مشربتش من نيلها...!!! - طيب تعالى و غنيلها

[hazemozo]

بسم الله الرحمن الرحيم

نحن سوق فريدة من نوعها ! .. لا يمكن أن نقارن أنفسنا بأي سوق أخري سواء في أوروبا أو الولايات المتحدة الأمريكية أو القارة الإفريقية.. ولا البلدان العربية بأكملها ! .. كل القواعد والمباديء والأسس التي تحكم عملية بيع وشراء السيارات في هذه البلدان والقارات .. لا تنطبق علي بلدنا أبدا! .. والأمثلة كثيرة ومتعددة ومختلفة .. اخترت لكم _ اليوم _ مثالا واحدا .. بسيطا للغاية .. ولكنه يعبر عن مدي الخصوصية والانفرادية التي تتميز بها السوق المصرية للسيارات .. عن باقي أسواق العالم !!
في (أوروبا والدول المتقدمة) .. هناك نظام ثابت ومعروف .. يقول إن السيارة الجديدة علي الزيرو التي تكون معروضة لدي الوكيل أو الموزع أو معرض السيارات .. وتكون سنة صنعها* مثلا * 2007 .. يبدأ سعرها في التناقص تدريجيا مع حلول عام 2008 .. أي ابتداء من شهر أكتوبر 2007 عندما يتم طرح موديلات العام الجديد حتي ولو كانت السيارة التي تصل للتوكيل مماثلة تماما للسيارة القديمة من حيث المواصفات والخطوط التصميمية والشكل بصفة عامة .. هذا عرف يطبق في جميع دول العالم (المحترمة)! .
ولكن في بلدنا المتميز والفريد.. الأمور تسير علي نحو مختلف تماما.. فمعظم التوكيلات ومعارض السيارات لا يعترفون أصلا بهذا المبدأ.. ومن العادي والطبيعي جدا أن نشتري سيارة في شهر فبراير من عام 2008 تحمل سنة صنع 2007 بنفس السعر.. وأحيانا بسعر أعلي لو كان عليها طلب متزايد في السوق.. بدون أي مراعاة لمسألة (سنة الصنع) وكأنها من الأمور الثانوية التي لا تتدخل مطلقا في (قصة) التسعير!! .
وفي بعض الأحيان .. نفاجأ بما هو أغرب من ذلك .. وهو توافر سيارات لدي الوكيل أو الموزع أو التاجر تحمل سنة صنع 2006 ونشتريها علي الزيرو في نهاية عام 2007 بدون أي تخفيضات علي السعر .. من منطلق أن هذا هو المتاح والموجود .. (عاجبكم أو مش عاجبكم) !! ..
أما (الأظرف) والأغرب من ذلك.. والذي نراه فقط و(حصريا) داخل سوقنا المصرية للسيارات .. فهو ما يحدث في بعض الأحيان مع الموديلات التي تنتهي من العالم أجمع.. ويبدأ إطلاق طرازات أخري مكانها.. جديدة تماما في الشكل والمواصفات والتكنولوجيا.. ونفاجأ جميعا بأن الطلب علي الشراء يتزايد من المستهلك علي (الشكل القديم) للسيارة.. حتي بعد أن يتم الإعلان عن طرح السيارة الجديدة وبدء بيعها في السوق !! .. طبعا شيء لا يصدق .. ولا أستطيع تفسير السبب الا إذا كانت هناك حالة من (العشرة) والألفة والمحبة تحدث ما بين الزبون المصري و(موديل) السيارة الذي يظل معروضا بنفس شكله في الأسواق لعدة أعوام.. ولا يستطيع (الزبون) أن يتقبل أو (يحب) طرازا جديدا بسهولة.. حتي لو كان أحلي في الشكل وأعلي في القدرات وأرقي في التكنولوجيا الموضوعة فيه !! ..
وإذا كنتم غير مصدقين لما أقوله.. فالدليل ما يحدث حاليا مع طراز (تويوتا كورولا) الذي تغير تماما عن طريق الشركة الأم .. التي قامت بإنتاج سيارة مختلفة تحمل اسم (كورولا) .. وبمجرد أن سمع المستهلكون في بلدنا عن قرب (اختفاء) و (انقراض) الشكل القديم من ال كورولا تمهيدا لطرح الشكل الجديد.. تضاعف الطلب علي السيارة القديمة.. وبدأت تباع في (السوق السوداء) بأعلي من سعرها بمبلغ يصل الي 15 ألف جنيه ! ثم قامت الشركة في مصر برفع سعرها بمقدار خمسة آلاف جنيه ! .
وكل من يتوجه إلي توكيل تويوتا عليه أن يحمل (واسطة كبيرة) الآن حتي يتمكن من (خطف) سيارة من طراز كورولا الشكل القديم !!.. حقا.. يا لها من سوق غريبة وعجيبة وفريدة !!

منقول

الموضوع ده يا جماعة أنا قراءته و عجبنى و قلت نفتح حلقت نقاش فى أحوال سوقنا العجيب

[abdulkhaleq]

والله مش عارف اقوللك ايه , حاجة تحزن الواحد فعلا , بس الغلط مش عالتجار بس , الغلط كمان على الناس اللي بتشتري وخلاص , ليه ما نقاطعش اسواقنا ؟؟؟ انا بتكلم بجد , اي حاجة مش عاجبنا سعرها منشتريهاش , ويخبطوا دماغهم في الحيط

[™ ΛHM€D NΘUH]

الموضوع مش على قد كده وبس يا حازم

انت نسيت الفيرنا فيفا

والاوكتافيا a4

واللانسر

بجد واضح ان الشعب ده بقى يموت فى اقتناء العربيات الكلاسيك

بنجرى ورا الموديل القديم زى ما يكون اللى هيخزنه هيبيعه بمليون

ونتيجه للهبل ده التجار بتدى الناس على قفاها وتغلى السعر

ومع ذلك تلاقى الناس برده بتشترى

طيب ايه الفكره مش عارف هل احنا خلاص بقينا معدومى التفكير للدرجادى

ومجرد ماشيين ورا التجار وخلاص اول ما العربيه تغلى نشتريها علشان الغالى تمنه فيه

يوميا بنشوف حاجات فى السوق ونسمع اسعار واخبار تحرق الدم

والواحد يحس ان سوق السيارات فى مصر هيفضل دايما متخلف

لكن ربنا يصلح الحال والناس بجد تقف قدام اى توكيل بيستغل وينصب

والف شكر يا حازم على نقل الموضوع الرائع ده

[hazemozo]

الشعب معندوش وعى و كمان شعب غبى و عذرا فى الكلمة
بس التصرفات اللى بنعملها عجيبة أوى و التوكيلات بيلعبوا بينا لعب زى الفل
يعنى مثلا الزحمة اللى على الكورولا الجديدة دى سببها أن التوكيل نشر أن الموديل الجديد مش يابانى و بالتالى الشعب كله نط على الموديل القديم لحد ما سعره بقى خيالى و مع ذلك ناس كتير لسة بتشترى لحد النهاردة و فكرين نفسهم أذكياء و هيبيعوا تانى و يكسبوا فى أو أنهم بيلحقوا سيارة فضائية مش هيلاقوا زيها تانى :oh::oh::oh::oh:

و عندك اللانسر القديمة سعرها غلى لما الموديل الجديد نزل...!!!
و الناس كلها بتشتري الموديل القديم حتى الأن بهبل برضوا لية...!!!
لأن التوكيل مفهم الناس كلها أنها 122 حصان و و أن المودديل الجديد 109 بس و أغلى كمان:15::15::15:
و هيا أصلان 103 حصان بس و أنا سمعت أنها فى مصر 96 حصان بس لأن فى قطع أقل كفاءة من اللى برة ودة كمان لأن البنزين أقل جودة يعنى 92 بس


و شكرا على ردودكم يا رجالة و نورتوا الموضوع:jap::jap:

[hazemozo]

فين الردود و النقاشات يا بشر...؟؟؟ :thumbdown::thumbdown:
هو كل الأعضاء شربو من نيلها و لا أية...!!!:oh::oh::oh:

[ELHDDAD]

موضوع متتاز اوى يا حزووم وانا هاقولك قصه طريفه جدا
انا ليه واحد صاحبى كان اشترى كيا برايد موديل 97 زيرو
لغاية هنا والموضوع عادى جدا اللى مش عادى انه اشترى العربيه بــ 23 الف جنيه وباعها من شهرين يعنى فى نوفمبر اللى فات ( 2007 ) بمبلغ 38 الف جنيه
يعنى حرت العربيه اكتر من عشر سنين وكمان كسب فيها اكتر من 15 الف جنيه على الرغم من ان العربيه توقف خط انتاجها من زمان بس هو ده السوق المصرى وكل ده لأعتبارات كتيره
وصحيح هم يبكى وهم يحزن وده كله لأن التجار عايشين لوحدهم فى السوق ولا فى مراقب ولا حتى ضمير
وحسبى الله ونعم الوكيل