الف الف مبروك يا دكتور هشام

[nour_subzero]

السلام عليكم و رحمة الله و بركاته

انا عايز اقولكم علي حاجه بس خايف حد يضربني او يحقد عليا

انا كنت امبارح في مصنع ال sparlock بتاع دكتور هشام و شفت انتاج

اول طوبه من هذا النوع في مصر

الف الف مبروك يا دكتور هشام الحلوه اتكلمت هههههههههههه

طبعا يا جماعه كلنا عارفين ان المكنه كان فيها مشكلة كنترول بس

الحمد لله المصريين ظبطو الدنيا و الحمد لله المكنه اشتغلت

اتمنا نجاح المشروع لدكتور هشام و لكل المصريين ان شاء الله

وانتظرو تنفيذ محطات اعادة تدوير صرف المنازل برعاية دكتور هشام

ومساهمه فكريه بسيطه من خلالي انا و المهندس عصام زاهر commander.e.z

و ان شاء الله هيكون اكبر مشروع في الشرق الاوسط طبعا مع الاشتراك مع

مشاريع اخري و اكيد طبعا تحت رعاية دكتور هشام حجاج :whistle:

وبكرر تاني الف الف مبروك دكتور هشام و ديما من نجاخ لنجاح

اخوكم مهندس / احمد نور الدين

[Thelastthrone]

ألف ألف مبروك..
ليكم ولينا كلنا..
ويارب دايماً مشاريعنا كلها تكون في قمة النجاح بإذن الله..
وتهنئة خاصة للدكتور هشام..
وبالتوفيق يارب دايماً...

[profesor x]

الف مبروك يا جماعة
ومخصصوص للدكتور هشام
والى الامام ديما

[shimaa.h]

مبروك يا دكتور
الى الامام

[Poetry-prince]

مبروك يا دكتور هشام و إلى الأمام دائماً بإذن الله

و يا ريت تقولنا على المادة اللى بيتصنع منها الطوب ده

يعنى أنا أسمع عن الطوب الطفلى و الأسمنتى

[SAMEH_3ABDALLAH]

مبروك يا دكتور هشام

[GodFathereg]

هممممم ... انا مكنتش موجود ..بس..
ألف مبروك

[Hesham Haggag]

مبروك لكم جميعا

وشكرا لكم وشكرا للمهندس أحمد نور الدين والمهندس عصام لتشريفهم لي وقضائهم يوم كامل معي بالمصنع وصبرهم واحتمالهم الشمس والضوضاء والأكل على الأرض.

وشكرا لهم تطوعهم بالمساعدة حتى تم إنجاز هذا العمل الرائع الذي لم يكن سيتم لولا الشباب المصريين الذين تعدت قدراتهم حدود الخيال وبالذات المهندس أشرف أكرمه الله والمهندس ايهاب أعزه الله.

وأنا في أنتظار تجارب الاحتمال والخلطات والاخبار الجميلة تأتي تباعا.

شكرا لكم جميعا تفضلكم بالتهنئة.

د/هشام حجاج

[Hesham Haggag]

هممممم ... انا مكنتش موجود ..بس..
ألف مبروك

دي مش حجة

ابقى قولي وانا اخدك معايا

بابا

[الملك المصري]

بسم الله الرحمن الرحيم

ألف ألف مبروك ... وكنت اتمنى ان اكون بمصر حتى استطيع الحضور وتقديم المساعدة ...

وانا تحت امرك يا دكتور هشام في اي مشروع داخل الامارات العربية المتحدة

والف الف مبروك مرة اخرى

[Hesham Haggag]

شكرا ياملك وشكرا لكم جميعا على تحياتكم الرقيقة

البلوك عبارة عن بلوك نسبة الرمل فيها 54% والحصى الصغير 36% وأسمنت 10%. هل لاحظتم نسبة الاسمنت المنخفضة؟ والبلوك قياساته 40 x 20x 20

ونحن نحاول ايجاد رابط آخر غير الاسمنت قريبا بإذن الله

والتكنولوجيا كلها في فكرة الرابط بين البلوكات وبعضها بدون أسمنت وبدون حديد تسليح (بسيط) وبدون اساسات مكلفة.

شكرا لكم والى لقاء قريب.

هشام حجاج

[walleed1982]

شكرا ياملك وشكرا لكم جميعا على تحياتكم الرقيقة

البلوك عبارة عن بلوك نسبة الرمل فيها 54% والحصى الصغير 36% وأسمنت 10%. هل لاحظتم نسبة الاسمنت المنخفضة؟ والبلوك قياساته 40 x 20x 20

ونحن نحاول ايجاد رابط آخر غير الاسمنت قريبا بإذن الله

والتكنولوجيا كلها في فكرة الرابط بين البلوكات وبعضها بدون أسمنت وبدون حديد تسليح (بسيط) وبدون اساسات مكلفة.

شكرا لكم والى لقاء قريب.

هشام حجاج


ياااااااااااااااه

عارف يادكتور هشام

الطوب ده لو أثبت وجوده هتبقي ضربة للحديد

ساعتها مش هنحتاج حديد تسليح بالشكل اللي بنحتاجه دلوقتي

ياريت يادكتور تبلغنا بالتطورات أولا بأول

تحياتي لك وألف مبروك

[h4love]

اطيب تحياتى القلبية لك د. هشام
وألف مليون مبروك ليك
وان شاء الله تكون فى مشاريع افضل واكبر بإذن الله
وفقك الله

[Hesham Haggag]

ياااااااااااااااه

عارف يادكتور هشام

الطوب ده لو أثبت وجوده هتبقي ضربة للحديد

ساعتها مش هنحتاج حديد تسليح بالشكل اللي بنحتاجه دلوقتي

ياريت يادكتور تبلغنا بالتطورات أولا بأول

تحياتي لك وألف مبروك

شكرا ياحبيب قلبي ياغالي

وباختصار ليك انت وكلمة في ودنك أنا طلعت عيني علشان انقل التكنولوجيا دي مصر

ومش حاحكيلك كم المشاكل والعقبات التي واجهتني لكي أدخلها إلى مصر

يعني كان صعب خروجها من هناك وصعب دخولها هنا

لكن المهم وباختصار أرجو أن لا يكون مخلا بالموضوع ، تكنولوجيا البناء تطورت جدا جدا جدا من سنين طويلة على مستوى العالم ، ولكن لظروف خاصة بنا نحن وبعض دول اوروبا الشرقية ولارتباطنا بالاتحاد السوفيتي لفترة ما ، تبنينا النموذح الروسي في البناء العقيم القبيح الذي أشتهر به وأخذ عنه قطاع المقاولات المصري طريقة البناء بعواميد المسلح وملء الفراغ بالطوب ، وعيب هذا النظام التكلفة العالية جدا والوقت الذي يستغرقة هذا النظام في البناء.

وقد بدأت في دراسة هذا الموضوع والبحث فيه والتطورات التي تمت عليه ولي عدة كتب في هذا المجال ويمكن لمن يريد الاطلاع عليها ان يراسلني أو يبحث على النت عن كتابي Building Innovation أو الابحاث التي قامت بها مؤسستي Path والتي كانت تقوم بهذه الابحاث منذ 1992.

والتكنولوجيا التي لا أدعي شرف ابتكارها ولكن كان لي شرف البناء بها والتعامل مع صاحبها في أكثر من مناسبة وفي أكثر من مكان منذ عام 1994 وهي تسمى:

Sparlock Technology

Hollow Core dry stacking interlocking blocks

Sparblock

وهناك في العالم أكثر من تكنولوجيا سهلة وبسيطة للبناء وسريعة ولا تحتاج لخبرة كبيرة ، ولا تكاليف تسليح وخلافة مثل الطريقة العقيمة التي نبني بها الآن. وهناك وسائل للبناء بقش الارز STRAW BALE BUILDING وغيرها من وسائل البناء البسيط والغير مكلف بالمرة.

والمباني التي نبنيها حاليا مكلفة في الاساس لأن وزن المبنى نفسه يكون ثقيلا جدا وبالتالي يحتاج الى تدعيم وتسليح مكلف جدا فقط كي يتمكن المبنى من حمل نفسه.

التكنولوجيا التي أحضرتها لمصر بعون الله سبحانة وتعالى تتيح تخفيف وزن المبنى وبالتالي تقلل الاحتياج الى التسليح ولا نستخدم فيها الاسمنت ليربط بين البلوكات وبعضها فهي يتم تركيبها مثل الليجو أو المكعبات بطريقة الحوائط الحاملة وبالتالي يقل الاعتماد على الاسمنت ايضا ، ولانها سهلة التركيب فلا تحتاج لعمالة خاصة ، فتكلفة العامل الذي يقوم بتركيبها تصل الى 30% من تكلفة البناء العادي ، ولأنها تصنع ملساء تماما فهي ايضا لا تحتاج محارة ، يكفي بعض المعجون لسد الخطوط (2 ملم)بين البلوكات وبعضها البعض أو يمكن الدهان عليها مباشرة أو لصق ورق حائط ، كما يمكن البناء لأي ارتفاع طبقا للتصميم الانشائي.

الفكرة ليست أن نقضي تماما على محتكري الحديد والاسمنت بل أن نقيم هذا الوطن بسواعد أبناءه وأن يكون لكم الفرصة في السكن في بيت عازل للصوت وصحي غير مكلف وسهل البناء ومناسب التكلفة.

الفكرة أن أعطيكم الفرصة للاختيار.

ولأن الطوبة لها حجم معين ثابت ، فإن العوامل الاخرى يمكن تثبيتها مثل النوافذ والابواب ، ومواسير المياة ، وعلب الكهرباء وكلها يمكن تركيبها بكل بساطة لأن البلوك له مقاس ثابت لا يتغير.

حينما عرضت على أعضاء المنتدى أن نشترك في مشروع واحد ، كان هدفي أن ادربهم جميعا ليكونوا مقاولين صغار فلن يبنى هذا الوطن الا ابناءة وبسواعدهم وخبراتهم المتعددة يمكن بناء هذا الوطن ليسعنا جميعا.

نحن لدينا عجز يبلغ 2 مليون وحدة سكنية على مستوى القطر ، وهذه مساهمتي لكم لكي تعملوا جميعا لتغيير هذا الواقع ، وهذا العجز يزيد بـ 600.000 وحدة سنويا ، وقدرة قطاع المقاولات بكاملة لا تتعدي 35.000 وحدة سنويا؟؟

فكيف يمكن سد هذه الفجوة؟؟

الطريقة الوحيدة التي وجدتها لحل هذه المشكلة أن يشكل كل منكم فريق في منطقتة وأقوم انا بتدريبهم وتعليمهم وامدادهم بالمواد والخامات اللازمة ونبدأ على بركة الله.

هل أعجبكم المشروع.

هل عرفتم الآن لما استوردت هذه التكنولوجيا؟

شكرا لكم جميعا وإن شاء الله نلتقى قريبا على الخير.

د/هشام حجاج

[shimaa.h]

الطريقة الوحيدة التي وجدتها لحل هذه المشكلة أن يشكل كل منكم فريق في منطقتة وأقوم انا بتدريبهم وتعليمهم وامدادهم بالمواد والخامات اللازمة ونبدأ على بركة الله.

هل أعجبكم المشروع.

هل عرفتم الآن لما استوردت هذه التكنولوجيا؟





وانايشرفنى لو تقبلنى فى الفريق يا دكتور هشام
ربنا يوفقك لما فيه الصالح

[shiref445]

الف الف مبروك يا دكتور هشام وان شاء المشروع ينجح

وبجد فكره جميله وربنا يكون في العون

تحياتي لكل الاعضاء

شيكو

[Hesham Haggag]

وانايشرفنى لو تقبلنى فى الفريق يا دكتور هشام
ربنا يوفقك لما فيه الصالح

الشرف حايكون لي انا إن قبلتي.

شكرا لك وأنا بانتظار الموافقات النهائية ونتائج الاختبار

[اللمض جدا]

بس ايه العلاقه الدكترة بالطوب

وع العموم متنساناش يادكتور بشويه طوب نبني بيها مقر اللماضه الجديد

[profesor x]

انا اقولك
دا هيا دي الصح
ايه هيه فايدة انك تكون دكتور ومش عامل حاجة لبلدك
والله يا جماعة الدكتور هشام دا كنزو وطني
المفروض لما يجي السياح يشوفو مصر
يشوفو الاهرامات وتوت عنخ امون والدكتور هشام
دا انسان ولا اي انسان
دا مصري ولا اي مصري
دا دكتور ولا اي دكتور
مشروع الطوب ده حاجة هتغيرالنظام بتاع البنى في مصر
هيتغير كل اللي موجود
الحديد هيقل تمنه او على الاقل هيقل الاعتماد عليه والطلب
الاسمنت نفس النظام
هيكون في سرعة في بناء البيوت (مفيش نسب مقارنة)
هيكون في طفرة جديدة في المجال دوت
ودا كلو بسبب انسان واحد
اللي هيشوف الدكتور هشام هيعجب بيه
واللي هيشوف الطوب هيعجب بيه اكتر واكتر

[Hesham Haggag]

انا اقولك
دا هيا دي الصح
ايه هيه فايدة انك تكون دكتور ومش عامل حاجة لبلدك
والله يا جماعة الدكتور هشام دا كنزو وطني
المفروض لما يجي السياح يشوفو مصر
يشوفو الاهرامات وتوت عنخ امون والدكتور هشام
دا انسان ولا اي انسان
دا مصري ولا اي مصري
دا دكتور ولا اي دكتور
مشروع الطوب ده حاجة هتغيرالنظام بتاع البنى في مصر
هيتغير كل اللي موجود
الحديد هيقل تمنه او على الاقل هيقل الاعتماد عليه والطلب
الاسمنت نفس النظام
هيكون في سرعة في بناء البيوت (مفيش نسب مقارنة)
هيكون في طفرة جديدة في المجال دوت
ودا كلو بسبب انسان واحد
اللي هيشوف الدكتور هشام هيعجب بيه
واللي هيشوف الطوب هيعجب بيه اكتر واكتر

شكرا ياعشري على المجاملة وشكرا على حضورك الكريم

والمرة الجاية ابقى البس حاجة تقيلة

ياجماعة الدكتور محمد كان بيتكتك من البرد

وبرضة أكل فول وفلافل على الطوب والاسمنت واتعاص شحم وشال الاسمنت على كتفه وقعد يعجن بايدية

ده هو الشباب اللى انا باتكلم عليه

طب ايه علاقة الصيدلة بالطوب؟

العلاقة مش بين الصيدلة والطوب ولا الاقتصاد بالطوب

العلاقة بين الانسان والمجتمع اللى عايش فيه وحجم مساهمتة في بناء هذا المجتمع.

شكرا ياعشري على كل مافعلت ، حضورك اضاء الليل وجعله نهار.

وبرضة يامحمد ياعشري نصاب.

د/هشام حجاج

[profesor x]

والله يا دكتور انا لا نصاب ولا حاجة
دا انا حتى مش قادر اعبر على اللي فيا من جهتك
يكفيني شرفا ان انا اتعصت شحم وصوابعي 2 وارمين من الالة اللي ان شاء الله بجهد الدكتور هشام هتساعد فيحل مشكلة من مشاكل الشباب المصري
انا والله اعجز عن وصف فرحتي وحبي ليك يا دوك
وانا كمان فرحت جداا لما لقيت 2 بشمهندسين ركبو مكينة كبيرة ضخمة من صورة لاكتالوج ولاغيرو داكمان الصورة مش جايبة الا اجزاء بسيطة من الألة
والله دا زاد شرفي من ان اكون مصري
كانو كده يعملو الانجاز ورا الانجاز واكني اشوف حلم بيتحقق ادامي
هما دول المصريين
انا كل اما اكلمك يزداد حبك وحب مصر في قلبي
انا تشرفت بزيارتي ليك

[profesor x]

مبرووووووووووووك

[costa0111]

انا لازم اشوف الموضوع ايه!!انا شفت اعلان بيتكلم على نوعيه الطوب ده الكلام ده من حوالى سنه!بس واللهى موش فاكر انا فين شفت الاعلان ده!!
بس يا دكتور انا لما اشترى قطعت ارض ان شاء الله هجيب الطوب ده!ماتقلقش انا عايز ابقا اول عميل عندك!!بس استنى عليا سبعتاشر تمنتاشر قول عشرين سنه!وظبطنى فى السعر بس!
بجد بجد انا فرحان ان فى ناس فى مصر كده!انا كنت خلاص ماشى وسايب تل حزن كبير على البلد دى!
ربنا يوفقك يا دكتور..وخلى بالك من حيتان الحديد!وكمان والاسمنت!علشان لسه فى مصانع واخده تراخيص فى مصر وموش عارف دخلوا خزينه الدوله كام مليار!!خلى بالك علشان دى هتبقى حرب موش منافسه!
وربنا يكرمكم كلكم!
اخوكم معزوز!اقصد معتز!

[Dr Engineer]

الف مبروك دكتور
هذه اول مشاركة لي
ياريت تدينا اسم وعنوان شركتكم هنا فمصر عشان نعمل معاها عقودلتوريد البلوك وما سعر البلوكة الواحدة ومدة التجهيزعشان نعمل مقارنة مع البلوك العادي

[silent volcano]

الف مبروك لينا ولمصر كلها

[commander.e.z]

مبروك لكم جميعا

وشكرا لكم وشكرا للمهندس أحمد نور الدين والمهندس عصام لتشريفهم لي وقضائهم يوم كامل معي بالمصنع وصبرهم واحتمالهم الشمس والضوضاء والأكل على الأرض.

وشكرا لهم تطوعهم بالمساعدة حتى تم إنجاز هذا العمل الرائع الذي لم يكن سيتم لولا الشباب المصريين الذين تعدت قدراتهم حدود الخيال وبالذات المهندس أشرف أكرمه الله والمهندس ايهاب أعزه الله.

وأنا في أنتظار تجارب الاحتمال والخلطات والاخبار الجميلة تأتي تباعا.

شكرا لكم جميعا تفضلكم بالتهنئة.

د/هشام حجاج

الف مبروك يادكتور هشام..بالتوفيق ان شاء الله
ومفيش داعى للشكر... ده واجبنا كلنا

[Hesham Haggag]

الف مبروك دكتور
هذه اول مشاركة لي
ياريت تدينا اسم وعنوان شركتكم هنا فمصر عشان نعمل معاها عقودلتوريد البلوك وما سعر البلوكة الواحدة ومدة التجهيزعشان نعمل مقارنة مع البلوك العادي

اهلا وسهلا

احنا في مدينة 6 أكتوبر

المنطقة الصناعية التانية

امام مخازن البنك الوطني

مصنع الطوب الاسمنتي

[Dr Engineer]

ربنا يوفقك دكتور
ان شاء الله الزيارة حتكون بعد ما حضرتك تديني المعلومات دي:
كنت عاوز اسم شركتكم الرسمي عشان البوسطة والعقودوالذي منه وفكرة عن الاسعار واسلوب التوريد والتعاقد مع مين بالزبط مع الشركة الكندية ام مع شركة حضرتك وسعيكم مشكور

[اللمض جدا]

واضح ان الموضوع بجد وانا الوحيد اللي طلعت عبيط فيكو ههههههههههههه

الف الف مبروك يا دكتور هشام وربنا يوفقك في الخطوات الجاية ويجعل تعبك بفايدة ان شاء الله

مبروك يا دكتور هشام

[love4love_82]

ربنا يوفقك يا دكتور واحنا كلنا معاك

[Hesham Haggag]

ربنا يوفقك دكتور
ان شاء الله الزيارة حتكون بعد ما حضرتك تديني المعلومات دي:
كنت عاوز اسم شركتكم الرسمي عشان البوسطة والعقودوالذي منه وفكرة عن الاسعار واسلوب التوريد والتعاقد مع مين بالزبط مع الشركة الكندية ام مع شركة حضرتك وسعيكم مشكور

ياسيدي تعال زورنا الاول واشرب كباية شاي

والتكنولوجيا اسمها Sparlock Technology

وانا شركتي اسمها Sparblock Egypt

والكلام اخد وعطا

وانا بابني بيوت للشباب بس الوحدة 63 متر بتكلف حوالي 30 الف جنيه متشطبة بالكامل ، تسليم مفتاح.

واتفضل زورنا واشرب معانا كباية شاي

ولكل اللى هنا وشارك معانا الفرحة اتفضلوا اشربوا كباية شاي

[costa0111]

شاى وشاورمه ومياه معدنيه كمان! هههههه الله يباركلك يا دكتور

[Hesham Haggag]

شاى وشاورمه ومياه معدنيه كمان! هههههه الله يباركلك يا دكتور

انت بالك من الشاورمة

عموما وشاورمة كمان.

اتفضلوا كباية شاي وشاورمة ومياة معدنية على حساب معتز

ههههههههههههه

د/هشام حجاج

[lonly099]

ربنا يوفقك في كل ما تتمناه

[أبو يووسف]

أبدأ بتحية عظيمة لعزيزي د: هشام المحترم وياريت ترد علي. أنا فعلا محتاج لرأيك أنا شاب بكالوريوس تجارة وإشتغلت فالخليج فترة ورجعت بشتغل مندوب فشركة مرموقة ومعروفة جدا فالعالم مش فمصر بس . بس المشكلة إن الشغل ده مش دائم زي ما أنت عارف وأنا متجوز وعندي أولاد ومحتاج للإستقرار ومتوفر معي مبلغ بسيط وبدور علي مشروع بسيط أعمله وتكون نسبة خسارته صغيرة.لأن المبلغ مش محتاج مجازفه.فيريت تديني رايك وبسرعة لأن الموضوع ده عاملي إزعاج. وفي نفس الوقت عاوز أحافظ علي الشركة اللي بشتغل فيها. ولك وافر الإحترام والتقدير.

[Hesham Haggag]

أبدأ بتحية عظيمة لعزيزي د: هشام المحترم وياريت ترد علي. أنا فعلا محتاج لرأيك أنا شاب بكالوريوس تجارة وإشتغلت فالخليج فترة ورجعت بشتغل مندوب فشركة مرموقة ومعروفة جدا فالعالم مش فمصر بس . بس المشكلة إن الشغل ده مش دائم زي ما أنت عارف وأنا متجوز وعندي أولاد ومحتاج للإستقرار ومتوفر معي مبلغ بسيط وبدور علي مشروع بسيط أعمله وتكون نسبة خسارته صغيرة.لأن المبلغ مش محتاج مجازفه.فيريت تديني رايك وبسرعة لأن الموضوع ده عاملي إزعاج. وفي نفس الوقت عاوز أحافظ علي الشركة اللي بشتغل فيها. ولك وافر الإحترام والتقدير.

عزيزي انت المحترم أبويوسف

اتفضل في موضوع هل ترغب في مشروع ناجح وشوف الناس بتتكلم في ايه ، أو اتفضل زورني في مصنعي او مشروعاتي وخد اللى يعجبك واعتبره ملكك

د/هشام حجاج