mody mo
10-12-2007, 04:04 AM
من غير ضحك ممكن تسمعوا معايا الحدوتة دى لو سمحتم
-------------------------------
ذهبت كعادتى كل شهر اللى القرية وحينما اوشكت الشمس على الغروب جلست
احتسى الشاى الذى اعدتة خالتى غنية وانا جالس فى شرفة منزلى المطل على نهر
النيل .. امسكت اوراقى وقلمى ابحث عن كلمات اغنية جديدة وما ان بدأت استعد
للكتابة حتى سمعت هممة بعض الرجال قادمون .. قلت فى سرى : استرها يارب
فجأتنى خالتى غنية بالخبر وقالت : دة العمدة ياأستاذ نبيل وشيخ الخفر ومعاة شوية
رجالة من البلد تلاجيهم عرفوا انك جيت جالوا يسلموا عليك
قمت مرحبا بهم وامرت غنية باعداد الشاى والكراسى للضيوف
ومن بعيد لم اجد ابتسامة عمدة بلدنا التى تعودت عليها حين استقبالى لة .. بل وجدت
نظرة فيها غضب قولت فى سرى : اللهم ما اجعلة خير
وقبل ان يجلس العمدة زعق : انا لية حق معاك يانبيل انت وتامر صاحبك
وهعمل معاكم انتم الجوز حق عرب ب 1000 جنية والغلطان يدفعهم للتانى
هكذا يكون حق العرب فى بلدنا .. ليست هناك قضايا ولا محاكم ولا ديولو
قعدة عرب يعملها كبراء البلد ويحكموا على الغلطان بالفلوس
ابتسمت من قول العمدة وقلت لة فى هدوء : وانا تحت امرك ياعمى العمدة
بس نجعد الاول نتفاهم ونشرب الشاى وبعد كدة اللى تأمر بية يتنفذ
جلس العمدة وباقى الرجال بجوارى بينما غنية تصب لهم اكواب الشاى
مازال العمدة فى ثورتة وغضبة وقال : بص بجى يانبيل ياولد اخويا
الخميس اللى فات كان فرح البت شربات بنت عمك زى ماانت عارف
وانا بجى علشان واثق فيك عزمت كبرات البلاد اللى حوالينا والعمد نسايبنا
وعزمت كمان اعضاءمجلس الشعب والشورى
وانا باعزمهم معرفش لية انسحبت من لسانى وحبيت اباهى بيك جدامهم وجلت لهم
ولد اخويا نبيل جاى الفرح وجايب معاة المطرب تامر حسنى
وهيغنى طول الليل وهتبقى ليلة جميلة جوى جووووووووووى
طبعا صدجونى علشان مش متعودين منى الكذب وعشان عارفين انك صاحب تامر
جوى جووووووووى ... وليلة الفرح كل واحد جايب معاة ولادة وبناتة ال اية نفسهم
يتصوروا مع تامر .. اتارى الولاد بيحبوة جوى جووووووووووى
كنت عامل حسابى فى جاموسة واحدة ادبحها فى الفرح لكن لما العدد كتر جولت لشيخ
الغفر ادبح كمان جاموستين .. تلاجى تامر هييجى هفتان هوة وفرجتة ولازم نعمل واجب
يشرف ابن اخوى نبيل .. المهم دبحنا التلات جاموسات وجبنا عشر طباخين من المركز
وحطيت اربعة من الخفر يستنوا تامر على المحطة وجلت لهم اول ما تلمحوا عربية سودا
اسمها هامر اضربوا البنادقبتاعتكم فى الهوا علشان اسمع ضرب النار واعرف ان تامر وصل
بس اوعووا الضرب ييجى ناحيتة او ناحية حد جاى معاة
كلة فى الهوا يعنى .. المهم جعدت اساتنى واستنى ان تامر بية يشرف او يوصل المحطة
ولا حياة لمن ينادى .. مشهاجولك بجى على التريجة اللى خدها عمك العمدة والتلقيح
والتنقويز من كل اللى حاضرين الفرح .. احنا مستنين تامر واتارية هوة فى سوريا
بيعمل حفلة .. هوة عمدة سوريا اجدع منى ولا اية ؟ .. انا مكنتش عارف اودى وشى من
الناس فين ... بصراحة من الكسوف كنت باجول ياحيطة دارينى
تركت عمى العمدة يكمل كلامة حتى النهاية كى امتص غضبة ثم قلت لة :
ياعمى العمدة انا قولت لك انا هاحاول اعزم تامر على فرحك البنت .. يعنى ماوعدتكش
ولا اديتك لمة نهائى انة جاى الفرح .. انت لية اتسرعت وقولت للناس ان تامر جاى الفرح
مش كنت تتأكد منى الاول فى التليفون قبل ماتقول للناس ان تامر جاى ؟
رد العمدة : منا جولت بجى انت عمدة فى الرابطة بتاعتة وعمرة ماهيكسرلك كلام .. ولا انت
بجى عمدة اونطة ؟
ضحكت من قول العمدة وقلت : ياعمى انا لغاية الان مش عارف اوصلهالك ازاى .. عمدة البلد
مش زى عمدة على النت .. حاول تفهمنى
رد العمدة : لا تفهمنى ولا افهمك .. بانت البركة ونشفت جراميطها انا من زمان وانا باجول ان اللى
بيجولوا علية جيمى دة اللى عينك عمدة اكيد مايعرفش يعنى اية كلمة العمدة او هوة لبسك جلابية
العمدة بتاع افلام السيما .. العمدة بصوح عندنا تبقى لية هيبة وكلمة مسموعة يعنى لما تجول لتامر
ييجى الفرح يبجى لازم ييجى الفرح
ضحكت مقهقها وقلت لة : عموما ياعم العمدة حجك على راسى وراس تامر كمان وان كان على حق
العرب انا ادفعلك الالف جنية ولا تزعل نفسك ياعمدة
ابتسم العمدة اخيرااااااااااااااا وهمس لى : المهم طمنى هوة تامر رجع بالسلامة من سوريا ؟
قلت : ايوة رجع بالسلامة .. قال لى : وصحتة كويسة ؟ قلت لة : عال العال
قال لى مازحا : كدة بجى انا استريحت لما رفت انة كويس ولو انى كنت ناوى ارفع علية قضية
تعويض علشان ماجاش الفرح وعشان الجاموستين الزيادة اللى دبحتهم عشانة
وكنت ناوى ارفع قضية كمان على اللى اسمة جيمى علشان عينك عمدة اونطة ..
قلت لة : اة لو جيمى سمع كلامك دة ياعمدة هيموت على نفسة من الضحك ..
اكمل العمدة كلامة : امانة بقى عليك يانبيل توصل لتامر سلامى وتجولة عمدة بلدنا خلاص
مش زعلان منك بس برضو مستنيك فى اى وقت تشرفة وتشرف البلد بالزيارة
قلت لة : من عنية ياعمدة
التفت العمدة لشيخ الغفر والرجالة الحاضرين وقال : فز ياجدع انت وهوة يلا نجوم بجى
علشان نبيل يستريح .. انا خلاص سامحتة وسامحت تامر
-------------------------------
ذهبت كعادتى كل شهر اللى القرية وحينما اوشكت الشمس على الغروب جلست
احتسى الشاى الذى اعدتة خالتى غنية وانا جالس فى شرفة منزلى المطل على نهر
النيل .. امسكت اوراقى وقلمى ابحث عن كلمات اغنية جديدة وما ان بدأت استعد
للكتابة حتى سمعت هممة بعض الرجال قادمون .. قلت فى سرى : استرها يارب
فجأتنى خالتى غنية بالخبر وقالت : دة العمدة ياأستاذ نبيل وشيخ الخفر ومعاة شوية
رجالة من البلد تلاجيهم عرفوا انك جيت جالوا يسلموا عليك
قمت مرحبا بهم وامرت غنية باعداد الشاى والكراسى للضيوف
ومن بعيد لم اجد ابتسامة عمدة بلدنا التى تعودت عليها حين استقبالى لة .. بل وجدت
نظرة فيها غضب قولت فى سرى : اللهم ما اجعلة خير
وقبل ان يجلس العمدة زعق : انا لية حق معاك يانبيل انت وتامر صاحبك
وهعمل معاكم انتم الجوز حق عرب ب 1000 جنية والغلطان يدفعهم للتانى
هكذا يكون حق العرب فى بلدنا .. ليست هناك قضايا ولا محاكم ولا ديولو
قعدة عرب يعملها كبراء البلد ويحكموا على الغلطان بالفلوس
ابتسمت من قول العمدة وقلت لة فى هدوء : وانا تحت امرك ياعمى العمدة
بس نجعد الاول نتفاهم ونشرب الشاى وبعد كدة اللى تأمر بية يتنفذ
جلس العمدة وباقى الرجال بجوارى بينما غنية تصب لهم اكواب الشاى
مازال العمدة فى ثورتة وغضبة وقال : بص بجى يانبيل ياولد اخويا
الخميس اللى فات كان فرح البت شربات بنت عمك زى ماانت عارف
وانا بجى علشان واثق فيك عزمت كبرات البلاد اللى حوالينا والعمد نسايبنا
وعزمت كمان اعضاءمجلس الشعب والشورى
وانا باعزمهم معرفش لية انسحبت من لسانى وحبيت اباهى بيك جدامهم وجلت لهم
ولد اخويا نبيل جاى الفرح وجايب معاة المطرب تامر حسنى
وهيغنى طول الليل وهتبقى ليلة جميلة جوى جووووووووووى
طبعا صدجونى علشان مش متعودين منى الكذب وعشان عارفين انك صاحب تامر
جوى جووووووووى ... وليلة الفرح كل واحد جايب معاة ولادة وبناتة ال اية نفسهم
يتصوروا مع تامر .. اتارى الولاد بيحبوة جوى جووووووووووى
كنت عامل حسابى فى جاموسة واحدة ادبحها فى الفرح لكن لما العدد كتر جولت لشيخ
الغفر ادبح كمان جاموستين .. تلاجى تامر هييجى هفتان هوة وفرجتة ولازم نعمل واجب
يشرف ابن اخوى نبيل .. المهم دبحنا التلات جاموسات وجبنا عشر طباخين من المركز
وحطيت اربعة من الخفر يستنوا تامر على المحطة وجلت لهم اول ما تلمحوا عربية سودا
اسمها هامر اضربوا البنادقبتاعتكم فى الهوا علشان اسمع ضرب النار واعرف ان تامر وصل
بس اوعووا الضرب ييجى ناحيتة او ناحية حد جاى معاة
كلة فى الهوا يعنى .. المهم جعدت اساتنى واستنى ان تامر بية يشرف او يوصل المحطة
ولا حياة لمن ينادى .. مشهاجولك بجى على التريجة اللى خدها عمك العمدة والتلقيح
والتنقويز من كل اللى حاضرين الفرح .. احنا مستنين تامر واتارية هوة فى سوريا
بيعمل حفلة .. هوة عمدة سوريا اجدع منى ولا اية ؟ .. انا مكنتش عارف اودى وشى من
الناس فين ... بصراحة من الكسوف كنت باجول ياحيطة دارينى
تركت عمى العمدة يكمل كلامة حتى النهاية كى امتص غضبة ثم قلت لة :
ياعمى العمدة انا قولت لك انا هاحاول اعزم تامر على فرحك البنت .. يعنى ماوعدتكش
ولا اديتك لمة نهائى انة جاى الفرح .. انت لية اتسرعت وقولت للناس ان تامر جاى الفرح
مش كنت تتأكد منى الاول فى التليفون قبل ماتقول للناس ان تامر جاى ؟
رد العمدة : منا جولت بجى انت عمدة فى الرابطة بتاعتة وعمرة ماهيكسرلك كلام .. ولا انت
بجى عمدة اونطة ؟
ضحكت من قول العمدة وقلت : ياعمى انا لغاية الان مش عارف اوصلهالك ازاى .. عمدة البلد
مش زى عمدة على النت .. حاول تفهمنى
رد العمدة : لا تفهمنى ولا افهمك .. بانت البركة ونشفت جراميطها انا من زمان وانا باجول ان اللى
بيجولوا علية جيمى دة اللى عينك عمدة اكيد مايعرفش يعنى اية كلمة العمدة او هوة لبسك جلابية
العمدة بتاع افلام السيما .. العمدة بصوح عندنا تبقى لية هيبة وكلمة مسموعة يعنى لما تجول لتامر
ييجى الفرح يبجى لازم ييجى الفرح
ضحكت مقهقها وقلت لة : عموما ياعم العمدة حجك على راسى وراس تامر كمان وان كان على حق
العرب انا ادفعلك الالف جنية ولا تزعل نفسك ياعمدة
ابتسم العمدة اخيرااااااااااااااا وهمس لى : المهم طمنى هوة تامر رجع بالسلامة من سوريا ؟
قلت : ايوة رجع بالسلامة .. قال لى : وصحتة كويسة ؟ قلت لة : عال العال
قال لى مازحا : كدة بجى انا استريحت لما رفت انة كويس ولو انى كنت ناوى ارفع علية قضية
تعويض علشان ماجاش الفرح وعشان الجاموستين الزيادة اللى دبحتهم عشانة
وكنت ناوى ارفع قضية كمان على اللى اسمة جيمى علشان عينك عمدة اونطة ..
قلت لة : اة لو جيمى سمع كلامك دة ياعمدة هيموت على نفسة من الضحك ..
اكمل العمدة كلامة : امانة بقى عليك يانبيل توصل لتامر سلامى وتجولة عمدة بلدنا خلاص
مش زعلان منك بس برضو مستنيك فى اى وقت تشرفة وتشرف البلد بالزيارة
قلت لة : من عنية ياعمدة
التفت العمدة لشيخ الغفر والرجالة الحاضرين وقال : فز ياجدع انت وهوة يلا نجوم بجى
علشان نبيل يستريح .. انا خلاص سامحتة وسامحت تامر