شاهدت لك فيلمى ملاكى اسكندرية و على سبايسىو القصة بالتفصيل الممل

[shewawa2005]

ادخل هذا الموضوع و ساوفر عليك الذهاب الى السينما لمشاهدة على سبايسى
بسم الله الرحمن الرحيم
السلامو عليكم ايها الاعضاء
الفيلم الاول ملاكى اسكندرية:
الفيلم عبارة عن جريمة قتل تُتهم فيها غادة عادل حيث كانت موجودة فى الفيلا لحظة الجريمة
تذهب الى مكتب المحاماة و الذى يعمل به احمد عز
فيحبها من اول نظرة الا ان صاحب هذا المكتب يرفض الدفاع عنها لان الدفاع عنها فاشل
وتتوالى الاحداث حيث يوصل احمد عز غادة الى بيتها الا انه يري ناس تريد خطفها
فياخذها و يهرب بها الى الساحل الشمالىويقرر الدفاع عنها
تفصيل الجريمة : اوضحت سحر لاحمد ان المحققين اكتشفوا دخول القاتل بمفتاح الفيلا
و عدم وجود خدوش عليها
مما يجعل انحصار القاتلين الى : محمد رجب (والذى كان معه خلافات مع المقتول - ريهام عبد الغفور - غادة عادل
كما وجد دائرة مخرومة و متشالة من زجاج الباب
الا ان المخبرين يكتشفوا انها اقيمت من الداخل
ولذلك تلتف دائرة الاتهام على غادة
لانها فقيرة حيث اختفت الاموال من الخزنة بعد الجريمة
كما يختفى المسدس الموجود فى الخزنة
الا ان احمد عز يذهب اولا الى ريهام عبد الغفور و يكتشف انها بريئة تماما
مما يجعله لا يضع عليها اصابع الاتهام
واحدى اللقطات المملة:يجد احمد رسالة تقول ان سحر بريئة وانه يضيع وقته مع ريهام عبد الغفور
ثم تاخذ الاحداث ميلا اخر حيث تصبح اكثر اثارة فى الفيلم (فى النص الثانى من الفيلم)
حيث يجد ان سكرتيرة محمد رجب :نور تاتى كل يوم الى الفيلا لتبقى مع محمد و ريهام
فيشك فيها لانها دائما غامضة


جماعة انا تعبت حاكمل ان شاء الله بكرة :5bouncy:

[omarhisham]

هو على سبايسي نزل السينما اصلا؟

[shewawa2005]

ااه و الله نزل و انا اتضحك عليا و دخلته
بس اصبر على شوية -بعد اذنك لو سمحت-

[galal_amrdiab]

يعنى انت شايف انى مدخلهمش علشان متعقدش ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[shewawa2005]

ما علينا ساتجاهل هذه الرسائل والتى تثبط من همتى
اولا : يا اخ جلال المفروض تشكرنى الاول
ثانيا : تقولى حضرتك مش انت
انا عضو ليا مكانتى فى هذا المنتدى
ثالثا : انا مش انت عايز تقول
انت مش مصحح بيصحح ورقة امتحان لغة عربية بيتكلم فيها تلميذ (اللى هو انت) كلام غير مفهوم فى موضوع التعبير
ولو مش عاجبك
ما تدخلش موضوعى

[shewawa2005]

اولا : مزيد من التوضيح
حتى لا يتحجج احد مثل عمو جلال
اولا : سحر هى غادة عادل
رشا :ريهام عبد الغفور
فتحى: محمود عبد المغنى
معتز : محمد رجب
ادهم: احمد عز
منتصر : خالد صالح

[shewawa2005]

بالنسبة الى الاخ عمر:
افتح جريدة الاهرام
الصفحة الثانية
وبكده حتتكبس كبسة وحشة

[shewawa2005]

تكملة القصة :
نور و رغم انها مجرد سكرتيرة الا انها تتواجد دائما فى هذا المنزل
تتوالى الاحداث ويكتشف ان من ارسل له الرسائل له هو محمود عبدالمغنى
والذى يكتشف احمد عز انه اخو غادة عادل
ويوجد فى الفيلم اكشن بسيط يدور بين احمد عز و محمود عبد المغنى
و وقتها كان يريد احمد عز معرفة شخصية محمود عبد المغنى
وبعد ان يكتشف احمد شخصيته يقول محمود له : ان راى فى نفس يوم الجريمة محمد رجب ومعه المسدس الذى سُرق من الخزنة
فيذهب احمد عز اليه و يعترف محمد رجب انه اخذ المسدس و لكنه لم يستعمله
وفى نفس الوقت يحصل من مكتبه على احد ارقام البنك والتى سُحب منها فى نفس فترة ايام الجريمة
وقصة هذه الارقام والشيك لم تكن مفهومة فلم توضحها المخرجة كثيرا وخاصة انها كانت قصة ليس لها لزمة
وقد خرجت المخرجة من دوشة الشيك بان نور سحبت اموال من البنك لصالحها فى فترة الجريمة

و فى اليوم التالى :تاتى المحكمة و يدافع احمد عز عن غادة عادل فى المحكمة وتحصل على براءة

وبقية الفيلم سترونها فى السينما

الفيلم يستحق المشاهدة و اعطيه 9 من 10
و هو بالتاكيد فيلم رائع

[shewawa2005]

الفيلم من ناحية التمثيل :
جاءت غادة عادل فى الفيلم :سيئة
وكان تمثيلها غير مقنع
و كان صوتها لا يُسمع عندما تبكى
و كانت تبكى بصعوبة
احمد عز: كان يضحكنا ضحكات خفيفة
فقد جاء ظريفا و وسيم
الا ان تمثيله يتسم بالبساطة كالعادة
ولكنه كان جيدا
نور:كان شكلها مخيف
فقد برع الكوافير فى تجميلها وجعلها مرعبة (على عكس غادة )
وكان تمثيلها فوق الروعة ولحظة البكاء بكت بقوة وكانت الدموع تملا عينيها
بعد ان علمت من القاتل/!
جاء دور خالد صالح باهتا
امن بالنسبة الى التصوير فكان فوق الرائع فى المشهد الاول عندما راينا الجريمة
و الموسيقى كانت تضفى جوا مرعبا على الفيلم

اما عن فيلم على سبايسى
فانتظرونى غدا

[godamohamed]

في البدايه شكرا وبعد كده انا معترض علي الكلام الموجه للاخ جلال عشان بيقول انت وانا اسف انا لما بصيت علي شمال الصفحه وجدت محل الاقامه امام التلفزيون بتشاهد رقص روبي ما شا الله لأ برافو عليك وده هيفيدك بي ايه امام الله بلاش نرفع من نفسنا ونتعاظم علي الناس رحم الله امروأ عرف قدر نفسه


( سبحانك اللهم اني ظلمت نفسي فاغفر لي فانه لا يغفر الذنوب الا انت )

[shewawa2005]

اولا: ولا تزعل
انا كنت اساسا حاططها مجرد لجعل الاعضاء تبتسم و ليس اكتر
و ليس فى شىء من اللى فى دماغك
ثانيا : كلام الاخ جلال غاظنى
يعنى بدلا من ان يقول شكرا بيقول كلام بايخ
اتغاظت و قررت الرد عليه بقسوة
ولكننى اساسا لست كذلك
لو شفت مشاركاتى فى منتدى الصيانة
باقول لو سمحت و بعد اذنك
وهذا اكبر دليل على اننى لا اتعاظم
احتراما لواضع الموضوع
ولما عملت الموضوع ده و لقيت عمو جلال بيألس
و كانه بيقولى خيرا تعمل شرا تلقى
فرديت عليه ببرادة عشان يحترم نفسه بعد كده

وبصراحة كنت حارد عليك بنفس الاسلوب بس لما لقيتك كاتب (( سبحانك اللهم اني ظلمت نفسي فاغفر لي فانه لا يغفر الذنوب الا انت )
قررت التراجع
و ------
وصدقنى انا كنت كاتبها لمجرد الابتسامة وليس كما تعتقد
وساغيرها حتى لا ياخذ احد عنى نفس الانطباع السىء
و لكن الله هو الذى يعلم نيتى فى كتابتها
فاذا كنت كما تعتقد
فمن الذكاء ان اكتب كلام مختلف عن حقيقتى
اى اذا كنت ضايع فلن اكتب اننى ضائع
ارجو ان تكون فهمت قصدى
وفى النهاية اقسم بالله اننى كنت اكتب ذلك لمجرد الفكاهة
و لكننى ايضا احب روبى و لكن ليس من نفس المنظور الذى رايته انت
وشكرا

[shewawa2005]

وعشان يا اخ جودة محمد تعرف انى انا محترم
انا عامل موضوع فى المنتدى الاسلامى عن التلفاز
و الكلام ده كاتبه والله قبل ما اقرا كلامك
يعنى برىء من تهمك
و هذا يدل على اننىايضا اعرف الله
ومن منا الان لا يشاهد كليبات نانسى عجرم و اليسا
وهذه هى الوصلة
http://www.dvd4arab.com/forums/showthread.php?t=70264

[shewawa2005]

و الموضوع انا كاتبه قبل كلامك بساعة و عشرون دقيقة فقط
وهذا يدل على اننى ليس كما تعتقد

[omarhisham]

فى اية يا عم اية الى اكبس اية الاسلوب دة انا بسالك لاني كنت فكرة منزلش لسة واية الرد السخيف دة

[godamohamed]

السلام عليكم ورحمه الله وبركاته

في البدايه ارجو انك متكونش زعلت من كلامي انا بس اللي ضايقني الرد فقط وانا مقدرش اقول عليك مش محترم او متعرفش ربنا او اتهمك لان انا بشر زي زيك وربنا يوفقنا جميعاً لما يحب ويرضي تقبل تحياتي


( لا اله الا انت سبحانك اني كنت من الظالمين )

[berock]

الف شكر اخى العزيز على القصة والتوضيح الرائع للقصة

[shewawa2005]

شكرا عزيزى بيروك
والله انا كنت ناوى ما اكملش الموضوع
بس عشان خاطرك هاكمله
و انا عايز رايك بصراحة!!!!

[smsm061274]

الحقيقيه الموضوع جيد واسلوبك فى الشرح جيد جدا
ولكن اسلوب استهزائك واستخفافك بالاخرين فى ردودك سىء جدا
وانت حر فى اذا كنت تكمل الموضوع او لا
الصراحه مش هنتحايل عليك يا ابو وزن فى المنتدى

[shewawa2005]

اولا شكرا على ردك
وشكرا على انك بتقول ان الموضوع جيد
بس انا عارف ان اسلوبى فى مخاطبة الاخرين كان سىء للغاية
وصدقنى انا مش كده
بس انا مجرد اتنرفزت و اتضايقت

وانت حر فى اذا كنت تكمل الموضوع او لا
الصراحه مش هنتحايل عليك يا ابو وزن فى المنتدى

اولا ده رايك و انت حر فيه
ثانيا : انا هكمل الموضوع بتفصيل اكثر
ثالثا: الله يسامحك
رابعا: عيب السخرية يا راجل يا محترم

[shewawa2005]

بالنسبة للاخ عمر هشام :
ولا تزعل
بس غاظتنى كلمة (اصلا) فى جملتك ( هو الفيلم نزل اصلا)
معناها انك بتالس عليا
و بتكدبنى
و البادى اظلم
و انا اسف يا باشا

[shewawa2005]

بالنسبة للاخ جودة
شكرا على ردك
و اى خدمة

[asmail]

شكرا على لاسرد الجيد وانك محرقتش الفلم وقلت مين القاتل

[shewawa2005]

على سبايسى :
___________
اولا : ساتكلم بكل صراحة
فالفيلم فى مضمونه : فيلم تعبان و متخلف و ممل جدا
مضمون الفيلم: هو عبارة عن واحد( حكيم) ابوه كان نفسه يكون دكتور عشان يعالج
الناس فى البلدة بتاعتهم الا ان حكيم يعشق الغناء و يتمنى ان يكون مغنيا

قصة الفيلم:
اولا يبدا الفيلم باغنية غبية تستمر لمدة 15 دقيقة
حيث يقول الناس ان هناك طبيب رائع اسمه على يعالج المرضى بدون الحاجة الى ادوية باهظة الثمن
(يا عينى على الموهبة الفذة)
فيهرب المرضى الموجودين فى مستشفى بكلية الطب من سريرهم فى العنابر
و يذهبون للكشف عند على
فيحتج مدير المشفى ويصرخ فى وجه على و يقول له انه بقى فى كلية الطب 12 سنة
اى ان كل سنة ياخذها فى سنتين و هو الان فى سنة امتياز
(ما علينا)
ننتقل المشاهد الى الحارة التى يسكن بها على
حيث يقترض القليل من المال من سعاد نصر (بقالة ) و كذلك عبدالله (بقال منافس)
و هما الاثنين يعشقان غناء على و لذلك يتجهان الى التاليف :
سعاد نصر قالت بيت شعر رائع يدل على انها شاعرة موهوبة:
وهو
يا زانقنى و جنبك فاضى
ازنقنى كمان انا راضى
( و هذا الشعر الرائع قيل قبل كده فى فيلم المشخصاتى ) :5crackup:

يذهب الى سكنه بعد كده حيث نجد خاله( صلاح عبد الله) و الذى يحب الستات و الخمر
وطبعا على (حكيم) بيمثل دور الواد الامور و الذى يقع فى دباديبه الكثير من النساء
واللاتى يختبئن واحدة تلو الاخرى تحت المنضدة

و فى الليل يذهب الى الكابريه ليغنى و لكنه يجد اقبال قليل وبعد كده ترقص رقاصة مسخرة
بملابس فاضحة :5bowtie:

ونرى فى نفس الوقت المطرب الشهير جاسر (خالد محمود) يشتهر و يقيم الحفلات رغم ان صوته تعبان

وفى النهار يذهب حكيم الى الكلية حيث يحب فتاة تطلب منه التقدم لخطبتها
فيذهب هو وخاله الا ان والدها يرفضه
(ازاى بقى هو دكتور ناجح و والدها يرفضه) :5headache

نكتفى بهذا القدر و ساكمل قريبا :D

[shewawa2005]

شكرا اخى اسماعيل
واى خدمة انا موجود ان شاء الله

[omarhisham]

ياريت تكمل ملاكي اسكندرية

[shewawa2005]

انا تحت امرك اخى
بس بص ادينى ايميلك
حتى لا احرق الفيلم هنا
وانا هاكملك القصة ان شاء الله
وانا فى الخدمة

[ninja911]

شكراً لك أخى shewawa2005 على الشرح الجميل

وأنا أعتبر ملاكى إسكندرية بداية لأفلام جادة و رائعة فى نفس الوقت و نهاية للإسفاف اللذى ساد معظم الأفلام ( الكوميدية ) بلا هدف

و تحياتى لك

[ahmed_zz]

شكراااااااااااااااااااااااااااااااااااا ياباشااااااااااااااااااااااااااااا على الوصف التفصيلى انت تنفع معلق

[shewawa2005]

الله يخليكوا
بس انا حاسس اننن مش قوى فى الشرح
و انتوا بس بتجاملونى مش اكتر
يا ريت تقولوا رايكوا بكل صراحة
قول و ما انا مش حتضايق

[ninja911]

لا ياباشا مش مجاملة

ده كفاية تعبك فى الشرح و محاولتك لإفادة غيرك

و أنا دخلت فيلم ملاكى إسكندرية بالفعل

عشان كده عجبنى و صفك الدقيق كمان لمستوى أداء أبطاله....اللى أنا متفق معاك فيه

والفيلم فى مجمله رائع

و تحياتى لك

[mizoostar]

مشكور اخى الكريم على تعبك وتقديمك لقصه الافلام

[shewawa2005]

العفو يا اخ ميزو ستار
و انا دايما فى الخدمة
* * * * * * * * * * * * * *
اما بالنسبة الى الاخ نينجا
فحضرتك بقى محتاج تعظيم سلام

[shewawa2005]

معلش يا اخوة انتظرونى قليلا فى تكملة فيلم على سبايسى

[Developer]

مشكور جدا لكن اريد فى النهاية رأيك عن الفيلمين بحيث اتقدم و ادخلهما ام ادخل واحد منهما او اقعد قى البيت احسن :d

[egyption man]

اية يا جماعة الخلافات دية كلها اللى بين الاعضاء الظاهرة دية كترت و انتشرت اليومين دول كتير اوى و لازم نعمل موضوع عنها

[egyption man]

و بالنسبة للسينارست الرائع shewawa2005 انا بشكرك على مجهودك و على حاجة تانية كمان مهمة جدا
انك خليتنى اوفر 40 جنيه تمن التذكرتين فى السينما
و اتمنى لك مزيد من التوفيق فى المنتدى
لا انا اسف اتمنى لحضرتك مزيدا من التوفيق
هههههه

[galal_amrdiab]

انت تعرف بجد انا مكنش قصدى لما قلتلك (انت شايف يعنى انى
مدخلهومش علشان متعقدتش) انى ازعلك انا كنت اقصد بس انى
اهزر معاك بس انت طلعت ذوق ذوق ذوق جدا يعنى
ونا مش هارد عليك بنفس الاساءة :)
على فكرة انا من عشاق السينما ومفيش فيلم مبدخلوش
وكل الى انت عملته ده بيدل على انك محترم جدا مع الاعضاء
الجداد وبعدين لو انت شايف نفسك كبير فى المنتدى
يبقى ازاى مبتحترمش راى الاخرين شوف نفسك كدة هاتعرف
انك غلطان ونا اسف انى طولت عليك :smiletest

[galal_amrdiab]

وبعدين شكرا بردو على الموضوع ولو مكنش عاجبنى مكنتش دخلت عليه او رديت على كلامك




ملحوظة:محدش بيستنى كلمة شكر من حد

[shewawa2005]

مشكور جدا لكن اريد فى النهاية رأيك عن الفيلمين بحيث اتقدم و ادخلهما ام ادخل واحد منهما او اقعد قى البيت احسن :d
ملاكى اسكندرية :
اعتقد انك يجب عليك دخوله

على سبايسى :
ماتفكرش انك تدخله اساسا

[shewawa2005]

بالنسبة الى الاخ egyptian man :
اشكرك على هذا الرد الرائع
_ _ _ _ _ _ _ _ _ _ _

اما بالنسبة الى عمو جلال :
اولا : شكرا على ردك
ثانيا: معلش انا اسف
حقك عليا

و نفتح صفحة جديدة
و بعد كده توضح كلامك من الاول
عشان ما تحصلش خلافات بعد كده

و انا اسف للجميع
و شكرا

[galal_amrdiab]

والله انا ما كان قصدى اعمل خلاف بين اى حد من الاعضاء لانى
بحترم كل الى موجودين وعايزهم كلهم يكونو اصدقائى
وانا مش بدخل هنا علشان اعمل خلافات انا داخل هنا اقضى وقت
جميل معاكو ومع افكاركم الجميلة وانا اكن ليك كل الاحترام

[Developer]

ملاكى اسكندرية :
اعتقد انك يجب عليك دخوله

على سبايسى :
ماتفكرش انك تدخله اساسا

مشكور يا باشا

[shewawa2005]

اى خدمة
* * * * * * * * * * * * * * * * * *
و اللى عايز يعرف نهاية الفيلم
عندك جريدة الاهرام
النهاردة : الاربعاء -22 /6
كاتبين النهاية

[laith9999]

طب ياريت تقول نهاية الفيلم لأن الفيلم لسه ما نزل عندنا او تبعتلي مين القاتل على الخاص لو سمحت

[shewawa2005]

ماشى يا سيدى

انا حارسلك رسالة على المنتدى ده حتلاقيها فى الرسائل الخاصة عندك

[medooooz]

انت عامل مشاكل فى كل حته كده يا مشاغب المنتدى اهدا شوية واستعيز بالله قبل ما ترد على حد شكرا ليك يا مان واتمنى متردش عليا رد وحش هههههههههههههه وشكرا ليك مرة تانية

[shewawa2005]

انا حقولك بس يا اخ ميدوز الله يسامحك

[medooooz]

ههههههههههههه حبيبى .............. الحمد لله عديت منها
لا بجد انا بهزر معاك وانا بشوف ردودك اللى بعد كده ببقى سعيد قوى بيك ربنا يهدينا ويكرمنا كلنا اوعى تكون زعلان منى
مش هطول عليك لحسن الموضوع اتقلب شات اشكرك واحييك

[bassemnagy]

أحسن فيلم فى تاريخ السينما المصرية من كل النواحى

[محمد مرسى]

أنا كنت عايز أستفسر عن حاجة
ماهو سبب تسمية فيلم (ملاكى الإسكندرية ) بهذا الإسم ؟
****
وشكرا على الموضوع الرائع .... وإذا أردت ان تكون إنسان جيد فى تعاملك حاول انا تفكر بعقلك قبل قلبك وشكرا

[shewawa2005]

اخى فى الاسم : تلميح للقاتل
و كأن المخرجةارادت ان تنبهنا لشىء و لكننا لم ناخذ بالنا

و عالعموم كان احمد عز بيطارد من دراجة بخارية مكتوب باللافتة بها :
ملاكى اسكندرية 57357

ماشى الحال

[محمد مرسى]

ملاكى اسكندرية 57357

شكرا على ردك ... ولكن أظن إن إسم الدرجة البخارية هو إسم مستشفى السرطان للأطفال

لاأدري إلى ماذا تلمح بهذه التسمية!!!!!



و كأن المخرجةارادت ان تنبهنا لشىء و لكننا لم ناخذ بالنا


الفيلم الناجح لايكون الخرج هو سبب نجاحة بل هى منظومة كاملة
بداء من المنتج ونهاية باصغر كومبارس فى الفيلم

[shewawa2005]

بص يا سيدى 57357
lالرقم ده انا كتبته غلط للاسف
و تقريبا الصح له 53753
وده رقم اللوحة اللى بيكون مكتوب فيها
ملاكى ام اجرة
-عذرا فقد نسيت اسم اللوحة-
-عالعموم هى لوحة
والرقم ده اللى بيكون مكتوب فى اللوحة

[melody2005]

شكرا علي الموضوع

[الفهد الاسود]

تكملة القصة :
نور و رغم انها مجرد سكرتيرة الا انها تتواجد دائما فى هذا المنزل
تتوالى الاحداث ويكتشف ان من ارسل له الرسائل له هو محمود عبدالمغنى
والذى يكتشف احمد عز انه اخو غادة عادل
ويوجد فى الفيلم اكشن بسيط يدور بين احمد عز و محمود عبد المغنى
و وقتها كان يريد احمد عز معرفة شخصية محمود عبد المغنى
وبعد ان يكتشف احمد شخصيته يقول محمود له : ان راى فى نفس يوم الجريمة محمد رجب ومعه المسدس الذى سُرق من الخزنة
فيذهب احمد عز اليه و يعترف محمد رجب انه اخذ المسدس و لكنه لم يستعمله
وفى نفس الوقت يحصل من مكتبه على احد ارقام البنك والتى سُحب منها فى نفس فترة ايام الجريمة
وقصة هذه الارقام والشيك لم تكن مفهومة فلم توضحها المخرجة كثيرا وخاصة انها كانت قصة ليس لها لزمة
وقد خرجت المخرجة من دوشة الشيك بان نور سحبت اموال من البنك لصالحها فى فترة الجريمة

و فى اليوم التالى :تاتى المحكمة و يدافع احمد عز عن غادة عادل فى المحكمة وتحصل على براءة

وبقية الفيلم سترونها فى السينما

الفيلم يستحق المشاهدة و اعطيه 9 من 10
و هو بالتاكيد فيلم رائع

الفلم مش رائع بس الفلم اكثر من رائع الفلم ده مش 9 علي 10 ده 10 علي 10 الفلم ده احسن فلم ف الصيف ده الفلم رغم انها قصه جديده ونام جديد علي السينما المصريه الي هوه اللغز اله انو نجح نجاح فظيع

وكويس انك يا مان محرقتش الجزء الاخير الي ف الفلم علي شان ديه احسن حته ف الفلم :)
وشكرا ليك وللتحليل المميز ده

[الفهد الاسود]

تكملة القصة :
نور و رغم انها مجرد سكرتيرة الا انها تتواجد دائما فى هذا المنزل
تتوالى الاحداث ويكتشف ان من ارسل له الرسائل له هو محمود عبدالمغنى
والذى يكتشف احمد عز انه اخو غادة عادل
ويوجد فى الفيلم اكشن بسيط يدور بين احمد عز و محمود عبد المغنى
و وقتها كان يريد احمد عز معرفة شخصية محمود عبد المغنى
وبعد ان يكتشف احمد شخصيته يقول محمود له : ان راى فى نفس يوم الجريمة محمد رجب ومعه المسدس الذى سُرق من الخزنة
فيذهب احمد عز اليه و يعترف محمد رجب انه اخذ المسدس و لكنه لم يستعمله
وفى نفس الوقت يحصل من مكتبه على احد ارقام البنك والتى سُحب منها فى نفس فترة ايام الجريمة
وقصة هذه الارقام والشيك لم تكن مفهومة فلم توضحها المخرجة كثيرا وخاصة انها كانت قصة ليس لها لزمة
وقد خرجت المخرجة من دوشة الشيك بان نور سحبت اموال من البنك لصالحها فى فترة الجريمة

و فى اليوم التالى :تاتى المحكمة و يدافع احمد عز عن غادة عادل فى المحكمة وتحصل على براءة

وبقية الفيلم سترونها فى السينما

الفيلم يستحق المشاهدة و اعطيه 9 من 10
و هو بالتاكيد فيلم رائع

الفلم مش رائع بس الفلم اكثر من رائع الفلم ده مش 9 علي 10 ده 10 علي 10 الفلم ده احسن فلم ف الصيف ده الفلم رغم انها قصه جديده ونوع جديد علي السينما المصريه الي هوه اللغز اله انو نجح نجاح فظيع

وكويس انك يا مان محرقتش الجزء الاخير الي ف الفلم علي شان ديه احسن حته ف الفلم :)
وشكرا ليك وللتحليل المميز ده

[الفهد الاسود]

اوبس ايه الي حصل ده انا اسف الرد اتكرر مرتين :s

[wowo11231]

من و جهة نظرى ملاكى اسكندرية فاشل

[wowo11231]

شكرا على الموضوع

[بودلير]

شكراااااااااااااااااااااااااااااااااااا

[محمودجابر]

اية ياعم shewawa انتا عايش فى دور غير دورك كدة لية
اية حوار حضرتك وبتاع احنا هنا كلنا صحاب ومفيش حاجة اسمها حضرتك
ولو فية عقدة نقص او حاجة ممكن ( حضرتك) تطلعها مع الناس ماتطلعهاش معانا
والنبى هيا مش ناقصة الحوار اصلا ويا ريت ترد على الاعضاء كويس
عشان الاعضاء كلهم عندهم كيبوردات وبيعفوا يشتمول برضة
على العموم خلى بالك من ردك بعد كدة وبلاش تعيش على حد تانى يا بو وزن
ويا ريت الوزن الزايد تشيلة عند اى صالة ساونا ....

[egypttiger]

أنت يا عم محمود الراجل خلاص أعتذر للأعضاء و قال أنه ما كنش قصده و كان بيهزر و الموضوع خلص دلوقتي أنته ألي غلط فيه و يا ريت تعتذر له و كمان محدش أشتكالك
و يا ريت تاخد بالك في كلامك مع الناس أحنا في منتدى محترم.

[محمودجابر]

لا ياباشا دة ماكنش هزار ....وانا مش لازم حد يشتكيلى عشان ارد
انا بصفتى عضو فة المنتدى دة ..لازم ارد
انا ممكن اكون رديت علية بشدة شوية بس هو لازم يترد علية كدة
وحكاية ان ماحدش شكالى..ياعم مالكش دعوة جلال الى كلمة وحش دة يبقى صاحبى ....

[egypttiger]

أنا بقلك خلاص أعتذر لهم يعني خلاص الموضوع خلص
و بعدين أحنا في منتدى محترم مش في الشارع
سلام