اركن فين

[eltayar]

السلام عليكم ورحمة الله وبركاته

انا حبيت اعرض الموضوع ده عليكوا ونتناقش فيه لأن فعلا بقت حاجة صعبة جدا في اي حته سواء في القاهرة او اسكندرية او اي بلد تانية في مصر ومن الملاحظ ان في السنين الاخيرة زادت كمية السيارات بشكل مفزع لدرجة انك بتروح في اي مكان وبتقول يارب القي مكان علي حسب المكان اللي انت رايحه بس هي بقت مشكله في مصر ولسه العربيات بتزيد اكتر فأنا عندي اقتراح يكون سهل ومريح فيما بعد او حاليا هو ان من المفروض ينزل قرار من الدوله ان اي عمارة تبني لازم يكون تحتها جراج ليهاولغيرها من السيارات وبشكل ده اكيد المشكله حتبقا محلوله في اي مكان حتروحه وحيبقا فيه نظام والشوراع حتبقا فاضية لأستقبال اي سيارة تبقا عايزة تركن ارجو المشاركه بألرأي وشكرا

[eslam wega]

من ناحية الركن هات عربية صغيرة وبالمرة عشان الزحمة
او فى حل تانى اشترى فسبا او موتسيكل

[samir_gang]

السلام عليكم ورحمة الله وبركاته

انا حبيت اعرض الموضوع ده عليكوا ونتناقش فيه لأن فعلا بقت حاجة صعبة جدا في اي حته سواء في القاهرة او اسكندرية او اي بلد تانية في مصر ومن الملاحظ ان في السنين الاخيرة زادت كمية السيارات بشكل مفزع لدرجة انك بتروح في اي مكان وبتقول يارب القي مكان علي حسب المكان اللي انت رايحه بس هي بقت مشكله في مصر ولسه العربيات بتزيد اكتر فأنا عندي اقتراح يكون سهل ومريح فيما بعد او حاليا هو ان من المفروض ينزل قرار من الدوله ان اي عمارة تبني لازم يكون تحتها جراج ليهاولغيرها من السيارات وبشكل ده اكيد المشكله حتبقا محلوله في اي مكان حتروحه وحيبقا فيه نظام والشوراع حتبقا فاضية لأستقبال اي سيارة تبقا عايزة تركن ارجو المشاركه بألرأي وشكرا

الكلام ده لو انت فى دوله بتفهم وهمهاعلى شعبها
وبما ان مصر دوله مش بس بتفهم ده كمان عبقريه فهى دائما تقدم العديد و العديد من الحلول بس انت اللى مش واخد بالك
ليه بقى عشان الشعار اللى انت حاطه ده مش مصرى ده فرنساوى لو كنت حاطط صورتك زى نصر ولا شاهين مثلا حتقدر تفهم
وسمعنى السلام الجمهورى
و تحيا جمهورية مصر العربيه

http://www.kufur-kassem.com/cms/images/stories/egypt_flag.jpg

[ahmedfawzy14]

خلى قلبك ميت

وحطها فى اى حتة

ولو زنقت معاك واتكلبشت ادفع وامرك لله

[DrIfT__KiNg]

والله موضوع مهم جدا يامان


وبصراحة انا اتضايفت جدا لما لقيت السايس فى الشارع بيرفع العربة اللى كانت معشقة وراح محركها هو وزميله ورزعوها فى اللى كانت وراها وبهدلوا الإكصدام

وده العادى بتاعهم

والحل اللى انت قولته هو انسب حل فعلا

على الأقل مش هيخلى المشكلة تتفاقم فى المناطق الجديدة

الف شكر على الموضوع المهم يامان

[timon]

نصائح وتعليمات للسادة الأعضاء بمناسبة حكاية الركن دى:

1 - لا تركن عربيتك قدام ميكانيكى ببساطة لأن ده شغلة خلى بالك ممكن ترجع تلاقية رافع عربيتك وبيشتغل فيها

2 - لا تركن سيارتك قدام فرن عيش عشان طوابير العيش وأجارك الله لو العيش ملهلب هيخدوه العيش من هنا على عربيتك منها ويملوهالك ردة

3 - لا تركن عربيتك قدام بقال ( مش سوبر ماركت ) هيقولك بتقطع على اكل عيشة.

3 - لو جيت تركن وواحد قالك فى عربية بتركن هنا وسعادتك نفضتلة وقلتلة 5 دقايق وجاى ذنبك على جنبك صدقنى هيجبلك لورى تحجز عليك عشان تتربى

4 - لا تركن سيارتك جنب اى مقلب زبالة لإن الناس هيعتبروها مقلب زبالة

5 - لا تركن سيارتك تحت اشجار كثيفة لإن الحمام يفضل التبرز عليها ولامؤخذة ( دى مشكلتى . العربية كلها بيضة بسببهم وبعدين بييجوا فى حتت غربية زى المرايات الجانبية)

5 - لا تركن سيارتك تحت اشجار ( توت - نبق - الخ ) العيال بيحدفوا عليها حاجات تسقط الشجرة نفسها مش تسقط اللى على الشجرة وطبعا اللى بيحدفوه بعد اما يضرب الشجرة هيضرب عربية سعادتك ( برضة مشكلتى )

6 - لا تركن سيارتك قدام نجار أو حداد أو منجد أجارك الله على كمية المسامير اللى بيرموها ولو قررت تجازف يبقى حاول ترفعها على طووب

7 - لا تعطى اشارة انتظار وتقف صف تانى او صف أول حتى قدام اى سبوبر ماركت مشهور ( المحمل - ابو زكرى - الخ ) هتبص تلاقى العسكرى جايلك يامخالفة يا 5 جنية .

8 - اياك تحط عربيتك فى جراج لإنها برة الجراج هتتخبط وجوة الجراج برضة هتتخبط . صدقنى هتخسر فلوسك على الفاضى

9 - اوعى تركن صف اول قدام محلات من المحالات الكبيرة برضة هتلاقى ناس بتركن عليك صف تانى وتالت

10 - اوعى تركن بشارع مكرم عبيد او اى شارع من شوارع مدينة نصر صف أول مش هطلعها غير تانى يوم الصبح

11 - لو اضطريت تركن صف تانى أو تالت اقفل عربيتك كويس وعشق واديها الغيار الأولانى وشد فرامل اليد وخلى اى حد عايز يطلع عربيتة يضرب دماغة فى الحيط .

11 - برضة لو اضطريت تركن صف تانى أو تالت اقفل عربيتك كويس واوعى تنسى تعشق واديها الغيار الأولانى وشد فرامل اليد عشان لو معملتش كدة وكنت سايبها فى أول شارع هتلاقيها فى أخر الشارع . دى غير العيال الصغيرة هتفتكرها لعبة وتزقها ورا وقدام . ( والله حصلت كذا مرة قدامى ).

12 - اوعى تركن عربيتك قدام اى محطة سواء مترو أو اتوبيس الباعة المتجولين هيبهدلوهالك .

13 - اوعى تركن عربيتك قدام سايبر أو نت كافية أو اى مدرسة عشان الشباب هيعملوهالك كنبة

14 - اوعى تركن عربيتك على كورنيش النيل عشان العيال الحبيبة .

غير كدة بقى اسمع كلام اى حد يقولك ماتركنش هنا واخويا يركن فين والحورات دى دايما صادقة

[hazemozo]

ههههههههههههههههههههههههههههههههههههههههههههههه
ده على كده مش هيركن خالص يا timon
خصوصا أن البلد كلها مقلب زبالة

[eslam wega]

قولتك هات فسيا او موتسكل
برحتك

[timon]

ههههههههههههههههههههههههههههههههههههههههههههههه
ده على كده مش هيركن خالص يا timon
خصوصا أن البلد كلها مقلب زبالة

ياباشا الركن دة فن واحتراف وعايز قلب جرئ مفيش غير انك تركن فى الهوا أو على الحيط :whistle:

[safeeagent]

فعلاً مشكلة صعبة بس في المدن الجديدة عملو قانون الجراش تحت اي عمارة تتبني
بس المشكلة ان الناس عملو الجراشات واجروها مخازن للشركات وبرضو ركنو عربياتهم برة
حاجة غريبة الشعب المصري ده
بس في ناس بتركن في جراشاتها وانا من اولهم
روح 6 اكتوبر وشوف :glasses:

[eslam wega]

بلد والله تستهل """"""" مش عايز اقول بقا تستهل اية
بس كل يوم الاهمال اكتر واكبر


مش عارف بعد كدا اية الى هيحصل
من التخلف الى احنا فى من البلد دى

فعلا عظيمة يا مصر
وعجبى

[lil-DeMoN]

عشان الشعار اللى انت حاطه ده مش مصرى ده فرنساوى لو كنت حاطط صورتك زى نصر ولا شاهين مثلا حتقدر تفهم

حلوة اوي الحتة دي يا مان هههههه

[seko_66]

احسن حاجة تركن فى جراج خصوصى ليك لوحدك لو عرفت او لقيت حتة تعملوا فيها وشكرا على الموضوع

[dehumanizer]

بلا مبالغة .. اي مشوار بروحوا بيبقي نص الوقت اللي بياخدوا و نص كمية البنزين بيبقوا بس في الندوير علي ركنة

بقت حاجة تشل :sadwalk:

[ahm1976]

يا جماعه ... انتو بجد فى القاهره و الاسكندريه عايشين فى نعمه .. انا عن نفسى عايش فى دبى.. هنا بقى الركنه مأساه بمعنى الكلمه ... البلد مافيهاش خرم ابره حتى تركن فيه.. مش حتتخيلو بجد.. مأساااااااااااااااااه ....

[sataahlawy]

اجيبلك من الاخر اركن على جنب

[sataahlawy]

اجيبلك من الاخر اركن على جنب

[eltayar]

ياعم الدولة لازم تلاقي حل للمشكلة دي لأنها لو ماتعملتش دلوقتي مش حتتعمل في المستقبل وحتبقا مصر بلد فشلة فيما بعد والاجانب حيقرفوا يجوها اصلا