مشكله انا هتجنن مش عارف اعمل ايه

[crazy_linkin]

السلام عليكم
اولا انا هتجنن
ثانيا هتجنن
ثالثا انا كرهت الكمبيوتر بتاعي خلاص

المشكله عندي ان انا الكمبيوتر بيعمل ريستارت لوحده كده بدون مقدمات

يعني ابدا احمل عليه حاجه تقيله شويه او اشغل فيفا او حاجه يعمل ريستارت

و ما بيشتغلش غير لما احط قدامه مروحه لو من غير مروحه بيدخل ويندوز و لما ادخل علي النت ولا حاجه يعمل ريستارت

غير انه مش عاوز يشغل رامتين مع بعض بيهنج و هو داخل الويندوز

الجهاز مواصفاته
3.4g prossesor 1 m cash
m.b msi
265 vega gforse
ram 2*512
و هاردين

بس
يا ريت حد يرد عليا احسن انا هتجنن خلاص

اخوكم محمود

[walied]

السلام عليكم ورحمه الله وبركاته

معاك حق لكن مشاكلك بسيطه المشكلة الاولي هي انك لازم تغير مروحه البروسيسور وممكن تجيب مروحه جيجابايت هي قليله شويه لكن دور هتلاقي.

بالنسبة للرامات لازم الاثنين يكونوا نفس الموديل (يفضل) ونفس البص(اجباري).

[crazy_linkin]

انا شاكر جدا لحضرتك بس انا فيه ناس قالوا لي انها مشكله بورده مش عارف اصل الجهاز كان شغال كويس و هبل كده مره واحده و الرامات انا عندي الاتنين نفس الباص طبعابس بردوا بيهيسوا

[crazy_linkin]

صحيح لما بيعمل ريستارت ببص اشوف درجه الحراره الاقيها 50 في الحدود ديه يعني مش عاليه يا تري ده يبقي ايه

[walied]

صحيح لما بيعمل ريستارت ببص اشوف درجه الحراره الاقيها 50 في الحدود ديه يعني مش عاليه يا تري ده يبقي ايه

السلام عليكم ورحمه الله وبركاته

لما بيعمل رستارت بيبرد لكن انت شايف انه بيبتدي ب 50 درجه بعد الرستارت درجه حرارة مش عاليه؟؟؟؟؟؟؟ خلاص انت اللي شايفه هو الصح مع العلم ان البروسيسور ده بيتحرق عند 68 درجه.

[crazy_linkin]

لا انا حاسس انها مش عاليه اصل انا اسمع ان ال lga بيسخن جامد انا قلت اقول لحضرتك يمكن يكون ليك راي تاني بس لو كده يبقي مروحه بروسيسور انا هنزل اجيب بكره انشاء الله يكونوا فتحوا بس ياريت تقولي علي نوع جامده انزل اجيبه حتي لو غالي علشان انا زهقت من الجهاز ده و يا ريت تقولي علي درجه الحراره الطبيعيه ليه علشان ابقي عارف الحدود بتاعته و اسف اني اكون طولت عليك

اخوك محمود

[walied]

السلام عليكم ورحمه الله وبركاته

حراره البروسيسور الطبيعية بتبتدي من 32 وتقف عند 58 الي 60 في الالعاب بعد تشغيل لفترة طويلة ثم تستقر عند 36 بعد غلق الالعاب
المراوح اللي في السوق كلها مغشوشة حتي المدعوة ب الاصلية حاول تجيب
حاجه يكون سرعتها 7000 Rpm او دور علي مراوح الجيجا بايت زي ما قلت سابقالكن اتاكد الاول من ان السبب مش من حراره الهارد والفيجا جوه الكيسة يعني لازميكون جوه الكيسة عدد 2 مروحة علي الاقل لزوم التبريد.