عاجل إلى كل رؤساء و أعضاء (ركن دردشة محبي مصر)

[mohamed_fawz_zx]

السلام عليكم و رحمة الله و بركاته .....

اخواني و أخواتي، أعضاء الرابطة........

على الرغم من حزني الشديد لأغلاق بعض مواضيعي و حذفها فورا لأسباب عديدة و غريبة إلا أنني و بالرغم من كل حزني على الحجر على حرية الرأي في هذا المنتدى، سوف أتقدم بطلب عاجل إلى كل أعضاء الرابطة و أيضا كل أعضاء المنتدى من كل اجزاءه.

ففي الفترة الأخيرة و بعد شهور و شهور من الصراع و الضجيج الإعلامي الذي صاحب قضية الإعلامية الشهيرة (هالة سرحان)، و ما تبعها من توابع عنيفة قلبت موازين الإعلام المصري و العربي و بينت حجم السلبيات الضخمة الموجودة فيه، ثم حالة السكون و الامبالاه تجاه القضية نظرا لمحاولة (تبنيج) القضية إعلاميا، ثم عودة (هالة سرحان) إلى قلب اللعبة الإعلامية بعد ترك موقعها لإمراة أخطر منها و هي المخرجة الشهيرة (إيناس الدغيدي) صاحبة الأراء و الأفلام المثيرة للجدل و المثيرة للإنحلال إيضا بين شباب مصر، والشباب العربي أيضا، ثم تولي هالة سرحان موقع أخطر و أقوى بقناة تسضيف الضيوف على الهواء مباشرة و أمام الكل و كأنها تعلن انها فوق الجميع و أنها غير قابلة للمس من قبل رجال الأمن و القضاء المصري و كانها غير مطلوب منها ان تحاكم على جريمتها البشعه في عرض و شرف و كرامة كل مصري و مصرية، لذلك.......
بإسم كل مصري و مصرية وبإسم كل عربي و عربية، أطلب من أعضاء هذة الرابطة الكرام و أيضا من رؤساء المنتدى إنشاء فورا حملة إعلامية ضخمة عبر إستفتاءات مستمر عن قبول أو رفض وجود هذة الشخصية من جديد على أرض الملعب الإعلامي و إيضا إستفتاءات بسحب الثقة من قنوات روتانا مقاطعاتها فورا و أيضا حملات إعلامية من أجل إرجاع الرأي العام إلى اللعبة مرة أخرى بعد أن أصبحت القضية شبه منسية، لكي تصبح تلك القضية نموذج حي لأي شخص تسول له نفسه تدنيس عرض و شرف و كرامة مصر.

أرجو من إدارة المنتدى و من أعضاء الرابطة إعطاء رد فوري و سريع بالسلب أو بالإيجاب للبدء في الحملة و إذا حدث و أوجبتم بالسلب فسوف نتناقش و نتجادل بهدوء و بدون إنفعالاات أما إذا وافقتم على مطلبي فسوف يكون مطلوب من جميع رؤساء المنتدى المشاركة في رسم الخطوط العريضة و ايضا وضع بعض الأفكار المساعدة لنشر حملتنا، و بسرعة عبر كل أوجه الإعلام المقروء والمسموع و المرئي لتكون لدينا فرصة قوية لحشد أكبر تأييد للرأي العام.

و الله ولي التوفيق..............






مواطن مصري ........

[walleed1982]

اولا انت مواضيعك بتتحذف وبتتقفل لانها فيها تعدي واضح علي احزاب بعينها

يعني انت مش عاجبك حزب معين قول رأيك ولكن مش باستفزاز

وكمان 3 مواضيع كل يوم !!!!!!!!!!!!!

لو عايز تعمل مناقشه ايجابية اعمل موضوع واحد وطلب واحد

ساعتها هتلاقي اللي بيتجاوب معاك

دي من ناحيه

اما من ناحيه الاستفتاء

فتعالي نحسبها بمنطق العقل

انت بتقول مقاطعه قناه روتانا

كام واحد بيشوف القناه دي

طبعا العالم العربي

ودول كام واحد

مليار ونص تقريبا

نقول المتابعين للتلفزيون علي أقل تقدير 10 مليون مثلا

يعني انت المفروض تعمل استفتاء لل 10 مليون

مش أعضاء محبي مصر او حتي اعضاء المنتدي ككل

مع العلم ان في منهم مش هيوافق علي اقتراحك وفي منهم وانا منهم مش بتفرج الا علي قنوات الاخبار والرياضه واكيد في غيري زيي


وحتي لو طلعت من المندي 100 ولا 200 الف مش موافقين

ايه يعني؟؟؟؟

مش نسبه اطلاقا

احسبها ومستني رد

[wintar_sonata]

الموضوع متكرر تلات مرات

في النقاش

عاجل إلى كل أعضاء و رؤساء ركن (النقاش و إبداء الرأي) و رابطة (محبي مصر) (http://www.dvd4arab.com/showthread.php?t=679658)

وكمان في الرابطة مرة اخري
http://www.dvd4arab.com/showthread.php?t=679658 (http://www.dvd4arab.com/showthread.php?t=669188)

ممكن اعرف ايه الفايدة من التكرار؟

[elaine]

والله هو موضوع كان شائك من فترة ومثير للجدل
بس انا عن نفسي شايفة ان حجتها ضعيفة
ومرجعتش بقوة ولا حاجة لان نسبة مشاهده برنامجها مش عالية اوي
زي زمان وهي عبارة عن ظاهرة اعلامية ممكن مع مرور
الوقت تتلاشى
وبعدين احنا مش هنكون القاضي والجلاد
هي تقدم برنامجها زي ماهي عايزة والناس (المشاهدين) يحكموا يأما يسيبوا القناة
يأما اول ما يشوفوها يقلبوا
كل واحد حر هي حرة والمشاهدين برده
وزمان كانوا المشاهدين مش بيقدروا يغمضوا عنيهم لكن دلوقتي يقدروا

[desert1_storm]

انا مش بسمع التلفزيون اصلا لانى مقضيها نت وحسبنا الله ونعم الوكيل فى اللى زى هاله صرحان وايناس الديغيدى ومهمنا اتكلمنا كلامنها ملوش فايده الناس ديه هى اللى حاكمه البلد

[mohamed_fawz_zx]

أحب اشكركم اولا على مروركم الكريم على موضوعي المتواضع...

و ردا على بعض أرائكم و ردودكم التي شرفتموني بها:
أخي العزيز (وليد)، موضوعاتي تقول أنها تستفز إتجاهات أحزاب سياسية معينة و بشكل غير لائق، فأحب أقولك اثبت قبل كل شيء أن في حاجة واحد غير صحيحة من اللي انا قلته على اي حزب أو أي تيار سياسي أنا أتكلمت عليه، ثم أنا لا محلل سياسي و لا راجل عبقري زماني في السياسة علشان اتحاسب على رأي بقوله ببساطة المواطن البسيط، و اللي شايفه كل الناس اللي في البلد دي، و أظن ان دا حقي و أظن كمان ان التعدي اللي حضرتك بتقول عليه ده، هي الحقيقة الواضحة وضوح الشمس لكل واحد مصري عايش في البلد و بيحاول يفهم الوضع المشقلب لبلدنا العزيزة، يعني موش بجيب كلام من برة و لا بقول في كلا غير حقيقي، و اللي عايز يناقشني يطلع يناقشني و يعرفني غلطي موش مواضيعي تتحذف بدون أي مبرر علشان إستفزاز و الكلام اللي حضرتك قلته!
و حكاية مواضيعي الكتير دي، فأظن أن من حقي أني أقول المواضيع بالشكل اللي أنا عايزه و بالعدد اللي انا عايزه، لأن دا حقي، كعضو في المنتدى ده و لا أيه ؟
أما بالنسبة لموضوعاتي المتكررة، فأنا بأسف لكدة بس كنت مضطر لأسباب، أولا هو خطأ في الرفع مني لأني أتلخبط كذا مرة في الرفع في كذا ركن الموضوع ده، دا غير أني كنت فاكر أن أول ركن كتبت فيه مافيش حد بيشوفوه إلا قليل علشان كدة نشرته في اركان تانية قولت يمكن يكون لها رأي و رد على الموضوع و عموما أنا بأسف للغلط ده و لو حد من المشرفين شاف مواضيع متكررة يتفضل مشكورا و يلغيها، علشان أنا موش عارف تقريبا لأني لسه ماعنديش الصلاحية دي.

أما الكلام يا اخ (وليد) على موضوعنا الحالي، فا أنا لا يهمني مين اللي الناس اللي تعرف و تحس بالمشكلة و لا عددهم، لأن ببساطة المهم عندي ان الرأي العام يفضل مشغول بالقضية و ماتبردش نار أهالينا على شرفنا اللي ضاع بفضل (هالة سرحان) و أتباعنا علشان الست المبجلة هربت برة (مصر) علشان ماتقعش تحت طائلة القانون، و علشان كدة لازم نعمل رأي عام قوي علشان نحسس الناس ان القضية لسه عايشة وهاتفضل عايشة و أكيد مع الوقت الناس لازم هاتسمع لأن نور الحق أقوى من ضلمة أي ظالم متجبر.....

و على فكرة قنوات (روتانا) وبرامجها لسه في ناس موش حابهاها و بالذات بعد حكاية (هالة سرحان)، و تصعيد اللي ألعن منها و هي (إيناس الدغيدي) علشان تبقى على رأي المثل (ما اسخم من سيدي إلا ستي)، مما أوجد حالة (قرف) مؤقته من (روتانا) علشان اللي حصل ده و بالتالي مع وجود حملة لتوعية الرأي العام المصري و العربي، الموقف غصب أن عين الكل و عن عين القائمين عن قنوات (روتانا) و اللي حاميين (هالة سرحان) و غصب أن عن عين (هالة سرحان) شخصيا، هيقعوا تحت ضغط الرأي العام، و هايفقدوا مصداقيتهم عند الناس أكتر و أكتر لحد ما يموتوا في النهاية من الحسرة على ضياع شهرتهم اللي فكروا يذودوها من شرف و عرض بنات مصر و كرامتهم.

و شكرا يا أخي على مداخلتك الكريمة..........

[hassengamal]

انت تمام
مشكوووووووووووووووور

[mohamed_fawz_zx]

الله يكرمك يا أخي العزيز..........

[SAMEH_3ABDALLAH]

ياباشا خلاص ماتقلقش


النيابة قررت القبض على هالة سرحان فور نزولها مصر

الخبر دا لسة جديد

[mohamed_fawz_zx]

أنا ماعرفش الصراحة الخبر ده، انا لسه عارف منك دلوقتي لما شوفت مشاركتك، و عموما أتمنى يكون الخبر فعلا صحيح، بس حتى لو صحيح أو موش صحيح فالازم الحملة دي تمم علشان الناس يبقى عندها و عي و إحساس بالمسئولية تجاه قضايا بلدها و شرف و عرض بناتها و لا أيه ؟

[Poetry-prince]

مواضيعك اللى حطتها فى الأول فى القسم العام اتحذفت بمبرر

و منها : إخوانجى دخلت فيه شمال .. طبعاً فاكره

و لو ليك شكوى برجاء مراسلة المشرفين على الخاص

و لو عندك موضوع يخص مصر فالأفضل عرضه هنا فى قسم رابطة محبى مصر

لأن هذاهو مكانه الطبيعى فى المنتدى و لكن نرجو منك أن تضع موضوع واحد

يومياً و ليس 3 دفعة واحدة بنفس الركن .. حتى تأخذ بقية المواضيع حقها من المشاهدة

و بالنسبة لموضوع هالة سرحان

عايز تعمل استفتاء بمقاطعة برنامجها المستقبلى ( ده إذا عملته أصلاً )

أعمله هنا فى ركن الدردشة و إن شاء الله احنا معاك

و على رأى elaine .. الناس دلوقتى ممكن تغمض عينيها

[mohamed_fawz_zx]

يا سيدي أنا لاهممني مواضوعاتي أتحذفت ليه، و لا عايز اراسل حد و لا أعرف حد من المشرفين من الأساس، موش لأني بكرهم و لا حاجة، و لكن، انا اللي عايز أقوله ببساطة اللي حصل خلاص حصل، و دي طريقتكم و أنتوا أحرار، و الأفكار ليها أجنحة ماحدش يقدر يمنعها توصل للناس على رأي عمنا (يوسف شاهين)، فموش هاتقف عليكو علشان موضوعاتي اللي إتحذفت، موش موضوعنا ده و لا عايزه يكون موضوعنا، وإذا كان على عدد المواضيع اللي بكتبها في اليوم، و لو أني أول مرة اعرف كدة بس أنا بردو هاعمل اللي انتوا عايزينه علشان مايبقاش في حجة لحد.

أما بالنسبة لموضوعنا الأصلي، فأنا ماقلتش أني انا لوحدي عايز أعمل حملة علشان (هالة سرحان) أنا قلت علشان كذا و كذا و كذا عايزين كذا و كذا و كذا، و أدوني موافقتكم و أفكاركم و ارائكم علشان الحملة دي تتم، يعني أنا موش بعمل عمل فردي أنا بتكلم في عمل جماعي واحد.

و شكرا

[mohamed_fawz_zx]

ها يا اخواننا ؟
فين الآراء ؟
فين الأفكار ؟
فين المناقشة ؟
معقولة يا جماعة نسيتوا الموضوع ده ؟
دا من أهم المواضيع اللي تهم كل شباب و رجالة مصر !


عموما انا موش ساكت و لا يمكن هاسكت، بس أكيد انتم بتفكروا زيي و حاسين بالمرارة من جواكم زيي و اكتر مني لحقنا اللي ضاع، و علشان كدة انا بفكر في شوية أفكار و عناصر للحملة و إزاي تبتدي ........
و بعد كدة هارد عليكم ..
بس المهم أنكم أنتوا كمان تقدموا الأفكار من عندكم و نتناقش و نتجادل ماهو موش معقول موضوع مهم زي ده و ننساه لأي سبب و لا ايه ؟؟؟؟؟؟