دعوه لمقاطعه Call Of Duty 4

[rot@na]

بدايتا فى حد مصرىاو عربى يقدر يلعب بجندى امريكى ويخش على العباسيه ويموت كل المصريين
ثم ايه القصه العبيطه دى ال حيطلعو من العراق منتصرين ده بعدهم
وال ايه النظام المصرى ديكتاتورى وعايزين يشيلو بالقوه مستحيل انى العب لعبه اشيل فيها سلاح واضرب اخواتى واصحابى واهلى دى بلدى يا ناس وانا بحبها وبحب النظام فيها بمميزاته وعيوبه محدش يقول دى لعبه وادينا بنتسلى ده تخطيط مدروس وحرب نفسيه بتهيى العالم لان مصر نظامها ديكتاتورى وتهى العالم لحرب على مصر حرب حقيقيه متنسوش لعبه ديزر ستورم وجنرال كانت على العراق قبل ميدخلوها عايزين يخربو مصر زى ما عملو فى العراق لاكن ده بعدهم
ولذالك ادعو كل الاعضاء اللى عايز يحمل يقاطع اللعبه واللى بيحملها يوقف التحميل ومنقولش دى لعبه وادينا بنتسلى لا كل شى له حدود

[ahm85]

كلامك سليم يا غالي و فعلا دي تهيئة نفسية للعالم عشان لما حاجة زي كده تحصل يبقى احساس الناس ان هما الخير و احنا الشر.

و لكن رايي ان اللعبة مش معمولة عشان تخدم الغرض ده و لكن مطورينها بيتوقعوا الاحداث فقط.

و شكرا للتنبيه ..

[maldini_italy]

انا برده بتوقع انهم بيتوقعوا الاحداث وانا عن نفسي مش بحب اللعبه دي الحمد لله يارب شل ايدي من صنعوا تلك اللعبه

[Cairo]

علي فكرة اللعبه مش في مصر خالص

[mamdoh_22]

ممكن حد ياجماعه يقلنا الكلام ده صح واللعبه فيها عك ولا لا عشان نعرف ومنزلهش

[abdulkhaleq]

بصراحة انا سمعت عن اللعبة برضه وكلامك سليم 100% , ,ياريت محبين الالعاب مايلعبوهاش ويقاطعوها , دي بداية حرب نفسية
قال ييجوا مصر قال , بيحلموا دول وللا ايه !!!!

[Islamyator]

فعلا اللى انت بتقول دة صح وانا معاك
بسس انا هلعب اللعبة عشان ادور علية وهقتلة
اكيد عرفينة النحس اللى اتفرج على ماتش الاهلى

[♥♫CarPoη♫♥]

انا برده بتوقع انهم بيتوقعوا الاحداث وانا عن نفسي مش بحب اللعبه دي الحمد لله يارب شل ايدي من صنعوا تلك اللعبه

[rot@na]

علي فكرة اللعبه مش في مصر خالص
ممكن حد ياجماعه يقلنا الكلام ده صح واللعبه فيها عك ولا لا عشان نعرف ومنزلهش


على اى اساس جبت الكلام ده اللعبه فى مصر وايران وروسيا وده اللى قاله الرايس الروسى عنها http://de.youtube.com/watch?v=Ddg7reIOjL0
اما اللى بيسال عن المعلومات دى صحيحه ولا لا انا قريت عن المعلومات دى فى اكثر من منتدى وده موضوع فى منتدانا بيتكلم عنها
http://dvd4arab.com/showthread.php?t=571465

[hanymoslem]

نخلينا واقعين لو قاطعنا اللعبة ده هيضرهم فى ايه احنا مبنشتريش حاجة اصلية وكله بنخده متكرك من عالنت يعنى من الاخر مش هتأثر فيهم مقاطعتك او لعبك للعبة عالعموم انا الحمد لله كل لعبة نزلت من اول شهر 1كتوبر 2007 مش بتشتغل عندى عشان جهازى بقى دقة قديمة زى ما بيقولو ههههههههههههههه

[aymon2222]

كلامك سليم100%

[AMON2]

يا عم دى لعبة وممتعة كمان وبعدين احنا مش بنشترى بفلوس بنزل من على النت

[kokoeffect]

يا شباب .. اللعبه في الاول اثناء ما كانت بتتعمل كان في كلام انها تكون في مصر .. وعلشان كده كلنا شوفنا الصور اللي شوفنها بتاعة العباسيه وخلافه ..

اما بعد كده شالو مصر وخلوها في العراق ده حتي نتيجه ان هما معرفوش يروحو العراق جابو مناظر من لبيا وقالوا عليها العراق .. وعلشان كده الرئيس معمر القذافي في احد المؤتمرات اتكلم عن الموضوع ده .. واحتج علي اللعبه .. وقال حتي حاجه غريبه قوي انا مش فهمها لحد دلوقتي قال انه مش هيدي call of duty 4 اي rating .. مش عارف انا rate ايه اللي هيدي ليها وهييدليها فين بالظبط .. واكيد معظمكم شاف الفديوا ده .. بس المشكله ان في كلام بزيئ شويه فمش هينفع ارفعه

نيجي بقي لقصة اللعبه واسلوبها .. اللعبه القصه بتعتها حلوه جدا .. ومفهاش اي مساس بالاديان او القدسيه او اي شئ من قبل ذلك وانا تقريبا فضلي فيها مرحله واحده ولحد دلوقتي محصلش اي استخفاف في الجوانب الدينيه ..

واخر حاجه اتمني ياجماعه انكم تركزوا فيها ومتفكروش فيها بحساسيه لانها واقع علينا ...

وهي ان العراق فعلا فيها حرب من قبل امريكا .. وذي ما هما جسدوا الحرب العالميه التانيه لحد ما شبعنا منها من حقهم برضه ان هما يجسدوا الحروب الجديده لان ده واقع فعلي .. ومدام محدش قل ادبه يبقي ايه المانع ..

وفوق كده لو هتقولو يعني ينفع اني العب بجندي امريكي واقتل بيه واحد عربي .. هقولك .. طيب ما اللعبه مش عن العرب بس وفيها دول تانيه .. يعني معني كده ان الروس برضه مش هيلعبوا اللعبه دي و يبقي كده كل لعبه هتتعمل عن بلد صحاب البلد دي ميلعبوهاش .انا معاكم طبعا لو مثلا في حجات ذي مثلا ذكر اسم الله او ذكر ايات من القرءان اثناء القتال . وانت عليك تموتهم يبقي فعلا ده اللي اسموا استفذاذ .. انما اللعبه مفهاش اي حاجه من دي . والكلام العربي حتي كله عادي .ده حتي مش عارفين يكتبوا .فياريت يا شباب تفكروا في الموضوع بموضوعيه وانتوا هتلاقوا انه شئ عادي مش مستفز

[Sagittar]

علي فكرة اللعبه مش في مصر خالص

كلامك مظبوط جدا يا أحمد أنا معاك ..

على اى اساس جبت الكلام ده اللعبه فى مصر وايران وروسيا وده اللى قاله الرايس الروسى عنها http://de.youtube.com/watch?v=Ddg7reIOjL0
اما اللى بيسال عن المعلومات دى صحيحه ولا لا انا قريت عن المعلومات دى فى اكثر من منتدى وده موضوع فى منتدانا بيتكلم عنها
http://dvd4arab.com/showthread.php?t=571465

أولا يا أخى محدش عارف الكلام المترجم ده صحيح و لا لأ
ثانيا حتى لو صحيح ، الرجل بيتكلم على روسيا فقط مش على مصر خالص
ثالتا بقه أنا خلصت اللعبه امبارح و مصر مش فى اللعبه خالص خالص
العراق هى اللي فى الموضوع و مفيش اى اهانه لأى دين فى اللعبه نهائى ..
فياريت بس كل واحد يتأكد من كلامه كويس يا رجاله خصوصا ان كلمة العباسيه اللى كانت في اعلان اللعبه اتشالت من النسخه النهائيه..
و على فكره اللعبه رائعه جداااا ...

[loai44]

انا معاااااااااااااااااااااااااااااااااااك برضه بس نسيت الموضوع ده وحملتها وصعبان عليا ال 2 جيجا ونص اللى حملتهم ياريتك كنت كتبت الموضوع بدرى شوية

[Brad Pitt III]

واحد بيقول اللعبة فى مصر والثانى بيقول لا
طيب نصدق مين ؟؟؟؟؟؟؟
كمان ياعم دى فى الاول وفى الاخر لعبة وطالما مافيش اى اسائه لاى دين يبقى خلاص
كمان متنساش ان لعبة زى Igi 2 كان فيها اكثر من كده ومحصلش عليها اى ضجه خالص
بأختصار لو اللعبة مافيهاش اى اساءه لاى دين فلعنة الله على من صنعها اما غير ذلك فهيا لعبة ..
شكرا

[إنًسَانِ]

ومدام محدش قل ادبه يبقي ايه المانع

لاحول ولا قوة الا ب الله

امال الي بيحصل ده اسمه ايه يا استاذ

والله لو كان عندك استعداد تمسك سلاح وتضرب واحد في العراق او الفراق

او اي مصيبة سوداء يبقي عليه العوض ومنه العوض

((اللهم ام اجعل في تقدمهم وتطورهم خير للأ سلام والمسلمين))

[rot@na]

عموما لو مكنتش اللعبه فى مصر على كلام اللى لعبوها اللى يضرب عربى مسلم ده شئ غلط انا كرهت ديزر ستورم لمجرد انى بقتل عراقيين مش اكتر
وهما بيشبهو نفسهم فى الالعاب انهم احسن ناس وانهم هما الصح واخرها شوف وارلد ان كونفلكت هما ياعينى مظلومين وروسيا بتهجم عليهم يا حرام واعدين يدافعو عن نفسهم صعبو عليا والله
وارجع واقول فى الاخر هما اصحاب التكنولوجيا يعنى احنا مجرد متفرجين او لاعيبه مش اكتر

[Programing®Addict]

لاحول ولا قوة الا ب الله

امال الي بيحصل ده اسمه ايه يا استاذ

والله لو كان عندك استعداد تمسك سلاح وتضرب واحد في العراق او الفراق

او اي مصيبة سوداء يبقي عليه العوض ومنه العوض

((اللهم ام اجعل في تقدمهم وتطورهم خير للأ سلام والمسلمين))
ياباشا منتا ضربتهم في حرب الكويت ولا مكنوش مسلمين ياجماعه دا واقع وبلاش نخش في ابعاد سياسيه بحته
ونقول ان فعلا في ناس بتسؤ السمعه وفعلا هما ليهم القتل بس اولا واخيرا يعني دا لعبه بتجسد واقع وبالنسبه للعبه
هي فعلا في اجزاء من مصر وصدقوني انا مش عارف هما حاطينها ليه وانا شايف انها غلطه اصلا في سيناريو اللعبه مش اكتر والي لعب اللعبه وفهمها هايصدق كلامي...

[GENNI]

حتى لا يتطور الموضوع ...
برجاء عدم إدخال السياسة نهائيا في المناقشات حول الألعاب ...

نظن أن كل الآراء قد قيلت ... و قد عرف الجميع ماهية اللعبة ...

اللعبة أمامكم على الإنترنت أو لدى أصحابكم ... من يريد أن يلعبها فليقم بتحميلها من على الإنترنت أو ينقلها من أصدقائه ... من لا يريد أن يلعبها فلا يعرها اهتماما و ليفتح لعبة أخرى ... و أعتقد أن Cod4 ليست هي اللعبة الوحيدة الموجودة !!
الموضوع بسيط و لا يحتاج لعبارات "أنتم المخطئون .... لا بل أنتم"

أكرر الطلب مرة أخرى ...
برجاء عدم المساس بأي شعب أو دين حتى لا يتطور الموضوع و يدخل في أبعاد سياسية ...
لم يتم حذف أي جزء من الردود السابقة احتراما للمناقشة ... و لكن سيتم حذف أي رد قادم يمس بالسياسة ...

تحياتي للجميع ...
و شكرا لصاحب الموضوع على التنبيه ...

[magoo_2005]

لا يا جماعة اللعبة فى مصر وحتى انا شوفتلها فيدو على اليوتوب واحد لعب اللعبة ومسجل الفيديو من داخل اللعبة
وكان المنظر شارع الارسطروراط وشارع العباسية انا مش عارف اكتب الارسطوراط هههههههههههههههههههههههههه
بس دة عادى دة توقع
يعمى انا مثل لو هعمل لعبة هعمل لعبة ان امريكا بتارحب مصر مع انى مصرى بس دة الواقع
وحكاية ديكتاتورية فا دية اشتغالة زى بتاعت العراق يعنى هيقولو هنحارب مصر علشان بيتجرووو فى الملابس الحريمى (:

اما عن المقاطعة فا دة هقاطع لو مثلا بيمسو حاجة فى الدين كرامة المصرين وبعدين دة كلوة لو بشترى النسخة الاصلية دة بالعكس دانا لو لعبتها هبقا بضروووهم

بس هى الصراحة بعيد عن مصر والعراق ودمنهور لعبة تحفة ان شاء الله كمان 5 سنين لما اجمع جهاز اطلع بية المريخ ابقا العبهاااا

[sub_zero2100]

انا حأحارب واقاوم فى حبى للسلسلة واقاوم رغبتى من شان خاطر اشقائنا المصريين ومن شان دينا وعروبتنا اللى بتجمعنا

لكم كل التحية من ارض غزة الصامدة بين احتلالين

[moro_matrix]

خليهم يجو مصر عشان ندفنهم فيها انشاء الله زى الى قبلهم واللى قبلهم

مصر مقبره الغزا

[mohammed_memo]

السلام عليكم
اولا بحب اقول ان اللعب فى مصر وكمان فى العباسيه واللى لعبها حتلاقى انك فى اول المرحه بتاعت مصر انت بتنزل امام اللافته بتعت طيرق الاوتو ستراد والعباسيه وانا لعبت اللعبه هما صحيح شالو الايات القرانيه اللى فيها واللى كانت مكتوبه على الجدران وحطوا مكنها رمز سيفين ورشاش ولكن انت بردو بتقتل فيها مسلمين وحتى الزعيم فيها اسمه خالد الاسد وبيتقال فيها كلام بالعربى
وبتقتل فيها جنود بيقولوا الله أكبر زطبعا حقا وصدقا الله أكبر
واللعبه من المنظور الاخر هى لعبه جميله وجرافيك بتعها خطير
فأنا بضم صوتى دعوه المقاطعه للعبه
وعن نفسى انا حمسحها ومش حلعبها تانى
معلش طولت عليكم
والسلام عليكم ورحمه الله وبركاته

[rot@na]

السلام عليكم
اولا بحب اقول ان اللعب فى مصر وكمان فى العباسيه واللى لعبها حتلاقى انك فى اول المرحه بتاعت مصر انت بتنزل امام اللافته بتعت طيرق الاوتو ستراد والعباسيه وانا لعبت اللعبه هما صحيح شالو الايات القرانيه اللى فيها واللى كانت مكتوبه على الجدران وحطوا مكنها رمز سيفين ورشاش ولكن انت بردو بتقتل فيها مسلمين وحتى الزعيم فيها اسمه خالد الاسد وبيتقال فيها كلام بالعربى
وبتقتل فيها جنود بيقولوا الله أكبر زطبعا حقا وصدقا الله أكبر
واللعبه من المنظور الاخر هى لعبه جميله وجرافيك بتعها خطير
فأنا بضم صوتى دعوه المقاطعه للعبه
وعن نفسى انا حمسحها ومش حلعبها تانى
معلش طولت عليكم
والسلام عليكم ورحمه الله وبركاته

الحمد لله ظهر الحق من واحد لعب اللعبه

[Programing®Addict]

السلام عليكم
اولا بحب اقول ان اللعب فى مصر وكمان فى العباسيه واللى لعبها حتلاقى انك فى اول المرحه بتاعت مصر انت بتنزل امام اللافته بتعت طيرق الاوتو ستراد والعباسيه وانا لعبت اللعبه هما صحيح شالو الايات القرانيه اللى فيها واللى كانت مكتوبه على الجدران وحطوا مكنها رمز سيفين ورشاش ولكن انت بردو بتقتل فيها مسلمين وحتى الزعيم فيها اسمه خالد الاسد وبيتقال فيها كلام بالعربى
وبتقتل فيها جنود بيقولوا الله أكبر زطبعا حقا وصدقا الله أكبر
واللعبه من المنظور الاخر هى لعبه جميله وجرافيك بتعها خطير
فأنا بضم صوتى دعوه المقاطعه للعبه
وعن نفسى انا حمسحها ومش حلعبها تانى
معلش طولت عليكم
والسلام عليكم ورحمه الله وبركاته
كلامك صح وفعلا الرئيس اسمه خالد بس وجود مصر مش متواجد كتيير هي في مرحله واحده وعلي العموم
فعلا ذي مقال المشرف الي عاوز يقاطع سهله بس محدش هايخسر حاجه يعني
وابقي دورولنا علي لعبه نقتل فيها اليهود بالمره علشان ملقتيهاش ومش هنلاقيها

[Neou]

كل دة متخزن في العقل الباطن وانت مش حاسس باي حاجة؟ ...هاتقولي ..يا عم الحج دي لعبة .طب تعالى فكر معايا شوية ..
مين اللي وصل صورة الكائنات الفضائية لينا ؟
مين اللي وصل فكرة الوحوش والرعب والارهاب فينا في الافلام والالعاب ..؟؟؟
مين اللي وصل فكرة لعب الحروب والدمار وفكرة الحرب العالمية التالتة لينا (للعرب) world in conflict و COD4
مين اللي خلاك تلعب بواحد اقرع كل اللي بيعمله القتل وفي جزئين قتلت ناس عربيين وفي اماكن بيتقال فيها الاذان ؟؟2 &4 Hitman
الالعاب والافلام دي واصله لمين ؟
فكروا شوية ؟؟؟؟
الالعاب دي وافلام اليومين دول واصله لاغلب او لكل الفئة العمرية من 12 الي 30 سنة(ولان معظمنا مستهلكيين وليس منتجين)فهي موجه لينا وللي في سننا و لجميع دول العالم هههههه
( يا جدعان احنا دخلناها في جماية ومن الاخر خلناك تبهدل وتدمر ...للاسف وطنك)
....عصفوربن بحجر واحد خلوا الكل يكرهنا واحنا بنلعب و مكبرين الدماااااغ
شباب برة يكرهونا وبالمناظر اللي بيشفوها عننا في الالعاب والافلام واحنا بنلعب ولا بنفكر اللعبة او الفيلم دة رسالته اية؟؟ ولمين ؟
يا شباب فوقوا احنا متحاصريين و مشللولين .....فكروا شوية ....عارفين دخلوها ازاي ؟
حاجة عمركم ما هتتخيلوها ..............
1-الحريم - بقوا اكترمننا عددا و على دراية كاملة بما تعرفه وتفكر فيه انت ويمكن ا اكتر منك كمان يعني يقطعوك من الاخر.(الله يخرب بيت الدش والانترنت)
2-انواع الموضات اللي نزلت اللايام اللي فاتت الجينز ال Low Waist واشكاله من الخلف وانت لو شفته واكيد شفته هتشمئز من شكله ولايمكن تشتريه وتعاله بص على الانواع المستوردة من امريكا Levis او tommy او guess و Diesel بكام ؟؟؟وكان التي شرتات الضيقة والقصيره المليئة بالجليتر سواء الفضي او الذهبي.
كل دة مش بيفكرك بحاجة بلبس الفيس ومايكل ..ودول كانوا اية ؟ رجالة ؟ لا اعتقد ...
3- الاكل او بمعني اصح الصحة .؟؟؟؟ هيا فين واحنا مقضينها
4- اقتصاد البلد ههههههههه اللي حولينا كلهم فوووووووووووووووق واحنا تححححححححححت الله يرحم المجاعات والناس اللي كانوا بيقفوا بجوزة الطيب وازايز المسك والعنبر وكنت تعدي من جنبهم وانت قرفان مهم مش لونك :questionmark:ما علينا....
من الاخر عرفوا يدخلوا البلد من غير اي خسائر ليهم عرفوا يوصلوا للي هيقف قدامهم و يواجههم الي هما احنا
احنا يا جماعة الشباب بصوا على شباب البلد كلوا عايز يهرب منها ويكت معظمنا قرفان ومش عارف يعمل اية واللي مقضيها وعايش لحاله ومش بيسمح لنفسه يخرج بره كيننته او برة مجاله
معلش يا شباب اصل الموضوع استفزني وانا واحد زيكوا غلبان مش عارف الاحق منين ولا منينانا بستعجب على الي بيحصل الايام دي
الشباب بيجري ورا تقضية حالة والحريم بس .انا مش بتكلم على الناس الملتزمة نا بتكلم على اللي بشوفه..
كل حاجة بقت متاحة وسهلة جدا او الغلط اصبح متااااااااح لدرجة عالية اوي ..اعمل اللي انت عايزه وفي الاخر ظبط حالك..!!
انا مش عايز ازعلكم مني بس انا لميت شوية افكار من اللي بيحصل حولينا واستنتجت ان الوقت قرب خلاص.
الحريمو الدماغ بقى مسيطر على كل حاجة في حياة الرجالة في الشغل في الشارع فى البيت ودى الحاجة الوحيدة اللي يخر ادامها اتخن تخين .
ومع كل دة احنا مش عارفين نعمل اية انا واحد من الشباب بسأل نفسي ..طب اعمل اية؟
هي بتاعتهم بتاعتهم بس يارب مفضلش عايش لحد اليوم اللي اسمع فيه انهم دخلوها من غير مقاومات .الله يرحمك يا عراق سلمت في اسبوع امال احنا هناخد من زخيرتهم قد اية..؟؟
شباب انا بتكلم بجد فارجوا اللي مش فاهم معني كلامي ميعلقش علية ..عذرا هذا المنتدي حر ولكل عضو حرية في نقل وجة نظرة للاخريين ........وشكرا

[badroz]

انا بجد مش فاهم الناس اللي هنا سرحانه في ايه ؟
انا متفهم وجود مشاعر سلبيه تجاه غزو دول مستقله بوجه عام , لكن كده الموضوع بقي ******** من الاخوه الافاضل ! واللي يقول الجينز الساقط و اللي يقول غزو مصر هيحصل قريبا .. واللي .. واللي .. ؟!
كل واحد قرفان سياسيا او اجتماعيا من حاجه حواليه هيلزقها بالعافيه للعبه كمبيوتر معموله عشان تجيب قرشين للي صمموها ؟!
انتم معتقدين ان شركه زي Activision قبل ما تتطلع لعبه قرئت او بتقرا او حتي مستقبلا هتقرا اللي انتم بتكتبوه هنا ؟
اعقلوا شويه .. وكبروا دماغكم !

_______________________________________
تم تعديل المشاركة ...
برجاء احترام آراء الجميع ... المنتدى مفتوح للنقاش ...
إذا أردت المناقشة فناقش الموضوع بموضوعية ... و إذا أردت انتقاد الأسلوب فيوجد أسلوب أفضل من هذا ...
- إدارة المنتدى -

[Neou]

مع احترامي الشديد لكل من له راي مخالف في تفييم اللعبة
kokoeffect
Cairo
Sagittar
GENNI
وباقي الاعضاءاللي ردت .....

[Neou]

انا بجد مش فاهم الناس اللي هنا سرحانه في ايه ؟
انا متفهم وجود مشاعر سلبيه تجاه غزو دول مستقله بوجه عام
استاذي العزيز انا مش بتكلم عن لعبة
ودي مش مشاعر سلبية ولا حاجة
واللي يقول الجينز الساقط و اللي يقول غزو مصر هيحصل قريبا .. واللي .. واللي .. ؟!
مش هرد عليك.................. بس فكر بمجال واسع
كل واحد قرفان سياسيا او اجتماعيا من حاجه حواليه هيلزقها بالعافيه للعبه كمبيوتر معموله عشان تجيب قرشين للي صمموها ؟!
قرشين اية يا معلم؟؟ هي الناس دي بتفكر في فلوس زينا ...الناس دي بتدور على نجاح و انتشار مش فلوس وانهم يتغنوا ومكافاه للتيم اللي صمم اللعبة هدفهم وصول اللعبة لاكبر عدد ممكن بس
انتم معتقدين ان شركه زي Activision قبل ما تتطلع لعبه قرئت او بتقرا او حتي مستقبلا هتقرا اللي انتم بتكتبوه هنا ؟
عزيزي انا مش هستفاد حاجة لما انت او غيرك ميلعبش اللعبة انا بتكلم على المكان والجو اللي انت عايش فية ...دة واقع بيحصل
اعقلوا شويه .. وكبروا دماغكم !
كبروا دماغكم هو دة صح الصح ...انت جبت من الاخر:whistle:

[hima.66]

امست معانى النصر من كلماتى لادب عن عرض الرسول بذاتى احمى الرسول بما ملكت منافحا بالشعر اكتبة على الورقات البدر يسمو فى السماء بعزة والشمس ساطعه بلا طاقات والكلب ينبح لايضر سمأنا والافك سوف يصيبكم
بثبات لا لن يضر نبينا بحديثكم بل زاد قدرا عاليا طبقات يفدى النبى محمد كل الورى هو مرسل الرحمن بالايات نحرى بنحرك يامحمد اننى متلهف للقائقم بممات عرضى بعرضك ينبى ميلكنا حان الوقوف لعرضكم بثبات
امست معانى النصر من كلماتى لادب عن عرض الرسول بذاتى احمى الرسول بما ملكت منافحا بالشعر اكتبة على الورقات البدر يسمو فى السماء بعزة والشمس ساطعه بلا طاقات والكلب ينبح لايضر سمأنا والافك سوف يصيبكم
بثبات يافرحه الدنيا المليئة حينما حل الحبيب وصاحب البركات سقطت رماح الكفر عند قدومة واستبشرت فى مجدة ابيات فلربما غصن الاراك بدينة يثنى المبارز يسقط الريات ولربما موت الكريم مخوف للقوم اثر وفاتة بهبات امست معانى النصر من كلماتى لادب عن عرض الرسول بذاتى احمى الرسول بما ملكت منافحا بالشعر اكتبة على الورقات البدر يسمو فى السماء بعزة والشمس ساطعه بلا طاقات والكلب ينبح لايضر سمأنا والافك سوف يصيبكم
بثبات ومؤكد سب الرسول يزيدنا حب لة ولديننا يحياتى هذا الحصاد وزرعكم هو شوكة زادت فؤادى للنبى صلات فستعلمون اننا من امة من امة صلت على خير الانام بصلاه

اقرا هذا النشيد وصلى على النبى ( علية الصلاو والسلام)

فكر شوية فى المشتقبل وانتة هترد على نفسك

[ezzmoka]

السلام عليكم
حد فاكرنى ؟؟ :glasses:
المهم انا شفت الموضوع و قلت لازم اعلق عليه بعد ما قريت كلام الأخ Neou
بصراحة كلام فى الصميم و جاى من واحد مش بيتكلم من فراغ .. للأسف ده واقع
زماااااااان لما كنا عيال فى المدرسة ييجى من عشرة خمستاشر سنة او اكتر ( الواحد فقد الذاكرة :sadwalk: ) كانوا بيقوللنا فى المدرسة ان الشباب عضد الأمة و الكلام الكبير بتاع مصطفى كامل و الناس الوطنيين دول :sly:
تعالى دور على الشباب دلوقتى .. فين ؟؟
هتلاقيهم فى اماكن محددة و متدورش بعيد لأنك مش هتلاقى
على القهاوى قاعدين بيشيشوا و يتكلموا على ****** و الكورة و ... بس مفيش حاجة تانية
او ******** .. و هتلاقيه عامل شعره ماهوك و لابس نضارة شمس و متخذ تامر حسنى شعاره فى الحياة و فاتح القميص لحد سرته
شارع فرنسا .. زى اخواتهم بس دول على أد حالهم و معهومش عربيات :detective2:
فى نايت كلوب و عامل شعره زى الكلب الجربان و عايش فى دور الشاب الأمريكانى اللى جه مصر غلط و مسقط البنطلون لحد ركبه و بتكلم عربى مدغدغ و مُطعَم بالكتير من ******* الكلمات الأمريكانية اللى كلنا عارفنها .. و ده اكتر نوع بيفقعنى بصراحة
لحد دلوقتى احنا بنتكلم على حوالى 75-80% من شباب مصر
الباقى متفرقين
حبة متمسكين بالدين و عايشين حياتهم حضور دروس و حفظ قرآن.. جميل جدا ربنا يثبتهم
حبة عايشين على النت و جيمز و شات .. اللعب مش وحش .. بس متبقاش الحياة كلها جيمز و شات :jap:
قلة مندسة بتسعى انها تكون ناجحة فى شغلها و حياتهم كلها كورسات و كتب الكترونية و شغل و فحت .. و دول غالبا اللى عاوزين يطفشوا من البلد .. و بصراحة حقهم .. ف دول اول فرصة و هيخلعوا على برة

طبعا ممكن تلاقى combo من الحاجات اللى رصيتها فوق دول
مثلا واحد متمسك بالدين و بيسعى انه يكون ناجح .. طبعا ده فعلا هو عضد الأمة .. بس ممكن أعد اللى شفتهم من هذه النوعية فى حياتى على صوابع ايدى و غالبا برضه بيطفشوا من البلد
ممكن تلاقى العكس تماما .. واحد مقضيها نت و شات طول اليوم و طبعا السوجارة مبتنزلش من بقه طول ما هو قاعد .. **********

ف و الحمد لله الشباب اتضرب بالنار فى ميدان عام .. و مش بس مصر على فكرة

المشكلة العظمى فى وجهة نظرى ان احنا وصلنا لمرحلة ان الناجح فى شيىء ما فى حياته بقى بيخاف يقول انه ناجح عشان صحابه ميتريقوش عليه

لاحظتوا انى متكلمتش على COD4 ؟؟ .. لأنى مش شايف ان فيها حاجة متميزة .. دى مجرد حلقة فى السلسلة
و طبعا السلسلة هتستمر :sadwalk:

[GENNI]

اسمحوا لي بالاشتراك معكم في هذه المناقشة ...

و سأبدأ بتعليق على كلمة قالها الأخ العزيز Neou (معلش بقى جت فيك يا باشا http://smilies.sofrayt.com/%5E/aiw/biggrin.gif )

قرشين اية يا معلم؟؟ هي الناس دي بتفكر في فلوس زينا ...الناس دي بتدور على نجاح و انتشار مش فلوس وانهم يتغنوا ومكافاه للتيم اللي صمم اللعبة هدفهم وصول اللعبة لاكبر عدد ممكن بس

من أين أتيت بهذا الكلام؟
شركة مثل Activision بها فريق عملاق ... هل تصرف عليهم جهات سياسية؟
أنت تتكلم بنظرية المؤامرة ... أنا احترم طبعا رأيك و أنه احتمال قائم ... و لكنه احتمال ضعيف جدا ...

هناك عشرات الألعاب التي تقوم فيها بضرب جنود أمريكان ... على سبيل المثال لعبة Generals التي كان فيها الصينيين و الـ GLA على السواء يقتلون الـ USA ... هل قام الشباب الأمريكي بمقاطعة اللعبة ؟!
إنها مجرد لعبة *خيالية* ... على غرار ماذا يحدث لو ...
الفارق بينهم و بيننا أنهم يملكون شيئا اسمه "حرية التعبير" ...
بالطبع حرية التعبير لها حدودها التي إذا تجاوزتها أصبحت وقاحة و "قلة أدب" ... و يمكن أن تتمادى إلى أن تصل إلى حد السفالة !!
أنا لن أتكلم عن لعبة COD4 لأنني لم ألعبها بعد ...

المهم ...........................
بالنسبة لتحميلك الغرب مسئولية إفساد شباب الأمة ... أعارضك في هذا ...
منذ فجر البشرية و الخير واضح و الشر واضح ... منذ فجر البشرية و قد تبين الرشد من الغي ...
أنا أوافقك أن الغرب قد يقدم وسائط للشر ... و لكنه لا يتحمل مسئولية إغوائك كاملة ... أين إرادتك؟! أين عقلك؟! أين ضميرك؟! أين وطنيتك؟! أين هويتك؟! أين معتقداتك؟!
أنا لا أبررهم ... و لكني لا أوافق على تحميلهم المسئولية كاملة ...
هذا ليس دفاعا عنهم ... هذا توعية بأن المشكلة ليست منهم ...
المشكلة فينا نحن ....... دعونا نعترف بهذا ...

لن يقوى شباب الأمة إذا اختفى الشر و المغريات من أمامهم ... و لكنهم سيقووا إذا قاوموا هذه المغريات ...
لن يأتي الوقت الذي يختفي فيه الشر من العالم ... طالما هذه الدنيا قائمة فالشر موجود ... و كل ما علينا فعله هو مقاومته ...

و لابد أن تأخذ في الاعتبار أن هذه الثقافة (الملابس و طريقة التعامل التي تحدثت عنها) هي ثقافتهم ... هذه هي حياتهم ... و نحن لسنا ملائكة كي نحكم عليهم ...
و لكن ... أن نأخذها نحن و نقلدها تقليدا أعمى و هذه أصلا ضد عاداتنا و تقاليدنا فهذا هو الخطأ بعينه ...

بالنسبة للعبة و هل نقاطعها أم لا ... في رأيي أن مقاطعتها لن تفيد شيئا إطلاقا ... في رأيي أنه يجب علينا أن نفهم كيف يرانا الآخرون ... كي نصحح وجهة النظر هذه ...

هل تذكر Generals ؟ هل تذكر الـ GLA ؟ ألا تعلم من المقصود بهم ؟!!
هل هذه صورة حقيقية لنا ؟!!!!!
هل نقاطع اللعبة و نقول كيف يظهرونا بهذه الصورة ؟! أم نلعبها لنتعرف على ما هي أصلا الصورة كي نستطيع تغييرها ؟!

أرجو أن أكون وفقت في إيصال وجهة نظري ...
و أرجو من الجميع التزام الموضوعية في الحديث و عدم التعصب أو التشدد ضد أي رأي آخر ...
إذا لم يكن الاحترام المتبادل هو أساس النقاش فلا داعي من النقاش و ليتم غلق الموضوع ...

[Neou]

طب مهم عارفين بالنسخ المنتشرة على النت لية سمحوا بيها لو عايززين مكسب مادي.....معتقدش

[GENNI]

طب مهم عارفين بالنسخ المنتشرة على النت لية سمحوا بيها لو عايززين مكسب مادي.....معتقدشلأنهم لو استطاعوا السيطرة على المجموعات التي تقوم بعمل الـ Cracking لمنعوهم من البداية ...

و على العموم ... دي مجرد وجهات نظر ...
و الاختلاف في وجهات النظر لا يفسد للود قضية ...

----------------------------------------------------------
لقد أرسل لي بعض الأعضاء رسائل خاصة معبرين فيها عن استيائهم لتعديل بعض الكلمات في الموضوع ...
أريد أن أوضح أن حرية الرأي مكفولة للجميع بشرط ألا تتعدى حدود اللياقة ... ما هي حدود اللياقة:

ألا تجرّح في شخص آخر ...
ألا تتناول معتقدات شخص آخر بسخرية و تهكم (حتى لو كانت هذه المعتقدات في رأيك متخلفة) ...
ألا تقول كلام يمكن أن يؤدي لمشاكل ...أرجو ألا تكونوا متضايقين ... و لكن الموضوع من البداية شائك ...
و للأسف حدثت تجاوزات في بعض الردود (و كان معظمها فعلا بدون قصد) ...

كان من السهل من البداية غلق الموضوع أو حذفه ... و لكني لا أحب هذا الأسلوب ...
و لذلك فمن فضلكم لا تجعلونا نندم على عدم فعل ذلك ...

فلنستكمل الحوار ... و يمكن لمن يريد أن يقول رأيه أن يقوله بكل هدوء ... بدون تعصب أو تجريح في أحد ...

[shahmedzaki]

بصراحة انتم حولتوا الموضوع لمناقشة تانية خالص
لعلمكم فية منتديات كتيييييير جدا عن لعبة كول اوف ديوتي ، انا مرة دخلت موقع لقيتة بيقول توب 100 عن منتديات كول اوف ديوتي .. ممكن نناقش فيها هناك عن اللعبة لو فيها فعلا ضرب العراق وكدة
وانا متفق على اللي قالوا نيو .. ولكن بيتر فايق في حاجات مش متفق معاة فيها خاصة لما قال الكهرباء والنور .. اولا مصر بتصر كهرباء للبنان انت تعرف كدة والمعلومة دي موجودة في الاهرام .. تاني حاجة امريكا معندهاش بترول وهي ضربة العراق علشان كدة واسأل اي واحد امريكي صاحبك حتى حيقولك بوش عملها علشان النفط وكدة عاوزين الحاجة مجانا بالعافية ..
امريكا ودول الاوروبية لها انجازات اةةةةة لكن ميقللش من الدول العربية في انجازتها بشريا مش عدوانيا ..طيب النت فية الضار والكمبيوتر ك>لك وكل حاجة بالفلوس في الكمبيوتر والهكرز بيدمر الكمبيوتر وصناعة الافلام وغيرة لان مكسبهم الفلوس فعلا عاوزين يجيبوا القرش باي طريقة ...
دة تفكير الاوروبين وامريكا .. انما مثلا في مصر تفكير بشري زي انتاج الحديد مثلا وبترول واحمد زويل عمل الجزيء وكدة وبتاع النووي مش فاكر اسمة ( دة بيدل ان مصر بتقدم حاجة للبشرية تنفاها مش تضرها ) علشان متقولي امريكا ومش عارف اية
انت عارف لو الامارات ركزت شوية في الفلوس والله تبقى اغني من امريكا صناعيا مش ماديا
زي اليابان والصين بصراحة بيفكروا صح ازاي اقدم حاجة تسهل عليك مش تضرك .. امال امريكا ضددهم لية ...
كفاية افلامهم اللي مليانة مشاهد اباحية وافلامهم الخليعة بالاداب دة يدل انها دولة تضر بالبشرية مش بتنفع البشرية .. علشان متقوليش امريكا وامريكا ،، هي اقوى دولة في العالم اةةة لكن الاغني الامارات ،، والله لو العرب اتحدول الامارات والسعودية بفلوسهم ومصر بجيشها احنا و دول شمال افريقيا نغلب اللي جاب امريكا نفسها لانهم بيحربوا بلآلات مش بأنفسهم صح ولا اية .. واسف جدا لو فية حاجة عندي غلط في التعبير
معلش لية حاجة كدة مش حتعجب الكتير في شركة بتعمل اللعبة اسمها انفينت او حاجة زي كدة جمبها حتلاقي علامة زي علامة اريال حاسس ان الشركة دي اسرائيلية ولا اية والكلام دة اخدتة لاني لاحظتها في لعبة كول اوف ديوتي 1 والاكسبنشن بتاعها ..

[shahmedzaki]

فعلا كلام جيني صح يا نيو
انا مرة قريت في الاهرام ان موقع تورننت شهير جدا خلوة بالفلوس علشان الخساير اللي عملها الموقع
يعني تحمل منة بس بفلوس مش ببلاش .. فافعلا لو عرفعوا مين اللي بيعمل الهكرز دة حيقبضوا عليهم ..
بس بينفعونا بصراحة .. زي لعبة كريسس واحد حط لينكات ليها في منتدى اجنبي راح واحد رد علية قالة انا حشتريها لان اللعبة دي لازم تتشرى .. معاة حق بس للي معاة ..
خالي بالكم في الدول العربية بيشتروا الالعاب الاصلية خاصة في الامارات .. حتى جيني طبعا تلاقية عارف الموقع اللي فية متحملش منة العاب بس بيكتبوا فية تقارير بس لو دخلت فية حتلاقي يقولك انا اشتريت وكدة
انا مش حنسى في الموقع دة واحد عاوز لعبة البرو في البلاي ستيشن 3 .. راح واحد من الاردن قالة فية واحد صاحبي حيروح مصر وحيجبهالك ب 30 درهم يعني 1000 جنية .. تصور ادفع الف جنية في لعبة ... علشان كدة بيصعب عليا نفسي لان فعلا الاحتلال اثر فينا بدليا الامارت والسعودية احتلوا من دول طبعا لا علشان كدة متقدمين عننا .. ربنا يزيد ويبارك بس يارب احنا نبقى زيهم والحمد لله على كل شيء ..

[amz_146]

انا مش عارف اللعبة بس لو هى كدة بتفق معاك

[rot@na]

كل دة متخزن في العقل الباطن وانت مش حاسس باي حاجة؟ ...هاتقولي ..يا عم الحج دي لعبة .طب تعالى فكر معايا شوية ..
مين اللي وصل صورة الكائنات الفضائية لينا ؟
مين اللي وصل فكرة الوحوش والرعب والارهاب فينا في الافلام والالعاب ..؟؟؟
مين اللي وصل فكرة لعب الحروب والدمار وفكرة الحرب العالمية التالتة لينا (للعرب) world in conflict و COD4
مين اللي خلاك تلعب بواحد اقرع كل اللي بيعمله القتل وفي جزئين قتلت ناس عربيين وفي اماكن بيتقال فيها الاذان ؟؟2 &4 Hitman
الالعاب والافلام دي واصله لمين ؟
فكروا شوية ؟؟؟؟
الالعاب دي وافلام اليومين دول واصله لاغلب او لكل الفئة العمرية من 12 الي 30 سنة(ولان معظمنا مستهلكيين وليس منتجين)فهي موجه لينا وللي في سننا و لجميع دول العالم هههههه
( يا جدعان احنا دخلناها في جماية ومن الاخر خلناك تبهدل وتدمر ...للاسف وطنك)
....عصفوربن بحجر واحد خلوا الكل يكرهنا واحنا بنلعب و مكبرين الدماااااغ
شباب برة يكرهونا وبالمناظر اللي بيشفوها عننا في الالعاب والافلام واحنا بنلعب ولا بنفكر اللعبة او الفيلم دة رسالته اية؟؟ ولمين ؟
يا شباب فوقوا احنا متحاصريين و مشللولين .....فكروا شوية ....عارفين دخلوها ازاي ؟
حاجة عمركم ما هتتخيلوها ..............
1-الحريم - بقوا اكترمننا عددا و على دراية كاملة بما تعرفه وتفكر فيه انت ويمكن ا اكتر منك كمان يعني يقطعوك من الاخر.(الله يخرب بيت الدش والانترنت)
2-انواع الموضات اللي نزلت اللايام اللي فاتت الجينز ال Low Waist واشكاله من الخلف وانت لو شفته واكيد شفته هتشمئز من شكله ولايمكن تشتريه وتعاله بص على الانواع المستوردة من امريكا Levis او tommy او guess و Diesel بكام ؟؟؟وكان التي شرتات الضيقة والقصيره المليئة بالجليتر سواء الفضي او الذهبي.
كل دة مش بيفكرك بحاجة بلبس الفيس ومايكل ..ودول كانوا اية ؟ رجالة ؟ لا اعتقد ...
3- الاكل او بمعني اصح الصحة .؟؟؟؟ هيا فين واحنا مقضينها
4- اقتصاد البلد ههههههههه اللي حولينا كلهم فوووووووووووووووق واحنا تححححححححححت الله يرحم المجاعات والناس اللي كانوا بيقفوا بجوزة الطيب وازايز المسك والعنبر وكنت تعدي من جنبهم وانت قرفان مهم مش لونك :questionmark:ما علينا....
من الاخر عرفوا يدخلوا البلد من غير اي خسائر ليهم عرفوا يوصلوا للي هيقف قدامهم و يواجههم الي هما احنا
احنا يا جماعة الشباب بصوا على شباب البلد كلوا عايز يهرب منها ويكت معظمنا قرفان ومش عارف يعمل اية واللي مقضيها وعايش لحاله ومش بيسمح لنفسه يخرج بره كيننته او برة مجاله
معلش يا شباب اصل الموضوع استفزني وانا واحد زيكوا غلبان مش عارف الاحق منين ولا منينانا بستعجب على الي بيحصل الايام دي
الشباب بيجري ورا تقضية حالة والحريم بس .انا مش بتكلم على الناس الملتزمة نا بتكلم على اللي بشوفه..
كل حاجة بقت متاحة وسهلة جدا او الغلط اصبح متااااااااح لدرجة عالية اوي ..اعمل اللي انت عايزه وفي الاخر ظبط حالك..!!
انا مش عايز ازعلكم مني بس انا لميت شوية افكار من اللي بيحصل حولينا واستنتجت ان الوقت قرب خلاص.
الحريمو الدماغ بقى مسيطر على كل حاجة في حياة الرجالة في الشغل في الشارع فى البيت ودى الحاجة الوحيدة اللي يخر ادامها اتخن تخين .
ومع كل دة احنا مش عارفين نعمل اية انا واحد من الشباب بسأل نفسي ..طب اعمل اية؟
هي بتاعتهم بتاعتهم بس يارب مفضلش عايش لحد اليوم اللي اسمع فيه انهم دخلوها من غير مقاومات .الله يرحمك يا عراق سلمت في اسبوع امال احنا هناخد من زخيرتهم قد اية..؟؟
شباب انا بتكلم بجد فارجوا اللي مش فاهم معني كلامي ميعلقش علية ..عذرا هذا المنتدي حر ولكل عضو حرية في نقل وجة نظرة للاخريين ........وشكرا
كلامك سليم وهى دى الحقيقه فعلا بس فى ناس بتتجاهلها

[rot@na]

يمكن اللى اتكلم فى الموضوع بافاده هو الشباب الاكبر سنا يعنى انا مثلا عندى27 نتكلم بصراحه عن الشباب الصغير 15 سنه هو ده فعلا اللى تايه لانه بصراحه احنا كنا فى مرحله انتقاليه يعنى شوفنا الصح وبنقدر نميز بين الصح والغلط اما الشباب الصغير مشكلته انه كبر لاقى الحجات دى امامه يعنى ممكن بكل سهوله يعتبرها الواقع وميعرفش يميز بين الصح والغلط وده هو الخطر الاكبر
الجيل الجديد تخيلو ان فى برنامج فى التلفزيون لا اتزكر اسمه بيسال واحد حرب اكتوبر كانت سنه كام معرفش دى كارثه

[Neou]

يمكن اللى اتكلم فى الموضوع بافاده هو الشباب الاكبر سنا يعنى انا مثلا عندى27 نتكلم بصراحه عن الشباب الصغير 15 سنه هو ده فعلا اللى تايه لانه بصراحه احنا كنا فى مرحله انتقاليه يعنى شوفنا الصح وبنقدر نميز بين الصح والغلط اما الشباب الصغير مشكلته انه كبر لاقى الحجات دى امامه يعنى ممكن بكل سهوله يعتبرها الواقع وميعرفش يميز بين الصح والغلط وده هو الخطر الاكبر
الجيل الجديد تخيلو ان فى برنامج فى التلفزيون لا اتزكر اسمه بيسال واحد حرب اكتوبر كانت سنه كام معرفش دى كارثه

هو دة مربط الفرس والله
جيل مع جيل.......... الجيل الجديد بيطلع يلاقي الغلط جاهز ومتظبط .
انت فعلا كلامك صح معظم الفئة العمرية من 12 الي 21 مش عارف هو بيعمل اية؟؟؟:sleep::sleep::sleep: لاقي كل حاجة واقع امامة
احنا اة الشباب مابين 22 الي 29 منكرش ان احنا غلطنا برضو وقضناها ومازلنا .........
بس هنعرف نرجح للصح عشان زمان مكانش فية الكلام دة كله
الله يرحم ايام زمان الولد كان لية قمته ..تعالي دلوقي لو لقيت فتاة احلامك وطلبت تتجوزها تلاقيها تتعوج وتتنطط عليك

في الاول والاخر ......................الحمد لله

[kokoeffect]

الي اخي NEWBLOOD يا باشا اذاي بتعلق علي جمله صغيره من غير ما تقراء كل الكلام .. مينفعش كده .. يا تشوف انا كاتب ايه كويس .. وتعلق علي كلامي يا بلاش .. عموما انا طبعا لما قلت كده علشان محدش يفهم كلامي غلط .. قلت علي اساس الوضع الحالي .. اللي احنا عايشينه ..وان هما مدام ممسوش دينا يبقي من حقهم انهم يجسدوا الواقع بس كده ..

[kokoeffect]

علي فكره يا جماعه .. انا عايز افهمكم حاجه صغيره تقريبا محدش واخد باله منها .. هي اينعم بره الموضوع شويه بس هتنهي تقريبا كلام فيه كتير ..

وهي ان احنا كعرب تفكرنا واسلوبنا حامي شويه .. يعني من غير اي تفكير مدام كلمه صغيره اتقالت المعظم يقول قاطع .. خلينا في حلنا وكده من غير حتي ما يفكر انه يستطلع الكلام ده بنفسه .. ويشوفه طيب افرض الناس دي داخله تقول كلام وخلاص يبقي انت كده مشيت وراهم .. وكلمهم غلط .. ذي الناس اللي دخلت اكدت ان اللعبه فيها مهمات في .. مصر علشان شافوا صور للافتة العباسيه .. او علشان اول فديوا نزل لها .. رغم ان الكلام ده 100 % غلط واللعبه فعلا مفهاش ولا مهمه في مصر ...

نيجي بقي لاهم نقطه . تايهه عن عقول كتير مننا وانا لحظت ده بنفسي

اولا الكل دلوقتي بيقول ان الغرب عايزين يدمروا العرب عن طريق الافكار دي ذي اللعب والافلام وخلافه .. علشان يشوهو صورتنا .. ويبعدونا عن دينا .. لكن لو فكرتم حبه صغيره .. هتكتشفوا الاتي ...

ان هما مدمرين اكتر مننا .. وبيعانوا من التربيه الخاطئه للمرهقين عندهم .. بس هيعملوا ايه هما خلاص اتربوا علي كده ..وكل الاجيال القادمه منهم .. هتكون كده .. طبعا انتوا فهمني اقصد ايه ..وده هيخليهم جيل وره جيل هيضعفوا الي ان تنتهي اسطورتهم ..لكن اللي مديهم روح لحد دلوقتي ان هما فعلا منظمين ومبدعين وبيدوا كل حاجه حقها .. غير كده كانوا انتهوا من زمان .. وسيبكم من موضوع ان المجتمع الغربي متماسك وقوي .. والكلام ده ..حاولوا كده تبعوا نشرتهم الاجنبيه وانتوا هتعرفوا مصايب .. وطبعا في مصايب اكتر من كده .. بس ده اللي بيتسمح بيه علي الاقل ...ووالله كان نفسي اعرضلكم حجات بس طبعا الموضوع ده في منتدي الالعاب يعني بقدر الامكان لازم يكون الكلام محدود ...

نيجي بقي لاخر حاجه عايز اقولها عن اللعبه .. وعن تفكير الغرب في الموضوع ده عموما .. وهو يا جماعه العالم دي مبتفكرش بالحساسيه بتعتنا .يعني احنا مثلا لو اتعملت لعبه في اهانه لاي معتقدات دينيا او اي شئ اخر فعلا بتاثر فينا كلنا وبنبقي عايزين نكلهم .. وده طبعا الصح .. لان حرية الرئي يجب ان تتوقف عند معتقدات الاخر ..

لكن تعالوا بقي بصوا علي الافلام بتعتهم .. وعلي المديا اللي بيعرضوها لنفسهم قبل ما يعرضوهالينا.. شوفوا هما نفسهم بيتعاملوا اذاي مع معتقدتهم الدينيه .. وشوفوا كم الافلام اللي فيها تدمير وحروب عصابات بداخل اماكن عبادتهم نفسها .. لان المخرج عايز كده .. يبقي فعلا العالم دي مش فارق معاهم .. ويبقي اللي هما بيعملوا معانا ده هما اساسا عملينه مع نفسهم الاول .. بس هو يفرق معانا احنا وميفرقش معاهم هما وهو ده اللي عامل المشكله .. في حالة لو هما محترموش ان الموضوع ده يفرق معانا احنا ...

وبخصوص الموضوع ده عن لعبة CALL OF DUTY الحقيقه اللعبه ممستش اي شئ اي حد فينا اتكلم عليه في الموضوع ده .. واحب افكركم بحاجه صغيره ... كان في لعبة نزلت زمان بس والله مش فاكر اسمها كانت معموله برضه عن العراق والحرب مع الارهاب والكلام ده ... وكان فيها بتقتل الجنود وهما بيذكروا اسم ربنا سبحانه وتعالي .. ده غير عدم اعطاء اي اهميه للمقدسات الدينيه . دا فعلا بقي اللي نتكلم عليه .. مش نتكلم عن لعبة حطت يفطه لميدان العباسيه وبعدين شلتها .. ده حتي يبقي عيب في حقنا:oh:

وطلب اخير يا ريت يا شباب اي حد لعب اللعبه هو اللي يتكلم .. انما الناس اللي شافت الصور بس احنا قولنا في اول الموضوع ان هما لغوا الحجات دي واللعبه اتعدلت ومنزلش فيها اي حاجه متعلقه بمصر او خلافه ...

[kokoeffect]

نسيت اقولكم يا جماعه .. في جمله استغربتلها جدا .. وانا بالعب اللعبه امبارح ..مش عارف كانوا مرقبنا واحنا بنتكلم في الموضوع ده ولا ايه :glasses: طبعا انتوا عارفين ان في اللعبه بعد ما بتموت بيكتبلك تعليق او جمله تاريخيه .. شوفوا بقي كانوا كاتبين ايه ..في احد المرات اللي لقيت فيها حتفي ...:15:

You like it or not . history is in our side

[rot@na]

[QUOTE=kokoeffect;1045294446][SIZE="4"]
.
لكن تعالوا بقي بصوا علي الافلام بتعتهم .. وعلي المديا اللي بيعرضوها لنفسهم قبل ما يعرضوهالينا.. شوفوا هما نفسهم بيتعاملوا اذاي مع معتقدتهم الدينيه .. وشوفوا كم الافلام اللي فيها تدمير وحروب عصابات بداخل اماكن عبادتهم نفسها .. لان المخرج عايز كده .. يبقي فعلا العالم دي مش فارق معاهم .. ويبقي اللي هما بيعملوا معانا ده هما اساسا عملينه مع نفسهم الاول .. بس هو يفرق معانا احنا وميفرقش معاهم هما وهو ده اللي عامل المشكله .. في حالة لو هما محترموش ان الموضوع ده يفرق معانا احنا ...

صحيح هما بالنسبالهم الحجات دى عادى

[GENNI]

بخصوص الموضوع ده عن لعبة CALL OF DUTY الحقيقه اللعبه ممستش اي شئ اي حد فينا اتكلم عليه في الموضوع ده

وطلب اخير يا ريت يا شباب اي حد لعب اللعبه هو اللي يتكلم .. انما الناس اللي شافت الصور بس احنا قولنا في اول الموضوع ان هما لغوا الحجات دي واللعبه اتعدلت ومنزلش فيها اي حاجه متعلقه بمصر او خلافه

الحمد لله ... آدي يا جماعة شهادة واحد لعب اللعبة بنفسه ...
أرجو بقى إننا نقفل كلام في الموضوع ده تماما ...

نيجي بقي لاخر حاجه عايز اقولها عن اللعبه .. وعن تفكير الغرب في الموضوع ده عموما .. وهو يا جماعه العالم دي مبتفكرش بالحساسيه بتعتنا .يعني احنا مثلا لو اتعملت لعبه في اهانه لاي معتقدات دينيا او اي شئ اخر فعلا بتاثر فينا كلنا وبنبقي عايزين نكلهم .. وده طبعا الصح .. لان حرية الرئي يجب ان تتوقف عند معتقدات الاخر ..
لكن تعالوا بقي بصوا علي الافلام بتعتهم .. وعلي المديا اللي بيعرضوها لنفسهم قبل ما يعرضوهالينا.. شوفوا هما نفسهم بيتعاملوا اذاي مع معتقدتهم الدينيه .. وشوفوا كم الافلام اللي فيها تدمير وحروب عصابات بداخل اماكن عبادتهم نفسها .. لان المخرج عايز كده .. يبقي فعلا العالم دي مش فارق معاهم .. ويبقي اللي هما بيعملوا معانا ده هما اساسا عملينه مع نفسهم الاول ..
بجد يا كريم مش عارف أقول لك ايه ... الفقرة اللي فاتت دي هي بالضبط كل الكلام اللي أنا عايز أقوله ...
بصوا يا جماعة ... كل الفكرة إن حتى لو كانت اللعبة فيها مشكلة ... هم مش قصدهم يشتمونا ... ده أسلوبهم اللي هو حرية التعبير ... اللي شكلنا مش هانوصل ليه أبدا ...

على فكرة ... عبارة "مش هانوصل ليه أبدا" مش معناها انتقاد ... لأن النظام ده مش دايما صح زي ما قال كريم ...
ثم إن الصح و الغلط ده نسبي ... هم عندهم الكلام ده صح ... إحنا لأ ...
هم عندهم إن عادي جدا لو البنت مشيت في الشارع بالمايوه!! لكن احنا لأ ...
اللي أنا قصدته في ردي اللي فات هو إننا لو عملنا زييهم يبقى ده غلط مننا احنا مش منهم هم ...

أنا واحد من الناس باقبل النقد الحاد و التعبير عن الرأي بكل حرية ... و لكن لازم أقبل الكلام ده عليّ أنا فقط ... ماينفعش أطالب الباقيين إنهم يقبلوه على نفسهم ...

على العموم .................................
أعتقد أن الجميع قد قال وجهة نظره ....
بالنسبة للعبة ... اللعبة ليس بها شيئا كما ذكر ممن لعبوها فعلا ...

أرجو لمن يريد أن يترك تعليقا صغيرا أن يضعه لأن الموضوع سيغلق بعد 6 ساعات من الآن ...

تحياتي للجميع ... سلام ...

[GENNI]

You like it or not . history is in our side

الترجمة:

أعلى ما في خيلكم اركبوه

أو

لو مش عاجبكم اطفوا الجهاز و امسحوا اللعبة

هاهاهاهاهاهاهاهاهاهاهاها
أنا مش قصدي أتتريق على حد ... أنا باخفف جو التوتر شوية بس ...

[TrueBlue]

هم مش قصدهم يشتمونا امال هم قصدهم اية

ده أسلوبهم اللي هو حرية التعبير ... اللي شكلنا مش هانوصل ليه أبدا ...

طيب الحمد الله ان احنا مش ها نوصل ليه ابدا

احنا كده حلوين

You like it or not . history is in our side


روح بلط البحر

[tarooook]

يعنى انا معاك بس هما ديما بيستخفوا بينا واحنا ليه هنقاطع اللعبه انت لو هتبص لكل حاجة كده يبقى مش هتلعب ولا هتاكل ولاتشرب مهم فرضوا علينا اسرائيل فى البرو ايفيليوشن 2008 ولا حد قاطع ولا عمل حاجة وبعدين يريت العرب يعملوا العاب كده او حتى كرتون عربى مفيش حاجة من دى خالص وشكراااااااااا

[حسن شحاتة]

واللة العظيم احنا غلابة يعنى انتوة عاملين الضجة دية كلها علشان اللعبة واللة العظيم مشفت الضحة دية يعنى لماالفلسطنين بيتقلوة كل يوم محنا عندنا كل يوم مذابح للمسلمين فى كل حتة والعراق واللى بيحصل فيها كل يوم ملئتش يعنى حد معترض يعنى انتوة زعلانين على الخيال ومش شايفن الواقع وعلى الفكرة اللعبة دية بتعمل لاوربا يعنى مش معترفين بينا يعنى مش هتفرق معاهم انتا لعبت او ملعبتش :detective2: