خيروك بين خمس شخصيات فاي منها ستختار ولماذا؟؟

[ahmedmosad20011]

السلام عليكم..

لو خيروك بين خمس شخصيات فما هي الشخصية التي تتمنى ان تكون :

وهذه الشخصيات هى :

1. ملك عادل ومشهورجدا ؟

2. صاحب مال وغنى جدا ؟

3. عالم كبير ومبدع فى مجاله ؟

4. شخص بسيط جدا وعادى ؟

5. شخص فقير ويعيش حياته براحة البال ؟

فماذا ستختار ؟؟

واذا اخترت ملك هل ستكون عادلا بين الناس؟

واذا كنت صاحب مال وغنى هل ستنفق على المحتاجين؟

اذا كنت عالما كبير هل ستبدع فى العلم وتكون صادقا؟

واذا كنت شخصا بسيطا هل يكون طموحك فى حدود عملك وحياتك او سيكون اكبر؟

واذا كنت شخص فقير هل سترضا بنصيبك؟

بصدق وبثقة اى من هولاء ستختار ؟؟؟ ولماذا؟؟؟

ياريت كل واحد يكون واقعي ويختار الشخصيه اللي يحس انها تمثله

بعيدا عن المثاليات

انتظر ردودكم

[nona_9995]

أختار أكون شخص فقير ( بس مش قوي قوي يعني ) وأكون مرتاح البال
ومن وجهة نظري ان راحة البال أهم شيء في الدنيا كلها
بعد رضا ربنا علينا

[™Dr Ibrahim]

4. شخص بسيط جدا وعادى ؟

أحسن حاجه في الدنيا
إنك تبقي عادي خالص
مفيش ليك مميزات ولا عيوب
هترتاح خالص

[Muhammed Gaber]

انا عايز اقولك ان السؤال ده صعب جدا جدا بس انا افضل شخصيةهي ملك عادل وانا شايف الموضوع لأني بحب جدا الشخصيات العادلة جدا مثل سيدنا محمدعليه افضل الصلاة والسلام او مثلا الخليفة العادل عمر بن الخطاب او مثلا الصديق ابو بكر ونفسي اني اشوف مصرنا الغالية بملك عادل وناصف علشان تتقدم كتير مننا في مصر محتاجين انهم يلاقوا حد ينصفهم وحد يحس بيهم فلو بالاختيار فانا احس اني هاكون اجدر واحد يحس بالناس لأني متربي وسط الناس وعندي المشاكل بتاعتهم كلهم.

[kokilina]

اختار عالم كبير ومبدع فى مجاله لان حاسه ان العلم فرق كتير اوى فى حياه البشر ولولا العلم كانت حياتنا هتبقى خرابه من غير كهربا ولا وسائل نقل ولا غيره..وياريت ياريت ابقى عالمه بجد فى مجالى لانى فعلا حاسه ان ده ممكن يعمل فرق

[oufsameh]

شخص بسيط جدا وعادى

وطموحي فعلاً هيكون في شغلي وأسرتي

لأني بكره الشهره أو أكون محط أنظار الناس

وبالنسبه لأني أبقى حاكم ومسئول عن شعب

دي مصيبة سوده هتخليني معرفش أنام لاني عارف أني مش قد الموضوع ده



يلا منك لله يا حكومة


شكراً ع الموضوع الشيق

[ازهار الرحمه]

هكون عالم مبدع منشان استفيد من المجال الي ببدع فيه وخلي الناس تستفيد من الابداع وتدعي لي]

[msism1988]

مواضيعك ديما جميلة

انا اتمنى انى اكون عالما مبجعا فى مجالى

وده حلمى من زماااااااااااااااااان

وشايف ان دى افضل طريقة انى افيد بيها

البشرية

[monsefy]

ملك عادل
اتمنى ذلك لغياب العدل فى زماننا
كل حاجه بقت فلوس وواسطه
واتمنى اعطاء كل ذى حق حقه
و من هنا هنلاقى الفقير ممكن يبقى غنى بفكره و مجهوده
ومرتاح البال لانى هكون عادل مع نفسى و مع الناس

[ahmedmosad20011]

ألف شكر على أرائكم الجميله

[takki]

هكون شخص فقير ويعيش حياته براحة البال ؟؟
عشان ما اردش علي سؤالك اللي حيرني دة
ههههههههههههههههههههههههه

طب تعرف واللة كمان حتي الفقير دلوقتي معندوش راحة البال
يعني نعمل اية طيب نروح نقدم كمال اجسام ولا اية
هههههههههههههههههه

[ليلة ودعنا]

وعليكم السلام ورحمة اللة وبركاتة
مشكور يا احمد
وانا شايفة انى اكون( شخصى بسيط جدا وعادى)
أطن انها فيها راحة اكتر
http://up.bdr130.net/gallery_files/vvM80134.gif (http://up.bdr130.net/)

[bliss]

ana nefsy akoon 3alem we ensha2 allah hab2a we kaman law kont 3alem aw lamma 3alem ensha2 allah hab2a mobde3 akeed

[haitham_titanic]

انا عن نفسى شايف انى اختار ملك عادل حتى اريح الناس من الظلم واعيشهم فى عدل وطبعا الملك بيبقى عندة فلوس كتير من مملكته وبما انى عادل هاقدر اسعد الناس من الفلوس دى

[linkee]

عبد فقير الى الله

[Wanna Help]

والله أختارالملك العادل لأنه هو اللي هايعدل بين الناس وبالعدل قامت السموات والأرض وبالتالي أكون خليفة الله في أرضه وبالتالي هاكون السبب في وجود الراجل الغني أوي لأنه هايعمل وأنا أكفل له حقه وأكون السبب في العالم المبدع لأني هاوفر له المناخ وكمان الشخص البسيط العادي اللي معندوش طموح هاكون حاميه وموفرله الدعم الازم له والفقير هاكون كافل ليه هو وأسرته وأحاول أحل له مشاكله وأنتشله من فقره
شكرا علي الموضوع المتميز

[medo_samy]

ملك عادل ومشهورجدا عشان اكوم ضمن السبعه الذين يظلهم الله بظل عرشة يوم لا ظل الا ظلة :
1 امام عادل
2 رجلان تحابا فى الله اجتمعا عليه و تفرقا عليه
3 رجل قلبه معلق بلمساجد
4 رجل انفق نفقه فلا تعلم يمينه ما تنفق شماله
5 شاب نشافى طاعة الله
6 رجل دعته امراة ذات منصب و جمال فقال انى اخاف الله رب العالمين
7 .........(للاسف لا اذكر السابع)

[Wanna Help]

شخص بسيط جدا وعادى

وطموحي فعلاً هيكون في شغلي وأسرتي

لأني بكره الشهره أو أكون محط أنظار الناس

وبالنسبه لأني أبقى حاكم ومسئول عن شعب

دي مصيبة سوده هتخليني معرفش أنام لاني عارف أني مش قد الموضوع ده



يلا منك لله يا حكومة


شكراً ع الموضوع الشيق
ولله أنا شايف لو كل واحد عمل زي حضرتك كدا يبقي البلد دي هاتخرب لأن كل واحد كدا هايكون أناي جدا أسف علي صراحتي لكن هيا دي الحقيقه

[nawanewo]

4. شخص بسيط جدا وعادى ؟

أحسن حاجه في الدنيا
إنك تبقي عادي خالص
مفيش ليك مميزات ولا عيوب
هترتاح خالص
ردي مع اضافة نقطة صغيرة الشخص البسيط العادي هيواجه مشاكل عادية و هيقدر يلاقي تحديات ليه في الحياة زي معظم الناس

[rock2500]

2. صاحب مال وغنى جدا ؟
السبب:
(المال والبنون زينة الحياة الدنيا)

[TrueBlue]

صاحب مال وغنى جدا ؟

[borntokill]

عالم كبير ومبدع فى مجاله

[dalila7777]

نفسى اكون واحده من الناس زى زى الناس مش ليه اى ميزه ولا مثل اعلى لاى حد ولا يكون عليه التزامات انا حسه انى مش قدها وان اللى حواليه مش يكونوا حطنى فى مسؤليه انا اكبر منها ربنا لا تحملنا ما لا طاقة لنا به بجد دى امنيتى واعيش فى هدوء واكفينا شر الفقر اللى محوطنا من كل ناحيه

[air_man707]

أنانفسى أبقى نفسى مش حد تانى ( و رحم الله إمرء عرف قدر نفسه)

[moustatfa]

شخص فقير ويعيش حياته براحة البال
وطالما مرتاح البال فهذا يكفى