سؤال لكل من يملك 6120 classic

[koko_1234]

انا قريت كتير جدا عن 6120 وقريت عن رأيكم فيه واحترمته جدا
بس انا عاوز اعرف موضوع الكاميرا ده ممكن الصوره تتظبط لما افتح الفلاش واللون الاخضر يروح ولا برضه الصوره بتطلع وحشه
وياريت الناس المعاها الجهاز ده تقولى رأيهافيه عشان اتوكل على الله واجيبه ولا اشوف جهاز تانى
سؤال تانى فى ناس بتقول صوته واطى جدا وناس بتقول صوته مسموع بس نقى وواضح جدا ايه الصح بقى؟يعنى صوته نقى وواضح ولا صوته مش مسموع
انا والله بحترم رأيكم جدا وهاخد بيه باذن الله
شكرا ليكو كلكم
ياريت ياجماعه تقولولى رأيكم

[samozaen91]

بص يا اخ كوكو انا كنت زيك كده محتار بس بجد خليك ف الان 70 ميوزك احسن كتير من ال 6120 اولا صوت الان70 اعلى تانى حاجه كاميره الان70 لايعلى عليها احسن بكتير من ال 6120 و ال 5700 ده غير ان الزووم اللى فيها كبير جدا 20x لكن ال 6120 و ال 5700 4x بس و الفيديو ما شاء الله نهار او ليل جامد و انا كنت فاكر ان الان 70 ميوزك بيهنج و كده بس طلع كويس و كنت فاكر انه بطئ لكن انا شايف امه زى ال 6120 بس يمكن ال 6120 اسرع شويه بس شويه بسيطه ممكن متحسهاش اصلا و ربنا يوفقك و تجيب حاجه تسعدك و يارب اكون افدتك

[koko_1234]

شكرا ياأخ سامو انك قولتلى رأيك
متشكر جدا جدا