©«-.¸¸.-»© ¶ نصب ريسيلر تي داتا Te Data ¶© «-.¸¸.-»©

[SpiDerS_Xx]

السلام عليكم ورحمة الله وبركاته
دلوقتي يا جماعة انا و تقريبا معظم محافظة الشرقية بنتعرض لعملية نصب و احتكار بطريقة فظيعة
الحكاية كلها انه انا بقالي اكتر من سنة عميل مع تي داتا ومن بداية تعاملي مع الشركة كانت عن طريق الوكيل بتاعهم وكان الخظ بتاعي 1024 يعني واحد ميجا وطبعا حسب اسعار الشركة ايامها كان سعره الرسمي ب 380 جنيه في الشهر
الريسيلر قالي ب 450 وبعد عناء من الفصال معاه رغم انه صاحبي كمان وصلناها ل 425 جنيه قلت 45 جنيه زيادة مش مهم بس المهم الخدمة تكون كويسة
و شهادة لله الخدمة كانت زي الفل الا من شهرين كانت في اسوء حالتها وعلى مصر كلها تقريبا حست بالموضوع ده
المهم

وبعد تنزيل الاسعار و اصبح الواحد ميجا ب 300 جنيه في الشهر قلت انا اكيد هتدفع زيادة 30 جنيه ولا حاجة مكسب الراجل يعني هيبقوا 330
لكن اتفاجأ انه بيقولي الاسعار زي ما هي وانه مفيش تنزيل للاسعار
يعني هدفع 425 و تمن الخط 300 جنيه
وبعد نقاش و جدال طويل قالي اصل الوكيل اللي معانا مش راضي ينزل الاسعار علشان العقد اللي كاتبه مع الشركة و حوارات كده
قلتله خلاص انا هتصل بالشركة اشتكي لهم
قالي الوكيل ده معاه 80 سنترال في محافظة الشرقية تفتكر انهم هيعملوا حاجة مع راجل بيدخل لهم ملايين كل شهر
طبعا انا مفيش قدامي حل غير اني ادفع 425 برده
وللعلم انا طلبت من الشركة قبل كده انه يكون التعامل معاهم وهما قالوا مينفعش :sadwalk:

ياريت يا جماعة لو في حد من الزقازيق موصل من تي داتا يقولي الاسعار عندهم ايه ومين الوكيل بتاعكم و عنوانه

وشكرا

[kala]

اسوأ حاجه فى مصر الاحتكار
انا من رأيى مقاطعه كامله للراجل ده وده هيجبره على تنزيل الاسعار
لان حرام الفرق ده كله بعد الاسعار ما اتخفضت رسمى
وبردو جرب تبعت شكوى لتى داتا الام ومتيأس

[freeman11]

ياعم حرام والله حيروحوا فين من ربنا ازاى الناس دى تقبل على نفسها وتاكل حرام

حسبنا الله ونعم الوكيل

شوف انت الحل معاك هو انك تتفق مع الغالبيه العظمى من المشتركين على المقاطعة وان شاء الله ربنا هيوريك فيه عشان دة مفترى وطمع فى الدنيا

[حبيب 2005]

نفس الحركة حصلت مع وكيل تي داتا في المنطقة عندنا وبعد سلسلة من الشكاوي للشركة الذي يتعاقد معها تم فصل هذا الوكيل تماما واصبح التعامل بيننا وبين الوكيل مباشرة .
من الاخر متسكتش عن حقك ولو عشرة جنيه زيادة .
حبيب 2005

[sabahy06]

أعتقد انك لو أشتكيت للفرع الرئيسى انتا والناس اللى معاك فى المنطقة وأمطرتو الشركة بالرسائل فالنتيجة مضمونة لأن ده حقكم الطبيعى والعادى زيكم زى باقى الأسعار فى مصر

[khaledf1]

قاطع الراجل دة خالص حرامى علنى موش همة حاجة
واشتكية فى الشركة فى المقر الرئيسى
والله انا لو مكانك موش عاوز نت اساسا بس محدش يجبرنى
والا يمشينى على مزاجة انت بتطلب حقق موش بتطلب غير كدا
وربنا يعينك وانشاء الله بالتوفيق .

[shedeed1]

اظن انك يا باشا مش فى الزقازيق نفسها انتة فى بلد جنبها مش تبع سنترال غرب او شرق الزقازيق

لانى انا مشترك مع وكيل تى داتا فى الزقازيق على خط 256 بدفع اه 100 جنية يعنى ازيد 5 جنية من السعر المعلن بس مش فارقة كتير

انما انا اسمع ان 256 فى القرى حولين الزقازيق بتبقى حوالى 125

انما سعر 512 فى الزقازيق مع شركة فيرست الوكيل بتاع تى داتا 190 وانا لسة مكلمهم علشان اتأكد

وعلى فكرة الاسعار قلت تانى بقى 512 ب 170

1024 ب 300

2 ميجا ب 530

والكلام ده هيبقى من 1-11 :whistle:

[SpiDerS_Xx]

للاسف مفيش حد عمل اي حاجة
وانا شكلي هنزل كايرو الفرع الرئيسي و اشوف الموضوع ده
علشان انا عارف الناس دي مش بتييجي غير بالصوت العالي وقلة الادب

[nemr89]

اخى الغالى

انا من الشرقيه والكلام ده كله غلط اكيد حد بينصب عليك
لو كان فى فرق اسعار بيكون بالكتير 10 جنيه يعنى 390للميجا

اتصل بي وان شاءالله انا اظبطلك الموضوع
0121521151
وهبقي اعطيك الارضي للاتصال عليه

تحياتى
على حامد

[alaa koura]

دة عيب الاحنكار

[™ Χ ╪ Ϊ ∏ ς Ϊ Θ Ν ∑]

أعتقد انك لو أشتكيت للفرع الرئيسى انتا والناس اللى معاك فى المنطقة وأمطرتو الشركة بالرسائل فالنتيجة مضمونة لأن ده حقكم الطبيعى والعادى زيكم زى باقى الأسعار فى مصر


صح يامعلم
صح يامعلم

[easyenemy]

هههههههههههه ابعت لاتى داتا الكلام دة وائولهم انه بيتاجر باسمكم والراجل دة اوعدك انه ياهيتسجن ياما هيتلغا كل عقودة وهيعملو هما فرع لهم

[faissal_nokia]

السلام عليكم..

عزيزي أولاً واضح انك تعرف حل اجابتك " نصب ريسيلر تي داتا "

أي ان حتى الشركة الأم - تي إي داتا - ليست لها يد في ذلك.. هذا أولاً..

ثانياً.. عندما تخفض الأسعار من الشركة الأم -تي إي داتا - يتم تخفيضها كذلك على جميع الموزعين - الريسلرز - .. الي كل واحد منهم واخد باندويتث خاص بيه وبيوزعه هو في حدود أسعار متفق عليها من الشركة. - بمعنى آخر المفروض انه لا يزود ولا يقلل السعر عن السعر المتفق عليه - وهو بيكون السعر المعروف الي هو في حالتك 300 جنيه .

نيجي لمشكلتك انت بأه.. :

أولاً بعد انخفاض أسعار الAdsl من فترة.. انت قلت ان الريسلر بتاعك ما رضاش ينزله وبقيت تدفع نفس السعر الي عليه.. بص يا سيدي .. لما الAdsl رخص وبأه بـ300 .. انت برده تدفع للريسيلر بتاعك 300.. لو خد منك 301 يبأه نصب.. ليه باه.. لأن الـ300 دول ده سعر المستهلك مش سعر الريسلر.. يعني هو بيدفع مثلاً على الميجا 250 جنيه كل شهر.. وال300 جنيه دول بياخدهم من المستهلك الي هو أنت.. يعني حتى لو كان خد منك 330 زي مانت فاكر يبأه كان نصاب.. وانت بتقول انه فضل ياخد 425 زي زمان.. كده يباه انت قدام حالة نصب فاحش..

ثانياً.. حكاية ان الريسلر قالك ان في مشكله بينه وبين تي إي داتا عشان هو ماضي عقود .. كلامه المفهوم منه ان الموزع ماضي على عقود بسعر معين.. وبعد تغيير أسعار الAdsl في مصر ما يقدرش ينزل السعر لأنه متفق على الأسعار دي .. بص يا سيدي .. لما الأسعار بترخص في أي حاجه متفق عليها بين طرفين - شركتين ، شركه ومستهلك.. إلخ - بعد الاتفاق والتعاقد عليها بسعر معين بتتعمل حاجه اسمها عقود معاوضة أو تعويض خسارة - مش فاكر المسمى الرسمي بتاعها - لكن مفادها ان الطرف المضرور من آخر تغير على بندأو أكثر يتم تعديل هذا البند - في حالتنا دي الأسعار - بما يتجنب الضرر.

يعني كلامه على حكاية العقود كله نصب × نصب..

ثالثاً وهو الأهم.. ممكن توصل من الشركة الأم نفسها بس يكون ليها فرع رسمي مكتوب عليه T E Data وجنبه اللوجو بتاعهم المعروف.. وتقدر تعرف فين أقرب فرع رسمي لـ T E Data من السايت الرسمي ليها على النت www.tedata.net ..

اتمنى أن أكون ساعدتك و أي استفسار كلمني وانا موجود بإذن الله.

[SpiDerS_Xx]

شكرا يا جماعة على ردودكم وان شاء الله هبلغكم بالتفاصيل لو وصلت لحل
ولو حد يقدر يساعدني ياريت ميتأخرش في انه يرد في الموضوع