محتاج راوتر محترم لو سمحتم

[abu-alfawaris]

اهلا يا شباب
انا ناوي ان شاء الله اجيب خط للبيت و محتاج راوتر محترم و عن تجربه يعني ما بيسخنش ولا يقطع و يا ريت السعر دلوقتي في ناس نصحتني بالريبوتك و في ناس بتنصحني بالسبيد تاتش و هل اجيب وايرلس ام لا ..انا هوصول جهازين بس عليه

سلام

[kala]

راوتر 3 كوم
جيد جدا وممتاز من تجربه الاعضاء

[jackiechan33]

bos ya basha router repotec dah 7elw awi awi bs w mesh beyhanag 5las bs feh 3eb en howa beys5n besor3a awi awi bs law feh tahwaya kwayasa haba tmam geden

[B A Z O K A ™]

يا باشا عندك 3com رائع جدا زاي ماقال اخونا كالا و عندك كمان speed touch و كمان linksys .

[sabahy06]

الأخوة بسم الله ما شاء الله عليهم جابولك أحسن تلت أنواع فعلا وهى اللينك سيس والثرى كوم والسبيد تاتش... لكن اللينك سيس مستبعد لأنه غالى أما الثرى كوم السبيد تاتش فسعرهم ما بين 300 و450 جنيه على حسب ما أذا كان وان بورت ولا فور بورت وكمان أذا ما كان فيه وايرلس او لا.... انا شغال براوتر ثرى كوم فور بورت وفيه وايرلس وكان سعره من أربع شهور 380 جنيه وهو رائع فعلا ومريحنى كتير

يا رب أكون أفدتك

[smart_general]

انا مشغل بروتر اسبيدتاتش بقاله حوالى 5 سنين بصراحه كنت مأجره من شركه ونصبت عليهم ونفت للحوار وشيلته شويه وبعد كده ركبته تانى وانا دلؤتى عامل شبكها وموصل على الروتر ده حوالى 50 جهاز والله مش كدب وساعات بسيبه واسفر اسكندريه وارجع الاقيه شغال طلقه والسرى كوم برده جامد بس الفور بورت وفيه ويرليس ده جامد اوىمش هيعدى ال 350 دلؤتى وعلى بركة الله اللى يريحك فيهم هاته والريبوتك جامد فشخ بس المهم يكون صناعته تايوانى وفى توكيل لروتر الدى الديلينك فى مكول سوق العصر شركه اسمها مى كوم فى الدور التانى اشترى منها وانت مغمض عنيك اى روتر روحله وهوه كمان ممكن يفهمك بسلما يلاقوه الواحد كده ممكن يشتغلوه خليك مفتح وفاصل معاهم وسيبهم وامشى وكدهوابقى ارجع اشترى تانى سلام يا اخينه

[smart_general]

انا عندى روتر اربعبورت تايوانى ريبوتك لو عايزه على 200 جنيه وهتفاصل يبقوا 190 250 بالتركيب وعمل الكونفيجراشين لتى ايه داتا او ايجى نت او لينك دى اس ال اى حوار

[abu-alfawaris]

شكرا يا شباب علي الردود و النصيحه انا سألت هنا في لينك و نصحني بالثري كوم وايرلس بس نسيت أسأل الوايرلس ده هوصله ازاي بالكمبيوتر بتاعي انا عندي كمبيوتر شخصي مش لابتوب لو حد عنده خلفيه ياريت يرد عليه يعني علشان استفيد من حكايه الوايرلس دي هجيب ايه للكمبيوتر .

مره تانيه مشكورين


سمارت جنرال مشكور يا باشا ربنا ما يحرمنيش منك انا زي ما قلتلك انا مرتاح اكتر للثري كوم علشان ناس كتير متفقين عليه حتي الجماعه بتوع لينك

[easyenemy]

الواير ليس دة علشان اللب توب وبيتعمل من لوبشن الروتر ولو معندكش لاب توب متفتحوش علشان محدش يسرق منك النت

[sabahy06]

شكرا يا شباب علي الردود و النصيحه انا سألت هنا في لينك و نصحني بالثري كوم وايرلس بس نسيت أسأل الوايرلس ده هوصله ازاي بالكمبيوتر بتاعي انا عندي كمبيوتر شخصي مش لابتوب لو حد عنده خلفيه ياريت يرد عليه يعني علشان استفيد من حكايه الوايرلس دي هجيب ايه للكمبيوتر .

مره تانيه مشكورين


سمارت جنرال مشكور يا باشا ربنا ما يحرمنيش منك انا زي ما قلتلك انا مرتاح اكتر للثري كوم علشان ناس كتير متفقين عليه حتي الجماعه بتوع لينك

بكل بساطة هتجيب كارت لان وايرلس Wi-Fi وهتركبه فى جهازك عادى جدا

[abu-alfawaris]

ايزي انيمي
صباحي
الف شكر علي الردود

[smart_general]

اشترى كارت وير ليس وخلاص بس محتاج تشغل الويرليس من على الروتر وتعمله باصورد لان كده ممكن اى حد يشغل النت وير ليس لانه بيبقى شغال اوتوماتيك على الوتر بعد الكونفيجريشان ولو عوزت حاجه انا انشاء الله هعملك صور توضخ ازاى تقفل الويرليس بصور
وانا برده برجحلك الروتر السرى كون