لا وجود لكائنات فضائيه وهذا دليلى ارجو الدخول بسرعه والاهتمام الموضوع ساخن جدا

[I LOvE YoU NoR]

السلام عليكم ورحمة الله وبركاته

اخوانى الاحباء كثر الكلام على وجود كواكب اخرى مثل الارض يعيش فيها اشخاص اخرون
ولاكن يجب ان نفكر لحظه هل اذا كانت هناك حياه اخرى فى احدى الكواكب فمن سيعبدون ؟؟
والله اعلى واعلم
ولاكن اخوانى الاحباء لا حياه الا على كوكب الارض والله اعلى واعلم لان اخر الاديان هوا الاسلام واخر الرسل هوا الرسول محمد صلى الله عليه وسلم
اذا فكيف سيصل قراننا الكريم الى تلك الكواكب ومن الرسول الذى سوف يبعث اليهم ؟
فتفكيرنا بوجود حياه على سطح اى كوكب خر تفكير خاطئ جدا
ويجب ان نعلم جميعا ان الله خلقنا على كوكب واحد فقط والله اعلى واعلم
ولا توجد كائنات فضائيه تعيش فى الفضاء لان القران لم يتكلم عنهم وكلنا نعلم ان قراننا تكلم عن القمر والشمس والكواكب ولم يقول انه توجد ذريات اخرى فى تلك الكواكب والله اعلى واعلم
اتمنى النقاش من الجميع واذا انا اخطئت فإنه منى ومن الشيطان
واذا اصبت فأنه من عند الله

[MeSoOo™]

كلامك صحيح اخي وانا قد قلته ووضحته بالتفصيل هنا

http://www.dvd4arab.com/showthread.php?t=658540

[sherifbarcelona]

الله اعلى واعلم
لكن يا اخى هناك بعض الايات فى القران - فى اعتقادى - انها تكلمت عن هذا الموضوع ولكن بشكل غير مباشر
وبشكل يجعلنا فى مثل هذا الموقف الان حول اثبات او تكذيب الموضوع
ولكن - دليلك - ان لم يكن هناك اية مخلوقات فضائية اخرى فى الكون
ففسر لى كل الظواهر والصور والكليبات الاخرى
وابسط شىء اطلبه منك
هو تفسير الرسومات الموجودة فى كل انحاء العالم
والى تثبت بالعل وجود كائنات ارى غيرنا
ارجوك انا اريد الرد منك

[I LOvE YoU NoR]

اخى ميسوا جزاك الله كل خير وموضوعك حقيقى ممته وشيق ورائع جدا



===========================================



اخى الحبيب اذا فاين هيا الان لما لا تظهر من جديد اذا كانت فعلا ظهرت لهم
وبالنسبه للنقوش فهم كانوا يرسمونها لانهم كانوا يقدسونها ويعتقدوا انها الهتهم

مثل قدماء المصرين كانوا يقدسون الحيه ويعبدونها ويعبدون الشمس ويعبدون القمر ويعبدون الحيوانات
ولاكن الرسومات يمكن ات تكون من مخيلاتهم وليست معنويه
تقبل تحياتى
وشكرا لك اخى الحبيبى على المرور

[sherifbarcelona]

اخى اشكرك على ردك علىّ
ولكن وجهة نظرك ربما تكون مقنعه
اخى انت بالتأكيد شاهدت صور ورسومات ومنقوشات فى الحضارات جميعها
والغالبية للفراعنة
وان كانت رسوماتهم مخيلاتكما تقول
اذن فلماذا يأتى بهم خيالهم الى هذا النوع بالذات؟
والغريب ان اغلب رسوماتهم من هذا النوع تصب الى نفس الشىء
وهو وجود اناس معهم
وانا لم اتحدث عن مقدسات
انا اتحدث عن صور واشياء ورسومات موجودة بالفعل
وارجو ان تنظر مرةاخرى اليهم
واسأل نفسك ما الذى جاء بهذه الرسوم والعلامات الى الارض
مع العلم ان هناك رسومات كثيرة ابناء الحضارات انفسهم لم يرسموها بأيديهم وبالتالى فهناك اخر من رسمها وبدقة متناهية

انا اسف انى اطلت فى ردى
ولكن موضوعك للنقاش
وكلها اراء
وارجو ان تتقبل وجهة نظرى
اخوك شريف

[5O CENT]

ان الله اعلم فلا جدوى من النقاش حول هدا الموضوع

[h_aefekry]

أخالفك فى رأيك لأن سيدنا محمد(صلى الله عليه و سلم )و أخر رسول من رسل اللأرض و الله أعلم و أيضا قال تعالى ((و يخلق ما لا تعلمون)) ً(صدق الله العظيم) و عندما يقول تعالى (لا) و هى حرف نفى فهو ينفى علمنا بما خلق تماما ألى حين يشاء الله و شكرا على الموضوع

[I LOvE YoU NoR]

حقيقتا ردودكم جميله ومقنعه وانا اتفق معك اخوانى الاحباء H_aefekry

وايضا اخى الحبيب sherifbarcelona
جزاكم الله جميعا كل خير

[yasser_x]

فكرة كويسة اخي الكريم

وببساطة انا وضحت غي كذا موضوع لي هنا في القسم

ان الانسان هو الكائن الاسمي في هذا الكون , ورغم وجود الجن

لكنهم لا نراهم ويعيشون معنا علي الارض ولهم عالمهم الخاص وكفي

أما بقي حكاوي القهاوي بتاعت الفضائيين واطباقهم الطايرة دي

فدة كلة كلام فارغ وساذج وللاسف أحنا بنجري وراة وخلاص كدة

رغم انة تضليل غربي وأمريكي بالاخص , الا ان في كتير بيصدقوا

العبط والخيال الامريكي دة , ربنا يهدينا للصواب ...

شكرا لك مرة أخري علي ملحوظتك الذكية ..

[خريج قديم]

السلام عليكم

أخي العزيز، بداية الموضوع كان عن عدم إقتناع الاخ الكريمI LOvE YoU NoR بوجود كائنات فضائية، وبرره بأدلة هو مقتنع بها، وساق أخ أخر زي الاخ sherifbarcelona ادلة وهو كما يبدو مقتنع بوجود حياة أخرى بعيدا في الفضاء فلكل منا رايه ولا نستطيع إجبار الاخرين على قبول رأي والوصف بأنه كلام ساذج أو تافه أو غيره، فالموضوع للنقاش وليس للجدل، فلو تكرمتك بمناقشة الغير في رأيه ومبرراته، فإما ان يقنعني أو اقنعه أو يظل كما هو مقتنع برأيه وهذا لا يفسد للود قضية.
فدعونا نتناقس بهدوء وكل منا يسوق مبرراته لمناقشتها.
ولكم الشكر

[mahmoud4ever]

السلام عليكم ورحمة الله وبركاته

اخوانى الاحباء كثر الكلام على وجود كواكب اخرى مثل الارض يعيش فيها اشخاص اخرون
ولاكن يجب ان نفكر لحظه هل اذا كانت هناك حياه اخرى فى احدى الكواكب فمن سيعبدون ؟؟
والله اعلى واعلم
ولاكن اخوانى الاحباء لا حياه الا على كوكب الارض والله اعلى واعلم لان اخر الاديان هوا الاسلام واخر الرسل هوا الرسول محمد صلى الله عليه وسلم
اذا فكيف سيصل قراننا الكريم الى تلك الكواكب ومن الرسول الذى سوف يبعث اليهم ؟
فتفكيرنا بوجود حياه على سطح اى كوكب خر تفكير خاطئ جدا
ويجب ان نعلم جميعا ان الله خلقنا على كوكب واحد فقط والله اعلى واعلم
ولا توجد كائنات فضائيه تعيش فى الفضاء لان القران لم يتكلم عنهم وكلنا نعلم ان قراننا تكلم عن القمر والشمس والكواكب ولم يقول انه توجد ذريات اخرى فى تلك الكواكب والله اعلى واعلم
اتمنى النقاش من الجميع واذا انا اخطئت فإنه منى ومن الشيطان
واذا اصبت فأنه من عند الله

بجد انت موضوعك عجبنى جدا جدا جدا وعشان كده همسكلك موضوعك حته حته اعلق عليه ...

أولا :

(( السلام عليكم ورحمة الله وبركاته ))

"""~~~ وعليكم السلام ورحمة الله وبركاته ~~~"""

(( اخوانى الاحباء كثر الكلام على وجود كواكب اخرى مثل الارض يعيش فيها اشخاص اخرون ))

مختلفناش هنا ...

(( ولاكن يجب ان نفكر لحظه هل اذا كانت هناك حياه اخرى فى احدى الكواكب فمن سيعبدون ؟؟ ))

أولا دا شئ ممكن دا أكيد ومن المؤكد فى 200 مجموعه زى الموجموعه الشمسيه باضبط ... أو أكثر أيضا ... الذى سيعبد هو الله سبحانه و - تعالى - ...

(( ولاكن اخوانى الاحباء لا حياه الا على كوكب الارض والله اعلى واعلم لان اخر الاديان هوا الاسلام واخر الرسل هوا الرسول محمد صلى الله عليه وسلم ))

أولا إحنا قولنا ان ممكن تكون فى حياة تانيه على كواكب أخرى ومازال العلماء يدرسون ذلك ... وآخر الأديان هو الإسلام ~~ فى الأرض ~~ لاحظ إنك لازم تقول فى الأرض لأن الله سبحانه و - تعالى - ممكن يكون خلق كواكب وأناس آخرون على تلك الكواكب الأخرى وبعث لهم نبى ... وآخر رسول هو الرسول محمد صلى الله عليه وسلم خاتم الأنبياء ~~ فى الأرض ~~ وكما قلنا ان الله أقدر على أن يحي الكواكب الأخرى ويملؤها بأناس ويبعث لهم نبيا ...

(( اذا فكيف سيصل قراننا الكريم الى تلك الكواكب ومن الرسول الذى سوف يبعث اليهم ؟ ))

دا بأه شئ ميخصكش انت القرآن مش لازم هو الى يوصلهم ممكن يكون هناك كتاب آخر والرسول الله اعلم واقدر ...

(( فتفكيرنا بوجود حياه على سطح اى كوكب خر تفكير خاطئ جدا ))

ليه انت هتحكم على آراء الناس وانا عارف ان دى وجهة نظرك بس من فضلك تقول ودى وجهة نظرى ...

(( ويجب ان نعلم جميعا ان الله خلقنا على كوكب واحد فقط والله اعلى واعلم ))

خلقنا احنا على كوكب واحد فقط ....

(( ولا توجد كائنات فضائيه تعيش فى الفضاء لان القران لم يتكلم عنهم وكلنا نعلم ان قراننا تكلم عن القمر والشمس والكواكب ولم يقول انه توجد ذريات اخرى فى تلك الكواكب والله اعلى واعلم ))

وما أدانا بتفسير القرآن إن الله سيفسر القرآن الكريم فى الآخره بتفسير مختلف عن تفسير الإنسان ومتنساش (( وما أوتيتم من العلم الا قليلا ))



إنت ملاحظ ان احنا مختلفين وانا شكلى موافق على وجود المخلوقات الفضائيه ..

لكن لا انا لا اوافق على وجود المخلوقات الفضائيه تصور وجهة نظر متشابه وانا عمال اعلقلك على كل كلمة ...

ولكن ما بيدى حيله دا واجبى هنا ان اكون محايد واصصح الخطأ ...

اخوك محمود ولا تضيق نفسك لكلامى ..

[al-mu3allem]

احنا هنا فى الشرق مؤمنين بالدجل و الشعوذة و الاعمال و العفاريت و الخرافات و كل اهتمامنا بالجن و الاعمال ؟؟

لو فيه عنوسة يقولك عمل و لو فيه مرض يقولك عمل او حسد او عفريت و لو جالك مغص هيقولك ده عمل


انا عارف ان الجن و الحسد و السحر موجودين و مذكورين فى القرأن بس مش معنى كده ان هما بيتحكموا فى حياتنا بالطريقة الفظيعة ده ؟؟؟؟؟؟؟


اما الغرب كل تفكيرهم و تفسيرهم و تخيلاتهم و احلامهم و كوابسهم عن المخلوقات الفضائية و اى ظاهرة مش عارفين نفسرها ؟؟ احنا نقول عفاريت و هما يقولو كائنات فضائيه ؟؟؟؟؟؟؟؟ و اللى بيقتنع بحوار الكائنات ده هتلاقيه مقتنع اساسا بالحضارة الغربية و مقتنع بعقليتهم و مقتنع بكل حاجة فيها


انا مش بقتنع غير بالقرأن و بثقافتنا احنا


الناس اللى بتقول الايات و ان احنا مش عارفين كل حاجة و ان ربنا خلق ما لا نعلم


انا معاكو ؟؟ بس مش معنى كده يبقى الفضاء ؟؟؟ اذا كان احنا فى القرن ال21 و كل يوم بنكتشف مخلوقات و امراض و اماكن عمرنا ما سمعنا عنها ؟ يبقى لما نزهق من كوكب الارض و نخلصه ؟ نخش على الفضاء


محدش فيكو فكر ؟؟ ربنا خلق كوكب الارض ليه ؟؟؟ عشان سيدنا ادم و الشيطان و عشان التحدى و الحرب اللى ما بينا و بين الشيطان ( حزب الله و حزب الشيطان ) و اول واحد اتخلق هو سيدنا ادم و بعدها حوا اللى هى من ضلع سيدنا ادم و بعدها ذريته اللى احنا ؟ يعنى كلنا ذرية سيدنا ادم و الشياطين كلها ذرية ابليس ؟؟ الحياة اساسا فوق فى السما السابعة عند ربنا سبحانه و تعالى و ده الاصل ؟ و اى حاجة متوقعه و غير متوقعه عند ربنا ؟؟ لكن الاستثناء هو ان سيدنا ادم اساسا كان فى الجنة و لما عصى ربنا نزل كوكب الارض ؟؟؟؟؟ يبقى احنا هنا فى الكوكب ده اختبار من ربنا عشان يفصل ما بين مين اللى هيدخل الجنة و مين اللى هيدخل النار ؟؟؟؟؟ و كلها كام سنة عشان نرجع لربنا ؟ و نشوف نتيجة افعالنا و يا ترى احنا دخلنا انهى حزب ؟؟؟؟؟؟


اما بقية المجرات و الكواكب مخلوقة عشان نعرف مدى مقدرة ربنا و ابداعه و مدى عظمته و عشان نقول سبحان الله مش اكتر ؟؟ و ده هدفنا فى الحياة


اما الغرب ملوش هدف او حاجة مؤمن بيها عشان كده تفكيرهم كله فى حاجات ملهاش اى اساس من الصحة و ملهاش دليل غير شوية هلاوس و خرافات



و رأيى ده انا مش بقولو من فراغ بالعكس انا بقولو من ايمانى بربنا و بدين الاسلام


و السلام عليكم و رحمة الله و بركاته

[I LOvE YoU NoR]

mahmoud4ever ردك حلو بس مش متفق مع كل كلامك بس انت صح

رد اخى الحبيب المعلم

بشكره عليه بجد
رد مقنع جدا وجميل
ومدهش
ووصلت المعلومه بطريقه سهله وجميله
جزاكم الله جميعا كل خير

[dolphen9]

موضوع جميل واراء مختلفه ولكن
الخلاف فى الراى لايفسد للود قضيه
انا شخصيا مصدق احتمال وجود حياه تانيه على كواكب اخرى
واعتقد ان الشواهد اللى بتأكد وجود حياه على كواكب اخرى اكتر من ادله النفى

اما بقية المجرات و الكواكب مخلوقة عشان نعرف مدى مقدرة ربنا و ابداعه و مدى عظمته و عشان نقول سبحان الله مش اكتر ؟؟ و ده هدفنا فى الحياة

انا بخالف الرأى دا تماما
مفتكرش ان ربنا
سبحانه وتعالى
خلق الكون دا كله
عشرات المجرات
مليارات النجوم والشموس ولاقمار
ملايين الكواكب
فقط لاثبات الابداع الالهى
دلائل الابداع والعظمه الالهيه موجوده على الارض فى كل شكل من اشكال الحياه على الارض
فامعتقدش ان الكون بكل الكواكب اللى فيه مجرد دليل اثبات


وبعدين المشكله فى الانسان انه من ساعه لما غزا الفضاء وبدأ رحله البحث عن حياه فى الكواكب الاخرى
ان وجود حياه فى الكواكب الاخرى خاضع لقوانين وجود الحياه على كوكب الارض
يعنى حتميه وجود ( غلاف جوى & ارض خصبه & هواء ( اكسجين ) )
يعنى قصدى لازم تتوفر شروط المعيشه البشريه
ودا فى رأيي غلط خالص

والف شكر على الموضوع الجميل

[Dr.Mizoo]

السلام عليكم ورحمة الله وبركاته
على فكرة موضوعك دة مهم جدا جدا جدا لانه محل خلاف بين كثير من الناس
وانا عايز اعلق على الموضوع بتاعك .
اولا: هناك اية كريمة فى القران الكريم تقول (أوليس الذى خلق الاوات والأرض بقادر على أن يخلق مثلهم بلى وهو الخلاق العليم)صدق الله العظيم...اذن ليس هناك مانع من أن يخلق الله أرضا غير ارضنا وسماوات غير سمائنا لأنه تعالى على كل شئ قدير....ومن ذلك فالله تعالى قادر على خلق مخلوقات اخرى تعيش على هذة الكواكب

ثانيا:وهذا ما يخطئ فيه كثير من الناس انهم ربطوا بين المخلوقات الاخرى وبين الكواكب والفضاء بمعنى انهم لايتوقعون ان يكون هناك مخلوقات اخرى غير البشر من غير ان يكون هناك بالمقابل كواكب يعيشون عليها...وهذا خطأ كبير جدا لأنه ينسينا احد الاشياء التى يجب ان نؤمن بها فى ديننا بل ومن لم يؤمن بها فقد انكر امرا معلوما من الدين بالضروة ألا وهو خلق الملائكة الكرام...فالملائكة خلق من خلق الله تعالى يعيشون فى السماء لا على الكواكب وهناك انواع منهم يعيشون فى الارض وهما رقيب وعتيد(ما يلفظ من قول إلا لديه رقيب عتيد)ومع ذلك لا نراهم وهم معنا على أرض واحدة فكيف اذا كان هناك مثلا ملائكة اوجن او أى خلق اخر خلقه الله تعالى يعيشون على كواكب اخرى بل فى كون ثانى غير كوننا يتألف من سماء وكواكب أخرى بل يعيشون فى نظام اخر غير الكون......اليس هذا محال على الله تعالى(إنما أمره إذا أرد شيئا أن يقول له كن فيكون)

فأرجوا وأسأل الله تعالى أن يكون قد تبين الاهر وان اكون قد وفقت فى البيان والسلام عليكم ورحمة الله وبركاته

[mr:same7]

موضوع جميل جدا يا لاف بس معلش ايا كان رائيك او رأينا انا شايف ان الجمله دى غلط وملهاش لازمه


اذا فكيف سيصل قراننا الكريم الى تلك الكواكب ومن الرسول الذى سوف يبعث اليهم ؟
فتفكيرنا بوجود حياه على سطح اى كوكب خر تفكير خاطئ جدا






اما بقية المجرات و الكواكب مخلوقة عشان نعرف مدى مقدرة ربنا و ابداعه و مدى عظمته و عشان نقول سبحان الله مش اكتر ؟؟ و ده هدفنا فى الحياة

فقدره ربنا مش محتاجه لدلائل

ومش كل حاجه نشوفها نمصمص شفايفنا ونقول سبحان الله

له فى خلقه شئون

ويخلق ما لا تعلموون

و انا من وجهه نظرى ان اكيد فى مخلوقات بتعيش على الكواكب التانيه

سواء كانت بقى مخلوقات فضائيه او نباتات او حشرات او اى حاجه

والله اعلم

وشكرا على موضوعك يا باشا وتقبل مرورى

[xxxccxxx]

السلام عليكم
الفطرة
هناك الفطرة التي يخلق الله المكلفين بها داخل انفسهم
الرسل ياتون في زمن انحلال وفساد وشذوذ الفطر
فيجادل عقولهم بالحجج ويردهم للفطرة
الناس لو لم يتعمدوا تنكيس فطرهم لعرف ان الحجر لا ينفع ولايضر فما بالك بالسجود له واعتباره اله
اليهود قتلوا رسل والعرب رجموا النبي ص بالحصى

قد يكون لم يحدث شذوذ في فطر الفضائيين مثل البشر
هناك قرى في اوربا اهلها على الفطرة مؤمنيين ولم يسمعوا يوما لا بالمسيحية ولا بالاسلام عندهم الاله واحد وهو من اوجد الارض والسماء وهذا الكون هكذا بكل بساطة

[jamaicawy]

انت عملت موضوعك من وجهة نظر دينيه بس و تجاهلت كل الصور الفيديو
و عشان كده حرد عليك بالدين
*ممكن جدا ان يكون ليهم رسل تانيه زينا
*و ممكن يكونوا جم عندنا و سمعوا كلام الله علي لسان الرسول زي ما حصل للجن
*و ربنا ذكر انواع كتير من المخلوقات التي معدتش علينا زي الي شافها ذو القرنين في رحلته و فيه ناس بتعتقد ان ذو القرنين وصل للفضاء

[ahmedarwish]

السلام عليكم ورحمة الله وبركاته
أعتقد ان الموضوع اللي بتتكلم فيه ده صعب جداً وان من المستحيل الوصول الى رأي حاسم الا في وجود دليل قاطع أو بمعنى أصح عمرنا ما هنقدر ننفي عدم وجود حياة في مكان آخر وهنضل نشك فيها لأن من المستحيل أن نصل الى كل المجرات والكواكب ونبحث فيهاالا لو حصل العكس وتواصلنا مع أي حياة في أي مكان آخر
يعني عمرنا ما هنقدر ننفي ولكن احتمال نقدر نثبت
ولكن رأي الشخصي ان من الممكن جدا وجود حياة في أي مكان آخر لأن ربنا سبحانه وتعالى خلق الكون كبير جدا ومتسع جدا وطبعا ده لحكمة ما ولكن ده يثير الشك اكتر ان فيه مخلوقات غيرنا موجودة ممكن تكون عاقلة او تكون غير عاقلة الله أعلم
أما موضوع ان سيدنا محمد هو آخر الأنبياء وبخصوص كيف سيصل القرآن لهم فالله قادر على كل شيئ ولا نعلم اذا كان سيصلهم أم أن لهم نظام مختلف تماما عنا ولكن الأكيد ان لو في مخلوقات أخرى فكلها الها واحد وكلها تعبد ربنا أو المفترض أنها تعبده الا الكفرة والعياذ بالله فلا تنسى ان في بيننا - أقصد من بني الانسان - من يكفر بالله والعياذ بالله وأيضا فليست كل المخلوقات تعبد الله بالطريقة ذاتها فكل ما خلقه الله من انسان وحيوان ونبات وجماد تسبح الله
يعني كون سيدنا محمد خاتم الأنبياء فنحن لا نعلم ان كان هناك أنبياء على الكواكب الأخرى أم لا ولكن أعتقد أن هذا معناه أننا لن نلتقي مع هذه المخلوقات أبدا والله قادر على كل شيئ فقد تكون حياتنا مختلفة تمامأ عنهم ولنا يوم بعث مختلف عنهم فلا أعتقد ان هناك شيئ ذكر في لقرآن بخصوص هذا الموضوع سواء بالنفي والاثبات
ولا تنسى أن عمر الكون طويل جدا ولا يقارن بعمر البشرية وأن الاسلام جاء من ما يقرب 1500 سنة وهي فترة ضئيلة جداً مقارنة بعمر الكون الذي قدر بملايين السنيين فأعتقد انه من المستحيل أن نعرف ماذا وجد وماذا يوجد الآن وما سيوجد فيما بعد ومهما تصورنا وتخيلنا ماذا يوجد في هذا الكون الفسيح فالله وحده أعلم بما فيه
والله شبحانه وتعالى قادر على كل شيئ

[xxxccxxx]

" وَلَقَدْ أَرْسَلْنَا رُسُلًا مِّن قَبْلِكَ مِنْهُم مَّن قَصَصْنَا عَلَيْكَ وَمِنْهُم مَّن لَّمْ نَقْصُصْ عَلَيْكَ" غافر 78

[luckyDay]

انا افتكر مساله وجود كائنات فضائيه لسه متحسمش بس انا فى

راى ان فى كائنات فضائيه موجوده والله اعلم

[romepalaces]

يسلم فمك على الموضوع الرائع ...

ولا ل تخارف الاطباق الطائره و سكان المريخ ابو ايريل !

[ahmadwow]

كلام لزيز وزي الفل وانا معكم يا شباب في هيدا الموضوع

[sherif_dandy]

انصحكم كلكم تدخلو الموضوع ده
صاحب الموضوع انسان مثقف جدا
وياسلام لو تتابعو الموضوع من اوله
وموضوعكم ده انا لقيت الحل بتاعه من مناقشه هو ناقشها
فى موضوعه وخدتها اقتباس من موضوعه
من هنا الموضوع

http://www.dvd4arab.com/showthread.php?t=403901&page=12

و ده الاقتباس من موضوعه

العوالم المتوازية


قال تعالى : ﴿ اللّهُ الّذِي خَلَقَ سَبْعَ سَمَاوَاتٍ وَمِنَ الأرْضِ مِثْلَهُنّ ﴾ .

قال ابن جرير: حدثنا عمرو بن علي, حدثنا وكيع حدثنا الأعمش عن إبراهيم بن مهاجر عن مجاهد عن ابن عباس في قوله تعالى: سبع سموات ومن الأرض مثلهن قال: لو حدثتكم بتفسيرها لكفرتم, وكفركم تكذيبكم بها
وحدثنا ابن حميد: حدثنا يعقوب بن عبد الله بن سعد القمي الأشعري عن جعفر بن أبي المغيرة الخزاعي عن سعيد بن جبير قال: قال رجل لابن عباس : ﴿الله خلق سبع سموات ومن الأرض مثلهن ﴾ الاَية.


فقال ابن عباس: ما يؤمنك إن أخبرتك بها فتكفر .

وقال ابن جرير: حدثنا عمرو بن علي ومحمد بن المثنى قالا: حدثنا محمد بن جعفر, حدثنا شعبة عن عمرو بن مرة عن أبي الضحى عن ابن عباس في هذه الاَية : ﴿الله الذي خلق سبع سموات ومن الأرض مثلهن ﴾ . قال عمرو: قال في كل أرض مثل إبراهيم ونحو ما على الأرض من الخلق .

وقال ابن المثنى في حديثه في كل سماء إبراهيم, وروى البيهقي في كتاب الأسماء والصفات هذا الأثر عن ابن عباس بأبسط من هذا فقال: أنبأنا أبو عبد الله الحافظ, حدثنا أحمد بن يعقوب, حدثنا عبيد بن غنام النخعي أنبأنا علي بن حكيم, حدثنا شريك عن عطاء بن السائب عن أبي الضحى عن ابن عباس : ﴿ الله الذي خلق سبع سموات ومن الأرض مثلهن ﴾ . قال : سبع أرضين في كل أرض نبي كنبيكم وآدم كآدم ونوح كنوح وإبراهيم كإبراهيم وعيسى كعيسى.

ثم رواه البيهقي من حديث شعبة عن عمرو بن مرة عن أبي الضحى عن ابن عباس في قول الله عز وجل : ﴿الله الذي خلق سبع سموات ومن الأرض مثلهن ﴾ . قال: في كل أرض نحو إبراهيم عليه السلام, ثم قال البيهقي: إسناد هذا عن ابن عباس صحيح وهو شاذ بمرة لا أعلم لأبي الضحى عليه متابعاً والله أعلم .



والكلام لا ينتهي عن وجود مخلوقات اخري ...

طيب نقف وقفه نفكر فيها كويس

يقولك الله تعالي
(وماخلقت الجن والانس الا ليعبدون )

اذن من هم الذين في الاراضي الاخري ؟؟؟
هل هم جن ؟
http://www.syriait.net/photos/uncategorized/makaki.jpg
هل هم بشر ايضا ؟؟

من الذين في الفضاء ؟؟
بشر وجن

ام كائنات اخري
http://www.alzawraa.net/home/images/Tec./image008.jpg


وأحب أذكر هنا أني كنت في السابق أبحث في مسألة مشابهة لما تحدثت عنه وكانت حول هل يوجد مخلوقات فضائية في السماء يعني في كواكب أخرى ، وهل هم الذين أشار إليهم مركز الأبحاث الفضائية ناسا يعني أصحاب الأطباق الطائرة .

ولقد وقفت على بعض آيات القرآن الكريم تدل على وجود حياة لمخلوقات في السماء ومنها :

قال تعالى ﴿ ولله يسجد ما في السماوات وما في الأرض من دابة والملائكة وهم لا يستكبرون ﴾ .

و في هذه الآية تأكيداً لوجود كائنات غير الملائكة تسجد وهي الدابة ( من دابة) .


قال تعالى ﴿ ومن آياته خلق السماوات والأرض وما بث فيهما من دابة وهو على جمعهم إذا يشاء قدير ﴾ .

وكنت أقول في وما بث فيهما من دابة تدل دلالة واضحة على وجود كائنات في السماوات والأرض والدابة هنا يعني المخضوعين للحساب والعقاب .


ونجد ان الدلائل تشير اننا موجودون بالفعل بنفس صورتنا علي الاراضي الاخري
ولكن الاحداث تتغير
http://www.balagh.com/mosoa/falsafh/images/18504.jpg
هنا تخرج الافكار والاحلام لتقول لنا ماذا لو

هناك من قال ماذا لو ان هناك ارض انتصر فيه هتلر

ومن يقول ارض بها ديناصورات

وارض يحكمها الفراعنه

انا اتخيل ان هناك ارض اخري القطب الاوحد به المسلمين

الذبن بأتحادهم وابتعادهم عن الفرقه والوهن يصبحون اكبر قوه مسيطره في العالم اجمع

عن طريق دين اسلامي يدعوا الي الانتاج والعمل الصالح في الدين والدنيا

وبكل مالديهم من امكانيات وثروات لا توجد في شتي انحاء العالم تصبح قوتهم لها تاثيرها علي العالم

ففي عالمنا الحالي لو كان المسلمون بهذه القوه وهذا الايمان فسيصبح التعريف بالدين سهل عن الماضي
http://rahhal84.jeeran.com/sunrise.JPG

بسبب العلوم والتكنولجيا

ويعرف العالم الوجهه الحقيقي للاسلام .. لا الوجه المشوه الحالي

ارض تجد بها العربي المسلم لا يهان ولا يعذب
http://www.alsbah.net/alsbah_nuke/modules/htmlarea/upload/admin_249.jpg

ارض تجد بها فرص عمل متوفره تتيح لك وقت للعباده وممارسه حياتك العاديه

http://alwaqt.com/imagescache/9309articles.jpg

ولا يكون عمل يمتصك من كل شئ وتعود منه لتنام بضع سااعات لكي تعود له مره اخري
http://news.bbc.co.uk/media/images/40571000/jpg/_40571979_miners300ap.jpg
ارض تنظر فيها لحاكمك نظره القدوه والمثل الاعلي

بما تجده فيه من اخلاق حميده وخوف من الله لا يزعزعه اي جاه او سلطان

ارض تجد الحكام فيه يتمنون ترك الحكم فيه لشده خوفهم من الفته

اظن انني وكل من يقرأ الموضوع ده يتمني ان يجد جهاز ناقل ينقلنا الي هذه الارض الجميله
مثل ذلك المسلسل المشهور ( المنزلقون)
http://spfcs.free.fr/sliders/slidersfond1.jpg

وعلي الرغم من خيال الواحد وهو يكتب فأنها وجدت علي ارضنا بالفعل

ايام الخليفه عمربن بعد العزيز رضي الله عنه
وعمر بن الخطاب رضي الله عنه

وفيه فترات معينه من حكم المسلمين في الاندلس
http://www.juntadeandalucia.es/cultura/ba/c/imagenes/mapaAndalucia.gif

لدرجه ان دول مثل انجلترا وروما والقسطنطينيه كانت ترسل رسل يطلبون السلام ويبرزون المحبه للمسلمين

ولكن كما نعلم الايام لك وعليك

وسواء كان هناك اراضي اخري متوازيه ام ان هذه الاراضي المقصود بها قارات العالم السبعه

فلابد ان يعلوا الاسلام كما كان

http://www.balagh.com/mosoa/falsafh/images/125704.jpg

انتهت الاجابه

[AMAF86]

توبك بجد رووووووووووووعه

[glediator]

الف شكر وتتعظيم سلام ليك يامعلم

[la coup]

افتكر اننا ممكن لو بصينا للموضوع بشكل اوسع
ممكن نقول اه
مفيش حياه غير عالارض في المجموعه بتاعنا
بس ما في كواكب تانيه كتيييييييييييير منعرفش عنها حاجة
داغير الفيديو اللي فيه كائن فضائي اللي وقع في امريكا واللي ثبت انو حقيقي ومش متفبرك
واللي بيعملو العمليه جراحين بجد
ومعروف ان امريكا استفادت من المركبه بتاعه جدا في التكنولوجيا
انا امن بوجود كائنات في هذا الكون

[mido715]

(قَالَتْ رَبِّ أَنَّى يَكُونُ لِي وَلَدٌ وَلَمْ يَمْسَسْنِي بَشَرٌ قَالَ كَذَلِكِ اللَّهُ يَخْلُقُ مَا يَشَاءُ إِذَا قَضَى أَمْراً فَإِنَّمَا يَقُولُ لَهُ كُنْ فَيَكُونُ) (آل عمران:47)

(أَوَلَمْ يَرَوْا أَنَّ اللَّهَ الَّذِي خَلَقَ السَّمَاوَاتِ وَالْأَرْضَ قَادِرٌ عَلَى أَنْ يَخْلُقَ مِثْلَهُمْ وَجَعَلَ لَهُمْ أَجَلاً لا رَيْبَ فِيهِ فَأَبَى الظَّالِمُونَ إِلَّا كُفُوراً) (الاسراء:99)

(وَاللَّهُ خَلَقَ كُلَّ دَابَّةٍ مِنْ مَاءٍ فَمِنْهُمْ مَنْ يَمْشِي عَلَى بَطْنِهِ وَمِنْهُمْ مَنْ يَمْشِي عَلَى رِجْلَيْنِ وَمِنْهُمْ مَنْ يَمْشِي عَلَى أَرْبَعٍ يَخْلُقُ اللَّهُ مَا يَشَاءُ إِنَّ اللَّهَ عَلَى كُلِّ شَيْءٍ قَدِيرٌ) (النور:45)

(وَرَبُّكَ يَخْلُقُ مَا يَشَاءُ وَيَخْتَارُ مَا كَانَ لَهُمُ الْخِيَرَةُ سُبْحَانَ اللَّهِ وَتَعَالَى عَمَّا يُشْرِكُونَ) (القصص:68)

(أَوَلَيْسَ الَّذِي خَلَقَ السَّمَاوَاتِ وَالْأَرْضَ بِقَادِرٍ عَلَى أَنْ يَخْلُقَ مِثْلَهُمْ بَلَى وَهُوَ الْخَلَّاقُ الْعَلِيمُ) (يّـس:81)

(لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثاً وَيَهَبُ لِمَنْ يَشَاءُ الذُّكُورَ) (الشورى:49)

[spiderabdoo]

فعلا موضوع شيق و رائع

و انا عن نفسي اعتقد ان ممكن يكون فيه حياه على كوكب اخر سواء مثل الارض او مختلف عن كوكبنا و لكن هذه الكائنات ليست مثل الانسان البشري انما هي شبيهه بالحيوانات و النباتات

و احتمال وجود كائنات عاقله انا عن نفسي بشك فيه بنسبة 50%

[ya laziz]

ياجماعة طب حد يقدر يفسر الرسومات اللي في صحراء الازتك
رسومات باحجام مهولة عارفين لدرجة اية
انك مستحيل تشوفها من علي الارض
بمنتهي البساطة انت لازم تركب طيارة عشان دي متشافش غير من مكان عالي جدا
و لو حد معاة صور ليها يجبها و بالذات الصور بتاعت رائد الفضاء
كمان الدقة بتاعتها تقريبا مستحيله
فبرغم الحجم الكبير دة
متلاقيش خط واحد مرسوم غلط ويكن مستقيم علي الاخر
مع العمر الخاص بيها يرجع قبل اكتشاف اول شيء طائر0المنطاد-
فعرفو منين شكل اللي بيرسموة

[spiderabdoo]

و او كان في كائنات عاقله ممكن يكون تكليفهم من ربنا زي تكليف ربنا للحيوانات اي انهم يعيشو حياتهم و يسبحو الله و لكن لا نفقه تسبيحهم

وممكن يكون ربنا بعت لعالمهم رسل و انبياء من نوعهم كي يستطيعو فهمهم و لان الانسان لا يستطيع الوصول اليهم

و لما ربنا قال ان سيدنا محمد عله الصلاة و السلام آخر الرسل كان يقصد انه آخر الرسل لسكان الارض من الانس و الجن و الله اعلم

[rock2500]

يعنى ربنا خلق المجرات والنجوم والاكوان دى كلها عشان خاطرنا احنا بس ما أفتكرش

[عباس44]

بجد انت موضوعك عجبنى جدا جدا جدا وعشان كده همسكلك موضوعك حته حته اعلق عليه ...

أولا :

(( السلام عليكم ورحمة الله وبركاته ))

"""~~~ وعليكم السلام ورحمة الله وبركاته ~~~"""

(( اخوانى الاحباء كثر الكلام على وجود كواكب اخرى مثل الارض يعيش فيها اشخاص اخرون ))

مختلفناش هنا ...

(( ولاكن يجب ان نفكر لحظه هل اذا كانت هناك حياه اخرى فى احدى الكواكب فمن سيعبدون ؟؟ ))

أولا دا شئ ممكن دا أكيد ومن المؤكد فى 200 مجموعه زى الموجموعه الشمسيه باضبط ... أو أكثر أيضا ... الذى سيعبد هو الله سبحانه و - تعالى - ...

(( ولاكن اخوانى الاحباء لا حياه الا على كوكب الارض والله اعلى واعلم لان اخر الاديان هوا الاسلام واخر الرسل هوا الرسول محمد صلى الله عليه وسلم ))

أولا إحنا قولنا ان ممكن تكون فى حياة تانيه على كواكب أخرى ومازال العلماء يدرسون ذلك ... وآخر الأديان هو الإسلام ~~ فى الأرض ~~ لاحظ إنك لازم تقول فى الأرض لأن الله سبحانه و - تعالى - ممكن يكون خلق كواكب وأناس آخرون على تلك الكواكب الأخرى وبعث لهم نبى ... وآخر رسول هو الرسول محمد صلى الله عليه وسلم خاتم الأنبياء ~~ فى الأرض ~~ وكما قلنا ان الله أقدر على أن يحي الكواكب الأخرى ويملؤها بأناس ويبعث لهم نبيا ...

(( اذا فكيف سيصل قراننا الكريم الى تلك الكواكب ومن الرسول الذى سوف يبعث اليهم ؟ ))

دا بأه شئ ميخصكش انت القرآن مش لازم هو الى يوصلهم ممكن يكون هناك كتاب آخر والرسول الله اعلم واقدر ...

(( فتفكيرنا بوجود حياه على سطح اى كوكب خر تفكير خاطئ جدا ))

ليه انت هتحكم على آراء الناس وانا عارف ان دى وجهة نظرك بس من فضلك تقول ودى وجهة نظرى ...

(( ويجب ان نعلم جميعا ان الله خلقنا على كوكب واحد فقط والله اعلى واعلم ))

خلقنا احنا على كوكب واحد فقط ....

(( ولا توجد كائنات فضائيه تعيش فى الفضاء لان القران لم يتكلم عنهم وكلنا نعلم ان قراننا تكلم عن القمر والشمس والكواكب ولم يقول انه توجد ذريات اخرى فى تلك الكواكب والله اعلى واعلم ))

وما أدانا بتفسير القرآن إن الله سيفسر القرآن الكريم فى الآخره بتفسير مختلف عن تفسير الإنسان ومتنساش (( وما أوتيتم من العلم الا قليلا ))



إنت ملاحظ ان احنا مختلفين وانا شكلى موافق على وجود المخلوقات الفضائيه ..

لكن لا انا لا اوافق على وجود المخلوقات الفضائيه تصور وجهة نظر متشابه وانا عمال اعلقلك على كل كلمة ...

ولكن ما بيدى حيله دا واجبى هنا ان اكون محايد واصصح الخطأ ...

اخوك محمود ولا تضيق نفسك لكلامى ..

كلامك غير صحيح
اخر الانبياء محمد صلى الله عليه وسلم وهو خاتم الانبياء
وانت بتقول ممكن ان لهم نبي خاص بهم !!!!!!!!!!!!!!!!


ثانيا يدل على عدم صحة كلامك
ان النبي محمد صلى الله عليه وسلم بعث للجن والانس فقط
قال تعالى "وماخلقت الجن والانس الا ليعبدون "
فهذا يعني ان الانبياء يبعثون فقط للجن والانس
لو انك قلت ان هناك كائنات فضائيه لسكت وقلت يمكن كلامك مقنع
اما انك تقول انهم لهم نبي خاص بهم !!!!!!!!!!!!!!!!
فهذا كلام خطير جدااااا ولايجب السكوت عليه
بلاش تفتي في الدين على مزاجك وبدون ادله

[رغده احمد صالح]

تم افتتاح منتديات مصرى كول عايزين اعضاء ومشرفين كتير اتمنى ان تستمتعو بالمنتدى المنتدى شيق ويعتبر من احدث المنتديات العربيه تكنلوجيا عايزين نشوف اعضاء كتيرررررررررررررر
http://masrycool.com/forum/

[scorpovet]

السلام عليكم جميعا

انا لن اتكلم في شئ علمي لاني لست عالما بالفلك ولا بشئ ديني لاني لست اهلا بالفتوى

ولكن لى اسلوب في التفكير قد يكون قريبا من البعض وفي نفس الوقت مختلفا عن الكل

ما المانع ان يكون المولى جل في علاه ان يكون قد خلق خلق اخر مع نبيه ورسوله ادم

وربما قبل خلق أدم وربما بعده

وما الفائده التي ستعود على بني ادم ان يعلموا ما خلق الله

فنحن جميعا توصلنا اخيرا طبعا بمشيئة الله ان هناك مجرات وكواكب لن نستطيع ان نراها او نصل اليها

فأكيد ان هناك المزيد والمزيد ما لم نعلم وما لن نعلم ما حيينا

ولكن لا يجرؤ ان يأتي احد ويقول اني لا اصدق وجود المجرات لأنها لم تأتي في القرأن

احنا ممكن نتفكر في خلق الله ولكن دون احكام ومدى عظمة الخالق سبحانه

ولكن ما يدرينا لعل هناك وجود لحياه بعد حياتنا في صورة اخرى في مكان اخر بشكل اخر في بيئه اخرى وطروف اخري

فالله قدير لا يجب ان نتصور ان يكون خلقة بنفس الهيئه

ابسط الامثلة التي اخبرنا بها المولى جل وعلى

الملائكه والانس والجن

كل له هيئته وطبيعته وصفاته وحياته

نحن نتنفس الاكسجين ونزفر ثاني اكسيد الكربون

هل فكر احدكم هل تتنفس الملائكه او الجن

الاجابه الله اعلم ولن يفيدنا شئ ان اخبرنا الله بذلك

هذا كان جزء

الاخر

بعث الله رسوله وخاتم النبيين والمرسلين محمد صلى الله عليه وسلم للناس كافه

ولم يقال للخلق كافه فنعلم جيدا ان الحبيب المصطفي لم يرسل ولا احدا من الرسل عليهم افضل الصلاة والتسليم الى الملائكة مثلا

ولكن كل نبي ورسول ارسل لقومه واهله

الا حبيبنا فقد ارسله الله تعالى للناس كافة ,وللجن ايضا


((وما ارسلناك الا رحمة للعالمين)) صدق الله العظيم

والعالمين هم الانس والجن

هل هذا دليل مؤكد انه -ان كانت هناك حياة في اي مكان اخر في كواكب اخرى او في مجرات اخرى او على الارض نفسها او اسفل الارض - لن يكون الرسول محمد صلى الله عليه وسلم رسولا لهم

(لا يعجزه شئ في الارض ولا في السماء)صدق الله العظيم

قد يكون رسولا للخلق -ان وجدوا- وقد يكون لا,وبالتالي قد لا يحتاجون لرسل(مثل الملائكه مثلا) من عند الله وقد يحتاجون

وقد يكونو مكلفين وقد لا يكونون وقد وقد وقد وقد..................


معلش وهرد على اخويا صالح اللي رد بحده على احد الاخوه

الكلام مفيهوش اي مشكلة وركز انت فيه بس ما المانع ان تكون هناك امم امثالنا ولهم شرائعهم التي سنها الله لهم تناسبهم هم وبعث فيهم رسولا منهم

لا اعتقد انه جرم,نحن نؤمن بأنه لانبي بعد محمد صلى الله عليه واله وصحبه اجمعين,ومحدق قال غير كده

زي ماقلت مش لازم (استغفر الله) يبقى عندنا تقرير بكل المخلوقات ومنهجهم وتفاصيل خلقهم وعبادتهم ,فنحن نعلم بوجود الملائكه ونجهل تماما اغلب التفاصيل عنهم
اعتقد اسئلة لن نجد اجابتها وان كنت اثق ولا انكر او اكذب في وجود حيوات(جمع حياة) في اماكن عده في ملك الله عز وجل قد تختلف في صورتها وطريقتها عن حياتنا من مياه وهواء ومأكل وغيره وهذا ليس بسبب صور ولا فيديوهات ولا اكتشافات ولا بعثات ولا اقوال علماء

وانما من ايماني بالله عز وجل وقدرته وعظمته التي تفوق تفكيرنا وعقولنا المحدوده جدا جدا جدا

((وما أوتيتم من العلم إلا قليلا))صدق الله العظيم

الخلاصة

مش لازم نعتقد اننا هنعرف كل حاجه ومش لازم نصدق تفكيرنا خصوصا لما نروح للغيبيات والامور دي,ولا نستبعد شئ يستصعبه عقلنا البشري على قدرة الخالق جل في علاه لأنه تعالى يقدر

وبصراحه والله مس هنستفيد اي حاجه لو حتى اتأكدنا ان في حاجه كده

مظنش هنستني نكتشف كده لو ربنا اراد عشان نقول سبحان الله

سبحان الله عدد ما كان وعدد ما يكون وعدد الحركات والسكون

[MAHMOUDSAID.NET]

الله وحده اعلم

[the_empire_beso]

بسم الله ما شاء الله الموضوع جميل جدا والمتاقشة في منتهى الروعة

[starwars2006]

الله أعلى وأعلم
لكن لا تجزم بشيئ فبالرغم من كوني مؤيد لنظرية وجود كائنات عاقلة غيرنا في الكون لن لا أجزم بذلك فالموضوع ليس له ما يثبته قطعيا أو ما ينفية قطعيا أيضا

[emadalzouk]

رد للمتابعة فى وقت اخر شكرا مقدما على الموضوع