مشاهدة النسخة كاملة : إستشارى تركيبات
مالك مالك
25-09-2007, 10:29 PM
السلام عليكم ورحمة الله وبركاته كل عام وانتم بخير
انا عضو فى المنتدى
أعمل فى مجال التركيبات الفضائية
أى عضو يريد مساعدة انا تحت امره
لانى بصراحة احببت المنتدى لانه يخدم الجميع
وللأسف انا لا اعرف سوى فى مهنتى وهى الدش والشبكات المركزيه
اى عضو يريد مساعدة فى مجال تركيب الاطباق انا تحت امره
abqarino
25-09-2007, 11:58 PM
humax please
ahlaawy
26-09-2007, 02:48 AM
اهلا بك يااخي واتمني ان تساعد الاعضاء لان من الممكن مستقبلا انشاء قسم خاص للتركيبات
مالك مالك
26-09-2007, 05:04 PM
humax please
الرجاء توضيح طلبك اخى العزيز
مالك مالك
26-09-2007, 05:09 PM
اهلا بك يااخي واتمني ان تساعد الاعضاء لان من الممكن مستقبلا انشاء قسم خاص للتركيبات
شكرا جزيلا لمرورك اخى اهلاوى وكل سنة وانت طيب
والله العظيم انا اعرض الموضوع لانى وجدت انه من الشرف لى ولاى
شخص ان يكون من ضمن اسرة الدى فى دى لانه من اقوى المنتديات
على الاطلاق وربنا يقدرنى ان اكون فى عون اى عضو يحتاج للمساعدة
islamhasan
27-09-2007, 06:33 PM
طب يا باشا انا عاوز ملف كلين لجهاز
hivion 9090 x
h/w 1.00
s/w 11.26
model f0a136
لان عندي سوفت وير جديد بس مش راضي ينزل قلت اعمل كلين الاول
ولا انت ايه رأيك
مالك مالك
28-09-2007, 04:09 AM
تفضل اخى الكريم صاحب طلب ملف الكلين للهفيون وانا تحت امرك
فى اى حاجه بس لى طلب عندك حاسس انك بتتطلب بإستهزاء
ياريت تبين لى نيتك الحسنة وانا فى خدمتكhttp://www.dvd4arab.com/attachment.php?attachmentid=226727&stc=1&d=1190941616
islamhasan
28-09-2007, 12:13 PM
تفضل اخى الكريم صاحب طلب ملف الكلين للهفيون وانا تحت امرك
فى اى حاجه بس لى طلب عندك حاسس انك بتتطلب بإستهزاء
ياريت تبين لى نيتك الحسنة وانا فى خدمتكhttp://www.dvd4arab.com/attachment.php?attachmentid=226727&stc=1&d=1190941616
يا راجل استهزاء ايه بس
دا انا باطلب مشورتك
لاني اول مره اعمل سوفت لجهازي
وفعلا عاوز رأيك انا بحمل السوفت للجهاز مش بيرضى اكني مبعملش حاجه
يعنب لما افتح البور بتاع الجهاز بيحمل السوفت وير بتاعه مش بياخد من الكمبيوتر
مع اني مزبط ملف السوفت الجديد واللودر والكابل
هل فعلا محتاج ملف كلين ولا ممكن اكون بعمل خطوات غلط
شكرا
ورمضان كريم
مالك مالك
28-09-2007, 02:09 PM
يا راجل استهزاء ايه بس
دا انا باطلب مشورتك
لاني اول مره اعمل سوفت لجهازي
وفعلا عاوز رأيك انا بحمل السوفت للجهاز مش بيرضى اكني مبعملش حاجه
يعنب لما افتح البور بتاع الجهاز بيحمل السوفت وير بتاعه مش بياخد من الكمبيوتر
مع اني مزبط ملف السوفت الجديد واللودر والكابل
هل فعلا محتاج ملف كلين ولا ممكن اكون بعمل خطوات غلط
شكرا
ورمضان كريم
بص يا سيدى الهفيون معروف انه فى حكاية الكلين بيتعب شوية
حاول تعطيلة الملف المرسل اليك منى وإنشاء الله هيبقى مية مية
وتحياتى لك وكل سنة وانت بخير
islamhasan
28-09-2007, 03:52 PM
بيتعب ازاي يا عم مالك
هو الموضوع ممكن يطير الجهاز ولا ايه النظام
ahlaawy
28-09-2007, 04:03 PM
بيتعب ازاي يا عم مالك
هو الموضوع ممكن يطير الجهاز ولا ايه النظام
اخي عليك بالدخول لقسم الاسترا للاستفسار وترك الموضوع لمشاكل التركيبات
وتحياتي لك اخي مالك لمساعدتك الاعضاء
مالك مالك
29-09-2007, 02:29 AM
بيتعب ازاي يا عم مالك
هو الموضوع ممكن يطير الجهاز ولا ايه النظام
هذا ليس المقصود أخى الكريم ولكن المقصود إنه بياخد غلبه شويه
يعنى الهفيون ليس مثل الأسترا والأستار سات
وربنا يكفيك شر طيران الجهاز
وأنا أحب الهفيون جدا لانه جهاز من وجهة نظرى جهاز لم تتطرق اليها
الصين فى الصناعة يعنى لا يوجد منه تقليد
وانا تحت امرك فى اى وقت
مالك مالك
29-09-2007, 02:34 AM
اخي عليك بالدخول لقسم الاسترا للاستفسار وترك الموضوع لمشاكل التركيبات
وتحياتي لك اخي مالك لمساعدتك الاعضاء
كما قلت أخ أهلاوى ما أريده هو مساعدة الأعضاء فقط فى التركيبات
ولكنى فؤجئت بسؤال العضو الكريم عن ملف الكلين
وهنا فىالمنتدى من واجب الأعضاء مساعدة من يحتاج وكل عام وانت بخير
refaat_gh
29-09-2007, 07:12 AM
السلام عليكم
أشكرك أخي مالك علي مساعدتك ولي سؤال
أنا عندي طبق متر وعدسه واحده للنيل سات
وعايز أركب عدسة اخري أو أثنين
أنا مش عارف ما هي الأقمار الجيده غير النيل سات والعرب سات
علما بأن إهتماماتي القنوات الرياضية والدينية وأحيانا الأفلام الأجنبي -- أرجوك رايك - جزاك الله خيرا شكرا
مالك مالك
29-09-2007, 01:36 PM
السلام عليكم
أشكرك أخي مالك علي مساعدتك ولي سؤال
أنا عندي طبق متر وعدسه واحده للنيل سات
وعايز أركب عدسة اخري أو أثنين
أنا مش عارف ما هي الأقمار الجيده غير النيل سات والعرب سات
علما بأن إهتماماتي القنوات الرياضية والدينية وأحيانا الأفلام الأجنبي -- أرجوك رايك - جزاك الله خيرا شكرا
أخى العزيز رفع السلام عليكم وكل عام وانت بخير
الطبق المتر فرصة بالنسبة لك عن الطبق70 لان حجمة اكبر شويه
وده يعطيك الحرية بتركيب عدسة او اتنين او ثلاثة ولو حبيت اربعة
على الطبق المتر
انا هقولك على الطريق شفوى لو موصلتش لحل هجيبلك صور توضحلك اكتر
الخطوة الأولى** القمر الأروبى هتثبت الطبق على القمر الأروبى وتربطه جيد جدا
الخطوة الثانية**النايل سات هتعطى وشك للطبق وعلى يمين القطعة الاروبى بحوالى 20سم ممكن يكون أقل قليلا واكثر قليلا المهم تمسك القطعة بيدك الى ان تصل لاعلى اشارةعلى النايل سات
الخطوة الثالثة** ممكن ان تركب القمر القبرصى لو عايز
وهو بكون بين قطعة النايل سات والاروبى وتكون قريبة الى القمر الأروبى
الخطوة الرابعة **العربسات وده بيكون ناحية اليسار من القمر الأروبى
وممكن بقى لو انت حريف تركب القمر الخامس وهو تليستار
وهو عليه قنوات زى العسل تشفيرها مفتوح
القنوات الرياضية على الروبى عدد لا بأس به
والقمر العربسيات عليه قنوات فيد تنقل المباريات العربية المشفرة
وقنوات الافلام الاجنبى على الاروبى أيضا
وهتلاقى قنوات جديدة كتيرة غير التى على النايل سات
على فكرة انا لست من هواة الرياضة بس حبيت أخدم بس
كل عام وانت بخير
refaat_gh
29-09-2007, 03:36 PM
أشكرك يا أخ مالك علي الإهتمام والرد
ahlaawy
29-09-2007, 04:26 PM
اخي مالك تم تثبيت الموضوع لاهميته
مالك مالك
29-09-2007, 09:43 PM
اخي مالك تم تثبيت الموضوع لاهميته
أخ أهلاوى أنا عاجز عن الكلام والله من كتر السعادة
اشكرك جزيل الشكر على تثبيت الموضوع
وإنشاء الله تعالى أكون عند حسن ظنك
وأكون فى خدمة النتدى العظيم وجميع الأعضاء
شكرا جزيلا لك وللإدارة
كل عام وانتم بخير
micro_tec
30-09-2007, 01:10 AM
لوسمحت أخى الكريم طريقة تركيب الدش المتحرك
وشكرا لك مقدما
مالك مالك
30-09-2007, 04:30 AM
لوسمحت أخى الكريم طريقة تركيب الدش المتحرك
وشكرا لك مقدما
بص يا سيدى صلى على سيدنا النبى
الدش المتحرك*** من اصعب انواع التركيب على الاطلاق لانه يحتاج
فنى ماهر
دقه فى التركيب
زبون يدفع علشان يجيب مكونات تستاهل تركيب دش متتحرك
المهم** ما تشلش هم حاجة طول ما انت هنا
انت اول ماتجيب السيستم اول شى يكون فى مكان بعيد عن العوائق ليه علشان تقدر تستفيد من كامل محور الاستقبال
ثانيا الاستاند بتاع الطبق*القاعدة* تكون مظبوطة على اعلى قدر ممكن
وتكون مظبوطة على *ميزان مية* ليه علشان تضمن استقبال محور الشرق والغرب معا على نفس الكفائة
ثالثا تركيب طبق الاستقبال** تحاول تجميع الطبق وتربيط الازرعة جيدا
وتحاول تجميع البولر *جسم الطبق من الخلف* نص تربيطة يعنى
وعلشان ما تتعبش نفسك فى ضبط القطعة وانت بتجمع أزرع الطبق الأمامية تجمعم الاول مع بعض وتربطهم بمسار علشان تضمن إن القطعه هتكون الى حد كبير فى وسط الطبق
خد بالك القطعة لها اتجاه للأفقى والعمودى معا
ومن واقع خبرتى البولر بيكون ضبطة صعب شويه عليك بس ولا يهمك
انت هتعطى وشك للقبلة وتججيب البولر يمينك بعض الشئ
خطوه مهمة ايضا وانت بظبط الطبق هتجيب ترد مثلا يعنى يكون مشترك
لوانت مبتدئ تحاول على النايل سات والعرب سات على الترد*11747*او على التردد* 11785* ولو لقيت نفسك فيك العزم شويه والموضوع ماشى معاك اخر حلاوة
خش على التقيل على القمر الاسبانى والاروبى مثلا والتردد المشترك بينهما وقوى علشان ماتتعبش نفسك هو*12303*
لو صادف الحظ وانضبط معاك الطبق خش شوف نفسك على الاسترا وجرب التردد*12051* وهو تردد لاباس به لقنوات الكابل
لو الموضوع اتطور معاك ولقيت اليوم راح وكدة كدة رايح كمل للاخر
خش على القمر التركى وجرب التردد دة*12652*
لو الشغل دة تمام تقدر تربط مسامير البولر وانتمحافظ على الاشارة بتاعك يعنى كل ما ترط شويه تراجع على الاشارة لحد ماتظبط نفسك
ونيجى لاخر الموضوع وهو الموتور *
الموتور ده حكايتة حكاية انت ياسيدى هتركبة على أخر الطبق من ناحية البولروتربط الجزء الموصول بالقاعدة الاول وتنزل بالطبق
وتجمعه
بعد كدة هتلاقى علبة خلف الموتور تفك المسامير
هتلاقى اربعة مداخل للاسلاك اتنين بيكونوا للسنسور واتنين كهرباء
تاخد بالك من الاتنين السنسور الاتنين الموتور
نيجى بقى لوحدة التحريك هتلاقى فيها اربعة مداخل هتركب الاتنين بنوع السنسور فى المكان الخاص بهم هتلاقى مكتوبsensorوهتلاقى مكانين مكتوب عليهمm1وm2دول بتوع الكهرباء لازم تاخد بالك من ترتيب الاسلاك
وهتلاقى فى ريموت وحدة التحريك سهمين شمال ويمين دول لتحريك الموتور
لاعلى ولاسفل
تظبط نفسك لو بتعرف تبرمج الريسيفر النايل سات تخزنه على اى رقم تريدة هتقلى ازاى اخزنة حسب وحدة التحريك عندك فيه انواع التخزين فيها شهل من كلمة *store* وفيه وحدات تحريك بيكون الزر بتاع التخزين غطسان شوية
بمجرد انك تدوس علية هنور ويطفى معناه تضع رقم القمر الى انت حابب تخزن عليه وتضغط بعد كدة اوكية
الموضوع كبير لو انت عايز شرح بطريق معينة قولى
اتمنى ان اكون وصلت ليك المعلومه كما تحب
واتمن الا اكون قد نسيت شى لم اذكرة
وكل عام انت بخير
عبدالحميد فتحى
30-09-2007, 02:18 PM
قناة الساعة لا تعمل وجميع القنوات عل ترددها هل من حل
مالك مالك
30-09-2007, 03:19 PM
قناة الساعة لا تعمل وجميع القنوات عل ترددها هل من حل
أخى الكريم حاول وضع التعريفات التاليه للصوت والصورة
3068
3069
3068
وابحث عن القيم الجديدة لعل وعسى ان يكون فيهم سبيل لتعمل قناةالساعة هى تعمل جيدا عندى الآن
ولو لم تنجح هذه الطريقة عليك ومسح الجهاز لوضعية المصنع لان هذه الطريقة بتجيب من الآخر
ويمكن يكون عندك من ايام التردد القديم
التردد الموجودة عليه حاليا هو **10975**راسى **27500**
كل عام وانتم بخير
pepopiro
30-09-2007, 05:45 PM
بجد تستاهل اخى الكريم كل خير
وتستحق التثبيت عن جداره
تابع اخى
ولو وقفت اى مشكله معاك
ارجو مراسلتى على الخاص
اخوك احمد
مالك مالك
30-09-2007, 06:29 PM
بجد تستاهل اخى الكريم كل خير
وتستحق التثبيت عن جداره
تابع اخى
ولو وقفت اى مشكله معاك
ارجو مراسلتى على الخاص
اخوك احمد
شكرا أخى الكريم**أحمد** او **pepopiro** على مرورك الكريم على الموضوع وكل سنة وانت طيب اعجبت جدا بهذا المنتدى من أول وهلة
ولقيت انه يستحق كل احترام على فكرة اخ احمد انا اعمل بمجال التركيب
منذ فترة طويلة ولم اخرج من جعبتى على الانترنت الا القليل
ولكنى فوجئت بهذا النتدى المحترم فلم ابخل علية بشئ ولم اكون القى بالا للمنتديات ولا انشغل بغير عملى
المهم ياريت اكون عند حسن ظن الجميع
وكل عام وانتم بخير
youssof_365
01-10-2007, 12:52 PM
لو سمحت انا عندي 2 تليفيزيون وعايز أعرف ازاي أوصلهم كابل الريسيفر بحيث تكون القنوات مستقله.
وشكرا
مالك مالك
01-10-2007, 01:39 PM
لو سمحت انا عندي 2 تليفيزيون وعايز أعرف ازاي أوصلهم كابل الريسيفر بحيث تكون القنوات مستقله.
وشكرا
أخى العزيز يوسف لو انت عايز توصلهم من الريسفر ممكن تاخد خرج الريسيفر الاديو والفيديو للتلفزيون القريب وتاخد خرج الآرإف الى التلفزيون الاخر
انما لوانت عايز كل تلفزيون مستقل بنفسه للقنوات لازم لازم لازم ريسيفر تانى
كل سنة وانت طيب
profi
01-10-2007, 08:56 PM
السلام عليكم ورحمة الله وبركاته كل عام وانتم بخير
انا عضو جديد فى المنتدى
أعمل فى مجال التركيبات الفضائية
أى عضو يريد مساعدة انا تحت امره
لانى بصراحة احببت المنتدى لانه يخدم الجميع
وللأسف انا لا اعرف سوى فى مهنتى وهى الدش والشبكات المركزيه
اى عضو يريد مساعدة فى مجال تركيب الاطباق انا تحت امره
أولآ كل عام وانت وكل الامه الاسلااميه بخير ورمضان كريم
انا كنت مشترك فى باقه art وكنت شارى الرسيفر منهم ونهيت الاشتراك
نوع الرسيفر Technisat dig**** irdeto
ياريت تقدر تساعدنى انى الاقى البرنامج الى بيها افك شفرات القنوات عن طريق الكمبيوتر او اى برنامج يساعدنى فى الدخول على الرسيفر والتحكم فيه ولك جزيل الشكر
darsh6680
01-10-2007, 09:34 PM
السلام عليكم ورحمته وبركاته
عندى ريسفير تكنوسات 6500 ماجيك عاوز أعمله سوفت ولو تدلنى على أحدث سوفت أرجو الرد وشكرا لك
مالك مالك
01-10-2007, 10:26 PM
أولآ كل عام وانت وكل الامه الاسلااميه بخير ورمضان كريم
انا كنت مشترك فى باقه art وكنت شارى الرسيفر منهم ونهيت الاشتراك
نوع الرسيفر Technisat dig**** irdeto
ياريت تقدر تساعدنى انى الاقى البرنامج الى بيها افك شفرات القنوات عن طريق الكمبيوتر او اى برنامج يساعدنى فى الدخول على الرسيفر والتحكم فيه ولك جزيل الشكر
اخى العزيز كل عام وانت بخير للاسف الشديد الكلام ده كان من حوالى شهرين كانت معظم الاجهزة تأخذ سوفتوير لتفتح الآرتى و الشوتايم بس بقى ليهم مدة مافيش سبيل الى كسر شفرتهم
وعلى فكرة اخ الفاضل معظم الاجهزة التى تباع لدى شركة الآرتى لا تتحدث بيجيبو الاجهزة التعبانة قوى بس تكون بكامة علشان تشغل الكارت الخاص بيهم
كل سنة وانت بخير
مالك مالك
01-10-2007, 10:31 PM
السلام عليكم ورحمته وبركاته
عندى ريسفير تكنوسات 6500 ماجيك عاوز أعمله سوفت ولو تدلنى على أحدث سوفت أرجو الرد وشكرا لك
انتظرنى شوية اخى العزيز درش وانا هبحث لك عن سوفت وير لهذا الجهاز
لان الجهاز ده ليس متاح عندى سوفت وير له
هبحث لك عنه وان لم اجدة هجيبلك موقع الشركة على الانترنت تدور عليه يمكن تلاقية
كل سنة وانت طيب
darsh6680
02-10-2007, 09:47 PM
شكرا على محاولتك لمساعدتى أنا عارف إن نوع الريسفر متعب فى حكاية السوفت وير دى و ياريت تراسلنى على الإيميل ده moustaphasoleman@Gmail.com
مالك مالك
02-10-2007, 10:57 PM
شكرا على محاولتك لمساعدتى أنا عارف إن نوع الريسفر متعب فى حكاية السوفت وير دى و ياريت تراسلنى على الإيميل ده moustaphasoleman@Gmail.com
تفضل اخى العزيز آخر سوفت وجدته لهذا الجهار
انا حبيت انه يوضع هنا فى المنتدى ليستفاد به اى عضو يريده
مالك مالك
03-10-2007, 03:59 AM
بسم الله الرحمن الرحيم
فيه أخوة كتير فى هذه الأيام بيشتروا أجهزة ديجيتال ثابته يعنى مثلا نايل سات وتسهيلا عليهم هشرح طريقة تركيب الطبق النايل سات
من طقطق الى سلام عليكم
نبدأ بسم الله
اول حاجة نحسبلها قبل ما نركب الطبق ونقع فى المحظور يكون الاتجاه الذى سنوجة اليه الطبق خالى تماما من العوارض او العوائق الت تمنع استقبال القمر بمعنى ايه
ممكن بعد ما اركب قاعدة الطبق واثبتها الاقى مبنى مقابل لاتجاه القمر
او ممكن الاقى نخلة او شجرة ده بالنسبه للاخوة الذين فى الارياف
او ماذنة مسجد او يكون مبنى بعيد بعض الشىء دة من الممكن يمنع الاستقبال
بعد ما تتاكد من هذة الاشياء التى لا تعيق الاستقبال وصدقونى دى اكبر المشاكل التى يتعصب منها خبراء التركيب
بعد كده نيجى الى تثبيت الاستاند وعلشان تريح دماغك تتاكد ان الاستاند ثابت جدا جدا علشان ترتاح وانت بتركب الطبق
هتقفل الطبق يا سيدى وتجمعة وتربطه جيدا جدا
وتركب قطعة الاستقبال وهناك مشكلة ممكن تقابل اى مستجد بيركب طبق
وهى اتجاه قطعة الاستقبال بمعنى آخر الافقى والعمودى بمعنى آخر لو انت بتركب طبق 90 او 70 او اقل من ذلك بتكون القطعة مائلة الى الاسفل والى اليمين قليلا وبعض القطع بتكون محتاجة الى اليمين اعلى بعض الشىء طيب هسهلها ليكوا شوية لوانت واقف وشك للطبق
هنسهلها باستخدام ساعة يد طبعا تكون ساعة عقارب موش ارقام
هيبقى عندنا اربعة اتجاهات هم 12**6**3**9 هنشتغل على اتجاهين هما
3**و6 والرقم 6 هو بيكون طبعا اسفل الساعة معظم القطع الموجودة كما اتفقنا بتكون اتجهها اسفل الطبق الى اليمين قليلا يعن بالتقريب
على رقم *5* ده زى ما قلنا احنا بنشرح على عقارب الساعة ورقم *5*
يمين *6* بعضا ما وبقية القطع بتكون على رقم*3* يعنى لو القطعة استرونج جديدة مثلا يعنى بتكون على رقم *5* ولو قطعة استرونج من القديمة بتكون على رقم *3* ودة علشان تضمن ان القطعة اتجاهاتها مضبوطة وهما الافقى والعمودى
بعد كدة يا عم الحاج تجيب السلك واوعى تستهون بالسلك انا اول ايام شغلى فى التركيب فضلت 5 ساعات ادور على النايل سات موش لقيه لدرجة انى فكرت انهم لغوة الكلام ده من9 سنين اول ايام النايل سات مااشتغل المهم تتاكد من السلك ازاى انت بتجيب مع السيستم 2 اف كنكنتور وطبعا سيادتك مش عارف دول بتوع ايه دول بتوع السلك علشان ينفع يركب فى قطعة الاستفبال والريسيفر يعنى هتيجى على طرفى السلك وتقيس مثلا يعنى 1سم وتعريه من اعلى الطبقة الخارجية فقط وتجيب السلك الشعر تلفه او تبرمه على الطبقة الداخلية لاسفل وتيجى على الطبقة الداخلية السلك المصمت او النحاس الدخلى وبالظبط 1/2 سم وتعريه وتربط الصمولة لحد ما يصل السلك النحاس مسافة3مم خارج الاف كنكتور وبكدة السلك يبقى تمام
وتركب طرف فى قطعة الاستقبال وطف فى الريسسفر
بعد كدة بنركب الطبق على الاستاند ونجيب تردد مثلا 11766 افقى 27500
3/4 ونحرك الطبق لاعلى ولاسفل ويمين وشمال وعلشان تريح دماغك بص على اقرب طبق نايل سات امامك وخليك حوالين اتجاهة لو الطبق جاب معاك اشارة واشتغلت القنوات يبقى انت واد فرود يعنى ناصح او حظك نار
المهم لو جاب معاك اشارة وما فيش قنوات ده حلو قوى يعنى انت قربت تبقى معلم دة معناه انك على قمر قبرص ماتخافش دة بيكون مية مية انك ركبت الطبق صح الصح والشغل وصل معاك لدرجة انا نفسى ما اتصورهاش هتنزل بالطبق الى اسفل قليلا وتحاول تجيب النايل سات
بعد كدة يا بطل تبرمج الريسيفر
ولو قبلتك مشكلة البرمجة تجيب نوع الريسيفر وانا اقولك تبرمجة ازاى
يا رب ما اكون نسيت حاجة ما ذكرتهاش علشان الناس الطيبين يستفادوا
وكل عام وانتم بخير
medo_21
03-10-2007, 06:19 AM
اولا الف شكر علي مجهودك معانا يا باشاو انا كان عندي سؤال كده فني .. انا دلوقتي عندي النايل سات و الهوت بيرد و كانت القنوات علي الهوت بيرد المشفره كلها شغاله بدون اي مشكله جيت النهارده اشغل لاقيت كل القنوات المشفره واقفه و مبتشتغلش خالص ؟؟ ايه العمل علشان افتح القنوات دي تاني؟؟؟؟ انا جهازي (VEGA 999) الاصداره بتاعة السوفت وير بتاعه (3.04).. ارجو سرعة الرد ارجوك. و الف شكر يا باشا.
profi
03-10-2007, 08:40 AM
اخى العزيز كل عام وانت بخير للاسف الشديد الكلام ده كان من حوالى شهرين كانت معظم الاجهزة تأخذ سوفتوير لتفتح الآرتى و الشوتايم بس بقى ليهم مدة مافيش سبيل الى كسر شفرتهم
وعلى فكرة اخ الفاضل معظم الاجهزة التى تباع لدى شركة الآرتى لا تتحدث بيجيبو الاجهزة التعبانة قوى بس تكون بكامة علشان تشغل الكارت الخاص بيهم
كل سنة وانت بخير
انا مش عايز افتح قنوات Art انا عايز قنوات ثانيه المانيه ودى سهله بس محتاج السوفتوير او البرنامج الى يتعرف على الرسيفر
وشكرا على اهتمامك
ahmed177
03-10-2007, 11:23 AM
..........................
بسم الله الرحمن الرحيم
فيه أخوة كتير فى هذه الأيام بيشتروا أجهزة ديجيتال ثابته يعنى مثلا نايل سات وتسهيلا عليهم هشرح طريقة تركيب الطبق النايل سات
من طقطق الى سلام عليكم
نبدأ بسم الله
اول حاجة نحسبلها قبل ما نركب الطبق ونقع فى المحظور يكون الاتجاه الذى سنوجة اليه الطبق خالى تماما من العوارض او العوائق الت تمنع استقبال القمر بمعنى ايه
ممكن بعد ما اركب قاعدة الطبق واثبتها الاقى مبنى مقابل لاتجاه القمر
او ممكن الاقى نخلة او شجرة ده بالنسبه للاخوة الذين فى الارياف
او ماذنة مسجد او يكون مبنى بعيد بعض الشىء دة من الممكن يمنع الاستقبال
بعد ما تتاكد من هذة الاشياء التى لا تعيق الاستقبال وصدقونى دى اكبر المشاكل التى يتعصب منها خبراء التركيب
بعد كده نيجى الى تثبيت الاستاند وعلشان تريح دماغك تتاكد ان الاستاند ثابت جدا جدا علشان ترتاح وانت بتركب الطبق
هتقفل الطبق يا سيدى وتجمعة وتربطه جيدا جدا
وتركب قطعة الاستقبال وهناك مشكلة ممكن تقابل اى مستجد بيركب طبق
وهى اتجاه قطعة الاستقبال بمعنى آخر الافقى والعمودى بمعنى آخر لو انت بتركب طبق 90 او 70 او اقل من ذلك بتكون القطعة مائلة الى الاسفل والى اليمين قليلا وبعض القطع بتكون محتاجة الى اليمين اعلى بعض الشىء طيب هسهلها ليكوا شوية لوانت واقف وشك للطبق
هنسهلها باستخدام ساعة يد طبعا تكون ساعة عقارب موش ارقام
هيبقى عندنا اربعة اتجاهات هم 12**6**3**9 هنشتغل على اتجاهين هما
3**و6 والرقم 6 هو بيكون طبعا اسفل الساعة معظم القطع الموجودة كما اتفقنا بتكون اتجهها اسفل الطبق الى اليمين قليلا يعن بالتقريب
على رقم *5* ده زى ما قلنا احنا بنشرح على عقارب الساعة ورقم *5*
يمين *6* بعضا ما وبقية القطع بتكون على رقم*3* يعنى لو القطعة استرونج جديدة مثلا يعنى بتكون على رقم *5* ولو قطعة استرونج من القديمة بتكون على رقم *3* ودة علشان تضمن ان القطعة اتجاهاتها مضبوطة وهما الافقى والعمودى
بعد كدة يا عم الحاج تجيب السلك واوعى تستهون بالسلك انا اول ايام شغلى فى التركيب فضلت 5 ساعات ادور على النايل سات موش لقيه لدرجة انى فكرت انهم لغوة الكلام ده من9 سنين اول ايام النايل سات مااشتغل المهم تتاكد من السلك ازاى انت بتجيب مع السيستم 2 اف كنكنتور وطبعا سيادتك مش عارف دول بتوع ايه دول بتوع السلك علشان ينفع يركب فى قطعة الاستفبال والريسيفر يعنى هتيجى على طرفى السلك وتقيس مثلا يعنى 1سم وتعريه من اعلى الطبقة الخارجية فقط وتجيب السلك الشعر تلفه او تبرمه على الطبقة الداخلية لاسفل وتيجى على الطبقة الداخلية السلك المصمت او النحاس الدخلى وبالظبط 1/2 سم وتعريه وتربط الصمولة لحد ما يصل السلك النحاس مسافة3مم خارج الاف كنكتور وبكدة السلك يبقى تمام
وتركب طرف فى قطعة الاستقبال وطف فى الريسسفر
بعد كدة بنركب الطبق على الاستاند ونجيب تردد مثلا 11766 افقى 27500
3/4 ونحرك الطبق لاعلى ولاسفل ويمين وشمال وعلشان تريح دماغك بص على اقرب طبق نايل سات امامك وخليك حوالين اتجاهة لو الطبق جاب معاك اشارة واشتغلت القنوات يبقى انت واد فرود يعنى ناصح او حظك نار
المهم لو جاب معاك اشارة وما فيش قنوات ده حلو قوى يعنى انت قربت تبقى معلم دة معناه انك على قمر قبرص ماتخافش دة بيكون مية مية انك ركبت الطبق صح الصح والشغل وصل معاك لدرجة انا نفسى ما اتصورهاش هتنزل بالطبق الى اسفل قليلا وتحاول تجيب النايل سات
بعد كدة يا بطل تبرمج الريسيفر
ولو قبلتك مشكلة البرمجة تجيب نوع الريسيفر وانا اقولك تبرمجة ازاى
يا رب ما اكون نسيت حاجة ما ذكرتهاش علشان الناس الطيبين يستفادوا
وكل عام وانتم بخير
مالك مالك
03-10-2007, 03:41 PM
اولا الف شكر علي مجهودك معانا يا باشاو انا كان عندي سؤال كده فني .. انا دلوقتي عندي النايل سات و الهوت بيرد و كانت القنوات علي الهوت بيرد المشفره كلها شغاله بدون اي مشكله جيت النهارده اشغل لاقيت كل القنوات المشفره واقفه و مبتشتغلش خالص ؟؟ ايه العمل علشان افتح القنوات دي تاني؟؟؟؟ انا جهازي (VEGA 999) الاصداره بتاعة السوفت وير بتاعه (3.04).. ارجو سرعة الرد ارجوك. و الف شكر يا باشا.
حاليا لا يوجد سوفت وير حديث للفيجا999 اول ما ينزل اجيبه لك ان شاء الله على طول
كل سنة وانت طيب
مالك مالك
03-10-2007, 03:44 PM
..........................
اهلا عم احمد انت كنت عايز تقول حاجه ونسيت ولا النت فصل عندك
كل سنة وانت طيب
مالك مالك
03-10-2007, 03:50 PM
انا مش عايز افتح قنوات Art انا عايز قنوات ثانيه المانيه ودى سهله بس محتاج السوفتوير او البرنامج الى يتعرف على الرسيفر
وشكرا على اهتمامك
اخى العزيز للأسف لم يقابلنى سوفت وير لهذاالجهاز من قبل
ان شاء سابحث عن سوفت وير ولو لقيته ساضعه هنا
آسف لعدم المساعدة فى الوقت الحالى أخى الكريم
ahlaawy
04-10-2007, 02:32 AM
كل التحيه مره اخرى لك يااخي ورجاء من الجميع التركيز فقط في استفسارات التركيبات وعدم ارهاق الاخ مالك بالاجهزه واللجوء لاقسام الاجهزه للاستفسارات الخاصه بالاجهزه
profi
04-10-2007, 05:57 AM
اخى العزيز للأسف لم يقابلنى سوفت وير لهذاالجهاز من قبل
ان شاء سابحث عن سوفت وير ولو لقيته ساضعه هنا
آسف لعدم المساعدة فى الوقت الحالى أخى الكريم
الف شكر على اهتمامك وردودك
مالك مالك
04-10-2007, 01:33 PM
كل التحيه مره اخرى لك يااخي ورجاء من الجميع التركيز فقط في استفسارات التركيبات وعدم ارهاق الاخ مالك بالاجهزه واللجوء لاقسام الاجهزه للاستفسارات الخاصه بالاجهزه
اخ اهلاوى كما قلت لك فى اول مشاركة ساحاول بكل السبل لمساعدة اخوانى الاعضاء
فيه عندى سوفتات لاجهزة كتير لو اى شخص دخل الموضوع لازم اساعدة علشان اكون عند حسن ظنك اخى العزيز اهلاوى
كل سنة وانت طيب مالك مالك
medo_21
11-10-2007, 04:31 AM
حاليا لا يوجد سوفت وير حديث للفيجا999 اول ما ينزل اجيبه لك ان شاء الله على طول
كل سنة وانت طيب
اخي الكريم .. اولا انا بشكرك جدا علي سرعة الرد.
ُثانيا انا بتأسف ليك جدا لاني هتعبك معايا و اسالك علي حاجات في السوفت وير بتاع الفيجا 999 لان في موضوع مخصوص للفيجا و لكن صاحبه للاسف مبيردش علي اي استفسارات من فتره كبيره و انا عايز حد يتابع معايا يوميا و انا بتوسم فيك الخير و المساعده.
دلوقتي انا جايب وصلة الكمبيوتر للريسيفر (RS232 ) تمام كده و كمان معايا السوفت الجديد من الموقع الرسمي والاصداره بتاعته (V2.31) و السوفت بتاع الريسيفر بتاعي (V2.23) تمام... و كمان معايا اللودر بتاع الشيرينج بردو من الموقع الرسمي. بس انا عندي استفسار بسيط ..
1- ايه هي كيفية تحديث السوفت بالتفصيل ارجوك علشان انا مبتديء
2- هل لو حدثت السوفت ده هيعمل مشكله في القنوات المشفره المفتوحه عندي في الوقت الحالي ؟ و لا هتبقا شغاله عادي بدون مشاكل ؟ هي القنوات المشفره شغاله علي السوفت الحالي (V2.23) وانا خايف انها تتقفل لما احدث السوفت بتاع الجهاز.
3-بالنسبه لادخال الترددات للقنوات الجديده .. انامش عارف ادخل اي تردد جديد وواضح كده ان الريسيفر مافيهوش خاصية ادخال الترددات يدويا (Manual Search) مافيش غير اوتوماتيك سيرش بس و مش عارف اعمل ايه ؟ كمان ازاي ادخل شفره جديده و اشغل القناه ؟ يعني لو في شفره جديده مثلا لقناة التررم المشفره تمام و انا معايا الشفره دي .. ازاي و منين ادخلها علي الريسيفر و اجيب القناه ؟
معلش انا طولت عليك و لاكن ارجووووووووووووك ارجوك ترد عليا في الاستفسارات دي علشان انا مش فاهم حاجه في الريسيفر ده. و مشكور مقدما يا جميل
Totti_37
11-10-2007, 05:47 AM
موضوع جميل واتمنالك التوفيق
كل سنة وانت طيب
ahmad bakry
11-10-2007, 11:14 AM
سلام عليكم
ياريت طريقة تركيب مجموعة Lnb لعدة أقمار ( نظام ثابت )على طبق
واحد والشرح يكون بالتفصيل كلما أمكنك ذلك لانى محتاج أركب أربع
أقمار(4 Lnb) على طبق واحد 70 سم ومتقوليش لازم 105 سم ........
وأكون شاكر ليك
مالك مالك
11-10-2007, 10:36 PM
موضوع جميل واتمنالك التوفيق
كل سنة وانت طيب
أخى الفاضل السائل عن جهاز الفبجا 999 كل عام وانت بخير
اولا الجهاز طريقة تحديثة سهله جدا انت بتقول ان اللودر موجود عندك
اولا افتح الريسيفر واجعله على استاندباى ووصله بالريسيفر بالوصله الموجودة وهى 2*3 3*2 5*5 وبعد كده ادخل على اللودر وإضغط على اوبن او براوس حسب ماهو موجود باللودر واختار السوفت المنا سب للجهاز واضغط اوكي ثم بعد ذلك اضغط على استارت فى اللودر وانتظر الى ان ينتهى
ثانيا طريقة تفعيل الشفرة هناك طريقتان الاولى تقف على قناة مشفرةوتضغط على زر F1 الموجود بالريموت كنترول يظهر لك حرف H اضغط على الصفر ثلاثة مرات لتفعيل الشفرة ونفس الخطوات لغلق الشفرة
الطريقة الثانية لتفعيل الشفرة تضغط على الزر الابيض بالريموت كنترول ثم الصفر ثلاث مرات
اما السوفت الجديد بيفتح ايه للاسف اخى العزيز طوال شهر رمضان
لا القى بالتحديثات بالا حتى لا ادخل فى جرم اخلاقى بينى وبين نفسى
هذه اخى العزيز كل معلوماتى عن الفيجا 999
مالك مالك
11-10-2007, 11:53 PM
سلام عليكم
ياريت طريقة تركيب مجموعة Lnb لعدة أقمار ( نظام ثابت )على طبق
واحد والشرح يكون بالتفصيل كلما أمكنك ذلك لانى محتاج أركب أربع
أقمار(4 Lnb) على طبق واحد 70 سم ومتقوليش لازم 105 سم ........
وأكون شاكر ليك
اخى العزيز كل عام وانت بخير انت داخل على الحامى عليا كدا ليه
عايزك تبقى هادى علشان نعرف ناخد وندى مع بعض واخليك تعرف تركب اطباق للعفاريت والجنانى بس شوية شوية
بوص يا سيدى صلى على من سيشفع لك يوم القيامه
انت عايز تركب اربعة اقمار على طبق 70 سم ماشى انا ممكن اكبر دماغى واقولك ركب نايل سات وقبرص واروبى وعربسات
وهقولك طريقة تركيبهم بالتفصيل الممل
ولو انت عايز تركب اقمار غير المذكورة تقولى على الاقمار المطلوبة
نبدا بسم الله
فيه طريقة تركيب الاستاند والمشاكل التى ممكن ان تواجهك وانت لسه بتركب الاستاند ودى انا شرحتها فى مشاركة لى فى شرح تفصيلى لتركيب النايل سات من طق طق الى سلام عليكو
القى عليها نظرة علشان ما يقبلكش مطب وتتعطرس فيه المهم
انت بعد ما تركب الاستاند وتقفل الطبق وتجمعه مظبوط تجيب ترد من القمر الاروبى يكون قوى مثلا تردد 11766 راسى 27500 وتحاول تظبط الطبق على هذا التردد الى ان تاتيك الاشارة وتجمع بقية مسامير الطبق الى حدا ما بمعنى انك تسيب فيهم براح لانك ممكن تحرك بعض الشى
المهم بعد ما تظبط التردد مثلما قلت لك نجيب تردد يكون ضعيف مثلا تردد قناة الفوكس 11054 افقى 27500 وتحاول تجيب اعلى اشارة على هذا التردد ولما ينظبط معاك اعلى اشارة اربط الطبق جيدااااااا
وبعدين يا سيدى نيجى للنايل سات وهو بيكون بيمين القمر الاروبى واعلى قليلا بمعنى انت هتمسك القطعه فى ايدك وتجيب تردد يكون قوى على النايل سات وليكن 11747 عمودى 27500 وبحوالى من 10 الى 15 سم من القطعه الاروبى تحاول تحريكها **وعلى فكرة المساطر الجاهزة تريحك فى تركيب الطبق 70سم ** هتحرك القطعة لحد لما تجيب معاك اشارة جيدة وتثبتها جيدا **وعلى فكرة كمان علشان اكون صريح معاك بعض القنوات لن تعمل معك على النا يل سات وهى الترددات المنخفضة لان هذه التردد ليست اصلا على النايل سات هى موجوده على قمر بجواره يسمى اتلانتيك بيرد ده علشان ما تتعبش نفسك
كده بيكون انت وصلت الى منتصف المشوار لو عايز تريحلك شويه وتاكلك سندوتش وتشرب شوية شاى وسيجارة ما فيش اى مانع الموضع بسيط واحنا اخوة ولازم نستحمل بعض خلصت السندوتش والسيجارة والشاى
نرجع للموضوع بتاعنا
القطعة الثالثة نختار ايه عربسات ولا قبرص نختار فبرص
انت هتجيب القطعة وتمسكها بايدك وتجيب تردد القناة الاولى المصريه 11766 افقى 27500 وبين النايل سات والاروبى ناحية الاروبى قليلا وتحاول البحث عن اشارة هذا التردد الى ان تصل الى اعلى درجه من جودة الاشارة ** ونصيحة خاصة علشان تشتغل تحصل على نتائج طيبة انك تجيب القائم بتاع الطبق الى هو شايل القطعه الاروبى وبقية القطع قبل التركيب وتفتحه كام فتحه بالشنيور علشان القطع لاتؤثر على بعضها البعض
**ونصيحه كمان بعد ما تركب القطعه الثالثة**قبر** تراجع على القمرين النايل سات والاروبى لانهم ممكن يكونوا اتحركوا وانت بتركب القمر القبرص لو لقيتهم شغالين تمام يبقى كدا ميت فل وعشرة لو فيهم مشاكل تقطيع بيكونو محتاجين ظبط قليل جداااااااا
القطعة الرابعه والاخيرة العربسات وهى بتكون على شمال القمر الاروبى من5سم الى 10 سم تجيب تردد يكون اشارته قويه وتحرك القطعه حتى تحصل على اعلى اشارة وعلى فكرة بعض البا قات لن تعمل معك ايضا
وبد كده توصلهم على الدايزك وكل قطعه ليها مدخل محدد علشان تشتغل معاك
ولو انت عملت الشغل ده علىطبق اكبر شوية هتكون النتائج رائعه وممكن تركب على الطبق الكبير قطعه خامسه زى القمر تلستار وعليه شوية قنوات زى الفل
ولو انت غاوى قوى وعفريت فى التركيب بس تكون فاضى ودماغك مش مشغولة بحاجه ويكون الطبق كبير شويتان العب براحتك بقى فى الاقمار
ممكن تركب على الطبق 180سم شوية اقمار
كل سنة وانت طيب
msenosy
12-10-2007, 01:21 AM
اخى العزيز
موضوع رائع فعلا ويستحق التثبيت
ولى عندك سؤال
انا عندى طبق 125 سم وعدسه 2 مخرج
المهم انا عايز استقبل قنوات الاوربيت من القمر اتلانتيك بيرد 2
والفرق بينه وبين النايل سات درجه واحده بس
هل ينفع استقبل الاشاره بتاعته على نفس العدسه بتاعه النايل سات ولا لازم عدسه تانيه وده مع اعتبار قطر الطبق اللى هو 125 سم ونوعه بريفكس
وهل لو استقبلت القمرين على نفس العدسه دا يضعف اشارتهم ؟؟
وايه رايك في استقبال الاوربيت على الاتلانتيك بيرد 2 احسن ولا العرب سات
ومتشكر ليك جدا جدا
medo_21
12-10-2007, 12:24 PM
انا متشكر ليك جدا يا جميل علي سرعة ردك عليا و انا كنت متوقع كده بالفعل.. مع انك تجاهلت اسئله تانيه كتير كان نفسي الاقيلها تفسير او توضيح عندك اخي الكريم .. عموما انا مش هتقل عليك اكتر من كده و كل سنه و انت طيب و بألف صحه و سلامه.
مالك مالك
12-10-2007, 03:22 PM
اخى العزيز
موضوع رائع فعلا ويستحق التثبيت
ولى عندك سؤال
انا عندى طبق 125 سم وعدسه 2 مخرج
المهم انا عايز استقبل قنوات الاوربيت من القمر اتلانتيك بيرد 2
والفرق بينه وبين النايل سات درجه واحده بس
هل ينفع استقبل الاشاره بتاعته على نفس العدسه بتاعه النايل سات ولا لازم عدسه تانيه وده مع اعتبار قطر الطبق اللى هو 125 سم ونوعه بريفكس
وهل لو استقبلت القمرين على نفس العدسه دا يضعف اشارتهم ؟؟
وايه رايك في استقبال الاوربيت على الاتلانتيك بيرد 2 احسن ولا العرب سات
ومتشكر ليك جدا جدا
اخى الفاضل كل عام وانت بخير
الموضوع بتاعك ده سهل جدا لانك بتقول ان الطبق الموجود لديك 125 سم مما يسهل عليك استقبال القمرين مع بعض وباشارة جيدة جدا
انت بتقول ان عندك نايل سات وده كويس ابحث اولا عن اشارة اى قناة على الاتلانتيك بيرد لو فيه اشاره خير وبركة ولو ما فيش اشاره انت هتنزل الطبق حوالى 1سم اقل قليلا او اكثر قليلا الى ان تظبط معاك قنوات القمرين وعلى العموم القطعة ذات ال2 مخرج فى حالة الطبق الثابت لا تؤثر كثيرا وكما قلت لك انزل عن النا يل سات شوية صغيرين وهتجيب الاتلانتيك بيرد مع النايل سات ميه الميه على هذا الطبق
مــوضــوع رائـــع جــداً مــن شخــص أروع
بــأرك اللــه فيــك وواصــل تميــزك
وكــل سنــة والمسلميــن بخيــر
مالك مالك
13-10-2007, 02:10 PM
مــوضــوع رائـــع جــداً مــن شخــص أروع
بــأرك اللــه فيــك وواصــل تميــزك
وكــل سنــة والمسلميــن بخيــر
شكرا أخى العزيز WOR3 على مرورك الكريم وتشجيعك الاكرم لى
وانشاء الله تعالى اكون عند حسن ظن الجميع
وكل عام وانت بخير والمسلمين اجمعين
DarkEvil
15-10-2007, 05:10 AM
انابى عتدي شويت اسئله محيراني
مكن تتكرم وتجاوب عليه
1-انا نفس قوي اشوف باقات التاكيلا والبريمير والدجيتال بلاس الموجوده على قمر الاسترا بس مش عارف ازاي استقبل قمر الاسترا يعني ايه هو قظر الظبق المطلوب وهل هستقبل كل بقات القمر ولا بعضهم فقط
2-هل يمكن استقبال قمرين الفرق بينهم درجتين على طبق برفكس 100 زي اليوتل سات 3 والقبرصي
3- هل تم الغاء التردد 11449 على اليوتيل سات 3 بتاعت الدونلود العشوائي
4- ايه هي القنوات اللي زي الفل على التليستار
مالك مالك
15-10-2007, 02:39 PM
انابى عتدي شويت اسئله محيراني
مكن تتكرم وتجاوب عليه
1-انا نفس قوي اشوف باقات التاكيلا والبريمير والدجيتال بلاس الموجوده على قمر الاسترا بس مش عارف ازاي استقبل قمر الاسترا يعني ايه هو قظر الظبق المطلوب وهل هستقبل كل بقات القمر ولا بعضهم فقط
2-هل يمكن استقبال قمرين الفرق بينهم درجتين على طبق برفكس 100 زي اليوتل سات 3 والقبرصي
3- هل تم الغاء التردد 11449 على اليوتيل سات 3 بتاعت الدونلود العشوائي
4- ايه هي القنوات اللي زي الفل على التليستار
اخى العزيز DarKevil السلام عليكم ورحمة الله وبركاته
كل عام وانت بخير وبصحه جيدة
نفسك تشوف التاكيلا والبريمير والديجتال بلاس سهلة بس لو عندك طبق اقل شىء
يكون قطره 180سم ولو انت غاوى تتفرج على كل قنوات الاستر والهيسبا وتتمتع بهما تجيب طبق 240 بس يكون ماركه معروفه جيدة الصنع
ولو عندك طبق 180سم بعض قنوات البريميرا اشارتها اصبحت قويه بعض الشىء
لو انت عايز تستقبل قمرين مع بعض وتشاهد معظم قنواتهم يجب ان يكون الطبق راكب عليه قطعة استقبال واحده علشان يسهل عليك استقبالهم زى ما بنستقبل النايل سات واتلانتيك بيرد من الممكن ان تستقبل اليوتل ساتW3 وتستقبل قبرص ايضا
التردد 11449 مازال موجود بس مش عارف ان كان الداون لود مازال يعمل عليه ام لا
القنوات الى زى الفل التى تعمل على قمر تلستار هى قنوات قناة الانيمال بلانت ومجموعة قنوات زى ناشونال جوغرافيك
إسلام الساهر
17-10-2007, 03:59 PM
هلااا
تسلم يا باشا على الموضوع الجامد ده ..
وخصوصاً اني عندي أسئلة كتيره أوي عن الفضايات والتركيبات وكده ..
وتسلم عن جد على الموضوع الرائع الي ينم عن خبره كبيره بهالمجال ..
أنا يا أخي أمتلك ريسيفر DalyStar FTA-555 ولا أعرف كيفية فك شفرات عليه ولا اي شي وياريت لو كنت تعرف تقولي .. هالرسيفر مركب على طبق 70 سم نايل سات فقط ..
الي عايز اعرفه :
هل ممكن اضافة أقمار أخرى غير العرب سات والنايل سات بدون تغيير الطبق ؟
مع العلم أن الريسيفر عندي مخزن عليه في قائمة الأقمار أكثر من 30 قمراً بتردداتهم .
طيب واذا ينفع ايه الأشياء الي هحتاجها وياريت تكلفتها بمصر قد ايه ؟
ثاني شي لو قررت أشتري نظام متحرك على الريسيفر تكلفته هتكون قد ايه ؟
اخر شي ياريت تعطيني فكره عن أسعار الأجهزه والأطباق عامةً في مصر ..
تسلم .. وزأتمنى ألا اكون أزعجتك بأسألتي الكثيره جداً
مالك مالك
18-10-2007, 03:15 PM
هلااا
تسلم يا باشا على الموضوع الجامد ده ..
وخصوصاً اني عندي أسئلة كتيره أوي عن الفضايات والتركيبات وكده ..
وتسلم عن جد على الموضوع الرائع الي ينم عن خبره كبيره بهالمجال ..
أنا يا أخي أمتلك ريسيفر DalyStar FTA-555 ولا أعرف كيفية فك شفرات عليه ولا اي شي وياريت لو كنت تعرف تقولي .. هالرسيفر مركب على طبق 70 سم نايل سات فقط ..
الي عايز اعرفه :
هل ممكن اضافة أقمار أخرى غير العرب سات والنايل سات بدون تغيير الطبق ؟
مع العلم أن الريسيفر عندي مخزن عليه في قائمة الأقمار أكثر من 30 قمراً بتردداتهم .
طيب واذا ينفع ايه الأشياء الي هحتاجها وياريت تكلفتها بمصر قد ايه ؟
ثاني شي لو قررت أشتري نظام متحرك على الريسيفر تكلفته هتكون قد ايه ؟
اخر شي ياريت تعطيني فكره عن أسعار الأجهزه والأطباق عامةً في مصر ..
تسلم .. وزأتمنى ألا اكون أزعجتك بأسألتي الكثيره جداً
اخى العزيز هجوبك على كل اسئلتك ومعلومات الجهاز هحاول اجيبلك له سوفت وير فى اقرب وقت
اما بالنسبة لموضوع الطبق من الممكن انك تركب عليه القمر الاروبى وقبرص وتستقبلهم جيدا على الطبق 70سم جيد لوانت هنا فى مصر واسعارها رخيصة جدا هنا فى مصر القطعة من 15 الى 30 جنيه والديزك من 5 الى 10 جنيهات
النظام المتحرك حسب رعبتك من حيث حجم الطبق وسعر القطعه وانك تقدر تشترى مكونات جيدة او متوسطة السعر وتكلفة الطبق السيستم بدون الريسيفر لو متوسطة حوالى من 350 الى 450 جنية
اسعار الاطباق من 50 جنيه الى 600 جنيه من50سم الى 240 سم وفيه اطباق 180سم 210 واسعار كتير
بس زى ما ذكرت لك الموضوع حسب امكانياتك
واى خدمه انا تحت امرك يا غالى
waddaa_mohamed
18-10-2007, 04:12 PM
--------------------------------------------------------------------------------
يا شباب أنا عاوز أركب دش أوروبي
و أنا عندي فعلا كارت الستلايت بس
و عاوز أركب lnb بمخرجين
ممكن حد يقولي التكاليف الكلية كام
waddaa_mohamed
18-10-2007, 04:22 PM
صحيح قولي أنت منطقتك إه يمكن ننفعك و أنت تكون حنين عليا في السعر
;)
waddaa_mohamed
18-10-2007, 09:31 PM
أنا بعد ما قريت موضوعك كله قررت إني أنا إلي أركب الطبق
أنا قبل كدة كان الطبق بتاعنا بتاع النيل سات باظ خالص و أنا طلع عيني و أنا بظبطه بس ظبطه في الأخر:clap: و جبت أشارة 90% و الطبق بتاعنا 70 سم بس :flex:
بوس هتقل عليك بعد متقولي أسعار الليلة كلها
عاوزك توقولي أظبط الأتجاه الأبتدائي بتاع الأوروبي إذاي لأن كل إلي حوليا نيل سات
ولو عندي الطبق بتاع النيل سات ده ينفع أركب عليه على مسطرة لاقط للأوروبي؟
و ألف شكر يا باشا
مالك مالك
18-10-2007, 09:38 PM
--------------------------------------------------------------------------------
يا شباب أنا عاوز أركب دش أوروبي
و أنا عندي فعلا كارت الستلايت بس
و عاوز أركب lnb بمخرجين
ممكن حد يقولي التكاليف الكلية كام
رجاء توضيح طلبك بعض الشىء عايز تركب القمر الاروبى فقط ام الاروبى والنايل سات والغرض من تركيب القطعه 2 مخرج انت عندك ريسيفر آخر
waddaa_mohamed
18-10-2007, 10:03 PM
رجاء توضيح طلبك بعض الشىء عايز تركب القمر الاروبى فقط ام الاروبى والنايل سات والغرض من تركيب القطعه 2 مخرج انت عندك ريسيفر آخر
من الأخر أنا حاليا أملك طبق 70 سم (أو 90 أصلي مجربتش أقيسه:glasses:) موجه نايل سات
و عاوز يبقى عندي أوروبي و اللاقط بتاع الأوروبي بمخرجين عشاني أنا و جاري
بأقل التكاليف بس تكون الجودة عالية
waddaa_mohamed
18-10-2007, 10:04 PM
أحسن حاجة تديني إيميلك نكلم براحتنا
waddaa_mohamed
18-10-2007, 10:30 PM
من الأخر أنا حاليا أملك طبق 70 سم (أو 90 أصلي مجربتش أقيسه:glasses:) موجه نايل سات
و عاوز يبقى عندي أوروبي و اللاقط بتاع الأوروبي بمخرجين عشاني أنا و جاري
بأقل التكاليف بس تكون الجودة عالية
أه على فكرة أنا غلط في حجم الطبق أنا الطبق عندي أكتر من متر بشوية لأنه بمسكه و أنا فارد درعاتي الأتنين
مالك مالك
19-10-2007, 01:47 AM
أه على فكرة أنا غلط في حجم الطبق أنا الطبق عندي أكتر من متر بشوية لأنه بمسكه و أنا فارد درعاتي الأتنين
لو عندك طبق اكبر من متر يبقى عز الطلب وتبقى اشارة القمر الاروبى ميه ميه والقطعه ذات المخرجين سعرها نزل جدا بحوالى 50 جنيه فقط
waddaa_mohamed
19-10-2007, 01:54 AM
ماشي
ممكن تلمي الحوار بحاله بقى
يعني سعر الحجات إلي هجيبها كام
و هعمل إه عشان اركب اللاقط الجديد على الطبق
مالك مالك
19-10-2007, 02:30 PM
ماشي
ممكن تلمي الحوار بحاله بقى
يعني سعر الحجات إلي هجيبها كام
و هعمل إه عشان اركب اللاقط الجديد على الطبق
بص حبيب قلبى انت عتدك الطبق يعن محتاج القطعه والسلك والمثلث
50+15 +2=67
وطريقة التركيب كالتالى هتجيب تلفزيون ورسيفر وتطلع على السطح وتوصل الريسيفر مع التلفزيون وتجيب على الريسيفر قمر الهوت بيرد وتجيب تردد يكون اشارته قويه علشان يريحك مثلا 11766 راسى 27500 وتحاول تجيب اشاره على هذا التردد ولما يظبط معاك تجيب تردد اضعف بعض الشى مثلا 11054 27500 افقى 5/6 ولو ظبط معاك يبقى تمام
waddaa_mohamed
19-10-2007, 05:40 PM
بص حبيب قلبى انت عتدك الطبق يعن محتاج القطعه والسلك والمثلث
50+15 +2=67
وطريقة التركيب كالتالى هتجيب تلفزيون ورسيفر وتطلع على السطح وتوصل الريسيفر مع التلفزيون وتجيب على الريسيفر قمر الهوت بيرد وتجيب تردد يكون اشارته قويه علشان يريحك مثلا 11766 راسى 27500 وتحاول تجيب اشاره على هذا التردد ولما يظبط معاك تجيب تردد اضعف بعض الشى مثلا 11054 27500 افقى 5/6 ولو ظبط معاك يبقى تمام
ماشي طريقة التركيب بالتفصيل إذاي
waddaa_mohamed
19-10-2007, 07:57 PM
بالطريقة دي هنعد أسبوع على ما نخلص كلامنا
amryano
19-10-2007, 08:16 PM
عندى ريسيفر اسمةmagicsat
لا أجد اى معلومات عنة على الانترنت منذ 5 سنوات ياريت لو تعرف تجيبلى سوفت وير للريسيفر دة او موقع لة او اى معلومة قد تفيدنى فية
انا شاكر جداً لك قبل اى خدمة قد تقدمها لى
مالك مالك
20-10-2007, 02:48 AM
عندى ريسيفر اسمةmagicsat
لا أجد اى معلومات عنة على الانترنت منذ 5 سنوات ياريت لو تعرف تجيبلى سوفت وير للريسيفر دة او موقع لة او اى معلومة قد تفيدنى فية
انا شاكر جداً لك قبل اى خدمة قد تقدمها لى
اخى العزيز amryano كل عام وانت بخير
علشان اقدر افيدك هات لى رقم الجهاز لان الماجيك سات ليس موديل واحد بل اكثر من موديل هات لى بياناته مضبوطه يمكن اقد افيدك
مالك مالك
20-10-2007, 06:24 PM
ماشي طريقة التركيب بالتفصيل إذاي
لو انت بحثت فى موضوعى من الاول والله هتستفاد ابحث عن ما يفيدك وحاول تجرب ولو وقف معاك اى شى انا اقول لك تعمل ايه الموضوع ده فى الاول بتاع تركيبات وصيانة الاطباق
انا فى خدمة الجميع
ahmedfox_live
20-10-2007, 07:11 PM
السلام عليكم يا خى الغزيز
انا لو سمحت عندى حاجه فى الرسيفر مش فاهمها
انا عندى جهاز استرا 9500 وعندى 2 ال ان بى وكان عندى عرب سات و هوت بيرد بس الجهاز مش بيجيب الهوت بيرد مش عارف العيب فين ممكن تقولى كل ما ابحث عن الهوت بيرد مش بلاقى ولا قناه ممكن الاقى قنوات من العرب سات بس يبقى العيب منين ياريت الرد
وشكرا
abonaser
20-10-2007, 08:59 PM
ماشاء الله موضوع اكثر من رائع ومجهود ممتاز
ويستحق التثبيت عن جدارة
ولو تم اضافة صور توضيحة لبعض الشروحات يبقي كده 20/10
تحياتي ليك
مالك مالك
21-10-2007, 10:49 AM
السلام عليكم يا خى الغزيز
انا لو سمحت عندى حاجه فى الرسيفر مش فاهمها
انا عندى جهاز استرا 9500 وعندى 2 ال ان بى وكان عندى عرب سات و هوت بيرد بس الجهاز مش بيجيب الهوت بيرد مش عارف العيب فين ممكن تقولى كل ما ابحث عن الهوت بيرد مش بلاقى ولا قناه ممكن الاقى قنوات من العرب سات بس يبقى العيب منين ياريت الرد
وشكرا
اخى العزيز مشكلتك سهله جدا جدا العيب عندك اكيد فى الدايزك الواصل بين القطعتين وده بيحتاج ان الاقمار تسمى عليه بمعنى ايه انت هتدخل على ضبط الهوائى وتحدد العرب سات على رقم معين فى الدايزك وكذلك الاروبى بيكون على رقم آخر
ولو ما وصلتش لحل تابع معى وانا تحت امرك
amryano
24-10-2007, 04:39 PM
اخى العزيز amryano كل عام وانت بخير
علشان اقدر افيدك هات لى رقم الجهاز لان الماجيك سات ليس موديل واحد بل اكثر من موديل هات لى بياناته مضبوطه يمكن اقد افيدك
شكراً لإهتمامك اخى الكريم وأعتقد بسؤالك عن الموديل يبقى العنوان صح ولم أخطىء عندما استشرتك
بارك الله فيك اخى الكريم
بالنسبة للموديل فهو
DDA 3500R
fekry74
24-10-2007, 08:43 PM
يا مالك انا فكرى اول مرة انزل سوفت لهاز الاسترا 9400 لكن عملت كلين والجهاز مش راضى يقبل اى سوفت اعمل ايه الله يباركلك انا خارج مصر id/07f0e12a h/w 1.16.00
مالك مالك
25-10-2007, 12:06 AM
ماشاء الله موضوع اكثر من رائع ومجهود ممتاز
ويستحق التثبيت عن جدارة
ولو تم اضافة صور توضيحة لبعض الشروحات يبقي كده 20/10
تحياتي ليك
شكرا اخى الكريم ابو ناصر على مرورك وتشجيعك
ان شاء الله فى اقرب فرضة هشرح بالصور التوضيحيه علشان الاعضاء ينالوا اكبر قدر من المعرفه
waddaa_mohamed
28-10-2007, 08:04 PM
يا أخ مالك أنا دلوقتي عاوز أوجه الطبق بتاعي إتجاه الأقمر التركي
ممكن تديني الزوايا إلي هوجه بيها علما إني ساكن في الجيزة في الدقي
basuony_2007_01
29-10-2007, 03:43 PM
عاوز اعرف شفرة الارتي والشوتايم هتفك تاني ولا لا
مالك مالك
30-10-2007, 01:53 AM
يا أخ مالك أنا دلوقتي عاوز أوجه الطبق بتاعي إتجاه الأقمر التركي
ممكن تديني الزوايا إلي هوجه بيها علما إني ساكن في الجيزة في الدقي
اهلا و سهلا اخى الكريم
شوف يا سيدى لو انت عندك الطبق ثابت او متحرك رجاء تقولى علشان اعرف اسهلك الموضوع على الاخر
مالك مالك
30-10-2007, 01:57 AM
عاوز اعرف شفرة الارتي والشوتايم هتفك تاني ولا لا
والله اخى الكريم كل يوم اتابع اخبار الارتى والشوتايم ولو فيه جديد
هنكون اول المجتهدين فى تنزيله ان شاء الله
لك تحياتى
amryano
30-10-2007, 02:16 AM
شكراً لإهتمامك اخى الكريم وأعتقد بسؤالك عن الموديل يبقى العنوان صح ولم أخطىء عندما استشرتك
بارك الله فيك اخى الكريم
بالنسبة للموديل فهو
DDA 3500R
*******************************************
مالك مالك
30-10-2007, 02:53 AM
*******************************************
والله انا ما نسيتك amryano ولا نسيت طلبك وبدور عليه كل لما اكون فاضى
بس سئلت واحد صاحبى ذو باع كبير فى مجالنا قالى ان الجهاز ده لم ينزل له سوفت وير الابتاعه الاصلى وفيه كم جهاز حاول تحديثم من هذة النوعيه وللاسف ضرب فلاشه ونصحنى الا احاول ان احدث مثل هذا الجهاز
ومرة اخرى والله انا مانسيت طلبك كان دايما فى بالى
يا ريت اقــــدر اخدمك فى اى حاجه تانيه
amryano
30-10-2007, 03:10 AM
والله انا ما نسيتك amryano ولا نسيت طلبك وبدور عليه كل لما اكون فاضى
بس سئلت واحد صاحبى ذو باع كبير فى مجالنا قالى ان الجهاز ده لم ينزل له سوفت وير الابتاعه الاصلى وفيه كم جهاز حاول تحديثم من هذة النوعيه وللاسف ضرب فلاشه ونصحنى الا احاول ان احدث مثل هذا الجهاز
ومرة اخرى والله انا مانسيت طلبك كان دايما فى بالى
يا ريت اقــــدر اخدمك فى اى حاجه تانيه
ياباشا كفاية انى فى بالك وسيبك من اى حاجة تانية
شكراً جداً على اهتمامك
ahmad bakry
30-10-2007, 02:46 PM
حقيقى مش عارف أشكرك أزاى أولا لردك المفيد وثانيا لفهمك لشغلك
لك منى كل أحترام
ahmad bakry
30-10-2007, 03:21 PM
ممكن أسئلك سؤال تانى ......
هل زاوية الlnb فعلا مهمة .....يعنى لو موش مضبوطة تأثيرها يكون أيه
وماهى زاوية Star Sat
ولك الشكر
Hany Mounir
30-10-2007, 03:40 PM
ارحوا من المهتمين بالاقمار الصناعية اعطاي احدث الترددتن و خصوصا ترددات النايل سات و لو ممكن تتبعت الايميل الخاص بي mounirhany@hotmail.com
وشكرا
مالك مالك
30-10-2007, 04:40 PM
ياباشا كفاية انى فى بالك وسيبك من اى حاجة تانية
شكراً جداً على اهتمامك
خليك معانا دايما ممكن نستفيد منك وممكن تستفيد منا كذلك
وانا تحت امرك فى اى وقت
مالك مالك
30-10-2007, 04:41 PM
حقيقى مش عارف أشكرك أزاى أولا لردك المفيد وثانيا لفهمك لشغلك
لك منى كل أحترام
شكرا عم احمد ويا ريت اعرف اخدمك فى اى شىء
مالك مالك
30-10-2007, 04:44 PM
ممكن أسئلك سؤال تانى ......
هل زاوية الlnb فعلا مهمة .....يعنى لو موش مضبوطة تأثيرها يكون أيه
وماهى زاوية Star Sat
ولك الشكر
اخى العزيز احمد بكرى اتجاةlnbمهم جدا لازم يكون الافقى والعمودى مضبوض
علشان تحصل على اكبر قدر من الاشارة وده تلاقيه فعلا فى الاقمار التى يوجد بها ترددات ضعيفه
لو انت قلتلى على نوع الطبق عندك ممكن اقدر افيدك نظرى وانت تطبق عملى وتقلى النتيجه
وانا معاك دايما على الخط واوعى تعمل حساب مشاكل فى التركيب طول ما انا موجود
اى خدمه يا غالـــــــــــــــــــــــى
مالك مالك
30-10-2007, 04:47 PM
ارحوا من المهتمين بالاقمار الصناعية اعطاي احدث الترددتن و خصوصا ترددات النايل سات و لو ممكن تتبعت الايميل الخاص بي mounirhany@hotmail.com
وشكرا
اخى العزيز هانى مرحبا بك
هات نوع الجهاز بتاعك وانا اقولك على طريق تعرف بيها ايه الجديد
بمعنى لو الريسيفر عندك فيه بحث شبكى ممكن اقولك على ترددات معينه تبحث بيها وهى تجيبلك كل الجديد
ahmad bakry
30-10-2007, 05:13 PM
الاخ الفاضل مالك من واقع خبرتك بالتركيبات ألا يوجد جهاز لضبط الطبق
عليه بدلا من طلوع الريسيفر والتليفزيون ... وموجود فين وثمنه كام
ولك الشكر
ahmad bakry
30-10-2007, 05:24 PM
نوع الطبق prfix 70 cmوال lnb (ستار سات)
ولك الشكر
مالك مالك
30-10-2007, 10:28 PM
نوع الطبق prfix 70 cmوال lnb (ستار سات)
ولك الشكر
شوف يا سيدى الصورة دى اقرب للطبق البرفكس وبتكون القطعه من ناحية سلك الاستقبال مائله الى اليمين قليلا
مالك مالك
30-10-2007, 10:33 PM
الاخ الفاضل مالك من واقع خبرتك بالتركيبات ألا يوجد جهاز لضبط الطبق
عليه بدلا من طلوع الريسيفر والتليفزيون ... وموجود فين وثمنه كام
ولك الشكر
اخى العزيز من وجهة نظرى لا يوجد طريق افضل من ظبط الطبق بالريسيفر والتلفزيون لانك بتضمن كده ان الترددات الضعيفه شغاله كويس
مع العلم ايضا اخى الاكبر يعمل فى اروبا بالتحديد فرنسا انا سئلته نفس السؤال عايز جهاز لظبط الطبق بدل الريسيفر والتلفزيون والفرح الى بنعمله عند الزبون قالى ان الجهاز غالى جدا فى فرنسا بحوالى ستة الاف جنيه
خليك بالطريقة المعتمدة افضل
voodoox
31-10-2007, 04:25 AM
اخى مالك بجد شكرا جدا على المساعدة للناس اللى موجودة وارجو منك ايضا المساعدة
انا لسه جايب ريسيفر qmax mst 999 red وال lnb اتنين مخرج ستار بورت
بس الاشارة على النايل سات 46% وعلى اروبى عالياعلى فكرة الطبق 180 سم متحرك
وجايب 10 اقمار بس 80% منهم مشفر الراجل بتاع التركيب قالى ان الجهاز مش نازله سوفت وير
ياريت تقولى اعمله ازاى وايه رايك فى موضوع الاتنين مخرج مع العلم ان المخرج التانى حيكون لكارت الدش بتاعة الكمبيوتر وشكــــــــــــــــــرا
جداااااا واسف على الاطالة
ahmad bakry
31-10-2007, 12:19 PM
الاخ الفاضل مالك حقيقى والله موش عارف أشكرك أزاى بارك الله فيك وأدام عطاءك الف مليوووووووووووووون شكر على ردودك وأهتمامك
ahmad bakry
31-10-2007, 12:32 PM
ولو ممكن سؤال تانى ...
أنا عندى ريسيفر أسترا 9900 عند ضبط الطبق على النايل سات (تردد 11766) أفقى بأستدعى القمر من الريسيفر وبعد كدة بأدخل على تضبيط الاشارة ولازم الريسيفر يحمل قوة أشارة 100% أولا من أعلى ثم من أسفل جودة أشارة من(35الى 52) فهل ممكن تكون جودة الاشارة أعلى من كدة
والسؤال هنا أعلى جودة أشارة حصلت عليها وأنت بتركب الاسترا كام
ولك منى جزيل الشكر
ahmad bakry
31-10-2007, 03:44 PM
ومعلش ياريت أقوى تردد أنت بتستعمله فى ضبط النايل سات لان فيه ناس بتقول 11766 وفيه ناس بتقول 12785 وفيه ناس بتقول 10911 وفيه ناس بتقول العادى 11747 وأنا محتار مابين كل الترددات دى ........
أيهم الافضل من واقع خبرتك ولك منى كل التقدير
ahmad bakry
31-10-2007, 04:08 PM
وهل الافضل أنك تضبط على التردد القوى الاول وبعدين تختبر وضعية الطبق بالترددات الضعيفة أنا عارف أنى طولت جدا جدا جدا ......
عليك وده لانى بحب أكون عارف أكبر قدر ممكن من المعلومة قبل التنفيذ
والمجال ده جديد علياولقيت المعلومات بتنساب عليا منه عن طريقك فبصراحة ماصدقت وقلت أستفيد فى أقل وقت ممكن وده طبعا بعد أذنك ..
وسعة صدرك ... أشكرك للمره المليون
مالك مالك
01-11-2007, 01:40 AM
اخى مالك بجد شكرا جدا على المساعدة للناس اللى موجودة وارجو منك ايضا المساعدة
انا لسه جايب ريسيفر qmax mst 999 red وال lnb اتنين مخرج ستار بورت
بس الاشارة على النايل سات 46% وعلى اروبى عالياعلى فكرة الطبق 180 سم متحرك
وجايب 10 اقمار بس 80% منهم مشفر الراجل بتاع التركيب قالى ان الجهاز مش نازله سوفت وير
ياريت تقولى اعمله ازاى وايه رايك فى موضوع الاتنين مخرج مع العلم ان المخرج التانى حيكون لكارت الدش بتاعة الكمبيوتر وشكــــــــــــــــــرا
جداااااا واسف على الاطالة
اهلا ومرحبا بك اخى الكريم وياريت كان موضوعى تحت اسم إسأل وما يهمكش علشان اى عضو نفسه يعرف اى حاجه فى التركيب اقدر افيده
شوف يا سيدى المفروض انك عندك طبق 180سم يعنى معقول جدا والمفروض انك يبقى عندك اقل حاجه 20 قمر صناعى شغالين واكثر من كده المفروض بس انا هقولك حاجه بسيطه عايزك تقولى اسماء الاقما الموجوده عندك وبعد كده هقولك تعمل ايه واساعدك انك انت تجيب اقمار اكتر من الصنايعى المركب لك الطبق انشاء الله
مالك مالك
01-11-2007, 01:54 AM
وهل الافضل أنك تضبط على التردد القوى الاول وبعدين تختبر وضعية الطبق بالترددات الضعيفة أنا عارف أنى طولت جدا جدا جدا ......
عليك وده لانى بحب أكون عارف أكبر قدر ممكن من المعلومة قبل التنفيذ
والمجال ده جديد علياولقيت المعلومات بتنساب عليا منه عن طريقك فبصراحة ماصدقت وقلت أستفيد فى أقل وقت ممكن وده طبعا بعد أذنك ..
وسعة صدرك ... أشكرك للمره المليون
شوف ياعم احمد هقولك حاجه بسيطه المشكله عندك لو انت مركب حاجه على الطبق70سم غيرالنايل سات لازم هتكون الاشاره عندك على النايل سات ضعيف بعض الشى لانك تاخد الاشارة من جزء صغير من الطبق وليس حجم الطبق كله للنايل سات
بس لو انت عايز الاشارة عندك تتجاوز 70% يبقى تركب النايل سات فقط
وعلى العموم الاشاره عندى 100% على معظم الترددات لانى مركب طبق برفكس 240سم من زمـــــــــــــــان كانت قنوات الارتى على القمر الاروبى تبث بنظام يسمى الحزم الموجهة بمعنى موجهة لدول اروبا شعاع متوسط بمعنى ان هنا فى مصر كان صعب استقبالها على طبق 180 ثابته وانا من عشاق اللعب بالاقمار يعنى عندى المدار من الشرق والغرب تمام على كيفك يعنى
ياريت كانت الاطباق تسمح بدوران اكتر من كده لان ناقصنى قمر تحت الهيسبا سات يسمى انتلسات البولر لايمكن ات يوجه اليه
المهم انت حاول واى شى يعصى عليك هتلاقينى هنا كل يوم انشاء الله لو مافيش عندى شغل
مالك مالك
01-11-2007, 02:04 AM
وهل الافضل أنك تضبط على التردد القوى الاول وبعدين تختبر وضعية الطبق بالترددات الضعيفة أنا عارف أنى طولت جدا جدا جدا ......
عليك وده لانى بحب أكون عارف أكبر قدر ممكن من المعلومة قبل التنفيذ
والمجال ده جديد علياولقيت المعلومات بتنساب عليا منه عن طريقك فبصراحة ماصدقت وقلت أستفيد فى أقل وقت ممكن وده طبعا بعد أذنك ..
وسعة صدرك ... أشكرك للمره المليون
شوف يا عم احمد انا كنت اعتبر المهنه دى حرام الى ان سالت واحد شيخ
قالى ان ده علم ولازم المسلمين يبقى عندهم خلفيه عن الحاجات دى
عايزك تسال وما يهمكش
بالنسبه للترددات النايل سات هى هنا فى مصر زى الفل بمعنى ايه هات تردد
افقى زى 11766 واظبط عليه وبعد كده هات تردد راسى 11747
لو الترددات دى ظبطت معاك تعمل زى ما هقولك تجيب تردد11785 بتاع دبى لو شغال يبقى تمام وبعد كده تجيب تردد منخفط زى تردد المجد للحديث 10785 ولو شغال يبقى تمام التمام وبعد كده تجيب تردد على زى تردد12400 وصدقنى لو الترددات دى شغاله ابحث على النايل سات هيجيب معاك كل قنوات النايل سات كامله حوالى 350 قناه وممكن يجيب معاه قنوات من القمر المجاور للنايل سات اتلانتيك بيرد
وفى نهاية الكلام لو القمر شغال تمام هقولك لمحه فنيه تعرف بيها الطبق مظبوط تمام ولا فيه مشاكل اللمحه الفنيه دى من اسرار شغلى والله
بعد ما تخلص الطبق وتربطه تمام تمسك جسم الطبق نفسه وتحركه تحريكه خفيفه بدون عنف لو القنوات ثابته صدقنى يبقى انت معلم ودى بتعطى فكرة ان لو حتى السلك اكتر من 50 متر موش هياثر فى الاشارة
تحيـــــــــــــــــــــــــــــــــاتى لك
ahmad bakry
01-11-2007, 10:25 AM
أنا هركب طبق 70سم غدا الجمعة وهحاول أنفذ كلامك ويارب أعرف أمشى على وصفتك الرائعة دى ويجمع معاياوهرد عليك يوم الاحد أن شاء الله
يا أخ مالك ألف مليون مليون شكر وربنا يكتر من أمثالك ..
haytham el-hady
01-11-2007, 01:54 PM
يا باشمهندس مالك مالك أنت راجل محترم جدا
وأستفساري هو أن عندي رسيفير Qmax999 وطبق 180سم متحرك الإشارة عندي زي الفل على النيل والقطعة مخرجين واحد للريسيفر والتاني لكارت ستالايت والمشكلة أن الريسيفر مفهوش قمر اتلانتيك بيرد 2 وبالتالي مش أجيبة على الكارت وبحاول أنزل بالطبق على لكن مش راضي يجي إية الحل؟؟؟
مالك مالك
01-11-2007, 02:25 PM
يا باشمهندس مالك مالك أنت راجل محترم جدا
وأستفساري هو أن عندي رسيفير Qmax999 وطبق 180سم متحرك الإشارة عندي زي الفل على النيل والقطعة مخرجين واحد للريسيفر والتاني لكارت ستالايت والمشكلة أن الريسيفر مفهوش قمر اتلانتيك بيرد 2 وبالتالي مش أجيبة على الكارت وبحاول أنزل بالطبق على لكن مش راضي يجي إية الحل؟؟؟
هسألك سؤال وترد عليا وهعرف نظام الشغل عندك عامل ايه
هل قناة المجد للحديث النبوى الشريف شغاله عندك ولا موش شغاله
وقت ما ترد عليا هجاوبك على طول
haytham el-hady
01-11-2007, 02:54 PM
هسألك سؤال وترد عليا وهعرف نظام الشغل عندك عامل ايه
هل قناة المجد للحديث النبوى الشريف شغاله عندك ولا موش شغاله
وقت ما ترد عليا هجاوبك على طول
شغالة وأشارتها 86%
مالك مالك
01-11-2007, 07:37 PM
شغالة وأشارتها 86%
دى بدايه مبشره جدا شوف يا سيدى خليك معايا خطوة بخطوة لو عند الموتور بيفصل عند الاتلانتيك بيرد بجوار النايل سات هتحتاج انك تفتح مجال الموتور ولو الموتور شغال وبينزل تحت النايل سات مسافه كبير جرب التردد ده وقولى النتيجه12655 راسى 27500 او التردد 12539 راسى 3038
وقولى النتيجه
haytham el-hady
03-11-2007, 01:39 AM
دى بدايه مبشره جدا شوف يا سيدى خليك معايا خطوة بخطوة لو عند الموتور بيفصل عند الاتلانتيك بيرد بجوار النايل سات هتحتاج انك تفتح مجال الموتور ولو الموتور شغال وبينزل تحت النايل سات مسافه كبير جرب التردد ده وقولى النتيجه12655 راسى 27500 او التردد 12539 راسى 3038
وقولى النتيجه
يا ريس بقولك لسيادتك أن الرسيفير مفهوش القمر دة وبالتالي مش هعرف أدورعلية وبالنسبة للموتور فهو بينزل كتير جدا لحد ما أشارة النيبل بتضيع فأنا عاوز حل مثلا أزاي أضيف القمر دة على الرسيفير ومن خلالة أشوف التردد
وشكرا
mido_koshary
03-11-2007, 08:39 AM
السلام عليكم
بعد إذن حضرتك
أنا مبتديء في موضوع الدش
أريد شرح كامل لكيفية وضع الشفرات و الاكواد لجهاز ستار سات 3100
وهل يجب أن يكون هناك كامة و كارت عند وضع الكود أم لا و ما هي الشروط الواجب توافرها في الريسيفر من أجل فتح القنوات المشفرة
وشكرا
ahmad bakry
04-11-2007, 11:19 AM
الاخ العزيز مالك مالك
يوم الجمعة اللى فات ركبت طبقين 70سم وحاولت أنفذ التعليمات اللى قلتهالى بأنى أضبط أولا على تردد 11766 أفقى وبعدين أبحث على تردد 11747 رأسى لكن كل ما أضبط تردد يضعف التردد الثانى والتردد 11766
تردد عنيد جدا بيحمل قوة أشارة 100% لكن جودة أشارة صفر فقمت بالضبط على تردد 11747 رأسى بعد ما طلع عينى ولكن الغريب أن اتجاه
الطبقين مختلف عن الاطباق التى على الاسطح الاخرى وحاولت جاهدا أن يكون
مثلهم لكن لم تنجح المحاولة .......
أكيد هتقولى دا قمر تانى .....لكنه هو النايل سات وانا متأكد لانى
كنت بجرب على الهوت بيرد فكان بيجمع أشارة ممتازة لكن معظم قنواته مشفرة ويحتاج طبق أكبر ....
فى نهاية السؤال ..هل ممكن تبقى أشارة النايل سات قوية جدا ومع ذلك لا تنزل ألا 200 قناه فقط ...
hossama
04-11-2007, 11:58 AM
السلام عليكم ورحمه الله وبركاته
عاوز ملف مرتب بيه اجدد القنوات لكارت الساتالايت ان امكن
وخاصه القنوات الجددية على النيل سات
ahmad bakry
04-11-2007, 12:11 PM
الاخ العزيز مالك مالك
يوم الجمعة اللى فات ركبت طبقين 70سم وحاولت أنفذ التعليمات اللى قلتهالى بأنى أضبط أولا على تردد 11766 أفقى وبعدين أبحث على تردد 11747 رأسى لكن كل ما أضبط تردد يضعف التردد الثانى والتردد 11766
تردد عنيد جدا بيحمل قوة أشارة 100% لكن جودة أشارة صفر فقمت بالضبط على تردد 11747 رأسى بعد ما طلع عينى ولكن الغريب أن اتجاه
الطبقين مختلف عن الاطباق التى على الاسطح الاخرى وحاولت جاهدا أن يكون
مثلهم لكن لم تنجح المحاولة .......
أكيد هتقولى دا قمر تانى .....لكنه هو النايل سات وانا متأكد لانى
كنت بجرب على الهوت بيرد فكان بيجمع أشارة ممتازة لكن معظم قنواته مشفرة ويحتاج طبق أكبر ....
فى نهاية السؤال ..هل ممكن تبقى أشارة النايل سات قوية جدا ومع ذلك لا تنزل ألا 200 قناه فقط ...
مالك مالك
04-11-2007, 12:20 PM
السلام عليكم
بعد إذن حضرتك
أنا مبتديء في موضوع الدش
أريد شرح كامل لكيفية وضع الشفرات و الاكواد لجهاز ستار سات 3100
وهل يجب أن يكون هناك كامة و كارت عند وضع الكود أم لا و ما هي الشروط الواجب توافرها في الريسيفر من أجل فتح القنوات المشفرة
وشكرا
يا ريت اخى العزيز تذكر لى اذا كان نوع الجهاز التر او سوبر علشان اجيب لك سوف وير مناسب واقولك على طريقق وضع الاكواد
اجهزة الاستار سات تفتح بدون كامه وكارت القمر الاروبى وقبرص ومعظم الشفرات المتوفره
مالك مالك
04-11-2007, 12:27 PM
الاخ العزيز مالك مالك
يوم الجمعة اللى فات ركبت طبقين 70سم وحاولت أنفذ التعليمات اللى قلتهالى بأنى أضبط أولا على تردد 11766 أفقى وبعدين أبحث على تردد 11747 رأسى لكن كل ما أضبط تردد يضعف التردد الثانى والتردد 11766
تردد عنيد جدا بيحمل قوة أشارة 100% لكن جودة أشارة صفر فقمت بالضبط على تردد 11747 رأسى بعد ما طلع عينى ولكن الغريب أن اتجاه
الطبقين مختلف عن الاطباق التى على الاسطح الاخرى وحاولت جاهدا أن يكون
مثلهم لكن لم تنجح المحاولة .......
أكيد هتقولى دا قمر تانى .....لكنه هو النايل سات وانا متأكد لانى
كنت بجرب على الهوت بيرد فكان بيجمع أشارة ممتازة لكن معظم قنواته مشفرة ويحتاج طبق أكبر ....
فى نهاية السؤال ..هل ممكن تبقى أشارة النايل سات قوية جدا ومع ذلك لا تنزل ألا 200 قناه فقط ...
ياعـــــــــــم احمد انت والله مصعب الموضوع على نفسك جدا
المفروض ان انت بتجيب اشارة التردد وعلشان توفر على نفسك معاناة الشك ان كان القمر ده النايل سات اوغيره لو فيه اشاره على تردد مثل 11766 تبحث التردد ولو جايب معاك قنوات النايل سات يبقى هوده المطلوب
وبعدين انت بتقول طبق 70 يعنى النا يل سات يبقى معاك 10على 10 وممكن يكون الجهاز هو صاحب المشكله ازاى هقولك ازاى ممكن يكون الترددات الموجوده على النا يل سات غير كامله ومحتاج انك توضع باقى الترددات يدوى
جرب وشوف وانا مستنيك
إسلام الساهر
05-11-2007, 03:15 AM
أنا مش فاهم حكاية الاتلانتيك بيرد 2 .. لان الريسيفر عندي معلوش اي اتلانتيك بيرد ومع ذلك قنوات النايل سات المفتوحه كلها موجوده وعددها 366 قناة .. وبصراحه حتى الآن اي قناة جديده بتظهر عندي عادي .. مممممممم .. يلا ماعلينا :d
بص يا مالك باشا
أنا ناوي أشتري كارت ستالايت بس عايز اجيبله طبق وسلك وكده لوحده مش عايز اركبه على الريسيفر .. وانا خلاص عرفت سعر الكارت واستقريت على نوعه .. بس عايز اعرف بأه باقي الليله كلها ..
مبداياً انا عايز نايل سات وهوت بيرد دول اساسيين وعايزهم يشتغلوا تمام التمام .. ولو ينفع اقمار تانيه معاهم يبقى خير وبركه ولو مينفعش مش مهم بس طبعأً يكونوا غير بدر لأنه قمر ملوش لزمه في الحياه :d
بس ياريت اسعار محدده وكده وبأسعار التركيب برده .. >>> وابقى قولي ساكن فين يمكن ننفعك بدل ما نروح للغريب :d
تاني حاجه هي التليفزيون عندي الي جنني .. انا موصل الريسيفر عن طريق آر اف .. لأن فتحة الفيديو الي في التليفزيون غريبة واسمها Bnc فانا عايز كونفيرتر يخللي الفتحه عاديه زي الناس وانا لقتي على النت فعلأً الكونفيرتر ده بس معرفش اشتريه منين وهيكون سعره قد ايه
تسلم يا باشا وتعبيك معنا
ahmad bakry
05-11-2007, 09:30 AM
الاخ العزيز مالك
لو تقدر تساعدنى فى تحديث ريسيفر أسترا 9900 يعنى ملف الكلين وملف التحديث بتاريخ حديث
مواصفاته كالتالى
MODEL ID : 07F0E128
H/W version : 2.16.00
S/W version : 1.01.4A
وأكون شاكر
beshoyax
05-11-2007, 03:32 PM
مشكور جداجدا
mido_koshary
06-11-2007, 12:40 AM
يا ريت اخى العزيز تذكر لى اذا كان نوع الجهاز التر او سوبر علشان اجيب لك سوف وير مناسب واقولك على طريقق وضع الاكواد
اجهزة الاستار سات تفتح بدون كامه وكارت القمر الاروبى وقبرص ومعظم الشفرات المتوفره
شكرا على الرد - الجهاز نوعه Sr-x3100cucx
و شغال على النايل سات فقط -طبق 100 سم -
mido_koshary
06-11-2007, 12:44 AM
هل من الممكن فتح القنوات المشفرة بالسوفت وير فقط على النايل سات
مالك مالك
06-11-2007, 02:24 PM
هل من الممكن فتح القنوات المشفرة بالسوفت وير فقط على النايل سات
نعم اخى يوجد اجهزة تفتح قنوات الشوتايم والارتى على النايل سات بالسوفت وير او ملف الشفرة
مالك مالك
06-11-2007, 02:27 PM
هل من الممكن فتح القنوات المشفرة بالسوفت وير فقط على النايل سات
نعم اخى العزيز ميدو كشرى بعض الاجهزة تفتح ببالسوفت وير او ملف للشفرة
مالك مالك
06-11-2007, 02:34 PM
الاخ العزيز مالك
لو تقدر تساعدنى فى تحديث ريسيفر أسترا 9900 يعنى ملف الكلين وملف التحديث بتاريخ حديث
مواصفاته كالتالى
MODEL ID : 07F0E128
H/W version : 2.16.00
S/W version : 1.01.4A
وأكون شاكر
اهلا اخى العزيز هل هذا الجهاز مزود بيو اس بى ام لا
ahmad bakry
06-11-2007, 07:32 PM
طبعا يا باشا
9900usb
و منتظر ردك وشكرا مقدما
jazjooz
06-11-2007, 08:09 PM
السلام عليكم لدي رسيفر و كرت دش قمت بوصل كرت الدش عن طريق لوب أوت بتاعت الرسيفر بس كل ما أشغل كرت الدش الرسيفر يفصل مع العلم إني جربتها من قبل و ما كانت تفصل و مع العلم بأنو في 2 lnb
ahmad bakry
07-11-2007, 11:36 AM
يا أخى العزيز مالك أنت نسيتنى ولا أيه ....
كان الله فى العون .. أول ما تفضى أبقى أفتكرنى فى ما يخص ريسيفر أسترا 9900usb
مواصفاته كالتالى
MODEL ID : 07F0E128
H/W version : 2.16.00
S/W version : 1.01.4A
وأكون شاكر
مالك مالك
07-11-2007, 12:15 PM
يا أخى العزيز مالك أنت نسيتنى ولا أيه ....
كان الله فى العون .. أول ما تفضى أبقى أفتكرنى فى ما يخص ريسيفر أسترا 9900usb
مواصفاته كالتالى
MODEL ID : 07F0E128
H/W version : 2.16.00
S/W version : 1.01.4A
وأكون شاكر
اهلا اخى احمد انا لم انساك ولكن جهازك لسه ما نزلوش حاجه تفتح ودورت والله بس لم اجد ما يناسب جهاز اصبر عليا شويه وان شاء الله لو فيه جديد اجيبه لك
مالك مالك
07-11-2007, 12:20 PM
السلام عليكم لدي رسيفر و كرت دش قمت بوصل كرت الدش عن طريق لوب أوت بتاعت الرسيفر بس كل ما أشغل كرت الدش الرسيفر يفصل مع العلم إني جربتها من قبل و ما كانت تفصل و مع العلم بأنو في 2 lnb
اهلا اخى الكريم انت بتقول فيه قطعه 2 مخرج يعنى من غير اللوب او خرج الريسيفر المفروض يشتغل تمام والمفروض لو خرج الريسيفر يشتغل بس لو انت فاصل الريسيفر استاند باى فقط لو الن فاصل البور ما يشتغلشى
جرب الوصله من الريسيفر لكارت الدش وقلى النتيجه
انا مش عارف افتح قنوات ART و showtime ممكن تقولى ازى بيفتحوا مع الشرح فى برنامج البروج ProgDVB
مالك مالك
13-11-2007, 12:15 PM
انا مش عارف افتح قنوات ART و showtime ممكن تقولى ازى بيفتحوا مع الشرح فى برنامج البروج ProgDVB
للاسف اخى العزيز ليس لهم شفره حاليا
3D_man
13-11-2007, 12:41 PM
السلام عليكم اخواني الكرام:
أنا عضو جديد في هذا المنتدي وسعيد جدا بعلاقتكم ببعض ولي طلبان :
الاول اريد ان اكون من ضمن الجروب ممكن؟
الثاني مبني على الاول وهو انا عندي ريسيفر استرا 9900 + كامة + USBولسه مشترية جديد واول مرة اتعامل مع ريسيفر اصلا:
عايز اعرف ازاي اخلي القنوات مترتبة ابجدي
وازاي اعمل Favorit
وهل هذا الجهاز يقبل دخول الشفرة اليديوة
وجزاكم الله خيرا
smsm_alimo
13-11-2007, 01:42 PM
السلام عليكم و رحمة الله
اذا سمحت انا عندى طبق 100 و اتنين lNB والاتنين كانو مظبوطين واحد على النايل سات والتانى على الهوتبيرد بس والله اعلم حد حرك الوحدة بتاعت الهوتبيرد و من ساعتها و انا مش عارف ارجعها لمكانها ياريت تقولى اعرف مكانها الصح ازاى و لو ممكن التوضيح يبقى بالصور يبقى عداك العيب
و شكرا جزيلا على هذا الموضوع القيم
وجزالك الله بخير ما يجزى به عباده الصالحين
lily_nahary
13-11-2007, 01:51 PM
نعم اخى يوجد اجهزة تفتح قنوات الشوتايم والارتى على النايل سات بالسوفت وير او ملف الشفرة
طيب يريت نعرف زى ايه الاجهزة دى و مين اقدر اروحله يكون عنده الشفرات او السوفت ده
انا عندى رسيفير ستار بورت لو مينفعش قولى اجيب رسيفير ايه يقبل الشفرة ويفتح الايه ار تى
مالك مالك
13-11-2007, 02:04 PM
طيب يريت نعرف زى ايه الاجهزة دى و مين اقدر اروحله يكون عنده الشفرات او السوفت ده
انا عندى رسيفير ستار بورت لو مينفعش قولى اجيب رسيفير ايه يقبل الشفرة ويفتح الايه ار تى
اهلا اخى الكريم هقولك حاجه جهازك كل فين وفين لما الاقيله سوفت حديث
لو انت عايز تعيش حياتك مع الشفرات والقنوات وما ادراك
عليك بجهاز استار سات 130 دى بلاس جهاز حلو وزى العسل الابيض وسهل فى التعامل معاه جدا شوف نفسك ورد عليا
مالك مالك
13-11-2007, 02:08 PM
السلام عليكم و رحمة الله
اذا سمحت انا عندى طبق 100 و اتنين lNB والاتنين كانو مظبوطين واحد على النايل سات والتانى على الهوتبيرد بس والله اعلم حد حرك الوحدة بتاعت الهوتبيرد و من ساعتها و انا مش عارف ارجعها لمكانها ياريت تقولى اعرف مكانها الصح ازاى و لو ممكن التوضيح يبقى بالصور يبقى عداك العيب
و شكرا جزيلا على هذا الموضوع القيم
وجزالك الله بخير ما يجزى به عباده الصالحين
شوف يا عم سمسم ازى حالك اولا
شوف ياسيدى لو النايل سات عندك مضبوط يبقى موضوعك سهل هتعمل زى ما هقولك ممكن يكون اتجاه الافقى والعمودى بتاع القطعه الاروبى هو ما فيه الخلل شوف اتجاه القطعه النايل سات من ناحية خروج سلك الاشاره وخلى اتجاه القطعه الاروبى نفس الاتجاه
جرب ورد عليا
medo30886
13-11-2007, 03:59 PM
اناعندي دش و موتور و كان عندي الاقمار من الاوربي للنايلسات بس كنت عايز lnb و اضبط الطبق عشان الاوربي مش شغال
اعمل اية؟
smsm_alimo
13-11-2007, 05:39 PM
متشكر جداياباشا على الرد و ان شاء الله ها اجرب واقولك و شكرا مرة تانيه على سرعة الرد الغير متوقعة الا فى هذ المنتدى الجميل والقيم بكل المقاييس
و جزاك الله خيرا
مالك مالك
13-11-2007, 08:45 PM
اناعندي دش و موتور و كان عندي الاقمار من الاوربي للنايلسات بس كنت عايز lnb و اضبط الطبق عشان الاوربي مش شغال
اعمل اية؟
اهلا يا عم ميدو انا تحت امرك بس ياريت توضح كلامك اكتر من كده لانى والله موش فاهم انت عايز ايه بالظبط
medo30886
13-11-2007, 11:35 PM
حاضر حاقولك من الاول
انا عندي طبق 120 او اكتر بس مش اقل من 120 كنت مشغل علية الاقمار من اول الهوت بيرد لغايت النيلسات فقط لان الدش محطوط في مكان في عمارة جنبة فلذالك بالكتير بيجيب لغايت 13 درجة غرب و بقيت الغرب مفهوش اشارة حلو
بعد كدة بفترة الاوربي ما بقاش شغال خالص مش عارف لية هل الطبق اتهز و لا ال lnb قديم فكنت عايز مساعدتك عشان اضبط الطبق و كمان اجيب lnb كويس و شكرا على سرعة الرد
E_Sembawy
14-11-2007, 03:07 AM
أنا عندي طبقين
الأول 100
و التاني 120
و مشغل كارت الدش علي 100
و مشغل إتنين ريسيفر علي 120
بإتنين مخرج في الإل إن بي
و هما تلاتة إل إن بي
واحد أوروبي
و التاني نايل سات و مبشغلش التالت لأنه مش مهم
و الريسيفر الأول أسترا 9000
و التاني أسترا9500
و عايز أعمل سوفت وير لإتنين
ياريت ملف السوفت وير
و هل ينبغي عليّ تحميل ملف الكلين أيضاً
و كيف أعمل سوفت وير للجهاز علماً بأني إشتريت الوصلة
RS2
و الطرفين أنثي
و عارف بتركب فين
بس لو ممكن تشرح ليّ الطريقة
أما جهاز الكمبيوتر و كارت الدش فأعتقد إن المنتدي مفيد جداً فيه و لو حضرتك تعرف حاجة فيه يا ريت تقولهالي
زي السوفت بتاعه و إزاي أتح القنوات المتشفرة علشان عايز أتفرج علي قناة أكشن لأن واحد قاللي إنها ممتازة
و هل في قنوات بتفتح و قنوات لا بالسوفت وير
يعني هل يوجد سوفت وير لقنوات و سوفت لقنوات أخري
إذا كان كدة أرجوا أن تأتي لي بجميع السوفت وير طبعاً إذا كان بإمكانك
و أرجوا إني أكون متقلتش عليك
مالك مالك
14-11-2007, 01:00 PM
حاضر حاقولك من الاول
انا عندي طبق 120 او اكتر بس مش اقل من 120 كنت مشغل علية الاقمار من اول الهوت بيرد لغايت النيلسات فقط لان الدش محطوط في مكان في عمارة جنبة فلذالك بالكتير بيجيب لغايت 13 درجة غرب و بقيت الغرب مفهوش اشارة حلو
بعد كدة بفترة الاوربي ما بقاش شغال خالص مش عارف لية هل الطبق اتهز و لا ال lnb قديم فكنت عايز مساعدتك عشان اضبط الطبق و كمان اجيب lnb كويس و شكرا على سرعة الرد
مرحبا مرة اخرى اخى العزيز
المفروض انك تتاكد من الطبق جيدا هقولك ازاى لو انت حركت الطبق بايدك ولقيت ان مسامير الطبق فيها خلل ممكن يكون الطبط عايز يتربط عليه شويه يعن تربط المسامير
وانت بتقول ان الاروبى فقط هو الى فيه مشكله يعن النا يل سات كويس وده يعنى ان lnb سليمه شوف الطبق وتاكد منه جيدا
وانا متابع معاك
مالك مالك
14-11-2007, 01:10 PM
أنا عندي طبقين
الأول 100
و التاني 120
و مشغل كارت الدش علي 100
و مشغل إتنين ريسيفر علي 120
بإتنين مخرج في الإل إن بي
و هما تلاتة إل إن بي
واحد أوروبي
و التاني نايل سات و مبشغلش التالت لأنه مش مهم
و الريسيفر الأول أسترا 9000
و التاني أسترا9500
و عايز أعمل سوفت وير لإتنين
ياريت ملف السوفت وير
و هل ينبغي عليّ تحميل ملف الكلين أيضاً
و كيف أعمل سوفت وير للجهاز علماً بأني إشتريت الوصلة
RS2
و الطرفين أنثي
و عارف بتركب فين
بس لو ممكن تشرح ليّ الطريقة
أما جهاز الكمبيوتر و كارت الدش فأعتقد إن المنتدي مفيد جداً فيه و لو حضرتك تعرف حاجة فيه يا ريت تقولهالي
زي السوفت بتاعه و إزاي أتح القنوات المتشفرة علشان عايز أتفرج علي قناة أكشن لأن واحد قاللي إنها ممتازة
و هل في قنوات بتفتح و قنوات لا بالسوفت وير
يعني هل يوجد سوفت وير لقنوات و سوفت لقنوات أخري
إذا كان كدة أرجوا أن تأتي لي بجميع السوفت وير طبعاً إذا كان بإمكانك
و أرجوا إني أكون متقلتش عليك
اهلا يا عم السمباوى باشا انت عندك جهازين زى العسل تابع معايا وهجيبلك كل حاجه عنهم الساعه 12 ليلا لانى عند شغل دالوقتى وهظبطك لان اخر سوفت ليهم فاتح الاروبى
تحيات الحاره
medo30886
14-11-2007, 04:34 PM
ال lnb شغالة بس قديمة قوي فعايز اغيرها علشان حتى لما كان الاوربي شغال كان في ترددات مش شغالة فاجيب نوع اية؟
مالك مالك
14-11-2007, 05:43 PM
ال lnb شغالة بس قديمة قوي فعايز اغيرها علشان حتى لما كان الاوربي شغال كان في ترددات مش شغالة فاجيب نوع اية؟
انت سيادتك بتقول ان معظم الاقمار من الصعب انك تستقبلها
هات قطعه استرونج تقضى نفس غرض القطعه الغاليه لان انت موش محتاج قطعه من الغاليه
ده من وجهة نظرى لوانت عايز تجيب قطعه غاليه هات قطعه يكون الدى بى بتاعها 2 او 3
شوف نفسك وانا معاك على الخط
3D_man
14-11-2007, 07:45 PM
السلام عليكم اخواني الكرام:
أنا عضو جديد في هذا المنتدي وسعيد جدا بعلاقتكم ببعض ولي طلبان :
الاول اريد ان اكون من ضمن الجروب ممكن؟
الثاني مبني على الاول وهو انا عندي ريسيفر استرا 9900 + كامة + USBولسه مشترية جديد واول مرة اتعامل مع ريسيفر اصلا:
عايز اعرف ازاي اخلي القنوات مترتبة ابجدي
وازاي اعمل Favorit
وهل هذا الجهاز يقبل دخول الشفرة اليديوة
وجزاكم الله خيرا
ياااااااااااااااه
مكنتش اعرف ان سؤالي صعب للدرجة دي وطلبي ملهوش رد على العموم جزاكم الله خيرا على كل حال.
مالك مالك
15-11-2007, 12:30 AM
ياااااااااااااااه
مكنتش اعرف ان سؤالي صعب للدرجة دي وطلبي ملهوش رد على العموم جزاكم الله خيرا على كل حال.
اخى العزيز انا اسف على التاخير والله غصب عنى شوف يا سيدى بكره يكون هنا الشرح وربنا يقدرنى ويكون بالصور
اسف على التاخير
medo30886
15-11-2007, 11:16 AM
انت سيادتك بتقول ان معظم الاقمار من الصعب انك تستقبلها
هات قطعه استرونج تقضى نفس غرض القطعه الغاليه لان انت موش محتاج قطعه من الغاليه
ده من وجهة نظرى لوانت عايز تجيب قطعه غاليه هات قطعه يكون الدى بى بتاعها 2 او 3
شوف نفسك وانا معاك على الخط
انا ممكن استقبل كل قنوات الشرق (east) و الغرب حتى 13 درجة هل Lnb Strong حيبقى كفاية و هل حضرتك تعرف سعرة بيتراوح من كام لكام و اسف على كثرة الاسئلة
مالك مالك
15-11-2007, 12:26 PM
انا ممكن استقبل كل قنوات الشرق (east) و الغرب حتى 13 درجة هل Lnb Strong حيبقى كفاية و هل حضرتك تعرف سعرة بيتراوح من كام لكام و اسف على كثرة الاسئلة
اكيد فيه حاجه خطأ فى كلامك انت بتقول فى اول مشاركتك انك بتستقبل الاقمار حتى 13 غرب والاروبى والمفروض الاروبى 13 درجه شرق ولو الشرق المدار مفتوح امامه بامكانك استقبال العربسات المعروف طبعا والعربسات 2b وتركيا وهلاسات
وقطعه استرونج مثلما قلت لك من قبل هتفى بالغرض لان الطبق 120 موش محتاج قطعه غاليه لان الاسترا هيبقى صعب عليك شويه
وسعر القطعه من15 الى22 جنيه
3D_man
15-11-2007, 12:56 PM
يا اخي الكريم جزاكم الله خيرا وما فيش تأخير ولا حاجة وانا في انتظار حضرتك
جزاكم الله خيرا
مالك مالك
15-11-2007, 12:59 PM
أنا عندي طبقين
الأول 100
و التاني 120
و مشغل كارت الدش علي 100
و مشغل إتنين ريسيفر علي 120
بإتنين مخرج في الإل إن بي
و هما تلاتة إل إن بي
واحد أوروبي
و التاني نايل سات و مبشغلش التالت لأنه مش مهم
و الريسيفر الأول أسترا 9000
و التاني أسترا9500
و عايز أعمل سوفت وير لإتنين
ياريت ملف السوفت وير
و هل ينبغي عليّ تحميل ملف الكلين أيضاً
و كيف أعمل سوفت وير للجهاز علماً بأني إشتريت الوصلة
RS2
و الطرفين أنثي
و عارف بتركب فين
بس لو ممكن تشرح ليّ الطريقة
أما جهاز الكمبيوتر و كارت الدش فأعتقد إن المنتدي مفيد جداً فيه و لو حضرتك تعرف حاجة فيه يا ريت تقولهالي
زي السوفت بتاعه و إزاي أتح القنوات المتشفرة علشان عايز أتفرج علي قناة أكشن لأن واحد قاللي إنها ممتازة
و هل في قنوات بتفتح و قنوات لا بالسوفت وير
يعني هل يوجد سوفت وير لقنوات و سوفت لقنوات أخري
إذا كان كدة أرجوا أن تأتي لي بجميع السوفت وير طبعاً إذا كان بإمكانك
و أرجوا إني أكون متقلتش عليك
اهلا يا عم السمباوى شوف يا سيدى اللودر فى المرفقات اللودر هو الاداه التى ستوصل الكمبيوتر بالريسيفر علشان التحديث دى مهمته
هتفتح اللودر بالضغط عليه مرتين اول ماتفتح اللودر هيجيب اختيارات فى اعلى اللودر تختار كلمة لودر تحميل هيفتح لك صفحه هتلاقى فى وسطها كلمتين سوفت و محطات هتختار سوفت
وبعد كده تختار كلمة تنزيل على يمين اللودر وتضغط اوكيه وتجيب السوفت طبعا لازم تكون عارف مكانه على جهازك تختار السوفت المناسب وتضغط اوبن
ويكون الريسيفر مقفول من البور وتفتح الريسيفر بع كده هتلاقيه ان شاء الله بيحمل
ارجو منك التجربه والرد علشان لو ما وصلتش اساعدك واعرفك ازاى تحدثه
شوية معلومات على الطاير
كابل التحديث 2 3 3 2 5 5
ويسمى كابل تحد يث الهيوماكس
لازم تاخد بيانات جهازك وتعرفها جيد تجنبا لاى خطأ
تعرف الهارد بتاع الجهاز علشان لو السوفت موش مظبوط هيقطع اشاره
لودر التحميل ممكن من خلاله مسح وعمل كلين للجهاز عن طريق كلمة مسح الجهاز تضغط عليها وتقفل الجهاز من البور من 3 الى اربع مرات وفى المره الاخيره تجعل الدوران على الشاشه لايكتمل
وده ايضا بيساعد على تغير الايدى للجهاز
اى خدمه يا عم الحاج سيمباوى
مالك مالك
15-11-2007, 02:45 PM
يا اخي الكريم جزاكم الله خيرا وما فيش تأخير ولا حاجة وانا في انتظار حضرتك
جزاكم الله خيرا
اخى العزيز ده السوفت واللودر
ولازم يكون عندك وصلة تحديث تسمى وصلة الهيوماكس او 2*3 3*2 5*5
وبعد فك الضغط هتلاقى اللودر والسوفت تسحبهم عندك وتعرف مكانهم
واتبع الشرح فى هذا الرابط وهو اسفل الصفحهhttp://www.dvd4arab.com/showthread.php?t=632119&page=10
3D_man
15-11-2007, 09:50 PM
أخي الكريم انا بسأل على كيفية إدخال الشفرة مش السوفت وير وكيفية ترتيب القنوات أبجدي وبعدين انا جهازي فيه Usb كما ذكرت وليس لي حاجة بوصلة الكمبيوتر على حد علمي وبعدين انا جهازي استرا 9900 مش هيوماكس.
ومنتظر رد حضرتك؟
مالك مالك
16-11-2007, 12:45 AM
أخي الكريم انا بسأل على كيفية إدخال الشفرة مش السوفت وير وكيفية ترتيب القنوات أبجدي وبعدين انا جهازي فيه Usb كما ذكرت وليس لي حاجة بوصلة الكمبيوتر على حد علمي وبعدين انا جهازي استرا 9900 مش هيوماكس.
ومنتظر رد حضرتك؟
ماشى يمكن انا فهمت خطأ اسف جدا
هتضغط على المنيو وتختار ضبط الجهاز وتضغط 1234 هتلاقى صفحة ادخال الشفرات واعمل كل الى نفسك فيه
اما بالنسبه للترتيب الابجدى ما حولتش ارتبه ابجدى من قبل
تحياتى لك
medo30886
17-11-2007, 09:47 AM
اكيد فيه حاجه خطأ فى كلامك انت بتقول فى اول مشاركتك انك بتستقبل الاقمار حتى 13 غرب والاروبى والمفروض الاروبى 13 درجه شرق ولو الشرق المدار مفتوح امامه بامكانك استقبال العربسات المعروف طبعا والعربسات 2b وتركيا وهلاسات
وقطعه استرونج مثلما قلت لك من قبل هتفى بالغرض لان الطبق 120 موش محتاج قطعه غاليه لان الاسترا هيبقى صعب عليك شويه
وسعر القطعه من15 الى22 جنيه
اسف انا عكست انا بستقبل الغرب كلة و لغايت 13 شرق يعني بالضبط من اول الهيسباسات لغايت الهوتبيرد........و شكرا على اهتمامك
ana kan 3andy mshkela fe eldisec we 3'ayarto kan 3andy 3 a2mar kowayesen awy d,lwa2ty ana 3andy elersal bta3 elnile sat we el3arabsat gamed awy laken elhot bird aw2at kowayes we ao2at wa2e3 7'ales. we 3ala fkra ana 3andy 3 lnb.
مالك مالك
18-11-2007, 12:52 AM
ana kan 3andy mshkela fe eldisec we 3'ayarto kan 3andy 3 a2mar kowayesen awy d,lwa2ty ana 3andy elersal bta3 elnile sat we el3arabsat gamed awy laken elhot bird aw2at kowayes we ao2at wa2e3 7'ales. we 3ala fkra ana 3andy 3 lnb.
اخى العزيز نفسى اخدمك هقولك على ما فهمت من كلامك انك عندك طبق ثابت 3 اقمار النايل سات والاروبى والعربسات العربسات والنايل سات شغالين كويس والاروبى فيه مشكله
هقولك الاجابه على هذا الاساس لو الطبق مكانه ولم يتحرك يبقى المشكله ممكن تكون فى اتجاه الافقى والعمودى للقطعه الاروبى حاول تظبط الافقى والعمودى
ولو المشكله غير ذلك ممكن يكون القطعه منزوعة الغطاء الخارجى اسفل القطعه وممكن يكون فيها حشرات زى العنكبوت وخلافه
جرب ورد عليا
voxus606
19-11-2007, 11:49 PM
السلام عليكم ورحمة الله و بركاته ...............
أنا عندي رسيفر Topfield 3000 Fi
قمت بتحديث السوفتوير إلى Goldmaster العام الماضي عن طريق أحد المختصين ليفك شفرات فياكسس 1 و نجرافيشن
فهل من الممكن أن يتم ترقيته ليفتح باقات الشوتايم و ال ART و تشفيير فياكسس 2 و إرديتو 1 و 2
كيف يتم ذلك ؟ و ما هي الخطوات و الأدوات اللازمة ؟
و شكراً جزيلاً ................................
voxus606
20-11-2007, 12:00 AM
السلام عليكم ورحمة الله و بركاته ...............
أنا عندي رسيفر Topfield 3000 Fi
قمت بتحديث السوفتوير إلى Goldmaster العام الماضي عن طريق أحد المختصين ليفك شفرات فياكسس 1 و نجرافيشن
فهل من الممكن أن يتم ترقيته ليفتح باقات الشوتايم و ال ART و تشفيير فياكسس 2 و إرديتو 1 و 2
كيف يتم ذلك ؟ و ما هي الخطوات و الأدوات اللازمة ؟
و شكراً جزيلاً ................................:whistle:
مشكوووووووووووووووووور كتير أخي مالك مالك
أرجو منك رفع السوفت وير و برنامج اللودر الخاص ب Topfield
حيث أنه غير متوافر عندي
و شكررررررا
مالك مالك
20-11-2007, 01:05 AM
مشكوووووووووووووووووور كتير أخي مالك مالك
أرجو منك رفع السوفت وير و برنامج اللودر الخاص ب Topfield
حيث أنه غير متوافر عندي
و شكررررررا
اهلا وسهلا بيك اخى الكريم مرفق لك اللودر واحدث سوفت وير بعد ماتحمل السوفت هتوقف على فرنسا الرابعه وتضغط على زر F1 ثم اوكيه وتستنى شويه
لو الريموت لا يوجد به f1 هات ريموت تانى من الحجم الكبير وهو متوفر
طريقة التحديث افصل الريسيفر من الكهرباء وافتح اللودر واضغط علىكلمة FIND وهات السوفت من المكان الى انت حفظه فيه
وتضغط openوبعد كده تضغط على كلمة داونلود وتوصل الجهاز بالكهرباء وتنتظر حتى يكمل التحميل
الوصله 2*3 3*2 5*5
حاول وانا معاك فى الخدمه
bastox
20-11-2007, 06:40 PM
عندى جهاز كيوماكس هيروشيما 888 و عندى كابل الكومبيوتر و احدث ملفات السوفت كى و عايز احطهم فى الجهاز و مش عارف ازاى و مش معايا يرنامج بيحط الملف بتاع السوفت كى ولا اعرف بيتحط ازاى ارجو الافاده و شكرا
voxus606
20-11-2007, 11:28 PM
اهلا وسهلا بيك اخى الكريم مرفق لك اللودر واحدث سوفت وير بعد ماتحمل السوفت هتوقف على فرنسا الرابعه وتضغط على زر F1 ثم اوكيه وتستنى شويه
لو الريموت لا يوجد به f1 هات ريموت تانى من الحجم الكبير وهو متوفر
طريقة التحديث افصل الريسيفر من الكهرباء وافتح اللودر واضغط علىكلمة FIND وهات السوفت من المكان الى انت حفظه فيه
وتضغط openوبعد كده تضغط على كلمة داونلود وتوصل الجهاز بالكهرباء وتنتظر حتى يكمل التحميل
الوصله 2*3 3*2 5*5
حاول وانا معاك فى الخدمه
مشكووووووووووووور كتيييييييييييييير
و لكن لماذا الظغط على F1
و ما معنى الوصله 2*3 3*2 5*5
السلام عليكم
اخى كان عندى استفسارت بسيطة
دلوقتى انا عندى فوق قمر نايلسات مع طبق 100 تمام ؟
والريسيفر نوعه استرا 7000
انا دلوقتى عايز اركب يوتلسات 7w
اعمل ايه ؟؟ والموضوع هيتكلف كااااااااااام
يعنى اجيب طبق 100 واجيب اى كاميرا واخلى واحد يظبطه على القمر
ولا ده ليه كاميرا مخصوصة
وياريت اخر اسعار الاطباق ال 100
انا هستخدمه للداونلود العشوائى
وانا سمعت عن حاجات غريبة زى المسطرة والطبق المتحرك ؟؟ لازم اجيب كل دول علشان اركب يوتيل سات ؟؟
على فكرة الجهاز عندى موجود فيه اقماار كتييرة اوى منهم اليوتيل سات بس طبعا مش شغالين
وهل اليوتييل سات 7w بيفرق عن 6w و 3w ??????
ارجو الافادة مع التكاليف وشكرا جزيلا
مالك مالك
21-11-2007, 12:30 PM
مشكووووووووووووور كتيييييييييييييير
و لكن لماذا الظغط على F1
و ما معنى الوصله 2*3 3*2 5*5
اخى العزيز f1لتفعيل الشفره بعد السوفت وير وهو ليس موجود فى الريموت الصغير ومعنى الوصله هى كابل التحديث الموصل بين الكمبيوتر والريسيفر
bastox
22-11-2007, 11:11 AM
عندى جهاز كيوماكس هيروشيما 888 و عندى كابل الكومبيوتر و احدث ملفات السوفت كى و عايز احطهم فى الجهاز و مش عارف ازاى و مش معايا يرنامج بيحط الملف بتاع السوفت كى ولا اعرف بيتحط ازاى ارجو الافاده و شكرا
__________________
مالك مالك
22-11-2007, 07:10 PM
السلام عليكم
اخى كان عندى استفسارت بسيطة
دلوقتى انا عندى فوق قمر نايلسات مع طبق 100 تمام ؟
والريسيفر نوعه استرا 7000
انا دلوقتى عايز اركب يوتلسات 7w
اعمل ايه ؟؟ والموضوع هيتكلف كااااااااااام
يعنى اجيب طبق 100 واجيب اى كاميرا واخلى واحد يظبطه على القمر
ولا ده ليه كاميرا مخصوصة
وياريت اخر اسعار الاطباق ال 100
انا هستخدمه للداونلود العشوائى
وانا سمعت عن حاجات غريبة زى المسطرة والطبق المتحرك ؟؟ لازم اجيب كل دول علشان اركب يوتيل سات ؟؟
على فكرة الجهاز عندى موجود فيه اقماار كتييرة اوى منهم اليوتيل سات بس طبعا مش شغالين
وهل اليوتييل سات 7w بيفرق عن 6w و 3w ??????
ارجو الافادة مع التكاليف وشكرا جزيلا
شوف يا سيدى ممكن تعمل الموضوع بتاعك ده مع الطبق الموجود عندك هتجيب كاميرا جديده سعرها 20 جنيه ومسطره سعرها5 جنيه ولازم تجيب فنى علشان تريح دماغك ولو انت فاضى وما فيش وراك حاجه قولى وهقولك شوية حاجات تعملها لو انت غاوى وجع قلب
تحت امرك يا باشا
شكراااا جدا على الرد
بس للاسف انا فى حتة بعيدة فى اكتوبر
فانا عايز منك بس اساسيات التركيب
ولما اكون عايز اتاكد الاشارة وصلت ولا لا لازم كل ما اعدل بأيدى القمر فوق انزل اشوف فى الشقة القمر لاقط على الريسيفر ؟
مالك مالك
24-11-2007, 12:35 PM
شكراااا جدا على الرد
بس للاسف انا فى حتة بعيدة فى اكتوبر
فانا عايز منك بس اساسيات التركيب
ولما اكون عايز اتاكد الاشارة وصلت ولا لا لازم كل ما اعدل بأيدى القمر فوق انزل اشوف فى الشقة القمر لاقط على الريسيفر ؟
الموضوع بتاعك ده عايز فنى بس انا هقولك حاجه بسيطه لو عندك استعداد تطلع التلفزيون على السطح هشرح لك طريقة تركيب الطبق بس لو انت هتشوف على التلفزيون تحت وتطلع تظبط الطبق يبقى الموضوع ده صعب الشرح
bastox
25-11-2007, 07:45 AM
دى تالت مره ياريت يترد عليا وبلاش تتجاهلونى
عندى جهاز كيوماكس هيروشيما 888 و عندى كابل الكومبيوتر و احدث ملفات السوفت كى و عايز احطهم فى الجهاز و مش عارف ازاى و مش معايا يرنامج بيحط الملف بتاع السوفت كى ولا اعرف بيتحط ازاى ارجو الافاده و شكرا
مالك مالك
25-11-2007, 07:29 PM
دى تالت مره ياريت يترد عليا وبلاش تتجاهلونى
عندى جهاز كيوماكس هيروشيما 888 و عندى كابل الكومبيوتر و احدث ملفات السوفت كى و عايز احطهم فى الجهاز و مش عارف ازاى و مش معايا يرنامج بيحط الملف بتاع السوفت كى ولا اعرف بيتحط ازاى ارجو الافاده و شكرا
اسف اخى العزيز على التأخير والله بقى لى كام يوم مشغول ولم يكن الوقت يسمح لى بالرد على المشاركات
اهلا بك
اولا هتفتح اللودر وتختار السوفت من المكان الذى تحفظه فيه من كلمة فايل الموجوده باللودر لاحظ ان يكون فيه علامه على كلمة سوف وير فى حالةالسوفت وهناك ايضا فى اللودر امكانية تحميل القنوات والشفره
وملحوظه مهمه لازم يكون الجهاز على وضعية استاندباى
وبعد اختيار السوفت تضغط على كلمة استارت وانتظر الى نهايه التحميل
dodi25
26-11-2007, 10:08 PM
الف شكر على هذا المجهود
عندى ؤيسيفر 5100
القمر الاوربى ضاع
اريد اعاده ضبطه
شكرا مقدما على تعبك معنا
مالك مالك
27-11-2007, 12:17 PM
الف شكر على هذا المجهود
عندى ؤيسيفر 5100
القمر الاوربى ضاع
اريد اعاده ضبطه
شكرا مقدما على تعبك معنا
يا ريت اخى العزيز تقولى نظام العمل عندك ايه يعنى انت الطبق شغال ثابت ولا متحرك قولى علشان اعرف افيدك
dodi25
27-11-2007, 08:43 PM
اخى العزيز
الطبق ثابت و يعمل ب 2 نظام قطر 1 م
نايل سات و اوربى
الجهاز هيوم 5100
sas_kik
27-11-2007, 11:18 PM
السلام عليكم
اخي الكريم ممكن لو سمحت طريقة تركيب هذا البوزيشنر
super jack DisEqC1.2 Motor
مرفق صورة
ولكم وافر الشكر والتقدير
مالك مالك
28-11-2007, 02:29 PM
اخى العزيز
الطبق ثابت و يعمل ب 2 نظام قطر 1 م
نايل سات و اوربى
الجهاز هيوم 5100
حاضر سيدى الفاضل اول حاجه لو النايل سات شغال زى ما هو يبقى العيب او المشكله فى القطعه الاروبى حاول اتن تضبط الافقى والعمودى للقطعه الاروبى بمعنى ان القطعه ليها اتجاه هقولك ازاى هتشوف اتجاه القطعه النايل سات من ناحية خروج سلك الاشاره وتحاول ان تجعل القطعه الاروبى فى نفس الاتجاه
ولو ما اشتغلشى ممكن تكون المشكله فى الوصله من القطعه للمشترك الذى يربط بين القطعتين وممكن يكون القطعه الاروبى عايزه تتحرك لاعلى ولاسفل قليلا
جرب الحلول دى ولو ما جبتش نتيجه انا معاك الى ان يعمل باذن الله
voxus606
28-11-2007, 11:24 PM
أخي العزيز مالك ...............
مشكور كتير على المجهود
أنا صاحب التوبفيلد 3000FI
لي عدة استفسارات...........
هل السوفت اللي رفعتهولي يصلح لتوبفيلد 4000 ؟
وهل كل مرة الشفرة تتغير أحتاج إلى تغيير السوفت بالكامل ؟
و ما معنى الباتش و هل يختلف عن السوفت وير ؟
و إذا كان هناك ملفات للشفرات أرجو من حضرتك ذكر إسم موقع لتحميل هذه الملفات مع توضيح كيفية تنزيلها للرسيفر
و هل يوجد موقع يوفر سوفتويرات حديثة للتوبفيلد مباشرة دون البحث عنها في المنتديات ؟
و هل من الممكن فتح الشوتايم و ال art بواسطة جهازي ؟
و شكراً جزيلا ...................اخى العزيز f1لتفعيل الشفره بعد السوفت وير وهو ليس موجود فى الريموت الصغير ومعنى الوصله هى كابل التحديث الموصل بين الكمبيوتر والريسيفر
dodi25
29-11-2007, 10:47 AM
اخى العزيز
شكرا كثيرا على جهودك
النايل سات شغال و وضع الاوربى شغال
بس انا لعبت فى برمجه الريسيفر
فضاع ترداد الاوربى
شكرا لاهتمامك الكبير
مع تمناتى لك دوام الصحه و السعاده
مالك مالك
29-11-2007, 01:49 PM
السلام عليكم
اخي الكريم ممكن لو سمحت طريقة تركيب هذا البوزيشنر
super jack DisEqC1.2 Motor
مرفق صورة
ولكم وافر الشكر والتقدير
اهلا اخى العزيز
شوف اخى الفاضل انت لازم تكون على درايه بالريسيفر الموجود عندك اولا
هقولك ازاى** النوعيه دى من المحركات بتشتغل من مخرج الاشارة بالطبق والخرج الاخر للريسيفر بس يشترط ان الريسبفر بيكون مجهز لهذه النوعيه من المحركات بمعنى لازم تلاقى فى قائمة التركيب وبالضبط فى قائمة ضبط الهوائى هتلاقى ضبط الموتور وهتجيب مثلا قمر زى النايل سات وتحرك الطبق يمين ويسار الى ان تاتى الاشاره وتثبت على هذا الموقع وتخز الموقع ايضا وعلى فكرة الموتور بيشتغل على اشارة القمر بمعنى انك بعد ما تثبت على اشارة قمر معين وتحاول تجيب قمر اخر متخزن عندك الطبق بيلف دورتان الى ان يصل الى اشارة القمر المطلوب بالضبط
حاول ورد عليا انا فى انتظارك بعد التجربه
sam_fere
29-11-2007, 02:08 PM
السلام عليكم
انا مش هاغلبك كتير يعني بس انا عندى صحن 150سم وثابت عليه نايل سات وانا عاوز اركب عليه عين تانيه هوتبيرد لاني عاوز اجيب قنوات الرياضة فممكن اعرف اركب العين في اي اتجاه من العين الاولى والمسافه بينهم كام واذا كات مايله ولا لأ يعني من الاخر عندنا في فلسطين بياخد اللي هيركب الشغل ده 50ج عندكو وانا ابدا
sas_kik
29-11-2007, 02:29 PM
أخي الكريم
أولا شكرا على استجابتك واليك التالي
الريسسيفر متوافق مع البوزيشنر وكان يعمل على ما يرام لمدة أكثر من 3 سنوات إلى أن غير صاحبه مقر السكن ( وهو صديق لي ) وعندها ذهب إلى المحل الذي اشترى منه الجهاز وطلب فني للتركيب ولكن الفني قام بتركيب السيستم ثابت وذهب وبعد مراجعة الفني وصاحب المحل قالوا أن المتخصص قد ترك العمل منذ سنتين ولم نجد من يتولى تركيب هذا النظام .
وألان أخي مالك إذا شرحت لي بتفصيل أكثر ممكن أقوم أنا بالتركيب بمساعدتك ونظرا لان الموضوع فوق السطح وتحميل التليفزيون والريسيفر وعمل التوصيلات لذلك إذا سمحت أريد أن استوعب الموضوع قبل المباشرة في العمل ( علما بأنه عندي بسيطة فكرة عن التركيبات )
ولك المزيد من الشكر والتقدير
مالك مالك
29-11-2007, 03:34 PM
السلام عليكم
انا مش هاغلبك كتير يعني بس انا عندى صحن 150سم وثابت عليه نايل سات وانا عاوز اركب عليه عين تانيه هوتبيرد لاني عاوز اجيب قنوات الرياضة فممكن اعرف اركب العين في اي اتجاه من العين الاولى والمسافه بينهم كام واذا كات مايله ولا لأ يعني من الاخر عندنا في فلسطين بياخد اللي هيركب الشغل ده 50ج عندكو وانا ابدا
اهلا وسهلا اخى الكريم انا عايزك تغلبنى ولا يهمك
شوف يا سيدى انت هتعمل زى ما هقولك هتثبت الطبق الاول على القمر الاروبى وده شرط اساسى علشان الاثنين يجوا مع بعض بعد ما تثبت القمر الاروبى هتقف ووجهك للطبق وهتمسك القطعه الاخرى على مسافة من20 الى 25سم تقريبا ممكن تزيد شويه لو الطبق مسطوح المهم وتحاول الاول تظبط الاشاره بايك الى ان تعرف مكان القمر المصرى وهبعتلك رابط كنت شرحت فيه طريق التركيب
ويا ريتك قريب منى وكنت ركبته لك ببلاش علشان خاطر عيونكhttp://www.dvd4arab.com/showthread.php?t=632119&page=2
جرب ورد عليا انا مستنى ردك
sam_fere
29-11-2007, 03:49 PM
السلام عليكم
شكرا على كرم أخلاقك بس برضه هاغلبك شويه
الصحن ثابت على النايل ومش هاقدر احركه يعني انا عاوز اشبك العين التانيه والصحن ثابت وصلت المعلومة ولا لسه؟؟
مالك مالك
29-11-2007, 04:46 PM
السلام عليكم
شكرا على كرم أخلاقك بس برضه هاغلبك شويه
الصحن ثابت على النايل ومش هاقدر احركه يعني انا عاوز اشبك العين التانيه والصحن ثابت وصلت المعلومة ولا لسه؟؟
انا عايز انت تفهم كلامى ان من المستحيل انك تجيب القمر الاروبى على طبق ثابت على النايل سات
لابد من تحريك الطبق ناحية القمر الاروبى محتى لو نوعية الطبق ثابته ممكن انك تفك البولر الخلفى للطبق وتعيد توجيهه ناحية القمر الاروبى
انا متابع معاك للنهايه لاتقلق
sam_fere
29-11-2007, 04:56 PM
شكرا باحاوب اجرب كلامك بس انا شفت واحد ركبها بدون ما يحرك الصحن ازاي الله اعلم
مالك مالك
29-11-2007, 06:04 PM
شكرا باحاوب اجرب كلامك بس انا شفت واحد ركبها بدون ما يحرك الصحن ازاي الله اعلم
اخى العزيز صدقنى من الصعب فكرة تركيب قمرين زى النايل سات والاروبى
والطبق ثابت على النايل سات الا اذا كان حجم الطبق 10 متر علشان تعرف تستقبل الاروبى وانت على النايل سات تاكد من معلوماتك اولا قبل ما تقول انك شوفت الوضع ده شغال عند حد لانه يعتبر مستحيل
degra5000
01-12-2007, 01:21 PM
مشكور أخى مالك,انا كنت عايز اعرف اذا كنت اقدر اشغل الريسيفر والتلفزيون مش شغال , يعنى ينفع اشغل الريسيفر على سماعات التلفزيون
eng_ahmed214
01-12-2007, 03:09 PM
مشكوووووووووور أخي علي المجهود الرائع ,,
بس أنا عندي مشكلة ,,
أنا ركبت النايل سات وأشتغل كويس وألشارة قوية في أغلب الترددات:
11747
11758
12303
بس مفيش خالص عند 11766 و مش لاقي قنوات دريم أو الفضائية المصرية
ياريت تساعدني
و ألف شكر
ابو رحمة
02-12-2007, 03:06 PM
شكرا ليكككككككككككككك
degra5000
02-12-2007, 04:14 PM
مشكور أخى مالك ,انا كنت عايز أعرف اذا كان ينفع أشغل 2 ريسيفر على نفس الطبق ولا لا , واذا كان ينفع اشغلهم اذاى؟؟
hkhalifa
02-12-2007, 09:13 PM
I have a subscribtion card with showtime. I tried the card with my new dreambox reciver but it is not working. Can you help!
مالك مالك
03-12-2007, 04:06 PM
مشكور أخى مالك,انا كنت عايز اعرف اذا كنت اقدر اشغل الريسيفر والتلفزيون مش شغال , يعنى ينفع اشغل الريسيفر على سماعات التلفزيون
اهلا بك اخى الكريم انت ممكن تعمل حاجه احسن من كده ازاى لو عايز تسمع اغانى من على الريسيفر وتستمتع بيها تجيب صابوفر بتاع كمبيوتر وتسمع صوت ولا فى الاحلام بس لو انت عايز تشغل اريسيفر على سماعات التلفزيون وهو مغلق لايصح
على فكره انا مركب على الريسيفر بتاعى سماعات كمبيوتر والصوت فوق الممتاز
مالك مالك
03-12-2007, 04:11 PM
مشكوووووووووور أخي علي المجهود الرائع ,,
بس أنا عندي مشكلة ,,
أنا ركبت النايل سات وأشتغل كويس وألشارة قوية في أغلب الترددات:
11747
11758
12303
بس مفيش خالص عند 11766 و مش لاقي قنوات دريم أو الفضائية المصرية
ياريت تساعدني
و ألف شكر
اهلا وسهلا بك تقريبا والله اعلم المشكله عندك فى اتجاه القطعه الخاصه بالاستقبال ازاى شوف يا سيدى قطعة الاستقبال ليها اتجاه لابد ان توجهها صح يعن الافقى والعمودى للقطعه
لان من كلامك 11747 و 11785 ترددات راسيه و قناة دريم والمصريه وعلشان تتاكد من كلامى هتلاقى قنوات النيل ايضا ليس لها اشاره
تاكد من اتجاه القطعه LNP
مالك مالك
03-12-2007, 04:13 PM
مشكور أخى مالك ,انا كنت عايز أعرف اذا كان ينفع أشغل 2 ريسيفر على نفس الطبق ولا لا , واذا كان ينفع اشغلهم اذاى؟؟
اهلا بك اخى العزيز
ينفع بس لازم تجيب قطعه 2 مخرج وهى متوفره جدا وسعرها من50 الى 60 ج
وتشغل الريسيفران بدون اى مشاكل
تحت امرك فى اى خدمه يا غالى
مالك مالك
03-12-2007, 04:17 PM
I have a subscribtion card with showtime. I tried the card with my new dreambox reciver but it is not working. Can you help!
مرحبا بك اخى الكريم
انا هقولك انا فهمت ايه من كلامك لو مضبوط ابعت وقولى اوكيه فقط وانا هقولك على كل حاجه
من كلامك ان انت عندك كارت شوتايم وجهاز دريم بوكس والكارت اشتراكه انتهى
hkhalifa
03-12-2007, 06:42 PM
مرحبا بك اخى الكريم
انا هقولك انا فهمت ايه من كلامك لو مضبوط ابعت وقولى اوكيه فقط وانا هقولك على كل حاجه
من كلامك ان انت عندك كارت شوتايم وجهاز دريم بوكس والكارت اشتراكه انتهى
No the card is still working
I am subscribed in art and showtime
but i can not make it work with dreambox
i just bought the dreambox i don't know how make it work with the card
which emu to use??and how to configure the emu??
Thanks so much for your help
eng_ahmed214
03-12-2007, 10:57 PM
ممكن أخي مالك ,,
تشرحلي بالتفصيل طريقة تركيب النايل سات و الهوت بيرد علي طبق 180 سم
وما هي الترددات التي أستخدمها في الضبط....
شكرا ومعلش بتقل عليك .........
مالك مالك
05-12-2007, 12:29 AM
No the card is still working
I am subscribed in art and showtime
but i can not make it work with dreambox
i just bought the dreambox i don't know how make it work with the card
which emu to use??and how to configure the emu??
Thanks so much for your help
ماشى يا سيدى
انت عندك كارت اشتراك شرعى وشغال بس لا يعمل على جهازك وهو الدريم بوكس تجول فى هذا المنتدى اولا وبعد كده لو ما وصلتش لحل احاول ان شاء الله اساعدك بطريقه اخرى
http://www.dvd4arab.com/forumdisplay.php?s=&daysprune=365&f=171
مالك مالك
05-12-2007, 12:44 AM
ممكن أخي مالك ,,
تشرحلي بالتفصيل طريقة تركيب النايل سات و الهوت بيرد علي طبق 180 سم
وما هي الترددات التي أستخدمها في الضبط....
شكرا ومعلش بتقل عليك .........
اى خدمه اخى الغالى
الطبق ده هيساعدك علشان حجمه كبير هقولك طريقه سهله تجربها وترد عليا
انت هتجيب النايل سات مثلا تردد 11766 وتظبط عليه الطبق الى ان تاتى الاشاره وبنفس التردد تتطلع بالطبق لاعلى وتشوف قمر قبرص لو موش شغال حاول الى ان تاتى اشارة على نفس التردد ولو النا يل وقبر اشارتهم موجوده يبقى ميت فل وعشره هتطلع بالطبق وانت على نفس التردد بس هتغير فى القطبيه من افقى الى عمودى علشان الموضوع يبقى سهل معاك
بعد ضبط القمر الاروبى ثبت الطبق من الخلف جيدا وبعد كده على بعد حوالى من20 ال 30 سم على يمين القطعه الاروبى ووجهك للطبق تمسك القطعه بايدك بس تفتكر تغير القطبيه على افقى وبعد كده لما يلقط اشارة النايل سات تعرف مكان القمر وبعد كدة تركب القطعه فى المسطره فى المكان الى عارف ان فيه اشارة النايل سات
وبعد كده هتقطع قطعتين من السلك حوالى متر انت وحريتك وتركب ناحيه للقطعه وناحيه للديزك او المشترك الى هتجمع فيه السلكين النايل سات والاروبى بس لازم تسمى القمرين ايضا من داخل الجهاز كل قمر على مدخل
وهتلاقى فى الدايز مكان للخروج out وده للداخل الى الريسيفر
حاول ورد عليا
voxus606
05-12-2007, 11:50 PM
أخي مالك هل أنت متواجد الآن؟
مالك مالك
06-12-2007, 11:28 AM
أخي مالك هل أنت متواجد الآن؟
تحت امرك يا غالى شوف انت عايز ايه واناتحت امرك
ممكن اكون متواجد طول الوقت
ممكن اكون غير متواجد طول الوقت
ممكن اتواجد فى اوقات متقطعه
تحياتى لك
الثلاثي المرح
08-12-2007, 07:19 PM
هل يا غالي من الممكن ان اركب قمر اوروبي علي طبق صغير وكم تمنة لكي اركب القمر الاوروبي وما الاحتياجات الازمة
الثلاثي المرح
08-12-2007, 07:20 PM
انا اريد قمر يكون فية معظم قنوات الشوتايم او قنوات رياضية عموما شغالة مجانا ...
مالك مالك
09-12-2007, 12:52 AM
انا اريد قمر يكون فية معظم قنوات الشوتايم او قنوات رياضية عموما شغالة مجانا ...
مرحبا بك اخى العزيز
طبعا من الممكن تركيب القمر الاروبى على طبق صغير بس لايقل عن70سم لان الاطباق الى حجمها اقل من كده بيكون البولر بتاعها طعيف لا يتحمل ولا يعطى نتائج يا ريت اخى العزيز تولى حجم الطبق عند ونوعه لعل وعسى اقد افيدك
بصراحه قنوات الشوتايم صعب جدا بس بيجى عليها اوقات شفرتها بتتكسر
وعموما القمر الاروبى عليه قنوات رياضيه مش بطاله
والعرب سات على فكره عليه قنوات فيد بتجيب معظم المباريات العربيه المشفره
اى خدمه اخى الغالى
الثلاثي المرح
09-12-2007, 06:19 PM
شكرا يا غالي انا الطبق الي عندي كبير ولكن في بناية جديدة جنبنا غطت علية وعلشان كدا هاجيب طبق صغير اعلقة علي سور السطح وحبيت اجيب طبق صغير واضيف علية قمر تاني بالاضافة الي النايل سات
يالتعبان
09-12-2007, 10:39 PM
شكرا ياباشا
مالك مالك
10-12-2007, 12:32 AM
شكرا يا غالي انا الطبق الي عندي كبير ولكن في بناية جديدة جنبنا غطت علية وعلشان كدا هاجيب طبق صغير اعلقة علي سور السطح وحبيت اجيب طبق صغير واضيف علية قمر تاني بالاضافة الي النايل سات
مرحبا مرة اخرى اخى العزيز لو الطبق اقل من60سم هيبقى صعب انه يستقبل القمر الاروبى بصوره جيد بس لو اكتر من كده ممكن تستقبله عادى من غير مشاكل
ملحوظه**هتحتاج مع الطبق الآخر ديزك او مشترك علشان تجمع بين الطبقين بسلك واحد ينزل للريسيفر
اى خدمه فى اى وقت يا غالى
الثلاثي المرح
10-12-2007, 07:03 PM
شكرا لك يا غالي
kingboss2007
11-12-2007, 02:03 AM
السلام عليكم
أنا بصراحة أول مرة أدخل فى حوار القنوات و الشفرات دة
فكنت بطلب منك أنك تفهمنى الحوار و لو بالمختصر .........المهم يكون عندى فكرة و لو كانت بسيطة ...............
و شكرا
مالك مالك
12-12-2007, 11:42 AM
السلام عليكم
أنا بصراحة أول مرة أدخل فى حوار القنوات و الشفرات دة
فكنت بطلب منك أنك تفهمنى الحوار و لو بالمختصر .........المهم يكون عندى فكرة و لو كانت بسيطة ...............
و شكرا
ما هو نوع الريسيفر لديك يا غالى
medo30886
12-12-2007, 08:55 PM
استاذ مالك عايز اشتري رسيفر رخيص يادوب يشغل النايل سات و طبق صغير و قطعةlnb بس الميزانية صغيرة فياريت تقولي ارخص حاجة تقضي الغرض عشان معيش فلوس كتير
عندي سوال ينفع اجيب طبق على الطبق اللي عندي و اركب علية اوربي يعني يبقى الاوربي لوحدة في طبق و النايل لوحدة لان طبق النايل صغير و قديم و مصدي و اصغر طبق يجيب الاوربي يبقى كام سم .....شكرا و اسف على التطويل
hanyyyy
13-12-2007, 12:43 PM
thankssssssss