هل تهتم بماضي خطيبتك,وانتـي كذلك لكـ السؤال ؟!

[pink rose]

السلام عليكم ورحمة الله وبركاته

هو سؤال مهم ولكن الإجابة عليه تختلف من كل إنسان لأخر

وفى النهاية اطرحه عليكم لمعرفة آرائكم وللمناقشة .........

سؤال للشباب / هـــــــــــــــل تهــــــــــــــتم بماضي فتاة احلامك ؟

مثلا لو

اردت ان تخطب فتاة لانك معجب باخلاقها وفي نظرك جيدة

وهذه الفتاة اللتي تتمناها ان تكون زوجتك

لكن عرفت انها كانت تحب شخصا قبلك وانتهى هذا الحب

ياترى هــــــل تتزوجها ؟؟؟؟؟؟؟

هل ستتراجع لمعرفتك بماضيها ؟؟

او تغير رأيك فيها و تنسى ماضيها وتبدأ معها قصه حب جديدة

سؤال للبنات

هل ماضي زوجك قبل وبعد الزواج مهم بنسبه لكِ ؟؟

اريد معرفة رأيكم فى هذا الموضوع


:detective2::whistle:

[lyonaids]

عزيزتي ...موضوع جميل ومهم ...وعن نفسي :


ماضي حبيبتي مكنتش موجود فيه..يبقي مستحيل احاسبها علية لانه مش من حقي.... وعامة يستحسن عدم مصارحة اي طرف للتاني بماضية الا تحت ظروف بقي معينة...لو هما فعلا عازو كده..وعلي استعداد لتحمل النتيجة.....بالتوفيق ...!!

[MOSTAFA12]

اولا شكرا لحضرتك على فتح الموضوع ده واتمنى اسمع اراء الاخرين فيه

بالنسبة لرأيي أظن ان كل اللى بيتقدم لخطبة وارتباط بيسال عن اللى هيرتبط بيها كويس جدا وعن اهلها وخلافه دي تصرفات اي واحد جواه الطابع الشرقي ,

فطبعا هيهمني اعرف كل حاجه عنها فى الماضي , لو كان الماضي مش مهم مكنتش اي بنت تهتم بسمعتها طالما اول ما ترتبط هتبقى كويسه !!! ده ممكن يحصل بس فى مجتمع غير مجتمعنا الشرقي المعروفه تقاليده .

ولو مثلا كانت بتحب واحد تاني زي ما قلتي هل كان خطيبها ولا مجرد ارتباط مش رسمي ده هيفرق طبعا لانه لو مش رسمي يبقى غلط .

ممكن يكون فيه تسامح بقى على بعض الاخطاء فى الماضي بس درجة التسامح بتخلتف من واحد للتاني..

شكرا .

[Tayel2002t]

اولا اهنيك على الفكرة و انا فى رأيى انه لابد للأثنين مصارحة بعضهما بكل شئ قبل الزواج

ثانيا :لابد من المسامحة و ان كنت تحبها فلابد ان تغفر لها اى شئ و انك الأن تشعر بمشاعرها تجاهك

[سـها]

انا مش مخطوبة

لكن عموما لو دا حصل بعد الشر هههههههه انا مش مهم عندى اللى فات

المهم عندى الحاضر والمستقبل باذن الله

اظن اجابتى واضحة

اى خدمة ^_^

[ahmedmosad20011]

السلام عليكم

أنا من وجهة نظرى أن لازم أعرف ماضيها لأن مهما كانت دى بنت برده لكن

الشاب ؟؟؟؟

[pink rose]

شكرا على رأيكم فى الموضوع ويسعدنى ان الموضوع عجبكم

[pink rose]

بالنسبة لسؤالك ......

انا بتكلم بالأخص لو فعلا كان فى خطوبة

هل ده فعلا حيأثر على قرارك ولا ايه ؟؟؟

[mayoka]

kol wa7ed madeh melkoh le wa7do we maienfa3she el taraf el tane yehasboh 3aleh 3ashanhowa aslan makanshe feh we makansh mawgod sa3etha fe hayatha we rabena sater el 3eiob nero7 ehna ba2a ne7ke ana kont ba7eb 2ablak wal a la2 de haga matet yeb2a ntahet we shokran

[kokilina]

هو طبعا انا مقدرش احاسب حد على ماضيه ولا انصب نفسى قاضى واحكم على حد بس انا كبنت -عن نفسى يعنى مش باقى البنات -تفرق معايا اوى اذا كنت اول واحده فى حياه خطيبى ولا لا...بصراحه انا شايفه انه من العدل زى ما انا ماليش ماضى او بمعنى اصح مكنش ليا اى ارتباطات قبله انه يكون زيي ..بس لو كان ليه ارتباط ممكن اعدى لكن مش هاقبل انه يكون خاطب قبلى وبس

[pink rose]

شكرا على مشاركتكم وإبداء رأيكم

الموضوع مطروح للمناقشة

اتمنى المزيد من الأراء

[romanza]

موضوع جميل يا بينك

ميرسي أوي على طرحه

وأحب أقولك رأيي

ان أي حاجة حصلت طالما قبل ماعرفه وأحبه ماليش علاقة بيها

لكن أي حاجة تحصل بعدها لاااا الساطور والأكياس موجودين ماتقلقيش يعني

[pink rose]

موضوع جميل يا بينك

ميرسي أوي على طرحه

وأحب أقولك رأيي

ان أي حاجة حصلت طالما قبل ماعرفه وأحبه ماليش علاقة بيها

لكن أي حاجة تحصل بعدها لاااا الساطور والأكياس موجودين ماتقلقيش يعني


ميرسى ياقمر على تشريفك الموضوع

الموضوع نور بيكى

وفعلا انا معاكى ان الأهم هو بعد الإرتباط مش قبله

ولو حصل بعدها :31: على رأيك الساطور موجود هههههههههه

[pink rose]

69 مشاهدات ومفيش غير 12 رد

فين الردود ياجماعة

[mooneye2]

بصى زى ما كلهم قالوا مش هساحبه على الماضى بتاعه ..وهو كمان مش يحاسبنى ...ونبدأ صفحة جديدة مع بعض اهم حاجة يكون فيها الوفاء والاخلاص ..بس بشرط مش يحطنى بمقارنة ظالمة بينى وبين اللى كان بيحبها لان دى هتبقى خيانة ليا حتى لو كانت المقارنة دى بينه وبين نفسه ..وهتبقى مقارنة ظالمة جدا لان مفيش بنت زى التانية سواء فى الشكل او فى الشخصية ..لكن لو حسيت انه لسه حابس نفسه واسير حبه ليها وكده هنسحب فورا واسيبه بقى يشوف حاله أو يرجع ليها تانى ويقلل من كرامته ومش هبقى ندمانة عليه ..لان العيب هيبقى منه هو وهتفشل أى علاقة يدخل فيها تانى ..

[إنًسَانِ]

بصي

البدايه الفاشله = نهايه فاشله

انا مش هأسئل حد عن الماضي بتاعه لكن اذا هو ما تكلمش من نفسه

يبقي مايلزمنيش

لايوجد فرق بين اخفاء الحقيقه والكذب

وكمان محدش يقدر يخطب واحده كانت مصاحبه نص البلد

لو كانت بتحب واحد وانتهت قصة الحب الي بينهم مفيش مشكله
((المهم مايكونش حصل حاجه )):he:

لكن لو كانت بنت ((لعوب))

هنا لازم اعمل stop

لاني لازم احترم نفسي
=========================
لكن عرفت انها كانت تحب شخصا قبلك وانتهى هذا الحب

لو انا عرفت من نفسي مش هي الي قالت مفيش غير جوز اقلام علي وشها:13:

لكن لو هي قالت من نفسها ومستعده تتقبل قراري ,,نكمل مع بعض ولا لا

اشلها فوق راسي :heart:

[pink rose]

ميرسى جدا على رأيك

[ENG_ESSAM_CRASH]

تسلم ايدك على الموضوع الجميل دا اولا بس

و ثانيااا طبعا بعد ازنك اقول رأيى

طبعا اكيد انا ادام ارتبط بواحده اكيد هيا كويسه ... و مش معنى انى سبتها انها مش كويسه والا مكنتش ارتبط بيها من الاول
و دا رأيى و طبعا مش عيب انها تكون مرتبطه و كفايه انها صارحتنى بكدا و انا محترم صراحتها و اكيد بقا ادام اخلصت معايا يبقى انا مظلمهاش و ننسى اى حاجه و خاصه انى مكنتش معاها او عرفتها ساعتها ... يبقى محكمش عليها ففتره مكنتش انا موجود فيها

و بعدين انا رديت علشان توقيعك الجامد جدا دا .... شكلك من محبين مادونا ( الجملتين دول احلا حته فاغانى مدونا و احلا اغنيه frozen ) .... زوئك و مواضيعك مميزين

.... من تقدم لتقدم اخر دائما
اخوكى .. عصام

[pink rose]

تسلم ايدك على الموضوع الجميل دا اولا بس

و ثانيااا طبعا بعد ازنك اقول رأيى

طبعا اكيد انا ادام ارتبط بواحده اكيد هيا كويسه ... و مش معنى انى سبتها انها مش كويسه والا مكنتش ارتبط بيها من الاول
و دا رأيى و طبعا مش عيب انها تكون مرتبطه و كفايه انها صارحتنى بكدا و انا محترم صراحتها و اكيد بقا ادام اخلصت معايا يبقى انا مظلمهاش و ننسى اى حاجه و خاصه انى مكنتش معاها او عرفتها ساعتها ... يبقى محكمش عليها ففتره مكنتش انا موجود فيها

و بعدين انا رديت علشان توقيعك الجامد جدا دا .... شكلك من محبين مادونا ( الجملتين دول احلا حته فاغانى مدونا و احلا اغنيه frozen ) .... زوئك و مواضيعك مميزين

.... من تقدم لتقدم اخر دائما
اخوكى .. عصام


ميرسى جدا على رأيك فى الموضوع

انت منور الموضوع

الموضوع زاد شرف بوجودك

[nawanewo]

الصراحة ثم الصراحة فالصراحة

[HiL@Ry]

فى الاول ازيك يا حبيبه قلبى اخبارك ايه ان شاء الله تكونى بخير

الموضوع جميل وكعادتك متميزه يا قمر...

بصى بقا لازم تكون العلاقه بينهم مبنيه على الصراحه والا تفشل

وبرضه ممكن نعمل زى ما رومنزا قالت الساطور هههههههههههه

تحيتى لكى يا قمر...فى رعايه الله

[pink rose]

فى الاول ازيك يا حبيبه قلبى اخبارك ايه ان شاء الله تكونى بخير

الموضوع جميل وكعادتك متميزه يا قمر...

بصى بقا لازم تكون العلاقه بينهم مبنيه على الصراحه والا تفشل

وبرضه ممكن نعمل زى ما رومنزا قالت الساطور هههههههههههه

تحيتى لكى يا قمر...فى رعايه الله

بخير والله وكله تمام المهم انتى ايه اخبارك ياقمر ؟؟؟؟؟

يارب تكونى بخير وسعاده

والله كلامك صح لإن الصراحة هى أهم شىء بين الطرفين وهى أساس اى علاقة

ههههههههههههههههههههه

يعنى احنا كلنا متفقات على الساطور هههههههههه هو احد الحلول الروعة

نورتينى بجد والموضوع ميكملش من غيرك يااحلى قمر

شرفتى الموضوع
http://img82.imageshack.us/img82/2082/w10as1.gif

[borntokill]

طبعا لان الماضي سبب الحاضر

[pink rose]

شكرا ليك على التعقيب

[pink rose]

فين الردود ؟؟

[medhat selim]

ده إسمه ماضى يعنى إنتهى ومكنش فيه المهم الحاضر والمستقبل

[pink rose]

شكرا ليك على رأيك وفعلا كلامك صح

[pink rose]

ارجو المزيد من المشاركات

[love allah]

الموضوع جميل تسلم ايدك
انا طبعا ضد اى محاسبه على الماضى لان الماضى ده ملك ليها او ليه للكن الحساب من ساعت الارتباط

[takki]

جميل قوووووي الموضوع دة
كل الناس يجو يقولو دة ماضي
ماليش دعوة بية لان مكنتش موجود في حياتها
طب جميل قووي ولاما يكون الماضي دة وحش وسئ السمعة
هااة ساعتها بردو هتقول ماليش دعوة ؟؟
يبقي لازم اعرف اية اللي حصل قبل ما اجي

[pink rose]

ميرسى على رأيك وحضورك

[alaa2007]

اكيد الماضي مش مهم المهم المضارع اقصد الحاضر وده اسمه ماضي يعني خلاص مضى
وراح لحاله

[pink rose]

شكرا ليك ..

[pink rose]

اتمنى المزيد من الردود

[نوووونا]

مرسي يا بينك على الموضوع الشيق ده بس
طبعا ماضى زوجى انا ماليش فيه عشان انا مكنتش معاه ساعتها بس طبعا لازم الصراحة ويحكيلى على كل حاجة ومين فينا محبش و حتى كان معجب بحد قبل جوزه ده رأيى ومتهيالى اغلبية الناس كده
ومرسي يا قمر على الموضوع

[good.1]

http://www.arabsys.net/islamsignature/thker/3.gif (http://www.arabsys.net/islamsignature/index.php)

[good.1]

راى ان الماضى لما بيتفتح بخرب بيوت وانا شوفت ده مع ناس كتير

[pink rose]

مرسي يا بينك على الموضوع الشيق ده بس
طبعا ماضى زوجى انا ماليش فيه عشان انا مكنتش معاه ساعتها بس طبعا لازم الصراحة ويحكيلى على كل حاجة ومين فينا محبش و حتى كان معجب بحد قبل جوزه ده رأيى ومتهيالى اغلبية الناس كده
ومرسي يا قمر على الموضوع

شكرا على مشاركتك الرائعة ياعسل منورة الموضوع

[وعد العيون 2010]

هو و الله
انا من رأيي
اني اعرف ماضي خطيبتي احسن
ميكونش حلو ابدا انه في يوم من الايام بعد ما نتجوز انه الاقي واحد تجيله الجرأة يقول اني اعرف مراتك قبل كدة
و لو بفرض انه هو او هي كانت الخاينه
علي الاقل ابقي عارف اصل الحكاية و اعرف ارد كويس
بس مش اكتر
تقبلي مروري

[وعد العيون 2010]

بس مع وجود ثقتي فيها طبببعا .

[pink rose]

طبعا لازم يبقى فى صراحة متبادلة ونقول كل الماضى بس المهم انه ماضى

يعنى شيء خلص وانتهى خلاص

شكرا على رأيك ومشاركتك الجميلة

[وعد العيون 2010]

مشكورة لاهتمامك بالردود .