osamaosama
05-12-2007, 12:26 PM
السلام عليكم جميعاً .. ده حوار دار بينى وبين احد المصممين المحترفين المشاركين معانا فى المنتدى على الشات وانا حاولت أعمل له تلخيص وترتيب للأفكار علشان يطلع بالشكل ده
كمان حاولت اضيف عليه بعض الافكار من بقية الناس الى بتضيف خبرتها فى المنتدى بس للأسف انا علشان الوقت حضرت عدد قليل من الاسئله وعرضتها وان شاء الله اكمل فى مره تانيه
حوار بين مصمم مبتدئ وآخر محترف
لما سألته ايه هيا اهم صفات مصمم الجرافيك قالى..
اول حاجه يراعى ربنا فى شغله يعنى يحاول ان الشغل الى يطلعه ميكونش فيه اى صورة فيها تغيير لخلق ربنا او فيها نشر للرزائل
ولازم يكون عارف تقريبا كل امكانيات البرامج الى بيشتغل بيها .. مان لازم يشتغل ويطبق شغل كتير ويكون عنده رؤية للشغل قبل ما ينفذه الاهم انه يشوف الناس بتشتغل ازاى فى كل مكان يعنى يتفرج على شغل لمصممين سواء العرب او الاجانب محترفين او مبتدئين وكمان يحاول يشوف ويجمع عدد كبير من الكروت والاعلانات وهو ماشى يتفرج على اليفط او الاعلانات فى القنوات التليفزيونية ويحاول يعرف ايه الافكار الجديدة الى فيها
ومهم جدا انه ما يحبسش نفسه فى مكان شغله وبس يعنى يحاول يتعرف على العملا الكبار ويفرجهم على شغله علشان يطور دايما من نفسه ومن درجه شغله وكمان لو يحاول يقرا كتب عن الجرافيك وعن الالوان عن الفنون فى التصميم بالاضافه لكتب عن ادارة الاعمال علشان يعرف السوق ماشى ازاى
تنصحنى بإيه اتعلمه مع الفوتوشوب ؟
مهم جداً تتعلم جنب الفوتوشوب برامج تانيه زى الكوريل درو والاليستريتور لأن البرامج دى بترسم بالفيكتور وفيه امكانيات كتيرة ممكن تضيفلك كتير وتوفر عليك وقت كتير ده لو هتشتغل فى الدعاية والاعلان لكن لو هتشتغل فى تصميم الويب انصحك تتعلم فلاش بالاضافه لبرامج تصميم الصفحات زى الدريم ويفر
ازاى اشتغل بسرعة وفى نفس الوقت اطلع شغل كويس؟
كل الفكره انك تكون منظم من الاول .. وكتر النظام والتفكير السريع هيخليك تعرف تعمل ايه بالظبط غير الافكار كمان الى ممكن تجيلك وانت شغال
فلو كان مثلا مطلوب منك تصمم كارت حاجه مهمه انك تسيب تصميم الخلفية للآخر لأنك ممكن تاخد فيها وقت طويل او ممكن تعمل خلفيات متعجبش العميل لكن الى مش ممكن يعترض عليه العميل هو اسمه وبيانات نشاطه وده الى تعمله فى الاول
بالنسبة لخلفية التصميم سواء كان كارت او بروشور او يافطة الحقيقة انا بشوف خلفيات واستغرب دى اتعملت ازاى واقول لنفسى انا صعب جدا اعمل حاجه زى دى ؟؟
انت كمبتداء علشان تعمل خلفيه زي دي صعب شويه لانها بتكون حاجه اسمها ريكلامات ودي بيعملها مصممين عندهم خبره وحس فني عالى الى عليك انت فى الاول انك تحاول بس تحللها
طيب ايه التقنيات الى بيستخدموها فى تصميم الخلفيات دى ؟؟
في فلاتر بتتباع جاهزه بتعمل الكلام ده بس اغلبيه الشغل بيكون بفلاتر الفوتوشوب وبيكون ناتج عن معرفه قويه جدا من المصمم باللي بينتجه الفلتر بالظبط وعارف ايه اللي هيحصل من قبل ما يفكر يستخدمه وده الفرق بين المحترف والهاوي
ان شاء الله بقية الموضوع هتكون على شكل سؤال وجواب علشان كل الناس تستفيد
بالمناسبة نسيت اقول انه قالى مقولش اسمه على المنتدى وطبعا انا بطلب منكم جميعا الدعاء له بظهر الغيب
كمان حاولت اضيف عليه بعض الافكار من بقية الناس الى بتضيف خبرتها فى المنتدى بس للأسف انا علشان الوقت حضرت عدد قليل من الاسئله وعرضتها وان شاء الله اكمل فى مره تانيه
حوار بين مصمم مبتدئ وآخر محترف
لما سألته ايه هيا اهم صفات مصمم الجرافيك قالى..
اول حاجه يراعى ربنا فى شغله يعنى يحاول ان الشغل الى يطلعه ميكونش فيه اى صورة فيها تغيير لخلق ربنا او فيها نشر للرزائل
ولازم يكون عارف تقريبا كل امكانيات البرامج الى بيشتغل بيها .. مان لازم يشتغل ويطبق شغل كتير ويكون عنده رؤية للشغل قبل ما ينفذه الاهم انه يشوف الناس بتشتغل ازاى فى كل مكان يعنى يتفرج على شغل لمصممين سواء العرب او الاجانب محترفين او مبتدئين وكمان يحاول يشوف ويجمع عدد كبير من الكروت والاعلانات وهو ماشى يتفرج على اليفط او الاعلانات فى القنوات التليفزيونية ويحاول يعرف ايه الافكار الجديدة الى فيها
ومهم جدا انه ما يحبسش نفسه فى مكان شغله وبس يعنى يحاول يتعرف على العملا الكبار ويفرجهم على شغله علشان يطور دايما من نفسه ومن درجه شغله وكمان لو يحاول يقرا كتب عن الجرافيك وعن الالوان عن الفنون فى التصميم بالاضافه لكتب عن ادارة الاعمال علشان يعرف السوق ماشى ازاى
تنصحنى بإيه اتعلمه مع الفوتوشوب ؟
مهم جداً تتعلم جنب الفوتوشوب برامج تانيه زى الكوريل درو والاليستريتور لأن البرامج دى بترسم بالفيكتور وفيه امكانيات كتيرة ممكن تضيفلك كتير وتوفر عليك وقت كتير ده لو هتشتغل فى الدعاية والاعلان لكن لو هتشتغل فى تصميم الويب انصحك تتعلم فلاش بالاضافه لبرامج تصميم الصفحات زى الدريم ويفر
ازاى اشتغل بسرعة وفى نفس الوقت اطلع شغل كويس؟
كل الفكره انك تكون منظم من الاول .. وكتر النظام والتفكير السريع هيخليك تعرف تعمل ايه بالظبط غير الافكار كمان الى ممكن تجيلك وانت شغال
فلو كان مثلا مطلوب منك تصمم كارت حاجه مهمه انك تسيب تصميم الخلفية للآخر لأنك ممكن تاخد فيها وقت طويل او ممكن تعمل خلفيات متعجبش العميل لكن الى مش ممكن يعترض عليه العميل هو اسمه وبيانات نشاطه وده الى تعمله فى الاول
بالنسبة لخلفية التصميم سواء كان كارت او بروشور او يافطة الحقيقة انا بشوف خلفيات واستغرب دى اتعملت ازاى واقول لنفسى انا صعب جدا اعمل حاجه زى دى ؟؟
انت كمبتداء علشان تعمل خلفيه زي دي صعب شويه لانها بتكون حاجه اسمها ريكلامات ودي بيعملها مصممين عندهم خبره وحس فني عالى الى عليك انت فى الاول انك تحاول بس تحللها
طيب ايه التقنيات الى بيستخدموها فى تصميم الخلفيات دى ؟؟
في فلاتر بتتباع جاهزه بتعمل الكلام ده بس اغلبيه الشغل بيكون بفلاتر الفوتوشوب وبيكون ناتج عن معرفه قويه جدا من المصمم باللي بينتجه الفلتر بالظبط وعارف ايه اللي هيحصل من قبل ما يفكر يستخدمه وده الفرق بين المحترف والهاوي
ان شاء الله بقية الموضوع هتكون على شكل سؤال وجواب علشان كل الناس تستفيد
بالمناسبة نسيت اقول انه قالى مقولش اسمه على المنتدى وطبعا انا بطلب منكم جميعا الدعاء له بظهر الغيب