طيب هانزل ايه ولا ايه

[Programing®Addict]

ياجماعه بجد بجد انت مش هاتقدر تغمض عنيك وتفتحها الا لما تلاقي لعبه نزلت خلال الفتره ديه بجد
لسه مفقناش من hellgate london و jerico و TheWitcher وتيجي الخبطه باربع العاب احلي من بعد:

FEAR Perseus MandateGears Of WarCall Of Duty 4
Empire Earth
والالعاب كلها نزلت والحمد الله بس الدور والباقي علي خطوط النت الي هاتستحمل كل ده والاجهزه الي هاتولع ولا الاعصاب بتاعتنا الي هاتحترق بجد...
بس الموضوع بجد الي عاوز اعرفه انتوا ناوين تنزلوهم كلهم؟؟ وتفتكروا الالعاب بقيت فعلا ادمان اكتر من السجايير والمخدرات :42:
ياريت الكل يشارك :53:

[vambire]

موضوعك مهم فعلا
بس مش ممكن تلاقى حد بينزل الالعاب دى كلها
علشان كل واحد وحسب امكانيات جهازه
يعنى مثلا متلاقيش واحد معاه كارت 128
ورايح ينزل اى لعبة من اللعب اللى بتقول عليها

[badroz]

مش هنزل ولا حاجه منهم .. هنزل Crysis
هههههههههه :)

[badroz]

نتكلم جد شويه ..انت ذكرت 7 العاب هم :
COD 4
Jericho
Empire Earth 3
FEAR
Gears of War
hellgate london
the Witcher
اللعبه الواحده مساحتها هتكون 6 جيجا علي الاقل ان لم يكن ازيد و قريبا هتنزل Crysis هفترض انها 6 جيجا مثلهم يعني بالشكل ده هتصبح عندنا معادله كالتالي :
8 العاب × 6 جيجا (متوسط) = 42 جيجا

[™StabiliTy]

ما تنزلش حاجة خالص

[™King Of Games]

نتكلم جد شويه ..انت ذكرت 7 العاب هم :
COD 4
Jericho
Empire Earth 3
FEAR
Gears of War
hellgate london
the Witcher
اللعبه الواحده مساحتها هتكون 6 جيجا علي الاقل ان لم يكن ازيد و قريبا هتنزل Crysis هفترض انها 6 جيجا مثلهم يعني بالشكل ده هتصبح عندنا معادله كالتالي :
8 العاب × 6 جيجا (متوسط) = 42 جيجا

فعلا موضوع مهم جدا بجد
42جيجاااااااااا على افتراض ان Crysis فعلا هتبقى 6جيجا
دا الديمو بعد التصطيب 2جيجا دا انا متوقعلها على الاقل 12جيجا
وخطوط ال512مبقتش تنفع دلوقتى اقل خط عشان تحمل بيه 1ميجا
انا لحد دلوقتى لسه بحمل فى كول اوف ديوتى وجيرز اوف ور جهااازى من اول الشهر دا متقفلش ولا حتى ريستارت واحده
وكله نازل على ناافوخنا والله حرام الاحجام الكبيره دى كلها
دا حتى الهردات مبقتش بتكفى هتعمل ايه هترفع على DVDS وتفضى مساحه عشان تحمل غيره
انا تعبت والله
انا ادمنت اليمز والدون لووووووود فعلا قضيه ادمااان اكبر من دمان المخدرات والسجاااير
ربنا يكون فى عونكم
لا
ربنا يكون فى عوووونى انا

[hanymoslem]

اتفرج على أفلام احسن:whistle::rules:
او اقعد عالقهوة :21:

[Eng_GeOvIeS]

بجد انتوا عالم رايقة و فايقة..ايه يا جدعان انتوا مش بتذاكروا خالص ولا ايه؟!!

[loai44]

انا شكلى هدبلر السنادى انا مش بسمع افلام والجهاز مبطلش دون لود امال لو بسمع كان حصل ايه
ونسيتوا nfs ps ليه دى لزمن تدخل فى المعادله دى

[badroz]

اتفرج على أفلام احسن:whistle::rules:
او اقعد عالقهوة :21:

او ممكن تروح تشتغل في مصنع وتبقي واد كسيب و تكون مستقبلك

البلد بتتدحرج :15::15:

[badroz]

و بالمناسبه , المعادله ناتجها غلط (اخره حفظي لجدول الضرب) للاسف محدش فيكم بيصحح لي و علي مايبدو اني مش لوحدي اللي بخرف !!

المهم : 8 العاب × 6 جيجا = 48 جيجا بيت وليس 42 !!

واذا اضفت Need for speed ProStreet علي فرض انها ستكون 6 جيجا هي الاخري ( اشمعني هي يعني ) تصبح امامنا معادله جديده تماما :

9 العاب × 6 جيجا = 54 جيجا بيت

[amryano]

و بالمناسبه , المعادله ناتجها غلط (اخره حفظي لجدول الضرب) للاسف محدش فيكم بيصحح لي و علي مايبدو اني مش لوحدي اللي بخرف !!

المهم : 8 العاب × 6 جيجا = 48 جيجا بيت وليس 42 !!

واذا اضفت Need for speed ProStreet علي فرض انها ستكون 6 جيجا هي الاخري ( اشمعني هي يعني ) تصبح امامنا معادله جديده تماما :

9 العاب × 6 جيجا = 54 جيجا بيت

واية يعنى 54 جيجا
اشترى هارد 320 جيجا واعمل بارتيشن 120 جيجا للألعاب بس
الهارد ب 465 جنية على فكرة مش غالى يعنى
بس اشترية من عندى طبعاً هههههههههههههه

[Programing®Addict]

طيب تخيلوا فعلا اني نزلت الالعاب ديه كلها ولسه البقيه تاتي

[7seas]

يا عم تنزل ايه صبااح الخير ده انا عندي خط 256 عاوزني انزل لعبهه 6 جيجا ولا في الاحلاااام

[madaeisa]

ما تشتري DVD writer و ريح بالك ثمنه رخيص جدا بين 100 و 150

اسطواناته مش غالية ب 6 جنيه ال 4 جيجا و لو اشتريت كمية هترتاح

و انسخ اشيائة المتعلقة على اكثر من اسطوانة بعد تحميلها و حل مشكلة هاردك

[Programing®Addict]

ما تشتري DVD writer و ريح بالك ثمنه رخيص جدا بين 100 و 150

اسطواناته مش غالية ب 6 جنيه ال 4 جيجا و لو اشتريت كمية هترتاح

و انسخ اشيائة المتعلقة على اكثر من اسطوانة بعد تحميلها و حل مشكلة هاردك
هوا دا الكلام يامان ...انا عامل كده برضوعه بس اتصدق حتي الاسطوانات مبقيتش مكفيه...

[Programing®Addict]

يا عم تنزل ايه صبااح الخير ده انا عندي خط 256 عاوزني انزل لعبهه 6 جيجا ولا في الاحلاااام
عقبال متجيب الواحد ميجا هاتفرق معاك كتير يامان ....

[™NiViĐiA.ΧϝΧ]

بجد انتوا عالم رايقة و فايقة..ايه يا جدعان انتوا مش بتذاكروا خالص ولا ايه؟!!

نفسـ،،ــي واللهي ازاااااااااكـ،ـر عليا امتحاااانااات الاسبووووع الجــ،ــاااي بس طول مااا الـ،ـمخدراااات دي هنلعبهاااا طلبعااا ونشربهاااا

[Brad Pitt III]

والله موضوع مهم فعلا
بس للاسف انا مينفعش احمل اى لعبة من الالعاب دى
يعنى ده انا معايا خط 256
وهارد 120 جيجا
وكارت شاشه 128
يعنى مافيش اى شىء متوفر :s
أحسن حاجه تتفرج على افلام وتسمع اغنية ظلموه هههههههههههه

[hesham_eraqi]

بإختصار شديد :

المشكلة ليست جديدة ولكنها من مدة تقريباً سنتين
بس تفاقمت جدأً في الفترة الأخيرة فعلاً

وأصبح في تخمة حقيقة في الألعاب العملاقة الصادرة في نفس التوقيت

والمشكلة مش في أنك عندك خط سريع تحمل اللعب أو لأ
المشكلة الحقيقية أصبحت في أنك عندك الوقت تلعبهم كلهم وتستمتع بيهم ؟ .. أعتقد مستحيل

لذلك الحل السحري للمشكلة دي : شوف أنت بتحب أيه وألعبه
الألعاب مبقتش ذي زمان أنك لازم تلعب كل اللعب اللى تنزل

[Programing®Addict]

بإختصار شديد :

المشكلة ليست جديدة ولكنها من مدة تقريباً سنتين
بس تفاقمت جدأً في الفترة الأخيرة فعلاً

وأصبح في تخمة حقيقة في الألعاب العملاقة الصادرة في نفس التوقيت

والمشكلة مش في أنك عندك خط سريع تحمل اللعب أو لأ
المشكلة الحقيقية أصبحت في أنك عندك الوقت تلعبهم كلهم وتستمتع بيهم ؟ .. أعتقد مستحيل

لذلك الحل السحري للمشكلة دي : شوف أنت بتحب أيه وألعبه
الألعاب مبقتش ذي زمان أنك لازم تلعب كل اللعب اللى تنزل

اولا دا شرف ليا ان حضرتك تنور الموضوع ...
ثانيا : فعلا من اكتر من سنتين بقي في تفنن كبير من معامل الالعاب انها ترتبط بالسوق التجاري مش ذي زمان
كانت العاب معينه دلوقتي بقيت كل المعامل تقريبا بتعمل العاب كبيره نظرا للتطور البرمجه والجرافيك وفعلا فعلا مفيش وقت بس خلونا نعتبر ان الفتره ديه هي الموسم الفعلي للالعاب فعلشان كده لازم لازم تنزلهم كلهم وتلعب براحتك طول السنه براحتك بقي ....
وخصوصا للي بيحبوا يجمعوا اللعب ... ذي حالاتي كده ربنا يعفيني منها بقي

[Programing®Addict]

والله موضوع مهم فعلا
بس للاسف انا مينفعش احمل اى لعبة من الالعاب دى
يعنى ده انا معايا خط 256
وهارد 120 جيجا
وكارت شاشه 128
يعنى مافيش اى شىء متوفر :s
أحسن حاجه تتفرج على افلام وتسمع اغنية ظلموه هههههههههههه
ربنا يكون في عونك وانا تحت امرك 3 هارادات 160 جيجا وهارد يتيم 320 جيجا
وكمان دي في كتيير متقلقش وكارت فيجا 8800 دافع فيه كل الي معايا علشان تلعب براحتك يامان
بس المشكله هانلعب امتي والامتحانات خلاص علي الابواب

[Bogy4ever]

انتو ناسيين لعبة unreal tournament 3 ودى اللى هنختم بيها السنة دى
معاد نزولها19 نوفمبر يعنى كمان اسبوع و الديمو بتاعها نزل لو عايزيين تتعقدوا

وطبعا انصح الشباب علشان تتمتع بمجموعة الألعاب دى صح تجيب كارت
XFX 8800 GTX مع بروسيسور Quad Q6600 (دة عبارة عن اربع بروسيسورات مع بعض 2.4x4 )

وان كان فى بيتك لسة عفش او هدوم ممكن تجيب هارد SATA 500 GB

وباشفا ان شاء اللة