احترس من المطبات

[المتقوقع]

بصراحة ومن غير مقدمات أنا عاوز أفتح ملف من أهم الملفات اللي بيواجه قائدي السيارات في مصر ، وهو موضوع المطبات ، وطبعاً أكيد الكل سيشاركني فيما أقول ، لماذا ؟ من وجهة نظري إن أصعب شيىء في القيادة على الطرق المصرية - الزراعية طبعا - ليس هو تفادي حوادث التصادم ،لأن هذا أمر يحتاج قدر من الحذر ، أما الشيىء الذي يصعب علينا التغلب عليه هو تقدير المطبات التي انتشرت في الطرق المصرية انتشار النار في الهشيم وكأنها عدوى ، بل إن آخر صيحة الآن أننا ابتدعنا أشكال جديدة من المطبات : فهناك المطب التقليدي الحنين ، وهناك المطب الحاد كأنه السكين والذي يدل على ما في قلب من صممه من حقد دفين وغل ورغبة من الانتقام من الملاعين - أمثالي - الذين تجرؤا وركبوا سيارات ، وهناك المطب الدوائر الذي يشبه - أعزكم الله- أقراص روث البهائم التي تعد كوقود لأفران الريف، وهناك المطب السمبوكسة ، وهناك المطب الحدادي ، وهناك بالطبع المطب الغبي عين القط ، الذي هو مطب في الغالب لا نحترمه نحن قائدي السيارات وبالتالي نمر عليه سريعا والله يرحم العفشة المسكينة، إلى غير ذلك مما ابتدعته العبقرية المصرية وكل ذلك وأجزم أن غالبية هذه المطبات بدون لافتات تحذيرية واضحة يمكن للمسكين قائد السيارة أن يلاحظها.

المهم ياسادة نريد أن نفتح هذاالملف ، ويشارك الجميع في هذا الموضوع وخاصة ضحايا هذا الكابوس ، وأبدأ أنا بسؤال : هل يوجد قانون ينظم شكل المطب وأبعاده ، وهل هناك ما يلزم الجهات المختصة بوضع علامات تحذير واضحة .. الموضوع يحتاج مساهماتكم وآرائكم

[hazemozo]

أكيد فى قانون
بس فى مطبات كتير بتبقى الناس هيا اللى عاملها
و برضوا نحمد ربنا على المطبات اللى عندنا :whistle::whistle:
فى الصعيد لما بتحصل حدثة فى طرق السفر اللى بين القرى مثلا بيعملوا حفرة غويطة بعرض الطريق :oh::oh:
علشان أى و احد متهور يتقلب بالعربية و يموت :53::53:
و طبعا كل العربيات اللى بتيجى ماشية بتضطر تقف و فى الأخر الطريق كلوا بيقف
البلد دى مينفعش فيها غير حاجتين :31::31:
يا همر يا أتوبيس رامة أو عربية رامة
تاخد بيهم المطب بقلب جرئ :sleep::sleep:
و تحرق دم اللى عاملوا :glasses::glasses:

[eslam wega]

المفروض بدل ما تقول احترس من المطبات
تقول احترس من الشوراع لان خالص الشارع بقا عبارة عن عدد لا نهى من المطبات بكل اشكلها الى نفسك تحبها
ويسلام لو انت مسافر المنصورة المفروض الطريق دة 100 او 120
لكان بقا الى مفيش حد يصدقوا فى الدنيا وحصل معيا وانا مسافر
انا كل 2 كليو تقريبا فى مطب بس من النوع الناعم الصرحة بس تخيل انت طريق صحروى والله وانت ماشى 100 وبعدين تخد كل شوية مطب بالسرعة دى هيبقا احساسك اية هتحس انك فى ملاهى
وبعدين حد يقولى طريق صحروى علية مطب لية عشان اية بالظبط
دة غير بقا الحفر والبلاعات الى الناس والعربيات بتقع فيها كل يوم
عشان تمشى فى مصر اركب جيب او همر زى ما حزوم قالك كدا
وشكرا على الموضوع الممتز

[المتقوقع]

بصراحة ياجماعة الموضوع ده محتاجين نصعده لأعلى المستويات ، أنا لست ضد المطبات التي تساعد على حفظ أرواح المارة ، ولكن أنا ضد العشوائية التي تتم بها إنشاء المطبات ، سواء اللي بيعملها الأهالي نتيجة للحوادث أو اللي بتعملها الحكومة ، فقط نريد وضع مواصفات والكل يلتزم بيها، سواء أبعاد المطب أو اللوحات التحذيرية الخاصة بالمطبات ، وزي مااحنا بنهتم بأرواح المارة ، لازم نعرف إن العشوائية في المطبات بتعمل حوادث وبيموت فيها ناس برضة، وأكيد كلنا شاهدنا ذلك ..
وشكرا على مرور الأخوة الأعضاء ...:whistle::glasses:

[mody_2002_mody]

والله حرام اللى بيحصل فينا ده - يعنى المفروض بدل مايعملوا كوبرى او اشارة عبور زى اللى فى الدول المتقدمة لا بيختصروا كل ده ويعملوا مطب او كمين مش متكلف تلاته جنيه
تخيل انك راكب عربيتك اللى دافع فيها دم قلبك وماشى وتاكل مطب يقطملك العربية استفدنا احنا ايه غير ان العربية اضرت يعنى معملناش حاجة بالعكس زودنا الحوادث اكتر
على رأى المثل جه يكحلها عماها
سلااااااااام

[timon]

موضوع بالفعل وفى كدة كام نقطة هعلق عليهم :

اولا : قريت مرة موضوع فى جريدة سوق السيارات عن حكاية المطبات دى وقالوا انها تساهم فى استهلاك عمر اى عربية بنسبة 11 % تقريبا ومفيش حد مهماً كان سواق او ان شالله حتى بيسوق بعين واحدة مااكلش مطب عل الأقل واحد (الكل لازم يجرب).

ثانياً : عجبنى تعبيرك عن احدث المطبات المصرية اللى نزلت السوق جديدة وعندك حق بالفعل بس فى حاجة تانية ماحدش خد بالو منها وهى (المطب الخرسانى) ودة بقى بيتعمل ازاى حاجة زكية جدا لما واحد مثلا بيبنى بيت فى منطقة شعبية والبيت خلاص خد كفايتة من الخرسانة واتبقى شوية .... طاب يعمل بيهم اية قبل اما ينشفوا طبعاً البية مش هيرميهم دا دافع فيهم فلوس وبيتة خلاص خد كفايتة يقوم يبتكر اية الذكى طريقة كويسة لللإستفادة من الخرسانة الباقية بأنه يفرشهم فى الشارع ويعمل منهم مطب وطبعا المطبات اللى زى دى بتبقى مطب صغير جدا وكبير عن الارض ياعنى لو انت ماشى بعربية دفع امامى والعربية محملة هتخبط فيية ياعنى هتخبط فيية .

ثالثا : عربيات الكارو اللى بتشيل بقايا البيوت القديمة والطوب المكسر برضة بيعملوا نفس الطريقة.

رابعا : على الرغم من ان المطبات دى كلها أذى انما بتؤدى حاجة واحدة كويسة وهى انها تهدى المستعجل لإن طبعا كلنا عارفين ان محدش بيهتم بالإشارات او القوانين المرورية زى سواقين الميكروباص مثلا ياخد شارع من شوراع القاهرة على 80 - 100 مثلا عادى (مادام المكنة عايزة اديها - تعبير واحد منهم) وطبعا دة غلط فى غلط نفترض ان فى مدرسة فى شارع مثلا ودة بيجرى اية اللى يحصل.

خامسا أخيرا : من واقع تجربتى لطرق السفر والمطبات : انا سافرت قبل بنى سويف زراعى وصحرواى الزراعى (110 ك ) الظبط والصحراوى (140) تقريبا انا قطعت الزراعى فى 4 ساعات والصحرواى فى ساعة و وربع دة لأن الصحرواى مفيهوش مطب واحد انما الزراعى اجارك الله.

[seko_66]

المطبات عندنا فى مصر سيئة جدا بالذات بتاعت الخرسانة والعربيات الكرو دى والطرق الزراعية والف شكر على الموضوع

[mimo2]

انت جيت على الجرح والله احنا عندنا فى اسكندريه مش مطبات انت تقدر تقول ان الشوارع مش موجوده اصلان الاسفلت كله متصنفر من الشتاء اللى فات
والشوارع اللى فيها اسفلت تلاقى مطب كل عشره متر يااما حفره عجيبه طبعل لو انت ماشى بليل متمشيش غير فى شارع انت حافظ مطباته مع انها بتزيد كل يوم

وكله كوم والمطبات الخرسانة بتاعة الاهلى كوم , مطبات الحكومه انت لو ماشى براحه مش هيحصل للعربيه حاجه انما مطبات الاهلى تتميز بانها ذات مواصفات فنيه لتدمير علبة الشكمان والعتب واى حاجه فى ارضيه العربيه لان المطب بيبقى صلب جدا غير الاسفلت وبتكون الجوانب بتاعته حوالى 80 ل 90 درجه فانت لازم تاخده الا لو اخدته بعرض العربيه وده طبعا مستحيل لان عرض الشارع بالعربيات اللى راكنه على الجنبين يدوب يعدى العربيه
الغريب فى الموضوع ان الشارع يبقى طوله 30 او 40 متر وتلاقى مطب فى اول الشارع ومطب فى النص ومطب فى اخر الشارع دانت لو راكب بوجاتى مش تلحق تمشى بسرعه اصلان فى الشارع
تطلع على الكورنيش تلاقى عيون القط كل 100 متر لما العربيه تتفكك منك من الاخر الشوارع بتاعتنا عايزه دبابه او مدرعه مش عربيه

[mode380]

انا والله بسبب مطب لغايت دلوات العربيه مش عارف اعمل فيها ايه كل يوم فى حوار اشهدكم ياجدعان فى حد يلاقى مطب فى نزلت كوبرى يسنا سوخه المطب عالى عن الارض بمسافه 60سم ده حرام ولا حلال وطريق بتاع المريوطيه كله مطباط ومفيش نور كمان ده ارف والله الشارع يبقا حلو وبعد كيلو واحد او اقل تلاقى نفسك بطير وتتهبد على الارض منهم لله

[magicman_1]

أيوة فيلم مطب صناعى حلو ههههههه

[المتقوقع]

أيوة فيلم مطب صناعى حلو ههههههه

شكرا لك أخي على هذا التعليق بس ياريت ناخذ الموضوع بجد ، وأحب أن أذكر جميع الزوار الكرام ، لو أردنا عمل إحصائية عن الخسائر التي حدثت لنا بسبب المطبات ، أكيد هانلاقي كتير ، أنا أذكر مثلا منذ حوالي 7 سنوات كان عندي عربية 128 ، وكنت شاريها ب 7 آلاف جنية فقط - تخيلوا - المهم كان من حظي العثر إني أدخل في مطب من إياهم وكان بالمناسبة كسر في الأسفلت عامل حفرة عمقها حوالي 10سم فقط ، تخيلوا إيه اللى حدث ، انكسرت الركبة وكلفني الموضوع ده بالتمام والكمال 1200 جنيه يعني حوالي 17 % من تمن العربية دفعتهم بسبب حفرة عملها واحد ماعندوش ضمير ولا دين ، أكيد فيه قصص أو مآسي تانية حصلت بسبب الكابوس ده ، وده اللي دفعني إني أفتح الملف الخطير ده ، وعاوزين مشاركة الزوار عشان يحكوا لنا إيه اللي حصلهم بسبب الكابوس الكارثة اللي هو المطبـــــــــــات
وشكرا للأخوة الذين ساهموا بالتعليق

[timon]

انا افتكر ان واحد صاحبى كان سايق عربية 128 ملحوملها نصين امامى وخلفى كل مطب العربية اتقسمت نصين

[M-brother]

أولا باحييك على الموضوع الهايل ده ، لأني بصراحة باعاني من مشكلة المطبات اللي على الطرق الزراعية ، أنا لسة امبارح مغير العفشة ومكلفاني الشىء الفلاني لأني بصراحة كده كييف أكل مطبات وده غصب عني ، لأن اللى عمل المطبات ربنا ينتقم منه لا حاطط علامة واضحة ولا المطب معمول صح والنتيجة كل -بالهنا والشفا- أجدع مطب وسلامات على احترام الانسان فيك يا مصر يا بلد المطبات وشكرا لك يا متقوقع

[saifooon]

المفروض فيه حاجه اسمها مرور هو اللى بيعمل المطبت دى
بس انا شاكك ان المرور بيستورد قطع غيار عفشه و بيسترزأ من الموضوع ده
حسبى الله و نعم الوكيل