أيه الى أنت عاوزة من شريك حياتك :للمناقشه فقط

[el rayk gedan]

السلام عليكم أعضاء الدى فى دى..:jap:

(اولا انا معرفش الموضوع مكرر او موجود فى المنتدى ولا لا لكن انا حبيت نتناقش فى الموضوع ده عشان يبقى فى افاده للكل )

انا لاحظت فى الفترة الاخيرة ان البنت بقت بتحاول تقلد الاولاد فى حاجات كتيير

لكن مش هتكلم عن البنطلون والسجاير والشيشه وغيرة من الحاجات دى لكن الى عايز اتكلم عنه الاسترجال .....ايوة زى ما سمعتى الاسترجال يعنى (الخشونه والعناد)

بنات كتيير فاهمه ان الخشونه او العناد ميزة لكن ميعرفوش انها بتنفر وبتبعد الولاد
عنها طيب السؤال هنا تقبلى تتجوزى راجل مليان بالرقه ؟؟

انتى عشان تحمى نفسك من اطماع الولاد لبستى ثوب الخشونه وبدل ما تخليه ثوب مؤقت

التصق بيكى ومبقتيش قادرة تخلعيه حتى ادام جوزك

طيب ده بالنسبه للبنات

خلينا نشوف الولاد

الشباب حاليا معدتش بيتحمل مسؤليه (طبعا انا مش بتكلم على كل الشباب) معظمهم عايز يكون علاقات لمجرد التسليه ولأشباع لحظات وقتيه

فى شباب بيلبس ثوب الحب ويزوق كلامه عشان هو عارف ان البنت مش هتديلوا حاجه الا اذا كان الحب هو
الرابط ما بينهم لكن بعد اسبوع او اسبوعين بيسيبوا بعض

لكن أحب أضيف حاجه كمان وهو انه دلوقت مفيش وقت للحب والرومانسية الحياة المادية اللى احنا بنعيشها بتجبر البنت انها تكون خشنه وبتجبر الولد انه يدور على البنت السهلة
وعشان كده معتدش حد عارف التانى عايز أيه ؟؟ وياريت الكل يدخل ويشارك معانا وتبقى موسوعه لكل الشباب والبنات

والسؤال هنا أيه الى انت عاوزة من شريك حياتك وايه هى مواصفاته وايه الشروط الاساسيه الى مش ممكن تتنازل عنها فى أختيارك له ؟

وانتى برده نفس السؤال ايه هى مواصفات شريك حياتك وايه الشروط الى مش ممكن تتنازلى عنها فى أختيارك له ؟مستنى مشاركة الاعضاء وأى مشاركه غير اقتباس او مناقشه فياريت يريح نفسه

وبقول تانى ياريت كل الشباب والبنات يشاركوا فى الموضوع عشان تبقى موسوعه لكل الشباب والبنات والكل يستفيد

ويبقى كل واحد عارف الطرف التانى بيفكر ازاى وعايز ايه

ويارب مالاقى 500 مشاهده وواحد داخل يقولى شكرا على الموضوع

[lyonaids]

بص بسرعة بسرعة مش هاقول اني مبسوط اني أول واحد يرد وانا مبسوط ان الموضوع حلو ..وان انت منور بمواضيعك ولا اي حاجة من دي ..مش هاقول كل ده ....!!

بسررعة ..:

شروطي في البنت ..:

تعمل اللي تعملو من ورايا ..بس تعاملني كويس وتخاف عليا ولو كله تمثيل ..مش هيفرق ..!! ايه معني انها فعلا بتحبني وبتدايقني مثلا وبتفتعل المشاكل معايا كل ماتشوفني ..!!......

لأ ..انا عايزها ما تحبنيش بجد ..عايزها تمثل الحب عليا بس المهم أكون مبسوط ..لأن دي النتيجة في الأخر اللي عايز أوصلها ..
أني أكون مرتاح ..

مثلي بس ريحيني ..مش فارقة ...الكل بيمثل ..!!


رأي شاحط طبعا وشاذ حبتين ..بس مقتنع بيه جدا ..!!

ميرسي ليك يا رايق ..ويارب مواضيعك تكتر كمان ..وأرد عليها .:glasses:.





...

[el rayk gedan]

بص بسرعة بسرعة مش هاقول اني مبسوط اني أول واحد يرد وانا مبسوط ان الموضوع حلو ..وان انت منور بمواضيعك ولا اي حاجة من دي ..مش هاقول كل ده ....!!

بسررعة ..:

شروطي في البنت ..:

تعمل اللي تعملو من ورايا ..بس تعاملني كويس وتخاف عليا ولو كله تمثيل ..مش هيفرق ..!! ايه معني انها فعلا بتحبني وبتدايقني مثلا وبتفتعل المشاكل معايا كل ماتشوفني ..!!......

لأ ..انا عايزها ما تحبنيش بجد ..عايزها تمثل الحب عليا بس المهم أكون مبسوط ..لأن دي النتيجة في الأخر اللي عايز أوصلها ..
أني أكون مرتاح ..

مثلي بس ريحيني ..مش فارقة ...الكل بيمثل ..!!


رأي شاحط طبعا وشاذ حبتين ..بس مقتنع بيه جدا ..!!

ميرسي ليك يا رايق ..ويارب مواضيعك تكتر كمان ..وأرد عليها .:glasses:.





...

طبعا بعد ما كروتنى بسرعه ومعرفتش الموضوع عجبك ولا لا :31:

أحب أقولك انك مجنون رسمى ........اى والله مجنون :whistle:

أقولك ليه عشان انت هتستريح معاها نتيجة تمثيلها عليك

لو مكانتش مثلت عليك الحب مكنتش بقيت مبسوط ومستريح معاها

وبعدين ليه يا حبيبى تكون بتحبك وعامله معاك مشاكل لو بتحبك بجد هتخاف عليك ومش هتبقى عايزة تشوف غير مبسوط معاها
لكن لو عايزها تمثل عليك يبقى معرفة مصلحه يابوب
والزبون نايم على ودانه ( طبعا انت عارف مين الزبون):jap:

امال ايه الى هيغصبها انها تكمل معاك

ويارب أكون أفدتك
:thumbdown:

[lyonaids]

عزيزي الاكسلانس ..

كتير بيقولو كلمة بحبك وما بيعملوش بيها ..
بحبك بحبك من هنا للصبح ..بس بتعمل ايه ..بتخدعني وبتلعب بيا وبتستخف بمشاعري ..؟ اذن الحب =صفر ..!

ومنين انا اعرف .؟أو اي حد يعرف ان الانسان الفلاني دة بيحبني حقيقي ولا لأ غير بعد اختبارات انا عن نفسي مش فايق اني اعملها وأواظب عليها واستني اشوف نتيجتها ..
بلا وجع دماغ ..المهم معاملة اللي قدامي ليا يا عم حتي لو منافق ..
والله بكلمك بجد..
اكتر دولة بتستهلك الهدايا في عيد الحب ..
والدولة الوحيدة اللي فيها الزوجة بتحط جوزها في بانيو مملي بوتاسا كاويه من بتاعة الغسيل لغاية اما تسيح وتتحلل جثته قدام عينيها بعد عشرة أكتر من عشر سنين ..عايز تقنعني انهم قعدو 10 سنين ما حبوش بعض ..:mdr:!!

القلب اسمة قلب من التقلب
والانسان من النسيان ..
والانسان بيتغير بسرعة
والظروف بتتغير اسرع
وانا ما بعترفش بالحب ..ككلمة ..
أعترف بيها لما تخرج عن حيز الكلمة ..
وتتحول لفعل ..!
وفعل مستمر..
مش مؤقت ..


أسف عالأطالة ..وبردو ماقلتش كل حاجة !!:jap:

[el rayk gedan]

عزيزي الاكسلانس ..

كتير بيقولو كلمة بحبك وما بيعملوش بيها ..
بحبك بحبك من هنا للصبح ..بس بتعمل ايه ..بتخدعني وبتلعب بيا وبتستخف بمشاعري ..؟ اذن الحب =صفر ..!

ومنين انا اعرف .؟أو اي حد يعرف ان الانسان الفلاني دة بيحبني حقيقي ولا لأ غير بعد اختبارات انا عن نفسي مش فايق اني اعملها وأواظب عليها واستني اشوف نتيجتها ..
بلا وجع دماغ ..المهم معاملة اللي قدامي ليا يا عم حتي لو منافق ..
والله بكلمك بجد..
اكتر دولة بتستهلك الهدايا في عيد الحب ..
والدولة الوحيدة اللي فيها الزوجة بتحط جوزها في بانيو مملي بوتاسا كاويه من بتاعة الغسيل لغاية اما تسيح وتتحلل جثته قدام عينيها بعد عشرة أكتر من عشر سنين ..عايز تقنعني انهم قعدو 10 سنين ما حبوش بعض ..:mdr:!!

القلب اسمة قلب من التقلب
والانسان من النسيان ..
والانسان بيتغير بسرعة
والظروف بتتغير اسرع
وانا ما بعترفش بالحب ..ككلمة ..
أعترف بيها لما تخرج عن حيز الكلمة ..
وتتحول لفعل ..!
وفعل مستمر..
مش مؤقت ..


أسف عالأطالة ..وبردو ماقلتش كل حاجة !!:jap:

بص ياحبيب قلبى كلمة بحبك مش مقياس للمشاعر الحقيقيه
ياما بنسمع كلمة بحبك وحبيبى وروحى سواء مجامله او لفظ اتعودت عليه او او او وغيرة من المبررات
لكن انت بتحسها فى الى بتحبه اذا كان بيحبك ولا لا حتى ناس كتيير تقولك هو معترفش بالحب لكن انا حاسس بيه
ومش شرط اختبارات ياليو لكن بيبان عليها من تصرفاتها من افعالها وكده
بس انت باين عليك اتقرصت جامد عشان كده فى انعدام ثقه عندك ولا ايه

[lyonaids]

ههههههههههههههههههههههه لا طبعا ماتقرصتش ولا حاجة

ولا عاشت ولاكانت يبني اللي تعمل كدا في ليونايدس يا مون بيه ..

بالعكس بقي انا اللي اتحبيت ..بس حسيت ان كل ده عبث ..مالوش أخر

ممكن يسعدني او يريحني ..وكفاية كدا يا رايق ..انت خلاص خليتني

اقول كل حاجة كدا..عالهبوللي وعلي عينك ياتاجر...

كداااا عييييب يا ااا..اكسلانس ..:mdr:

[el rayk gedan]

ههههههههههههههههههههههه لا طبعا ماتقرصتش ولا حاجة

ولا عاشت ولاكانت يبني اللي تعمل كدا في ليونايدس يا مون بيه ..

بالعكس بقي انا اللي اتحبيت ..بس حسيت ان كل ده عبث ..مالوش أخر

ممكن يسعدني او يريحني ..وكفاية كدا يا رايق ..انت خلاص خليتني

اقول كل حاجة كدا..عالهبوللي وعلي عينك ياتاجر...

كداااا عييييب يا ااا..اكسلانس ..:mdr:


بس تعرف انت عندك حق ,كل ده عبث الا اذا كنت ناوى تدخل من الباب وتتقدم رسمى غير كده ممكن تطور العلاقه
ومتبقاش مجرد علاقة حب (طبعا فاهم )

يلاااااااا بيس

[lyonaids]

انت جبت الاخر يارايق والله وفهمت قصدي ودماغي كانت علي ايه بالضبط

عاقل يا اكسلانس والله ..بحيي فيك ده.!

[goldperg1998]

انا مش عاوز اي حاجه منها الا الحفاظ على عش الزوجيه وياريت الحفاظ ده يبقى من طرفين

شكرررررررررررررررررررررررررااااااااااااااااااااااا ا

[el rayk gedan]

انا مش عاوز اي حاجه منها الا الحفاظ على عش الزوجيه وياريت الحفاظ ده يبقى من طرفين

شكرررررررررررررررررررررررررااااااااااااااااااااااا ا

شكرا يابوب على مرورك وفعلا الحفاظ على عش الزوجيه حاجه مهمه

مستنيين رأى الناس التانيه وياريت نعرف رأى البنات الى تدخل الموضوع

[haiam85]

رايق جدا ... موضوع رااااااااااايق
بص ياسيدى انا عايزة واحد يتقى ربنا فيا ويحبنى اوووى
واهم حاجه يكون رااااااااااجل فى كل تصرفاته واقدر اعتمد عليه فى حياتى

[el rayk gedan]

رايق جدا ... موضوع رااااااااااايق
بص ياسيدى انا عايزة واحد يتقى ربنا فيا ويحبنى اوووى
واهم حاجه يكون رااااااااااجل فى كل تصرفاته واقدر اعتمد عليه فى حياتى

والله أجمل تعليق

عجبتنى اوى كلمة يتقى ربنا فيا ويحبنى اووووى

وعلى فكرة انا بحيكى .....انت أجدع بنت دخلت الموضوع وردت عليه مش زى الى شافوا الموضوع وهربوا

[mesk_islam]

انا مش عاوز غير الحب يكبر ويكبر
والاهتمام
وانى اكون رقم 1 فى اهتمامها اولا واخيرا

[metoo.m2y]

بصراحة ده موضوع جامد جدا
بس فيه انا عاوز اقوله احنا دلواتي بقينا بنتسلى وبس بنات واولاد
كل بقا مقضيها تسالي هقؤلك على حاجة انا في يوم قررت اني اخبط واخترت البنت كمان وكلمتها في الموضوع ووفقت تعرف ايه اللي حصل بعد كده بكلمها لاقتها بتقول ده مش وقت خطوبة وجواز خلينا اصحاب بس دلواتي لحد منعرف بعض تعرف كان قراري اني نهيت الموضوع ومعنتش عاوز اعرفها تاني
يعني فيه ناس واخدها الموضوع جد جدا وفيه ناس واخده انه مجرد تسليه
وفيه كده وفيه
دي حاجة الحاجة التانية بقا
الست اللي تبقا خشنة وتنسى انها ست دي طيب ايه اللي يفرقها عن الراجل هنا ست كائن رقيق خلقه الله والراجل لازم يقدر حاجة زي كده بس

امابقا اللي انا عاوزه في شريكة حياتي :
انها تكون انسانه متدينه وتعرف ربنا كويس
وتتقي الله وتقدر ظروفي بس

[el rayk gedan]

فينك ياعم سمسم من بدرى انا مستنى واحد يدخل يقولنا بوق زى ده

شكرا يا كبييير على المرور والرد

[el rayk gedan]

بصراحة ده موضوع جامد جدا
بس فيه انا عاوز اقوله احنا دلواتي بقينا بنتسلى وبس بنات واولاد
كل بقا مقضيها تسالي هقؤلك على حاجة انا في يوم قررت اني اخبط واخترت البنت كمان وكلمتها في الموضوع ووفقت تعرف ايه اللي حصل بعد كده بكلمها لاقتها بتقول ده مش وقت خطوبة وجواز خلينا اصحاب بس دلواتي لحد منعرف بعض تعرف كان قراري اني نهيت الموضوع ومعنتش عاوز اعرفها تاني
يعني فيه ناس واخدها الموضوع جد جدا وفيه ناس واخده انه مجرد تسليه
وفيه كده وفيه
دي حاجة الحاجة التانية بقا
الست اللي تبقا خشنة وتنسى انها ست دي طيب ايه اللي يفرقها عن الراجل هنا ست كائن رقيق خلقه الله والراجل لازم يقدر حاجة زي كده بس

امابقا اللي انا عاوزه في شريكة حياتي :
انها تكون انسانه متدينه وتعرف ربنا كويس
وتتقي الله وتقدر ظروفي بس

انا بحيك على صراحتك والكلام الجميل الى قلته بس زى ما انا وضحت فى الموضوع ان المجتمع بأة يجبر البنت انها تكون خشنه والحياة الماديه خلت الولد يقضيها تسالى لكن الدنيا موقفتش والمفروض اننا نغير من نفسينا بالنسبه لخشونة البنت المفروض متبقاش ملازماها على طول يعنى تكون حاجه مؤقته وخلاص والولد مفروض ما يمشيش مع التيار ويحاول يستحمل عشان يقدر يحقق هدفه
لكن للأسف الولد معدش هو لوحده الى بيتسلى لكن البنت كمان بقت بتتسلى زى ما انت قلت وربنا يهدينا جمعينا

ومواصفات شريكة حياتك بجد جميله وربنا يناولهالك يارب

مع خالص تمنياتى

[el rayk gedan]

فيييييييين بقيت الردود فين الاعضاء الجامدين الى فى المنتدى

[dream_lilo]

موضوع جميل

كتير بسال نفسى السؤال ده؟

انا عايزة ايه من شريكى فى المستقبل ان شاء الله

اولا : انه يكون عنده وازع دين يعنى يعرف الحلال من الحرام

علشان يبقى ضميره صاحى

ثانيا: اناعايزة بنى ادم طيب وحنين راجل بمعنى الكلمه

بعيد كل البعد عن التفاهه

عايزاه يكون رحيم

وعايزة يعرف انى مخلوق ضعيف

بس مش هقبل استغلال الضعف ده

متهيقلى طلباتى مش صعبه


وشكرا

[kokilina]

يالهوى سؤال يبان انه سهل بس صعب اوى ..بس تسمحولى افضفض معاكم ولا الطوب هيشتغل على دماغى من اولها زى ليونايدس ..بس والنبى اللى هيحدف بلاش الوش عشان العيد..المهم بقى انا هارغى بقى براحتى ..فكرت كتير فى السؤال ده زمان زى اى بنت فى مقتبل حياتها يعنى وبتسمع التراث الموروث بتاع عقبال ما تفرحوا بيها وبولادها وخدنا الشهاده ناقص العريس وانتهاء بربنا يعدلهالك يا اختى ..المهم لقيت ان العمليه مش بسيطه يعنى رايى من راى ليونايدس فى حاجه ايه معنى واحد يقولى بحبك ويعيش عليا الدور بقى ويعملى فيها عبد الحليم حافظ فى الوساده الخاليه ويجى يخنق عليا ويتحكم فى حياتى كلها ..لا..انا عن نفسى عاوزه انسان يكون شريك ..شريك بجد مش لعب عيال يعنى يفهم طبيعتى وطبيعه حياتى من غير ما يحاول يغيرنى ولا يغير حياتى وانا اكيد يعنى عمرى ما هاحاول اغيره يعنى على سبيل المثال انا دراستى وشغلى بالنسبه ليا جزء كبير اوى اوى من حياتى وشخصيتى ولازم يحترم ده..انا موافقه عن نفسى يعاملنى معامله الند ونقسم كل حاجه بينا بالتساوى بدايه من مصاريف البيت لحد تغيير البامبرز ودا العدل فى وجه نظرى الشخصيه جدا ..وبينى وبينكم نفسى اوى اوى الاقى راجل واحد ميقولش عيب بقى انا اطبخ واكنس وامسح ..ازاى ؟ هزلت ..خسئت يا فاجره..بصراحه انا بحترم جدا الانسان اللى ميقولش انا راجل على الفاضيه والمليانه ويقسم الحياه على مزاجه ويحطنى انا نمره اتنين فى كل حاجه يعنى بما انى انا البنت يبقى انا الاقل قدرا ومنزله وبالتالى انا اللى لازم اعمل الاعمال الحقيره -من وجهه نظره -اللى هى الطبيخ وخلافه..للاسف هى دى النظره السايده واللى بكرهها واللى لو لقيت راجل مش فى دماغه الحوار ده بجد ممكن يبقى راجل احلامى ..بردو اتمنى يعنى ان شريك حياتى دى -ومن غير زعل ولا حدف طوب ولا صواريخ العيد الصفرا - ميبقاش فيه من غيره وعنجهيه الراجل الشرقى اللى لازم رأيه يمشى مهما حصل واللى لازم يرجع من الشغل يلاقى المدام بتضحك فى وشه وهى اجمل من هيفء وهبى -لا مؤاخذه يا ليونايدس -وشايف ان الست مكانها الطبيعى والوحيد المطبخ حتى لو مكانتش بتحبه ولا بتطيقه ولا بتطيق تشوف سيرته واذا لقاها مقصره فى اى حاجه من ده لاى سبب من الاسباب تبقى ست وحشه ومقرفه ويروح يتجوز عليها او يطلقها هو ومقدرته بقى وبصراحه انا مينفعش معايا كده..المهم فكرت بصراحه مع نفسى ووازنت الامور فى دماغى كذا مره ولقيت ان اللى زيي مالهاش جواز ومينفعش احط نفسى فى حاجه انا عارفه انها مش هتريحنى ولا هتخلينى سعيده ..والى ان يتواجد هذا الرجل الوهمى اللى بفكر فيه -اللى تقريبا موجود فى الاساطير مع الغول والعنقاء والخل الوفى -فانا مش هاجازف واتخيل صفات او احاول اعدل من صفات حد وخلاص بح

[hagar20]

موضوعك هايل انا شخصيا عاوز اللى ارتبط بيه ويكون شريك حياتى يكون فيه كل المواصفات دى اولا يكون انسان محترم ويعرف ربناوثانيا يكون عاقل وهادى ويعلمنى من جديد الصح والغلط الحلال والحرام ويكون صريح معايا

[el rayk gedan]

كلامك جميل بس فى بعض المفاهيم عندك عايزة تتصحح من واجهة نظرى وأسمحيلى أعقب عليها

يعنى رايى من راى ليونايدس فى حاجه ايه معنى واحد يقولى بحبك ويعيش عليا الدور بقى ويعملى فيها عبد الحليم حافظ فى الوساده الخاليه ويجى يخنق عليا ويتحكم فى حياتى كلها

اولا انتى مفهمتيش رأيى ليونايدس , ليونايدس يقصد ان الى بيحب وناوى يتدخل من الباب ويتقدم يبقى اوكى

لكن الى بيقول انا بحبك وخلاص يبقى مش حب ده بيتسلى لحد ما يلاقى واحده تانيه أنسب أو بالمواصفات الى هو عايزها

انا موافقه عن نفسى يعاملنى معامله الند ونقسم كل حاجه بينا بالتساوى بدايه من مصاريف البيت لحد تغيير البامبرز ودا العدل فى وجه نظرى الشخصيه جدا

بالنسبه للند متزعليش منى ده كلام مش مظبوط انتوا الاتنين بتكملوا بعض ومفيش حد أعلى من التانى يعنى هو أفضل منك مثلا فى شغله فى تدبير الامور وغيرة وانتى أفضل منه فى التربيه فى شغل البيت وفأيدك كمان انك تسعدى الزوج او تنكدى عليه يعنى فى ايدك تملى البيت فرحه والعلاقة بينكم تكبر وتستمر وفأيدك تنهى العلاقه
الى أقصده من ده كله انكوا بتكملوا بعض وانتوا الاتنين محتاجين لبعض وبالنسبه لمرتب شغلك فأنتى غير مكلفه لدفع أى مصاريف يعنى لو دفعتى حاجه من مرتبك عشان تساعدى فى مصاريف البيت يبقى انتى كويسه ورحيمه بالزوج ومقدرة تعبه لكن بالنسبه للزوج فاهو مكلف ولازم يصرف عليكى وعلى البيت حتى لو انتى بتشتغلى

وشايف ان الست مكانها الطبيعى والوحيد المطبخ حتى لو مكانتش بتحبه ولا بتطيقه ولا بتطيق تشوف سيرته واذا لقاها مقصره فى اى حاجه من ده لاى سبب من الاسباب تبقى ست وحشه ومقرفه ويروح يتجوز عليها او يطلقها هو ومقدرته بقى وبصراحه انا مينفعش معايا كده

الراجل غير كده والله انتوا ظلمينه

الواحد بيبقى طالع عينه فى الشغل وراجع البيت عضمة متكسر ونفسة يستريح ويلاقى لقمة كويسة ياكلها وست تهون عليه العيشه
لكن لما أرجع البيت جسمى مدغدغ وملاقيش أكل او الاقى مراتى بتنكد عليا وتزود الطينه بله
يقوم الراجل يلعن العيشه والى عيشينها وفى الاخر تزعلوا وتقلوا ده مجتمع ذكورى ( بزمتك مش كان جاب قفص عصافير أحسن )

لكن زى ماقلتلك انتى فى أيدك تملى البيت فرحه وتخلى حياته بامبى فى فوشيه وبرده فى أيدك تخلى حياته جحيم

لكن الى أقدر أقوله ان الراجل ده لو كويس وبيعرف ربنا وبيخاف منه يبقى متخافيش منه خالص عشان هو هايعملك بما يرضى الله والى يرضى ربنا أكيد هايبسطك ومتزعليش منى أذا كان كلامى تقيل عليكى او دايقك مستنى تعليقك على كلامى
وعجبنى جدا تعليق العضوة الى قبليكى ومواصفات شريك حياتها



انا عايزة ايه من شريكى فى المستقبل ان شاء الله

اولا : انه يكون عنده وازع دين يعنى يعرف الحلال من الحرام

علشان يبقى ضميره صاحى

ثانيا: اناعايزة بنى ادم طيب وحنين راجل بمعنى الكلمه

بعيد كل البعد عن التفاهه

عايزاه يكون رحيم

وعايزة يعرف انى مخلوق ضعيف

بس مش هقبل استغلال الضعف ده

متهيقلى طلباتى مش صعبه

كلامك مظبوط والله يا دريم:yes:

اهم حاجه يكون بتاع ربنا وزى ما قلت قبل كده برده أدام بيخاف من ربنا يبقى هيتقى الله فيكى ومش هيزعلك أبدا

ومرسى لمشاركتك الجميله

[el rayk gedan]

موضوعك هايل انا شخصيا عاوز اللى ارتبط بيه ويكون شريك حياتى يكون فيه كل المواصفات دى اولا يكون انسان محترم ويعرف ربناوثانيا يكون عاقل وهادى ويعلمنى من جديد الصح والغلط الحلال والحرام ويكون صريح معايا

مرسى لمشاركتك يا هاجر طلاباتك بسيطه لكن جميله وانشاء الله تتجوزى واحد فى كل المواصفات دى

[ali refaat]

الحمد لله
الوصية بنكاح ذات الدين ، ومن هي ذات الدين ؟ .
أ. رغَّب النبي صلى الله عليه وسلم في نكاح ذات الدين فقال : ( تُنْكَحُ الْمَرْأَةُ لأَرْبَعٍ : لِمَالِهَا ، وَلِحَسَبِهَا ، وَجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) .
رواه البخاري ( 5090 ) ومسلم ( 1466 ) .
قال عبد العظيم آبادي – رحمه الله - :
والمعنى : أن اللائق بذي الدين والمروءة أن يكون الدين مطمحَ نظره في كل شيء ، لا سيما فيما تطول صحبته ، فأمره النبي صلى الله عليه وسلم بتحصيل صاحبة الدِّين الذي هو غاية البغية .
( تربت يداك ) يقال : ترب الرجل ، أي : افتقر ، كأنه قال : " تلصق بالتراب " ، ولا يُراد به ها هنا الدعاء ‘ بل الحث على الجد ، والتشمير في طلب المأمور به .
" عون المعبود " ( 6 / 31 ) .
ب. وأما صفات النساء ذوات الدِّين فقد أمكننا الوقوف على كثيرٍ من الصفات التي يصدق على من اتصف بها من النساء أن تكون من ذوات الدِّين ، ومنها :
1. حسن الاعتقاد ، وهذه الصفة على رأس قائمة الصفات ، فمن كانت من أهل السنَّة والجماعة فإنها تكون حققت أعلى وأغلى صفة في ذوات الدين ، ومن كانت من أهل البدع والضلال فإنها ليست من ذوات الدِّين اللاتي رُغِّب المسلم بالتزوج منهنَّ ؛ لما لهنَّ من أثرٍ سيئ على الزوج أو على أولاده ، أو على كليهما .
2. طاعة الزوج ، وعدم مخالفته إذا أمر بالحق .
عَنْ أَبِي هُرَيْرَةَ قَالَ : قِيلَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ أَيُّ النِّسَاءِ خَيْرٌ ؟ قَالَ : الَّتِي تَسُرُّهُ إِذَا نَظَرَ ، وَتُطِيعُهُ إِذَا أَمَرَ ، وَلَا تُخَالِفُهُ فِي نَفْسِهَا وَمَالِهَا بِمَا يَكْرَهُ .

[el rayk gedan]

الحمد لله
الوصية بنكاح ذات الدين ، ومن هي ذات الدين ؟ .
أ. رغَّب النبي صلى الله عليه وسلم في نكاح ذات الدين فقال : ( تُنْكَحُ الْمَرْأَةُ لأَرْبَعٍ : لِمَالِهَا ، وَلِحَسَبِهَا ، وَجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) .
رواه البخاري ( 5090 ) ومسلم ( 1466 ) .
قال عبد العظيم آبادي – رحمه الله - :
والمعنى : أن اللائق بذي الدين والمروءة أن يكون الدين مطمحَ نظره في كل شيء ، لا سيما فيما تطول صحبته ، فأمره النبي صلى الله عليه وسلم بتحصيل صاحبة الدِّين الذي هو غاية البغية .
( تربت يداك ) يقال : ترب الرجل ، أي : افتقر ، كأنه قال : " تلصق بالتراب " ، ولا يُراد به ها هنا الدعاء ‘ بل الحث على الجد ، والتشمير في طلب المأمور به .
" عون المعبود " ( 6 / 31 ) .
ب. وأما صفات النساء ذوات الدِّين فقد أمكننا الوقوف على كثيرٍ من الصفات التي يصدق على من اتصف بها من النساء أن تكون من ذوات الدِّين ، ومنها :
1. حسن الاعتقاد ، وهذه الصفة على رأس قائمة الصفات ، فمن كانت من أهل السنَّة والجماعة فإنها تكون حققت أعلى وأغلى صفة في ذوات الدين ، ومن كانت من أهل البدع والضلال فإنها ليست من ذوات الدِّين اللاتي رُغِّب المسلم بالتزوج منهنَّ ؛ لما لهنَّ من أثرٍ سيئ على الزوج أو على أولاده ، أو على كليهما .
2. طاعة الزوج ، وعدم مخالفته إذا أمر بالحق .
عَنْ أَبِي هُرَيْرَةَ قَالَ : قِيلَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ أَيُّ النِّسَاءِ خَيْرٌ ؟ قَالَ : الَّتِي تَسُرُّهُ إِذَا نَظَرَ ، وَتُطِيعُهُ إِذَا أَمَرَ ، وَلَا تُخَالِفُهُ فِي نَفْسِهَا وَمَالِهَا بِمَا يَكْرَهُ .

بص ياشيخ على والله انا عارف كل الايات والاحاديث دى

لكن مفيش حاجه بتمنع التمنى يعنى كل واحد بيقول الحاجه الى نفسة فيها وده الغرض من التوبيك اننا نبقى فاهمين بعض ده عاوز ايه ودى عاوزة ايه عشان الناس ما تحترش كتيير
وده هو هدف التوبيك
وشكرا على مرورك

[lyonaids]

بالراحة ياض يارايق انتا ياض هه.:mdr:.خليك مونبيه في ردودك كدا..مالو الراجل؟؟قال كلمتين في الجون..

اظفر بذات الدين ..ايون صح فيه اييه ..

ويا كوكي انا قلتلك ميت مرة انا رجعي وعايش في دور سي السيد..

وأميييييناااااااااااا

فيييييييي حاااااجة ..:mdr:

[lyonaids]

كوكي والرايق وكل الناس دي..اقتباس من كلام قلته ..واعتز بيه :mdr:



معلش يبني انتا يبني انت يا اكسلانس انت وكل البنات ..واللي ردو

منهن يعني :mdr:

انا بقي شايف ان لا يمكن لاي ادم انه يفهم اي حوا بالصلاه علي النبي !!

وان انا عن نفسي عايز اتجوز خدامة ...!!أه..وش ..انا بقي يا جدعان

رجعي ...ولسه عايش في عصر سي السيد ..بتاع لمي هدمك وهدومي وهدوم

العيال وروحي ليور مازر يا أمييينااااااااا..!:39:

اه من الأخر كدا..

وماعنديش غير الكرباج ..

من الاخر ...

انا اكتر حاجة بتغيظني العيال دي اللي بتلبس بادي بمبي بترتر!

زي حلاوتها ام حسن بالضبط...والنبي ده راجل ده ..

وبطل ياعم انتا يا عمرو يا واكد تقعد تقوللي: توصلنا ان المشاميش

عايزين الحب والحنان والاحترام والامان ..هه:mdr:

انا ما بعترفش بالحب ...!! حنيه ؟ اه ماقلناش حاجة ..

امان.؟ اه بردو ما عترضناش علي حاجة ...!

الاحترام ؟..ومالو.. يجوز نطلع حبتين كدا كل عيد ام ..!!

انما تقوللي اخليها الملكة بتاعتي ..وفارسة احلامي وانا ابقي

السايس بتاع الفرس ...لا معلش..بعييدة اوي دي بأه ..!!

انا فتاة احلامي ما احلاها وهي ماسكة المنفضة وبتنفض ..

و ماسكة العيل كدا وريحتهم الاتنين محشي !!:mdr:

هيا دي البنات ..

هي دي النص الاخر لأدم يا مواطن!!

قال ملكة قلبه قال ..!!

صباح الفل يا بناويت !

[cute rose]

[B]قال الله تعالى (ولا تنسوا الفضل بينكم ان الله بما تعملون بصير)صدق الله العظيم سورة البقرة ايه237B]هذه ليست الايه كلها بل جزء منها وهذا الجزء لا يقتصر تفسيره فقط على الحياة الزوجية وانما على الجيرة وصله الرحم وجميع نواحى الحياة فاذا كان شريك خياتى يتعامل معى بموجب هذه الايه فالحمد لله الذى انعم على به فهذة هى مواصفات شريك حياتى .......... لاننى بهذا لا احمله فوق طاقته وهوكذلك لا يحملنى فوق طاقتى وسيعاملنى بما يرضى الله لانه عليم بصير.......ثانيا انت فى بعض ردودك تحسسنى كانك د/نفسانى بحيث تحلل وتنقد وتعتبرنفسك الطرف الاخروترد بلسانه فهل انت مؤهل لهذا؟

[el rayk gedan]

[B]قال الله تعالى (ولا تنسوا الفضل بينكم ان الله بما تعملون بصير)صدق الله العظيم سورة البقرة ايه237B]هذه ليست الايه كلها بل جزء منها وهذا الجزء لا يقتصر تفسيره فقط على الحياة الزوجية وانما على الجيرة وصله الرحم وجميع نواحى الحياة فاذا كان شريك خياتى يتعامل معى بموجب هذه الايه فالحمد لله الذى انعم على به فهذة هى مواصفات شريك حياتى .......... لاننى بهذا لا احمله فوق طاقته وهوكذلك لا يحملنى فوق طاقتى وسيعاملنى بما يرضى الله لانه عليم بصير.......ثانيا انت فى بعض ردودك تحسسنى كانك د/نفسانى بحيث تحلل وتنقد وتعتبرنفسك الطرف الاخروترد بلسانه فهل انت مؤهل لهذا؟

مرسى على المشاركه يا رورز

وأنا مش دكتور نفسانى ولا حاجه دى وجهات نظر وفى مشاكل انا عصرتها ومش حابب أى حد يقع فى نفس الخطاء مع انى عارف برده ان مفيش حد بيعصم من الخطاء لكن انا كان عندى معلومة وحبيت أقولها لعل وعسى حد عمل بيها وموقعش فى الخطاء ده

و لو عندك او شايف مشكله فى ردودى الى بتقول عليها ياريت تكتبها وتقولى عليها عشان اتفاده الغلط ده فى المرات الجايه انشاالله

وشكرا على ردك ومشاركتك

[el rayk gedan]

بالراحة ياض يارايق انتا ياض هه.:mdr:.خليك مونبيه في ردودك كدا..مالو الراجل؟؟قال كلمتين في الجون..

اظفر بذات الدين ..ايون صح فيه اييه ..

ويا كوكي انا قلتلك ميت مرة انا رجعي وعايش في دور سي السيد..

وأميييييناااااااااااا

فيييييييي حاااااجة ..:mdr:

يابنى انا مش بغلط الراجل انا بس عاوز افهمه الى أقصده وايه هدف التوبيك

وبالنسبه لكوكى دى أختى ومقصدش ازعلها وانا والله عايز الناس كلها تبقى كويسه مع بعضها وخصوصا الزوج وزجته
عشان دول بالزات بيعملوا مشكله من لا مشكله وعلى رأئى المثل يعمل مالحبه قبه

[dododo_apdoo]

We’re sorry, the page you have requested is not available.
If the file has moved, you may be able to find it by clicking here.

You may also be able to find more information at this item’s details page.

[el rayk gedan]

We’re sorry, the page you have requested is not available.
If the file has moved, you may be able to find it by clicking here.

You may also be able to find more information at this item’s details page.

لا مؤخذه يعنى ياباشا هو حضرتك تايه ولا دخلت موضوع غلط ولا أيه بالظبط

نوت أفلابل أيه ياعم ؟ :31:

هو حضرتك طالب كام بالظبط ؟:oh:

يمكن قافل موبايله :whistle:

[el rayk gedan]

أيه يجماعه هو مكنش فيه غير حبة الاعضاء دول بس الى كانوا عايزين يتجوزا ولا أيه

ياريت نشارك كلنا مع بعض ونفهم احنا عايزين أيه

وكل سنه وانتوا طيبين

[omnia_omo]

بجد كلام فى الجوووون و عاجبنى و داخل دماغي اوي اوي اوي اوي و مقتنعه بيه اوي اوي اوي
اولا اللى مستحيل اتنازل عنه فى شريك حياتى هو الرجوله و الاصل الطيب, و مش عايزة واحد فافى من بتوع اليومين دول بتوع الديسكو .. عايزة واحد يتقى ربنا فينا
بصراحه انا ندمانه انى مقرتش موضوعك من زمان مع انه كان قدامي.. بس الحمد لله ليا نصيب انى اقرأه
على فكرة الراجل بإيده انه يطلع انوثه البنت اللى عفا عليها الزمن او بمعنى تاني اكل عليها الزمن و شرب على اساس كلامك... برجولته يقدر يحسس البنت بإنوثتها.. بس على اساس كلامك فين الرجاله اصلا
انا مستعده اشتغل لجوزي خدامه.. و يبقى مهمتى المطبخ (ردا على كلام البنوته اللى بتقول ان الراجل شايف ان مكان الست فى المطبخ) و اشتغل خدامه انضف البيت انا مرضاش انى اجيب خدامه لانى مرضاش بحد غريب يدخل بيتي.. و مرضاش ان حد غريب يعمل حاجه لجوزي.. مكانش يجيب خدامه بمرتب احسن.. و مستعده ابوس ايده كمان.. اعمله كل حاجه كأنه ملك و انا الجاريه بتاعته.. وفى نفس الوقت لازم احسسه انه الاول فى اهتماماتي.. و مفيش حاجه اسمها مساواة بين راجل و مراته لان اصلا مفيش فروق بينهم.
لو كل واحد يفهم اللى ليه و اللى عليه يبقى خلاص .. خلصت.. انا عليا انى اعيشه ملك..
بتغاظ اوى من البنات اللى تتنطط على خطيبها او جوزها.. هو انتم كنتم لاقيين.. اهم دول الناس اللى مش بيحمدو ربنا على النعمه اللى فى ايديهم.. ايوة نعمه.. لان جوزك هو جنتك او نارك .. هو رضا ربنا عنك او غضبه.. و انتى و شطارتك بأه
فى كلام كتير تاني بس انا كده فشيت غلى فى البنات اللى ردهم معجبنيش..
و على فكرة الحب موجود.. بس ادخلوله من البااااب مش من الشباك..
طبعا مفهوم
موضوعك رائع

[نوووونا]

اول حاجة شكرا يا رايق على الموضوع الحلو ده
ثانيا عايزة اقول رايى فى كل رد بس معجبنيش الى بيقولو ان الست تشتغل خدامة ليل نهار لا طبعا احنا طبعا لازم نروق البيت و نطبخ وكل حاجة بس مش لدرجة خدامة و طبعا عمر ما الحياة حتمشى بالشكل ده عشان زمن سي السيد خلص خلاص والحياة طبعا حتبقى وحشة ومش حتمشى عشان من حق كل راجل وست متجوزين انهم يتمتعو بالرومنسية شوية وده الى انا حعمله لما اتجوز حهيىء لجوزى بيت مريح و انا حكون ست مريحة بس بردة مش لدرجة خدامة
ثالثا بأة الى عاوزاه فى جوزى اولا طبعا يكون عارف ربنا بس مش مستشيخ عايزاه يعرف الدين والحلال والحرام وخلاص عشان يعامل ربنا فيا
و عايزاه يكون مجنووووووون بحبى و يديلى حياته كلها وانا حديله حياتى طبعا و يكون صريح ومش بيكدب ومش بيمثل ولا بينافق ولا اى حاجة من كده بس وياريت كمان ميشربش سجاير مش ناقصين امراض والنبى
رابعا عايزة اشكرك تانى على الموضوع

[el rayk gedan]

بجد كلام فى الجوووون و عاجبنى و داخل دماغي اوي اوي اوي اوي و مقتنعه بيه اوي اوي اوي
اولا اللى مستحيل اتنازل عنه فى شريك حياتى هو الرجوله و الاصل الطيب, و مش عايزة واحد فافى من بتوع اليومين دول بتوع الديسكو .. عايزة واحد يتقى ربنا فينا
بصراحه انا ندمانه انى مقرتش موضوعك من زمان مع انه كان قدامي.. بس الحمد لله ليا نصيب انى اقرأه
على فكرة الراجل بإيده انه يطلع انوثه البنت اللى عفا عليها الزمن او بمعنى تاني اكل عليها الزمن و شرب على اساس كلامك... برجولته يقدر يحسس البنت بإنوثتها.. بس على اساس كلامك فين الرجاله اصلا
انا مستعده اشتغل لجوزي خدامه.. و يبقى مهمتى المطبخ (ردا على كلام البنوته اللى بتقول ان الراجل شايف ان مكان الست فى المطبخ) و اشتغل خدامه انضف البيت انا مرضاش انى اجيب خدامه لانى مرضاش بحد غريب يدخل بيتي.. و مرضاش ان حد غريب يعمل حاجه لجوزي.. مكانش يجيب خدامه بمرتب احسن.. و مستعده ابوس ايده كمان.. اعمله كل حاجه كأنه ملك و انا الجاريه بتاعته.. وفى نفس الوقت لازم احسسه انه الاول فى اهتماماتي.. و مفيش حاجه اسمها مساواة بين راجل و مراته لان اصلا مفيش فروق بينهم.
لو كل واحد يفهم اللى ليه و اللى عليه يبقى خلاص .. خلصت.. انا عليا انى اعيشه ملك..
بتغاظ اوى من البنات اللى تتنطط على خطيبها او جوزها.. هو انتم كنتم لاقيين.. اهم دول الناس اللى مش بيحمدو ربنا على النعمه اللى فى ايديهم.. ايوة نعمه.. لان جوزك هو جنتك او نارك .. هو رضا ربنا عنك او غضبه.. و انتى و شطارتك بأه
فى كلام كتير تاني بس انا كده فشيت غلى فى البنات اللى ردهم معجبنيش..
و على فكرة الحب موجود.. بس ادخلوله من البااااب مش من الشباك..
طبعا مفهوم
موضوعك رائع

والله نورتى التوبيك يا أمنيه بذوقك وكلامك الجميل
بس أسمحيلى أقولك حاجه
الحياه بين الزوج وزوجته ما هى الا مشاركه مفيش حد بيفرض على حد أيه الى يتعمل وايه الى ما يتعملش
الست برده ليها كيان وليها عقل تفكر بيه يعنى مش للتنفيذ وبس
انتى فعلا بتحاولى ترضى جوزك بالى قولتيه ده وده فى حد زاته شئ جميل
لأن طاعةالزوج من طاعة ربنا
نرجع لموضوع ان الست ليها كيان وليها عقل
البعض هايفتكر ان بقول للزوجه تتمرد...وأنا مقصدش كدا خالص
كل الى أقصده ان متعمليش حاجه غصب عنك اعمليها برضاكى أحسن مليون مرة
من ما تعمليها وانتى مش عايزة
بمعنى انك تكونى انتى راغبه فى عمل شغل البيت من غير ماحد يطلب منك عشان تكبرى فى نظر جوزك ومتخليهوش يقولك أعملى حاجه عشان لو فضل كل شويه يقولك أعملى كذا وكذا هايتولد عندك شعور بالافضليه ودى مشكله كبيرة وممكن تهدم كل الى بنيتوا مع بعض, لكن لو بتعملى الى عليكى من غير ما ينطلب منك لوجيتى فى يوم من الايام ومعملتيش صدقينى جوزك ها يحس بيكى ويقول يمكن تعبانه وهايخترعلك أعزار الدنيا وغير شوية الحب الى هيترشوا عليك ياعم..:mdr:
طبعا كلامك جميل ويابخت جوزك بيكى
بس عايز أقولك على حاجه مهمه جدا لو جوزك كان عصبى جدا معاكى فى يوم من الايام وعمال يزعق فى وشك اوعى توجهيه بنفس الاسلوب
عشان الراجل عنيد جدا وهيحس انك ند ليه وهتبقوا ناقر ونقير فى الخارجه والداخله واحنا مش عايزين كدا
حاولى تحتوى غضبه وتكونى مرنه فى ردودك
يعنى متكونيش ناشفه معاه فى المعامله عشان متتكسريش
خليكى مرنه وميلى للريح عشان تعدى
وبجد بجد نورتى التوبيك..:mdr:

[el rayk gedan]

اول حاجة شكرا يا رايق على الموضوع الحلو ده
ثانيا عايزة اقول رايى فى كل رد بس معجبنيش الى بيقولو ان الست تشتغل خدامة ليل نهار لا طبعا احنا طبعا لازم نروق البيت و نطبخ وكل حاجة بس مش لدرجة خدامة و طبعا عمر ما الحياة حتمشى بالشكل ده عشان زمن سي السيد خلص خلاص والحياة طبعا حتبقى وحشة ومش حتمشى عشان من حق كل راجل وست متجوزين انهم يتمتعو بالرومنسية شوية وده الى انا حعمله لما اتجوز حهيىء لجوزى بيت مريح و انا حكون ست مريحة بس بردة مش لدرجة خدامة
ثالثا بأة الى عاوزاه فى جوزى اولا طبعا يكون عارف ربنا بس مش مستشيخ عايزاه يعرف الدين والحلال والحرام وخلاص عشان يعامل ربنا فيا
و عايزاه يكون مجنووووووون بحبى و يديلى حياته كلها وانا حديله حياتى طبعا و يكون صريح ومش بيكدب ومش بيمثل ولا بينافق ولا اى حاجة من كده بس وياريت كمان ميشربش سجاير مش ناقصين امراض والنبى
رابعا عايزة اشكرك تانى على الموضوع

نوووووووونا!!....معشوقة الدى فى دى ازيك وربنا منورا التوبيك..:mdr:
مين قال يابنتى ان الست خدامه هو انتى لما تحفظى على عش الزوجيه وتخليه دايما نضيف وريحته حلوة تشرح القلب تبقى خدامه
ثم تعالى هنا انتى بتعملى الحاجات دى لمين مش لنفسك ولا لجوزك بس
هو انتى لولا ان جوزك عايز البيت نضيف ماكنتيش هتروقى البيت؟؟
طبعا لأ ( بيت مفيهوش بنات يبقى بيت مفيهوش روح ) ده مثل بيتقال عندنا وتقريبا تعرفيه
وأنا أعرف كمان البنت مش بتحب المكان الى بتقعد فيه يبقى مكركب وكدا بالعكس البنت الامورة الشيك هى الى بتنضف المكان الى بتقعد فيه وتخليه بيبرق من النضافه دى القطط بتنبش فى الحته الى بتقعد فيها عشان تنضفها يبقى أحنا مش هنبقى نضاف هاه ؟؟
دى كانت وجة نظر بنت ووجهات النظر كتير عشان مش كل العقول زى بعضها
يعنى انا مش هشتغل وأعد جمب مراتى ليل نهار حد شريكى ؟ مفيش حد هاينضر غيرى ...كل واحد بيشوف الدنيا من زاويه مش لازم تكون نفس الزاويه الى بتشوفى منها
اما عن زمن سى السيد ..... كل واحد بيتعامل حسب الوضع الى هو فيه يعنى احنا لينا عقول نفكر عشان كل دى عادات وتقاليد بتاعت زمان
وزى ما قولنا قبل كدا العقول مش واحده يعنى الى يمشى معايا ممكن مايمشيش مع صحبى ....الى عايز أقوله ان الى شيفاه صح أعمليه
(استفتى قلبك وان أفتوك )
والمواصفات الى حبه تلاقيها فى جوزك فى المستقبل انشاء الله ممكن نختصرها فى3 كلمات ( يتقى ربنا فيا)
اما بالنسبه للسجاير بقى ياقمر فاانتى تقدرى تخلي جوزك يعمل أى حاجه بس مش بالعافية وانا هديكى مثل حقيقى لوحده أعرفها وعجبنى جدا الى عملته, جوزها كان بيشرب سجاير فا قلتله عيزاك تبطلها قلها لأ
قالتله أصل بصراحه بغير لما بلاقيك حاطط السجارة بين شفايفك وانت شفايفك حلوة ومش عيزاها توحش من السجاير وأعدت تدلع عليه وفضلت ماشيه على هذا المنوال لغاية لما خليته يبطل سجاير خالص

معلش بقى يانونا أنا عارف انى رغاى بس انا ماكنتش عايز أسيب حاجه غير لما أرد عليها ويارب أكون وفقت فى توصيل الكلام
ونورتى التوبيك ياقمر..:mdr:

[el rayk gedan]

..:mdr:...:mdr:

[an an]

بالنسبه لي عندي كذا شرط في الانسان اللي هرتبط بيه
اولا الدين لانه لو مكنش متدين يبقي ضاعت الدنيا و الاخره
ثانيا يكون بيحترمني ويحترم اهلي
رابعا الصراحه
خامسا انيحافظ علي اشرار بيته حتي لا يدخل في الوعيد الذي حذر منه رسول الله عندما ينشر الرجل اسرار بيته
معلش طولت عليكم بس الموضوع بجد جميل جدا و جزاكم الله خيرا

[omnia_omo]

يااااااااا رب تدخل الجنة يا رب.. يا رايق يا رب
كلامك يعني اقول ايه.. انتشلنى من القاع.. و الله بتبسط اوي لما الاقى شباب رأيهم زي رأيك.. قصدي شباب ولاد يعني.. عشان انا لسه شباب يعني متفتكرنيش عجوزة
كنت هقولك ايه يا ربي... اه.. انا طبعا مش هلغى شخصيتي مع جوزي.. بس انا من واجبي انى اشتغل خدامه فى بيتي... و من حقه انه يحس انه سي السيد.. بس مش من حق حد انه يجبرني على حاجه انا رفضاها او انه يلغى شخصيتي
بمعنى ايه بأه؟؟؟.. انى اعمل اللى عليا و كل اللى مطلوب منى بالظبط زى ما انت قلت عشان ميقوليش اعملى كذا و كذا.. بس احترامى لنفسي ميتناقضش ابدا انى ابقى جاريه ليه.. (كونى له امه يكن لكي عبدا) حد جرب يعمل النصيحه دي و ملقاش منها امل؟؟ .. حد جرب يستخدم الحب و الهدوء و التضحيه فى بيته و ملقاش نتيجه؟..
لا.. معظم الستات تقول هو انا كنت الشغاله اللى جابها دادي.. و هو يقول و هو انا كنت المكنه اللى بتجيبلها فلوس..
على فكرة انت نصايحك بجد رائعه.. يعني كلامك فى موضوع العصبيه رائع.. طبعا كلامك صح جدا.. عشان الواحد لو لقى قدامه نار بيرمى عليها ميه.. مش بنزين.. و العصبيه لو اتقابلت بعصبيه هتبقى نار و بنزين
يا ريت بجد تكتب موضوع عن المعامله بين الزوج و زوجته... لان كلامك بيقراه شباب.. و الشباب مش كلهم بيروحو لكتب الدين و يقراو فيها و مش كل الناس اللى مقبله على الجواز بتروح و تقرا عن السعاده الزوجيه و تتعلم من شيوخنا ( طبعا قصدى الشيوخ المحترمين. مش قصدى شيوخ شرايط الارصفه)..
بس الشباب هنا بيحبوك و ليك شعبيه و مواضيعك جذابه و انت بإيدك انك تتكلم عن الموضوع ده بإسلوب ذكي.. عشان كده كلمهم و انصحهم بموضوع زي كده تكسب فيهم ثواب و انا هكون من اول المستفيدين بكلامك
طولت عليك طبعا.. و زمانك بتقول يا رب امنيه متدخلش المنتدى تاني

[el rayk gedan]

متتصوريش أتبسط أد أيه من كلامك رأيك أسعدنى جدا مع أنه مجامله بس مجامله جميله من بنت أجمل
لكن أنا مش أهل أو مؤهل لأنى أشرح المعامله بين الزوج وزوجته
عشان أنا بناقشها معتمد على الدين والتفكير العقلانى الخاص بيا
يعنى ممكن تعتبريها وجهة نظر او قاعده خاصه بيا لكن أنا مؤمن بيها جدا
والى بيأكد صحة النظريه دى هو ردك الجميل وكمان كلام صحباتى لما بتكلم فى المواضيع دى

[omnia_omo]

اولا انا مش بجامل لان لو كلامك مش عاجبنى كنت هقولك.. بس انت كلامك عاجبنى ده غير انه مطابق لوجه نظري بالكامل تقريبا
بس انا اللى كنت اقصده اشرح وجهه نظرك فى توبيك خاص و الناس هترد و نخليه مجال للمناقشه... لان تقريبا فى توبيك شله العوانس كانت هجوم مش مناقشه.. انا نفسي هاجمت و اعتمدت على رأيك كليا و مبسوطه اوي انك استخدمت ردي فى كلامك
بس ايه حكايه كلام صحباتى ده؟؟ و موضوع شفايف زى الاطفال و قلت كل حاجه على الملأ.... ده انا كنت شايفالك عرسه... اغير رأيي واشوفلها عريس تاني ولا ايه؟؟؟

[LOLEE26]

بسم الله الرحمن الرحيم

أولا انا عضوة جديدة هنا ولفتني الموضوع لأنه موضوع مصيري والمفروض كل البنات والشباب يشاركوا عشان نحاول نفهم بعض

بالنسبة ليا كبنت طبعا أتمنى ألاقي راجل أولا وقبل كل شيء يعرف ربنا يكون بيصلي وعارف ايه هي الصلاة مش ماخدها مجرد عادة وحركات رياضية يكون أخلاق وبيعرف ربنا وطبعا الي بيصلي الصلاة بتأثر كتير على شخصيته وتصرفاته

طبعا يكون إنسان مسؤول وناضج كفاية يعرف يعني ايه زواج مش مجرد اهله عايزين يجوزوه لازم هو يكون عنده رغبة قوية انه يتزوج ويعمل بيت واسرة ، ما يكونش سطحي تافه لاني للاسف بلاحظ أغلب الشباب ماعندهمش قدرة على الحوار مافيش مواضيع مهمة يتناقشوا فيها كلها أمور سخيفة طبعا مش الكل بس كتير جدا وفي كل الجنسيات وممكن يكون عمره 30 وبنفس الطريقة ودا شيء مؤسف لاني لايمكن أرتبط بانسا من النوعية دي

انه يكون رومانسي عاطفي نوعا ما لاني رومانسية جدا وبحس لو ارتبطت بانسان عملي جدا بيعتر المشاعر سخافة او اجي اقوله كلمة حلوة او افاجئة يصدني او ما يعبرنيش ممكن اموت فيها خصوصا اني حساسة

يكون حنون يعاملني كأني بيبي بلطف ورقة مش بدفاشة يعني زي ما قالت الاخت هنا يحسسني اني مخلوق ضعيف انا بحب أحس انه زوجي بيحتويني بيظلل عليا انه اقوى مني

يكون غيور مش كل حاجة مش فارقة معاه الغيرة بتحسسني بلذة مش طبيعية

يكون شريك بمعنى الكلمة يشاركني واشاركه كل حاجة كل حاجة بمعنى الكلمة نشارك بعض في كل صغيرة وكبيرة

وما يعتبرنيش اني ملزمة بالطبخ والكنس والمسح والغسيل سواء تعبانة او لا ماليش نفس او ليا

أما بالنسبة لوضعه المادي فمش مهم قوي يكون متوسط عادي نعيش مستورين

باختصار حب حنان خلق مسؤولية نضج وطبعا يكون مقبول شكليا مش هقول قمر ووسيم يكون مقبول لانه الشكل له دور


واقبلوا تحياتي

[el rayk gedan]

اولا انا مش بجامل لان لو كلامك مش عاجبنى كنت هقولك.. بس انت كلامك عاجبنى ده غير انه مطابق لوجه نظري بالكامل تقريبا
بس انا اللى كنت اقصده اشرح وجهه نظرك فى توبيك خاص و الناس هترد و نخليه مجال للمناقشه... لان تقريبا فى توبيك شله العوانس كانت هجوم مش مناقشه.. انا نفسي هاجمت و اعتمدت على رأيك كليا و مبسوطه اوي انك استخدمت ردي فى كلامك
بس ايه حكايه كلام صحباتى ده؟؟ و موضوع شفايف زى الاطفال و قلت كل حاجه على الملأ.... ده انا كنت شايفالك عرسه... اغير رأيي واشوفلها عريس تاني ولا ايه؟؟؟

كدا بردوا يا أومو تبيعينى بالسرعه دى ...هتشوفى عريس تانى..??:mdr: على العموم العروسه الى خسرانه ..:mdr: ههههههه

هو أنا مش بحب أعرض وجهة نظرى كدا من غير ما ينطلب منى
عشان لما أتكلم يبقى الكل يسمع ويناقش
ولما بلاقى أى عضو عامل موضوع وطارح فكرة للمناقشه
أنا بدخل أتناقش معاهم عادى مش أكتر
أما بالنسبه لشلة العوانس
التوبيك أستفذنى جدا عشان الكلام كله فى منتهى السطحيه والى كاتب الكلام ده بيتكلم مش عن خبرة اوتجربه
وبعدين صاحبة الموضوع قالت ده مش كلامى ده كلام المؤلفه والموضوع منقول وبعديها راحت كاتبه وجهة نظرها والكلام أستفزنى أكتر من الى قبله خصوصا انه متناقض مع بعضه ومش منطقى أطلاقا ومش مبنى او نابع عن تجربه او خبرة زى ما قلت قبل كدا لكن الكلام الى قالته ملوش أى صله بالواقع وتقريبا ده كلام الاعلام الهادف بتاعنا وسمعته من فيلم او غيرة من البرامج الى تجيب فشل كلوى
وبعدين صاحبة الموضوع كانت أتكلمت قبل كدا على نفس القضيه وناقشت معاها وبعدين رجعت تانى عملت التوبيك ده
عشان كدا انا أتنرفزت ومليت الموضوع بالكلام وبجد والله كان فى كلام كتير نفسى أقوله لكن مرديتش أكمل مناقشه بعد الانسه الى دخلت وتقول فعلا الراجل كيت وكيت
ولو أخدتى بالك هتلاقى صاحبة التوبيك ما علقتش على ولا كلمة من كلامى
وده ملووش غير تفسير واحد وهو انى صح وهى عارفه كدا لكن بتكابر والكبرياء منعها من التعليق

[kokilina]

اخى العزيز الرايق ...بما انك شرفتنى بالرد على موضوعى فاسمحلى اضيف بس نقطه صغيره ..انا مش مقتنعه بكلامك للاسف ولذلك لم اعلق عليه لان استحاله انى افهمك وجهه نظرى ولا طريقه تفكيرى فبالتالى وفرت رايى لنفسى ولحياتى مش اكتر وانا عارفه ومقدره احساسك وحبك لمساعدتى ورايك راى اخ بحترمه واقدره بس الفكره انى مش مقتنعه بوجهه نظرك ليس الا والموضوع مش مين الصح ومين الغلط الموضوع كله هو اسلوب حياه كل واحد بيعيش عليه ..يعنى اسلوبك هو الصح تماما اذا كان مناسب لنمط حياتك واولوياتك اما اسلوبى فهو الصح كذلك لنمط حياتى واولوياتى وشخصيتى ..واقسم بالله ليست معانده ولا مكابره بس عن نفسى مقتنعه بوجهه نظر معينه وعايشه على الاساس ده فى حياتى عموما ومقدرش افرض عليك وجهه نظرى ولا تقدر تفرض عليا وجهه نظرك ولا هى حرب مين فينا اللى وجهه نظره اصح ..انما هى حياه وكل واحد بيعيش بالاسلوب اللى شايفه صح ..وعموما اشكرك بشده على حبك لمساعدتى واعتذر ان كنت عصبتك او ضايقتك انا كنت بناقش وجهه نظرى وافكارى ولا اقصد فرضها على احد اى كان ..
وعلى فكره رايي فعلا مش نابع عن تجربه -يعنى لا اتجوزت واطلقت ولا حبيبى كان سابنى وحلقلى والكلام ده- وكذلك مش نابع من اعلام ولا برامج ولا كلام من ده ..وجهه نظرى بالنسبه لموضوع الجواز ناتجه من دراستى لحياتى وبعد اقتناع شديد بان الجواز -بمعناه الممارس حاليا -ميلزمنيش ومش مناسب لاسلوب حياتى مش اكتر ولا اقل اما عن الهجوم ضد الجنس الاخر فاكرر انى لم ولن اهاجم الجنس الاخر اللى زى ما قولت ابويا واخويا واستاذى وزميلى انا بنقض سلبيات قد تكون موجوده -مش لازم تكون موجوده -مش اكتر وشكرا مره اخرى على اهتمامك بموضوعى

[omnia_omo]

لا يا كوكي.. لا يا كوكي لا يا كوكي.. ملكيش حق ابدا فى انك تقولى ان الجواز ميلزمكيش .. بتقولى اه بالصورة اللى وصل ليها الجواز حاليا .. الجواز احنا اللى وصلناه للصورة دي مش حد غيرنا و احنا اللى بإيدينا نغيره
الرايق بيعرض وجهه نظرة زى ما انا بعرض وجهه نظري.. بس انا عايزة اسألك سؤال ياكوكي...
طبعا ربنا يخليلك عيلتك كلها و باباكي و مامتك و كل اهلك... بس يا كوكي تفتكري ان لو الدنيا كلها حواليكي ده هيغنيكي عن زوج حنين؟
تخيلي نفسك لو رفضتى فكرة الزواج اساسا.. و وصلتى لسن الخمسه و تلاتين .. و بتشتغلى و ناجحه جدا فى شغلك.. بس صحابك كل واحده مشغوله فى بيتها.. اخواتك كل واحد فى بيته و بيجو زيارات ليكم مع ولادهم.. كل واحد ليه حياته و ليه دنيته... مش هتفتقدي الاحساس بالامومه و الدفئ الاسري ده؟
الجواز مش مجرد طبخ و تنضيف و عيال.. الجواز معناه ان في اتنين بقو واحد.. روحك بقت صديقه لروح جوزك.. بقيتو بتكملو بعض .. بتحسو بالام بعض و افراح بعض
و حتى يا كوكي لو كان كل الرجاله اللى فى الدنيا ليهم نفس التفكير اللى بتقولى عليه... انتى بذكائك و حنيتك و تفهمك ممكن تغيري فكر جوزك للاحسن و تقنعيه باللى انتى بتحبيه.. بالهدوء و الحب
و على فكرة الست هى اللى بإيدها تخلى جوزها يحبها طول عمره و ميشوفش غيرها طول حياته.. معرفش ازاي يعني بس ده اللى انا شايفاه
يا رايق .. البنوته اللى اسمها لولي كلامها حلو بس برده قالت جمله بتقول ميعتبرنيش ملزمه بالطبخ و الغسل .. واضح ان دى بقت عقده عند البنات كلها... ولا ايه رأيك يا كوكي
لو انا رأي من رأي لولى.. يبقى انا كده بقول انى احسن و اعلى من امي ... لانى اتعلمت منها انى اكون فى بيتي اقل من خدامه حتى... ملكه قدام الناس
رأيك ايه يا كوكي... و انت يا رايق... حد معترض؟؟

[omnia_omo]

رايق هى السياجرة اللى انت ماسكها دي مش بتخلص؟؟؟ كل ما اشوفك الاقيها لسه بتطلع دخان.. صحتك يا باشا.. احنا لينا بركه الا انت

[LOLEE26]

مساء الخير

أتمنى الجميع يكون بألف خير

بس حبيت اوضح حاجة للأخت أمنية بالنسبة لموضوع الطبخ والغسل والكنس أنا ممكن اتقبله ولكن مش يكون إلزامي يعني مش لو في يوم ما طبختش لأني تعبانة أو ماليش نفس مش يجي يقلب البيت وصريخ وكدا مابحبش الراجل الي من النوع دا بس انا لو حبيت اجوزي بحس انه الذ حاجة في الدنيا اني ادلعه واطبخله وااكله حتى بايديابس يقدر يستوعبني

هو دا الي قصدته مش اني اقوله والله مش طابخة اذا كان عاجبك ...اقصد انه الموضوع يكون ودي ومش يحسسني انها اهم الأولويات عنده

شكرا للتعقيب

[el rayk gedan]

اخى العزيز الرايق ...بما انك شرفتنى بالرد على موضوعى فاسمحلى اضيف بس نقطه صغيره ..انا مش مقتنعه بكلامك للاسف ولذلك لم اعلق عليه لان استحاله انى افهمك وجهه نظرى ولا طريقه تفكيرى فبالتالى وفرت رايى لنفسى ولحياتى مش اكتر وانا عارفه ومقدره احساسك وحبك لمساعدتى ورايك راى اخ بحترمه واقدره بس الفكره انى مش مقتنعه بوجهه نظرك ليس الا والموضوع مش مين الصح ومين الغلط الموضوع كله هو اسلوب حياه كل واحد بيعيش عليه ..يعنى اسلوبك هو الصح تماما اذا كان مناسب لنمط حياتك واولوياتك اما اسلوبى فهو الصح كذلك لنمط حياتى واولوياتى وشخصيتى ..واقسم بالله ليست معانده ولا مكابره بس عن نفسى مقتنعه بوجهه نظر معينه وعايشه على الاساس ده فى حياتى عموما ومقدرش افرض عليك وجهه نظرى ولا تقدر تفرض عليا وجهه نظرك ولا هى حرب مين فينا اللى وجهه نظره اصح ..انما هى حياه وكل واحد بيعيش بالاسلوب اللى شايفه صح ..وعموما اشكرك بشده على حبك لمساعدتى واعتذر ان كنت عصبتك او ضايقتك انا كنت بناقش وجهه نظرى وافكارى ولا اقصد فرضها على احد اى كان ..
وعلى فكره رايي فعلا مش نابع عن تجربه -يعنى لا اتجوزت واطلقت ولا حبيبى كان سابنى وحلقلى والكلام ده- وكذلك مش نابع من اعلام ولا برامج ولا كلام من ده ..وجهه نظرى بالنسبه لموضوع الجواز ناتجه من دراستى لحياتى وبعد اقتناع شديد بان الجواز -بمعناه الممارس حاليا -ميلزمنيش ومش مناسب لاسلوب حياتى مش اكتر ولا اقل اما عن الهجوم ضد الجنس الاخر فاكرر انى لم ولن اهاجم الجنس الاخر اللى زى ما قولت ابويا واخويا واستاذى وزميلى انا بنقض سلبيات قد تكون موجوده -مش لازم تكون موجوده -مش اكتر وشكرا مره اخرى على اهتمامك بموضوعى

كوكى مش قضية من الى صح انا بس مش عايز الزمن يجرى بيكى عشان انتى زى أختى ولو أختى ليها نفس الفكرة بتاعتك أنا هحاول أفهمها زى ما بعمل معاكى كدا
وده أقتباس من كلام بنت زيك كدا بس هى حققت نجاح زى ما انتى عايزة بس......أسيبك تقرى الاقتباس أحسن

حبدء بنفسى وده بصراحه انا ما كنتش حكمل تعليمى وكانت امنيتى انى اكمل مش لسبب مادى لكن لانى كانت صحتى ضعيفه جدا ووالدى من وجهة نظره ان القرايه حتتعبنى اكتر مع انى ومش كلام كنت الاولى على مدرستى لكن كان خايف اوى عليه على فكره كان بيتمنى اخد مؤهل متوسط وافعد فى البيت زى بنات كتير فى بلدنا لكن ربنا كان شايلى الاحسن على فكره انا ووالدى كنا اصدقاء اوى لكن كان بيزعل المهم تمر الايام انا النهارده تلاتين سنه بفتكر كل اللى حصل كانه شريط سينما انا فعلا كملت تعليمى واخدت اكتر من مؤهل عالى ووالدى كان فخور بيه لحد اخر لحظه من حياته وكتير بيعتبرونى مثلهم الاعلى لكن صدقونى وبامانه يا رتنى كنت سمعت كلام والدى لانى اخدتها تحدى و نسيت اهم حلم فى حياة اى بنت وساعات كتير بفكر هل انا انتصرت ولا مهزومه وبصراحه لما بشوف زميلاتى ومعاهم اولادهم ورغم انى مرتبطه بندم انى طموحى العملى والعلمى منعنى من تحقيق حلم نسيته او تناسيته الا وهو اعظم حلم عند اى بنت انها تكون ام وصدقونى انا محتاره هل انا اللى هزمت نفسى ولا اقول ان دى قسمه ونصيب بصراحه دوشتكم لكن بجد كلامى من القلب لان مهما الانسان على او تقدم فى احلام بسيطه
اوى بس عدم تحقيقها وده بجد اكبر هزيمه من اى حلم يكون من بعيد عظيم فى خيالنا
ياريت تقرى الكلام ده وتقرى الكلام الى قولته فى موضوع شلة عوانس

ولو عايزة تردى عليه يشرفنى بس ياريت مترديش الا بعد ماتفكرى وأدى لنفسك وقت كبير للتفكير وصلى صلاة أستخارة ومستنى رأيك بعد 3 أيام , انما بقى لو مش عايزة تردى برده يشرفنى انك قريتى كلامى

بس الحاجه الى أنا طالبها منك ياريت تنفذيها وده أول طلب
وهو انك تفكرى فى الكلام ده مع نفسك بس تفكير بجديه
يعنى فضى دماغك خالص ومتنحازيش لفكرة معينه لأ طلعى الفكرتين من دماغك وفكرى فيهم الاتنين والحته الى تعجبك من هنا حطيهافى دماغك والى مش عجباكى ارميها ودورى فى بقية القضيه على الفكرة الصح ومش الصح بوجهة نظرك بالعكس ده الواحد دايما بيبقى فاهم نفسه هو الصح والجميع على خطاء
لكن فكرى على أساس انك بنت ودورى على دورك الى قال عليه ربنا
ومن ترك شيئا لله عوضه خير منه

وأظن أنا كدا عملت الى عليا وربنا يوفقك فى حياتك

[el rayk gedan]

..:mdr: ..:mdr:

[el rayk gedan]

بالنسبه لي عندي كذا شرط في الانسان اللي هرتبط بيه
اولا الدين لانه لو مكنش متدين يبقي ضاعت الدنيا و الاخره
أكيد ..دى أهم حاجه فى أختيار الزوج ولو مش موجوده يبقى الصفات التانيه ملهاش لزمهثانيا يكون بيحترمني ويحترم اهلي
أدام متدين وعارف ربنا يبقى مش ها يعصيه
رابعا الصراحه
خامسا ان يحافظ علي اسرار بيته حتي لا يدخل في الوعيد الذي حذر منه رسول الله عندما ينشر الرجل اسرار بيته
فعلا أحلى حاجه فى الجواز هى الصراحه والفضفضه لبعض وده فى أيدك
انك تخلى جوزك حابب يفضفض معاكى وفى أيدك يكره الكلام من أساسه

معلش طولت عليكم بس الموضوع بجد جميل جدا و جزاكم الله خيرا
بالعكس انتى نورتى التوبيك ومشركتك أسعدتنى وكل سنه وانتى طيبه



وأسف على التأخير فى الرد

[el rayk gedan]

بسم الله الرحمن الرحيم

أولا انا عضوة جديدة هنا ولفتني الموضوع لأنه موضوع مصيري والمفروض كل البنات والشباب يشاركوا عشان نحاول نفهم بعض

أولا نورتى المنتدى ويارب تتبسطى وتفيدى وتستفيدى

بالنسبة ليا كبنت طبعا أتمنى ألاقي راجل أولا وقبل كل شيء يعرف ربنا يكون بيصلي وعارف ايه هي الصلاة مش ماخدها مجرد عادة وحركات رياضية يكون أخلاق وبيعرف ربنا وطبعا الي بيصلي الصلاة بتأثر كتير على شخصيته وتصرفاته

كلام مظبوط


طبعا يكون إنسان مسؤول وناضج كفاية يعرف يعني ايه زواج مش مجرد اهله عايزين يجوزوه لازم هو يكون عنده رغبة قوية انه يتزوج ويعمل بيت واسرة ، ما يكونش سطحي تافه لاني للاسف بلاحظ أغلب الشباب ماعندهمش قدرة على الحوار مافيش مواضيع مهمة يتناقشوا فيها كلها أمور سخيفة طبعا مش الكل بس كتير جدا وفي كل الجنسيات وممكن يكون عمره 30 وبنفس الطريقة ودا شيء مؤسف لاني لايمكن أرتبط بانسان من النوعية دي

انه يكون رومانسي عاطفي نوعا ما لاني رومانسية جدا وبحس لو ارتبطت بانسان عملي جدا بيعتر المشاعر سخافة او اجي اقوله كلمة حلوة او افاجئة يصدني او ما يعبرنيش ممكن اموت فيها خصوصا اني حساسة

الحته دى فى أيدك لأن الزوج بيتصرف بناءا على تصرفات الزوجه

بمعنى انك لو بتتصرف او بتتعملى معاه كا ند وبعند هتلاقيه بيحاول يجرحك عشان يعرفك انه الاقوى ومتقدريش تتغلبى عليه
لكن لو كويسه معاه وأيداله صوابعك العشرة شمع , صدقينى مش هايقدر يكسفك عشان الراجل بيحب كدا الا أذا كان عايز يتقل عليكى او حابب يشوفك غيرانه ودى كلها حاجات بتثير العاطفه بينكم

وبعدين كمان يخاف يكسفك عشان متحسيش انك الى عملتيه غلط وبالتالى مش هتعملى معاه كدا تانى


يكون حنون يعاملني كأني بيبي بلطف ورقة مش بدفاشة يعني زي ما قالت الاخت هنا يحسسني اني مخلوق ضعيف انا بحب أحس انه زوجي بيحتويني بيظلل عليا انه اقوى مني

يكون غيور مش كل حاجة مش فارقة معاه الغيرة بتحسسني بلذة مش طبيعية

يكون شريك بمعنى الكلمة يشاركني واشاركه كل حاجة كل حاجة بمعنى الكلمة نشارك بعض في كل صغيرة وكبيرة

عين العقل ولو جوزك مش كدا التغير يبدأ من نفسك يعنى انتى وشطارتك أدلعى عليه لحد ما يتغير وتصحى عواطفه
وما يعتبرنيش اني ملزمة بالطبخ والكنس والمسح والغسيل سواء تعبانة او لا ماليش نفس او ليا

انتى مش ملزمه بده بس يرضيكى ان جوزك يبقى راجع من شغله تعبان
ومايلقيش البيت نضيف ولقمة كويسه ياكلها هه؟؟ يرضيكى ؟؟

أما بالنسبة لوضعه المادي فمش مهم قوي يكون متوسط عادي نعيش مستورين

تمام ياقمر

باختصار حب حنان خلق مسؤولية نضج وطبعا يكون مقبول شكليا مش هقول قمر ووسيم يكون مقبول لانه الشكل له دور

ربنا ينولك الى فى بالك ويوقعك فى واحد أمور وأبن حلال
واقبلوا تحياتي

أسف على التأخير فى الرد عشان كان فى مشكله ومكنش فى , فى دماغى أى رد أرد بيه

ونورت ياجميل التوبيك

[el rayk gedan]

مساء الخير

أتمنى الجميع يكون بألف خير

بس حبيت اوضح حاجة للأخت أمنية بالنسبة لموضوع الطبخ والغسل والكنس أنا ممكن اتقبله ولكن مش يكون إلزامي يعني مش لو في يوم ما طبختش لأني تعبانة أو ماليش نفس مش يجي يقلب البيت وصريخ وكدا مابحبش الراجل الي من النوع دا بس انا لو حبيت اجوزي بحس انه الذ حاجة في الدنيا اني ادلعه واطبخله وااكله حتى بايديابس يقدر يستوعبني

هو دا الي قصدته مش اني اقوله والله مش طابخة اذا كان عاجبك ...اقصد انه الموضوع يكون ودي ومش يحسسني انها اهم الأولويات عنده

طبعا الموضوع ودى وده بيعتمد على التفاهم الى بينكم من البدايا ....يعنى أنشاء الله أول ما تتجوزى كدا تانى او تالت يوم حاولى تشرحى لجوزك وجهة نظرك وأسمعى انتى كمان وجهة نظرة فى طريقة حياتكم مع بعض عشان تتفادوا الاخطاء والحاجات الى مش بتحبوها
ويستحسن تشرحوا لبعض أوجه نظركم وانتم مخطوبين عشان ممكن يكون مفيش توافق ما بينكم يبقى تنفصلوا أحسن وانتم لسه على البر وكل شئ أسمه ونصيب
وبالنسبه لكلام أمنيه فا دى وجهة نظرها وبصراحه انا لو مراتى هتعمل الى بتقول عليه أمنيه تبقى كسبت حبى وحطيت قلبى فى جيبها
وأنا رديت عليها رد يناسب البنات الى مش بتحب الطبخ والحاجات دى
شكرا للتعقيب



وأسف والله لتأخرى فى الرد على مشركتك

وأدى ياجميل الرد الى رديته على أمنيه و يارب يعجبك الكلام

والله نورتى التوبيك يا أمنيه بذوقك وكلامك الجميل
بس أسمحيلى أقولك حاجه
الحياه بين الزوج وزوجته ما هى الا مشاركه مفيش حد بيفرض على حد أيه الى يتعمل وايه الى ما يتعملش
الست برده ليها كيان وليها عقل تفكر بيه يعنى مش للتنفيذ وبس
انتى فعلا بتحاولى ترضى جوزك بالى قولتيه ده وده فى حد زاته شئ جميل
لأن طاعةالزوج من طاعة ربنا
نرجع لموضوع ان الست ليها كيان وليها عقل
البعض هايفتكر ان بقول للزوجه تتمرد...وأنا مقصدش كدا خالص
كل الى أقصده ان متعمليش حاجه غصب عنك اعمليها برضاكى أحسن مليون مرة
من ما تعمليها وانتى مش عايزة
بمعنى انك تكونى انتى راغبه فى عمل شغل البيت من غير ماحد يطلب منك عشان تكبرى فى نظر جوزك ومتخليهوش يقولك أعملى حاجه عشان لو فضل كل شويه يقولك أعملى كذا وكذا هايتولد عندك شعور بالافضليه ودى مشكله كبيرة وممكن تهدم كل الى بنيتوا مع بعض, لكن لو بتعملى الى عليكى من غير ما ينطلب منك لوجيتى فى يوم من الايام ومعملتيش صدقينى جوزك ها يحس بيكى ويقول يمكن تعبانه وهايخترعلك أعزار الدنيا وغير شوية الحب الى هيترشوا عليك ياعم..
طبعا كلامك جميل ويابخت جوزك بيكى
بس عايز أقولك على حاجه مهمه جدا لو جوزك كان عصبى جدا معاكى فى يوم من الايام وعمال يزعق فى وشك اوعى توجهيه بنفس الاسلوب
عشان الراجل عنيد جدا وهيحس انك ند ليه وهتبقوا ناقر ونقير فى الخارجه والداخله واحنا مش عايزين كدا
حاولى تحتوى غضبه وتكونى مرنه فى ردودك
يعنى متكونيش ناشفه معاه فى المعامله عشان متتكسريش
خليكى مرنه وميلى للريح عشان تعدى
وبجد بجد نورتى التوبيك..

وده رد تانى على مشاركة أختى نونا وكانت برده ليها نفس وجهة نظرك

نوووووووونا!!....معشوقة الدى فى دى ازيك وربنا منورا التوبيك..
مين قال يابنتى ان الست خدامه هو انتى لما تحفظى على عش الزوجيه وتخليه دايما نضيف وريحته حلوة تشرح القلب تبقى خدامه
ثم تعالى هنا انتى بتعملى الحاجات دى لمين مش لنفسك ولا لجوزك بس
هو انتى لولا ان جوزك عايز البيت نضيف ماكنتيش هتروقى البيت؟؟
طبعا لأ ( بيت مفيهوش بنات يبقى بيت مفيهوش روح ) ده مثل بيتقال عندنا وتقريبا تعرفيه
وأنا أعرف كمان البنت مش بتحب المكان الى بتقعد فيه يبقى مكركب وكدا بالعكس البنت الامورة الشيك هى الى بتنضف المكان الى بتقعد فيه وتخليه بيبرق من النضافه دى القطط بتنبش فى الحته الى بتقعد فيها عشان تنضفها يبقى أحنا مش هنبقى نضاف هاه ؟؟
دى كانت وجة نظر بنت ووجهات النظر كتير عشان مش كل العقول زى بعضها
يعنى انا مش هشتغل وأعد جمب مراتى ليل نهار حد شريكى ؟ مفيش حد هاينضر غيرى ...كل واحد بيشوف الدنيا من زاويه مش لازم تكون نفس الزاويه الى بتشوفى منها
اما عن زمن سى السيد ..... كل واحد بيتعامل حسب الوضع الى هو فيه يعنى احنا لينا عقول نفكر عشان كل دى عادات وتقاليد بتاعت زمان
وزى ما قولنا قبل كدا العقول مش واحده يعنى الى يمشى معايا ممكن مايمشيش مع صحبى ....الى عايز أقوله ان الى شيفاه صح أعمليه
(استفتى قلبك وان أفتوك )
والمواصفات الى حبه تلاقيها فى جوزك فى المستقبل انشاء الله ممكن نختصرها فى3 كلمات ( يتقى ربنا فيا)
اما بالنسبه للسجاير بقى ياقمر فاانتى تقدرى تخلي جوزك يعمل أى حاجه بس مش بالعافية وانا هديكى مثل حقيقى لوحده أعرفها وعجبنى جدا الى عملته, جوزها كان بيشرب سجاير فا قلتله عيزاك تبطلها قلها لأ
قالتله أصل بصراحه بغير لما بلاقيك حاطط السجارة بين شفايفك وانت شفايفك حلوة ومش عيزاها توحش من السجاير وأعدت تدلع عليه وفضلت ماشيه على هذا المنوال لغاية لما خليته يبطل سجاير خالص

معلش بقى يانونا أنا عارف انى رغاى بس انا ماكنتش عايز أسيب حاجه غير لما أرد عليها ويارب أكون وفقت فى توصيل الكلام
ونورتى التوبيك ياقمر..

أظن كدا معدش كلام ياجميل وكله تمام وعقبال فرحك يا قمر بس أبقى أعزمينى

[el rayk gedan]

أمنيييييييييييه ..!!
أولا مرسى ليكى عشان دفعتى عنى فى غيابى

ثانيا انتى عارفه رأيى مش لازم أقوله

حتى انتى لما قلتى أنا مستعده أشتغل خدامه فى البيت أنا رديت عليكى وقلت
المهم يكون بمزاجك مش غصب عنك عشان ميتولدش شعور الافضليه
ونفضل نمسك لبعض على الوحده

وبعدين هى فين العروسه دى ....أوعى تكونى شفتلها عريس تانى , أزعل..:mdr:

وأدام السيجارة مش عجباكى هاغيرها عشان خطرك

[el rayk gedan]

ها أيه رأيك فى الصورة الجديده ؟؟

[omnia_omo]

الصورة تحفففففففففففففففففففه.. عجباني جدااااااااااااااااااا
ايوة كده.. هى دي الصور اللى تفتح النفس و الله
هى مش عروسه واحده يعني... لو تحب تاخد بالجمله و هنخفضلك السعر متقلقش... كل ما تاخد تلاته عليهم واحده هديه
الصورة حلوة اوي اوي اوي يعني

[omnia_omo]

ايه ده انت قلت لو مراتك عملت اللى قالت عليه امنيه يبقى كسبت قلبك.. يا حلاوة يا ولاد... استنى اما اروح اقرا انا كتبت ايه اصلك عارف الزهايمر و السن
بس بجد يعني.. الصورة حلوة.. كوميديه جداااااا

[el rayk gedan]

لالالالالا تلاته أيه

بس أقدر على واحده بس ..:mdr:

وبعدين انا مكنتش أعرف انك مخطوبه غير لما سألتك والله

وياريت تبطلى تريقه

والصورة ميه ميه بس انتى متغاظة منها ونفسك تحطيها عندك أحسن من لارا كروفت صح ..؟ :mdr:

[omnia_omo]

اه ... بصراحه اه احسن... هكدب يعني.. انا اقول الحقيقه و مش بخاف

[omnia_omo]

مش تريقه.. انا متغاظة يعني.. اشمعنى انت تحط صورة حلوة و انا حاطه صورة مرعبه... و يا تلاته يا مفيش.. احنا عايزين نجوز بناتنا.. و انا مش هلاقى عريس احسن منك يا رايق..

[el rayk gedan]

آآآآآآآة شكلى كدا بتدبس ..صح يا أومو ههههههههه حلو أوى أومو دى

هقولك على طول يا أومو ههههههههه

[el rayk gedan]

أمنيه أنا عندى مشوار مهم بكرة وهاروح أنام

موبيلات بقى ..:mdr:

[el rayk gedan]

تصبحى على خير

[omnia_omo]

ماشي يا باشا... الصراحه اه بدبسك...
اومو حلوة ... اللى يعرفونى كلهم مسميني اومو.. مش عشان انا فاطمه اللى رايحه تجيب اومو لا... بس مجرد لقب لا يدل على شئ فى معناه الداخلى و المنفصل الخارجي عن المثل الافلاطونيه
بس اه انا معاك فى كلامك كله.. ماهو انا اعترضت على كلام ناس كتير ... بس الكلام اللى بيعجبنى بقول عليه..
بس فى حاجه مقولتهاش... او نسيت اقولها.. انى اه مستعده اوي انى اضحى.. بس لو ملقتش تقدير لتضحيتى.. مش عارفه هعمل ايه.. بس هيبقى صعب اوي ... مفيش اصعب من انك توهب حياتك لحد و هو ميقدرش كده
و عشان كده انا موافقاك لما قلت ان البنت اللى قالتلك ان الحب فى اول اسبوعين من الجواز بس و انت قلت انها مش هتستاهل اللى انت هتديهولها... موافقاك عشان زى ما انت عايز تاخد.. مستعد انك تدي و تضحى
فاهم حاجه؟

[omnia_omo]

ماشي يا باشا... ربنا يوفقك فى مشوارك...
سلام .. و تصبح على خير

[حورية القلب]

الاول شكرا على الموضوع
بس اهم حاجة عند الاتنين الصراحة مش الخداع وبعد كده ممكن كل حاجة تهون الا الكدب صعب جدا على الواحدة ان حد يكون بيكدب ديه اصعب حاجة

[el rayk gedan]

حورية القلب !! منورة التوبيك

وفعلا الكدب أسوء الصفات

حتى كان فى راجل سأل سيدنا محمد وقال ..هل المسلم يقتل يارسول الله
قال نعم
سأل تانى هل المسلم يزنى يارسول الله
قال نعم
قال هل المسلم يكذب يارسول الله
قال لا
أنا أسف انا مش حافظ الحديث اوى بس هو ده معناه
ان المسلم ممكن يعمل أى شئ لكن الا الكذب
ومرسى لمرورك وتعليقك يا حورية القلب
وربنا يرزقك بعريس ابن حلال

[bigsonson2003]

انا بتمنى من شريكة حيانى حاجة واحدة بس انها تملى عينى وتملى عليا ةقتى عشان ميجيش يوم اندم انى حبيتها واديتها كل حاجة لأنى بعتبر المشاعر دى كنز لا يقدر فيجب اعطاؤه لمن يستحق عشان متجيش لحظة ابص لبنت تانية

[el rayk gedan]

فعلا يا أومو ..:mdr:
كلامك صح ..يس أكيد لما تخلصى ربنا هايعوض أخلاصك ده خير
وكمان هتلاقى جوزك متفهم الى بتعمليه ده وهيقدروا

بس فى حاجه يا أومو عايزك تعرفيها
عارفه أيه السبب الى ورا خراب معظم البيوت
لما الست مش بتعجبها حاجه فى جوزها او موقف عمله جوزها ومش عجبها الى حصل , بتكتم فى نفسها وده غلط والأسوء انها تحكيه لصحبتها او أمها
البنت لازم تعرف ان ملهاش غير جوزها وهو نفس القصه
يعنى لما تشوفى حاجه مش عجباكى بكل هدوء صرحيه بالكلام ده وقليله انت عملت كذا وكذا بس من غير زعيق وكدا لأ اتكلمى فى منتهى الهدوء ومتحسسيهوش بأنه متهم او أرتكب جريمه والافضل انك تفتحى الكلام بمدح او ذكر الحاجات الجميله الى هو عملها وبعدين كلميه
يعنى مثلا قوليله تعرف انا اتبسط جدا لما عملت الموقف الفلانى وعملت كذا وكذا بس فى موقف انت عملته معجبنيش ومتسألنيش ايه هو
هتلاقيه عاوز يعرف ايه الموقف تقومى قايله لأ مش هاينفع أصله موقف بايخ أوى ومتوقعتش انه يطلع منك
هيلح عليكى عشان يعرف
تقومى قايله الموقف وبكده تبقى تفاديتى الزعل وعملتى الى فى نفسك
وأى خدمه ..:mdr:

[el rayk gedan]

انا بتمنى من شريكة حيانى حاجة واحدة بس انها تملى عينى وتملى عليا ةقتى عشان ميجيش يوم اندم انى حبيتها واديتها كل حاجة لأنى بعتبر المشاعر دى كنز لا يقدر فيجب اعطاؤه لمن يستحق عشان متجيش لحظة ابص لبنت تانية

حسن بجد منور يا أبو على
ومعاك حق فى كلامك لأن من السهل على الراجل انه يكون علاقات متعدده
والست لو شطرة تعرف ازاى تحافظ على جوزها وتخليه مايفكرش يعيش من غيرها

ومستنى موضوع ليك بقى ياحسن بدل ما انت عمال تلف على المواضيع كدا ..:mdr:

[bigsonson2003]

والله يا رايق انا محبط من المواضيع زمان عملت كذا موضوع وحسيت ان الناس بتكسل عشان كدا بقيت بكبر دماغى مع انى عندى كذا موضوع ممكن اكتبهم

[omnia_omo]

عليا الطلاق بالتلاته الواد الرايق جدا ده بيفهم.. و بيفهم كويس كمان
فعلا اخطر حاجه ان الواحده تحكي لاى حد اللى بيحصل بينها و بين جوزها.. حتى لو كان موضوع تافه.. حتى لو قالها ان الرز كان ناقص ملح
لانهم عايشين لوحدهم.. مش عايشين مع مامي و دادي و الجيران و سها و نهى و تها
بس و حياة اخوة الدي فى دي اللى بينا... تقول و تشرح باستفاضه ازاي يعنى الست تحافظ على جوزها و تقدر تخليه ما يفكرش فى غيرها زى ما قلت فوق
و مش انت قلت اى خدمه؟؟؟ اشرب بأه

[omnia_omo]

بس انت متأكد من صحه الحديث ده؟؟؟

[نوووونا]

لا يا رايق انت فهمت غلط انا قصدى يبقى فى حدود ما هو انا مش كل اليوم حبقى خدامة وطبعا لازم انضف و اخلى ريحته فله مش حيبقى بيتى وفى وشى انا بقول على الى هم عايزين البنت خدامة تتطبخ وتكنس وتغسل وبس
وانا الحمد لله واحدة من البنات الى بحب النضافة ومش بحب اقعد فى مكان مش نضيف
وبالنسبة للسجاير انا شايفة انها ملهاش لزمة دخان بيطير وخلاص ودى من شروطى للانسان الى حرتبط بيه الاساسية عشان اولا عندى حساسية منها و نفسى بيتخنق و مش بحب ريحتها وبس ومرسي انك مسبتش حتة فى الرد انت مردتش عليها

[lyonaids]

اية ده يا واد يا رايق الجمال ده ..

انت بجد ابدعت في الموضوع ده .

.ماشاء الله ردودك وارائك جميلة وعاقلة

واحسن حاجة فيك انك بتستشهد
بكلام الشرع والدين في كلامك علشان كدا مصداقيته بتعلي عند قارئه

بحييك يا رايق يبني والله انت اكسلانس حقيقي ..:mdr:



وبأذن الله متوقعلك انك تبقي نجم الشهر ده ...،

ربنا يوفقك يا رايق ,,ودايما للأمام ....




معلش بس يبني انا اضطريت اعدل عالرد .

.اضيف بس سؤال ليك ياض انتا :

رايق ..:




ايه الصورة دي يا رايق ..http://smiles.sudanson.com/smiles/12/cfef6715ac100f3c31baf82daa60264c.gif؟؟؟

[el rayk gedan]

نونا ..!! منورا الموضوع كمان مرة..:mdr:

بصى يا نونا من الأخر كدا لو الى متأدملك ده بيفكر فى الجواز عشان الاستقرار وعايز يبدأ حياه جديده مع حد وبيدور على شريك ليه يبقى ده راجل ناضج وهيتعامل معاكى بمنتهى الوديه
انتى بس الى مطلوب منك تفتحى الموضوع معاه ( الى هو موضوع الشراكه ده )
وأتكلمى معاه فى دورك كازوجه والحاجات الى قلتى عليها وشوفى رأيه أيه
او بمعنى أدق انكم تقسموا الشراكه مابينكم يعنى تعرفى دوره أيه وأنتى كمان عشان كل واحد يبقى فاهم أيه الحاجات الاساسيه الى مطلوبه منه وأيه الحاجات الثانويه الى لو ما كنتش موجوده متأثرش على العلاقه ولو موجوده يبقى خير بركه
ومش شرط ان التقسيم يبقى زى التقاليد الى عرفنها عشان دى حياتكم وانتوا حرين فيها عيشوها زى ما انتم حبين وأختاروا الاولويات الى تناسب طريقة حياتكم , وده بالنسبه للراجل الناضج

لكن لو الى متأدملك ده بيقولك أنا عايز أتجوز عشان الاقى واحده تطبخ وتمسح وتنكس , يبقى الراجل ده لسه ما نضجكش كفايا عشان يعرف ان الجواز مشاركه مش واحده تطبخله وتكنسله , كان جاب خدامه بأيجار أحسن ما يحمل نفسه مسؤليه بيت وأسرة لمجرد بس انه عايز واحده تطبخ
وده راجل منصحكيش بيه

أما مشكلة السجاير دى ...فى نوعين من الرجاله واحد عايز يبطلها فعلا بس ماعندوش الاراده الفعليه والنوع التانى بيقول انه مايقدرش يبطلها
وده عشان التدخين بقى عاده وأتعود عليها وعشان يبطلها هايحس بضيق شديد اوى ولازم يكون حد جنبه يشجعه على كدا
يعنى مثلا لو بطلها لمده أسبوع ممكن تكافئيه بأى حاجه بيحبها زى سهرة رومانسيه او أى هديه بسيطه وهكذا كل ما يعدى ضعف الفترة الى قبليها من غير ما يدخن تكافئيه وأن شاء الله يبطلها
ويارب أكون أفدتك بأى شئ ولو فى حاجه مش مفهومه ..متتكسفيش وأسألى تانى
وربنا يرزقك براجل يسعدك

[el rayk gedan]

مرسى ياليو ياحبيبى على الكلام الجميل ده
وبعدين أنا مجيش حاجه جمب الاكسلانس احنا بنتعلم منك ياباشا
وبعدين أنا مش عارف الصورة عجباك ولا لأ
أنا قلت حاجه من باب التغير ولو مش عجباك .......يبقى أنا حر أحط الصورة الى تعجبنى ...:mdr: ههههههه
والله انت تأمر ياليو انت بس قشر واحنا نلم القشر احنا عصافير فى القفص الصدرى بتاع حضرتك
ومستنى أجدد مواضيعك ياباشا

[lyonaids]

يعني يا رايق صورة بالشكل ده هتعجبني ياض ..؟؟!! http://smiles.sudanson.com/smiles/18/038.gif (http://smiles.sudanson.com)


غير ياض دلوقتي بلا نعكشة ..


وموضوعي الجديد بعد الامتحانات عدل ..

وهتحط فيه عالبلاك ليست عند ناس كتير ..


خاصة اخواتنا المشاميش ..!!!:mdr:


وايه ياض قشر وانتم تلمو القشر دي ياض انتا ..؟!

طب مش مقشر..!

ولما تفضي نتكلم في الشات ..



بيس يبني ..:glasses:

[el rayk gedan]

عليا الطلاق بالتلاته الواد الرايق جدا ده بيفهم.. و بيفهم كويس كمان
فعلا اخطر حاجه ان الواحده تحكي لاى حد اللى بيحصل بينها و بين جوزها.. حتى لو كان موضوع تافه.. حتى لو قالها ان الرز كان ناقص ملح
لانهم عايشين لوحدهم.. مش عايشين مع مامي و دادي و الجيران و سها و نهى و تها
بس و حياة اخوة الدي فى دي اللى بينا... تقول و تشرح باستفاضه ازاي يعنى الست تحافظ على جوزها و تقدر تخليه ما يفكرش فى غيرها زى ما قلت فوق
و مش انت قلت اى خدمه؟؟؟ اشرب بأه

ههههههه

والله يابنتى زى ما بقولك أولا انا معرفش أشرحها
ثانيا انا مش مؤهل لكده
ثالثا وده الاهم انى بشرحها اعتمادا على الدين بس المشكله انى بضيف عليها وجهة نظرى
عشان لو شرحتها بالدين بس مش هقدر اشرح بأستفاضه عشان ما أعكش فى الدين لكن أنا بقول رأيى عشان أبسط العلاقه أكتر وأخليها فى نظر المعترض على الشراكه فى الجواز تبقى فى نظرة علاقه جميله ومن أسمى العلاقات الى خلقها ربنا
بالتالى هتلاقى ناس كتيره معترضه على كلامى زى أختى كوكى كدا

على العموم هحاول والله أجمع كام فكرة كدا فى دماغى وأحاول أشرحها ببساطه بس برده هتكون من رأيى الدين ووجهة نظرى الشخصيه بس لازم تشركينى بأفكار جديده عشان الموضوع يكبر ويغطى على كل الاسئله موافقه ؟؟

والحديث صح ميه فى الميه بس مايجيش واحد يقتل ويقول أصل فى حديث بيحلل القتل للمسلم ...مش ده قصد الحديث
المقصود انه لو عمل الحاجات دى عليه كفاره لكن بيفضل زى ماهو على دين الاسلام
لكن الحاجه الى مش مقبوله من المسلم هى الكدب وسيدنا محمد حط الكدب فى مقارنه مع القتل والزنا عشان يبين عظم ذنب الكذاب

وبعدين لو فيه تفاهم بينكم من البدايا , مش هتخبوا عن بعضكم حاجه وكل واحد هايحكى وهو عارف ان الطرف الاخر هيتقبل الصراحه بدون أى انتقاضات او زعل

والله يا أمنيه مفيش أحسن من أنك تترمى فى حضن جوزك وتفضفضى على الى جواكى

وركزى فى فضفضه دى عشان فى فرق بين الفضفضه والشكوى والاستشاره

ومعناهم فى السريع كدا

الفضفضه: هى البوح عن الهموم الى تعباكى وقلقاكى والى مطلوب من الزوج فى الحاله دى انه يسمع بس من غير تعليق ولو حب يعلق ما يسألش أسئله عن الماضى يعنى مثلا عملتى كدا ليه ؟؟....طيب كنتى أعملى كذا !! فاهمه أزاى لأن الكلام ده مش هايغير حاجه فى الى حصل وماهو الى كلام هيسبب الضيق للبيحكى .

الشكوى : طبعا دى معروفه وهو انك بتشتكى من حاجه وعاوزة توضيح ليها
بس مهما كانت حجم المشكله الى مزعلاكى اوعى تنسى انك زوجه وبتتنقشى مش بتتخنقى وأظن أنا قلتلك على طريقه بسيطه للسؤال ومن غير ما تزعلى جوزك .

الاستشارة : هى انك بتسألى جوزك فى حاجه معينه بتاخدى برأيه يعنى وطبعا انتى مش مجبرة على الاخذ برأيه لأن أسمها أستشارة يعنى يجوز تعملى كدا او تعملى كدا بس أنتى بتستشيرى جوزك على أساس انه ممكن يكون فاهم عنك فى الحاجه دى او هو ليه نظريه تانيه

وأى خدمه برده..:mdr:

[omnia_omo]

اولا .. بسم الله ماشا الله.. اللهم لا حسد..
ثانيا.. بسم الله ما شاء الله... اللهم لا حسد
ثالثا.. اه طبعا موافقه يا باشا... انت تقشر و انا الم القشر ( يا ترى سمعت الكلام ده فين قبل كده؟؟؟..)
رابعا... بصراحه ربنا يكرمك انا مكنتش فاهمه الحديث ولما شرحته اقتنعت طبعا.. ربنا يزيدك كمان ما شاء الله
بس انت بتعرض ما شاء الله المشاكل و الحلول باسلوب لذيذ... انت عرفت الكلام ده منين... اكيد مش نتيجه الافلام العربي لان الافلام العربي بتحيب تخلف عقلي.. رغم انها فعلا بتناقش مواضيع فى الحياة.. بس احيانا كتير بتعالجها بطريقه غلط و مستفذه
و على فكرة انا اظن ان جوا كل بنت الجواب الصح لكل الاسئله بس مش عارفه ليه البنات بتكابر و تعاند
انا قصدي كمان .. ان الشباب لو هيتجوزو مش هيدخل على موقع ديني و يقرا ازاى الزوج يعامل زوجته... بس ممكن يدخل على المنتدى هنا و يستفيد من كلامك... عايز تقول ان الشباب اللى بيدخلو على المواقع الاسلاميه اكتر من اللى بيدخلو هنا؟؟؟؟
ده فيش اكتر من البنات اللى بتدخل عالم ادم و من الشباب اللى بيدخلو عالم حواء....
البنات فى النتدى هيدبحونى
و اى خدمه

[omnia_omo]

لا يا راااااااااااااااااايق .. غير الصوووورة
ايه ده
تسيب عادل امام عشان الاخ ده
بجد... عيب عليك
طب ده عادل امام برقبته

[el rayk gedan]

لا يا أمنيه أنا قصدى ان الشباب بيدور على الموضوعات الشبابيه أكتر من المواضيع الدينيه

عشان الشاب تفكيره فيه نسبة عاطفه

ومش عايز الكلام الى يتوجهله يبقى بطريقه مباشرة

زى مثلا لو سألتى شيخ عن علاقة الولد والبنت

هيقولك حرام ولا يجوز ولو عملت كدا تبقى كيت وكيت وكيت

وده أسلوب غلط من وجهة نظرى

لأن ده أحساس داخلى ومش بيتغير بمجرد انك تقوله لأ

بالعكس انت كدا كرهته فى الدين وحسيسته ان الدين دين عسر مش يسر

المفروض نتكلم على الاحساس الداخلى بس بأسلوب عقلانى

يعنى مش تفكير عاطفى عشان العاطفه متغيرة لكن يبقى التفكير فى العاطفه بس بعقلانيه
بمعنى انى أستخدم الترغيب بدل الترهيب
وهنستخدم المثال الى فوق
انتى شفتى رأى الشيخ , فعلا رأيه صح ميه فى الميه لكن هو مش فى نفس سن الشاب عشان يفهمه والمفروض انه كان أستخدم الترغيب أحسن.
بالنسبه للترغيب بيبقى مثلا كالتالى
أقول للولد ده
ان الحب عموما شئ جميل وده أحساس داخلى متقدرش تمنعه ومحدش يقدر يمنعك بس الحب لمجرد الحب ملهوش أى لازمه عشان مش هيوصلك لشئ
غير الاكتئاب لأنك هتحبها وبعدين تفضل تحبها ومشاعرك تثار أكتر نحيتها لكن بمأ انك صغير على الجواز او مش معاك الامكانيات بتاعت الجواز يبقى هتعذب نفسك على مفيش وأدام انت مش جاهز, لو جه واحد تانى جاهز وأتأدم للبنت هتقبله عشان عارفه انك مش هتعمل حاجه
ويبقى انت كدا حطيت نفسك فى مشكله ملهاش لازمه دلوقتى
لكن لما تبقى جاهز وتحب واحده وتتأدم وتبان راجل فى نظرها
هتلاقى نفسك بتديها كل حاجه وهى كمان

وده كان مثال صغير مع انى عارف ان الرأى سخيف لكن بجد ليه تأثير على الشاب على الاقل فهمتيه ان الحب ملهوش لازمه أدام الجواز مش فى الخطه وأقنعتيه بالأدله المنطقيه
لكن مش تقوليله حرام وخلاص , أهو كدا والى بقولك عليه تسمعه وانت ساكت
لازم يبقى فى أحترام لعقلية كل واحد كبير أو صغير

أما بالنسبه للكلام باجيبه منين

انتى والله جواكى أجابة كل أسألتك بس المشكله اننا بنفكر بقلبنا مش بالعقل

والحمد لله انا مش بسمع أفلام عربى خالص وربنا يحفظنا أحسن ده مرض يابنتى ..:mdr:

[omnia_omo]

مش محتاج اقولك رأيي فى كلامك
بس كلامك ده بيشجعنى اكتر انى اقولك اكتب فى الموضووووووووووووووووووووووووووووووووووووووووووووو وووووووووووع
و على فكرة انت لما دخلت على الشات احنا كنا بنهزر و بنهيس سوا يعني بس انت تلاقيك اتخنقت مننا
هو انت كل يوم عندك مشوار مهم

[omnia_omo]

طبعا مش محتاج اقولك رأيي فى كلامك
و كلامك اصلا بيشجعنى انى اقولك اكتب فى الموضوووووووووووووووووع
و انت لما دخلت على الشات كنا اعدين بنهيس و كده يعني بس شكلك اتخنقت مننا معلش يا باشا
تتعوض ان شاء الله يا باشا
كمان هو انت داخل عشان تقولنا عندى مشوار مهم.. كل يوم عندك مشاوير مهمه؟؟؟؟؟؟

[el rayk gedan]

هى القصه كلها فى أنى بقيت بسهر كتيير

وأنا عايز أقلل من السهر بتاعى ده شويه عشان مش بستفاد من الجيم أى حاجه أدام بسهر وبعدين حرام عليا انى أسهر لغاية الفجر وأكسل انى أقوم أصلى ...أصل بيبقى جسمى مكسر ومش قادر أتحرك من مكانى

عشان كدا بحاول أقلل من سهرى شويه

وربنا يجعل كل الناس فى صحة دايما

وتعالى هنا ياأومو يعنى أيه مش هقولك رأيى فى كلامك.!! هو مش عجبك وخايفه تزعلينى ولا أيه ؟؟

[نوووونا]

نونا ..!! منورا الموضوع كمان مرة..:mdr:

بصى يا نونا من الأخر كدا لو الى متأدملك ده بيفكر فى الجواز عشان الاستقرار وعايز يبدأ حياه جديده مع حد وبيدور على شريك ليه يبقى ده راجل ناضج وهيتعامل معاكى بمنتهى الوديه
انتى بس الى مطلوب منك تفتحى الموضوع معاه ( الى هو موضوع الشراكه ده )
وأتكلمى معاه فى دورك كازوجه والحاجات الى قلتى عليها وشوفى رأيه أيه
او بمعنى أدق انكم تقسموا الشراكه مابينكم يعنى تعرفى دوره أيه وأنتى كمان عشان كل واحد يبقى فاهم أيه الحاجات الاساسيه الى مطلوبه منه وأيه الحاجات الثانويه الى لو ما كنتش موجوده متأثرش على العلاقه ولو موجوده يبقى خير بركه
ومش شرط ان التقسيم يبقى زى التقاليد الى عرفنها عشان دى حياتكم وانتوا حرين فيها عيشوها زى ما انتم حبين وأختاروا الاولويات الى تناسب طريقة حياتكم , وده بالنسبه للراجل الناضج

لكن لو الى متأدملك ده بيقولك أنا عايز أتجوز عشان الاقى واحده تطبخ وتمسح وتنكس , يبقى الراجل ده لسه ما نضجكش كفايا عشان يعرف ان الجواز مشاركه مش واحده تطبخله وتكنسله , كان جاب خدامه بأيجار أحسن ما يحمل نفسه مسؤليه بيت وأسرة لمجرد بس انه عايز واحده تطبخ
وده راجل منصحكيش بيه

أما مشكلة السجاير دى ...فى نوعين من الرجاله واحد عايز يبطلها فعلا بس ماعندوش الاراده الفعليه والنوع التانى بيقول انه مايقدرش يبطلها
وده عشان التدخين بقى عاده وأتعود عليها وعشان يبطلها هايحس بضيق شديد اوى ولازم يكون حد جنبه يشجعه على كدا
يعنى مثلا لو بطلها لمده أسبوع ممكن تكافئيه بأى حاجه بيحبها زى سهرة رومانسيه او أى هديه بسيطه وهكذا كل ما يعدى ضعف الفترة الى قبليها من غير ما يدخن تكافئيه وأن شاء الله يبطلها
ويارب أكون أفدتك بأى شئ ولو فى حاجه مش مفهومه ..متتكسفيش وأسألى تانى
وربنا يرزقك براجل يسعدك




انت كده فهمتنى اهه انا عايزة واحد احنا الاتنين نكمل بعض بس بردة
فى رجالة عايزين تجوزو عشان يتخدمو وده النوع الى انت قلت عليه لسة منضجش كفايا وشكرا كمان مرة على الموضوع

[lyonaids]

:mdr:!!!!!!!

[el rayk gedan]

طب الحمد لله يانونا ان كلامى طلع مظبوط

ولو حبيتى تسألى على أى حاجه انا موجود

ونورتى التوبيك

[el rayk gedan]

:mdr:!!!!!!!

هو ايه الى :mdr:

أيه أصله ده بقى ....مش فاهم قصدك ايه ياعم ؟؟

[lyonaids]

مش حاجة والله يا رايق يبني عيب عليك اساسا انت حبيب قلبي ...


بس انا قريت موضوعك كله الحقيقة ..بردوده كله ..!!

ولفت نظري حبة ردود كدامن بعض الناس ..خلتني اعبر عن نفسي بكدا ولقيت ان ده احسن حاجة ممكن اطلع بيها الي جوايا ..

رايق..::

انت انتحاري بجد .واستحملت كتير في الموضوع ده ..

وكتبت اكتر ..!!

ربنا بجد يكون في عونك !!

[el rayk gedan]

وربنا مافاهم حاجه يعنى الــ:mdr: بتعبر عن شعورك

طيب برده مش فاهم شعورك أيه بالظبط وردود أيه الى خلتك تــ:mdr:

عشان أنا مش فاهم حاجه

[lyonaids]

بقوللك انت بطل ..و كلنا ابطال يا رايق والله

اقسملك بالله يبني احنا ابطال قوي.

انا وانت وحسن ووائل صبري وعمر و الناس دي ..


استحملنا ال:mdr::

بمنتهي الرجولة والشهامة والبطولة

علي فكرة انا هنتحر بكرة بعد صلاة الجمعة بنسبة 70%





جاي ...؟؟http://smiles.sudanson.com/smiles/12/cfef6715ac100f3c31baf82daa60264c.gif (http://smiles.sudanson.com)

[el rayk gedan]

أنقل عالشات ..:mdr:

[el rayk gedan]

أمنيه ؟؟

انت رحتى فين ؟؟

أيه ياشباب ويابنات فين أرائكم

ياريت كلنا نشارك عشان نفهم بعض أكتر

[el rayk gedan]

أشطـــه.....

[Demeter]

يا راااااااايق.... انا امنيه يا راااااايق....
شوفت يا رايق اللى حصلي.. معرفش ليه سحبو منى كل امتيازات omnia_omo
معرفش ايه اللى حصل
بقالى اسبوع مش عارفه اعمل حاجه... شوفت الجبرووووووت

[el rayk gedan]

أمنيه!!

أزيك ..عامله أيه..؟؟

ليه الغيبه دى يابنتى...ولا كنتى عاوزة تشوفى غلاوتك عندنا؟؟

أنا أفتكرتك بتمتحنى عشان كدا مش بتظهرى ..
على العموم منورة المنتدى ياقمر ..وأنا متابع معاكى لو ليكى أسألة
ومعلش بقى على العضوية بتاعتك خيرها فى غيرها...بس أنا كنت مستغرب أشمعنى أنتى لون أسمك أزرق لكن ألعضوية بتاعتنا سودا؟؟ ياريت تجوبينى

[Demeter]

و الله ولا اعرف
انا بجد معرفش
انا بعت لهيلاري اقولها على الكلام ده لان العضويه اتوقفت
و كل يوم ادخل اشوف يمكن تكون رجعت
بس تقول ايه بأه
كنت عضو نشيط.. يا خسارة تعبى يامما

[el rayk gedan]

أيه ده؟؟

مرسى أوى يا أمنيه!!

دى أول مشاركه ليكى...يعنى أول حاجه عملتيها دخلتى التوبيك وسألتى

مرسى بجد وكل سنه وأنتى طيبه ياقمر...ويارب تكونى تمام مع خطيبك

طبعا انتى أبتسمتى أول ماقريتى عاملة أيه مع خطيبك...صح ؟؟..:mdr:

أه ياسوسه..ماشى.. ربنا يخليكوا لبعض..،

[Demeter]

تصدق انا ما ابتسمتش غير لما قلتلى انتى اكيد ابتسمتى
و طبعا انا لما عملت اشتراك جديد كان عشان صحابي اللى على المنتدى
يبقى ازاي ما ادخلش هنافى الاول

[Demeter]

كمان امتحانات اييييييييييه
انا فتاه عاطله امكث في بيتي صباحا و تحت البطانيه ليلا

[el rayk gedan]

ههههههههه

معلش بقى تتعوض أن شاء الله...وتبقى عضو زى الفل..:mdr:
أه متستغربيش فى عضوية أسمها زى الفل
بس أنتى شاركى بس وملكيش دعوه أنا همشيلك فى الموضوع ده

[Demeter]

لا ياعم متمشيش
اصل انا عارفه انا عضويتى اتسحبت و مين اللى سحبها.. منه لله بأه
بس مكنتش اعرف ان الناس اللى ماسكين الادارة فيهم ناس بيمشو العضويات على مزاجهم
و ربنا يستر وملاقيش بكره عضويتى دي اتسحبت...
مش بتتكلم على الاكتئاب يا رايق
فيه اكتئاب بعد كده؟؟؟؟؟؟؟؟؟؟؟
بس تصدق يمكن ده حصل لانى كنت فعلا ابتديت انى ادمن المنتدى
و انا هبدأ اسمع كلامك و ادور على حاجات تانيه غير اعده النت دي .. مش انت قلت برده ندور على حاجات تانيه؟؟؟ تغيير نمط الحياة.. اه طبعا قريت كل كلامك
بس كنت ساعتها عضويتي مسحوبه فمعرفتش اكتب رد

[lyonaids]

واد يا رايق انت سايب الخبر كدا اكسكلوسيف ياض ؟؟:mdr:

مش تروح الشات وتكتب يافطة امنية رجعت ؟؟؟

ازيك يا امنية والله منورة !!


اومو هنااااا هههههههههههههه:mdr:


شفتي يا امنية اخرة اللماضة ..؟؟؟

ايقاف ..علي طول كدا..

قلنالك احنا واصلين يبنتي !!:mdr:

[el rayk gedan]

المهم عجبك الكلام؟؟ ودخل دماغك؟؟

[Demeter]

طبعا يا رايق دخل دماغي جدا جدا
بس لسه اصلى موجوعه على عضويتي و نجومي المنورة
و ليو فرحان فيا.. مش عارفه ليه... حد يفهمنى حصلى كده ليه
تفتكرو لو عرفو انى امنيه هيسحبو ديميتر؟
و ماله.. ماهو انا اصلى فاضيالهم

[Demeter]

يااااااااااااا رب ابقى عضو زى الفل يااااااا رب
ادعيلي يا رايق و احنا فى ليله مفترجه ذى دي

[el rayk gedan]

أمنية..!!

أنقلى عالشات..

مستنيكى هناك..،

[el rayk gedan]

..:mdr:..:mdr:

[fuoka]

الموضوع جميل جدا
وانا نفسي ان الانسان اللي هرتبط بيه
يكون متدين ويتقي ربنا في معاملتةليا
واحس معاه بالامان

[el rayk gedan]

مرسى يا فوكا على المرور والرد...
وربنا يحققلك أمنيتك...رغم أنها بسيطه لكن أجمل صفات الراجل أنه يكون بيخاف ربنا...
ومرسى يا فوكا على المرور...وأى سؤال تحبى تنقشى فيه انا تحت أمرك
ونورتى التوبيك يا قمر..،

[sarsor555]

اهم صفاته انه يكون مخللللللللللص بس معتقدش ان فى دلوقتى حد مخلص فى الزمن المهبب ده ,وانه يكون بيحبنى و مستعد يستحمل المشاكل و الضغوط (بتاعت الحياه مش بتاعتى انا) و يستحملنى زى ما انا هستحمله عشان الحياه تقدر تستمر . لأن الزواج ده محتاج مجهود وتفاهم عشان يقدر يستمر.

[el rayk gedan]

اهم صفاته انه يكون مخللللللللللص بس معتقدش ان فى دلوقتى حد مخلص فى الزمن المهبب ده ,وانه يكون بيحبنى و مستعد يستحمل المشاكل و الضغوط (بتاعت الحياه مش بتاعتى انا) و يستحملنى زى ما انا هستحمله عشان الحياه تقدر تستمر . لأن الزواج ده محتاج مجهود وتفاهم عشان يقدر يستمر.

يا واد ياجامد..
أيه الحلاوة دى..
على فكرة يا.....بصراحه أنا مش عاوز أناديلك بالاسم الوحش ده...ياريت تشوفيلك حل فيه يا أما تعملى عضوية تانيه...
بس كلامك حلو ومواصفات أحلى...وفى مخلصين كتيير والله...
بس أنتى لو تلاقى واحد متدين...مش متزمت يعنى...أنا أقصد واحد ملتزم...هتلاقى فية كل الصفات الحلوة الى عوزاها...
وربنا يوفقك فى حياتك يا.........
يووووووه تانى.......أنتى لسه ماغيرتيهوش..:mdr:
على العموم نورتى...ولو عندك سؤال أو عايزة تناقشى فى حاجه...متحرميناش منها...
ويلا سلااام ياقمر..،

[koky25]

تصدق يا عم الرايق
انك بجد رايق
ايه يا عم الجمال دا
سؤال سهل واجابته صعبة جدا جدا جدا
ايه اللي انت عاوزة من شريك حياتك؟؟؟؟؟
رغم صعوبة السؤال اكتشفت ان الاجابة سهلة
اللي عاوزاه من شريك حياتي انه يكون وبمنتهي البساطة
راجل
والرجوله من وجهي نظري وبعيدا عن موروثنا الثقافي المعقد الخائب
بعيدا عن الوصف المستفز لما يجب ان يكون عليه الرجل في مجتمعنا الشرقي
الرجوله صفة واضحة مباشرة وصريحة لا تقبل القسمة حتي على نفسها
انسان ، حنون ، كريم ، شهم ، متفهم ، متدين ، عاشق ، مسالم ، قوي ، ضعيف ، صادق ............الخ
رجل اجبرني ان اتخلي عن كل عقدي وخوفي من الحب و الارتباط لاقترن به
رجل فاز بقلبي وبأحترامي وبحب اهلي بلا استثناء
رجل سألته في يوم اذا كان بيشعر بضيق او بغيره اما بهزر مع زملائي مثلا او بكون معاه والناس عينها عليا(اصلي انا حلوة حبتين وواخده بالي من نفسي ثلاث حبات:msn-wink: )
رجل رد عليا وقالي انه بيثق فيا و في حبي ليه وانه لا بيضايق ولا بيغير طالما شايف صورتة هو وهو بس في عيوني حتي لو الدنيا كلها كانت عينها عليا
طب هطلب ايه انا اكتر من كده ؟؟؟؟؟؟؟؟؟؟

[el rayk gedan]

كوكـــــــــى..!!
أيه ده كله...كلامك جميل وحاسس أنه خارج من قلبك مش من عقلك...
حقيقى كلامك جميل....لكن حاسس فيه بنسبة مش عارف صغيرة ولا كبيرة من خبية الامل...وأنك مسلمة أمرك لله...
....الجميل أنك مسلمة أمرك لله....
لكن الى مش حلو..خيبة الامل..
أنا مش هاقولك فى رجالة وفى رجالة.. لأ مش هاقول كدا...
لكن والله الست فى أيديها تخلى الراجل يبقى كويس معاها...
لكن بالنسبة للوضع الحالى أنك مخطوبة... لسه على البر...
يعنى لسه فى أيدك الاختيار أذا ماكنش فى وفاق بينك وبين خطيبك...
بصى أهم شئ أنه يكون ملتزم...( أذا جائكم من ترضون دينة وخلقه فزوجوه)...سورى أنا مش حافظ الحديث أوى لكن هو واضح...
صدقينى ياكوكى الراجل الملتزم هتلاقى فية كل الصفات الجميلة دى....
ولنفرض أنها مش موجوده فيه....ربنا هايحببك فيه زى ماهو...ومن حبة ربه حبب فيه خلقة...
كلمة أخيرة عايز أقولها ليكى.......
لو كان خطيبك مش ملتزم....حاولى تخلية يلتزم ومتخديش المسألة قفش...
لأ خليكى واحده واحده....
أما اذا كان رافض وبيدلع...صدقينى كل الاحلام الى متخيلاها بعد الجواز...هتتبخر ومش هتطولى منها ولا حاجه....
أنا مش أقصد أخوفك....لكن أنا عاوز أحطك فى الصورة...
....ومتزعليش من كلامى أذا كان دايقك أنا بكلمك زى أختى...
ونورتى يا كوكى..،

[koky25]

كوكـــــــــى..!!
أيه ده كله...كلامك جميل وحاسس أنه خارج من قلبك مش من عقلك...
حقيقى كلامك جميل....لكن حاسس فيه بنسبة مش عارف صغيرة ولا كبيرة من خبية الامل...وأنك مسلمة أمرك لله...
....الجميل أنك مسلمة أمرك لله....
لكن الى مش حلو..خيبة الامل..
أنا مش هاقولك فى رجالة وفى رجالة.. لأ مش هاقول كدا...
لكن والله الست فى أيديها تخلى الراجل يبقى كويس معاها...
لكن بالنسبة للوضع الحالى أنك مخطوبة... لسه على البر...
يعنى لسه فى أيدك الاختيار أذا ماكنش فى وفاق بينك وبين خطيبك...
بصى أهم شئ أنه يكون ملتزم...( أذا جائكم من ترضون دينة وخلقه فزوجوه)...سورى أنا مش حافظ الحديث أوى لكن هو واضح...
صدقينى ياكوكى الراجل الملتزم هتلاقى فية كل الصفات الجميلة دى....
ولنفرض أنها مش موجوده فيه....ربنا هايحببك فيه زى ماهو...ومن حبة ربه حبب فيه خلقة...
كلمة أخيرة عايز أقولها ليكى.......
لو كان خطيبك مش ملتزم....حاولى تخلية يلتزم ومتخديش المسألة قفش...
لأ خليكى واحده واحده....
أما اذا كان رافض وبيدلع...صدقينى كل الاحلام الى متخيلاها بعد الجواز...هتتبخر ومش هتطولى منها ولا حاجه....
أنا مش أقصد أخوفك....لكن أنا عاوز أحطك فى الصورة...
....ومتزعليش من كلامى أذا كان دايقك أنا بكلمك زى أختى...
ونورتى يا كوكى..،

خيبة امل؟؟؟:47:
يا راجل حرام عليك
دا انا كل الكلام اللي قلته كنت بوصفه هو
دا انا اوقات بحس انه فعلا احسن مني
دا انا كان عندي عقدة وكولكيعة في دماغي ااااااااااااد كده
جه هو وحلهالي
اقرا اللي انا كتباه تاني الله يكرمك

[el rayk gedan]

هههههههه...
أعملك أيه يعنى....ما أنتى كل ردودك مكتئبة ومتعقده من الخطوبة والجواز...
وبتقولى أنا عايزة الصفات كذا وكذا وكذا...مش الرجولة بتاعة موروثنا الثقافى الخايب...
يبقى أن شاء الله عاوزانى أتوقع أن خطيبك أيه..؟؟..:mdr:
على العموم كويس أن خطيبك كدا....ويارب يفضل على كدا...
بس أظاهر الله وأعلم أن فية واحد صاحبنا واقع على جدور رقبته...
واقع جامد أوى....
.
.
.
.
.
.
.
.
.
.
.
.واقع واقع يعنى..:mdr:

[koky25]

هههههههه...
أعملك أيه يعنى....ما أنتى كل ردودك مكتئبة ومتعقده من الخطوبة والجواز...
وبتقولى أنا عايزة الصفات كذا وكذا وكذا...مش الرجولة بتاعة موروثنا الثقافى الخايب...
يبقى أن شاء الله عاوزانى أتوقع أن خطيبك أيه..؟؟..:mdr:
على العموم كويس أن خطيبك كدا....ويارب يفضل على كدا...
بس أظاهر الله وأعلم أن فية واحد صاحبنا واقع على جدور رقبته...
واقع جامد أوى....
.
.
.
.
.
.
.
.
.
.
.
.واقع واقع يعنى..:mdr:



مانا عشان كده يا رايق وافقت اني اتخطب
عشان لقيت الانسان الصح اللي انا عيزاه
مين بقي دا اللي واقع ؟؟؟؟؟ :whistle:

[el rayk gedan]

ههههههه
شوفى أنتى بقى مين الى عمال يوصف...ويقول الحلزونة ياما الحلزونة.:mdr:

[LaRa_7]

ايه هى مواصفات شريك حياتك وايه الشروط الى مش ممكن تتنازلى عنها فى أختيارك له ؟

سؤال سهل بس اجابته محتاجه تفكير كتير

طبعا مش هقول انى عايزه انسان كامل لان الكمال لله وحده

لكن لما حد بيحب حد بيشوف انه كامل لانه هيلاقى فيه مميزات بتخليه يتناسى العيوب

انا بقى مواصفاتى فى شريك حياتى :2:

طبعا بعد انه يعاملنى بما يرضى الله
انه يحسسنى بانوثتى اوووووى و يحسسنى بردوا برجولته اوووى
ان تكون شخصيته قويه جداا
وانه يكون مختلف عن الناس فى تفكيره
وتفكيره يكون اكبر من تفكيرى بمرااااااحل
الشروط بقى اللى مش ممكن انى اتنازل عنها :42:
انه مش يكون روتينى :13: عشان مش يكون فى ملل
انه يكون طموح جداااا :detective2:
وانه يتحمل تقلب مزاجى لان مزاجى متقلب موووت :2: (ومش فى ناس كتير بتستحمل كده بس هو اكيد هيستحمل :jap: )

عارفه انى رغايه شويه وطولت بالكلام

عموما
مرسى ليك كتيييييير على التوبك الحلو ده :14:

[el rayk gedan]

منورة يالارا التوبيك..!!

وكمان أول مشاركة ليكى فى موضوعى...
مرسى يا لارا...
وفعلا أنتى قلتى حاجه مهمة جدا....انه مايكونش روتينى....
وربنا يوفقك يالارا فى حياتك وتلاقى الانسان الى فية الصفات دى...
وأى أسألة أو مناقشات أنا فى الخدمة....
ومرسى كمان مرة على المرور والرد..،

[DR_STARMOON]

انا بقي عاوزه شريك حياتي يكون حنين وعارف ربنا وبيقدر اللي يتعب عشانه يعرف يعني ايه حب و قد ايه دي كلمه معناها كبير وانك تفهم معناها وتقدر تعيشه صح وبما يرضي الله ده اكبر ويكون صريح معاياوصادق في مشاعره ومالوش في التمثيل. ويكون رااجل قوي وقد المسئوليه عشان انا ضعيفه وهو هيكون مصدر قوتي وانا هنا بقول قوي بس مش مفتري .قوي يعني يقدر يواجه الدنيا وقرفها.وكمان لازم يكون حنين ويعاملني بما يرضي الله ويحبني جامد ورغم قوته اكون انا نقطه ضعفه الوحيده. ساعتها بس هيعرف قد ايه هو هيعيش في سعاده معايا.واكيد هراعي فيه ربنا زي ماهو هيراعيه فيا ودي اهم حاجه انك زي ما تاخد لازم تدي قد ما بتاخد ولو تقدر يبقي ياريت تدي اكتر .اظن كده كفايه بس ياريت الاقي نص الكلام ده للاسف بقي صعب حد يلاقي حد بالمواصفات دي الايام دي.