حوارات الجامعة تسبب الزاهايمر والشلل الرباعي. [الأرشيف] - موقع الدي في دي العربي

مشاهدة النسخة كاملة : حوارات الجامعة تسبب الزاهايمر والشلل الرباعي.

MIKO_FBI

06-12-2007, 07:19 AM

بسم الله الرحمن الرحيم
انا النهاردة جايبلكم موضوع جابلي الرعاش و الزهايمر الحمد لله مفيش شلل رباعي يا جماعة حوارات الجامعة بقت تخنئ كله بيرسم على كله وكله بيشتغل كله وكله عاطل وربنا يهدي كله وكل عيلة كلة واهدي سلامي لام كله ومحمد كله وابراهيم كله ............. ايه ده انا نسيت الموضوع مش بقول زهايمر على العموم اسيبكم مع الموضوع :

كثيرا ما نرى اثناء سيرنا فى الحرم الجامعى فى احد الاركان الهادئة شخصان يغلب عليهما طابع الهدؤء يتجاذبا اطراف الحديث والكل يعلم الحب المتبادل بينهما فالشخصان (ولد ؛ وفتاة) طبعا سوف يرتبطا مستقبلا ولكن وبعد فترة ليست بقليلة ولا كثيرة تنفض هذه العلاقة الرومانسية وذلك بسبب : اما ان جد جديد عكر صفو الرومانسية الطاغية على مشاعرهم ولكم ان تتخيلوا كل الجديد الذى يمكن ان يأتى او _ الباش مهندس دبلر سنة والاخت سابقاه بسنة_ او ........ الخ .فهناك كثيرا من الاعذار يمكن ان ياتى بها الطرفين لمحو هذه العلاقة ، ولى ان اقول بصراحة بلاغة انه لا يوجد حب اثناء الدراسة الجامعية _ فالباش مهندس لسة بيتعلم ومش عارف ان كان هيشتغل ولا لاء _ الطالب الجامعى اتى الى هذا الصرح العظيم لكى يتعلم وليس ليرتبط او _ يهلس _ فلكم ان تتخيلوا مستقبل علاقة حب بين طالبين للعلم ليس لهم اي دراية بمتطلبات الحياة ، لذا استمحيكم عذرا بان اقول وانا واثق مما اقوله بان الحب اثناء الدراسة الجامعية ما هو الا سخافة .انا لا ادعو الى كبت مشاعر الطلاب ولكنى ادعو الى ان الهدف الوحيد من الذهاب الى الجامعة ما هو الا الدراسة فقط لانك اخى الزميل لا تعلم ما سوف تقابله بعد الانتهاء والتخرج من الدراسة فانت تتصور ان _ الدنيا هتبقى بنبى وكله هيبقى قشطة _ لا عزيزى ان التخرج والتفرغ للحياة العملية ليس بامر سهل .كلمة اخيرة لكم : الحب ياتى بعد الخطوبة وليس قبلها لانك حينما تقدم على الخطوبة تكون متيقن بانك قادر على تحمل اعباء الحياة ولست تلميذ ينتظر الشهادة لتطعمه

MIKO_FBI

06-12-2007, 03:58 PM

ايه يا جماعة خمسة دخلوا ومفيش ولا رد الله يسماحكوا هو انا القيها منكم ولا من الجامعة

Lonely Angel

06-12-2007, 08:32 PM

ههههههههههههههههههههههههه
طريقتك لسرد الموضوع جميله بس خلينى اوضحلك نقطه
هى ان معظم الشباب هما فعلا من النوع اللى انت قولت عليه وفعلا بيبحبو وهما مش عارفين نهاية ده ايه اهو تضيع وقت لكن من ناحية تانيه فى فعلا حب فى الكليه بينجح وبينتهى بالزواج وبالنسبه للحب بعد الخطوبه فانا مع احترامى لرايك مش موافقك الراى لانى لو مش بحبها مش هخطبها
الف شكر يا غالى واسف للاطاله

brooa122

06-12-2007, 08:47 PM

كلام جميل يا زعيم
وعجبنى اوى وصفك للحب بالجامعة بالسخافة ...لانة غالبا بينتهى بالفشل

trazan2010

06-12-2007, 09:09 PM

انا معا ك ان تقريبا معظم او كل العلاقات دى بتفشل بس بقية كلامك على ان الحب بعد الخطوبة دة كلام مش صحيح لانى هروح اخطبها لية لو انا مش بحبها لو مش معجب بيها على الاقل لازم يكون فيه اعجاب واكون متاكد من رايها فالاول عشان ماروحش واطلب ايديها وهيا على نغمة واحدة ماخدوش يا بابا ماخدوش يا بابا

MIKO_FBI

07-12-2007, 01:11 AM

معلش يا جماعة على التأخير .
نورتوا كلكوا الموضوع ، انا عايز اقول من الموضوع اني ممكن اكون خطبت واحدة بس لسة مفيش حب مجرد اعجاب استظراف بس فمع الخطوبة كل ده ممكن يتحول لحب وممكن ما يتحولش و فترة الخطوبة بتبقي تحديد مصير.

طارق ربيع

07-12-2007, 01:21 AM

كلام زى المظبوط

لا بجد انت بتتكلم صح جدا

بس بلاش حقد باه وسيبو الناس تعيش يومين فى الجامعه

بس انت جميل وموضوعك جميل بجد

وكلامك صح جدا جدا جدا

trazan2010

07-12-2007, 01:25 AM

ايوة بالظبط سيبوا الناس تعييش يومين هههه عقبال ماعيش يومين

MIKO_FBI

07-12-2007, 01:29 AM

كلام زى المظبوط

لا بجد انت بتتكلم صح جدا

بس بلاش حقد باه وسيبو الناس تعيش يومين فى الجامعه

بس انت جميل وموضوعك جميل بجد

وكلامك صح جدا جدا جدا

منور الموضوع يا طارق ، والله انا مش بحقد بس انا خلاص جالي مرض الرعاش من الحوارات ديه لان اصحابي كلهم داقوا من علبة الزبادي الحمضانة ديه ، البت تقولك انا ابويا رقيب في الجيش وهو اساساً بتاع كشري و واحدة تانية تقولك انا بابا ظابت(ط) وهو اساساً امين شرطة يا عم كله بيرسم على كله وابقي سلملي على محمد كله وعبدالله كله وابراهيم كله وكل من في عيلة كله .

MIKO_FBI

07-12-2007, 01:33 AM

ايوة بالظبط سيبوا الناس تعييش يومين هههه عقبال ماعيش يومين

يارب تعيشلك يومين يا طرازان بديعلك من قلبي يا ابني تعيشلك يومين، وتلاقي بنت الحلال الى ترسم عليك وترشبك الكحك كل سنة وهي اساساً سنة واحدة ان عرفت تعديها .
ههههههههههههههههه اعزروني يا جماعة خلاص انا بحتضر من حوارات الجامعة ، وحياة ام هيثم ما هما نغعين العيال ديه .

trazan2010

07-12-2007, 01:43 AM

انا حاسس انك بتدعى عليا مش بتدعليلى

MIKO_FBI

08-12-2007, 12:38 AM

لا والله ياباشا بدعيلك من كل قلبي تعيشلك يومين

batsha

08-12-2007, 02:12 AM

الحمد لله
انا بطلت اروح الجامعه
علشان الحوارات دى

lyonaids

08-12-2007, 02:19 AM

طب انتو ماسكين سجاير ليه في الموضوع كدا:mdr:

شوف يا عزيزي الاكسلانس ..من الاخر...اللي عايز ينجح في الجامعة:

مايروحهاش ويقعد يزاكر في البيت ويروحها وقت الامتحان بس .!

لان الصراحة دي مش جامعة ..ده كباريه جواه عرض ازياء بالصلاه عالنبي !

عامة انت عندك حق ان حب الجامعة فاشل وده اللي بيأكده الاحصائيات

ان 95%من قصص حب الجامعة تنتهي بالفشل...

بس ماننكرش انها تجارب بردو بتنفع الطرفين بعد كدا..!

HESHAM19882006

08-12-2007, 02:24 AM

معلش يا جماعه

انا فيه حاجه ملاحظ ان محدش قالها خالص
ان مفيش اى راجل وانا بقول راجل فى مصر هيحب او هيرضى انو يشوف اختو قاعده مع واحد فى الجامعه لوحديهم بداعى انهم بيحبو بعض

انا فعلا بتفق معاك ان الحب والمقابلات الى بتحصل فى الجامعه سخافه لانها بتكون بغرض التسليه بس
كلامى ده مش معناه انى عايز الاختلاط يتمنع لا
لا عادى ان بنت تكلم ولاد لكن اهم حاجه الحدود

يارب تكون فكرتى وصلت صح

mohammedsoliman

08-12-2007, 03:14 AM

بصراحة اسوء حاجة انك تفتح قلبك لواحدة في الكلية و الاسوء اكتر انك تهمل في دراستك انت مش عارف ايه اللي ممكن يحصل بعد التخرج و انت عارف ان البلد مليانة شغل (بهزر طبعا)انا عن نفسي حبيت واحدة في الكلية و انا الان في سنة رابعة و بادعي من قلبي ان ربنا ينسهالي لاني عارف ان الموضوع نهايته فاشلة

MIKO_FBI

08-12-2007, 05:37 PM

يا جماعة احنا كلنا متفقين ان الحب في الجامعة نهايته الفشل لان اغلبه بيقوم على الحوارات الكذابة و الرسم على بعضهم .
ليونديس احناماسكين سجاير علشان نفش الغل الى جوانا

trazan2010

08-12-2007, 05:45 PM

بصوا بقى مالاخر كله بيعمل كدة مهى مجتش على انا يعنى سايبنيها كدة من ايام عبد الحليم وشادية وجايين لما انا ادخل الكلية تقولوا كدة غلط

MIKO_FBI

08-12-2007, 08:05 PM

عيش حياتك يا طرزان عيش ايامك ضحك ولعب وجد ومحشي عيب ايامك عيش بالطول والعرض والارتفاع عيش ايامك عيش لياليك خلي البنات تلعب بيك

trazan2010

08-12-2007, 09:02 PM

هههههههه ظريف بنات مين دى اللى تلعب بيا يا بنى انت متعرفنيش ولا اية معلش هعذرك اصلك جديد ومتعرفش طرزان ممكن يعمل اية

MIKO_FBI

08-12-2007, 11:58 PM

هههههههه ظريف بنات مين دى اللى تلعب بيا يا بنى انت متعرفنيش ولا اية معلش هعذرك اصلك جديد ومتعرفش طرزان ممكن يعمل اية

باشا انت عسل والله و البنات متقدرش تعمل معاك حاجة ده انا بهزر يا عم ، وعلى فكرة انا مش جديد النك نيم بس الى جديدانا هنا من زمان يجي اربع سنين كدة بس غيرت الجهاز بتاعي ومعاه النك نام القديم .
ومتزعلش ياباشا انا بهرج معاك

omnia_omo

09-12-2007, 03:49 AM

trazan2010

09-12-2007, 07:23 PM

الحب فعلا بعد الخطوبة... لان المشاعر بتكون نضجت... و انا فى اثناء اربع سنين الكليه شفت حاجات كتيييييييييير تزعل و الله مع ان حدودي كانت محدوده فى الكليه
بس شفت الولاد اللى بيتسلو بالبنات و البنات اللى بتتسلى بالولاد لحد ما تلاقى صاحب النصيب الاعمى اللى يرتبط بيها منغير ما يسأل عن اخلاقها
لكم ان تتصورو انى كنت فى مجمع الاسكندريه يعني فساد على مستوى الجمهوريه كلها.. و الحمد لله ليا الفخر انى تمسكت بدينى و اخلاقى اثناء الكليه و مخسرتش لحظة واحده ندمت عليها...
ماهو المشكله ان فى توعيه دينيه بس فى التليفزيون بس.. مش فى الاهل و البيت...
بس زى ما فى ناس مش محترمه .. نلاقى المحترمين كتير و الحمد لله
يالا .. ربنا يهدي و و الله يا جماعه الصبر حلو.. انا الحمد لله صبرت و و مشيت على طريق ربنا و ربنا اكرمنى بانسان مالى عليا الدنيا كلها الحمد لله

لالالالالالا انا مختلف معاكى كتيييييير اولا انتى لغيتى حاجة اسمها الحب بعد الخطوبة ودة مش ناوى اتكلم عليه
ثانيا بقى ماله مجمع اسكندرية مانا اهو فالمجمع لو حضرتك شايفة ان الاختلاط غلط مكنوش عملوا التعليم الجامعى مختلط ولو قصد حضرتك على الثنائيات او لما يكون ولد وبنت لوحدهم وعايشين دور الحب مش كلهم بيبقوا لغرض التسلية فيه منهم فعلا بيبقوا مصدقين انهم بيحبوا بعض ومش شايفين ان دة غلط وانا اسف لو قلتلك ان تفكير حضرتك تفكير غلط
والحكم بعد المداولة قصدى والحكم للاعضاء وصحابى والمجتمع والناس

omnia_omo

11-12-2007, 02:47 AM

يا طرازان يا ابنى انا مش قصدى امنع الاختلاط.. انا كل قصدى انى شفت حاجات كتير غلط فى الكليه و متنكرش ان فى حاجات كتير توجع الواحد بجد.
انت واحد و اكيد لو ملكش اخوات بنات بكره يبقى ليك زوجه و اولاد و هتخاف على ولادك من اللى بتشوفه فى الكليه دلوقتى
و تعليقا على كلامك اللى كان قصده ان تفكيري غلط.. لو واحد مش جاهز و مش عارف ايه نظامه بعد التخرج.. جيش و فى شغل ولا لأ.. و لو لقى بنت و حبها فعلا.. ما البنات الكويسين كتير الحمد لله.. يبقى يعدو يحبو فى بعض و هم مش عارفين ايه اخر الحب ده؟؟ ولا يعيشولهم يومين والسلام
ولا الولد يتخرج و يكون نفسه و بعد كده يدور على بنت الحلال اللى شايف انها هتسعده؟
انا مش شايفه انه غلط لو بنت حبت ولد و صارحت اهلها و اهلها موافقين.. بس اى كلام من ورا الاهل يبقى شغل فى الضلمه.. و اى حاجه فى الضلمه تبقى غلط.. و هتقولى ماهو الاهل مش هيوافقو.. هقولك الاهل مش هيوافقو ليه؟؟؟ و حط نفسك مكان والدك و والدتك و فكر هتتصرف ازاي مع بنتك
عيش حياتك فى الكليه.. اطلع رحلات و صاحب الناس على قد ما تقدر.. ايام الكليه حلوة .. و لو لقيت الحب الصادق توكل على الله بس تبقى واثق انك هتكمله صح و منغير ما يبقى ورا اهل حد منكم عشان ربنا مش بيبارك غير فى الحلال
و يا ريت توضحلى وجه نظرك او رفضك لكلامى منغير هجوم .. ولا احنا فى حرب؟؟؟ .. عشان برده انت اللى رديت عليا و رفضت كلامى فى البنوته اللى عايزة رأينا فى الولد اللى معجب بيها
مش رأيك برده انه لو راجل فعلا كان راح كلمها.. ولا هيفضل يعلقها من بعيد لبعيد.. هتقولى يمكن خايف.. هقولك هو فى راجل بيخاف؟

MIKO_FBI

11-12-2007, 10:02 PM

مرسيييييييي على مروركم يا شباب