سؤال من مبتدىء جدا؟

[محمد مصطفى كامل]

السلام عليكم ورحمة الله وبركاته
أنا كان عندى كام سؤال لأنى حاركب دش الأسبوع القادم بمشيئة الله
كام سعر كل مشتملات الدش بالتركيب بالريسيفر بكل حاجة خصوصا وأنا عايز أجيب الأقمار كلها
ثانيا هل القنوات الأباحية ليها برنامج أمسحها خالص من على الدش
ثالثا قناة Nba Tv على أى قمر
وشكرا

[مالك مالك]

اهلا اخى الكريم نحن الان فى زمن الدش ابو بلاش بمعنى ايه لو انت عايز تركب سيستم كامل ومتحرك لا يتكلف نصف ما مضى المهم اسعار الريسفرات الت يعتمد عليها تبدا من 280 جنيه مصرى الى 350 جنيه وفيه طبعا اجهزة اسعارها تحت 150 واو اعلى قليلا ولا انصحك بمثل هذه الاجهزة لانها من الاخر اجهزة مضروبه
وعندك زراع الموتور يتراوح مابين 80الى95 جنيه وايضا وحدة التحريك فيه انواع تتحرك يدوى من10 الى 30 جنيه وفيه بالريموت من 70 الى 130 جنيه والطبق ممكن تجيب طبق120سم من 80 الى 150 حسب جودته وممكن تكبر الموضوع وتجيب طبق 180سم وانصحك نصيحه اخويه اشترى طبق من النوعيه الجيدة علشان يعيش اطول مده وكمان علشان الفنى لما يركبه يجيبلك عليه جميع الاقمار باشاره كويسه لسه سعر القطعه وتبدا من 18 الى 70 جنيه وانت بقى حسب امكنياتك وسلك الاشاره والموتور ممكن تقول 20 جنيه

شوف نفسك حسب امكانياتك ونصيحه للمره الاخير حاول تشترى ريسيفر ماركه مشهوره زى استار سات 120 او130 او استرا او استرونج ويا حلاوه على الترومان 150 ميت فل وعشرة

اى خدمه يا غالى
وبالنسبه للتركيب شوف فنى كويس وحسب ما يظبطلك الطبق بمعنى لو الشغل عجبك ما ليكش بركه الا هو ممكن50 ممكن 40 ممكن 60 وفيه ناس بتركب ب20 بس ابعد عنهم دول واخدنها بالدراع

وبالنسبه للقنوات الاباحيه انت ممكن تمسحها من على الجهاز او ممكن ان تترك الجهاز كما هو بدون تحديث بس انت بتسال على قناةnbِِa ودى لازم الجهاز يتحدث علشان يفتحها وهى على القمر التركى Turk Sat 1c
وهى تقريبا قناةكرة سله

اى خدمه يا غالى