حد يشوفلي حل في الفيرس ده قبل ما يخلص علي رصيدي

[ah.shaban]

السلام عليكم
ياريت حد يقولي اعمل ايه علشان اخلص من الفيرس ده
الفيرس بيبعت رسايل sms لرقم غريب وبكميه رهيبه والرسايل بتتسجل في سجل المكالمات بس ومش بتتسجل في مركز الرسايل بس لحسن حظي ان كل الرسايل pending مفيش واحده اتبعتت لحد دلوقتي بس الخوف انه يبدأ يبعت
نوع الجهاز نوكيا 6630
مع العلم ان الفيرس لازال موجود بعد عمل فورمات للجهاز وللميموري كارت وتحديث السوفت وير من علي موقع نوكيا
ودي صورة للسجل
http://img229.imageshack.us/img229/8834/28466173ry4.jpg

[mm_kotb]

ادخل على www.f-secure.com

[ahmad_dwedar11]

يا ريت يا جماعه تشوفولنا حل للمشكله دي انا عندي نفس المشكله:sadwalk:

[ah.shaban]

ادخل على www.f-secure.com

ياريت حضرتك بس توضح اعمل ايه عليه او اجيب برنامج ايه.؟؟
معلش تاعبك معايا

[hesham_eraqi]

جرب تعمل الكلام اللى في الموضوع ده : هنـــا (http://www.dvd4arab.com/showthread.php?t=495896)

واحد صاحبي كان عنده نفس المشكلة وأتحلت بالطريقة دي
بس الغريب عندك إن الفيرس مطارش بالفورمات !!
أنت فرمت الميموري والجهاز في وقت واحد ؟

[H0SSAM]

جرب الموضوع اللى وضعه الاخ هشام لو منفعش يبقى فرمت تانى
اولا فرمت الميمورى خارج الجهاز "بالكمبيوتر"
حط عليها f-secure اللى متوافق على جهازك
بعدها فرمت الجهاز هاد فورمات مش سوفت فورمات
متعملش backup وتفكه بعد الفورمات لان الفيروس حيرجع
ضع الميمورى كارد وشغل الهاتف واول شىء اعمل setup ل f-secure وشغله هو بيحب البطارية جامد فسيب الهاتف فى الشخن
كل ال bluetooth pair المفروض انه اتلغى, متعملش pairing مع حد وكل ما تستخدم ال bluetooth اقفله بعدها متسيبهوش مفتوح
واتاكد والbluetooth شغال انك بتوافق على اتصال جهاز صديقك
الفيروس غاليا بيجيلك من البلوتوث من احد جيرانك او اصدقائك وده غالبا اللى رجعه بعد الفورمات
متنزلش اى برنامج مش موثوق فيه او ب keygin
والكلام ده حاول تدور على بديل مجانى

[mm_kotb]

ياشباب الفرمته مش هاتحل المشكلة

[mm_kotb]

ادخل على اللينك ده واختار نوع موبايلك علشان ينزلك الانتي فايرس المتوافق معه
http://mobile.f-secure.com/downloads/trial/index.html

[mm_kotb]

وياريت تطمني

[mazen_2006]

روح نزل سوفت

[body_tr2010]

السلام عليكم


اقولك الحل نزل برنامج سلك او فيل مان وادخل على c وبعدين apps

هتلاقى برنامج اسمة جوردان امسحة وكدة مش هايبعت معاك رسايل تانى





body moga

[ah.shaban]

السلام عليكم
الف شكر كل اللي ردوا عليا بجد انتو ناس تمام
انا نزلت الفايل مان ولاقيت فعلا فولدر جوردان عالميموري والهاتف
وحذفتهم ولحد دلوقتي مفيش رسايل اتبعتت تاني
عالعموم لو حصل حاجه جديده هقولكم اكييييييييييد
الف شكر مره تانيه ليكم كلكم

[prince_of_dark3]

على فكرة أخ بودى الفايروس ده بيكون ع ال c و ال d وبعد مل ينحذف مش بيبعت تانى وما تقلقش ع الرصيد الرسايل كلها بتكون فيلد

[subzero__10]

انا كمان كان عندى الفيرس ده فنفس الموبايل لان كنت نقلت كارت الميمورى بتاع اصحابى عندى فلبست الفيرس فملهوش حل غير انك تروح لبتاع موبايلات وهو بيفرمت الميمورى عنده بطريقته وهيرجعه زى الاول وانا الفيرس ده جه عندى مرتين بس اتعلمت انى مديش الميمورى لحد ولا اخد بتاع حدوهيرجع والله وعلى ضمانتى وانا عملته فالسراج بس مش شرط