E 61 i

[prince 2008]

السلام عليكم
يا جماعة انا كنت عاوز استفسر عن الموبايل دة لأانى عاوز اشتريه وياريت لو حد يعرف عيوبه ومميزاته وسعره برة وجوة مصر
http://img.gsmarena.com/vv/pics/nokia/nokia-e61i-00.jpg

[peteroooo]

أيوة هو عندي، قول عايز تعرف ايه ثاني لو كلامي مكفكش؟
انا هديك وجهة نظر شاملة عنه
هو بديل الايميت من شركة نوكيا
له مميزاته و له عيوبه
مميزاته هو سهولة الدخول على النت و كتابة الرسائل و ام بي ثري و واي فاي و بلوتوث و انفراريد، فيه كل حاجة
و شاشة كبيرة مشاءالله تشوف عليها فيلم هههههههههه
تشعر انه كومبيوتر صغير
عيوبه
-مفيهوش توتش سكرين، عكس الايميت
-عريض جدا، شبه الألة الحاسبة و فيه ناس مبتحبش كده
-مينفع تركب عليه كارت ميموري اكبر من 2 جيجا عكس الموبيلات الثانية اللي تقدر تركب فيها 10 جيجا حتى
-الكاميرا، متوسطة، رغم الاشاعة اللي طالعة عليها انها مش عارف بدعم 16 لون و ايه بس هي كاميرا 2 ميجابيكسل متوسطة و تدعم ال3g
-مفيش كاميرا من قدام
-الصوت اللي بيكلمك هتلاقيه واطي شوية، ده في اغلب اصدارات نوكيا عيب رئيسي، و هو ان دايما بتلاقي مشكلة انخفاض صوت المتحدث
-بالنسبة لانخفاض صوت الاغاني فيه فده حله بسيط جدا باستخدام برامج لرفع صوت الاغنية على الكومبيوتر و بعد كده هتشتغل بصوت عالي على الجهاز
-الالعاب مش هتعرف تلعبها لانه زراير الارقام بتشتغل باسلوب معين هيضع استحالة للعب الالعاب فيه، لازم تدوس على زر ازرق كده على الشمال تحت علشان زراير الارقام تشتغل، مش هتعرف تلعب كده خالص
مش عارف اذا كانت المشكلة ده ليها حل او لا بصراحة
----------------------------------------------------
باختصار، لو هتجيب الجهاز ده فهيكون لغرض العمل فقط
مش للمظاهر
فهو خير صديق للحياة العملية
لكن لو انت عايز موبيل كاميرا و جيمز و ام بي ثري فانصحك تبتعد عنه، هو للشغل فقط
ممكن تسمع عليه اغاني و تشوف افلام طبعا، بس هو غرضه عملي بالدرجة الاولى
سعره في مصر حوالي 2900 جنيه بس معرفش برة بصراحة
سلام

[prince 2008]

الف شكر على الافادة وبجد ارائك مفيدة جدا
بس طلب لخير انت تنصحنى باية الموبيل دة والا الاى ميت ولو ليك اقتراحات تانية اكون شاكر

[العويشق]

شكرا ياباشا