المساعد الشخصي الرقمي

مشاهدة النسخة كاملة : لغز ورق الكوتشينة - الجزء الحادى عشر

Tigger
08-06-2005, 11:42 AM
هذه المرة اللغز مختلف تماما ...

هذا اللغز ليس له حل عندى فى الحقيقة.... :5bomb:

بمعنى آخر أهدى اليكم مقطع الفيديو هذا (فى المرفقات) وفيه خدعة جميلة جدا لأوراق الكوتشينة. :5flowerfa

أرجو أن تستمتعوا بالخدعة ، ومن يعرف كيفية تنفيذها فليخبرنا مشكورا. :D
majic
08-06-2005, 11:55 AM
ههههههه . دي من أجمل الخدع اللي شفتها في الكوتشينة :). نفسي أعرف عملها ازاي دي. يا ريت يا تيجر لو عرفت تقولنا. أكيد هية فيها خفة يد. بس لو كدة يبقى الراجل ده إيده خفيفة قوي قوي.
.:GOGO:.
08-06-2005, 06:32 PM
في كذا حته في الفيديو حسيت إن ( إديه كانت في مكان و بعدين بقت في المكان أل فوقه ) من غير ما تتحرك يعني مرة واحدة .....

وده دليل إن الفيديو ده عبارة كذا لقطة ... إتربطوا ببعض ببرنامج ما ... بمهارة عالية جدااً .. عشان لما ييجوا يكملوا التصوير لازم

يكون واقف بالضبط زي ماكان واقف قبل التصوير ( بس ما ظبطوهاش في حكاية اليد ده ) وفي الوقت أل بينهم غيروا الورق و شربوا

شاي وقهوة ..... و الدليل علي كده كمان إن في آلات التصوير بيكون في Timer .... كان يقدر يثبتلنا إذا كان الفيديو عبارة عن

لقطات متقطعة ولا لأ ............. هما شالوه .

وغير كده .. لو كان الفيديو متصور حته واحده إستحالة يحصل أل عملة ده لأنه كان لابس بنص كم يعني مش مخبي أي أوراق ولا حاجة
.:GOGO:.
08-06-2005, 06:41 PM
و هتلاحظ يا سيدي الحتة أل بقولك عليها ده بوضوح قبل ما يظهر الأربع شيبات ......... و ممكن يكون عملها في التسعات بس كانت متقنه جدا .. ما خدناش بالنا
mohammadhelmyyy
08-06-2005, 07:23 PM
الحوار مش كده خالص....
لو خدتو بالكم انه وهو بيقلب الورقة على ظهرها مش بتببقى الورقة الأولى اللي فوق...
والخدعة كلها ماشية بنفس الفكرة...
مثلا : الورقة الثانية بيبقى فيها ال 2 القلب الأحمر .. ف بيقلب أول ورقتين بس بيبان انه قلب أول كارت بس..
هي دي الفكرة ببساطة بس هو محترف جدا
.:GOGO:.
08-06-2005, 10:37 PM
طب حوار أل 2 قلب أحمر و فقسناه... طب جاب ( الشياب والتسعات دول منين ) ؟؟؟؟
Tigger
09-06-2005, 12:01 AM
صدقونى انا وقفت قدامها زى المشلول :) مش عارف عملها ازاى دى.

المشكلة اللى نفسى اعرفها هل هى خفة يد فقط أم أنها كوتشينة معدة مسبقا ؟؟!!!
هل هما 4 كروت فعلا أم أكثر وهو أقنعنا بخفته أنهم 4 فقط ؟
والاحتمال الاخير الجديد الذى قاله جوجو (وانا شخصيا غير مقتنع بيه) ان الفيديو مركب.
laplac
09-06-2005, 01:45 AM
والله أنا شوفت الفيديو وانا محتار برضة ... فكرت في رأي ماجيك انها تكون خفة يد .. بس للدرجة دي خفيفة .. يهني هوة معاة 6 كروت و بيوهمنا انهم 4 و كمان أعد يشتغلني انهم كلهم واحد ... بصراحة مش عارف
asmail
12-06-2005, 03:17 AM
انا مش عارف قول اية عموما شكرا على الفديو
orkando
30-06-2005, 03:08 PM
بص يا عم تايجر باشا اللي انا توصلته ان هو معاه
شايبين واحد كارو و واحد هارت
و عشره سباد
و اتنين هارت
واللي بيعمله خفة يد أو تركيب فيديو
aust3003
08-07-2005, 12:35 PM
ايه يا عم ده
ده سحر ده ولا شعوذة
دي مش خفة يد دي خفة يد و رجل و رقبة
أنا متجنن
el risky
25-08-2005, 11:53 AM
سهل جدا على واحد نصاب زى ده يضحك عليكم كلكم عاماه زى لعبه 3ورقات الواد نزل ب4 ورقات فى الاول وبيعمل ايه؟
معاه فى الاول القلب ورقتين واحده فى النصف والتانيه تحت وفى اول حركه بيا خد الورقه اللى تحت يطلعها فوق بانه يطلع بالتلاته اللى تحت وبعد كده يشيل منهم واحده اللى هى فوق وبعد كده يطلع باتنين وياخد اللى فوق وبعد كده الورقه اللى كانت تحت بقت فوق بعد كده ينزل بورقتي نمش واحده تقوم القلب التانيه تبقى فوق بعد كده يقوم مطلعها وحاططها جنب اختها خلوا بالكم حطها رقم 3وبعد كده يقلب ورقتين مش ورقه واحده علشان يبين ان اللى فوق كملن قلب وبعد كده بيبنزل ورقتين على المكتب ويتفضل 3وده بيبين انه نازل بشايبين من الاول وورقه العشره وبعد كده بينزل اول ورقه تحت والتانيه تطلع بقلب برضه بس بعد كده مقدرتش احدد علشان انا عايز انام والحق الجزء الخامس واللى عايز يتأكد من صحه كلامى يفتح الgrafic equalizer من على برنامج windowa media player 8أو 9أو10 ويشغل الحركه البطيئهplay speed setiing وهاتشوفوا النصاب ده بيشد الورق ازاى؟


وطبعا مش عايزه قواله




elrisky



اللى خطوط النت بتشتكى منه
خالد محمد توفيق
19-09-2005, 03:00 PM
enta gamed enk shoft7a
enta 3ndek ha2 with slow speed
thanks
HRAGHEB007
20-09-2005, 02:24 AM
بصراحه انا هتجنن ومش قادر اخد بالى من حكايه low speed ديه خلاص انا مخى هيقف انا عارف الحل انى اروح اساله وخلاص
ahmed_taker
20-09-2005, 06:27 AM
مشكووررررررر
friendslove
27-09-2005, 12:02 AM
حد فاهم يفهمنا يا ريت وهيركم من تعلم العلم وعلمه
The Dark
29-09-2005, 09:17 AM
يا اخوان احنا هون اكيد ما نناقش هل الفيديو مركب ام لا ... لاني شاهدت على التلفاز وفي السيرك خصوصا مثل هذه الحركات ... ولا يوجد فيها خداع تلفزيوني او تركيب فيديو ... هناك سر في الموضوع ... بس انا خايف عنجد يكون ده شعوذة والراجل يتعامل مع الجن .
fasolia
03-10-2005, 05:55 PM
thanx ya man
unknownin2020
07-11-2005, 09:26 PM
الفيديو مش متركب ولا حاجة، الموضوع كله خفة يد. الراجل طلع من الأول خالص 6 كروت، 4 شياب و ال2 القلب الأحمر و ال10 السبايد..و بحساب الحركات و خفة اليد يقدر يوريك و يوري كل الناس انه معاه 4 كروت بس و كل مرة يطلع كارت مختلف...الموضوع خفة يد جامدة قوي و عاوزة تدريب فترات طويلة و مستمرة و ليها تكنيكات مخصوصة...
ramezismail
10-11-2005, 08:30 PM
الفيديو مش متركب ولا حاجة، الموضوع كله خفة يد. الراجل طلع من الأول خالص 6 كروت، 4 شياب و ال2 القلب الأحمر و ال10 السبايد..و بحساب الحركات و خفة اليد يقدر يوريك و يوري كل الناس انه معاه 4 كروت بس و كل مرة يطلع كارت مختلف...الموضوع خفة يد جامدة قوي و عاوزة تدريب فترات طويلة و مستمرة و ليها تكنيكات مخصوصة...

كلامك مظبوط 100% أخوي unknownin2020

وأنا عندي إبن عمي يعمل زيه بس بطريقة مختلفة شوي

أخوكم رامز

بس هي رهيبة
محمد أمير22
11-11-2005, 12:19 AM
أنا عن نفسي شفته بال slow motion


معتقدش إنو متركب


هيا خفة يد رهيبة.....................


شكرا عالفيديو الرائع
ahmdmosa135
17-12-2005, 08:36 AM
الفيديو مش متركب
و الراجل بيسحب اربع ورقات بس كل الحكايه الراجل ايده خفيفه و الكميرا جوده الصوره مش كويسه ف مش موضحه اللعبه و الخدعه

و انا هفسر لكم القصه دي
الواد ده حافظ ترتيب الورق من الاول خالص و دي سهله و تاني حاجه الواد ده موراهوش مزاكره و لا شرعي و لا رمد و لا اي حاجه و فاضي للكوتشينه و التفسير اهه

((((((((((الورقه الاثنين قلب احمر)))))))))))))))))

اولا :

الورقه رقم 2 هيا الي تحت خالص و بعدين قلب ترتيب الورق كله عادي خالص لكن عمل خدعه :

---خلى الورقه الاثنين قلب احمر هيا رقم " 2 من فوق " في ترتيب الورق مش أعلى ورقه ولا حاجه و بعدين قلب اول ورقتين مع بعض فظهرت انه قلب الورقه الاولى من فوق.

و بعدين رجع أعلى ورقه فوق و خلها تحت خالص ببساطه لانها مش الورقه الاثنين قلب احمر

و بعدين قلب الورقه الي فوق خالص لوحدها الي هيا الورقه الاثنين قلب احمر و بعدين حطها قبل الاخيره في ترتيب الورق

ثانيا:

قلب اول 3 ورقات مع بعض فظهرت ان الورقه الاثنين قلب احمر لسه الورقه الي فوق و رمى الورقه الي فوق خالص عشان مش هيا دي الاتنين قلب احمر دي اي حاجه تانيه و كده اصبحت الورقه الاثنين قلب احمر رقم 2 في ترتيب الورق.

ثالثا:

قلب اول ورقتين مع بعض فظهرت ان الورقه الاثنين قلب احمر هيا الي فوق خالص تاني و بعدين رجع اول ورقه فوق " الي مش اتنين " الي الاخر خالص و بكده اصبح الورقه الي فوق هيا الاتنين قلب احمر.

و بعدين قلب الورقه الي فوق لوحدها عشان هي دي الاتنين قلب احمر.

و بكده يكون خلص الاثنين و ندخل في التمانيه

(((((((((((((بالنسبه للثمانيه السوداء)))))))))))))))))

التمانيه كانت رقم 3 من فوق في الورق الي معاه

******اثناء سحب أول ورقه ثمانيه عمل الخدعه التاليه :

1---أخد 3 ورقات من فوق و التمانيه كانت الي تحت خالص و قلبهم فبانت انها الورقه الي فوق و بعدين حطهم على بعض تاني .

و بكده التمانيه لسه رقم 3 في الترتيب الورق من فوق

******اثناء سحب الورقه الثانيه عمل الخدعه التاليه :

2---حطهم على بعض و ركن الورقه الي فوق و قلب التنين الي في المنتصف على انهم ورقه واحده و التمانيه كانت هيا الي تحت برضه فظهرت انها رقم 2 في الترتيب مش 3.

******اثناء سحب الورقه الثالثه :

3---عادي قلبها عادي عشان ورقه التمانيه ترتيبها اصلا رقم 3 في ترتيب الورق الي معاه.

******اثناء سحب الورقه الرابعه عمل الخدعه التاليه

4 رمى الورقه رقم 3 " التمانيه السوداء " بخفه يد سريعه اوي طلعها من بين الورق عشان تكون هيا الي تحت و دي باينه في الفيديو و الي مش مصدق يشوف الفديو ببطيء و يشوف طلع الورقه التمانيه الرابعه ازاي هيعرف انا قصدي ايه.

(((((((((((((بالنسبه لل 2 شايب الاحمر و الاسود )))))))))))))))))

***هو بيسحب الشايب الاول " الاحمر " عمل الخدعه الاتيه:

اخد ورقتين مع بعض و الشايب" الاحمر" كان الي تحت خالص و لما رمى لو تلاحظم حطهم على بعض و بعدين رمى اول ورقه فقط.

و بكده يكون الشايب الاحمر بقى رقم 1 في ترتيب الورق الي معاه من فوق.


***هو بيسحب الشايب التاني "الاسود " عمل نفس الحركه:

خد ورقتين مع بعض و الشايب" الاسود" كان الي تحت خالص و لما رمى لو تلاحظم حطهم على بعض و بعدين رمى اول ورقه فقط.
و بكده يكون الشايب الاسود بقى رقم 1 في ترتيب الورق الي معاه من فوق.

و كده يكون رمى ورقتين و سايب ورقتين في ايده و ترتيب الورقتين الي معاه في ايده

الشايب الاسود فوق و الشايب الاحمر تحت .

و عشان تتاكدوا ان كلامي صح شوفو الترتيب النهائي الي قلب بيه الورقتين الاخرتين هيعرف ان كلامي صح.

و الي مش فاهم انا قصدي ايه يقرا الكلام و يتفرج على الفيديو تاني و يشوف و لو لسه مش فاهم يبقلى صدقني مخسرش حاجه سيبك من اللغز ده و شوف واحد تاني .
friendslove
16-01-2006, 07:42 PM
انت احسن تفسير قريته لحد دلوقتى بس هو مولود وفى اديه ورقه كوتشينه عشان يعمل الحركات دى كلها
survivor
22-01-2006, 04:30 AM
لأ بجد عنده خفة يد رهيبه
مش ممكن السرعه دى
دماغى شبه مصدومه
mido26683
25-01-2006, 05:54 PM
مش ممكن اللي انا شفته ده

الواد ده جنني

شكرا يا تيجر باشا علي التريكة الجميلة دي
-V.I.P-
10-05-2007, 06:24 AM
ممكن ياجماعة رابط للفيديو ده..

أصلى مش لاقى مرفقات أصلا فى رأس الموضوع..

ياريت حد يحط الفيلم ده..أو حتى رابط ليه..علشان نشوف ونقيم..

وشكرا
-V.I.P-
10-05-2007, 06:25 AM
الفرق فى بين تاريخ ردى السابق وتاريخ أخر رد قبله واضح..

ويدل إن الموضوع أنقرض أصلا..والفيديو أتحلل : )
زكريا محمد محمد
11-05-2007, 08:57 AM
يا عم لوسمحت انا مش عارف فين المرفقات ممكن حد يقولى؟؟؟؟؟؟؟؟؟؟؟؟؟؟؟؟؟؟؟؟؟
orkando
14-05-2007, 04:04 AM
يا عم الموضوع ما انقرضش ولا حاجة
الفديو مرة تانية, حلله براحتك
http://www.4shared.com/file/15878474/1b8a21dc/Card_Trick.html
TiMe Up
17-05-2007, 03:35 PM
هو فيه مرفق من أصلو ؟ ولا لازم نرد عشان يظهر
TiMe Up
17-05-2007, 03:36 PM
ممكن حد يرفع لنا المرفق على مركز تحميل

لم يظهر لي شيء
AoAAoA
26-05-2007, 05:17 AM
كيف احمل المرفقات ساعدوني
Egyption Mido
13-07-2007, 07:10 AM
انا مش لاقي حاجه في المرفقات يا ريت الافاده
وشكرا على اموضوع