا جالي برد ..:mdr:

استناني اقرا كلامك تاني وهارد ...

الف سلامة عليك يا حبيبي
مليش دعوة ياعم

[Elhop_elmostahe]

بص ده راى واحد من مليون ولا لى اى لزمه وكل واحد حر فى رايه مش علشان انت مش بتحبه ولا مش على هواك تحاول تكره غيرك فى رجاء اللى مش عجبو او معترض على اى حاجه بغض النظر عن اسامه او غيرو ياخد قرارو لوحدو ومش شرط يخلى كل الناس تشاركو

[omnia_omo]

اولا كيوبيد ملهوش اب... كيوبيد ده اله روماني و امه هي فينوس.. و ملهوش اب..نظيره اليوناني هو اروس و امه هي افروديت.. و برده ملهوش اب... يعني واد يتيم متشرد
ثانيا اسامه منير ربنا يهديه و يهدي الجميع... و فى برنامج بيجي على ال ART اسمه باين كلام الليل .. و بيقدمه اتنين ميفرقوش عن اسامه منير فى حاجه.. يعني الموضوع وصل لمنحنى خطييييييييير.. بقى موضه
الموضوع مش حكايه مراهقين بيحكو مشاكلهم و بس.. بس على رأي رفعت اسماعيل ان الغريزة البشريه مش هتقدر تقاوم ان صوتها يطلع فى الراديو و الالاف يسمعوه
انا مش بسمع البرنامج و الحمد لله ان ازاعه نجوم اف ام بتيجي وحش فى اسكندريه... بس بصراحه انا سمعت كتير عن اسامه منير و كفايه اسمع صوته عشان يركبني 38 عفريت

[lyonaids]

بس على رأي رفعت اسماعيل ان الغريزة البشريه مش هتقدر تقاوم ان صوتها يطلع فى الراديو و الالاف يسمعوه



ميرسي لكي امنية ..تعليقك فعلا مفيد جدا..واضاف للموضوع المعلومة دي عن عمو كيوبيد ..اللي اعتقد انه عبارة عن طفل اصله مصري ..من سكان العشوائيات ..بيتمشي كتير في الشارع لانه عاطل :mdr:

بيستني اي بنت وولد بيبصو بس لبعض ..
وبعدين يروح رامي عليهم السهم اياه ده وعلي حسب ما بييجي بأه:mdr:


علي فكرة كلمتك اللي كتبتيها في الاقتباس فوق ده ..بجد كويسة جدا...واختصرت موضوع كامل ..وسبب اساسي من اسباب البرامج دي ..كلمة بجد في الصميم ..اشكرك عليها ..واشكر اكتر مرورك

[eng_omar_1]

اللي اعتقد انه عبارة عن طفل اصله مصري ..من سكان العشوائيات ..بيتمشي كتير في الشارع لانه عاطل
لا ياراجل هو اللي قابلته يوم العيد وديته ربع جنيه مخروم كان كيوبيد
يا بن اللذينا
ماشي ..........
!!

[lyonaids]

بص ده راى واحد من مليون ولا لى اى لزمه وكل واحد حر فى رايه مش علشان انت مش بتحبه ولا مش على هواك تحاول تكره غيرك فى رجاء اللى مش عجبو او معترض على اى حاجه بغض النظر عن اسامه او غيرو ياخد قرارو لوحدو ومش شرط يخلى كل الناس تشاركو


ميرسي جدااااااااا انت زوق اوووي فعلا ...

بس احب اقوللك ان تلات اربع الناس اللي ردت متدايقين من البرنامج ..!

شكرا ليك

[el_2irsh]

انا مش فاهماه
انت بتتريأ على اسامة و لا ايه
انا عن نفسي شايفة ان الراجل مغلطش
ولا ايه؟؟؟؟؟؟؟؟؟؟؟



*__________________________*
مغلطش في ايه بالظبط

طب ايه الصح اللي بيعمله


طب استفدتي منه ايه لحد دلوقتي طالما انتي من متابعينه؟؟؟؟!!!!!

[lyonaids]

والله يا عم انت جنتلمان حقيقي...:mdr:

مية ميه انك متفق معايا ان الواد اسامة ده اوووفر اوي اوي ...


ميرسي لك مرورك .واتمني لك التوفيق.

[koko_beh2300]

حب الرجل للنساء شئ معروف انه غريزي بس في حاجه اسمها الحب الطاهر وحاجه اسمهاخشى ماهو سيدنا محمد كان بيحب السيدة خديجة وكانت السيدة خديجة تحبه ولم تصارحه بحبهاالي ان تقدم الرسول لزواجها مثل هذه الايام -المعلم بيقولك البنت مابقتيش تقول لامها ولا لاختها وخايفه ابوها ولا اخوها يعرفوا يبقى اكيد عامله عامله وبمعني اصح يبقى مش حب يبقى مراهقه جنسية لا اكثر ولا اقل او بتتفرج على الافلام كتير ونفسها تعيش قصة حب


كفايه عليكم كده انا عارف إن انا صدعتلكم دماخكم بس على فكره في مواضيع اسامة منير بيتكلم فيها بموضعية زي الست الي كانت بتخون جوزها وعايزي تدي مبررات انا بصراحه كنت معاه بس اكتر كلمه بكرها منه انتي مرتبطة الي بيرد بيها ع البنات اول ما يتكلموا في التليفون فاكر نفسه زكيا زكريا

[dalila7777]

هاى اما عن راى فى برنامج اسامه منير فهو برنامج مقزز بجد معرفش ليه انا مره بسمع البرنامج رغم عنى لان اختى الصغرى كانت متبعاه واجبرتنى انى اسمعه معاها بدعوى انه حيعجبنى لانى بصراحه وزى ما كلمك عارفين رومانسيه ورقيقه المهم ما علينا البيه يقولها ايه ولعيله شمعه وجو رومانسى يا رجل ده كلام يتقال يعنى هى ما تعرفش حتعمل فى بيتها ايه انا عن نفسى واللهى بسمع للناس ولو واحده متضايقه من جوزها بتحكى لصحبتها وبيوصلوا للحل ومعلش ناقش مشاكل على الملء لبنات استغفر ربى لو سمعت بلاويهم فىحلقه واللهى اترعبت
بنت سافرت الغردقه وعرفت واحد واتجوزت عرفى ونصحها تتجوز عشان يكون معاها ورقت جواز رجل كلامه فارغ اقول ايه اللى مزعل الواحد انه اعلامى ناجح وذكى ولما يكون انسان زى ده بيوظف افكاره فى خدمة المجتمع بيكون شىء جميل فيها ايه لو كان البرنامج للحب وبين الشباب وبيحل المشاكل بجد حيكون اكتر ضجه بجد انه اللى بيثقوا فيه بجد يلتحم بيهم اكتر يعرف مشاكلهم يحاول يحلها الاعلام سلطه وتوصيل الراى سلطه لكن الاعلامى النجاح يوظف كلامه فى خدمة المجتمع لو ربنا وهبك حب الناس وى نعمه وظفه لتكون سند ليهم ادام بيحبوك حيدافعوا عنك وحيكوناو الدعم شاب بيحب والحياه تعباه والدنيا معنداه من غير المسئول الفلانى والبيه العلانى حاول تساعده بانك تجيب لمجموعة الشباب دى وظايف ويكون البرنامج تحت رعاية الشركةالمعلنه وشركات كتير حيغيروا وحيساعدوا نفسنا نكون مجتمع انتاجى ننتج افكار تخمنا مش افكارهدامه البرناج مش عايزينه اسمه عايز وظيفه لكن كلام فى الحب بس كلام هادف لو فى ايدك الحل ساعد بيه بس مش فى الخفى انت مش بتعمل زكا انت بتعمل اعلام قوى يبدا بنفسه وحيلاقى الدنيا بتقلده

[lyonaids]

علي فكرة يا داليلا كلامك صح كله ..فعلا لو برنامجك جميل وصح وكل حاجة ايه اللي بيأخر وقتة بالطريقة دي ..زي ما يكون العالم دي بتسرق ..

ماننكرش ان في ناس بتفضفض في البرنامج ده.بس بحس انهم بيستعرضو..

وبعدين اسامة مش الشخصية اللي تحكم علي الموقف الفلاني مية المية وانفذ كلامه ...

يمكن في ناس بتقول البرنامج كويس ..ماقلناش حاجة ..خاصة انه اول برنامج يتكلم علي كدا..وده اللي مديله شهرة..!

بس في حاجات تانية في البرنامد لو المستمع حسها كويس هيعرف اد ايه الناس دي مسسسسستغلة ..جدا!