اتصورت صوره في استديو وعاوز تعرف ايه اللي بيحصل [الأرشيف] - موقع الدي في دي العربي

مشاهدة النسخة كاملة : اتصورت صوره في استديو وعاوز تعرف ايه اللي بيحصل

shady_nader

06-12-2007, 12:24 PM

بسم الله الرحمن الرحيم
انشاء الله في الموضوع ده هتكلم عن الفوتوشوب وعلاقته بالتصوير
وازاي الصوره بتاعت سيادتك بتخرج في الاخر في ايدك
وايه الفرق بين التصوير الديجتال والتصوير بالافلام بتاع زمان يعني
وانواع ماكينات التصوير وايه الاضائه اللي بتيجي عليك ده في الاستديو
سيادتك بقي بتصور فيلم وبتوديه يطبع ايه برضو اللي بيحصل
وكمان الاستديوهات اللي بتقول ان عندنا انسات لتصوير المنتقبات
ايه اللي بيحصل بالظبط وهل فعلا مفيش راجل بيشوف الصوره ولا ايه
والتصوير الاحترافي يتكون ازاي ويعني ايه برضو الاخراج في التصوير
هل هو مثل الاخراج بتاع الافلام كده ولا ايه يعني
استنووووووووووو بس متمشوووووووووووووووووووووووش
لسه كتييييييييييييييييير اوي
بس قول انت عاوز تعرف ايه وانشاء الله طلبك مجاب
سيادتك عريس و هتتجوز قريب وعاوز تعرف اسعار ممكن اوي بس الاسعار
دي بتختلف علي مقاس الصوره و الاستديو ومكان الاستديو
فاكر انك ناصح وبتشتغل فوتوشوب كويس وبتقول انك احسن من الناس
اللي في الاستديو طيب تعالي ورينا تعرف ايه عن الكلام ده
بووووووووووووووص بووووووووووووص شوووووووووووووف بيعمل ايه
ده من الحاوي لا ده واحد بيعمل حاجه حرام في صورتك متستناش عليه
وتسيبه يعمل الكلام ده لان ربنا هيحسبك
مااامااا صورتي عند عمو المصور وهيعلقها براااا ماشي يا حبيتي
خليه يحطها علشان الناس تشوف جمالك
ياراااااااجل البييييييييت انت فين من صوره بنتك اللي متعلقه
عند الاستديو
طبعا انا عارف الكلام ده لاني كنت بشتغل في استديو ومعامل تصوير
بس مكنتش اعرف ان في حاجات من اللي بعملها حرام وفي حاجات حلال
ايه هو بقي الحلال وايه هو الحرام
ياااااااااااااااااا اهل الدييييييييييييييييييين تعالو معانا
ياااااااااااااااااا اهل العلــــــــــــــــــــم تعالو
انصحو الناس دي علشان انا مش هقول اني عالم بالدين علشان ربنا
ميحاسبنيش علي كلام غلط
شوفو انتو عاوزين تعرفو ايه عن التصوير ومكاسب التصوير وتكلفه
ال 8 صور والكارت والصور الصغيره كاااااااااااااااااام
وايه العمليه اللي بتحصل علي الصوره
الموضوع ده عاوز ارئكم فيه
لو عاوزين اكمل انا موجود
ومسسسسسسسسسسسسسستني مسسسسسسسسسسسسسسستني ياجماعه مسسسسسسستني
طيب هستني كتييييييييييير لالالالالا معلش نسيت اني مضفتش الموضوع
دوس بقي يا عم انت خنقتنا طبعا بتقولو كده بس برضو هستحمل
علشان خاطر عيون المنتدي الجميل DVD4arab
اخوكم شادي نادر

sherifer921

06-12-2007, 02:40 PM

السلام عليكم ورحمه الله وبركاته
فكره الموضوع جميله يا استاذ شادى وانا عن نفسى كنت فكرت قبل كده انى اخد دكان وافتحه استديو ومعايا واحد صاحبى اشتغل فى معامل تصوير كتير اوى وعنده خبره كبيره فكنت ناوى اشاركه بس فيه ناس قالتلى المجال ده حرام فاحترت فى الموضوع فقولت خلينى فى الدعايه احسن ولو ان فيه ناس برضه قالتلى ان فيها شبهه حرام علشان هامش ربحها بيعدى ال 20% وعلشان بيبقى ساعات فيه صور حريم فى الكروت الشخصيه او فى اغلفه المجلات اللى بنعملها او فى اليفط بس كده الواحد مش حيعرف يشتغل فى ايه بعد كده
عامه كمل موضوعك وسيب حكايه تصوير البنات او البوستيف اللى بيتعمل فى الصور لضمائر الناس
وعلى فكره انا عاوز اقول للناس ان شغل الفوتوشوب بتاع الدعاية بيختلف عن شغل الفوتوشوب بتاع الاستديوهات بالذات فى نقظه البوستيف
وانا فاكر انى من حوالى سنه قبل ما استقل بشغلى فى الدعايه روحت قدمت فى استديو تصوير وكنت رايح وانا قايل ان مهما كان التيست بتاع الفوتوشوب حاعدى منه اكيد ف فوجئت ان صاحب الاستديو كل اللى طالبه منى انى اعمل بوستيف طبعا انا كنت اول مره اسمع عن حاجه اسمها بوستيف فقعدت اعمله تصميمات فى صور الافراح اللى اديهالى :glasses:
الراجل قالى التصميمات حلوه بس انت معملتش بوستيف وانا اسف مش حاقدر اشغلك فقولت خلاص افتح مكتب الدعايه واهو الحمد لله ربنا كرم
علشان كده يا استاذ شادى انا بقولك كمل علشان الناس اللى معندهاش فكره تعرف وبعد كده هما وضميرهم
وانا حابقى ادور على حد من رجال الدين يفتيلنا فى موضوع التصوير
والسلام عليكم ورحمه الله وبركاته

memobasha2002

06-12-2007, 03:41 PM

موضوع جميل يا باشا
شكرا لك

elgaml

06-12-2007, 04:17 PM

دووووس يا شادي

موضوع جامد مووووت

قولنا ايه الكواليس في الاستوديو

الحب الاولانى

06-12-2007, 05:20 PM

شكرا يشادى
على المعلومات
الرائعة والمفيدة لكل مصمم
وفى انتظار الباقى

shady_nader

06-12-2007, 05:32 PM

شكرايا شريف علي الرد الجميل بتاعك
وانشاء الله كلنا هنستفيد من بعض طول ما احنا في DVD4arab
انشاء الله انا محتاج بس ردود اكتر وهبتدي
يوم السبت يعني يومين بس وابتدي ولو قدرت قبل كده هبدأ

وشكرا ليك ياميمو باشا
وعلي الدعم الجامد ده

موضوع جميل يا باشا
شكرا لك

وكمان شكر
دووووس يا شادي

موضوع جامد مووووت

قولنا ايه الكواليس في الاستوديو

شكرا يشادى
على المعلومات
الرائعة والمفيدة لكل مصمم
وفى انتظار الباقى

shady_nader

06-12-2007, 06:25 PM

بسم الله الرحمن الرحيم
الدرس الاول
مراحل خروج الصور للنور من فيلم عادي
في بدايه اي شخص لدخوله معمل لطبع الصور ايه اللي بيحصل
عندنا مراحل كتير بتمر بيها الصوره الاول
في حاله الشخص مصور فيلم عادي كودك او فوجي مثلا او اي نوع
اولا التاكد من صلاحيه الفيلم
وده بيكون بعمليه دخول الفيلم مكنه التحميض و المكنه ده بتكون
بلد الصنع بتاعتها في الغالب المانيا او اليابان وبتكون حجمها
الارتفاع بتاعها 120سم و العرض 70 الي 90 سم والطول بيكون 120سم
والمكنه دي بيشتغل عليها واحد بس والشخص ده كل اللي بيعمله انه
بياخد الفيلم بتاع سيادتك وبيقص منه تقريبا مساحه صوره بس نص العرض
وبذاويه 45 درجه وده علشان بيركبه في الصندوق الاسود هو وكمان فيلم
تاني وعلشان كده لما بنيجي نركب الفيلم في الاول بنشد الفيلم بمساحه
كبيره لو تلاحظ وكلنا عارفين ان الفيلم لو اتعرض للشمس بيبوظ
وده لانه معالج بمواد كمياويه لحفظ الاشعه التحت حمراء اللي بتكون
علي طبقه الفيلم طبعا كل ده بيكون في المعمل بتاع التحميض وبعد
تركيب الصندوق في المكنه وطبعا ليهاطريقه معينه والمكنه دي بتاخد
صندوق او اتنين او تلاته ومده تحميض الفيلم داخل المكنه بتكون تقريبا
12 دقيقه والشخص نفسه بياخد تركيب 3 دقايق يعني كده 15 دقيقه ودي
اول مرحله
ممكن كمان نعرف ايه اللي بيخرج من المكنه بعد دخول الفيلم و الغطاء
بتاعنا اللي بيحمي الفيلم بيروح فين وازاي بيطلع الفيلم ساعات محروق
الفيلم من لحظه دخوله المكنه بيمر بعده مراحل
1- خروج الفيلم من الغطاء لقطه لقطه وبتدخل اول مرحله وهي برش بعض
الاحماض علي الفيلم ومن هنا اتسمت ماكنه التحميض او عاوز احمض الفيلم بدخول الاحماض دي المكنه بتخرج علي هيئه احماض وداخلها
نسبه من نترات الفضه وده اللي الناس مبتعرفوش ان كل ما في التصوير
مربح وبيتم بيع الاحماض دي لمعامل متخصصه في استخراج الفضه دي من
الاحماض
2- العمليه التانيه وهي غسل الفيلم بمياه طبيعه يعني من الحنفيه
سيادتك
3- العمليه التالته وهي خروج تام من المكنه و بيتم هنا عمليه تنشيف
وتحضير للمرحله القادمه وهي الالوان ولكن هنا بيخرج الفيلم لوحده و
الغطاء لوحده وطبعا الغطاء بتاعك ده بيتعمل منه اما افلام بجوده اقل
او بيتعمل مدليه للاطفال او استخدامات اخري للقمامه مثلا واستخراج
البلاستك لوحده والصاج لوحده
كده الشخص اللي واقف علي مكنه التحميض بيعرف اذا كان الفيلم بتاعك
سليم او لا ...................
واي استفسار في النقطه دي انا موجود
------------------------------------------------------
دلوقتي بقي نقدر نقول لسيادتك مبروك فيلمك سليم و تعالي نشوف
بقي انت مصور ايه لينا
يااااااااه كل دي بنااااااااات حلوه يااااااااسلااااااااام
البت دي زي القمر تعال بص كده
ده كان حوار وللاسف شفته في القاهره هنا ومشفتوش طوال مده عملي
بمعمل كان في محافظتي مش عارف كان ايه السبب
بس احب الفت نظر الانسات اللي معانا ان لو حضرتك متصوره صور في المنزل
ومينفعش حد يشوفها حاولي تبعتي اخوك او زوجك او والدك علشان
في الحالات دي بس مبيقدرش اللي قاعد بيظبط افلام الفيلم انه يصدر الفيلم علي اجهزه الكمبيوتر بتاعت المعمل كله
مع ان ممكن الشخص اللي قاعد برضو من غير مايعرف يتم التصدير
بس دي اخوك يبقي يخلي باله من اللي بيعمله كويس اللي بيظبط الالوان
------------------------------------------------------
واحنا قاعدين بقي دلوقتي بنظبط الالوان ايه اللي بيحصل
الفيلم بيدخل البنك بتاع الافلام في المكنه اوتوماتك و الجزئيه دي
بتاعت المكنه الكبيره والمكنه دي ليها وحده منفصله بكمبيوتر
و ماوس كمان وكيبورد بس الكيبرود هنا مش زي بتاعتنا لا دي كيبورد
فيها زراير للالوان وزار ادخال الفيلم وزرار اخراج الفيلم
وممنساش كمان ان احنا عندنا شخص والمهم في الصور بتاعتك الشخص ده
وده اهم شخص في المعمل كله حتي اهم من صاحب المعمل من حيث جوده
الصوره وسرعه خروجه لانه بيقدر يخرج الفيلم بتاعك او يعطله
بس حتته التعطيل دي مبتمش الا في حاله واحده لو في شغل مستعجل
طبعا المستعجل بيدفع اكتر
تماااااااااااااااام يا جمـــــــــــــاعه
دلوقتي بقي عرفنا واحنا بنظبط الوان الفيلم ايه الصور الكويسه
وايه الصور المحروقه طيب ايه اللي ممكن يخلي الصور بتاعتي تتحرق
مهو الفيلم مطلع صور كتير حلوه
بص يا سيــــــدي الفـــــاضل
ممكن تكون من الحجر بتاع الفلاش ضعيف وخلي بالكو من الحجر اووووي
لانه عامل مهم جدا في جوده الصوره وهنقول ليه لما نيجي نشرح مكن
التصوير تمام
وممكن يكون شطر الكاميرا برضو بايظ وبرضو هنقول ايه الشطر ده في
شرح المكن متستعجلوش مااااااااااااااشي
يعني ايه مش هنضمن سلامه الصور بتاعتنا دي صور ناس وفلوس ناس علشان
الشغل وبرضو هنتكلم عن التصوير الاحترافي علشان خاطر عيون DVD4arab
نرجع تاني للفيلم
بعد التعديل من الشخص المهم ده اللي في ايده تقريبا الفيلم كله
بيدخل الفيلم مكنه اسمها
!!!!!!الفورنتيره وهيا دي بقي المعمل !!!!!
فيها كل حاجه بتحصل
اولا فيها ورق علشان يدخل المكنه والورق ده بيدخل جو صندوق اسود
وكمان الورق ده بمقاسات وهنتكلم عنها برضو بس هنا عندنا مشكله
كبيره وهي ان الورق ده لو شاف الضوء ولو لحظه الرول كااااامل
بيتحرق وهيا دي خسائر التصوير بالنسبه للمعمل مش اي حاجه فاتت
ده بس او ان يحصل حاجه للمكنه الفورنتيره لانها غاليه جدا وبيوصل
سعرها في بعض المكن الياباني اتنين ونص مليووووون جنيه ياااااااه
غاليه صح بس لو عندك المكنه دي هتضمن اعلي جوده علي مستوي العالم
لانها اغلي واخر مكنه نزلت علي مستوي العالم
وانشاء الله في موضوع كامل عن المكن برضو وجوداته و طريقه عمله
لانها فعلا تستحق الفهم وعلشان كده في فرق بين معمل وبين استديو
لان مش كل المصورين عندهم المبلغ ده واحب اقول ان المكنه المستعمله
الضعيفه جدا اللي بتمشي الحال يعني تمنها سبعميه وخمسين الف جنيه
كل ده الفوتوشوب مجاش امال فين بقي الفوتوشوب
الفوتوشوب هنا بيجي بعد مرحله تظبيط الشخص المهم للصور يعني لو
حضرتك عاوز تظبط صورتك من الفيلم لازم الاول تمر علي الشخص الاول برضو
وده الشخص الوحيد اللي مينعش الاستغناء عنه في اي حاله

اسف جدا للاطاله ولكنه موضوع يستحق الفهم لانه به 4 وظائف في مكان
واحد الشخص الاول المستلم للفيلم والتاني الشخص اللي بيحمض الفيلم
والتالت الشخص المهم بتاع المكنه اللي قولنا عليه والرابع والاخير
وهو الشخص اللي واقف علي المكنه الفورنتيره بيظبطلها اكلها وشربها
وحتي عمليه اخراجها وغازتها والصيانه بتاعتها كمان
علشان الناس بتاعت الدين متزعلش مننا
ياااااااااااا جماعه المكنه دي بتاكل ورق واحبار و احماض و بتشرب
مياه معدنيه او مياه مفلتره واخرجها برضو زي المكنه الاول شويه احماض
ونترات فضه والغازات بتاعتها هي وجود حرق او مشكله في الاحماض فبتخرج
غازات سامه جدا بصراحه ربنا يكون في عون اللي واقف عليها
كل ده علشان يخرج 35 صوره من فيلم عادي
الموضوع اللي جاي هيكون لو كان صوره من ماكينه تصوير دجيتال ايه
اللي بيحصل
وشكراااااا
لحسن القراءه
اخوكم شادي نادر

shady_nader

06-12-2007, 06:44 PM

احب اقول يا جماعه محدش يستعجل علي الفوتوشوب
جاينله بس الفوتوشوب مش هو اساس التصوير عامه
في برامج تانيه بس احنا هنا هنتناول الفوتوشوب بس
وانشاء الله هحاول اختصر في كلامي بعد كده علشان انا عارف ان في
ناس بتزهق بسرعه من القرأه وعاوزه صور علشان العملي
وللاسف الموضوع ده ملوش صور معايا حاليا
ايميلي اخوكم شادي نادر (shady312@hotmail.com) لاي استفسار موووجود موووجود ياولدي

sherifer921

07-12-2007, 06:13 AM

معلومات جميلة يا اخ شادى وحاجات اكيد ناس كتير مكانتش تعرفها وانا منهم ومستنين منك المزيد وبلاش حته الاختصار فى الكلام لان اللى عاوز يستفد بيقرأ كله مهما كان طويل
وشكرا مره تانيه ومستنين الباقى

™Sala7 Skedo

07-12-2007, 06:20 AM

شكرا يا شادى موضوعك جامد بجد

Beautiful_soul

07-12-2007, 11:08 AM

جزاك الله كل خير أخي في الله

ربنا يعطيك من العلم المزيد والمزيد

كلام جميل جداااااااا بس ياريت بعد كده يبقي مدعم بالصور

وانا حقا فرحانة جدا لوجودي وسط نوابغ مثلكم

جزاكم الله كل خير وادام وجهكم بالنور والبركة

لا اله الا الله

osamaosama

07-12-2007, 02:47 PM

شادى .. الموضوع مهم جدا جدا جدا ... جزاك الله خير

شريف بقا انا مش فاهم يعنى ايه "بوستيف" الى انت قولت عليها دى ؟؟؟

sherifer921

07-12-2007, 04:46 PM

يا اخ اسامه البوتسيف ده هوه انك تنضف اى صوره شخصيه بالفوتوشوب
يعنى مثلا انت قدامك دلوقتى صوره شخصيه لواحد وعاوز تعملها بوستيف حتقوم تشوف لو فيه حبايه فى وشه مثلا تشيلها بالاستامب لقيت شعره مش تمام شيلها برضه وفى الاخر تخلى الانف واقف وبس كده مش بتاخد وقت عامه بس اهم حاجه انك متلعبش فى الصوره جامد يعنى تظبط فيها بس مش تغير الملامح مثلا علشان لما صاحب الصور لما يجى يستلمها من الاستديو ميقولش دى مش صورتى
وبرضه الاخ شادى يقدر يفيدك احسن منى فى موضوع البوستيف علشان هوه كان شغال فى المجال ده
وشكرا

Zekwa10

07-12-2007, 06:48 PM

شكرا على كل المعلومات دى
ومنتظرين معلومات أكتر و أكتر

elgaml

08-12-2007, 12:10 AM

بجد موضوع جامد وأنا متشوق جدا ان أنا اعرف ايه اللي بيحصل جوا المعمل

شكرا ليك يا شادي

ولا داعي لعدم الإختصار احنا عايزين نفهم يا باشا

تحياتي

الجمل

ma7moud_m

08-12-2007, 03:52 AM

مووووضوع قووي جدا يا غاللللى
ومستنين نكمل معاك بقيت الموضوع واحده واحده

target220

08-12-2007, 03:37 PM

موضوع جميل جدا
شكرا لكل المشاركين فيه

MIDO_COOL1988

09-12-2007, 12:21 AM

شكرا يا باشا

MIDO_COOL1988

09-12-2007, 10:02 AM

احمدصالح2

09-12-2007, 06:02 PM

شكراااااااااااااا جداااااااااا يا شادي ومستنين اكتر

sherifer921

10-12-2007, 12:38 AM

الأستاذ ميدو كول
حضرتك انا اولا مش بدافع عن حد ولا حاجه انا بس عاوز اقول وجهه نظرى بالنسبه لكلام الاخ شادى وحضرتك اكيد حر انك تاخد بيها او لأ
انا شايف ان الاستاذ شادى مقالش ان مهنه التصوير كلها حرام هوه قال ان تصوير البنات او الموديلز هوه اللى يبقى فيه شبهه حرام
لكن طبعا كلنا عارفين ان التصوير مهم جدا سواء من ناحية صور باسبور زى ما انت قولت او من ناحيه كميه الشباب اللى بياكلوا عيش من وراه
علشان كده انا شايف ان الاخ شادى مقالش ان المهنه كلها حرام هوه نسب شبهه الحرام للجانب الاخر من مهنه التصوير وهو تصوير البنات والموديلز
وطبعا اى مهنه فى الدنيا ممكن الشخص يشتغلها من الجانب الحلال وممكن يشتغلها من الجانب الحرام
يعنى انت مثلا راجل صاحب استديو وعلى كلامك يبقى انت كده بتراعى ربنا فى شغلك وربنا يزيدك بس برضه حط فى دماغك ان اكيد ناس شغاله فى المهنه دى من الناحيه الغلط برضه
انا عن نفسى اعرف واحد معرفه فاتح استديو وانا مش عاوز اقول على اللى هوه بيعمله بس اقل كلمه اقولك عليها انه طول ما هوه كده ربنا مش حيباركله فى اكل عيشه
اكيد فى كل مهنه فيه الجانب الصح والجانب الغلط
ما انا واحد فاتح مكتب دعايه
وقدامى انى اشتغل شغل غلط كتير اوى ومكسبه معايا حيبقى اضعاف اللى باكسبه حاليا بس انا عن نفسى الحمد لله باراعى ربنا علشان القرش الحرام مش بيدوم
لكن طبعا فيه غيرى بيعمل الشغل الغلط ده
طب هل كده كل مكاتب الدعايه نصابين ومزورين او كلهم نضاف وشغالين صح
اكيد لأ لان كل حاجه فيه منها الصح وفيه منها الغلط
علشان كده انا استغربت انك اخدت كلام الاخ شادى بصفه شخصيه هوه كان شغال فى استديو وبيحكى على اللى شافه قدامه
وانا اسف انى تدخلت فى الموضوع بس انا اتضايقت لما شوفت حد فهم التانى غلط

والسلام عليكم ورحمه الله وبركاته

3ash2_liverpool

10-12-2007, 01:47 AM

جزاك اللة كل خير

casper_999

10-12-2007, 02:20 AM

موضوع اكثر من رائع اخي الكريم شادي

الي الامام دائما وفي انتظار باقي دروسك الجميلة ان شاء الله

shady_nader

10-12-2007, 01:40 PM

حضرتك بتتكلم على اساسا اية على اساس انك كنت شغال فى ستوديو على العموم يا بوب انا عندى ستوديو وعارف اية هو الحرام والحلال عشان سالت فية يا بوب جاوبنى انت بقى وقولى مادام هو حرام لو انت رايح حج مثلا او حتعمل بسبور ومحتاجين نسخة لحضرتك عشان الورق يكمل ممكن تقولى حتعمل اية ....؟ جاوبنى ها جاوبنى ثانيا مش زى ما انت بتقول ان تصوير المنقبات لما زوجها بيطلب انة انسة اللى تعمل الصور انا واحد من الناس فى المعمل فى انسة اللى شغالة الفوتوشوب وانسة تانية للمعمل للتحميض ثانيا انت لو زى ما بتقول حرام حضرتك عارف ان مفيش شغل فى البلد وقد اية الناس ما بتصق تلاقى شغل وبلاخض الشباب والاستوديهات دى مشغلة ناس كتير قوى وكلهم شباب عندك مثلا المندوب عن المعمل اللى بيوصل الشغل اللى بيحمض الفيلم اللى بيستقبل الزبون اللى بيصور الى بيطبع الفيلم كل دة مش شغال لو انت وقفت مجال التصوير يا ترى حترتاح وحيرتاح ضميرك لم توقف مس تقبل شاب ميعرفش غير الشغل فى التصوير حترتاح لما توقف حالة لو متزوج او لسة خاطب ادينى انت حل .....؟

بسم الله الرحمن الرحيم
اولا اشكرك علي الرد وعلي عملك بالخير
ثانيا احب اسألك هو حضرتك كل شغلك 4 في 6 حجاج ومنقبات يعني
بترفض صور الافراح وبترفض الصور الجرافك وبترفض تصوير البنات المتبرجات
وبترفض اي صور تانيه
ثالثا حضرتك بتقول ان جانب التصوير الديني اللي هو بتصوره انسات
للمنقبات حضرتك مبتشوفش صور المنقبات دي في الارشيف علشان تطلع صور
تانيه لاي عميل يا بشمهندس انا مش بهجم علي مهنه التصوير لا طبعا
انا معنديش العلم الكامل اني اتكلم في الدين بس الحمد لله عندي العلم
الكامل بالمهنه دي
سؤال كمان حضرتك في الشغل مش بطلع نموذج 15.2 في 30 ده بيديلك ايه
ليه بدل لما تقول للزبون دا كرت هديه متعمل الصور 8 مثلا 12 وتديله
صور باقيه كلها صغيره لاي استخدام يحبه لان انت كده هتكون ساعدته
ان يحط الصوره في البيت او يعلقها وانت عارف ان التصاوير في المنزل
حرام
بص يا اخي انا مبقولش ان المهنه حرام بس بقول ان فيها حاجات ممكن
العميل نخليه يستفيد اكتر من الصور وبصوره حلال
وعلي فكره انا اشتغلت في معااااامل تصوير واستديوهاااااات كتيرو الحمد لله اشتغلت خلف افضل مصممين في السويس من حيث الخبره او الفن
او شهادات من اكادميه الاعلام او شهادات دوليه في معارض التصوير
العالميه
واحب اتاسف جدا لانقطاعي 3 ايام لاني كنت مسافر وفي السويس
وزي ما بعض من الاعضاء عارفين اني بشتغل في القاهره ولسه راجع
مبارح بالليل لاني بروح علي الشغل وشكرا لحسن متابعه الموضوع
وشكرا لكل من شاهد ولم يدلي برايه

shady_nader

10-12-2007, 01:54 PM

بسم الله الرحمن الرحيم
اللي عاوز ينتقد ينقد نقد بناء ويحاسب عليه عند ربنا مش نقد
لمجرد الدخول في الموضوع واللي عاوز يعرف الحلال والحرام ياريت
يكون فاهم في الدين مش زي كده انا بحاول اكون عارف بديني ولو القليل
اللي يمشيني في حياتي وبحاول علي قد ماقدر
وربنا يصلح حال المسلمين جميعا

shady_nader

10-12-2007, 03:00 PM

بسم الله الرحمن الرحيم
في الدرس الاول اتكلمنا علي مكنتين مهمين جدا
والنهارده جايبلكم احدث واقوي واسرع مكنه علي مستوي العالم
في الطباعه وفي التحميض
وفي المرفقات ملف مضغوط بدون كلمه سر اول ملف خارجي به اسرع
ماكينه تحميض و مجلدين اسيب الاعضاء تشوف واي استفسار انا موجود
وانشاء الله هفك الصور الداخليه ووهقول ازاي الماكينه تعمل بالتفصيل
بس تشجعكم معاياو انشاء الله هبتدي النهارده بشرح الدرس التاني
والسلام عليكم ورحمه الله
وشكرا لكل من قال لي شــــــكـــــــرا
واقول له يـــــارب يــــكون بفائــــده
ويصلح من مجتمعنا ولو بالقليل
المرفقات علي هيئه pdf وبتشتغل مع برنامج ADOBE READER او Foxit Reader
وانشاء الله انا برفع دلوقتي Foxit Reader للي عاوز ومساحته 2.6 ميجا
شكرا شكرا شكرا شكرا شكرا شكرا شكرا شكرا
للاعضاء الكرام والمنتدي الكبير ال DVD4arab
just 4 arab
مستني الردود

shady_nader

10-12-2007, 03:21 PM

Foxit Reader on 2XU (http://www.2xupload.to/file/a3eb3a1b05e67db1bc996f8c84af3c4b/Foxit_Reader.exe.html)
وشكرا لكل من ساهم بانجاح هذا المنتدي

shady_nader

10-12-2007, 04:16 PM

شادى .. الموضوع مهم جدا جدا جدا ... جزاك الله خير

شريف بقا انا مش فاهم يعنى ايه "بوستيف" الى انت قولت عليها دى ؟؟؟

اضافه علي كلام شريف
بص يا اسامه ركز معايا علشان هنا الشعره بين الحلال والحرام
لو انت شغال في استديو وجالك واحده انسه عمرها 45 سنه وقالتلك
انا عاوزه سني يبان كانه 25 سنه لاني هبعت الصوره دي لعريس في
السعوديه

هتعمل ايه

هنا بقي البوستيف ده في شبهه الحرام
وهو انك بتعدل برتوش الصوره زي مثلا انك لو شعرها ابيض بتخليه اسود
او اي لون هيا عاوزاه وزي برضو لو عندها مشكله في وشها زي مثلا جرح
في وشها هتشيله ولا لا
طبعا غير انك تشوف شعرها دي اساسا حوار تاني ده لانها غالبا ما بتكون
محجبه ومش معاها فلوس مثلا تسبغ شعرها
او شعرها اكرت وتقولك انا عاوزاه زي البت الهنديه الممثله
كل ده ايه ملهوش حلال وحرام
المهم
ان البوسيف ده بتشيل الحبوب والنمش وبتصغر المناخير لو كبيره
وبتفتخ الصوره وبتظبط الوانها و بتحط مكياج لو سيدات وبتعمل
الحواجب واي مشكله في الوش بتعملها غير بقي الجسم لو تخينه بترفعها
و لو رفيعه اوي بتخنهاولو الفستان في قطع او حرق او متوسخ و بتحط
لنسس لو محتاج بتظبط الكلام ده كله اي حاجه انت شايفها مش بتلامع
الصوره في وجهه نظر العميل بتعمها
ولو رجال بتظبط الدق والشنب والشعر الزياده والعين الخ ..
علي فكره المشكله عندنا هيا التعديل في السيدات جميعا او كل ما هو
انثي واسالو MIDO_COOL1988
اذا كنت اللي بقوله ده صح ولا غلط
----------------------------------------------------------------

shady_nader

10-12-2007, 04:54 PM

انا اسف لو نسيت حد وبقوله شكراااا قبل كل الناسجزاك الله كل خير أخي في الله
ربنا يعطيك من العلم المزيد والمزيد
كلام جميل جداااااااا بس ياريت بعد كده يبقي مدعم بالصور
وانا حقا فرحانة جدا لوجودي وسط نوابغ مثلكم
جزاكم الله كل خير وادام وجهكم بالنور والبركة
لا اله الا الله
محمد رسول اللهانا دخلت بالمطلوب في الملف المرفق في المشاركه قبل الاخيره

---------------------------------------------------------------
شكرا على كل المعلومات دى
ومنتظرين معلومات أكتر و أكتر

شكرا لمرورك وجاي جاي اكتر واكتر
---------------------------------------------------------
بجد موضوع جامد وأنا متشوق جدا ان أنا اعرف ايه اللي بيحصل جوا المعمل

شكرا ليك يا شادي

ولا داعي لعدم الإختصار احنا عايزين نفهم يا باشا

تحياتي

الجمل

وانا كمان مستني الردود بتاعتكم اللي بتخليني اكمل
وانشاء الله هشرح التفصيل الممل واللي عاوز يعني اهلا بيه واللي مش عاوز
برضو اهلا بيه ويقرا اللي هو عاوزه بس ويمشي و مش مستني الرد غير من الناس
المهتمه بالموضوع وحاباه بالمشاركه الفعاله فقط
ياريت ننقد بعض
وانشاء الله هدي للناس تاسكات بس لما الموضوع يسخن اكتي
ودي هتكون علي هيئه صور و يتم التعديل بيها
وهشرح افضل ادوات التعديل بالصور انشاء الله بالاسلوب الاحترافي مش بالاسلوب
الهواه
--------------------------------------------------------
بجد موضوع جامد وأنا متشوق جدا ان أنا اعرف ايه اللي بيحصل جوا المعمل
شكرا ليك يا شادي
ولا داعي لعدم الإختصار احنا عايزين نفهم يا باشا
تحياتي

الجمل
هتعرف يا جميل كل حاجه انشاء الله
-------------------------------------------
مووووضوع قووي جدا يا غاللللى
ومستنين نكمل معاك بقيت الموضوع واحده واحده

الموضوع قوي بردودكم
-------------------------------------------
موضوع جميل جدا
شكرا لكل المشاركين فيه

شكرا علي المرور
-------------------------------------
شكرا يا باشا

اهو انت اللي باشا
هههههههههههههههههههه
ماشي ياباشا عنينا ليك علي كل حال
--------------------------------------------
شكراااااااااااااا جداااااااااا يا شادي ومستنين اكتر

شكرااااااااااااااااااااااااااااا ليك جداااااااااااااااااا يا احمد باشا و مستني متابعتك
-------------------------------------------------------
جزاك اللة كل خير

جزانا واياكم بصالح الاعمال الطيبه
---------------------------------------------
موضوع اكثر من رائع اخي الكريم شادي

الي الامام دائما وفي انتظار باقي دروسك الجميلة ان شاء الله

الموضوع يمكن يكون رائع بس مش اكثر من ردك اكثر والاجمل من رائع
انشاء الله معاكم في الدروس اللي جايه واللي مش فاهم اي حاجه يقول
-----------------------------------------------------------------
شكر خاص لشريف علي الرد الجميل في غيابي
وانا مش بقول ان احنا هنقفل الاستديوهات ولا حاجه بس انشاء الله هقول للناس
علي البديل للي مش عاوز يدفع 10 جنيه او اكثر
او اقل هقول ان في ماكينه بتطبع بنفس الجوده بالظبط وهعلم الناس ازاي تعمل الرتوش
وازاي تظبط الصوره وتتطبعها في البيت والماكينه دي سعرها مش هيعدي 500 جنيه وهيا خاصه بطباعه الصور الفوتوغرافيه فقط
طبعا السعر ده ممكن ناس تقول طيب ما انا اروح اتصور في استديو احسن بس انا بقول
الحل يا جماعه للناس اللي بتخاف علي دينها وانسان مش ديوس بيخاف علي حرمه اهل بيته
انا عن نفسي في اهل بيتي اعرف واحد صاحبي عنده الماكينه دي و تكلفه الصوره الفعليه
في الماكنيه تقريبا 4 جنيه بتديلك كارت 10 في 15 طبعا الكرت صغير بس ده هيديلك 8 صور
او علي الاقل 6 صور وهيديلك صورتين 6 في 9 بتاعت استمارات التقديم في الكليات

splash_44

10-12-2007, 06:55 PM

شكرا ليك يااستاذ شادى ومنتظرين الجديد
وجزاك الله خيرا

MIDO_COOL1988

10-12-2007, 11:05 PM

sabahy06

11-12-2007, 12:54 AM

موضوع بجد رائع يا شادى

وفعلا فى حاجت كتير الواحد كان فاكر نفسه عارفها

جزاك الله خيرا على موضوعك الجميل ده

وطبعا منتظرينك تكمل بفارغ الصبر

shady_nader

11-12-2007, 04:06 AM

شكرا يا باشا على ردك الرقيق دا بس على فكرة انا مكنش قصدى احرجك او اشكك فى كلامك بس انا كنت عاوز اوصلك ان كل الشغل اللى فى الدنيا فى منة الحلال والحرام بس انا الصراحة لما قريت كلامك اترفزت عشان حاجة واحدة انت عارف ان البلد كلها بتقع يوم عن التانى وان مفيش شغل للشباب انت كدة ممكن تعقد اى شاب حاطط املة على الشغل دة بمعنى انة مش بيفهم الافى التصوير وانا مش برجح ان الحرام لازم يبقى موجود بس فى ناس ياما بتكسب وبتاكل عيالها من التصوير والحلال وعلى العموم انا متاسف عن سؤء ردى بس غصب عنى وياريت بقى تقبل اعتزارى ولو فى ليك ايميل على الياهو ابعتهولى على رسالة خاصة يمكن ندردش مع بعض سلام يا باشا

طبعا اسفك ده يخلي الواحد يعرف ان معظم المسلمين لسه فيهم خير
وطبعا قابله وانشاء الله هكمل كلامي بكره الصبح انشاء الله حتي لو
كان محتاج انا عارف ان في من التصوير الحلال وفي الحرام انا بقول
للشباب اللي زي كده انا اشتغلت كتير في استديوهات وعرفت الحلال و
الحرام وانا عاوز اوضح للشباب الفرق
وايميلي ياباشا مش سر ولا حاجه انا بديه لاي واحد عاوز يكلمني
بس ياريت للي يسجلني عنده يبعت ويقولي هو مين في رساله اوفلين
لو انا مش موجود ولو كنت موجود يسعدني جدا اني اتكلم معاكم
وايميلي هو
shady_nader@yahoo.com
او
shady312@hotmail.com
نتقابل بكره الصبح انشاء الله لو لسا مكتوبلنا نعيش لبكره ....
اشوفكم علي خير
والسلام عليكم ورحمه الله
اخوكم شادي نادر

الحب الاولانى

11-12-2007, 06:11 AM

شكرا اخى على المعلومات المفيده
والاكتر من رائعة
خالص تحياتى

ahmedtetotroy

11-12-2007, 10:43 AM

بارك الله فيك يا اخى الموضوع جميل جدا

ahmedtetotroy

11-12-2007, 10:44 AM

والف شكر على المعلومات القيمة

shady_nader

12-12-2007, 04:29 AM

بسم الله الرحمن الرحيم
الدرس الثاني في دروس التصوير ومجال الفوتوغرافيا والفوتوشوب
النهارده بقي يا جماعه انا عاوز اتكلم باختصار علشان انا عاوز
الناس هيا اللي تقرر الدرس هيطول ولا لا من خلال المشاركات وهدي الدرس
علي مراحل علشان نتكلم فيه نقطه نقطه بالتفصيل الممل زي ما قولت
نبتدي الدرس ............
دلوقتي بقي سيادتك معاك صور علي الموبايل او صور من كاميرا دجيتال
او معاك ملف فيديو وعاوز تتطلع منه صور وتطبعها
ايه اللي بيحصل لما بتدخل معمل الطباعه
زي ماقولت في الاول ان المسؤل هنا عن الطباعه هيا ماكينه الطباعه
الفورنتيره و الاسم ده "" الفورنتيره "" هو اسم الماكينه بتاعت شركه
فوجي فيلم ودي اسرع مكنه زي ماقولت علي مستوي العالم والماكينه دي
بتطبع 2200 سم في الدقيقه ودي تعد علي غير المألوف انها في خلال 10
دقائق بس ممكن تطبع اكتر من 200 صوره ولكن البطئ هنا بيجي من الشخص
اللي بيجهز الصور بتاعت سيادتك والتجهيز ده بيكون في اخذ مقاس
الصور وتظبيط الاضائه و الالوان بتاعت الصوره طبعا الكلام ده مش هيكون
لينا احنا كمان لاننا هنعرف ازاي ممكن نظبط صورنا بطريقه المحترفين
للخروج باحسن صوره ممكنه بس هنا عاوزين نعرف حاجه مهمه ان الماكنه
دي مش بتطبع زي ماكينه الدعايه والاعلان لان هنا احنا بنطبع باشعه تحت
حمراء و خطوط ليزر واكيماويات علي عكس ماكينه الدعايه والاعلان بتطبع
باللون الواحد و بيدخلها الورنيش و بيتعمل الفيلم والزنكات للطباعه
وكمان هنا المكنه بتاعتنا بتفهم الصور ال RGB ولازم يكون امتدادها jpg
وده لان البرنامج اللي بيفهم اللي بيحول الصور للغه الاله مبيفهمش غير
jpg فقط ده في الماكينه دي بس لكن انا بصراحه مش عارف اذا كان في مكن
بيقبل اي امتداد تاني ولا لا طيب.....
عاوزين دلوقتي نخش اكتر في الموضوع.........
اولا صور الموبايل
ليه الصور بتاعت الموبايل بتخرج دايما بش بنفس الجوده مع ان ممكن
يكون مع سيادتك موبيايل 3 ميجابكسل مثلا الكاميرا بتاعته و في كاميرات
بتكون 2 ميجا بيكسل بتطلع الصور احسن ده بيرجع لان في حاجه في الكاميرات
اسمها نت والنت ده هو عباره عن ان تكون الصوره مظبوطه ومش مهزوزه
وبنسمي الصوره نت حجر في المصطلحات بتاعت الاستديوهات ان الصوره طالعه
جميله وواضحه ومش مهزوزه
طيب احنا دلوقتي عاوزين حل للمشكله دي
اول حاجه اطلبها من سيادتك ان تكون وانت بتصور ايدك ثابته تماما
وتتأكد من الصوره اللي انت اخدتها تكون مش مهزوزه ولو بسيط
وتتاكد ان الصوره واضحه و الاضائه كافيه لان في تعديل الصوره وده
هنتكلم عليه بعدين هيتعبك جدا لان مش معني ان الكاميرا 3 ميجابكسل
ان الصوره بتاعتك الوانها هتطلع شارب وهنا في تعديل الالوان هنحتاج
مبدايا تعرف ان احنا بنظبط الالوان علي 3 اوضاع بداخل الصوره
وهم shadows , Midtons , Highlights ودول غير ان عندك 3 الوان
الاحمر و الاخضر والازرق
غير اضائه الالوان و حاجااااات كتييييييييييير !!!! هنعرفها كلها
بوقته وكمان هنتعرف ازاي نظبط لون واحد بس في الصوره يعني مثلا
لو عندنا في الصوره ورده حمراء وعاوزنها تكون صفراء او اي لون تاني
هنغير من غير ما نقص ولا حتي نعمل تحديد للورده وانشاء الله هتطلع
مش باينه باي شكل انشاء الله
ملحوظه مهمه جدا: الوان الصور هنا بتطلع علي الون الشاشه مش الوان
حقيقيه وده بنجربه بكارت اسمه كارت تيست الوان او كارت اختبار الالوان
طيب دلوقتي عاوزين نعرف مقسات الورق
احنا قولنا في الدرس الاول ان الماكينه بتاخد صندوقين او 3 او 4 صح
طيب ايه هيا مقاسات الورق اللي جوا الصندوق
هنقول هنا انه حسب الصندوق اللي راكب وعاوزين نعرف انه علشان نشيل
صندوق ونركب واحد تاني الموضوع ده بياخد مع الناس الخبره 15 دقيقه
اما الناس اللي مش خبره فمفيش حد بيسمحلهوم انهم يركبو الورق من اساسه
لان احنا قولنا ان الورق ده حساس جدا بالنسبه للاضائه وممكن يتحرق
طبعا اكيد دلوقتي بتقولو يا عم خلص وهات المقاسات ده لو في حد
متابع كلامي من اساسه بس انا بقول خليكو معايا العملي جاي ورا
المقاس الاول 12.7 وه بيستخدم في في الكارت اللي بنقول عليه 13 في 18 والنماذج العديده اللي بنخترعها في المعمل زي ما احنا عاوزين
بس الشهير منها 13 في 26 و المقاس ده بنستخدمه لان بيدينا 12 صوره 4في6
وطبعا في الاستديو كل المقاسات دي بتكون عباره عن اكشن جاهز بياخد
المقاسات لتسهيل العمل علي المصمم وسرعه الاداء ممكن حضرتك تسال
علي مثلا لو عملت كارت جرافك بتاخد صوره مقاسها 15 في 21 ومعاها
صورتين 6 في 9 ازاي بيجي المقاس ده
المقاس ده ياشباب هو المقاس التاني وهو 15.2 وعلي فكره ده بيكون
العرض بتاع الرول اه رول يعني ايه بقي رول
الرول ده وهو الورق نفسه ملفوف علي اسطوانه بلاستك وبيدخل في الصندوق
اللي بيدخل في ماكينه الطباعه وطبعا احنا مش بنترجم معني رول
احنا بنوضح معنها بمصطلحات الطباعه لان بيكون في ناس في المجال ده
بقالها اكتر من 35 سنه ومش عارفه يعني ايه رول ولا عارفه انها كله
اساسا انجليزي وفاكرها عربي صدقوني بجد في ناس كتير كمان جاهله
ولا بتعرف تكتب اسمها بالعربي حتي وشغاله علي المكنه دي والناس
بتقولها بشمهندس بس هو كل الموضوع ان الراجل ده المكنه جت عليه
في المكان فبالتالي هو بيكون عارف كل حاجه في الماكينه سواء صيانه
او طريقه تشغيلها او حتي طريقه عملي وعلي رائ بوحه بولوبيف بوبوبيف
مش عاوزين نخرج من الموضوع بس احنا اتفقنا اعرفكم اللي جوا كواليس
الاستديوهات و معامل التصوير
نرجع تاني للمقاسات وشكلكم نسيتو علي العموم احنا اتكلمنا علي
12.7 و 15.2 ومحدش يسالني ليه الشركه عملتهم بالكسور دي لاني بجد
حاولت اعرف ومش عارف اعرف ليه 12.7 ليه مخلوهاش 13
طيب احنا دلوقتي تفرق معانا في ايه اذا كان 12.7 او 13
ال 3 مم يفرقو بس مش مع الماكينه لان واحنا بنظبط مقاس الصور
و كمان بنظبط المقاس للماكنه قبل ما بنصدر الصور او بنبعتها
طيب عاوزين نعرف ايه الفرق بين تصدير الصور و بنبعت الصور
بكل بساطه التصدير ده بيكون من الكمبيوتر السيرفير وده بيكون في
فولدر جواه للتصدير اي صوره اول لما بتدخل في الفولدر ده
الماكينه بتعرف ان ده عاوز يطبع والفولدر ده مش زي الفولدرات بتاعتنا
لا ده عباره عن برنامج مصغر او قاعده بيانات مصغره وعندنا في قواعد
البيانات بنقول تريجر والتريجر ده بيتفير ساعه لما الماكينه بتفضي
من الصور اللي عليها و العمليه دي مبتخدش اكتر من ثواني
دول اشهر مقاسين واللي بيطلع عليهم كل الصور ال 4 في 6 او صور
الاستمارات
هنكمل المقاسات بعد المشاركات للي عاوز يعرف المقاسات التانيه
نرجع تاني للموبايل
والصور اللي جايه منه احنا علشان ناخد الصورمن الموبايل علي الكمبيوتر
بنعمل ايه وايه الوسائل المتاحه لينا عندنا
1- وصله ال USP
2- Infra
3- البلوتوث و طبعا كلنا عندنا بلوتوث طالما في كاميرا او علي الاقل
الانفرا
4- كارت الميموري و ده بقي الجوكر بتاعنا لان مفيش استديو دلوقتي
عنده كمبيوتر معندوش Reader وبيقرا كل انواع الكروت
الاسعار بتاعت الكروت زي ما قولنا حسب الكروت وبرضو هنخليها للمشاركات
عاوزين بقي نرجع لحاجه انا منستهاش بس عاوزها بوقتها اللي هيا
نبعت الصوره و هنا بقي بيكون في واحدابن حلال زي كده علي جهاز كمبيوتر
ودي كانت من ضمن مهامي في المعمل ان اخد صور الموبايل واصلحها
بقدر الامكان وبقدر الامكان الصوره متاخدش اكتر من 15 ثانيه بس
علشان في صور كتير يعني لو واحد جايب موبايل جديد ومصور 200 صوره
وربنا موسعها معاه شويتين وعاوز يطبعهم كلهم وانا اخدت في كل صوره
دقيقه واحده معني كده اني هاعد مع زبون واحد 3 ساعات و 20 دقيقه
يعني 3 زبائين بس واخلص الشفت بتاعي وزياده كمان وكده هخسر المعمل
لان المفروض اني انجز بسرعه لان لو جالك مثلا 80 كارت جرافك جانب ال
600 صوره جانب 20 صوره تلوين غير شغل اصلاح الصور التالفه والممزقه
يبقي محتاجلك بقي شهر علشان تخلص الشغل ده و ده بيكون مطلوب في يوم
واحد مش يوم ونص حتي ......
بس هنرجع ونقول ان السرعه بتيجي مع الوقت وبرضو انا يا جماعه كنت
شغال في معمل مش استديو يعني بشتغل جمله يعني بمكسب بسيط وشغل كتير
وعلشان نقدر ناخد اكبر قدر ممكن من الاستديوهات و عاوز اقول كمان
ان فريق العمل في فرع واحد من المعمل ده بيكون مبيقلش عن 50 فرد
منهم علي الاقل 20 مصمم في الورديه الواحده وده طبعا بيدي خبره كبيره
بالاحتكاك بالافضل في المجال
اسيبكم لغايه هناوارجلعكم بعد التعليق الذيذ
دلوقي الشرح معتمد علي الردود
والو الموضوع مش عاجبكم قولو لاني بحب النقد بس البناء بس
و في الدرس اللي جاي هنتكلم عن عيوب التصوير بالموبايلات و
انواع ماكينات التصوير وازاي اختارافضل ماكينه للتصوير وبناء علي
ايه
و شكراااااااااااااااا
اخوكم شادى نادر

shady_nader

12-12-2007, 04:45 AM

انا اسف جدا علي التاخير في الدرس بس لظروف العمل و حضراتكم
عارفين اني مغترب من السويس وعايش في القاهره
علي فكره يا جماعه انا بشتغل ك مدرب في شركه بس مش جرافك
انا مدرب في مجال البرمجه وبدرس شهاده MCSD و الدعايه والاعلان و
التصوير والفوتوغرافيا و معامل الطباعه و تصميم صفحات الانترنت
كل دول اخدو كتير من حياتي ويسعدني اني اشرح لاي حد عاوز اي حاجه
في المجالات اللي فاتت كلها لانهم اخدو كتير جدا من حياتي فعاوز افيد
الناس بيهم و الشباب يشتغل علشان انا كنت زي معظم الشباب مش لاقي
شغل بس الفرق اني اشتغلت و بمرتبات قليله جدا جدا بس الحمد لله
ربنا بيعوض خير
وبشر الصابرين
نصيحتي لكل الشباب المنتدي و شباب مصر واي شاب بيقراء رسالتي
بقولكم اصبرو و اشتغلو وراعو ربكم و اكسبو بالحلال الطيب وانشاء
الله ربنا هيعوضكم خير
و حط املك علي ربنا بس اسعي واجتهد وفكر كتير وثقف نفسك واتعلم
من تجارب اللي حاوليك ومتخجلش انك مش عارف معلومه لا اسأل عليها
احنا بسم الله مشاء الله عندنا DVD4arab مش عندنا اي منتدي هابط
وعندنا كفائات كتير وبقول للكفائات اللي معانا متبخلوش علينا
في اي مجال
وشكرا لكم جميعا لحسن قرائتكم مواضيعي
وبحب اشكر برضو الاستاذ الكبير شريف باشا مع اني مشفتهوش ومكلمتوش
بس انا حاسس انه انسان محترم جدا اللي كان السبب في انشاء القسم
الجميل ده بعد ربنا طبعا و رؤيه اداره المنتدي
اشوفكم بكره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
استودعكم الله الذي لا تضيع ودائعه
والسلام عليكم ورحمه الله

sherifer921

13-12-2007, 03:00 PM

دروس رائعه يا استاذ اسامه وانا متشكر على اطرائك الرقيق ده وان شاء الله نتعرف على بعض قريب بس اخلص ان شاء الله الاول من امتحانات الكليه
وشكرا

starmoon2007

13-12-2007, 06:15 PM

السلام عليكم ورحمة الله وبركاته
لو سمحت ياشادي انتي حصلتى علي منحة وزارة الاتصالات ال9 شهور وبتقول انهم بعينو ال20% الاوائل
طيب كنت عاوزه اعرف هو التعيين ده بيكون في شركات حكوميه

shady_nader

14-12-2007, 12:50 AM

السلام عليكم ورحمة الله وبركاته
لو سمحت ياشادي انتي حصلتى علي منحة وزارة الاتصالات ال9 شهور وبتقول انهم بعينو ال20% الاوائل
طيب كنت عاوزه اعرف هو التعيين ده بيكون في شركات حكوميه

Sory i do't have arabic now but
....
no this working aportionity in your company that you take your
courses with
sory I can't tell you more now I will as soon as possbol

shady_nader

14-12-2007, 06:28 PM

السلام عليكم ورحمة الله وبركاته
لو سمحت ياشادي انتي حصلتى علي منحة وزارة الاتصالات ال9 شهور وبتقول انهم بعينو ال20% الاوائل
طيب كنت عاوزه اعرف هو التعيين ده بيكون في شركات حكوميه

بسم الله الرحمن الرحيم
بالنسبه للتعين بيكون في مراكز التدريب او الشركه الام
وبيكون في برنامج تدريبي علي كيفيه التدريس والعمل مع العملاء
وكل واحد وحسب مجهوده من ال 20% لانهم في الاخر بياخدو جزء بسيط
منهم من ال 20%

starmoon2007

14-12-2007, 11:04 PM

السلام عليكم ورحمة الله وبركاته
ميرسي جدا علي الرد وجزاك الله كل خير

alex star

15-12-2007, 08:42 AM

موضوع رااااااااااااااااااااااااااااااائع

monh4ever

15-12-2007, 09:39 AM

ميرسي ليكعلىموضوعك

أيمـن

16-12-2007, 06:28 PM

جزاك الله كل خير يا بشمهندس
موضوع مفيد جدا وبه معلومات قليل اللي يعرفها

محضوضة

17-12-2007, 04:43 PM

موضوع رائع وهادف اللة يجعلة في ميزان حسناتك

اني مقبلة على فتح مشروع تصوير اعراس في الصالات او قاعدة اتعلم الفوتشوب ماهية اهم الفلاتر الي بحتاجها في التصميم وا لبرامج وهل تنصحني اني التحق بدورة للفوتشوب ام ان الانترنت يغنيني عن الالتحاق

اني الي عرفتة القص والدمج وتنعيم الحدود وتنظيف البشرة واضافة المؤثرات من الوان وباترن وخلفيات واطارات000
الحين الدور على التصميم حاولت اطلع على صور الاستديوهات شفت كل استديو الة اسلوبة هل يوجد
مواقع اقدر اتعلم او اشوف تصاميم للاستديوهات او مصورين
اني اريد الاطلاع فقط لاني ماابي اقلدابي يكون الي اسلوبي الي يميزني عن غيري
وهل تنصح بتصاميم الجاهزة والبرامج مثل اثري دي البوم مثلا والقوالب الجاهزة

mmeldeep

17-12-2007, 11:54 PM

الله يعطيك العافيه

peroghost2

18-12-2007, 03:00 AM

اه الموضوع الجامد ده

shady_nader

21-12-2007, 03:32 PM

بسم الله الرحمن الرحيم
اولا كل سنه وانتو طيبين جميعا
واحب اعتزر عن الفتره اللي فاتت عن انقطاعي عن الدروس
ولكن انشاء الله بعد العيد هرجع بدرس جديد يفيد اللي في المجال
والجديد في المجال او حتي المبتدئ بغض النظر عن الردود ان شاء
الله راجع بكل الجديد
ثانيا بالنسبه للاخ ايمن

جزاك الله كل خير يا بشمهندس
موضوع مفيد جدا وبه معلومات قليل اللي يعرفها

استاذنا الفاضل ايمن احب ارحب بيك معانا في القسم واشكرك من هنا علي
البرنامج للاني كنت محتاجه جدا

----------------------------------------

موضوع رائع وهادف اللة يجعلة في ميزان حسناتك

اني مقبلة على فتح مشروع تصوير اعراس في الصالات او قاعدة اتعلم الفوتشوب ماهية اهم الفلاتر الي بحتاجها في التصميم وا لبرامج وهل تنصحني اني التحق بدورة للفوتشوب ام ان الانترنت يغنيني عن الالتحاق

اني الي عرفتة القص والدمج وتنعيم الحدود وتنظيف البشرة واضافة المؤثرات من الوان وباترن وخلفيات واطارات000
الحين الدور على التصميم حاولت اطلع على صور الاستديوهات شفت كل استديو الة اسلوبة هل يوجد
مواقع اقدر اتعلم او اشوف تصاميم للاستديوهات او مصورين
اني اريد الاطلاع فقط لاني ماابي اقلدابي يكون الي اسلوبي الي يميزني عن غيري
وهل تنصح بتصاميم الجاهزة والبرامج مثل اثري دي البوم مثلا والقوالب الجاهزة

كل لبد وليها اسلوبها لكن طالما حضرتك بتقولي تعرفي الكلام ده
فده كفايه جدا وان شاء الله مش هتحتاجي دوره تدريبه وانشاء الله
هحاول سريعا اعمل موضوع يفيدك وهيكون الموضوع عن تقنيات الاضائه
والتصوير والبوزات اللي هيا زوايا التصوير للي ميعرفش يعني ايه
بوز وهحاول اجيب لكم التصوير على ضوء الشموع لانه اذا عرف المصور
كيفيه التصوير علي ضوء الشموع سيعرف اهميه توزيع الاضائه
وانشاء الله هقول لحضرتك علي التوزيع الداخلي في الصوره والتوزيع
الخارجي اثناء التصوير
وشكرا لردك القيم
--------------------------------------

الله يعطيك العافيه

ويديلك العافيه والبركه وبارك الله فيك علي دعائك

-------------------------------------------

اه الموضوع الجامد ده

ده انت اللي جامد يا مان بس خليك معانا باذن الله هتلاقي الجديد

shady_nader

23-12-2007, 12:22 AM

بسم الله الرحمن الرحيم
انا النهارده عاوز منكم بقي تساعدوني في الدروس
وده هيكون ان حضراتكم هتجيبو صور قديمه او ممزقه لاني
بصراحه مش عارف لو جبت صور من استديو هيكون فى مشكله
ان اعرضها علي النت لو حضارتكم معندكمش مانع
وياريت تكون الصور باظه علي الاخر و مفيش استديو قابل
انه ياخدها علشان يكون الشغل يستاهل
الصور دى هستخدمها في عمل الدروس وهتكون الدروس بعد كده علي
هيئه ملفات PDF وانشاء الله هحاول اعمل الموضوع ده في سريه
واللي عاوز الدرس هبعت الصور علي Email بتاع الاعضاء المشاركين
فقط وده علشان اللي عاوز يستفاد لازم يشارك ولو الموضوع ده لاقي جديد
هنعمل جروب علي الياهو مثلا ونسجل فيه الاعضاء
وبرضو مش هننسا المنتدى الجميل بتاعنا من الشرح هنزل الشرح علي
المنتدى وهيكون مدعم بصور برضو بس هيكون الدرس بنسبه 60% من الدرس
الكامل في التعديل وهنعرف خبايا اكتر واكتر واللي عنده خبره
في المجال ده يقول اللي عنده وكلنا نستفاد من بعض
علشان انا يا جماعه سيبت المجال ده بقالي سنه ونص بس عاوز افيد
الشباب للحصول علي وظيفه داخل استديو او اللي عنده امكانيات
بسيطه هنخليه باذن الله يفتح استديو اى شاب ممكن يوفر 10000 جنيه بس
وعنده مكان ينفع يتعمل استديو هساعده لغايه لما يقف علي رجله
و ان شاء الله هجيبلكم احدث ماوصل اليه التصوير في العالم لغايه
الدي في دي هنا وبس وهيكون كل حاجه بجيبها حصريا علي DVD
انا اسف للاداره المنتدى علي ان الدروس هتكون بالشكل ده
بس لما الاقي المشاهدات اكتر من 800 والرد 50 يبقي لازم نقف شويه
علشان الناس اللي تستفاد تكتر ونشوف نعمل ايه انا مش عاوز
اكتر من المشاهدات بتاعتي ولا الموضوع يتثبت ولا لا كل ده مش فارق
معايا وانا مبطلبش الموضوع يتثبت انا سايب الموضوع ده لاداره المنتدى
بس انا شايف ان طالما المشاهدات كتير يبقي اكيد في ناس بتستفيد
ولو بالقليل و انا عاوز الناس تستفيد اكتر
القسم لسه جديد وعاوزينه يكبر بالافاده مش بالاستفاده
والسلام عليكم ورحمه الله
اخوكم شادى نادر

kemomatrix

23-12-2007, 02:44 PM

tank you sier

JOSEVEIN

24-12-2007, 11:00 PM

بجد ياجماعة احنا مش عارفين نشكركم ازاى بصراحة شادى وشريف موضوعاتكم هايلة بجد حقيقى شكرا لdvd4arab

shady_nader

25-12-2007, 01:46 AM

بجد ياجماعة احنا مش عارفين نشكركم ازاى بصراحة شادى وشريف موضوعاتكم هايلة بجد حقيقى شكرا لdvd4arab
اولا احب اشكر سيادتك علي ردك
ثانيا يفيد ايه موضوع هايل و مفيش حد يقول انه حتى كويس
الناس اللي بتدخل و تمشي بجد انا مش عارف اقول ايه

ثالثا
اخيرا واحد رد انا اللي بشكرك تاني انك عبرتني ورديت انا بصراحه
مكنتش عاوز اكمل الناس هنا في المنتدى مبتشجعش اى حاجه غير
الافلام والاغانى مع اعتزارى للمشرفين علي الاقسام دى بس انا اللي
عاوزه افيد الشباب واحطهم علي الطريق الصح في الشغل يبقي جازاتي
ان مفيش حد يرد خالص غير الناس دى بس و مشفتش مشاركه بتسال
علي حاجه مفيده غير مشاركتين او تلاته بس ومحدش بيسال في حاجه
ولا حد قال انه حتي هيساعدني في صور ولا اي حاجه يعني هو انا مش
قادر اجيب الصور واشرح عليها انا عاوز الناس تتعب معايا مش اكتر
النت مليان صور وممكن اجيبها واشرح عليهابس اقول ايه في الشعب
العربي مبيجريش غير الكلام الفاضي طبعا مش كله بس الا من رحمه ربي
وانا اسف للمنتدى علي الكلام ده بس انا شايف ان مفيش تشجيع باي طريقه

shady_nader

25-12-2007, 01:52 AM

tank you sier

اكيد حضرتك قصدك
thank you sir
ده انت اللي سيدى وتاج راسي كمان نورتني
علشان معني tank دبابه واكيد احنا مش داخلين حرب صح
هههههههههههههههههههههههه
بهزر معاك علشان متزعلش يا باشا بجد نورتني
مع ان المشاركات قليله يا جماعه بس دمها خفيف و بتسعدني جدا

shady_nader

25-12-2007, 03:59 AM

انا شايف الناس هتبتدى تمل و متدخل وكمان مفيش ردود
قولت لما اجيب حاجه كده عملي بسيط جدا علشان الناس
تتفاعل شويه و لو عاوزين اكمل الدرس انا معاكم و لو
مفيش ردود يبقي كل سنه وانتم طيبين و كل درس وانتم بخير
ونقفل الموضوع علي كده و بلاش اكمل
الصوره دى انا جبتها من موقع www.deviantart.com
الموقع ده بصراحه انا لسه عارف من يومين بس و اللي
قالي عليه الاخ شريف وبشكره جدا بصراحه جميل جدا
وانا بقول لشريف عند اتفانا ولا ايه
مطولش عليكم الصوره مش هسيبها في المرفقات علشان اللي عاوز
يرد يرد واللي مش عاوز براحته http://img183.imageshack.us/img183/741/colorfordvduh7.jpg (http://imageshack.us)

shady_nader

25-12-2007, 04:05 AM

في الصوره انا كل اللي عملته غيرت لون الصوره وخليتها الي لون
ابيض واسود بس و ظهرت الملامح شويه وعملت لون السجاده درجه من
درجات الاحمر لان الاحمر بيظهر التلوين الكامل بعد الشغل
طبعا ده تجربه بسيطه ومخدتش اكتر من 4 دقايق بس كلها بالخلفيه
البسيطه دى تقبلو تحياتى مع حبى لــــ DVD4ARAB
Just Do It Like this
لو عاوزين اي تفاصيل انا في الخدمه
اخوكم شادى نادر

محضوضة

25-12-2007, 01:35 PM

shady_nader

25-12-2007, 03:47 PM

اني حاولت اجيب صورة لكن ماعرفت من وين يجيبون الصورحتى الموقع الي حطيتة ماعرفت لة انجليزيتي ضعيفة
بصراحة التعديل على الصورة قوي ويدل على انك محترف
ياريت تشرح طريقتك على التعديل في السجادة احسة صعبة مرة

الموضوع جميل جداوهادف او ياريت تكمل الموضوع

اختى الفاضله
انا باذن الله هشرح بالظبط الصوره هتتلون كلها ازاي
واذا كان علي الصور مش عارفه تجبيها
علي نفس الموقع موجد فوق مكان تكتبي فيه اسم الصور مثلا او
اسم البحث وليكن مثلا old photo و باذن الله هيجبلك نتايج
بس دوسي علي الصوره وهيا هتفتح كبيره

وبالنسبه للصوه انا مستخدم في التلوين
حاجتين بس
color balanc
وهنا بلعب علي shadows وMidtones و Highlights
كل تون لوحده علشان الصوره تنور بالشكل ده
,
selective color
وبتختار كل لون لوحده وبتعدلي فيه
و لو حضرتك عاوزه اى تعديل ممكن تبعتيلي ايميلك وانا هعملك
درس مخصوص علشانك
وده لقله ردود الاعضاء
وشكرا لكي لحسن المتابعه
اخوك في الله شادى نادر
shady_nader@yahoo.com

mody2004101

25-12-2007, 04:13 PM

بجد يااخ شادي انا مش عارف اشكرك ازاي على الموضوع الجميل ده
وبصراحة انا بقالي كتيير قوي بدور على موضوع كده من زمان
لاني بجد معجب جدا بالشغل اللي بيحصل في استديوهات التصوير ونفسي اعرف حاجا ت كتير عنه لان كل اللي بيشرح الفوتوشوب بيشرحه بوجه عام مش على صور وتعديل عليها
يعني اكثر حاجة عجباني في الاستديوهات شكل البشرة بتاعت الوجه بتيقى حكاية وصعب اي حد يخليها كده - غير اللي عارف طبعا - وبصراحة انا حاولت كتير ولكن معرفتش اخليها بالجمال ده وكمان تأثيرات الإضاءة حكاية لوحديها
وبجد اول مرة الاقي حد من اللي بشرحوا كان شغال في الموضوع ده وعارف ومش بيبخل علينا وانا نفسي اعرف حاجات كتير جدا
ومرة تانية باشكرك على موضوعك الجميل واتمنى انك تكمل للنهاية وتوقلي ازاي اقدر اتابع دروسك .
اخوك محمود

الحب الاولانى

25-12-2007, 04:47 PM

شكرا يشادى على الموضوع الجامد ده
وانا اللى عجبنى فى الاستوديوهات
هو عمليه تنقية الصورة
والتصوير بزوايا مختلفه
وده طبعا بيرجع للابداع فى التقاط الصورة
والمهارة التى تصل الى درجه الاحتراف
عندالتصميم فى الفوتوشوب
وشكرا يشادى على موضوعك الشيق ده
خالص تحياتى

محضوضة

26-12-2007, 03:02 PM

http://www.t7mel.com/upfiles/7Zq79567.jpg
هذي الصورة ممكن تشرح لناكيف نزيل اثار الحبوب وكيف نعمل تصفية للبشرة

lovesom3a

26-12-2007, 04:12 PM

الف شكر يا شادى

lovesom3a

26-12-2007, 04:34 PM

الف شكر ليك يا شادى
وعلى فكرة انا شغال فى ستوديو فوجى برضو
وعلى نفس المكنة اللى انت بتتكلم عنها
بس للاسف اللى علمنى عليها..معلمنيش كل حاجة..علمنى اقل القليل
وانت اكتر العارفين ان الشغل دة مش محتاج عبقرة ولا اختراعات
لان الغلطة بفلوس
فيا ريت لو تعرف تشرحلى خبايا المكنة دى وبالذات برنامج الطبع اللى على جهاز الكمبيوتر اللى منة ببعت الصور الديجيال على المكنة للطبع
تبقى عملت مايا احلى واجب..لان الراجل اللى علمنى زى مانت قولت
جاهل بس كان موجود فى المعمل ساعة لما المكنة وصلت وعرف خباياها
ولما مش من المعمل كل شويه يجى يعمل فيها مهندس ويبوظلى الدنيا ويمشى...وانا اللى بشيل تمن الصور اللى بتطلع بايظة
ومش عارف طريقة تظبيطها من الادمن
يا ريت تشرحلى العمليه دى
والف الف شكر ليك على الموضوع الجامد دة

calm_killer

26-12-2007, 04:46 PM

مشكووووووووووووووووور

calm_killer

26-12-2007, 05:12 PM

بواسطة محضوضة
هذي الصورة ممكن تشرح لناكيف نزيل اثار الحبوب وكيف نعمل تصفية للبشرة

معلش أنا اديت لنفسي حق التعليق

الأستاذ شادي عمال يقول إن تغير الخلقة حرام وتغيير الملامح مش كويس .. وحضرتك جايباله صورة واحدة وكمان عايزة يغير فيها؟

يعني ممكن تجيبيله صورة عايزة تحذفي منها عنصر أو تزودي عنصر أو تصححي ألوان أو كده زي ما هنعمل كلنا

معلش
باي :whistle:

محضوضة

26-12-2007, 06:07 PM

دخلت الموقع او شفت الصور اوحالت اطبق لكن ماعرفت كيف احددالون مثل السجادة كيف عملت لها تحديد ولونتهااريد الشرح بتفصيل
مكينةالطباعة الي تكلمت عنهابكم سعرهاوماهية افضل طابعة تطبع الصور من الكمبيوتر فية الحين صور ثلاثية ابعاد مثل المساطر تتحرك ممكن تشرح لناعنها

اخ calm_killer شكرا على الملاحظة لكن هذا الشي بنعملو على صور العرائس يعني مابنخدع احد مجرد تنظيف للصورة
وتنقيتها

shady_nader

26-12-2007, 08:37 PM

بسم الله الرحمن الرحيم
اولا احب اشكر الناس اللي دخلت بمشاركه و اكيد هرد علي واحد واحد

ثانيا للاخ calm_killer
انا قولت التعديل في خلقه ربنا حرام يعني مثلا
تكبير الانف او تصغيره او تصغير ملامح الوجه
لكن لو قولنا ان الصوره عاوزين نشيل منها النمش ده بصراحه
مش عارف اذا كان حلال ولا حرام وانا قولت فى الاول اني مش فقيه
فى الدين ولكن راى الخاص ان النمش ده ممكن يروح مع الوقت
وبيجي من حالات نفسيه او زياده دهون وده طبعا مش خلقه ربنا
لا ده اهمال من الشخص في نفسه طبعا اكيد كلنا مهملين فى حق نفسنا
بس احنا هنا هنشرح علي الصوره بتاعت
الاخت/ محضوضه
حاجات بسيطه بس ومفيش تعديل ممكن نقول تنعيم الوجه
و بالنسبه للصوره القديمه انا قصيت باداه pen tools
و من اكتر المميزات بتاعت الاده دى الدقه لان حضرتك اللي
بتتحكم فيها هيا اه بطيئه عن اداه Magnetic lasso tool
بس بتدى نتايج هايله واللي يحب يستخدم ده براحته او التانيه براحته
بس انا بنصح طالما تلوين يبقي اكيد pen tool احسن بكتير
لان هيا بتعمل path تلقائيا

الشرح المفصل وبالصور هيكون علي الجروب اللي هيتعمل

الماكينه يا اخت يتراوح سعرها بالمصرى لان انا معرفش سعرها بالدولار
من 750000 الي 2.5 مليون جنيه
وبالنسبه لماكينه التحميض
بيتراوح سعرها من بين 40000 الي 200000
والاتنين حسب السرعه و الدقه بتاعت الطباعه و التحميض
والماكينه بتاعت الطباعه اللي انا جبتها ممكن تدخلي علي الشركه

FUJIFILM (http://www.fujifilm.com/products/photofinishing/dmlab_frontier590.html)
و من خلال الموقع ده انشاء الله هتلاقي كل اللي انتي عاوزه
بس للاسف الموقع ده بالانجليزيه ومفيش عربي منه وحضرتك قولتي قبل كده
انك شويه كده الانجليزي
بس اكيد في حل طول ما حضرتك هتدخلي اسرتنا
الحل يا ست الكل في
google (http://www.google.com.eg/language_tools?hl=ar)
هتلاقي في اخر الصفحه المكان المناسب اللي تدخلي فيه اللنك بتاع
الصفحه هيا اه ترجمه نص كم بس كويسه الي حد اما
وبالنسبه للشركه
وللاسف برضو هما دلوقتي في اجازه ف مش هتلاقي حد يجاوبك علي
التساؤلات بتاعتك من الموقع بس اكيد بعد راس السنه هيفتحو تاني
وتابعينا يا اخت وانشاء الله هاجوبكم علي كل حاجه
******************
وبالنسبه للاخ اسماعيل
انا قبلت دعوتك علي الياهو وشوف الرساله الاوف لين
ولو ممكن تقولي انهي برنامج انت شغال عليه لان البرامج كتير جدا
وانا اللي اعرفهم واشتغلت عليه 2 بس علي مكنتين مختلفين
و تقولي لو ممكن نطاق شغلك بالظبط وانشاء الله هفيدك من حيث الالون
او المقاسات او حتى الاكشن بتاع المكنه اللي بيتعمل جاهز
والفولدرات بتاعت المكنه
بس حدد الاول علشان الموضوع كبير و نمشي فيه خطوه خطوه
و اعزرني مقدما لو نسيت حاجه انا بقالي 3 سنين بعيد عن المكن
لاني كنت بشتغل في الدعايه والاعلان

معلش يا جماعه هكمل الرد بكره علشان عندى شغل كتير جدا
اعزروني
والشرح كمان هيكون بكره بالليل
بالتفصيل بس بنسبه 60% زى ما قولت قبل كده
ومتقلقوش الشغل هيتجهز وهيتبعت للناس النشيطه
واللي هنلاحظ انه مقل معانا يبقي هو مش عاوز فبالتالي
هيتمسح من الجروب
وشكرا ليكم
اخوكم شادى نادر

محضوضة

27-12-2007, 10:30 PM

اخ شادي لية انت مصر ان الدروس بتكون خارج الموضوع كذا الموضوع ماحد بيستفيد منةحتى لو كان عدد الاعضاء قليلين لكن اكيد بعد فترة زمنية الاعضاء في الد
ي في دي بيستفيدوا منة او لاتنسى ان القسم جديد

lovesom3a

28-12-2007, 01:54 AM

shady_nader

30-12-2007, 11:03 AM

السلام عليكم ورحمة الله وبركاتة
انا جبتلك صور البرنامج يا شادى
دة الرابط (http://rapidshare.com/files/79499302/som3a.rar.html) بتاع الصور
بص عليها كدة وتشوف لو هاتعرف تشرحلى البرنامج ولا لا

بسم الله الرحمن الرحيم
انا سعيد جدا بمشاركتكم معايا
وبالنسبه للاخ اسماعيل
القسم هنا خاص بشرح فوتوشوب بس
بس ان شاء الله هعملك شرح لوحدك خاص بيك انت بس وهبعتهولك علي الميل
بس ياريت تكلمني علي الماسنجر يوم الاثنين الساعه 9.30 مساء
علشان احضرلك اي حاجه علشان انت عارف ان البرنامج بياخد وقت
بس باذن الله اوعدك انى هجبلك الشرح المفصل ليه بالتفصيل الممل
معلش يا جميل القوانين بتاعت القسم هيا اللي بتجبرني علي كده
وراجع القوانين المنظمه للقسم
وبالنسبه للاخت محضوضه
انا مش قصدى ازعل حد بس حطي نفسك مكاني المشاهدات دلوقتي وصلت اكتر من 1200 و الردود 69 طيب انا المفروض اعمل ايه علشان الناس تشتغل معايا
القسم ده مش معمول علشان يعلم حد فوتوشوب
القسم ده معمول علشان يعلم اذاى الناس تكسب من الفوتوشوب بطريقه
احترافيه فالمفروض ان حضراتكم يكون عندكم معرفه بالادوات الاساسيه
يعني لو قولت هنقص بال Pen يبقي كل الناس عارفه ايه هو ال pen
انا مش هقول ده بنشتغل بيه ازاى انا هقول ازاى استخدمه باحتراف
وده الفرق اللي هيحصل
وده الرد علي سؤال حضرتك بس طالما الناس هتزعل وانا شايف مشاركات
شريف وهو كان الاساس في موضوع الدروس .... بالمشاركات هيخلي الموضوع
بتاعه زى ماهو فانا كمان هخلي موضوعى زى ماهو لغايه لما اتفق الاول
مع شريف بعد الامتحانات للشباب اللي هنا معانا
ومعلش يا جماعه انا اليومين دول عندى شغل كتير تصميم برضو بس
برنامج و ويب سايت لشركه حضراتكم عارفين اني بعدت عن المجال
وانا عامل الموضوع ده بس علشان افيد الناس وانا مبستفدش منه حاجه
غير تشجيع بس وكمان مبخدوش
بس انا موافق وبشكر كل اللي بيشارك او حتى بيدخل يتابع الموضوع
ومبيرودش
شكرا ليكم
اخوكم شادى نادر

lovesom3a

31-12-2007, 02:33 PM

وبالنسبه للاخ اسماعيل
القسم هنا خاص بشرح فوتوشوب بس

انا اسف يا شادى بس للاسف دورت على قسم اسال فيه عن موضوعى
ملقيتش
وشكرا ليك على تعبك معايا

mody2004101

31-12-2007, 03:53 PM

shady_nader

04-01-2008, 04:42 AM

بسم الله الرحمن الرحيم

انا اسف جدا يا جماعه علي تغيبي الفتره اللي مضت
لكن غصب عنى ظروف خاصه جدا تمنعني الفتره الحاليه
عن استكمال الدروس او حتى الرد اعزروني الفتره القادمه
و لاني اعتبركم اخوه لى فاعرف انكم سوف تقدرون
وكل ما استطيع قوله الان هو ان لدى حاله وفاه
ولا استطيع اكمال اى شئ او حتى الجلوس علي
المنتدى اعزروني حتى الشغل بتاعى لا اذهب اليه
الموضوع اكبر منى
اسف اسف اسف

lovesom3a

04-01-2008, 08:38 PM

البقاء لله يا شادى
وابقى طمنا عليك

mody2004101

04-01-2008, 09:45 PM

البقاء لله
مش مهم الدروس المهم تكون بخير
وربنا يجعلها آخر الأحزان
اخوك محمود

الحب الاولانى

04-01-2008, 09:59 PM

البقاء لله يشادى
وان لله وان اليه راجعون
واحنا طبعا مقدرين ظروفك يشادى
وان شاء الله ترجعلنا على خير
تقبل تحياتى

hshs_123

05-01-2008, 09:03 PM

اخ شادي احب احييك علي المجهود اللي انت عامله
بس انا عندي طلب ياريت لو تقدرتفيدنا بخبراتك يكون ليك جزيل الشكر لان انت عارف ادي ايه الشغلانه دي صعبه وبتاخد مجهود كبير بس مكن نكون هواه لكن من خلال شرحك للامور الصعه زي تصميم وتلوين الصور واستخدام الفلاتر وحاجات تانيه كتير نوصل بينا الي مرحله الاحتراف واحب اشكرك تاني واقولك ترجع بالف سلامه والبقاء لله

monsefy

08-01-2008, 04:20 AM

موضوع راااائع بجد
واصل فيه اخى العزيز

syrex

11-01-2008, 05:09 PM

thanksssssssssssssssssss

hlzo

14-01-2008, 08:28 AM

أولا : شكرا جداا على الموضوع الاكثر من رائع

ثانيا: ماهى البرامج الاخرى التى تستخدم فى الاستوديو؟ وما هو أفضلها؟

كلمات حب

15-01-2008, 02:26 PM

موضوع مهم وانا متبعك من الاول
لانى عايز استفيدمن موضوع الاستديوهات عشان عجرب الموضوع دة
وبالنسبة للحلال والحرام فا محدش يتكلم علية لان لو فى حاجة واحد فى بلدنا حلال اكيد هنلاقى قدمها مليون حاجة حرام والواحد مش عايز يدخل فى تفاصيل اكتر من كدة

Mr Freek

18-01-2008, 12:00 AM

بارك الله فيك يا اخ شادي الموضوع شيق جدا

makasbah

20-01-2008, 02:13 PM

موضوع جميل جدااااااااااااااا بس ايه علاقته بالفوتوشوب مشرحتش الفوتوشوب دوره فين وبتزعل ان الناس بتدخل ومش بترد انا بقالى ساعه الا ربع وزهقت وموصلتش لشيىء ممكن يفدنى فى مجالى على اساس انى داخل فى قسم الفوتوشوب على اكتسب معلومه تفدنى فى مجالى
انا اسف متزعليش بس بفهمك الناس بتمشى ليه ومش بترد ليه

M.E.M

27-01-2008, 02:58 PM

مش مهم الدروس يا معلم البقاء لله
بس انا عاوز اقولك حاجه ان انت بتفيد ناس يامه اوى
ف بلاش بعد ما تعبوا معاك وانت تعبت معاهم تسيبهم كده
والبقاء لله بيا حبى وربنا يجعلها اخر الاحزان

ROBINHO 1

03-02-2008, 10:16 AM

معلومات جميلة وكان نفسى اعرفها
شكرا ليك يا شادى

romyo831

21-04-2008, 05:43 AM

يا اخ نادر انا اسف انى دخلت وقريت موضوعك الكلام اللى انت قلته دة انا اثبتلك عكسه ومع احترامى للجميع انا ممكن اثبت عكسه والصور خير دليل ومن اكتر من محافظة واتحداك ان انت اللى تحدد الامعمال والاستوديوهات كمان وبعدين انت اصلا واضح انك فشلت فى مهنة التصوير اللى هى اصلا وحسب التصنف العالمى لمركز الفنون فى استراليا المهنة الاولى فى الذوق والفكر والاداء وكمان مش بس كدة اذا كنت حرمت انت التصوير عاطل مع باطل انا هاجيبلك فتاوى مكتوبة وموقعة من الشيوخ اللى تختارهم بس يكونوا فى مصر طبعا بخلاصة القول فى موضوع التصوير وبالنسبة للكلام اللى سعادتك قلته عن عرض الصور فى الاستوديوهات دة كلام ناس مع احترامى لشخصك الفاضل قاعدة فى فسحاية ام اسماعين الخاطبة مش كلام بيدور فى بيوت ناس محترمة ولو انت تعرف قيمة الصورة اللى تتعلق فى مكان ما كنتش هاتقول الكلام دة رسالتى دى او ردى عليك بمعنى اصح بناء على انى مش عايز حد يتاثر بوجهة نظر دون السماع لوجهة نظر الاخر اشكرك جدا فى النهاية على مجهودك وكل ما عليك انك تقبل تتحدانى على الملا وانا مستعد اغلبك فى التحدى خلال 24 ساعة بس واذا اقتنعت انا يشرفنى انى اصورك واعلق صورتك عندى فى المعرض بتاعى

romyo831

21-04-2008, 05:44 AM

انا اسف انا غلطت فى الاسم يا اخ شادى ارجوك اقبل اعتذارى

shady_nader

21-04-2008, 07:32 AM

اولا انت بتقول ان التصوير مش حرام طيب طيب ممكن تثبتلي كلامك

ثانيا انت بتقول انك بتتحداني في التصوير انا اساسا مش مصور

ثالثا انت عاوز تعمل تصميم وتتحداني فيه من غير ما تعرف انا اعرف

ايه ومعرفش ايه طيب انا بنسحب من التحدى لاني مبعتبرش نفسي مصمم

فوتوغرافيا بس في ناس هنا في المنتدى شافت شغلي اذا كان فوتوغرافيا

او دعايه واعلان بس برضو انا عاوز اقولك حاجه

ايه قيمه صوره بنت عريانه في كشك تصوير لان انا اقدر اقولك ان 90%

من استديوهات التصوير في مصر الفوتوغرافيا المصورين اللي جواها

مش فاهمين حاجه عن التصوير وبيصور غلط واذا كنت انت واحد من

الكويسين والجامدين و دارسين التصوير

احب اقولك انك ببساطه مش هيكون عندك وقت انك تدخل علي الموضوع

المتواضع بتاعي ده اللي اخر رد فيه كان من شهرين تقريبا واللي انا

نسيته اساسا

واخيرا انا مش هقول انك هنتني بانك بتقول

مع احترامى لشخصك الفاضل قاعدة فى فسحاية ام اسماعين الخاطبة

لا بالعكس ده انت تعرف ام اسماعيل وقولتلي عليها فا يريت تقولي

علي رقم تليفونها علشان بدور علي عروسه

سلام

برضو اخوك شادى نادر

يا استاذ روميو

علي فكره برضو انا اشتغلت في المجال ده سنتين و ورينا شغلك من غير تحدي

هيما التلت

22-04-2008, 12:33 PM

romyo831

No comment

محمد غمرى

22-04-2008, 01:08 PM

موضوع رائع الف شكررررررررررررررر

dvd_sniper

22-04-2008, 08:05 PM

شكرا يا مان
بس انت قولت اسرار المهنه

golden scorpion

26-04-2008, 04:53 AM

كل اللى اقدر اقوله لك بارك الله فيك على الموضوع الجيد وسر الى الامام
وياريت ماحدش يتكلم على الفاضي
احنا عايزين كلام بفعل ومحدش يكسر من معنويات شخص بيفيد وما ينتظر شيء الا الرد والمساندة

aymandesoky

26-04-2008, 05:49 AM

thanxxxxxxxxxxxxxxxxxxx

eloper312

26-04-2008, 12:09 PM

تسلم يا باشا موضوع جامد انا كنت شغال مع واحد صحبى فى استوديو بتاعه والله كنا بنشوف العجب
وعبارة عن ان الواحد فعلا كان بيعمل حجات كتير حرام فى الصور دى وبتوصل الدرجه يا جماعه فى موضوع البوستيف ان المصمم بيشيل حجات موجود فى الوجه ةضيف حجات من الحسنات والعلامات والوحمات وفى الى بتكون عينه متصفيه ويطلع بيعنه سليمه
بس ان شاء الله انا اناوى اول ما اخلص امتحنات انزل ادور على شغل فى الداعايه بس مش عارف بقة دى فيها حاجه حرام لا لا ومكسبها ايه

the_cicker007

26-04-2008, 12:25 PM

الف شكر يا شادى موضوع جامد

weal khalil

06-05-2008, 11:35 PM

شادي نادر
موضوع مميز جدا
وخاصتا المعلومات التي نقلتها لنا بالفعل من واقع عملي فى مركز تصوير لفترة قصير كل ما تقول موجود بل انت مستفيــــــض جدا فى المعلومات
موضوع الحلال والحرام متعب جدا فى النقاش خاصتا اذا كان اللى بتتكلم معاه مجرد عاطفي او سأل اي حد او سبت او اتنين مفيش مشكلة طالما هناك مفتي ( حلال حلال حلال )
يا جماعه الخير احنا كان بيطلب مننا ناس ( مسيحيين ) نحمض ونطبع لهم صور عمليات زنا عشان ده الحل الوحيد لان يحصلوا على الطلاق لما ابوهم يشوف الصورة !!! طيب الراجل اللى عندنا كان بيصلي وبيعمل عمرة فكان بيرفض الشغل ده لكنه يوافق على شغل الافراح السداح المداح وعشان كده الواحد معمرش فى الكار ده
اخر حل ان يكون الواحد شغال فى محل 4 فى 6 :)

sondossss

07-05-2008, 02:26 AM

موضوع بجد تحفة جداً جداً جداً يا شادي "سوري طبعاً مع الاحتفاظ بالألقاب"
انا قرأت الموضوع من اولة لأخرة وبجد موضوع جامد ويستحق التقدير 10/10
بس انا كان ليا طلب صغير عندك انا عندي كاميرا ديجيتال وتقريبا انا اللي بصور بيها كل المناسبات الخاصة بينا والحمد لله الصورة بتطلع واضحة ونقية وغير مهزوزة وطلبي بقي اني كنت عايزة اعرف ازاي اظبطت الصورة دي (علشان محدش يفهمني غلط واللي بيفهموا غلط كثير اليومين دول ) هههههههه اظبطت الإضاءة يعني السطوع والتباين يعني بأختصار عايزة اعرف اتعامل مع صوري قبل الطباعة يعني الحجم المناسب للصور، تناسب الألوان، الاضاءة، الفلاتر اللي المفروض تستخدم فيها، يعني من الاخر لما اروح استوديو او معمل تصوير كل اللي اعمله اطبع واحاسب وامشي ههههههههههه
وميرسي ليك اوي علي الموضوع

sondossss

07-05-2008, 02:38 AM

موضوع بجد تحفة جداً جداً جداً يا شادي "سوري طبعاً مع الاحتفاظ بالألقاب"
انا قرأت الموضوع من اولة لأخرة وبجد موضوع جامد ويستحق التقدير 10/10
بس انا كان ليا طلب صغير عندك انا عندي كاميرا ديجيتال وتقريبا انا اللي بصور بيها كل المناسبات الخاصة بينا والحمد لله الصورة بتطلع واضحة ونقية وغير مهزوزة "وطبعاً دة كان بالممارسة لحد ما اتعلمت ازاي امسك الكاميرا" وطلبي بقي اني كنت عايزة اعرف ازاي اظبطت الصور اللي بصورها (علشان محدش يفهمني غلط واللي بيفهموا غلط كثير اليومين دول ) هههههههه اظبطت الإضاءة يعني السطوع والتباين يعني بأختصار عايزة اعرف اتعامل مع صوري قبل الطباعة يعني الحجم المناسب للصور، تناسب الألوان، الفلاتر اللي المفروض تستخدم فيها، انا الحمد لله عندي خبرة بالفوتوشوب طبعاً خبرة ليست بكبيرة يعني حاجة علي قدي كدة وساعات كثير كنت بظبط الصور بس انا عايزة المبادئ أو الأساسيات اللي بتحصل فعلاً علي الصورة علشان تبان أكثر واقعية يعني من الاخر لما اروح استوديو او معمل تصوير كل اللي اعمله اطبع وشيفت دليت واحاسب وامشي ههههههههههه
وميرسي ليك اوي علي الموضوع

sondossss

07-05-2008, 02:42 AM

سوري انا عدليت علي الرد في مشكلة عندي في النت بطيء جداً وبيهنج

weal khalil

07-05-2008, 09:24 PM

وده عشان موضوع التصوير وحكمة حلال هو ام حرام ام ماذا للناس اللى تحب الزيادة :)

http://www.alsalafway.com/cms/news.php?action=news&id=1286

ولا تنسونا من الدعاء بظهر الغيب

shady_nader

10-05-2008, 10:16 PM

وده عشان موضوع التصوير وحكمة حلال هو ام حرام ام ماذا للناس اللى تحب الزيادة :)

http://www.alsalafway.com/cms/news.php?action=news&id=1286

ولا تنسونا من الدعاء بظهر الغيب

بسم الله الرحمن الرحيم

ربنا يكرمك ويوفقك في حياتك انا قريت الموضوع من الموقع للافاده

وكنت عاوز اعرف من الاداره ممكن اخد الكلام ده واضيفه في الموضوع ولا لا

ياريت الاستاذ صلاح المسؤل عن القسم يفدني بالاجابه ضروري

وشكرا اخوكم شادي نادر