لعبة Hitman بقت فيلم يا جدعااااااااااااااااان !!!!! [الأرشيف] - موقع الدي في دي العربي

gamespro

19-11-2007, 06:32 PM

http://www.bran.dk/wp-content/uploads/hitman_the_movie.jpg

طبعا .. اساسي .. كلنا عارفين لعبة
هتمان الشهيرة .. رائعة شركة EIDOS البريطانية العملاقة
الشركة امتعتنا حتي الان باربع اجزاء من HITMAN والي كانت اخرهم HITMAN : BLOOD MONY الي كانت قمة في الدقة والاثارة
الجديد بقي ان شركة القرن العشرين الامريكية اعلنت خلاص عن صدور فيلم HITMAN
بجد والله الموضوع حقيقي ... انا شفت موقع الفيلم ... واتفرجت علي الـ لTRAILER بتاع الفيلم .... انا سعيد جدا ... وبنزل الفيلم حاليا بالتورينت .
ادخل علي موقع الفيلم واللينك بتاعة اهو WWW.HITMANMOVIE.COM
ودي صفحة الفيلم علي موقع IMDB العالمي
اضغط هنا (http://www.imdb.com/title/tt0465494/)

حسن شحاتة

19-11-2007, 09:32 PM

طيب يا مان لو انتا من محبى Hit Man ممكن سوالين

امتى معياد نزول الفليم

ثانيا بالنسبة الجزء الاخير هما لية قتلوة فى الاخر خصوصا من البنت اللى كانت بتديلوة المهام يعنى كنت عايز اعرف القصة اصلوة صعب عليا هههههههههههه

وهل يوجد جزء تانى

GENNI

20-11-2007, 11:06 AM

فعلا ... الفيلم المفروض يبقى جامد ...
و لو إن فيه أفلام كتير بالنوعية دي ... و أفلام من العيار التقيل كمان ...
لكن اللي ممكن ينجح الفيلم ده لازم يكون القصة مش الأكشن ...

بس كان لي تعليق ...........
أنا عرفت بموضوع الفيلم من سنتين أول ما أعلنوا عنه ...
بصراحة أنا معترض تماما على الممثل !!

آدي يا جماعة Hitman الأصلي
http://hitman2.com/images/hitman_front.jpg

و آدي الممثل اللي هايقوم بالدور ....

http://www.canmag.com/images/front/movies20073/hitman19.jpg

سيبكم طبعا من الماكياج ... ماكياج هوليود ممكن يخلي أي حد يقوم بالدور ... حتى لو كان عبد الفتاح القصري أو كريمة مختار !!

لكن بصراحة اللي في الصورة ده مش لايق عليه أبدا وظيفة "قاتل مأجور" ... ده ممكن يكون جليسة أطفال !!

أنا باتكلم عن ممثل تاني ... كلنا شفناه و كلنا عارفينه و كلنا عشقنا تمثيله ... و أنا من رأيي إنه كان ملائم للشخصية 100% ... نفس الشكل ... نفس الجسم ... أقرع برضه ... عمل أدوار أكشن كتير جدا ... عمل شخصية Hitman في فيلم قبل كده ... و غير كل ده أداءه رائع في الأكشن و كلنا حبيناه ...
أنا باتكلم عن Jason Statham ... اللي عمل فيلم The Transporter و The Crank ... ده غير دوره الرائع في Italian Job ... و آدي صورته ...

http://www.theage.com.au/ffximage/2005/09/30/2_transporter_2_050928034121805_wideweb__300x414.j pg

يا جدعان بجد حرااااااام ... ده كان ممكن يعمل الدور بدون ماكياج !!
و على رأي واحد صاحبي ... غالبا لو اتدور هاتلاقوا الختم بتاع Code47 على قفاه !!! http://www.dvd4arab.com/images/icons/icon10.gif

مستني رأيكم .....................

khaled bdr

20-11-2007, 08:10 PM

أولآ شكرا للأخ Gamespro على الموضوع الجميل
وفعلآ كلام اللأخ GENNI صحيح الممثل ده عبقرى وأدائه جميل
والله انا اول مسمعت عن الفيلم من حوالى سنه اول ممثل فكرت فيه هوه
Jason Statham

gamespro

20-11-2007, 10:19 PM

هههههههههههههههههههههههههه
والله العظيم انا كنت بجهز نفس الرد بتاع الاخ genni ... و والله العظيم كنت ها حط نفس الصورة دي بتاعة Jason Statham .... بس وهو سبقني بقي
يااااالا .. زي بعضة :)
واضح ان في اجماع ان Jason Statham هو الي كان لازم يمثل الدور
بس انا اعتقد ان الموضوع لية علاقة بالاجر ... لان Jason Statham ممثل درجة اولي .. وطبعا اجرة عالي جدا ... بس بصراحة .. انا لو مكان المنتج كنت بعت عفش بيتي وخليتة هو الي يعمل الدور
المهم .. الفيلم نزل خلاص .. وهتلاقو التورينت بتاعة علي iso hunt
بس في مشكلة ... الفيلم مش بيشتغل الا علي برنامج معين اسمة Domplayer وانا بصراحة مش لاقية ... فياريت ندور عليه مع بعض

MOATAZ21

21-11-2007, 01:10 AM

كلام غريب اذا كان الفيلم اتأجل عرضه ليوم 21-11 ؟؟

انا الصراحه شايف ان اكتر واحد كان مناسب هو فان ديزل و فيه اشاعات انه كان هيمثل الدور

اما Jason Statham طبعا ممثل كويس و برضو يليق عليه الدور

M.E.D.O

21-11-2007, 01:20 AM

انا معاك ان فان دبزل هو اكتر واحد مناسب للدور

badroz

21-11-2007, 02:53 AM

فان ديزل نبره صوته رهيبه فعلا للدور ده , ملامحه جامده , و نظراته بارده زي الثلج , عيبه الاخطر هو ان جسمه ضخم علي hitman لو فان ديزل يخس 5 - 10 كيلو للفيلم يبقي هو HITMAN بأمتياز ..

ملحوظه هامه : بخصوص الجزء الرابع HITMAN BLOOD MONEY الهيتمان ما اتقتلش ولا حاجه البنت (ديانا) اعطته حقنه السم اللي بيبطئ ضربات القلب اللي انت استخدمتها في احدي المهمات عشان تنقذ واحد من المستشفي , و (ديانا) وضعت مسدسين محشوين علي جثته عن عمد و باسته بعد ما بلعت ال ANTIDOTE او المضاد للسم عشان ترميه في بقه , ولو لاحظتنم هتلاقوا نبضات قلبه شغاله بأنتظام اثناء نزول ال Credits والمطلوب هو انك تدوس علي زرار الجري بسرعه عشان تسرع من نبضات قلبه و ينهض و يقتل ال 12 حارس مسلح و زعيم منظمه الفرنشيز الجاسوسيه اللي هو رئيس المخابرات الامريكيه وبعدها هتدخل في مشهد سينيمائي مش عايز احرقهولكم .

http://img128.imageshack.us/img128/5667/asd2vy8.jpg

TrueBlue

21-11-2007, 08:32 AM

هو الفلم حلم ولا وحش

badroz

21-11-2007, 10:51 AM

علي فكره في واحد رابع مرشح للدور :
ياتري حد فيكم يعرف شكل ملامح الشخص المؤدي لصوت HITMAN في الجيم علي مدار الاربع اجزاء ؟
تصوروا ان الراجل اللي بيؤدي الصوت يشبه جدا هيتمان .. اه والله كان مرشح قوي للدور لكن هو رفضه و بشده و هتعرفوا الاسباب في نهايه التقرير !!

http://img208.imageshack.us/img208/6362/davidgk0.jpg

الراجل بدايه اسمه David Bateson و صفحته الشخصيه : http://imdb.com/name/nm0061055/
هو بنفسه قال : ان افضل شخص يرشحه للدور هو (فان ديسيل) لكن شركه فوكس فسخت عقدها معاه مؤخرا بشكل مسئ و اعطوا دور الهيتمان للشاب الحالي و اللي كان ممثل لمسلسلات تليفزيونيه من انتاج نفس الشركه , واعلن ديفيد باتيسون ان شركه فوكس بوجه عام سياستها منحطه و شتمها علي اختيارها الغبي وقال ان اقصي طموحهم لن يزيد عن استغلال اسم الهيتمان و عمل منه 3 افلام تجاريه تافهه علي مدار الكام عام المقبلين , والكلام ده مكتوب في صفحه الفيلم وصفحه ديفيد في موقع ال IMDB !!

GENNI

21-11-2007, 11:19 AM

فين ديزل مش وحش ... هو جسمه كويس و تمثيله مش وحش ... ده غير إنه يشبه الشخصية إلى حد كبير ...

بس المشكلة إن تمثيله واقف إلى حد ما ...
و شخصية أي قاتل مأجور بتحتاج مشاعر ... أنا لا أعتقد إن ديزل يقدر يمثلها لأن وشه جامد جدا من غير أي تعبيرات ... و نبرات صوته ثابتة ...

يعني مثلا ... فاكرين الممثل Jean Renu اللي عمل فيلم Leon ... مع إن انعكاسات وشه كانت باردة شوية إلا إنه قدر يوصل إحساسات أي Hitman محترم ...

لكن فين ديزل .................. إممممم ... أنا مارشحوش ... أو على الأقل مايبقاش أقوى مرشح من نظري ...

badroz

21-11-2007, 11:38 AM

و ادي كمان و احده لفان ديزل :
http://img515.imageshack.us/img515/185/vindieseltorsenulkw9.jpg

عزيزي Genni ليس شرط ان يكون الهيتمان ذو مشاعر او احاسيس انسانيه كبقيه الابطال , و خاصه هو بالذات دون عن غيره , فالمفروض ان العميل 47 هو شخص تم استنساخه في معمل استنساخ غير شرعي برومانيا علي يد جهاز استخبارات اوروبي و تحديداً علي يد دكتور اسمعه اورفمان تقريبا و التجربه كلها فشلت و توفت في خلال 13 شهر من عمر التجربه باستثناء 4 نسخ سليمه العميل 47 هو احد تلك النسخ طبعا و هيقوم بالقضاء علي النسخ الاخري كلهم و قتل الدكتور اورفمان شخصياً خلال اجزاء اللعبه ويكون هذا احد عقوده مع الوكاله التي تعمل علي تهريبه في الجزء الاول خارج المصحه كلها ليعمل لحسابهم , المهم هنا هو الابعاد النفسيه اللي بنكتشفها للهيتمان خلال حياتنا معاه طول اللعبه وهي كالاتي :
1 - هو انسان جاء لعالمنا بلا اب وبلا ام وبلا اي عائله او اقارب
2 - هو انسان لا يعرف معني مصطلحات كالدين او القيم او المبادئ
3- هو انسان تربي في مصحه الاستنساخ منذ طفولته (طفولته العقليه طبعا) علي ابشع و اقسي الطرق للقتل و ازهاق الاوراح , وتربي علي هذا فقط لا غير , فالغرض من التجربه كلها هو استنساخ جيش من القتله الغير مثبوت هويتهم في اي ملف بالعالم
4- رؤيته للحياه فقط من خلال الارقام .. حياه الناس تساوي رقم , حياته هو شخصيا عباره عن رقم !

فكيف بعد كل ذلك نتوقع منه ان يكون له احاسيس و مشاعر ؟ .

basel315585

21-11-2007, 12:50 PM

بالنسبه لموت هيتمان انا شايف انه زي ماقال الكبتن الي فوق خصوصا انها كان ممكن تقتله بالمسدس الي علي الترابيزه
وبعد كدة قلبه كان بيدق بالراحة زي العميل سميث

blood_mony2007@yahoo.com
http://img254.imageshack.us/img254/6881/newslettermainmr7.jpg

حسن شحاتة

21-11-2007, 01:20 PM

يا نهار مش فايت يا جدعان دنا اللعبة لعبتها من سنة وقفلتها ومسحتها على اساس ان هات مان مات فى اخر اللعبة عن طريق البت ودفنة وحطة المسدس علية وخلصت كدة وبتقولى فى الاخر فى فليم سنيمائى يلاهوى على غبائى انا كنت شاكك لانها نهاية غريبة موت هات مان

gamespro

21-11-2007, 04:35 PM

اكيد يا جماعة في خدعة ما ... لان مستحيل ان شركة EIDOS تموت HITMAN وتنهي السلسلة بالسهولة دي ... لان مش معقول توقف سلسلة العاب محققالها مكاسب عالية
وبالنسبة للممثل ... فرغم اعتراضي علية انا بقول نديلة فرصته ونشوف الفيلم وبعد كدة نقيمة ... انا شايف انه مش وحش قوي كدة ...
اما بالنسبة لفان ديزل .. فمع احترامي للجميع .. انا مش مقتنع به ... وانا شايف ان مافيش انسب من Jason Statham للدور دة ... والي بيأكد كلامي انة لعب دور قريب منه قبل كدة ...

MaRo_SaNiN

21-11-2007, 04:52 PM

snake_eater

22-11-2007, 05:07 AM

شكرا على المعلومة وفى انتظار الفيلم

GENNI

22-11-2007, 09:19 AM

يا جماعه انا شفت الفيلم انهارده فى السينما...البطل مش حيموت...

ولا حتى حد كاد انه يقتله...دايما كان عنده حل و مهرب
و دايما مدبر كل حاجه...ففيه خدعه بس انا مش عايز احرق الاحداث عليكم...
و الصراحه الفيلم كان راااااااااااااائع

و نسيت اقول ان ان اللى مثل دور البطل هو Jason Statham ^__^

http://smilies.sofrayt.com/%5E/aiw/blink.gif

فيلم ايه يا باشا اللي شفته ؟!
على حسب الكلام الموجود هنا ... http://www.imdb.com/title/tt0465494/releaseinfo (http://www.imdb.com/title/tt0465494/releaseinfo)
الفيلم أول عرض ليه كان في أمريكا إمبارح ... و مافيش أي حد دخل أصلا اداله Rating ... فمن الواضح إنه لسه ماتعرضش ...

و أنا على حسب معلوماتي مافيش أي نسخ نزلت على الإنترنت ...

ده غير إن الفيلم استحالة يكون بطولة Statham !!!

أرجو توضيح كلامك ... أو تصحيح معلوماتي ...

Sagittar

22-11-2007, 09:45 AM

http://smilies.sofrayt.com/%5E/aiw/blink.gif

فيلم ايه يا باشا اللي شفته ؟!
على حسب الكلام الموجود هنا ... http://www.imdb.com/title/tt0465494/releaseinfo (http://www.imdb.com/title/tt0465494/releaseinfo)
الفيلم أول عرض ليه كان في أمريكا إمبارح ... و مافيش أي حد دخل أصلا اداله Rating ... فمن الواضح إنه لسه ماتعرضش ...

و أنا على حسب معلوماتي مافيش أي نسخ نزلت على الإنترنت ...

ده غير إن الفيلم استحالة يكون بطولة Statham !!!

أرجو توضيح كلامك ... أو تصحيح معلوماتي ...

صباخ الخيـــر أولا يا رامى باشا ..

كلامك مظبوط يا أخى الفيلم لسه نازل الصالات امبارح

و بطولة Timothy Olyphant اللى كان عامل دور الشرير فى اخر جزء Die Hard

GENNI

22-11-2007, 09:49 AM

صباخ الخيـــر أولا يا رامى باشا ..

كلامك مظبوط يا أخى الفيلم لسه نازل الصالات امبارح

و بطولة Timothy Olyphant اللى كان عامل دور الشرير فى اخر جزء Die Hard
حبيب قلبي ...

ما أنا عشان كده مستغرب ...

هو من الواضح إن MaRo_SaNiN كان بيهزر ...
بس الواحد بيحب يتأكد مليون مرة من معلوماته ... لعل و عسى يستفيد أي معلومة ...

حسن شحاتة

22-11-2007, 12:28 PM

امتى بقى هينزل ام الفليم دة انا مستنية على ناااااااااااار

mido-ghost

22-11-2007, 12:40 PM

انا بصراحة بردو مش عاجبني الممثل ده اوي ..
انا والله فعلا كان نفسي Jason Statham هووه اللي يعمل الدور ده ..
كان هيبقي تحفه فعلا .. بس يلا ادينا هنشوف الفيلم وهنحكم عليه ..

maxx_4ever

22-11-2007, 05:38 PM

gamespro

22-11-2007, 08:00 PM

يا جماعة انا نزلت الفيلم والله .... المشكلة كلها اني مش لاقي البرنامج الي بيشغله
التورينت موجود علي www.IsoHunt.com
اكتبو انتم بس كلمة Hitman في السيرش وانتم هتلاقوة
التورينت سريع جداجدا ... بس مازالت مشكلة البرنامج الوحيد الي ممكن يشغلة ... يا ريت الي يلاقي البرنامج يرفعهولنا ... البرنامج اسمة DomPlayer

gamespro

23-11-2007, 05:19 PM

حسن شحاتة

23-11-2007, 09:53 PM

انا يا دوبك لسة مخلص اللعبة دلوقت ... النهاية مؤثرة جدا .. بس ماتخافوش .. هتمان ماماتش ... بدليل ان ديانا قبل ما تقبلة قبلة الوداع حطت حاجة علي شفايفها.. ثم لو تلاحظو ان نبضه كان شغال وهو بينرل الطربة ... ودي انشاء الله هاتبقي بداية الجزء الخامس
ياريت يا مان تقولى نهايتها اية بالضبط لانى قفلتها على النهاية انة مات ونبضات قلبة بتلطلع وتنزل مع انى فى ناس بتقولك هيقوم بعد كدة ويقتل كل الحراس ويجى movie رائع

conx

24-11-2007, 12:28 AM

اخواني الأعزاء
hitman لم يمت في الجزء الرابع وإنما العميله ديانا حقنته بمنوم ولكي تروا النهايه الحقيقيه
اثناء نومه ووجود مؤشر النبض قم بتحريك الماوس بسرعه ستلاحظ ان النبض يزيد حتي يستيقظ و معه المسدسان و الهدف هو قتل كل الموجودين وبعد ذلك الهروب وسوف تشاهد الفيديو الاخير و انه لم يمت
اما العميله اعطته منشط في فمه اثناء تقبيله حتي يستيقظ
منتظر ردودكم

حسن شحاتة

24-11-2007, 12:49 AM

conx

24-11-2007, 05:50 PM

السلام عليكم
شاهد النهايه من هنا (http://www.youtube.com/watch?v=pFmbPjG3A1U)
و ايضا سيتم عمل جزء خامس للعبه وبإمكانك التأكد من هنــــــا (http://www.gamespot.com/pc/action/hitman5/index.html)

™ The Rock

25-11-2007, 03:41 PM

انا شفت الفيلم في سيتي ستارز
فيلم جامد جدا وبامانه الواد الي جايبينه عايش الدور صح
وواضح انه ليه جزء تاني

ابو فهد422

26-11-2007, 02:08 AM

السلام عليكم ورحمة الله وبركاتة
الف شكر على جهودكم المبذولة
http://www.3ddesktops.co.uk/modules/coppermine/albums/New%20Folder/normal_moonlake1.jpg

بعـضي بـنـار الهجر مات حريـقا
و الـبعض أضحـى بالدموع غـريقـا

gamespro

26-11-2007, 03:45 PM

conx

26-11-2007, 05:16 PM

النهاية فعلا زي ما بيقول العضو conx ... والف شكر علي مجهودك
بالنسبة للجزء الخامس من هتمان .. فالخبر اكيد ... فلقد اعلنت شركة Eidos انها سوف تطرح الجزي الخامس والذي يحمل اسم Hitman : Trilogy الي الاسواق في مارس 2008
وباذن الله هوافيكم بكل جديد عن اللعبة ..

اخي العزيز اللعبه ليست إسمها Hitman : Trilogy وهذا الجزء هو عباره عن اجزاء "Blood Money, Silent Assassins, and Contracts" مجمعه معا في أسطوانه و الجزء الخامس إحتمال يكون إسمه "Hitman 5 Hired Gun"
و اما عن موعد الإصدار فلا اعتقد انه سيكون مارس 2008 وذلك لان مواقع الألعاب تكتب TBA 2008 اي ان الشركه لم تحدد موعد الإصدار ولكن مؤكد انه سيتم إصدارها في 2008 وربما تصدر في الربع الرابع من 2008 لان موقع ألعاب ألماني ذكر ذلك و شكرا لكم

gamespro

26-11-2007, 09:19 PM

اخي العزيز اللعبه ليست إسمها Hitman : Trilogy وهذا الجزء هو عباره عن اجزاء "Blood Money, Silent Assassins, and Contracts" مجمعه معا في أسطوانه و الجزء الخامس إحتمال يكون إسمه "Hitman 5 Hired Gun"
و اما عن موعد الإصدار فلا اعتقد انه سيكون مارس 2008 وذلك لان مواقع الألعاب تكتب TBA 2008 اي ان الشركه لم تحدد موعد الإصدار ولكن مؤكد انه سيتم إصدارها في 2008 وربما تصدر في الربع الرابع من 2008 لان موقع ألعاب ألماني ذكر ذلك و شكرا لكم

اولا الف شكر علي ردك .. بس احب اوضح ان كلمة Trilogy معناها بالعربي الثلاثية ... يعني زي ما بتقول فعلا انها مجمعة من الثلاث اجزاء الي فانو ... وانا بنفسي شفت موضوع اللعبة امبارح بالليل علي موقع Eidos وكان مكتوب انها هاتصدر خلال شهر مارس 2008 ...
وادي الصورة الدعائية بتاعة اللعبة ومكتوب عليها Hitman : Trilogy
http://www.toysnjoys.com/usps2/hitmantrilogy.jpg
بس الصراحة انا لسة داخل علي الموقع دلوقت وملاقتش الموضوع موجود ..
بس علس العموم مش هانختلف ... تنزل في مارس تنزل في تكسي مش دي المشكلة ... المهم انها تنزل (:

محمد رافت

26-11-2007, 09:22 PM

هى فعلا نزلت فيلم وبطل الفيلم شكل بطل اللعبه بظبط ومستخدم كل حاجه خاصه بالعبه وخصوصا لبس البطل

gamespro

26-11-2007, 09:35 PM

وادي يا سيدي اللعبة علي IGN
http://pc.ign.com/articles/797/797849p1.html

GENNI

27-11-2007, 10:00 AM

تم نقل المشاركات المحتوية على رابط الفيلم إلى هذا الموضوع (http://www.dvd4arab.com/showthread.php?t=712095) ...

ألف شكر للأخ العزيز al shabah (http://www.dvd4arab.com/member.php?u=464733) على مشاركته ...
نرجو الالتزام بتخصص أقسام المنتدى ...

كما تم تعديل اسم الموضوع ليكون "لعبة Hitman بقت فيلم يا جدعااااااااااااااااان !!!!!" بدلا من "لعبة Htman بقت فيلم يا جدعااااااااااااااااان !!!!!" ... و ذلك حتى لا يؤثر هذا الخطأ الغير مقصود على شكل الموضوع ...

كما تم تثبيت الموضوع لمدة 3 أيام نظرا لاحتوائه على مناقشات مثمرة ...
تحياتي لجميع المشاركين في الموضوع ...

memo lovely

27-11-2007, 01:40 PM

السلامو عليكم ورحمة الله وبركاته

يا جماعة بالنسبة لممثل الفلم فا عايز اقولكو بجد ان هو بجد بجد الفلم مش هيليق الا عليه

انا دخلت الفلم سينما واتفرجت عليه الفلم تقيمى لييه بجد اكثر من ممتااز

والممثل بجد والله قام بالدور بطريقة اكثر من ممتازة

عمتا الفلم نزل صورة كام اى حد يحمله ويشووف

alaaghost

27-11-2007, 03:01 PM

شكراً على الموضوع

gamespro

27-11-2007, 09:34 PM

الف شكر للعضو GENNI مشرف منتدي الالعاب علي تثبيت الموضوع ... وشكرا علي التعديلات الاملائية .. وربنا يفقنا جميعا علي خدمة المنتدي الحبيب

I-IEMA012

27-11-2007, 10:58 PM

و على رأي واحد صاحبي ... غالبا لو اتدور هاتلاقوا الختم بتاع Code47 على قفاه !!! http://www.dvd4arab.com/images/icons/icon10.gif

ههههههههههههههههههههههههههه

انا فضلت اضحك على الحته دى فتتتترة !!
ايه يا عم , انت مصاحب احمد حلمى :jap:

فعلا الفيلم ده انا سمعت عنه من فترة و اول ما سمعت عنه
اول و آخر واحد جه فى بالى هو Jason Statham

بس تقريبا المنتجين استرخصوا و قالوا يجيبوا واحد مش معروف !!

حسن شحاتة

28-11-2007, 12:04 AM

يا جماعة مش المممثل دة هوة هوة اللى عمل الفليم بتاع ريال مديد

hitman47

28-11-2007, 05:01 PM

السلام عليكم و رحمة الله و بركاته ...

بما انى واحد من اشد عشاق سلسلة Hitman فحبيت اشارككم برايي المتواضع

انا روحت فيلم Hitman فى السينما يوم الاحد اللى فات ...

و احب اقولكم انى بصراحة اصبت بخيبة امل رهيبة فى الفيلم لعدة اسباب ....

1- الممثل اللى قام بالدور Timothy Olyphant بعيد الشبه عن Hitman47 تماما رغم المكياج و المؤثرات السينمائية اللى حاولت تقرب شكله من Hitman ... ده بالاضافة انك هتحس من طريقة مشيه فى الفيلم و طريقة كلامه ..كانه فى لعبة Video game مش فيلم .

مش بس انا اللى اصبت بالاحباط بسبب اختيار Timothy Olyphant لكن كل المعجبين بسلسلة Hitman جالهم نفس الشعور ... و ده لان شركة Fox من سنتين اول ما عملت عقد مع Eidos و اتفقوا على تحويل اللعبة لفيلم ...
عملوا تصويت عشان الناس تقول مين فى رايها اكتر واحد هيصلح لدور Hitman47

و كانت اغلب الاصوات تصب فى مصلحة David Bateson

و بالنسبة للى ميعرفش مين David Bateson فهو الشخصية اللى اصلا لعبة Hitman مستلهمة منها ..

ده بالاضافة انه الشخص اللى كان بيؤدى صوت Hitman بالفعل فى اللعبة و على فكرة ده ممثل مشهور و ليه اعمال كتير جدا (( زى RoboCop ))

و دى صورة ليه

http://img49.imageshack.us/img49/3575/hitmanvp4.jpg

و ده كمان فيديو ليه فى مشهد من فيلم كان بيقوم فيه بدور Hitman (( مش 47 ))

http://www.youtube.com/watch?v=CoTzKbQ1jVU

الصوت و الشكل بينادى عليه و بيقول هو Hitman ...

2- اختيار الشخصية كان اول احباط ليا فى الفيلم ... اما تانى احباط ... فهو التشويه التام لقصة اللعبة فى الفيلم ..
فكل اللى لعب اللعبة عارف ان Hitman عبارة انسان تمت صناعته فى المعمل بدمج ال DNA لكل الصفات اللى تجعله القاتل المثالى .. ثم تم استنساخه و عمل Hitmen كل واحد بكود مكتوب على راسه ...

اما فى الفيلم ... فتم الغاء الجزء ده تماما ... و Hitman اصبح طفل يتيم اخذته ال Agency و ربته و دربته على كل وسائل القتال و القتل و التدمير ... و كل Hitmen عبارة عن ايتام او اطفال تائهين الوكالة بتخدهم و هما صغيرين و تربيهم ...

تخيلوا ان فى الفيلم واحد من ال Hitmen عنده 50 سنة ... و واحد تانى لونه اسود :oh:

اللعبة اساسها المستنسخين ... الفيلم لغى الفكرة دى ... و بالتالى بقى قصة تانية غير Hitman47

3- اما الحاجات التانية اللى احبطتنى .. فهو تهميش او الغاء دور ديانا ... فديانا مظهرتش غير مرة واحدة طول الفيلم و ظهرت بصوتها لما اتصلت بيه ع التليفون لمدة 15 ثانية ..

15 ثانية فقط هو عمر ديانا فى الفيلم ....

ده بالاضافة ان الفيلم تجاهل تماما نشأة Hitman و الدكتور اللى صنعه و دخل مباشرة فى الاحداث .

4- و الصدمة الاخيرة ان Hitman هيتعلق عاطفيا بالفتاة الروسية Nika (( هيتمان اللى بدون مشاعر او احاسيس بيحب :31: ))

فى النهاية عشان مظلمش الفيلم ... لو انت مش من عشاق لعبة Hitman فقبل ما تشوف الفيلم اعتبر نفسك بتتفرج على فيلم ملوش علاقة باللعبة ...

لانه من ناحية فيلم اكشن و قصة ... فهو فيلم جيد جدا لكنه مش قصة Hitman Code Name 47

hitman47

28-11-2007, 05:08 PM

و بالنسبة للتعليقات اللى رشحت Van Diesl او Jason Statham

فدى برضه كانت من ترشيحات المعجبين لما عملت التصويت ...

فالاتنين دول برضه ارحم بكتير من Timothy Olyphant

Jason Statham

http://erichasslen.googlepages.com/statham_hitman.jpg

و دى صورة ل Van Diesel واحد تخيله و هو بيقوم بدور Hitman

http://img.photobucket.com/albums/v38/savagepenguin/hitman-1.jpg

كل دول شبه Hitman (( و احسنهم طبعا هو David Bateson ))

لكن ده

http://img510.imageshack.us/img510/796/olyphanthitmanva5.jpg

مينفعش خالص يبقى هو Hitman ... مينفعش اصلا فى ادوار القاتل المأجور :thumbdown:

GENNI

28-11-2007, 05:26 PM

لكن ده
http://img510.imageshack.us/img510/796/olyphanthitmanva5.jpg

مينفعش خالص يبقى هو Hitman ... مينفعش اصلا فى ادوار القاتل المأجور :thumbdown:

حبيب قلبي ... واحشني جدااااااااااااااا من زمان ...

الصورة دي تحفة ... أنت خدت بالك من اللي مكتوب على تيشيرت البنت ؟!

للي مالهمش في العنجليزي ... مكتوب "الرجال مناسبون تماما لوظيفة الحيوان المدلل" !!!!
و الأخ فرحان قوي إنه بيتصور معاها !!!
http://smilies.sofrayt.com/%5E/aiw/biggrin.gif

gamespro

28-11-2007, 08:19 PM

و بالنسبة للتعليقات اللى رشحت Van Diesl او Jason Statham

فدى برضه كانت من ترشيحات المعجبين لما عملت التصويت ...

فالاتنين دول برضه ارحم بكتير من Timothy Olyphant

Jason Statham

http://erichasslen.googlepages.com/statham_hitman.jpg

لاكن ده
http://img510.imageshack.us/img510/796/olyphanthitmanva5.jpg

مينفعش خالص يبقى هو Hitman ... مينفعش اصلا فى ادوار القاتل المأجور :thumbdown:

انا معاك في ان David Bateson يترشح للدور .... انما Van Diesl ..... مش مقتنع بية نهائي ...
وبالنسبة لاحاسيس ومشاعر Hitman .. فانا اعتقد انه عنده مايكفي منها عشان يحب ... والي يأيد كلامي سلوكة في الجزء الثاني من اللعبة مع الاسيس الي كان مستخبي عندة ... ومشهد الاعتراف الي كان بيحكيله فية عن تاريخة السود ....
اما بالنسبة للتغيير في قصة الفيلم فده طبيعي .. وميقلش من حلاوة الفيلم في حاجة .. والموضوع دة اتعمل قبل كدة في فيلم doom الي كان متاخد من لعبة Doom3 ... والفيلم نجح جدا وكان مية مية

hitman47

29-11-2007, 12:33 AM

حبيب قلبي ... واحشني جدااااااااااااااا من زمان ...

الصورة دي تحفة ... أنت خدت بالك من اللي مكتوب على تيشيرت البنت ؟!

للي مالهمش في العنجليزي ... مكتوب "الرجال مناسبون تماما لوظيفة الحيوان المدلل" !!!!
و الأخ فرحان قوي إنه بيتصور معاها !!!
http://smilies.sofrayt.com/%5E/aiw/biggrin.gif

انت واحشنى اكتر والله يا باشا:jap:

hitman47

29-11-2007, 12:45 AM

انا معاك في ان David Bateson يترشح للدور .... انما Van Diesl ..... مش مقتنع بية نهائي ...
وبالنسبة لاحاسيس ومشاعر Hitman .. فانا اعتقد انه عنده مايكفي منها عشان يحب ... والي يأيد كلامي سلوكة في الجزء الثاني من اللعبة مع الاسيس الي كان مستخبي عندة ... ومشهد الاعتراف الي كان بيحكيله فية عن تاريخة السود ....
اما بالنسبة للتغيير في قصة الفيلم فده طبيعي .. وميقلش من حلاوة الفيلم في حاجة .. والموضوع دة اتعمل قبل كدة في فيلم doom الي كان متاخد من لعبة Doom3 ... والفيلم نجح جدا وكان مية مية

يا راجل حرام عليك :oh:

بقى Doom3 الفيلم نجح جدا !!!!!!!!!

ده مصنف كاكتر الافلام الفاشلة اللى اتحولت من لعبة ...

و بعيدا عن Doom3 ...

انا مقلتش ان فيلم Hitman وحش ...

انا قلت انه كان مخيب لامال عشاق Hitman للاسباب اللى ذكرتها ...

و ممكن يغير فى القصة عادى لكن ميغيرش فى محور و اساس القصة ...

يعنى مثلا Tomb raider و Mortal Combat و Sielnt Hill و Resident Evil
كلهم افلام متاخدة من العاب ...

قصتهم مش زى اللعبة بالظبط لان لازم تضيف حبكة درامية و عقدة و حل و تشويق و اثارة و الكلام ده ..

بس مينفعش مثلا تخلى LaraCroft فتاة شوارع و متربية فى حوارى و هى فى اللعبة كانت عايشة فى قصر ..

ده اللى اقصده ...

مينفعش تغير المحور اللى اللعبة مبنية عليه ...

لان الفيلم المفروض انه معتمد على شعبية و جماهيرية اللعبة ...

فلازم هتحصل مقارنة بين اللعبة و الفيلم ...

لكن زى ما قلت قبل كده ...

اصحابى اللى ميعرفوش حاجة عن لعبة Hitman

عجبهم الفيلم كقصة و فيلم اكشن ...

GENNI

29-11-2007, 09:31 AM

يا راجل حرام عليك :oh:

بقى Doom3 الفيلم نجح جدا !!!!!!!!!

ده مصنف كاكتر الافلام الفاشلة اللى اتحولت من لعبة ...

http://smilies.sofrayt.com/%5E/aiw/yes.gif
فعلا يا معلم ... الفيلم كان فاشل فشل ذريع ...
يمكن هو كان فيه شوية أكشن مش وحشين ... لكن مافيش قصة تقريبا ... و الوحوش كان تصميمها تعبان جدا ...
http://www.imdb.com/title/tt0419706/ (http://www.imdb.com/title/tt0419706/)
يمكن هو معظم الناس بتقول عليه وحش عشان كانت متوقعة حاجة أفضل من كده بكتيييييييييير ...

على فكرة يا جماعة ... الموضوع ده بقى من أكتر المواضيع اللي باحبها و باخش أتابعها كل يوم ... أسلوب الحوار أكتر من ممتاز ...
و من الواضح إن كل الناس اللي اتكلمت في الموضوع ناس فاهمة كويس و بتتكلم بفكر مش بتقول أي كلام ...

تحية مرة تانية لكل المشاركين في الموضوع ...

MaRo_SaNiN

29-11-2007, 09:40 AM

http://smilies.sofrayt.com/%5E/aiw/blink.gif

فيلم ايه يا باشا اللي شفته ؟!
على حسب الكلام الموجود هنا ... http://www.imdb.com/title/tt0465494/releaseinfo (http://www.imdb.com/title/tt0465494/releaseinfo)
الفيلم أول عرض ليه كان في أمريكا إمبارح ... و مافيش أي حد دخل أصلا اداله Rating ... فمن الواضح إنه لسه ماتعرضش ...

و أنا على حسب معلوماتي مافيش أي نسخ نزلت على الإنترنت ...

ده غير إن الفيلم استحالة يكون بطولة Statham !!!

أرجو توضيح كلامك ... أو تصحيح معلوماتي ...

اسف على التاخير فى الرد

يااستاذى اتأكد انت قبل ما تكلم... معاد نزول الفيلم فى امريكا هو نفسه معاد نزول الفيلم فى مصر
لو عايز تتأكد بنفسك روح سينما امير فى محطة الرمل فى اسكندريه و قولهم الفيلم نزل امتى...او اتأكد من مواعيد النزول فى حتى الموقع الاساسي بتاعهhttp://www.hitmanmovie.com/international/index.php
حتلاقي ان التاريخ فى اميركا نفسه تاريخ النزول فى مصر

The Legend Rock

29-11-2007, 11:09 AM

شكلو الفلم جميل جدا

hitman47

29-11-2007, 12:35 PM

اسف على التاخير فى الرد

يااستاذى اتأكد انت قبل ما تكلم... معاد نزول الفيلم فى امريكا هو نفسه معاد نزول الفيلم فى مصر
لو عايز تتأكد بنفسك روح سينما امير فى محطة الرمل فى اسكندريه و قولهم الفيلم نزل امتى...او اتأكد من مواعيد النزول فى حتى الموقع الاساسي بتاعهhttp://www.hitmanmovie.com/international/index.php
حتلاقي ان التاريخ فى اميركا نفسه تاريخ النزول فى مصر

انا مش عارف اذا كنت حضرتك روحت فعلا الفيلم فى نفس يوم نزوله ولا لأ ...

بس الفيلم مش من بطولة Jason Statham زى ما انت قلت فى مشاركتك السابقة ...

ولا الفيلم فيه خدعة فى الاخر زى ما انت قلت فى مشاركتك السابقة ....

maxx_4ever

29-11-2007, 03:29 PM

for every one this trailer is a fan made and they made it for jason statham cutting the scenes from his movies which cope with the trailler and it is very good trailler

every one click here and view it from the Youtube
HitMan Jason Stathm (http://es.youtube.com/watch?v=5NlChhzHjrs)

انا عايز رأيكوا في الاعلان ده لانه جامد جدا اعلان لفيلم hitman بس علي اساس ان Jason Statham هو البطل بتاع الفيلم

NaRiNiA

29-11-2007, 03:58 PM

انا نزلت الفيلم ولسه هتفرج عليه

gamespro

30-11-2007, 01:54 PM

يا راجل حرام عليك :oh:

بقى Doom3 الفيلم نجح جدا !!!!!!!!!

ده مصنف كاكتر الافلام الفاشلة اللى اتحولت من لعبة ...

و بعيدا عن Doom3 ...

انا مقلتش ان فيلم Hitman وحش ...

يا باشا انا ماقصدش نجاح فيلم Doom من الناحية الفنية او رائي النقاد عنة ... انا اقصد اني لما شفت الفيلم مع تغيير الاحداث الي كانت في اللعبة ماحستشي لحظة ان الفيلم حاجة واللعبة حاجة تانية ... دة النجاح الي انا اقصدة ...
علي العموم .. انا مش مختلف معاك ان حصل لعب جوهري في مسار قصة Hitman ... بس انا شايف ان دة كان مقصود علشان يخلو الناس ماتستغربش اوي لما هتمان يقع في حب البنت الروسية ... علي اعتبار انة مش الة صماء ... لا دة انسان وعنده مشاعر واحاسيس .. انما لو كان مستنسخ ... يمكن الناس كانت اعترضت علي موضوع الحب دة

وفي النهاية انا سعيد جدا بالموضوع دة ... لانه فتح ابواب حوار جيدة وخلاني اتعرف علي اراء كتير وناس بتعبر عن ارائها بشكل محترم :2:

hitman47

30-11-2007, 06:49 PM

يا باشا انا ماقصدش نجاح فيلم Doom من الناحية الفنية او رائي النقاد عنة ... انا اقصد اني لما شفت الفيلم مع تغيير الاحداث الي كانت في اللعبة ماحستشي لحظة ان الفيلم حاجة واللعبة حاجة تانية ... دة النجاح الي انا اقصدة ...
علي العموم .. انا مش مختلف معاك ان حصل لعب جوهري في مسار قصة Hitman ... بس انا شايف ان دة كان مقصود علشان يخلو الناس ماتستغربش اوي لما هتمان يقع في حب البنت الروسية ... علي اعتبار انة مش الة صماء ... لا دة انسان وعنده مشاعر واحاسيس .. انما لو كان مستنسخ ... يمكن الناس كانت اعترضت علي موضوع الحب دة

وفي النهاية انا سعيد جدا بالموضوع دة ... لانه فتح ابواب حوار جيدة وخلاني اتعرف علي اراء كتير وناس بتعبر عن ارائها بشكل محترم :2:

انا اسعد والله بالحوار ده ...

بس ملحوظة بسيطة ... هيتمان فى الفيلم مكنش بيحب Nika كعلاقة رومانسية ..

بدليل انه صدها لما حولت تغريه لممارسة علاقة جسدية (( مقطوعة فى السينما دى :jap: ))

علاقة Hitman ب Nika اقرب لعلاقة Leon فى فيلم The Professional بالبنت اللى معاه Matilda ...

اشبه بعلاقة اب لبنته اكتر منها علاقة حب رجل لانثى

و تعقيبا على كلامك ... الفيلم فعلا جميل جدا بس انا كل اللى قلته انه ماشبعش امال المعجبين بسلسلة هيتمان بالمستوى اللى كانوا يتمنوه ...

™StabiliTy

30-11-2007, 09:30 PM

انا بقى هاقول رأى عكس الكل

و لا واحد من كل اللى اتقلو دول كانو ينفع

من رأيى الشخصى-مع كل الحترام لكل الاراء- ان الفيلم كان محتاج ممثل مش مشهور اولا
خصوصا الممثل اللى بيعمل الفيلم نفسه Babyface أوىىىى

ثانيا يبقى Typical من hitman اللعبة عشان يربطو اللعبة بافيلم ويحطو انطباع الممثل على اللعبة يعنى مثلا الممثل اللى عمل Aragorn ى التحفة Lord of the rings لو شفته ما تقدرش تقول غير انه Aragorn و لا نعرف اسمه حتى على اساس انه مش هوليوودى
كان المفروض Hitman يبقى نفس النظام

ثانيا حكاية الخروج عن قصة اللعبة دة هيقتل الفيلم تماما وهما دفتو بايديهم الجزء التانى والتالت لو ناويين يعملوهم

gamespro

01-12-2007, 07:44 PM

انا بقى هاقول رأى عكس الكل

ثانيا يبقى Typical من hitman اللعبة عشان يربطو اللعبة بافيلم ويحطو انطباع الممثل على اللعبة يعنى مثلا الممثل اللى عمل Aragorn ى التحفة Lord of the rings لو شفته ما تقدرش تقول غير انه Aragorn و لا نعرف اسمه حتى على اساس انه مش هوليوودى
كان المفروض Hitman يبقى نفس النظام

ثانيا حكاية الخروج عن قصة اللعبة دة هيقتل الفيلم تماما وهما دفتو بايديهم الجزء التانى والتالت لو ناويين يعملوهم

والله كلامك مقنع ... بس والله يا جماعة الممثل عامل الدور مية مية ... اينعم كان في الي هايعمله افضل ... بس هو مش وحش
وبيتهيأ لي ان نفس الوضع حصل مع الممثل الي عمل سلسلة افلام ٍSpider man .. الممثل دة برضو كان ممثل تلفزيوني ... ولما عمل الجزء الاول من الفيلم سعرة رفع وادائة بقي اعلي في الاجزاء الي جات بعد كدة ..
وانا اعتقد ان نفس الحكاية هاتحصل مع الاخ هتمان الجديد

™StabiliTy

01-12-2007, 10:11 PM

والله كلامك مقنع ... بس والله يا جماعة الممثل عامل الدور مية مية ... اينعم كان في الي هايعمله افضل ... بس هو مش وحش
وبيتهيأ لي ان نفس الوضع حصل مع الممثل الي عمل سلسلة افلام ٍSpider man .. الممثل دة برضو كان ممثل تلفزيوني ... ولما عمل الجزء الاول من الفيلم سعرة رفع وادائة بقي اعلي في الاجزاء الي جات بعد كدة ..
وانا اعتقد ان نفس الحكاية هاتحصل مع الاخ هتمان الجديد

بس ايه رأيك لو كانو جابو ممثل ليه نفس الملامح الباردة بتاعة Hitman اللعبة و يكون نسخته فى الشكل و الجسم

مش كان الوضع هيتقلب 180 درجة و يا سلام لو مشى على ال storyline بتاعة اللعبة كان هيكسر الدنيا

gamespro

02-12-2007, 02:07 PM

علي فكرة في ممثل تاني اخويا الصغير بيقول انة ممكن يعمل Hitman ممتاز ... وطبعا احنا كلنا عرفينة ... بروس ويلز ..
http://img66.imageshack.us/img66/461/46794099xm4.jpg

http://img49.imageshack.us/img49/4981/41710532oe6.jpg

انتم اية رايكم ... انا شايف انة ينفع بردة

lord_mido118

02-12-2007, 02:37 PM

hitman47

03-12-2007, 12:10 AM

كان زمان لكن دلوقتى لأ طبعا
بروس ويلز عجز جدا .. دع عنده فوق الـ 50 دلوقتى ..

+1

لا سنه ولا جسمه ينفع خالص لدور هيتمان دلوقتى

gamespro

03-12-2007, 02:17 PM

اوافقكم الرئي .... انا بردة قلت لاخويا كدة ... :)

MaRo_SaNiN

08-12-2007, 11:28 PM

انا مش عارف اذا كنت حضرتك روحت فعلا الفيلم فى نفس يوم نزوله ولا لأ ...

بس الفيلم مش من بطولة Jason Statham زى ما انت قلت فى مشاركتك السابقة ...

ولا الفيلم فيه خدعة فى الاخر زى ما انت قلت فى مشاركتك السابقة ....

[SIZE="3"]مش مهم تصدقنى...انا قولت كدا و لو محدش مصدق مش مشكلتى...بالنسبة للخدعه انا اقصد لما جابلهم جثة شبيه فى النهايه و زيادة على ان البطل ما ماتش فى النهايه برضوا زى ما انا قلت...اما عن اسامي الممثلين فبصراحه هى غلطتى لانى بصراحه مش عارف اسامي ممثلين خالص ×__× بس اللى فهمتوا من كلام الشباب فى الاول ان اسم البطل هو ده ×__×