ما هى اسوأ سياره من ناحيه التصميم خلال ال3 سنوات الحاليين وافضل تصميم؟ [الأرشيف] - موقع الدي في دي العربي

h a r d

06-10-2007, 01:02 PM

فعلا انا معاك ان الماتريكس شكلها وادئها كمان وكذلك عربيات تانية هية اخرها شهر وترميها الناس دية بتصنع العربيات ويكتبوا عليها كلام فى الجرايد وانت لو جيد ركبتها واخت مطب هتلاقى بقت موتسيكل اماى بالنسبة لافضل تصميم فى عربيات كتير لانسر الجديد ممكن بيو اكسنت ممكن ماذدا وبيجوا 307 دية عربيات المحلية اما العربيات العالية اوى ملناش دعو بيها طبعا مش قصدى عالية فى الطول

ramyso4

06-10-2007, 01:11 PM

el aw7ash fih renault brilingo we el agmad fih bmw 3rd series el gdida we audi a3 we a4

samohaaaaaaaaaa

06-10-2007, 01:11 PM

البريليانس شكلها تحفة والسكودا A5 وعندك كمان الفولكس باسات هايلة جدا جدا والبيجو 307 شيك أوي والمازدا z3 فاجرة

أوحش تصميم هو من نصيب شركةديهاتسو تقريبا بالعربيات اللي عاملة زي الصندوق

hamadayousry

07-10-2007, 11:57 AM

اعتقد ان الماتريكس شكلها مش قد كدة
وافضل تصميم لانسر

bigstorm

09-10-2007, 05:49 AM

بصراحه يا سموح انا مش معاك ان الديهاتسو تصميمها وحش...
بالعكس تصميمها غريب و فى تفس الوقت تحفه,,
يعنى مثلا التصميم ده لو كانت عملتوا تويوتا كنا ئولنا عليها تحفه,,,
بس مشكله الديهاتسو ان تاريخها فى العربيات مش جامد..

bigstorm

09-10-2007, 05:53 AM

و بالنسبه للعربيات اللى مش بحبها الماروتى...
وفى عربيه جامده بس مش كل الناس بتاخد بالها منها وهى طبعا السوبارو دى حته عربيه تصميمهاسبورت جامد اويييييييييى

smart car

09-10-2007, 10:46 PM

أجمد تصميم شوفته صراحة هو الجاجوار xj-type
وهى دى حلم حياتى
مع احترامى للعربيات الألمانية طبعا فى غنى عن التعريف

bigstorm

09-10-2007, 10:54 PM

يا سمارت احنا لو اتكلمنا على العربيات الاوربيه مش هنلاقى غلطه واحده ...
لو اتكلمنا على العربيات دى تبقى طبعا على رأسهم مازاراتى والاستون مارتن ...

bigstorm

11-10-2007, 05:38 AM

يا جماعه ايه مفيش حد ليه فى العربيات ولا ايه!!

yasser zezo

11-10-2007, 10:50 AM

a7.mad 3rbya S500 ya 7.m3a shkl el 3rbya y7`od be7.ad men el fa7`ama & el alfa romue 2007 sedan
am2 aswa2 3rbya fe el tsmem Lada aw 128

bigstorm

12-10-2007, 02:20 PM

طبعا يا ياسر واصلا المرسيدس ملهاش حل,,
والالفا روميو عربيه جامده اوى ,,

khorda

12-10-2007, 09:01 PM

أسوأ تصميم السيارات الصيني بجميع انواعها ما عدا ال briliance الى حد ما شغالة ..
أحسن تصميم بقى..
Honda Civic
Audi A3

khorda

12-10-2007, 09:08 PM

نسيت اضيف مع اسوأ تصاميم
hyundai matrix
daihatsu matera (اللي عاملة زي البوتاجاز)

bigstorm

13-10-2007, 07:41 PM

ومن ناحيه الشكل فى العربيات الصينى بردوا الاسبرانزا ..
انا فى واحده شوفتها تحت البيت النهارده حبيتها اكتر من الاول هههههه
ومن العربيات اللى تصميمها بيشدنى الجولف طبعا...
والبيجو 307...

المتقوقع

16-10-2007, 02:24 AM

من وجهة نظري الأحسن هو اللانسر 2008بلا منافس أشيك وأحلى عربية وتسلم إيد الفنان اللى أبدعها ، أما الأسوأ هي العربية الغبية الديهاتسو الصندوق على رأى سومحة بالفعل أنا أعرف صديق لى عنه الدايهاتسو كل ما با شوفها أمسكه تريقة

egyfantom

16-10-2007, 12:07 PM

أفضل تصميم proton Gen2
أسوأ تصميم fiat UNO

bigstorm

17-10-2007, 07:31 AM

على فكره بجد انا مش معاكو ان الدايهاتسو وحشه بالعكس تصميمها جامد اوييييييييى,,,
والبروتون جامده اوى..
واللى تحفه بردوا السوبارو.

ابوعلى الشرق

17-10-2007, 07:56 PM

احلى تصميم شفتة هو الموديل بتاع البى ام x6 فاجر واوحش تصميم هو الشرى الصينى

bekosh

18-10-2007, 02:24 AM

يا با شوات انا شابف بعنى ان اللانسر الجديد ده مشروع فاشل بالنسبة لشركة زى متسيوبيشى لانها هى هى الجالنت القديم بس ضغيرة شوية والضهر بتاعها ضهر السيات التوليدو بس الشعب بتاعنا شعب غلبان مع الرايجة وخلاص

fahd_628

18-10-2007, 05:30 PM

احسن تصميم المازدا 3 و البيجو 307 و البروتون جين 2 و الأودى بكل انواعها و ال Bmw بكل انواعها

اما اسوء تصميم كل الصينى ما عدا البريليانس و ال A620

كفاية منظر الكيو كيو

My Luv To u

19-10-2007, 10:15 AM

انا شايف من افضل التصميمات هى الاوبل فيكترا 2007
شكلها جامد جدااا وفخمة جدا
اما بالنسبة لاسواء تصميم هو تويوتا ياريس

h a r d

19-10-2007, 12:33 PM

انا شايف ان كل واحد معاة عريبةبيشكر فيها

bigstorm

24-10-2007, 03:07 AM

انا نفسى اتفاقبه الجات تتنفذ كلها ..
هتبقى مصر دى فيها كميه عربيات فظيعه..

bigstorm

24-10-2007, 03:10 AM

انتوا سمعتوا ان المفصلات بتاعت باب العربيه اللى بيفتح على فوق زى اللامبرجينى بتتباع فى بور سعيد ب 600 جنيه؟؟

Jamaika

24-10-2007, 04:02 PM

أسوء تصميم في نظي فهو .... فولكس باراتي مش معقول شركة
فولكس تطلع عربية بالسوء ده وبحس أنها
شبه البيجو 504 السبعة راكب ههههههههه..
أما بالنسبة لأحسن تصميم فهو من نصيب لانسر 2008 و الرينج روفر سبورت

pop201

24-10-2007, 04:30 PM

احسن تصميم واداء وسعر وقوة سيات ليون وعلي فكرة الباب الخلفي بيفتح زي الفاروميو وده غير ان الماتور الماني

http://memimage.cardomain.net/member_images/12/web/2496000-2496999/2496791_4_full.jpg

http://memimage.cardomain.net/member_images/12/web/2496000-2496999/2496791_5_full.jpg

والاسواء فيرنا 2008

TiTO00Love

25-10-2007, 11:37 AM

اسوا تصميم الاسبرانزااا

واحلى تصميم الكوبيه ال2008 واوبل 2008

eslam wega

26-10-2007, 11:22 PM

اجمل حاجة البرتون و الاف رميو وسيات
اوحش حاجة انك تبقا راكب عربية كل الناس راكب زيها
تحس انك راكب تاكسى او اتوبيس انا اقصد بالكلام دة
لانسر 2007 اكتر من الرز فى الشعرية
هيوندى بكل انوعها تحس ان العربية ببلاش او ممكن تخدها مجانى على كيس فاكهة ومع كل الناس
والشهين و128 اى عربية موحودة كتير اوى اوى حتى لو شكلها جامد بالنسبة ليا وحشة
عشان كدا بعتز بعربيتى الى هى ديهاتسوا مير ا
لان صعب تشوفها كتير فى الشارع
غير ان الاوبشن بتاعتها حلوة بالنسبة لسعرها

pooooooooo

11-11-2007, 05:56 PM

مفيش عربية نقدر نقول عليها احسن تصميم اكيد اى عربية جامدة فى الاحسن منها ولو كل ثانية دورنا هنلاقى عربية تعجبنا بس العربيات الجامدة فى مصر قليلة ويعتبر احسن شكل وتصميم سوبارو امبريزا والهيونداى كوبية شكلها بظبط زى تويوتا سوبرا جولف الجديدة والبولو وفكترا الجديدة واوحش عربية شوفتها رينو كليو شيفرولية افيو ملهاش لزمة وكمان فيرنا فيفا وهيونداى اتوس

arnge

11-11-2007, 06:03 PM

worst

pontiac aztec , and BMW 5 series

by the motor trend magazine and i happen to agree

best

alfa romeo 159 , an amazing passion sculpered in steel

Muhammed Gaber

11-11-2007, 09:52 PM

انا من رأيي ان العربية 128 بتعتبر من احسن العربيات في التصميم والاداء والامكانيات وانا من رايي ان ال128 كفاية انها خدت جائزة احسن سيارة لعام 1978بجدارة

نجم المنتدى

13-11-2007, 08:59 PM

c-class 2008
احلى عربية ممكن يركبها شاب في الدنيا
وبعدها الفئة السادسة بي ام

hell_maker2000

14-11-2007, 01:19 PM

أجمل تصميم و عاجبني جدا المازدا زد3 و اوحش تصميم الدايهاتسو اكييد

bin_abbas

24-12-2007, 02:49 PM

مازدا 3 و جين 2 و الفاروميو الجديدية والتوليدو الجديدة

والسوبارو على فكرة تتظبط وتبئا حلوة جداً

M.M.MIG

24-12-2007, 03:23 PM

أجمل تصميم عاجبنى فعلاً ومبتكر ..
هو السيارة الجميلة - فولكس فاجن - جيــــتا
شكلها خرافة .. والباسات كمان .. والهوندا سيفيك 2008 رهيبة ..
أما أسوأ الأشكال ..
فتتورط فيها طبعاً .. تويوتا ولانسر 2007 و تويوتا 2008 ولانسر 2008 إلى حد ما مقبولة
مشكورين على الموضوع

mido82001

13-01-2008, 06:21 PM

الاسواء الاسبرانزا بجميع موديلاتها
الاحسن
متسوبيشى 2008 سبورت
باسات
بيجو 307 cc

still bad

13-01-2008, 07:11 PM

اسوء تصميم الاسبرانزا طبعا عشان بتحس انها متركبة غلط
احسن تصميم هو اللانسر ايفو

sandyy

13-01-2008, 10:15 PM

getta raheeeeeeeeeebbbbbbbaaaaaaaaaaaaaaaaaaa
من فولكس

sandyy

13-01-2008, 10:16 PM

اسوا عربية شوفتها فى حياتى
toyta crolla 2008

ahmedfawzy14

14-01-2008, 01:28 AM

الاحسن مازدا3 وبروتون جين 2

الاسوأ فيفا فيرنا والصينى الصغير كله

mazagngy_elkif

06-02-2008, 09:15 PM

احلى تصمم هوندا سيفيك الجديدة

الأسوأ ماتريكس مارووتى بروتون واجا

dr mad

07-02-2008, 04:59 PM

اسوء تصميم الاسبرانزا طبعا عشان بتحس انها متركبة غلط

عندك حق فعلا

volantimoo

08-02-2008, 09:50 AM

اسوا عربية شوفتها فى حياتى
toyta crolla 2008

على فكره ماتزعلش منى انا بقوالك انتا ملكش زوق ايه دى فاجره العربيه دى

johneffat

08-02-2008, 03:32 PM

انا شايف ان احسن تصميم لل هوندا سيفك الجديدة و الماذدا 3
و اسواء تصميم للفيرنا فيفا

admin_Tika

08-02-2008, 09:04 PM

انا ارى ان اسوأ تصميم كان الماتريكس

انا كلامي عكسك خالص تعرف ليه لأن العربيه الهيونداي الماتريكس
جميله جدا جدا جدا لأنها مع ناس انا اعرفها وارايبي وكان شكلها جميل ومش وحش خالص

underground2

15-04-2008, 10:04 PM

اسوء تصميم الادا الجديده و ال128 و احسن تصميم مرسيدس اس 221

beta_engineer

16-04-2008, 01:05 AM

احسن تصميم
جين 2 - جيتا - باسات - ميني - كل المرسيدس وخصوصا C الجديدة - مازدا 3 - 307 - وكل الـ Bmw - اللانسر 2008 - هوندا

الأسوأ
فيرنا فيفا - ماتريكس - كل الصيني ما عدا البريليانس - نيسان تيدا - فيات سيينا و بترا وباليو

M1A2 SEP

16-04-2008, 01:34 AM

في رأيي .

افضل تصميم :

mercedes CLS-500
احسن سيارة مرسيدس في رأيي !!!!! عربية مالهاش حل !!! تحفة !

بجد الشاسية خرافي !!

http://www.autobytel.com/images/2006/Mercedes_Benz/CLS500/400/2006_Mercedes_CLS500_exfrdrvr342.jpg

http://www.autobytel.com/images/previews/05MB-CLS/400/2005-mercedes-cls500-front.jpg

http://www.d.lycos.de/startseite/auto/autogalerie/images/normal/13384_1096899410473.jpg

و BMW 745

الفخامة والاناقة والقوة

http://www.motortestmagazine.com/downloads/desktops/BMW/745/BMW-745i-3QF.jpg

اسؤا تصميم :daihatsu materia

http://upload.wikimedia.org/wikipedia/commons/thumb/c/c9/Daihatsu_Materia_white_vr_2006_EMS.jpg/767px-Daihatsu_Materia_white_vr_2006_EMS.jpg

mody016

16-04-2008, 02:01 AM

الافضل جين 2 ومازدا 3 وكل الـ Bmw والانسر 2008

الاسواء الماتريكس و البتاعة ال فوق ال لونة ابيض دى شبة التختة ال فى المدرسة

shamlolawe

16-04-2008, 02:18 AM

عامة أسوأ تصميم سيارات أي عربية هيونداي ماعدا السوناتا ماشي
والبريليانس سعرها غالي عليها
والشيفرولية سبارك عار علي شركة شيفروليه
وكل العربيات الصيني ماعدا الإسبرانزا
وأسوأ عربية شوفتها حتي الأن في التصميم عربية الدفع الرباعي التي
تجمعها الأن الشركة البافارية اللي هي شركة بريليانس
أسوأ ما يمكن
وطبعا لن أنسي سوزوكي ألتو

memo_007

16-04-2008, 03:05 AM

أجمد تصميم شوفته صراحة هو الجاجوار xj-type
وهى دى حلم حياتى
مع احترامى للعربيات الألمانية طبعا فى غنى عن التعريف

we ana ma3ak bardo

BAssAM AmR

16-04-2008, 04:53 AM

بصراحة فى عربيات كتير اوى جامده
لكن بما انى عاشق للبيجو يبقى طبعا الـ407 شكلها تحفة

http://www2.0zz0.com/2008/04/16/01/892174903.jpg (http://www.0zz0.com)

http://www2.0zz0.com/2008/04/16/01/935305399.jpg (http://www.0zz0.com)

بالنسبة للاسوأ الصينى والـ 128 والـ lada والحاجات اللى ملهاش لزمة ديه

shamlolawe

16-04-2008, 04:25 PM

mr.kimo

21-04-2008, 10:08 PM

daihatsu materia gamda ento kolko bet2olo 3aliha kada 3ashan masta3'rabiin shaklaha lakan hia gamda wa classic wa ba3dein dih yabani fa kfaya awii kada ely y2oli shabah ta5tah el madrassa wa el y2ol sando2 ro7o giboh zayaha el aawl

shadyelprince

23-04-2008, 02:52 AM

عربيه بحمار

dvd_sniper

23-04-2008, 03:50 PM

اسوا سياره ماتريكس شكلها حريمى اوى واحسن سياره ستروينc4

ayman_kamal

25-04-2008, 11:30 AM

في فئة العربيات الصغيرة
أسوء تصميم كل العربيات الصيني و احسن تصميم البيكانتو
في العربيات المتوسطة
أسوء تصميم هيونداي فيرنا فيفا و احسن تصميم الفيات بونتو و الجين 2
في العربيات المتوسطة الاعلي شوية
أسوء تصميم اسبيرانزا 620 واحسن تصميم الانسر الجديدة والكرولا الجديدة و الاسكودا اوكتافيا والاوبل بكل انواعه و الميجان و المازدا3 و السوبارو امبريزا
في العربيات (mpv)
أسوء تصميم سكودا مش عارف اسمها ايه كده شكلها غريب وتويوتا افنسا السبعة راكب و احلاهم الماتريكس و الماتريا
في العربيات المتوسطة الفخمة
أسوء تصميم (bmw 3) لاتقارن باي موديل (bmw)قبل كده و احلي تصميم الاودي (a4) و الجولف و الجيتا والباسات بيجو (407)

بارون الضلام

25-04-2008, 02:02 PM

عن نفسي بشوف انو golf tdi روووعة تصميم واداء
كمان موديلات الفيات الجديدة فكل منتجاتها 500 باليو بوينتو ... روووعة
بالنسبة للسيارات الفارهة اكيد مرسيدس

kingstars11

25-04-2008, 02:16 PM

الاجمل مازيراتى جران توريزمو و البي ام ديليو الفئة الخامسة
و الاسوء الماروتى و الدايهاتسو

GL@DI@TOR

26-04-2008, 05:02 PM

الماتريكس شكلها وحش وbmw m6 خرافة طبعا

mota_ug

28-04-2008, 11:10 PM

حقيقى انا مش مواقفك فى الراى

dr mad

01-05-2008, 01:09 AM

احسن تصميم
شيفرولية ابيكا - كابرس
فولكس باسات
لانسر 2008

اسوء تصميم
كل الهيونداى
كل الصينى

islamox

01-05-2008, 03:37 AM

الجراند فيتارا راحت فين

hossfo

01-05-2008, 09:22 AM

الماتركس فعلا اسوء شكل دى كمان غلبت الشاهين اما افضل شكل فما تعدش

عندك نيو اكسنت 307 جين2

زياد55

01-05-2008, 03:52 PM

thank الف شكر يا غالي

Ahmedfikry11

18-05-2008, 02:34 PM

الماتريكس والدايهاتسو من اسوأ التصاميم اللى عرفتها البشرية

لانسر 2008 احسن تصميم رياضى وملوش حل

blazer10

18-05-2008, 05:40 PM

هوندا سيفيك واوبل فيكترا افضل تصميم من بره و جوه
معرفش الناس مش بتحب الماتريكس ليه كتصميم انا مش بحبها ولا حاجه بس هو يمكن عشان اداء العربيه وحش جدا
الناس كرهت العربيه ككل
اسوء تصميم الشيرى سىء جدا من وجهه نظرى

dr_labanita

18-05-2008, 10:58 PM

احلي تصميم لانسير 2007 و 2008 و bmw الفئة السادسة وبيجو 307

اسوأ تصاميم بخلاف الصيني : هوندا سيتي و هيوندا فيرنا فيفا و الشيفروليه سبارك

aly_elhawary

03-06-2008, 06:40 PM

لو لا أختلاف الأذواق لبارت السلع
والدليل العربية اللى انت شايفها اسوأ تصميم مثل الماتريكس والدايهاتسو ميرا كتي غيرك شايفهم أفضل تصميم

MEDO_2060

06-06-2008, 02:51 PM

احلى تصميم بصراحه
1-هوندا سيفيك 2008
2-فولكس واجن باسات
3-سيات ليون ده طبعا بالنسبع للسيارات اللي سعرها ينفع مصر بدون كلام على السيارات الغاليه

اسوء تصميم
1-كورولا 2008
2-دايهاتسو ماتيريا
3-كل العربيات الفيات ماعدا فيات 500

shamlolawe

08-06-2008, 04:28 PM

بص حضرتك أنا هقول رأيي
أسوأ سيارة من ناحية التصميم وكل شيئ حتي شكلها
- الماهندرا اللي هيا 4*4 من البافارية عربية هندي بنت تيييييييييييت زبالة مفيش مساحة جوا وتحس إنك راكب كرتونة شيبسي
- البريليانس من حيث المتانة والجودة والأمان
- الهيونداي بجيمع إصداراتها ماعدا السوناتا طبعا دي شيئ تاني
- الصيني كله كله من أوله لأخره في المتانة والجوده برضك وتحمله ظروف مصر
- والسكودا الرود ستار الموديل السنة دي حاجة تقرف فعلا مش ده اللي متوقعه من سكودا

أما أفضل تصميم بصدق وده للتغيير الجذري في نمط الشركة
المرسيدس الفئة s تحفة
ال bmw7 بس الجاردد بيبقي شكلها أكثر فخامة وأمتن طبعا من إسمها
البيجو بصراحة عملت شغل حلو السنين اللي فاتت
والستروين برضك ال c4 وال c3 إلي أخره كام موديل تحفة
وأخيرا وليس أخرا الدودج والكرايسلر ياجماعه
الدودج رام تحفة بس ال SRT لانها مصممه للسرعات وده نموذج من أصل 10 نماذج من الدودج رام لأن الرام ليها 10 أنواع
الكرايسلر 300c تحفة التحفة ماشاء الله

3asfor

14-06-2008, 03:56 AM

اسوا تصميم عربيه علي الاطلاق في تاريخ تصنيع العربيات ........... الدايهتسو ماتييرا عربيه سيئه في كل حاجه تخص الشكل الخارجي والانسيابيه والايروديناميكيه.... بس طبعا دي مسأله اذواق.

3asfor

14-06-2008, 03:58 AM

اما احسن تصميم من رأيي بجد وبالنسبه لسعرها ....... المازدا3

onlyonekimo

16-06-2008, 01:32 PM

اكيد الماتركيش اسوا تصميم

srnga131

16-06-2008, 02:09 PM

انا من رايى احسن العربيات الجديدة الانسر السوبر اكشن بس مش الشكل الجديد, والبيجو ال 307 ودى عن تجربة لانى عندى واحدة منها sw والاسكودا a5 طبعا ودول من احسن 3 عربيات عجبونى اوى.

hamada14

16-06-2008, 04:07 PM

الHonda civic روعه

sa3dawy

16-06-2008, 05:28 PM

اسوأ تصميم بلا منازع الماتريكس
واحسن تصميم بلا منازع ال 530i :2:

viper7777777

16-06-2008, 08:26 PM

انا فى راىى ان احسن تصميم ينال عليه كل من اللانسر الجديده ومازدا3 وجين2 و سيات ليون اما اسوا تصميم يا عينى فحصلت عليه كل من الماتريكس الفاشله واليارس الحاصله على الميداليه الخشبيه هههههه

spinsir

16-06-2008, 09:38 PM

بصو يا جماعه
من فئة السيارات اللى اسعارها تحت 100 الف جنيه
اسوء تصميم هيكون الماروتى والسبارك والفيرنا والصينى والسيتى
احسن تصميم هيكون الجين2 والكيا ريو2008
الموديلات الباقيه ديه ماشيه فى السوق علشان مميزات تانيه غير التصميم زى اليارس والاوبترا والانسر2007
من فئة السيارات من 100 الف الى 200 الف
اسوء تصميم تناله بشده التويوتا القديمه والجديده والنيسان الصنى والتيدا السيدان والافينسس
افضل تصميم ياتى اولا الى المازدا3 ثم الفولفوs40 ثم السوبارو امبريزا 2008 ثم الانسر2008 ثم الفيكترا 2008
فى موديلات تانيه زى 307 والميجان والاسترا العاديه والفورد فوكاس والجولف والجيتا وال406 فلوسها غاليه عليها
اما فى فئة السيارات اللى اغلى من 200 الف لغاية 500 الف
اسوء تصميم تناله سيارات الدفع الرباعى الصينى
اما افضل تصميم فحدث ولا حرج علشان الفلوس زادت فتاتى فى نظرى المرسيدس c200 الجديده على القمه ثم تاتى المازدا6 والسوبارو ليجاسى والهوندا اكورد والباسات والفئة الثالثه فى البى ام والدودج رام طبعا
اما السيارات اللى اغلى من 500 الف
منقدرش نقول ان فى سياره وحشه ولكن كل واحد ليه سياره يفضلها عن الاخرى
ففى فئه الفخامه تاتى كل من S500 و740 وال 300c والجاجوار على القمه
اما فى فئة السيارات الرياضيه نتذكر البورش والمازيراتى والفيرارى
فئة الدفع الرباعى X5 والرانج روفر والQ7 بتاعة الاودى