مشاهدة النسخة كاملة : هى العربيات فى مصر غالية ليييييه؟؟؟؟؟؟؟
yoofiman1
22-09-2007, 08:29 AM
حاجة الكل بيلاحظها ان سعر السيارات فى مصر فى تزايد رهيب
السوق كل مادا بيفتح وشريحة الى بيقتنوا السيارات او بيهتموا بالسيارات عمالة توسع وكل يوم شركات جديدة وموديلات جديدة بتنزل مصر وانظمة التقسيط كل يوم فيها جديد
النتيجة الطبيعية لكل ده ان سعر السيارات يقل (كل ما السوق يفرش....كل ما المنافسة تزيد....كل ما السعر يقل)
لكن الى بيحصل عكس كده خالص.....والاسعار ناااار
المشكلة برضه مش فى كل ده......الكارثة ان سعر اى سيارة فى مصر اغلى من سعرها فى السوق العالمى والبعض بيقدر هذا الفرق بحوالى 20000 قابلة للزيادة كلما زادت فئة السيارة.....حتى السيارات الى بتتقفل فى مصر(ولا جمارك ولا غيره)سعرها فى مصر بيكون اغلى من سعر نفس العربية فى الخارج وكمان تقفيل البلد الاصلية
طيب ليييه؟؟؟.......هو المصريين اغنيا قوى كده!!!!......يا ترى الفرق الكبير ده بيروح فين؟....للحكومة فى صورة ضرايب والذى منه.....ولا التوكيل والموزع بيضرب فى جيبه هامش ربح عالى.....ولا احنا الى عبايط.....ولا كل دول مع بعض.......يا ريت يا جماعة حد يفهمنا؟؟
ezzmoka
22-09-2007, 11:51 AM
ببساطة
القيمة الشرائية للجنيه فى الحضيض + الجمارك الغير طبيعية = كل عام و انتم بخير
micky2010
23-09-2007, 08:04 PM
بص يا مان احنا الا بنعطى التجار الاذن يعملو فينا كدا لية بمعنى اخر احنا اعبط ناس فى العالم علشان كدة الحاجة عندنا غالية بس
bogyasa
25-09-2007, 01:58 AM
علشان بندفع شوية حاجات فوق ثمن السيارة الفعلى
ضريبة الدخل + ضريبة الخارج + ضريبة التفكير فى شراء السيارة + ضريبة الذهاب الى المعرض + ضريبة المشتريات + ............
فى الآخر تلاقيك دفعت حوالى 50 الف جنيه زيادة فى شكل ضرائب
وكل سنة وانت طيب
yoofiman1
25-09-2007, 06:45 PM
علشان بندفع شوية حاجات فوق ثمن السيارة الفعلى
ضريبة الدخل + ضريبة الخارج + ضريبة التفكير فى شراء السيارة + ضريبة الذهاب الى المعرض + ضريبة المشتريات + ............
فى الآخر تلاقيك دفعت حوالى 50 الف جنيه زيادة فى شكل ضرائب
وكل سنة وانت طيب
وانت طيب يا برنس
DrIfT__KiNg
26-09-2007, 12:54 AM
زى مالناس قالت
الضرايب والجمارك هنا بترفع تمن العربية للضعف تقريبا
وتخيل كده لو بقت العملية مفتوحة زى الخليج مثلا
كل عيلة فى مصر هيبقى عندها مالايقل عن تلات او أربع عربيات
وطبعا احنا مش عارفين نمشى بالوضع الحالى
يبقى العملية لو اتفتحت هنبقى ازاى
يبقى الوضع على ماهو عليه لغاية ماتفرج يامان
yoofiman1
26-09-2007, 03:30 AM
زى مالناس قالت
الضرايب والجمارك هنا بترفع تمن العربية للضعف تقريبا
وتخيل كده لو بقت العملية مفتوحة زى الخليج مثلا
كل عيلة فى مصر هيبقى عندها مالايقل عن تلات او أربع عربيات
وطبعا احنا مش عارفين نمشى بالوضع الحالى
يبقى العملية لو اتفتحت هنبقى ازاى
يبقى الوضع على ماهو عليه لغاية ماتفرج يامان
وليه يا باشا ماتبقاش مفتوحة عندنا زى الخليج؟؟!!!!
دخل المواطن عندنا اقل وهو اولى بالتخفيض
ثانيا ياباشا موضوع الزحمة ده كأن سعادتك بتبررلهم رفع السعر على المواطن......دى مشكلة مرورية وحلها يكون حل مرورى زى اى دولة او مدينة محترمة مزدحمة فى العالم ماقدرت تحل مشاكلها
لو هم مشكلتهم فعلا فى عدد السيارات يبقى يطلعوا قرار زى مدينة باريس.العربيات الملاكى التى تنتهى بارقام فردية تشتغل 3 ايام اسبوعيا بالتناوب مع 3 ايام اخرى للسيارات المنتهية بارقام زوجية(يوم كده ويوم كده) واليوم الاجازة للاجرة فقط(جميع سيارات الاجرة العامة والخاصة مسموح لها بالعمل فى كل الايام وتستثنى من التناوب بغض النظر عن رقمها)
وفى حلول تانية لمشكلة الزحمة بشكل عام الا وهى اخلاء القاهرة تماما من كل المصالح الحكومية والحيوية ونقلها لأى مدينة او ضاحية قريبة(6 اكتوبر على سبيل المثال) وذلك بالتزامن مع مد خط مترو الى هناك وتفريغ للقاهرة تماما لجعلها مقصدا سياحيا تماما مثلما فعل الاتراك والبرازيليون مع استانبول وريو دى جانيرو مما جعلهما من اهم المقاصد السياحية فى العالم
لكن انهم يعلوا السعر بالحجة دى فده حرام.....اشرقلهم واشرقلنا انهم يبعولنا العربيات بسعرها الحقيقى ويقولولنا علقوها فى النجفة بدل ما يشمطونا فيها
hazemozo
26-09-2007, 03:45 AM
أنتا عندك حق ولو الحكاية حكاية أن العدد كبير مكنوش سمحوا للسيارات الصينى الرخيصة بالنزول فى السوق و بالتالى اللى معهوش يجيب عربية غالية هيجيبها
و كمان لو هما بيزودو الجمارك قال أية علشان يشجعوا الصناعة المحلية طيب فين الصناعة المحلية دى ...؟؟؟
و الضرايب و الجمارك فعلا بتبقى 50 % من تمن العربية و ساعات بتبقى أكتر فى العربيات اللى أعلى من 1600سى سى
و بالنسبة لحكاية أن فى الخليج كل عيلة بتبقى عندهاكذا عربية لأنهم معاهم فلوس كتير مش لأن العربيات رخيصة
و بعدين لو فى مصر نزلو الجمارك و الضرايب للنص مثلا يعنى العربية اللى ب 100,000 هتبقى ب 75,000 مثلا و ده مش هيخلى كل الناس تجيب بالعربيتين تلاتة و لا حاجة بس بدل ما يشتروا عربيات صينى تعبانة أو كورى تعبانة(مش كل الكورى الرخيص بس) هيجيبوا عربيات يابانى و ألمانى نضيفة
yoofiman1
26-09-2007, 09:20 PM
أنتا عندك حق ولو الحكاية حكاية أن العدد كبير مكنوش سمحوا للسيارات الصينى الرخيصة بالنزول فى السوق و بالتالى اللى معهوش يجيب عربية غالية هيجيبها
و كمان لو هما بيزودو الجمارك قال أية علشان يشجعوا الصناعة المحلية طيب فين الصناعة المحلية دى ...؟؟؟
و الضرايب و الجمارك فعلا بتبقى 50 % من تمن العربية و ساعات بتبقى أكتر فى العربيات اللى أعلى من 1600سى سى
و بالنسبة لحكاية أن فى الخليج كل عيلة بتبقى عندهاكذا عربية لأنهم معاهم فلوس كتير مش لأن العربيات رخيصة
و بعدين لو فى مصر نزلو الجمارك و الضرايب للنص مثلا يعنى العربية اللى ب 100,000 هتبقى ب 75,000 مثلا و ده مش هيخلى كل الناس تجيب بالعربيتين تلاتة و لا حاجة بس بدل ما يشتروا عربيات صينى تعبانة أو كورى تعبانة(مش كل الكورى الرخيص بس) هيجيبوا عربيات يابانى و ألمانى نضيفة
كلامك سليم يا باشا بش ليه عليه اكتر من تعقيب:
اولا العربيات الصينى مش رخيصة يا باشا.الاسبيرانزا ال1600 سعرها 68500 وده كتير على عربية صينى محدش يعرف عنها حاجة ومش بتتصدر غير لمصر وسوريا والموديلات الصينى التانية الى ملهاش اسم برضه سعرها غالى جدا مقارنة بجودتها
ثانيابالنسبة للخليج فعلا هم فلوسهم كتير وسواء العربيات غالية او رخيصة فهم هايقدروا يشتروها بس فعلا العربيات عندهم ارخص من هنا
ثالثا يا باشا حضرتك بتقول لو نزلوا الجمارك فى مصر الشريحة بتاع المشترى مش هاتفرق قوى لأن الواحد بدل ماهايشترى فيرنا بسبعين هاتبقى الكوروللا هى الى بسبعين ومفيسش عربيات سعرها هايقل عن كده
هاقولك يا باشا فى عربيات كتير سعرها هايرخص زى الكليو والبوينتر والباراتى وموديلات الفيات الهادية(البونتو والسيينا والحاجات دى) واكتر من موديل تانى مستورد بيلعب فى السبعين هاينزل للخمسين
اضافة ان لما يبقى المستورد الى ماركته نضيفة والى متقفل فى الخارج سعره هادى,ده هايخلى الناس الى بتقفل هنا( زى هيونداى ومنصور وابو الفتوح على سبيل المثال)ده هايخليهم مجبرين على تخفيض اسعارهم والاهتمام بجودة التقفيل عشان يشدوا مع المستورد الرخيص......لكن يا باشا دى ميغة وكله بهلب من جيوبنا
DrIfT__KiNg
27-09-2007, 01:47 AM
انا مش ببرر العملية ياجماعة
انا شايف ان ده سبب من وجهة نظرى مش اكتر
والصينى منتج نزل والناس قبلته ومش معنى انه رخيص انه مش بيدفع جمارك او ضرايب
لا العربية رخيصة اساسا وده اللى مخلى سعرها قليل
وبعدين العربيات فى الخليج رخيصة طبعا
الزلمكة ال90 هنا بكام ؟؟؟
170 ألف وتزيد ماتقلش
هى فى السعودية ب 5 آلاف ريال ياجماعة
ودى العربية الى هيا مفترض اغلى عربية فى مصر
فمابالكو الغالى بتاعهم هيبقى عامل ازاى ؟؟؟
وعلى فكرة الحلول مش سهلة لمشكلة المرور دى وكان الحكومة مش عايزة تحلها ولا حاجة
احنا كلنا عندنا شغف عالى بالعربيات بس لازم برده نحط فى دماغنا امكانيات بلدنا التعبانة
وانا متأكد ان لو كل واحد فينا بقى عنده العربية اللى هو عايزها مش هتهمه المشلكة دى من بعيد ولا من قريب
yoofiman1
27-09-2007, 04:56 AM
انا مش ببرر العملية ياجماعة
انا شايف ان ده سبب من وجهة نظرى مش اكتر
والصينى منتج نزل والناس قبلته ومش معنى انه رخيص انه مش بيدفع جمارك او ضرايب
لا العربية رخيصة اساسا وده اللى مخلى سعرها قليل
وبعدين العربيات فى الخليج رخيصة طبعا
الزلمكة ال90 هنا بكام ؟؟؟
170 ألف وتزيد ماتقلش
هى فى السعودية ب 5 آلاف ريال ياجماعة
ودى العربية الى هيا مفترض اغلى عربية فى مصر
فمابالكو الغالى بتاعهم هيبقى عامل ازاى ؟؟؟
وعلى فكرة الحلول مش سهلة لمشكلة المرور دى وكان الحكومة مش عايزة تحلها ولا حاجة
احنا كلنا عندنا شغف عالى بالعربيات بس لازم برده نحط فى دماغنا امكانيات بلدنا التعبانة
وانا متأكد ان لو كل واحد فينا بقى عنده العربية اللى هو عايزها مش هتهمه المشلكة دى من بعيد ولا من قريب
اولا يا باشا اانت منور ومن حقك تقول رأيك براحتك ومن حقك علينا كمان اننا نحترم رأيك ونقدره خاصة لما يكون اسمك drift king
بس يا باشا لتانى مرة انا بعتقد ان السيارة الصينى مش رخيصة.مش كده وبس,انا كمان بعتقد ان السيارة الصينية هى اكتر سيارة فيها هامش ربح فى مصر بيتحط فى جيب التوكيل والموزع(اسألوه هو دافع فيها كام)
والعربيات فى الخليج فعلا ارخص من هنا بس يا باشا المعيار هو سعر الزيرو مش سعر المستعمل.......انا شفت فى برنامج pimp my ride واحد باعت يظبط عربية نوعها mitsubishi mirage mo. 1995
المذيع قاله انت كنت جايبها بكام؟...قاله كنت جايبها مستعملة ب 900 دولار يعنى حوالى5000 جنيه......شوف يا باشا هنا بكام ومع ذلك مانقدرش نقول ان ده المعيار.....المعيار هو سعر الزيرو
ثانيا يا باشا الحكومة مش مش عاوزة تحل.....الحكومة مش مهتمة تحل ولا يشغلها تحل لأن المواطن مش مهم......القاهرة مش اول ولا اخر مدينة مزدحمة......لكن ان الوضع يفضل بالشكل ده من اربعين سنة وبيزيد فده معناه عدم اهتمام.
اما موضوع الشغف ده فاحنا ولا حاجة جنب اى دولة تانية فعلا بيهتموا بالسيارات وعلى فكرة دول مش درجة اولى ولا حاجة زى البرازيل والمكسيك وتركيا وماليزيا وحتى السعودية ومش عاوز اقول لبنان كمان ومعظم الدول دى امكانيتها ماتختلفش عننا قوى
ويا ريت كل واحد يقدر يجيب العربية الى نفسه فيها والا ماكوناش بنتكلم فى موضوع الاسعار الغالية اساسا
وفى الاول والاخر يا باشا انت منور وعاوزينك تدينا كورس حلو كده فى الدريفتات:great:
eslam wega
16-10-2007, 08:06 AM
انا سمعت ان العربية الصينى الى بتباع بى 40 الف سعرها الحقيقى 10
yoofiman1
16-10-2007, 11:41 PM
انا سمعت ان العربية الصينى الى بتباع بى 40 الف سعرها الحقيقى 10
وانا سمعت ان العربيات الصينى مش بتتصدر غير لمصر وسوريا ومفيش دولة تانية راضية تستقبلها
انا مع المشرف قلبا وقالبا مش عارف اجيب حتى عربيه مستعمله كله متبت فى عربياته حد يصدق ال128 موديل السبعينيات والتمانييات ب18000و 20000 الف وانا اساسا معترض ادفع مبلغ زى ده فى عربيه قديمه كده رحت اشوف القسط يوقلى تدفع خمسين فى الميه والباقى تقسيط سبعه فى الميه فايده وكان لازم مفردات مرتب ب1500جنيه مع العلم ولدى كوظف حكومه اجبله منين مفردات مرتب ب1500 جنيه ياعمونا هيا نهيبه والحكومه عجباها كده الصينى عربيه حلوه شكل متانه مفيش
yoofiman1
18-10-2007, 04:54 AM
انا مع المشرف قلبا وقالبا مش عارف اجيب حتى عربيه مستعمله كله متبت فى عربياته حد يصدق ال128 موديل السبعينيات والتمانييات ب18000و 20000 الف وانا اساسا معترض ادفع مبلغ زى ده فى عربيه قديمه كده رحت اشوف القسط يوقلى تدفع خمسين فى الميه والباقى تقسيط سبعه فى الميه فايده وكان لازم مفردات مرتب ب1500جنيه مع العلم ولدى كوظف حكومه اجبله منين مفردات مرتب ب1500 جنيه ياعمونا هيا نهيبه والحكومه عجباها كده الصينى عربيه حلوه شكل متانه مفيش
لو والدك موظف حكومة يبقى شوف بنك ناصر.شروط وفايدة التقسيط فيه اقل من الشركات الخاصة
My Luv To u
19-10-2007, 09:48 AM
السلام عليكم ورحمه الله وبركاته
اولا السيارات فى مصر اغلى بكتير جدا من الدول العربية
وده بسبب الجمارك وخلافة ده بالنسبة للسيارات الجديدة والمستعملة
كمثال:الاوبل الاسترا الجديدة عندنا فى مصر ب 125.000 جنية مصرى
اما فى السعودية ب 52.000 ريال سعودى يعنى المفروض تكون فى مصر ب 77.126 يعنى سيعة وسبعون الف جنيه مصرى شايفين الفرق قد ايه؟؟؟ وعلى فكرة اكيد السعودية بتدفع جمارك برضوا على السيارات ودى اسعار السيارات فى السعودية جديدة!!!!!!
همر إتش تو - 250,000 ريال
كاديلاك CTS - بــ 136,000 ريال
كاديلاك DTS ديفل - 179,000 ريال
كاديلاك ديفيل ( Night Vision ) - بــ 208,000 ريال
كاديلاك DHS - بــ 188,000 ريال
كاديلاك إسكاليد - 195,000 ريال
شفروليه كابرس رويال - 122,000 ريال
كابرس LS "إل اس" - 84,500 ريال
كابرس LTZ "إل تي زد" - 99,000 ريال
لومينا LS "إل إس" - 63,000 ريال
لومينا LTZ "إل تي زد" - 73,500 ريال
لومينا SS "اس اس" - 85,000 ريال
ماليبو - 57,992 ريال
ابيكا - 47,500 ريال
أوبترا - 34,500 ريال
آفيو - 35,500 ريال
تريل بليزر - 83,500 ريال
تريل بليزر LTZ "إل تي زد" - 113,000 ريال
سوبربان - 114,000 ريال
يوكون - 106,500 ريال
إنفوي - 100,000 ريال
سفاري - 78,500 ريال
كراون فكتوريا LX "إل اكس" - 86,500 ريال
فوكس - 44,500 ريال
مونديو - 54,000 ريال
إكسكيرجن 4X4 - بــ 124,000 ريال
إكسبديشن - 115,500 ريال
اكسبلور - 96,000 ريال
رينجر - 40,500 ريال
لينكولن تاون كار - 155,000 ريال
لينكولن LS "ال اس" - 158,400 ريال
جراند ماركيز GS "جي اس" - 83,550 ريال
جراند ماركيز LS "ال اس" - 98,000 ريال
ماونتنير - 95,550 ريال
كرايسلر M300 - بــ 92,000 ريال
كرايسلر LHS "ال اتش اس" - 89,900 ريال
كرايسلر كونكورد - 69,000 ريال
كرايسلر سيبرنج - 67,000 ريال
كرايسلر نيون - 56,000 ريال
دارينجو - 98,000 ريال
جراند شيروكي - 132,000 ريال
جراند شيروكي - 99,000 ريال
شيروكي - 107,000 ريال
رانجلر - يدوي - 56,000 ريال
رانجلر - آلي - 69,000 ريال
رولز رويس "فانتوم" - 1,400,000 ريال
بنتلي أرناج ريد ليبل - 790,000 ريال
بنتلي أرناج ريد ليبل - سيدان طويل - 976,500 ريال
كونتيننتال آر - 1,100,000 ريال
كونتيننتال 10 - 1,209,000 ريال
أزيور - 1,150,000 ريال
فراري مودينا 360 - 517,917 ريال
فراري مودينا 360 ( فورمولا1 ) - 600,000 ريال
مارانيللو 550 - 837,000 ريال
ام جي تي 456 - 930,000 ريال
أستون مارتن دي بي 7 كوبيه - 483,600 ريال
مازاراتي 4200 سبايدر - 370,000 ريال
مازاراتي 3200 - 349,680 ريال
بورش كاريرا - 285,000 ريال
كاريرا 4 - 310,000 ريال
كاريرا ( كشف ) - 330,000 ريال
كاريرا 40 عاما ( كشف ) - 345,000 ريال
تارجا - 320,000 ريال
جي تي 2 - 700,000 ريال
توربو 911 - 457,000 ريال
بوكستر ( كشف ) - 170,000 ريال
بوكستر اس ( كشف ) - 215,000 ريال
نوكستر 50 عاما - 235,000 ريال
كايين توربو - 370,000 ريال
كايين اس - 270,000 ريال
كايين - 210,000 ريال
فولكس فاجن باسات - 86,200 ريال
بورا ( آلي ) - 68,300 ريال
بورا ( يدوي ) - 61,200 ريال
بيتل( يدوي ) - 61,300 ريال
بيتل ( آلي ) - 75,900 ريال
جولف ( يدوي ) 1.6 - 61,200 ريال
جولف ( يدوي ) 2 - 64,300 ريال
جولف ( آلي ) - 69,000 ريال
بولو - 43,500 ريال
طوارق - 153,900 ريال
أودي A8 إل - 378,000 ريال
أودي A6 - بـــ 175,000 ريال
أودي A6 اي6 - 2.4 - 115,000 ريال
اي4 - 2 - 128,000 ريال
اي4 - 2.4 - 129,500 ريال
تي تي - 148,000 ريال
فولفو اس 80 - 2.4 - 126,000 ريال
اس 80 - 2.9 - 144,000 ريال
اس 80 تي 6 - 172,000 ريال
اس 60 - 2.4 - 116,000 ريال
اس 60 - 2.3 - 140,000 ريال
اس 60 آر - 190,000 ريال
في 70 إل 1 - ( واجن ) - 101,000 ريال
في 70 إل 2 لا - ( واجن ) - 117,000 ريال
اكس سي 70 - 140,000 ريال
اكس سي 90 - 195,000 ريال
اس 40 تي - 91,000 ريال
مرسيدس اس 600 إل - 502,000 ريال
اس 500 إل - 380,000 ريال
اس 350 - 225,000 ريال
اس 350 إل - 260,000 ريال
اي 200 ك - 150,000 ريال
اي 320 - 198,000 ريال
اي 240 - 157,000 ريال
ام إل 350 - 148,000 ريال
سي إل 600 - 507,000 ريال
سي إل 500 - 415,000 ريال
سي 240 - 128,000 ريال
سي 200 ك - 116,000 ريال
اس إل 500 - 410,000 ريال
اس إل 600 - 508,000 ريال
بي ام دبليو 760 إل آي ( لون خاص ) - 525,000 ريال
760 إل آي - 475,000 ريال
745 إل آي - 399,000 ريال
735 إل آي - 325,000 ريال
730 إل آي - 260,000 ريال
545 آي - 275,000 ريال
530 آي - 205,000 ريال
330 سي آي - 205,000 ريال
330 آي اي - 186,000 ريال
318 آي اي - 118,000 ريال
زد 4 - 155,000 ريال
اكس 5 - 3 - 196,000 ريال
اكس 5 - 4.4 - 255,000 ريال
ميني كوبر - 78,000 ريال
ميني كوبر اس - 96,000 ريال
جاكوار اكس جي - 280,000 ريال
جاكوار اس تايب - 155,000 ريال
جاكور اكس تايب - 145,000 ريال
أوبل أوميجا ( يدوي ) - 61,000 ريال
أوبل أوميجا ( آلي ) - 93,000 ريال
أوبل أسترا - 52,000 ريال
أوبل فيكترا - 65,000 ريال
أوبل كورسا - 42,000 ريال
لاندروفر "رانج روفر" - 250,000 ريال
ديسكفري 4X4 - بــ 131,000 ريال
ديسكفري 2X4 - بــ 107,000 ريال
روفر ( يدوي ) - 111,000 ريال
روفر ( آلي ) - 117,000 ريال
فريلاند - 103,000 ريال
ساب 5-9 - 119,000 ريال
ساب 3-9 - 103,000 ريال
بيجو 607 - 114,146 ريال
بيجو 406 اس تي - 52,270 ريال
بيجو 406 اس في - 89,000 ريال
بيجو 307 اكس تي ( يدوي ) - 41,923 ريال
بيجو 307 اكس تي ( آلي ) - 45,476 ريال
بيجو 206 سي سي ( يدوي ) - 57,000 ريال
بيجو 206 سي سي ( آلي ) - 61,000 ريال
ستروين سي 5 - 88,000 ريال
ستروين سي 3 - 46,000 ريال
ستروين اكسار - 44,000 ريال
ستروين سي 8 ( ميني فان ) - 88,000 ريال
سكودا سوبيرب - 84,000 ريال ( يدوي + آلي ) 2.8
سوبيرب - 68,000 ريال ( يدوي + آلي ) 2
أوكتافيا (ديزل) - 53,000 ريال
فابيا - 29,000 ريال
فيليشيا حوض ( بيك أب ) - 23,500 ريال
سيات توليدو ( آلي ) - 55,500 ريال
توليدو ( يدوي ) - 51,900 ريال
كوردوبا - 35,000 ريال
رينو لاجونا - 59,000 ريال
رينو كليو - 37,900 ريال
رينو فيل ساتس - 12,600 ريال
لكزس ال اس 430 - 254,000 ريال
لكزس جي اس 300 - 148,000 ريال
لكزس اي اس 300 - 124,500 ريال
لكزس اس سي 430 - 244,000 ريال
لكزس آر اكس 330 - 135,000 ريال
لكزس ال اكس 470 - 244,000 ريال
تويوتا كامري جراندي - 72,000 ريال
كامري جي ال آي ( يدوي ) - 64,000 ريال
كامري اكس ال آي - 58,000 ريال
كورولا اكس ال آي - 44,000 ريال
كورولا اكس ال آي - 50,000 ريال - 1.8
إيكو - 34,000 ريال
لاندكروزر جي اكس آر جي - 145,000 ريال
لاندكروزر في اكس آر 2 - 156,000 ريال
لاندكروزر جي اكس آر 1 - 123,000 ريال
برادو جي اكس - 82,900 ريال
راف 4 - 75,000 ريال
نيسان انفينتي كيو 45 - 199,500 ريال
نيسان 350 زد - 145,000 ريال
نيسان ماكسيما جي في 3 - 93,158 ريال
نيسان ماكسيما جي في 2 - 79,685 ريال
نيسان ماكسيما جي في 1 - 70,185 ريال
نيسان صني سوبر صالون - 53,125 ريال
نيسان صني اف اي - 40,125 ريال
نيسان باترول ( سفاري ) - 123,300 ريال
نيسان باترول - 86,800 ريال
نيسان باثفايندر اس اي تي 2 - 98,435 ريال
نيسان باثفايندر اس اي تي آي - 85,685 ريال
نيسان باثفايندر اكس اي - 79,185 ريال
نيسان اكس تريل تي 3 - 908,000 ريال
هوندا ليجند - 112,000 ريال
أكورد في تي آي إل - 62,950 ريال
في تي آي إل ( آلي ) - 67,000 ريال
سيفيك ال اكس آي ( آلي ) - 45,000 ريال
سيفيك ال اكس آي ( يدوي ) - 42,500 ريال
سيتي ( آلي ) - 39,000 ريال
سيتي ( يدوي ) - 36,500 ريال
أوديسي - 98,500 ريال
ام آر في - 104,000 ريال
ستريم ( فان ) - 66,000 ريال
سي آر في ( آلي ) - 75,000 ريال
سي آر في ( يدوي ) - 72,000 ريال
اتش أر في ( آلي ) - 56,450 ريال
اتش آر في ( يدوي ) - 53,950 ريال
مازدا اس 6 ( آلي ) - 55,050 ريال
مازدا اس 6 ( يدوي ) - 52,050 ريال
مازدا آر 6 ( آلي ) - 74,550 ريال
مازدا آر 6 ( يدوي ) - 66,550 ريال
مازدا ال أكس323 - 34,550 ريال
مازدا جي ال اكس323 - 36,550 ريال
مازدا ام بي في ( فان ) - 83,550 ريال
ميتسوبيشي ماجنا - 58,000 ريال
جالنت- 50,000 ريال
لانسر اي ال - 40,500 ريال
سبيس واجن - 68,000 ريال
سوبارو ليجاسي جي اكس - 69,612 ريال
سوبارو إمبريزا - 55,000 ريال
سوبارو أوت باك ( واجن ) - 76,000 ريال
سوبارو فورستر - 68,380 ريال
ايسوزو تروبو ( آلي ) - 92,000 ريال
ايسوزو تروبو ( يدوي ) - 88,000 ريال
هيونداي سنتنيال - 135,000 ريال
جرانديور اكس جي - 85,065 ريال
سوناتا جي ال - 59,000 ريال
سوناتا جي ال ( يدوي ) - 47,000 ريال
ألنترا جي ال ( يدوي ) - 36,000 ريال
ألنترا جي ال ( آلي ) - 39,400 ريال
أكسنت - 28,990 ريال
سانتافي جي ال اس - 63,000 ريال
سانتافي جي ال - 53,700 ريال
تيراكان - 71,500 ريال
تيراكان ( آلي ) - 89,200 ريال
تراجيه - فان ( آلي ) - 65,900 ريال
تراجيه - فان ( يدوي ) - 60,000 ريال
كوبيه ( يدوي ) - 60,700 ريال
كوبيه ( آلي ) - 65,000 ريال
كيا أوبيروس آر اس - 68,050 ريال
كيا أوبيروس ال اس- 77,550 ريال
كيا أوبتيما - 45,550 ريال
كيا أوبتيما ( يدوي ) - 42,550 ريال
كيا كارينز ( فان ) - 35,500 ريال
كيا ريو - 27,800 ريال
كيا كرنفال ( آلي ) - 65,450 ريال
كيا كرنفال ( يدوي ) - 60,450 ريال
وده موقع لاسعار العملة وبيحسب الفرق بين العملات www.xe.com
واسف للاطالة
yoofiman1
19-10-2007, 10:10 PM
متشكرين يا my love to u
بس والله ده حرام
انا هاكلمك فى الحاجات الحنينة
الافيو فى السعودية بما يعادل 52 الف جنيه مصرى وتقفيل كورى.هنا فى مصر التقفيل المصرى بسبعين الف والكورى ب74 الف
رينو كليو بما يعادل 55500 جنيه مصرى وفى مصر بتتباع بحولى 73 الف جنيه
امال على كده الهيونداى بتتباع هناك بكام
حسبى الله ونعم الوكيل
elkomanda2
20-10-2007, 03:30 AM
اصل احنا عندنا فى مصر العمليه سايبه شويه محدش بيقول لحد انته بتعمل ايه يعنى مثلا الموتسكل الصينى اللى قالوا ان الصين بتبيعوا لمصر بما يعادل 700 جنيه مصر بتبيعه بكام اقل حاجه خالص 2500 جنيه لحد6 الف جنيه فما بالكم العربيات
ashraf harby
20-10-2007, 04:58 PM
قولوا اللهم ارزقنا صلاح الدين :whip:
احنا لو بجد ربنا رزقنا صلاح الدين حتلاقوا الحياة حلوة اوى يا جماعة
ودعوا الخلق للخالق والملك للمالك والله المستعان واحنا علشان تبقوا عارفين شعب مغلوب على امره:15:
eslam wega
21-10-2007, 04:11 PM
اذا فهمت الدنيا فانت فيلسوف... واذا كشفت عن خباياها فأنت عالم... واذا اضفت اليها جديدا فأنت مثل اعلي للكثيرين من الناس
عجبنى قوى التوقيع دة
المتقوقع
22-10-2007, 02:15 AM
المشكلة كمان اللي أنا ملاحظها إنه رغم الغلاء الفاحش لأسعار الزيرو ، إلا إننا احنا المصريين برضة بنشتري ، إنزل كده شوارع القاهرة ودور بإبرة على عربية 128 أو عربية لادا أو 124 أو غيرها من العربيات القديمة مش ها تلاقي ، الشعب المصري رغم حالة الفقر اللي هو فيها ممكن يدفع مائة ألف أو أكثر في عربية توديه وتجيبه ويتمنظر بيها ، العربية كانت زمان للضروريات و للبعد عن بهدلة المواصلات النهارده الغربية للمنظرة والفشخرة الكدابة ، وده السر اللي مخلي عربية زي اللانسر 2008 يبقى سعرها بالهبل ده ، وبرضه الناس بتشتري ..
yoofiman1
23-10-2007, 09:00 PM
قولوا اللهم ارزقنا صلاح الدين :whip:
احنا لو بجد ربنا رزقنا صلاح الدين حتلاقوا الحياة حلوة اوى يا جماعة
ودعوا الخلق للخالق والملك للمالك والله المستعان واحنا علشان تبقوا عارفين شعب مغلوب على امره:15:
انا برضه بحب صلاح الدين وربنا يرزقنا واحد زيه يوحد كلمة المسلمين ويحرر القدس ويرسى العدل بين الناس.....لكن:
ايه علاقة صلاح الدين بزيادة سعر العربيات فى مصر؟
yoofiman1
23-10-2007, 09:16 PM
المشكلة كمان اللي أنا ملاحظها إنه رغم الغلاء الفاحش لأسعار الزيرو ، إلا إننا احنا المصريين برضة بنشتري ، إنزل كده شوارع القاهرة ودور بإبرة على عربية 128 أو عربية لادا أو 124 أو غيرها من العربيات القديمة مش ها تلاقي ، الشعب المصري رغم حالة الفقر اللي هو فيها ممكن يدفع مائة ألف أو أكثر في عربية توديه وتجيبه ويتمنظر بيها ، العربية كانت زمان للضروريات و للبعد عن بهدلة المواصلات النهارده الغربية للمنظرة والفشخرة الكدابة ، وده السر اللي مخلي عربية زي اللانسر 2008 يبقى سعرها بالهبل ده ، وبرضه الناس بتشتري ..
العربيات القديمة يا باشا مشكالها انها بتصرف فى تصليحها اكتر من الصرف على الجديد واعطالها كتيرة ومش بتقضى مصلحة
كمان الواحد لما بيسوق عربية ناعمة ومريحة وسريعة وشكلها حلو.....ده بيديله شىء من الاكتفاء النفسى وبيكون مبسوط وبيشتغل بشكل احسن
لكن انا معاك 100% ان الموضوع دخل فيه منظرة وفشخرة كدابة
بس عارف يا باشا ده مش غريب
فى من الفقهاء الى فسر الاية الى بتقول(زين للناس حب الشهوات من النساء....)الى قوله(والخيل المسومة).....من الفقهاء من فسر الخيل المسومة فى عصرنا هذا بالسيارات وافتتان البشر بها والحرص على اقتنائها والتباهى بها
اذن حب السيارات والاهتمام بها هو غريزة مفهومة قبل اى شىء
انما ان يتحول الامر الى سرقة وتلاعب باموال ونفسيات محدودى الدخل وغير محدودى الدخل وعدم توفير البديل الادمى فى التنقل والناس برضه ساكته.....ده فعلا هو الهبل
lil-DeMoN
24-10-2007, 12:26 AM
يا عم انا نفسي اشتري عربية من زمااااااااااااان بس زي ما بتقولو كدة سعر العربيات في مصر عالي اوي اوي وتقريبا في اتفاقية الجاد هتنزل بس هما قبل الاتفاقية بيعلو الاسعار عشان اما الاتفاقية تتعمل تنزل لسعرها الاساسي اللي كانت عليه قبل رفع السعر والله اعلم....
yoofiman1
24-10-2007, 11:57 AM
يا عم انا نفسي اشتري عربية من زمااااااااااااان بس زي ما بتقولو كدة سعر العربيات في مصر عالي اوي اوي وتقريبا في اتفاقية الجاد هتنزل بس هما قبل الاتفاقية بيعلو الاسعار عشان اما الاتفاقية تتعمل تنزل لسعرها الاساسي اللي كانت عليه قبل رفع السعر والله اعلم....
جات ايه يا عم.......انت بتصدق الكلام ده.....دى جات ومشت
والله بيشتغلونا يا باشا
saifooon
27-11-2007, 04:18 AM
لا الجات حقيقيه على ما اعتقد بس هما حايزودوا سعر الضريبه و البنزين
و حاورينى يا كيكا
اما موضوع االسعار العاليه احنا ما ننساش ان مستوردين و مصنعين السيارات
ناس تقيله جدا سياسيا كمان ف حايفضلو ياجلوا فى الجات حتى اخر نفس و كمان عمرهم ما حايقولوا حا يتطبق امتى و الا انت لو عرفت ان الاسعار مثلا حا تنزل 2009 حا ترضى تشترع النهارده و تقسط على 5 سنين ؟
صح ولا ايه
و متنساش ان الحكومه كمان بيطلعلها لقمه حلوه فى الجمارك مش راضيه تفرط فيها
و حسبى الله و نعم الوكيل على اللى بياخد 10 و 15 و 20 فى الميه ضرايب من المحلات و 10ف الميه ضريبة مبيعات و هو شخصيا بيكسب 100 ف الميه فى الجمرك و هو ما عملش حاجه
دى الشركه نفسها اللى بتصنع العربيه ما بتكسبش 100 ف الميه
لا و ايه بعد كل دة ال ايه ما فيش فلوس للمرور و توسيع وكباري والذى منه
ياشيخ قول كلام غيرده
دى الفلوس اللى داخله البلد ع العربيات من جمارك و تامين اجبارى و جمارك قطع الغيار و ضريبه و الفلوس اللى بتدفعها سعادتك كل ما تجدد ولا تفحص ولا حتى تكسر اشاره ولا تتكلبش ولا ولا ولا ....
و يبقى مافيش فلوس للطرق ولا للمرور
دى الفلوس دى تكفى يعملو شبكه طرق فوق و تحت كل شارع ف البلد و كمان مترو انفاق فى اسكندريه الغلبانه اللى مافيهاش غير كوبرى استانلى يا حسره
اسف طولت بس انا دمى محروق حبتين و قولت افضفض معاكو
فيه مشكله ولا حاجه ؟
medo_beso_gp
28-11-2007, 09:19 PM
متشكرين يا my love to u
بس والله ده حرام
انا هاكلمك فى الحاجات الحنينة
الافيو فى السعودية بما يعادل 52 الف جنيه مصرى وتقفيل كورى.هنا فى مصر التقفيل المصرى بسبعين الف والكورى ب74 الف
رينو كليو بما يعادل 55500 جنيه مصرى وفى مصر بتتباع بحولى 73 الف جنيه
امال على كده الهيونداى بتتباع هناك بكام
حسبى الله ونعم الوكيل
__________________
الفيرنا بالكويت ثمنها حوالى 2800 دينار و طبعا شوف الفرق بين هنا و هناك ز
AhmedIG
28-11-2007, 11:04 PM
ولسه هنتنفخ كمان وكمان .... وابقى سلملى عالمترو هههههه
yoofiman1
30-11-2007, 03:07 AM
لا الجات حقيقيه على ما اعتقد بس هما حايزودوا سعر الضريبه و البنزين
و حاورينى يا كيكا
اما موضوع االسعار العاليه احنا ما ننساش ان مستوردين و مصنعين السيارات
ناس تقيله جدا سياسيا كمان ف حايفضلو ياجلوا فى الجات حتى اخر نفس و كمان عمرهم ما حايقولوا حا يتطبق امتى و الا انت لو عرفت ان الاسعار مثلا حا تنزل 2009 حا ترضى تشترع النهارده و تقسط على 5 سنين ؟
صح ولا ايه
و متنساش ان الحكومه كمان بيطلعلها لقمه حلوه فى الجمارك مش راضيه تفرط فيها
و حسبى الله و نعم الوكيل على اللى بياخد 10 و 15 و 20 فى الميه ضرايب من المحلات و 10ف الميه ضريبة مبيعات و هو شخصيا بيكسب 100 ف الميه فى الجمرك و هو ما عملش حاجه
دى الشركه نفسها اللى بتصنع العربيه ما بتكسبش 100 ف الميه
لا و ايه بعد كل دة ال ايه ما فيش فلوس للمرور و توسيع وكباري والذى منه
ياشيخ قول كلام غيرده
دى الفلوس اللى داخله البلد ع العربيات من جمارك و تامين اجبارى و جمارك قطع الغيار و ضريبه و الفلوس اللى بتدفعها سعادتك كل ما تجدد ولا تفحص ولا حتى تكسر اشاره ولا تتكلبش ولا ولا ولا ....
و يبقى مافيش فلوس للطرق ولا للمرور
دى الفلوس دى تكفى يعملو شبكه طرق فوق و تحت كل شارع ف البلد و كمان مترو انفاق فى اسكندريه الغلبانه اللى مافيهاش غير كوبرى استانلى يا حسره
اسف طولت بس انا دمى محروق حبتين و قولت افضفض معاكو
فيه مشكله ولا حاجه ؟
وكله كوم والمطبات والشوارع الى مش مرصوفة عدل كوم تانى
saifooon
02-12-2007, 03:16 AM
بصراحه...............
مش عارف اقول ايه
حسبى الله ونعم الوكيل
yoofiman1
02-12-2007, 07:09 PM
بصراحه...............
مش عارف اقول ايه
حسبى الله ونعم الوكيل
لولا انك اتحسبنت كنت قلتلك:
قول حاحا
فعلا حسبى الله ونعم الوكيل
saifooon
03-12-2007, 01:54 AM
طيب حسبنا الله و نعم الوكيل
حاحا حاحا حاحا حاحا حاحا
yoofiman1
03-12-2007, 05:21 PM
طيب حسبنا الله و نعم الوكيل
حاحا حاحا حاحا حاحا حاحا
عيش يا باشا.......عيش وسيبنى اعيش
The Saboteur
07-12-2007, 01:17 AM
جات ايه يا عم.......انت بتصدق الكلام ده.....دى جات ومشت
والله بيشتغلونا يا باشا
علي فكرة إتفاقية الجات إتلغت سنة 1995 و مالهاش وجود حاليا و حلت مكانها إتفاقيات منظمة التجارة العالمية
وشكرا لصاحب الموضوع علي المناقشة الثرية
yoofiman1
07-12-2007, 02:18 AM
علي فكرة إتفاقية الجات إتلغت سنة 1995 و مالهاش وجود حاليا و حلت مكانها إتفاقيات منظمة التجارة العالمية
وشكرا لصاحب الموضوع علي المناقشة الثرية
كلك ذوق يا باشا وكلها مسميات
eslam wega
08-12-2007, 12:27 AM
يعنى مفيش امل ان العربيات ترخص
saifooon
08-12-2007, 01:25 AM
يا باشا اللى غلى غلى و عمره مابيرخص
البنى ادم بس هو اللى بيرخص
اما العربيات فأظن ان دى اخر حاجه حاترخص
ألا أذا.........!!!!
yoofiman1
08-12-2007, 05:09 PM
يا باشا اللى غلى غلى و عمره مابيرخص
البنى ادم بس هو اللى بيرخص
اما العربيات فأظن ان دى اخر حاجه حاترخص
ألا أذا.........!!!!
أن أن أاااان.........
الا اذا ايه يا باشا؟؟؟؟؟؟
saifooon
10-12-2007, 10:09 PM
أن أن أاااان.........
الا اذا ايه يا باشا؟؟؟؟؟؟
ايه يا عم يوفى مان
انت أعدلى ع السأطه والائطه ؟؟؟؟؟
مانت عارف الا إذا ايه يا ريس ؟
ولا ايه ............!!!!
ياريت اتشرف بمعرفتك اكتر يا يوفى
ALFERKHANSIO
10-12-2007, 11:32 PM
يقال ان عدد السيارات الحديثة في مصر كان 25الف عام 2002 ...وفي عام 2007 وصل ل 67الف لحد شهر اغسطس بس....يبقى ما يغلوش ليه
بس ليا سؤال للاخ اللى كاتب اسعا ر السيارات فى السعودية...ازاي الافيو اغلى من الاوبترا؟؟
AhmedIG
11-12-2007, 01:55 AM
المشكلة العربيات بتغلى وتلاقى الناس بتشترى ... متعرفش المصريين دول بيجيبوا فلوس منين ... والله مصر الجديدة كلها مليانة دايو/فيرنا/تويوتا/بى أم/شيفروليه/هيونداى .... واللادا وال 127 والكلام الفارغ دة انقرض يا معلم ...
عربيات بتغلى ازاى والناس معاها فلوس اساسا وبتشترى !!
yoofiman1
12-12-2007, 02:44 AM
ايه يا عم يوفى مان
انت أعدلى ع السأطه والائطه ؟؟؟؟؟
مانت عارف الا إذا ايه يا ريس ؟
ولا ايه ............!!!!
ياريت اتشرف بمعرفتك اكتر يا يوفى
الا اذا......ويا ريس.......انت عاوز تقول ايه يا saifooon ......انا بدأت اقلق منك ووقت الجد هاقول ما اعرفوش يا باشا
yoofiman1
12-12-2007, 02:48 AM
بس ليا سؤال للاخ اللى كاتب اسعا ر السيارات فى السعودية...ازاي الافيو اغلى من الاوبترا؟؟
فعلا النقطة دى مش منطقية واكيد خطأ كتابة
yoofiman1
12-12-2007, 03:06 AM
المشكلة العربيات بتغلى وتلاقى الناس بتشترى ... متعرفش المصريين دول بيجيبوا فلوس منين ... والله مصر الجديدة كلها مليانة دايو/فيرنا/تويوتا/بى أم/شيفروليه/هيونداى .... واللادا وال 127 والكلام الفارغ دة انقرض يا معلم ...
عربيات بتغلى ازاى والناس معاها فلوس اساسا وبتشترى !!
اولا مش مصر الجديدة بس الى كده.......مصر كلها بقت كده.
والناس بتشترى ليه......
علشان يا باشا اولا الشكل الاستهلاكى والنزعة للمظهرية الى انتابت الشارع المصرى
وعشان مفيش وسائل موصلات تحترم ادميتك
وعشان التعامل مع الصنايعية فى حد ذاته جحيم يستحق الهروب عته
وعشان البلد فرشت والقاهرة توحشت فماعدش ينفع تروح اى حتة بمواصلة واحدة
وعشان الف حاجة تانية.......
على فكرة معدل بيع العربيات مش حاجة وحشة
بس المفروض يكون مصاحب بتعديلات مرورية وطرق نضيفة واهتمام اكتر بالمواصلات العامة وكمان تشجيع صناعة مكونات السيارات الاولية عشان نرفع مستوى صناعة السيارات بدل السيارات الى مش عارفين نقفلها كويس
وحاجات تانية كتير.......المشكلة مش فى ان الناس بتشترى او ان السعر غالى.....المشكلة ان السعر اغلى من اى حتة تانية بما فيها بلد التصنيع الاصلية.......فيه هامش ربح رهيب وهامش تانى رهيب برضه احنا مش عارفين بيروح لجيب مييين؟
saifooon
12-12-2007, 10:09 PM
:46: :46: :46:الا اذا......ويا ريس.......انت عاوز تقول ايه يا saifooon ......انا بدأت اقلق منك ووقت الجد هاقول ما اعرفوش يا باشا
لا ارجوك يا يوفى
اوعى تفهمنى صح
saifooon
12-12-2007, 10:19 PM
اولا مش مصر الجديدة بس الى كده.......مصر كلها بقت كده.
والناس بتشترى ليه......
علشان يا باشا اولا الشكل الاستهلاكى والنزعة للمظهرية الى انتابت الشارع المصرى
وعشان مفيش وسائل موصلات تحترم ادميتك
وعشان التعامل مع الصنايعية فى حد ذاته جحيم يستحق الهروب عته
وعشان البلد فرشت والقاهرة توحشت فماعدش ينفع تروح اى حتة بمواصلة واحدة
وعشان الف حاجة تانية.......
على فكرة معدل بيع العربيات مش حاجة وحشة
بس المفروض يكون مصاحب بتعديلات مرورية وطرق نضيفة واهتمام اكتر بالمواصلات العامة وكمان تشجيع صناعة مكونات السيارات الاولية عشان نرفع مستوى صناعة السيارات بدل السيارات الى مش عارفين نقفلها كويس
وحاجات تانية كتير.......المشكلة مش فى ان الناس بتشترى او ان السعر غالى.....المشكلة ان السعر اغلى من اى حتة تانية بما فيها بلد التصنيع الاصلية.......فيه هامش ربح رهيب وهامش تانى رهيب برضه احنا مش عارفين بيروح لجيب مييين؟
انا متفق معا يا زعيم
يا جدعان
اناس معاها فلوس او معهاش ده مش مبرر علشان العربيات تغلى
ولا بقى كانت الفيرنا فى دبى تبقى ب مليون درهم بقى
م الناس معاها فلوس بقى
لا
دى مش طريقه صح
انتو بتبصو للى راكب فيرنا ولا لانوس
طب ماتشوفوا اللى عنده 2 مرسيدس و واحدة بى ام و واحده فور باى فور
yoofiman1
14-12-2007, 08:08 PM
يا جدعان
اناس معاها فلوس او معهاش ده مش مبرر علشان العربيات تغلى
ولا بقى كانت الفيرنا فى دبى تبقى ب مليون درهم بقى
م الناس معاها فلوس بقى
النقطة دى منطقية جدا على فكرة
saifooon
15-12-2007, 03:05 PM
ماتقولهم حاجه يا أخ يوفى
الناس برضه شريك فى مهزلة الاسعار دى
يعنى لما تلاقى الناس رايحه تشترى الشاهين الجديده بحاجه و ستين
و كلنا عارفين انها وحشه
طب م لازم يغلوها ماهى عليها اقبال
لازم نعرف ننقى العربيات الاول
و بعدين اللى بيشترى الشاهين ما بيشتريش فيرنا ليه
ما كلهم كام الف ويجيبها
بص
احنا سبب كبير فى مهزلة الاسعار دى
الناس بتشترى وخلاص حتى لو صينى وكلنا عارفين ان العربيه الصينى مش حاتععيش خالص
يا راجل ده الخلاط الصينى الناس مش بتشتريه
يقولك انا ازود واجيب حاجه مولينكس احسن
و تلاقى نفس الراجل من دول يروح يشترى عربيه صينى
انا ما باقولش مانشتريهاش
بس نشتريها لما يكون سعرها حقيقى
مش ب 65000
اسف للاطاله
yoofiman1
15-12-2007, 05:43 PM
يعنى لما تلاقى الناس رايحه تشترى الشاهين الجديده بحاجه و ستين
و كلنا عارفين انها وحشه
طب م لازم يغلوها ماهى عليها اقبال
الشاهين عليها اقبال من بتوع التاكسى ولولاهم ما كانتش باعت زيرو النهارده......وده برضه قمة الاستغلال لأن صاحب التاكسى اولى بالسعر القليل لأنه بياكل عيش
لازم نعرف ننقى العربيات الاول
و بعدين اللى بيشترى الشاهين ما بيشتريش فيرنا ليه
ما كلهم كام الف ويجيبها
عشان الشاهين قطع غيارها ارخص يكتيير واى ميكانيكى يلعب فيها وكمان عالية عن الارض وبتستحمل المرمطة عن الفيرنا......بس ارجع واقولك نادر قوى لما حد يجيبها زيرو ملاكى النهارده......هى شغالة تاكسى نااار خاصة فى الاقاليم
بص
احنا سبب كبير فى مهزلة الاسعار دى
الناس بتشترى وخلاص حتى لو صينى وكلنا عارفين ان العربيه الصينى مش حاتععيش خالص
يا راجل ده الخلاط الصينى الناس مش بتشتريه
يقولك انا ازود واجيب حاجه مولينكس احسن
و تلاقى نفس الراجل من دول يروح يشترى عربيه صينى
انا ما باقولش مانشتريهاش
بس نشتريها لما يكون سعرها حقيقى
مش ب 65000
اسف للاطاله
انا معاك 100%
بس الناس هاتعمل ايه.....هو فى حاجة عدلة ب 65000.....يعنى هو الى جاب الفيرنا بدل الاسبيرانزا ما راحش بعيد قوى يعنى......ولو حب يجيب عربية رخيصة بنت ناس زى الكليو او البوينتر برضه هايتبهدل فى قطع الغيار ومش هاتديله نفس الدلع والمنجهة بتاع العربيات الاسيوى
لكن انا متفق جدا فى ان لازم يكون للناس وقفة مع الحيتان دول بس مش عارف ازاى؟
انا واحد من الناس ظروفى النهارده ماتسمحليش انى اركب غير العربيات الكورى....صدقنى لو معايا هاجيب لانسر....بس هاتعمل ايه؟.......الواحد بيفضل انه يتسرق احسن من قلة الادب بتاع الصنايعية وامتهان المواصلات
saifooon
16-12-2007, 02:27 AM
ماينفعش تقاوم الحيتان سمكه لوحدها
لازم السمك كله يبقى مجموعه
بالعربى كده اللى عايز يشترى عربيه يشترى عربيه تمنها فيها
مايشتريش حاجه مبالغ ف سعرها
طب ماهو كل العربيات تمنها اغلى من قيميتها نعمل ايه ؟
نختار السعر المظبوط اكتر
يعنى مثلا .....
الانسر و الكورولا......,انا باتكلم على موديلات 2007
تلاقى الفرق مش كبير اوى بينهم
بس الفرق ف السعر اوعى وشك
وتلاقى اقبال كبير ع الكورولا لحد ما سعرها بقى عالى اوى
طالما الزبون بيشترى اضرب ف السعر هو ده منطق التوكيلات
هى مشكله معقده اوى بس لازم الموضوع يجي بالتوعيه
زى ماحنا بنعمل
بس المعلم حوده بتاع الفراخ نازل يشترى كورولا بكره نعمله ايه ؟
و خصوصا انه عمره ما سمع عن حاجه اسمها نت ولا منتديات ولا صوطنا حايوصله اصلا
مش عارف....
مش عارف.......
باينها كده مالهاش حل ولا ايه ؟؟؟؟؟
ما حد يؤلى حاجه ؟
هو مفيش فايده فا نسكت احسن
ولا فيه امل!!!!
حد يرد عليااااااااااااااااااااااااااااااااااا
saifooon
16-12-2007, 02:35 AM
الشاهين عليها اقبال من بتوع التاكسى ولولاهم ما كانتش باعت زيرو النهارده......
مش عارف بس هى منتشره اوى فى اسكندريه
عشان الشاهين قطع غيارها ارخص يكتيير واى ميكانيكى يلعب فيها
رخيصه بس بتقعد وقت قصير جدا
انا معاك 100%
بس الناس هاتعمل ايه.....هو فى حاجة عدلة ب 65000.....يعنى هو الى جاب الفيرنا بدل الاسبيرانزا ما راحش بعيد قوى يعنى......ولو حب يجيب عربية رخيصة بنت ناس زى الكليو او البوينتر برضه هايتبهدل فى قطع الغيار ومش هاتديله نفس الدلع والمنجهة بتاع العربيات الاسيوى
ماهو الدلع و المنجهه دول ف اللاول
و بعد سنتين حاتلاقى كل واحد منهم بيغنى لعربيته يا طبطب و دلع
و كل اللى عايز يروح يشترى صينى يتفضل بس شوف الكام صوره دول الاول
http://www.adac.de/images/slide02_XXL_tcm8-186668.jpg
http://www.omniauto.it/awpImages/photogallery/2005/4011/photos/crash_test_landwind_25810.jpg
http://quanteruote.libero.it/media/cinaMatiz.jpg
ولو عايزين فيديو كمان قولوا
saifooon
16-12-2007, 02:51 AM
ياله من غير ماتقولوا
فيديو الصينى اهو
قبل ما يعقل يا جدعان
قصدى
قبل مايشترى يا جدعان
http://www.automotoportal.com/article/chinese-cars-crash-tests-videosو اسف على الصور اللى مش شغاله
شيل اول http:// من العنوان حايشتغلوا على طول
بس قولولى ايه رأيكوا ف الصينى دلوقتى ؟
saifooon
16-12-2007, 03:16 AM
طب شوفتوا فى اوروبا و الدول المتقدمه رفضوا العربيات الصينى ليه؟
من فضلك شوف الفيديو للنهايه
http://www.youtube.com/watch?v=DZWy_fASSiQ
ودى عينه 4WD باعتينها اوروبا
يعنى مستنضفين عربيه ف الصين و بعتوها
امال اللى بينزلنا يبقى اييييه
yoofiman1
16-12-2007, 12:51 PM
الانسر و الكورولا......,انا باتكلم على موديلات 2007
تلاقى الفرق مش كبير اوى بينهم
بس الفرق ف السعر اوعى وشك
وتلاقى اقبال كبير ع الكورولا لحد ما سعرها بقى عالى اوى
طالما الزبون بيشترى اضرب ف السعر هو ده منطق التوكيلات
هو ده منطق واطى جدا لكنه للاسف منطق عالمى
الكوروللا الاقبال عليها اكتر من اللانسر لأن بريستيجها اعلى واسمها فى السوق العالمى اشهر ويكفى انها السيارة الاكثر مبيعا حول العالم فى كل العصور
سيارة عائلية وعالية عن الارض ....زمان لما كان واحد يحب يرسم نفسه كان بيجيب مرسيدس.....النهارده اى حد عاوز يتنطط بيجيب كوروللا (كام واحد النهارده يقدر على المرسيدس وكام واحد من دول بقى اسم المرسيدس يشده بعد السوق مافتح والناس عرفت ان فى حاجات غالية كتير لا تقل عن المرسيدس)
انا بفضل اللانسر جدا جدا ومش مقتنع بالكوروللا خالص خاصة من اول سنة 2000
لان اللانسر شبابية وعربية سرعة من الطراز الاول لكن شريحة الشباب الى معاهم فلوس وبيجيبوا عربيات اقل مت شريحة الى بيجيبوا عربيات للاسرة والمدينة او عشان يترسموا
ماينفعش تقاوم الحيتان سمكه لوحدها
لازم السمك كله يبقى مجموعه
بالعربى كده اللى عايز يشترى عربيه يشترى عربيه تمنها فيها
مايشتريش حاجه مبالغ ف سعرها
طب ماهو كل العربيات تمنها اغلى من قيميتها نعمل ايه ؟
مش عارف....
مش عارف.......
باينها كده مالهاش حل ولا ايه ؟؟؟؟؟
ما حد يؤلى حاجه ؟
هو مفيش فايده فا نسكت احسن
ولا فيه امل!!!!
حد يرد عليااااااااااااااااااااااااااااااااااا
الكلام فى حد ذاته اول الحل.....يعنى الوعى......الواحد بصراحة فى منتدى السيارات هنا اتعلم حاجات كتيرة ماكانش هايعرفها من نفسه
مع الوقت السوق هايفتح اكتر واكتر والموديلات هاتكتر
بصراحة انا لا اتوقع ان التوكيل هايبقى طيب
لكن بتوقع مع زيادة فى الضوابط على التوكيلات والموزعين اضافة الى ان مستوى الدخل فى مصر هايزيد(مصحوب بنسبة اكتر من الشعب هايموت من الجوع اساسا)....اتصور ان المشكلة دى هاتنتهى قريب......بس مش هاتنتهى لان الدنيا بقت جميلة....هاتنتهى عشان هايبقى عندنا بلاوى اكتر وحاجات تانية مهمة اغلى بكتيير من العرييات......هانركز فى البلاوى دى ونسيب نفسنا نتسرق فى العربيات واحنا بنقول ماجاتش على دى
لكن اكيد طول ما الناس عندها رغبة فى الحل....اكيد فى خير
saifooon
16-12-2007, 08:41 PM
:53:مافيش غير ده
dr mad
17-12-2007, 07:51 PM
وانا سمعت ان العربيات الصينى مش بتتصدر غير لمصر وسوريا ومفيش دولة تانية راضية تستقبلها
يا راجل حرام عليك الصينى بتتصدر لكل الدول
عندك تركيا وايران من اكبر المستهلكين
واكيد كل دول المغرب العربى لانها دول فقيرة جدا والجمارك هناك زى مصر و يمكن اكثر والسودان..
وتقريبا اوربا الشرقية كلها
--- الكلام ده من تقرير اتحاد الغرف التجارية الصينية 2007-
Challenger4ever
17-12-2007, 08:15 PM
بسم الله الرحمن الرحيم
السلام عليكم ورحمة الله وبركاته
بداية احب اشكر (yoofiman1) على الموضوع الجامد ده بجد
أنا قريته من أوله لأخره
طبعا في جهل ونصب وكوسة في سوق السيارات في مصر
- جهل من الناس
- نصب من الوكلاء والتجار والموزعين
- كوسة في الجمارك والمصالح الحكومية
من حيث الجهل أكيد في جهل من الناس تخلي اللي راكب هيونداي كوبيه مثلا كانه راكب لامبورجيني وللا فيراري،
تخلي الواحد يقعد يحوش طول عمره عشان في الاخر يروح يجيب عربية صني وللا ماتريكس وللا لانسر
تخلي ال 128 اللي مش موجودة غير عندنا تتباع ب 22 الف
ياراجل ده احنا كنا شاريين في السعودية عربية نيسان (200ال) موديل 82 ب 6 الاف ريال وبايعينها ب 4 الاف بعد 6 سنين شغل طحن وكانت 6 سلندر وباور وكهربا في وقت ماكانتش الحاجات دي نزلت مصر من أساسه،
ولسه شايف اعلان في الوسيط عن عربية كامري موديل 2007 ب 72 الف ريال
من حيث النصب بقى فكله بينصب عالمشتري فتلاقي اسعار غريبة لعربيات برة ب 60 الف مثلا تلاقيها هنا ب 90 و100 الف
والكوسة طبعا معروفة من أول الجمارك لحد الترخيص زي العربية البرادو ال 4x4 اللي كانت بتترخص اتوبيس خاص والغريبة انك بتلاقي أغلب العربيات دي متعلق علي نمرها اللوجو بتاع مجلس الشعب!!!!
معلش طولت عليكم بس الموضوع جاي عالجرح وياريت ماتكونوش زهقتوا مني
__________________
yoofiman1
19-12-2007, 08:35 PM
يا راجل حرام عليك الصينى بتتصدر لكل الدول
عندك تركيا وايران من اكبر المستهلكين
واكيد كل دول المغرب العربى لانها دول فقيرة جدا والجمارك هناك زى مصر و يمكن اكثر والسودان..
وتقريبا اوربا الشرقية كلها
--- الكلام ده من تقرير اتحاد الغرف التجارية الصينية 2007-
مبدئيا يا باشا انا مش متأكد من الموضوع ده وتقريبا قريت المعلومة دى على موقع سيارات سورى
انا مش بقلل من كلام حضرتك بس اعتقد ان تركيا مقفولة جدا على الشاهين فى العربيات الرخيصة والشاهين الى عندهم تفوق فى جودتها شاهين شركة النصر بكتير
اما بالنسبة لايران والمغرب فأنا اعرف ان فى شراكة قوية جدا بين الدولتين دول وبين شركات السيارات الفرنسية وعندهم موديلات كويسة باسعار هادية
ايران بيقفلوا 405 لحد النهارده غير الموديلات الايرانى تحت الرعاية الفرنسية زى شركة سمند
وكمان المغرب فيها صناعة تجميع سيارات كويسة قوى والرينو كليو منتشرة جدا هناك زى الفيرنا هنا كده لأنها بتتقفل هناك وباسعار حلوة قوى وكان فى اشاعة من 3 سنين ان مع بداية 2005 هانستورد سيارات فرنسية متقفلة فى المغرب زى الكليو مثلا باسعار كويسة بس الموضوع ماممشيش
لكن انا مش باشكك فى كلام حضرتك لأن مفيش حاجة ارخص من الصينى والبلاد دى فيها ناس تعبانة زينا برضه
yoofiman1
19-12-2007, 08:57 PM
بداية احب اشكر (yoofiman1) على الموضوع الجامد ده بجد
أنا قريته من أوله لأخره
__________________
العفو يا باشا وبصراحة حلاوة الموضوع انك تقراه من اوله لاخره لان مش كفاية انك تخش تقول مشكور وحد يقولك نورت وخلص الفيلم على كده
هنا كل واحد لازم يقول رأيه ايه
من حيث الجهل أكيد في جهل من الناس تخلي اللي راكب هيونداي كوبيه مثلا كانه راكب لامبورجيني وللا فيراري،
__________________
هو احنا اساسا عندنا طرق تنفع معاها سيارات السرعة!!!!!!
والكوسة طبعا معروفة من أول الجمارك لحد الترخيص زي العربية البرادو ال 4x4 اللي كانت بتترخص اتوبيس خاص والغريبة انك بتلاقي أغلب العربيات دي متعلق علي نمرها اللوجو بتاع مجلس الشعب!!!!
__________________
فعلا موضوع الاوتوبيس ده يضحك قوى
بس تصور يا باشا.....انا فعلا لاحظت اكتر من عضو مجلس شعب وشورى راكبين برادو ومكتوب عليها اوتوبيس خاص......واضح ان المجلس متعاقدليهم عليها من بنك ناصر:lol:
معلش طولت عليكم بس الموضوع جاي عالجرح وياريت ماتكونوش زهقتوا مني
__________________
ازاى يا باشا......كده بجد بقى نورت والموضوع بتاعك وفى وقت عاوز توضحلنا او تقولنا معلومة جديدة احنا مستنييك فى اى وقت
خالد الطيار
20-12-2007, 07:12 PM
شكرااا$$$جزيلا
Challenger4ever
20-12-2007, 10:20 PM
بسم الله الرحمن الرحيم
السلام عليكم ورحمة الله وبركاته
بداية كده كل سنة وانتوا طيبين وعيد سعيد عليكم كلكم باذن الله
ازاى يا باشا......كده بجد بقى نورت والموضوع بتاعك وفى وقت عاوز توضحلنا او تقولنا معلومة جديدة احنا مستنييك فى اى وقت
ياباشا الموضوع منور باصحابه وان شاء الله نكمل كلام يمكن نوصل لحاجة كويسة نوقف بيها المهازل اللي بتحصل دي
بالنسبة بقى لموضوع الشاهين واللادا فانا رايي ان العربيات دي على قد ما امكانياتها وتجهيزاتها متواضعة اللا انها ليها سوق واللي مشتريها عارف انها اقل من حاجات تانية كتير بس هو شاريها لان قطع غيارها رخيصة ومتوفرة ولانها عالية عن الارض وبعدين اللي بيشتريها ده بيبقى عايز حاجة توصله لابيبص بقى لشكل ولا امكانيات ولانها يوم ما يحصلها حاجة هيوديها للحج برعي السمكري وللا الاسطى محمد الكهربائي يظبطهالوا مش تقولوا روح لمركز خدمة عشان يكع فلوس
yoofiman1
20-12-2007, 11:54 PM
بالنسبة بقى لموضوع الشاهين واللادا فانا رايي ان العربيات دي على قد ما امكانياتها وتجهيزاتها متواضعة اللا انها ليها سوق واللي مشتريها عارف انها اقل من حاجات تانية كتير بس هو شاريها لان قطع غيارها رخيصة ومتوفرة ولانها عالية عن الارض [/B]
فنيا انا باتفق مع حضرتك جدا
لكن واقعيا اعتقد ان العربيات دى فى دنيا الزيرو ما عادش ليها سوق خالص (ما عدا فى التاكسى).....النهارده اى حد معاه 45000 جنيه بدل ما هايجيب لادا زيرو هايروح يجيب اكسنت مستعملة او اى حاجة تانية ناعمة مستعملة......فما بالك لو معاه الستين الف بتوع شاهين.....ده يجيب بيهم لانسر
هى العربيات دى شغالة كويس لانها مطلوبة جدا فى التاكسى خاصة خارج القاهرة
وبعدين اللي بيشتريها ده بيبقى عايز حاجة توصله لابيبص بقى لشكل ولا امكانيات [/B]
دى بقى يا باشا انا بختلف مع معاليك جدا لأن المظهرية النهارده بقت مهمة جدا ومحدش بيجيب عربية الا وبيركن 3 او 4 الاف جنيه عشان يروشها بيهم
لكن انا بتفق معاك فى كل الى بتقوله وكمان شايف انها شغالة كويسة قوى فى سوق المستعمل بس انا شايف ان العربيات دى فى سوق زيرو الملاكى وقعت خلاص واعتقد ان رأيك مش هايختلف عن ده
yoofiman1
21-12-2007, 12:15 AM
بالنسبة بقى لموضوع الشاهين واللادا فانا رايي ان العربيات دي على قد ما امكانياتها وتجهيزاتها متواضعة اللا انها ليها سوق واللي مشتريها عارف انها اقل من حاجات تانية كتير بس هو شاريها لان قطع غيارها رخيصة ومتوفرة ولانها عالية عن الارض [/B]
فنيا انا باتفق مع حضرتك جدا
لكن واقعيا اعتقد ان العربيات دى فى دنيا الزيرو ما عادش ليها سوق خالص (ما عدا فى التاكسى).....النهارده اى حد معاه 45000 جنيه بدل ما هايجيب لادا زيرو هايروح يجيب اكسنت مستعملة او اى حاجة تانية ناعمة مستعملة......فما بالك لو معاه الستين الف بتوع شاهين.....ده يجيب بيهم لانسر
هى العربيات دى شغالة كويس لانها مطلوبة جدا فى التاكسى خاصة خارج القاهرة
وبعدين اللي بيشتريها ده بيبقى عايز حاجة توصله لابيبص بقى لشكل ولا امكانيات [/B]
دى بقى يا باشا انا بختلف مع معاليك جدا لأن المظهرية النهارده بقت مهمة جدا ومحدش بيجيب عربية الا وبيركن 3 او 4 الاف جنيه عشان يروشها بيهم
لكن انا بتفق معاك فى كل الى بتقوله وكمان شايف انها شغالة كويسة قوى فى سوق المستعمل بس انا شايف ان العربيات دى فى سوق زيرو الملاكى وقعت خلاص واعتقد ان رأيك مش هايختلف عن ده
dr mad
22-12-2007, 11:24 PM
مبدئيا يا باشا انا مش متأكد من الموضوع ده وتقريبا قريت المعلومة دى على موقع سيارات سورى
انا مش بقلل من كلام حضرتك بس اعتقد ان تركيا مقفولة جدا على الشاهين فى العربيات الرخيصة والشاهين الى عندهم تفوق فى جودتها شاهين شركة النصر بكتير
اما بالنسبة لايران والمغرب فأنا اعرف ان فى شراكة قوية جدا بين الدولتين دول وبين شركات السيارات الفرنسية وعندهم موديلات كويسة باسعار هادية
ايران بيقفلوا 405 لحد النهارده غير الموديلات الايرانى تحت الرعاية الفرنسية زى شركة سمند
وكمان المغرب فيها صناعة تجميع سيارات كويسة قوى والرينو كليو منتشرة جدا هناك زى الفيرنا هنا كده لأنها بتتقفل هناك وباسعار حلوة قوى وكان فى اشاعة من 3 سنين ان مع بداية 2005 هانستورد سيارات فرنسية متقفلة فى المغرب زى الكليو مثلا باسعار كويسة بس الموضوع ماممشيش
لكن انا مش باشكك فى كلام حضرتك لأن مفيش حاجة ارخص من الصينى والبلاد دى فيها ناس تعبانة زينا برضه
شكرا لردك :14::showoff:
و اسمحلى اشكرك على معلوماتك الجميلة فى عالم السيارات..
still bad
23-12-2007, 03:28 PM
موضوع رائع فعلا اخ yoofiman
وحاجة بجد تحرق الدم اما تلاقى عربيات انقرضت عالميا زى ال 128 واللادا وال124 والكلام الفاضى دة ب20 و25 الف وبتبقى موديل تمانينات وتسعينات وساعات بتبقى سبعينات كمان
والغريب انك عمرك ماحتشوف العربيات دى فى اى بلد تانى فى العالم
بس هو فعلا عدم وعى متمثل فى تمسك الشعب المصرى فى الانواع دى من العربيات وهو دة اللى بيخليها موجودة لحد دلوقتى
وبالنسبةلاسعارالعربيات الجديدة الاخوة الاعضاء اللى شاركو فى الموضوع قالو كل اللى يتقال فيها
انا اسف اذا كنت طولت بس ليا تعقيب اخير
يا جماعة الموضوع مش موضوع ضرايب ولا جمرك ولا عدم وعى ولا نصب ولا الكلام دة
احنا فينا حد نيتة وحشة:jap:
laser_beam
23-12-2007, 09:58 PM
أولا شكراااااااااااااااااااااااا ألف مرة على الموضوع الأكثر من رائع واللي جي على جرح الجميع اللي عايزين يجيبوا عربيات جديدة مناسبة مش عربية 128 اللي كان بيوقف بيها محمود ياسين لنجلاء فتحي وعامل فيها الشاب الروش من يجي 25 سنة في فيلم مراهقات ولكن
يا جماعة مع احترامي للعربية دي ومن يملكها دي عربية خسارة فيها الفلوس أنا معايا أجيبها مستعملة بس مستخسر أحط فلوسي في عربية مهكعة كده ,دي بتتباع زيرو أو آسف تحت الزيرو بـ 38000 تقريباحرام فيها مبلغ زي ده
المشكلة الكبيرة والأساسية هي الجشع الجشع الجشع وهو بقى عند أغلب التجار في كل السلع مع ان ده مش موضوعنا بس الكل عارف أسعار الشقق بقت عاملة إزاي الناس بتغلي على بعضها بشكل يخنق أي شاب عايز يتجوز ويبتدي حياته
السيارات المستعملة بتتباع بأسعار مش متناسبة مع قيمتها وبتاخد غلو السعر من الجديد يعني لو غلي الجديد غلى المستعمل كمان على حسه وده شيء غير منطقي ودليل على الجشع اللي عند الناس (إحنا من الناس)
نظام الاقتصاد في مصر يتجه بشكل سريع إلى الرأس مالية المطلقة والذي بيدفع لتكوين رجال أعمال بقوة مالية جبارة وبالتالي انشاء المزيد من المشاريع المربحة لهم ويحاول النظام الاقتصادي الابقاء على قوة رجال أعمال فقط بدون الاعتبار محدودي الدخل
وحتة محدودي الدخل دي هتفرسني طيب ما انت اللي مخليه محدودي الدخل يعنل اللي بيقبض 400-500 هيعملولوا ايه
ده غير اني بسمع إن في مرتبات 200-300 بقى ده اسمه كلام ناس تطلع فالعلالي وناس تداس بالرجلين
يعني الشباب بيهربوا ويهاجروا مش من شوية بالمناسبة ليا اتنين أصحابي بقالهم سنة مهاجرين وجابوا عربيات عقبالكوا لانسر وتيوتا ولو فضلت هنا طول عمرك تنحت فالصخر - من غير ما تسرق طبعا - ممكن تيجبها بس ولادك هم اللي هيفرحوا بيها مش انت
أنا عندي كلام كتير بس شكلي طولت عليكوا أوي
أقبلو اعتذاري بس من الغلب اللي احنا فيه بنتكلم نعمل ايه!!
yoofiman1
24-12-2007, 09:27 PM
موضوع رائع فعلا اخ yoofiman
وحاجة بجد تحرق الدم اما تلاقى عربيات انقرضت عالميا زى ال 128 واللادا وال124 والكلام الفاضى دة ب20 و25 الف وبتبقى موديل تمانينات وتسعينات وساعات بتبقى سبعينات كمان
والغريب انك عمرك ماحتشوف العربيات دى فى اى بلد تانى فى العالم
بس هو فعلا عدم وعى متمثل فى تمسك الشعب المصرى فى الانواع دى من العربيات وهو دة اللى بيخليها موجودة لحد دلوقتى
وبالنسبةلاسعارالعربيات الجديدة الاخوة الاعضاء اللى شاركو فى الموضوع قالو كل اللى يتقال فيها
انا اسف اذا كنت طولت بس ليا تعقيب اخير
يا جماعة الموضوع مش موضوع ضرايب ولا جمرك ولا عدم وعى ولا نصب ولا الكلام دة
احنا فينا حد نيتة وحشة:jap:
بصراحة انا كنت هاعقب على كلامك وكنت كمان هأسألك على ur nick name .....بس لما قريت أخر جملة عرفت انه فعلا الوضع still bad
عموما نورت يا باشا وواضح اننا فكرنا فى كل الاسباب العلمية والمادية وبدانا نخش على ال metaphysics
انا حاسس ان فى حد هايقول بعد كده ان معمولنا عمل بغلاء الاسعار:diablo:
yoofiman1
24-12-2007, 10:39 PM
أولا شكراااااااااااااااااااااااا ألف مرة على الموضوع الأكثر من رائع واللي جي على جرح الجميع اللي عايزين يجيبوا عربيات جديدة مناسبة مش عربية 128 اللي كان بيوقف بيها محمود ياسين لنجلاء فتحي وعامل فيها الشاب الروش من يجي 25 سنة في فيلم مراهقات ولكن
يااااااه......ده واضح انك موجوع قوى......عموما قلبى عندك
بس عوما ما تزعلش......أنا شفت فاروق الفيشاوى كان عامل فيها الشاب الروش برضه وبيوقف العربية لمعالى زايد فى فيلم قضية عم احمد من اكتر من يجى 25 سنة برضه او اكتر......بس المرة دى كان بيروش بلادا 1500
نظام الاقتصاد في مصر يتجه بشكل سريع إلى الرأس مالية المطلقة والذي بيدفع لتكوين رجال أعمال بقوة مالية جبارة وبالتالي انشاء المزيد من المشاريع المربحة لهم ويحاول النظام الاقتصادي الابقاء على قوة رجال أعمال فقط بدون الاعتبار محدودي الدخل
وحتة محدودي الدخل دي هتفرسني طيب ما انت اللي مخليه محدودي الدخل يعنل اللي بيقبض 400-500 هيعملولوا ايه
ده غير اني بسمع إن في مرتبات 200-300 بقى ده اسمه كلام ناس تطلع فالعلالي وناس تداس بالرجلين
الرأسمالية لما بتتنفذ صح بتبقى مش وحشة زى الناس ما هى فاكره وفى دول كتير اتنطرت لفوق بعد ما فتحوا السوق عندهم وفتحوا دماغهم زى تركيا وماليزيا وسنغافوره وغيرهم
بس اهم حاجة ان الغلبان مايروحش فى الرجلين وللأسف ده الى بيحصل
موضوع المرتب ده وحياة ابوك بلاش.....انا اعرف دكتور حديث التخرج فنى عمره فى العلم استلم عمله من حوالى شهر ولما سأل هاقبض كام قالوله انت هاتتعين على الدرجة التالتة والمربوط بتاعك (تقريبا كده يعنى الاساسى) 48 جنيه.....بالعلاوات والحوافز بتوصل ل 200 وحاجة وتلاتين جنيه......وبس!!!!!!
على فكرة ده دكتور.....طبيب بشرى عنده 24 سنة.... حيث فى اى دولة فى العالم هم الشريحة الاعلى فى هرم المرتبات والدخول
يعني الشباب بيهربوا ويهاجروا مش من شوية !!
ماهو الدكتور ده بيفكر فى كده برضه......بس هجرة الاطباء اسهل بكتير من غيرهم لأن الدول المحترمة بتقدرهم
بالمناسبة ليا اتنين أصحابي بقالهم سنة مهاجرين وجابوا عربيات عقبالكوا لانسر وتيوتا ولو فضلت هنا طول عمرك تنحت فالصخر - من غير ما تسرق طبعا - ممكن تيجبها بس ولادك هم اللي هيفرحوا بيها مش انت
وانا ليا واحد صاحبى دكتور سافر المانيا من سنتين قالنا وهو فى جنيف :cool: بيتفسح ان اخر حاجة ممكن تشغل بيها تفكيرك هنا.....اخر مشكلة ممكن تأرقك هى: الفلوس
لو فضل هنا بال 230 جنيه الى هايزيدوا طبعا مع الوقت بالعلاوات الروتينية(من غير ما ينسى مستشفيات الحكومة ويفكر فى اكل عيشك ى حتة تانى) كان هايتجنن:harhar1:
أنا عندي كلام كتير بس شكلي طولت عليكوا أوي
أقبلو اعتذاري بس من الغلب اللي احنا فيه بنتكلم نعمل ايه!!
خد راحتك يا باشا.....الموضوع ده اساسا معمول عشان الفضفضة
saifooon
25-12-2007, 05:23 PM
صبح صبح يا يوفيمان
انا شايف ان الاخوه بيقولو كلام جامد جدا
الشباب بيتفرم
لفلوس معدومه
العربيات مقلوب حالها جديد و مستعمل و كسبانين فيها من 100% وانت طالع
طب وبعدين ؟
تفتكر يا يوفى انت و الناس الحلوه اللى نورت الموضوع ده الحل ايه ؟
طب نستنى ولا نتوكل ع الله كل واحد عنده قريبه ولا صاحبه مسافر بره-
واتحدى اى واحد يقول ماعنديش حد بره-يظبطه ف سفريه بره
واهو اى شغل و السلام بس فيها فلوس
بصراحه انا متزوج و الحال يدوب
اخر الشهر بيبتدى من يوم 5
ها نسافر ولا نستنى
انا بضحك على نفسى و اقول اكيد بكره احسن من النهارده
تفتكروا انا بضحك على نفسى ولا فيه امل
وسلامى ل يوفى مان واصحابى و قرايبى فى كل بلاد العالم
واحب اسمع اغنبة مصر هيه امى.....نيلها جوه دمى
yoofiman1
25-12-2007, 10:43 PM
صبح صبح يا يوفيمان
انا شايف ان الاخوه بيقولو كلام جامد جدا
الشباب بيتفرم
لفلوس معدومه
العربيات مقلوب حالها جديد و مستعمل و كسبانين فيها من 100% وانت طالع
طب وبعدين ؟
تفتكر يا يوفى انت و الناس الحلوه اللى نورت الموضوع ده الحل ايه ؟
طب نستنى ولا نتوكل ع الله كل واحد عنده قريبه ولا صاحبه مسافر بره-
واتحدى اى واحد يقول ماعنديش حد بره-يظبطه ف سفريه بره
واهو اى شغل و السلام بس فيها فلوس
بصراحه انا متزوج و الحال يدوب
اخر الشهر بيبتدى من يوم 5
ها نسافر ولا نستنى
انا بضحك على نفسى و اقول اكيد بكره احسن من النهارده
تفتكروا انا بضحك على نفسى ولا فيه امل
وسلامى ل يوفى مان واصحابى و قرايبى فى كل بلاد العالم
واحب اسمع اغنبة مصر هيه امى.....نيلها جوه دمى
مبدئيا يا باشا للمتزوجين الى زى معاليك فالمثل بيقول عيش ندل تموت مستور والبنات بره على قفا من يشيل.......هاهاه
(بس اوعى تكون المودام من رواد الدى فى دى والا يبقى انا كده بهدى النفوس....هاهاه)
والله يا باشا موضوع السفر ده نسبى جدا.....فى ناس هاتموت على السفر ومعندهاش مانع تموت بجد لدرجة فى ناس نجت من المراكب الى بتغرق فى البحر المتوسط واترحلت على مصر....بيقولوا برضه هانحاول تانى.....لأن احنا كد كده هنا مش عايشين
وفى ناس عندها كل وسائل السفر متاحة وبتقول مش طالبة
هو موضوع نسبى جدا
انا لسه شايف من ساعتين حوار حول الغاء الدعم وبيقولوا ان اكتر سلعة مرشحة لالغاء الدعم عليها هى البنزين لأن مش معقولة واحد راكب مرسيدس او اى حاجة تانية ندعمله البنزين (كلام منطقى ولو ان بتاع المرسيدس مش هايلوثلك البيئة)
واحد رد وقال:طيب والى راكب 127 يعمل ايه؟؟!!!
بشكل عام دايما فى أمل....بس فى بلدنا والى بيحصل فيها....كل المؤشرات والتحليلات الاقتصادية بتقول ان مصر داخلة على مرحلة نمو اقتصادى وزيادة فى معدل الدخل لكن للأسف هايصاحب بغلاء جنونى فى تكاليف المعيشة وطحن شريحة رهيبة من المواطنين وما يتبعه من سلبيات اخلاقية واجتماعية يعلم الله مداها
اما حتة بنضحك على نفسنا ولا لأ.....فاحنا ما قدمناش حاجة تانية لأن الى مش هايضحك على نفسه يبقى يخبط راسه فى الحيط
وسمعنى سلام ان ما كنتش انت تدلعنى مين هايدلعنى
Challenger4ever
26-12-2007, 12:03 AM
بسم الله الرحمن الرحيم
السلام عليكم ورحمة الله وبركاته
طيب وبعدين؟؟
هنفضل نتكلم نتكلم ومفيش حاجة بتتغير كالعادة، يمكن الوضع بيزيد سؤ يوم بعد يوم
والله الواحد بدأ يفقد الأمل في كل حاجة بس الواحد بيصبر نفسه ويقول أكيد ان شاء الله بكرة أحسن
وسمعني سلام ماشربتش من نيلها؟؟؟ لأ ماشربتش أصل الميه قاطعة
still bad
26-12-2007, 07:18 PM
على فكرة والله يا جماعة احنا فعلا السبب فى غلاء العربيات دى
الفروض انو طول ما فى طلب العرض بيزيد وبالتالى الاسعار بتقل
واحنا عندنا العكس ماعندناش حاجة بتقل ابدا
الطلب بيزيد والعرض بيزيد والاسعار بتزيد والناس كمان بتزيد
انا من رائيى المتواضع ان سبب غلاء السيارات الرهيب دة
هو تمسكنا بالقديم واحد حيقولى يعنى هو احنا لاقينا جديد وماركبناش
هو دة بقى بالظبط اللى مخلى السوق نار كدة
ان كل واحد بيقول منا مش معايا تمن الجديدخلينى فى المستعمل وبالتالى بيزيد الطلب على المستعمل عشان طبعا حوالى اكتر من نص الشعب امكانياتة ماتسمحلوش بشراء الجديد
وطبعا عارفين جشع التجار طالما فى حاجة مطلوبة والطلب زيادة عليها
اضرب يابا فى الاسعااار لفوووق براحتك
واللى معاة عربية مستعملة دلوقتى ومطلوبة زى ال 128 وال بيجو 504 مثلا بيحس انو معاة كنز وتلاقية طالب ارقام خيالية فى عربية كانت موديل السبعينات يعنى بقالها يييجى اكتر من 30 سنة شغالة
انا اللى شايفو ان اللى مخلى العربيات الجديدة اسعارها كدة هو اسعار المستعمل
يعنى بالعقل كدة اما تلاقى بيجو 504 مو 79 معروضة على 45000 جنية
يبقى عايز التويوتا كورولا مو 2008 تبقى بكام ؟
انا رائيى ان حل المشكلة دى هو مقاطعة كل المستعمل واللى عايز يجيب عربية ومعاة مثلا 20 -25 مايجيبش ويقضيها تكوسة بعشر تلاف جنية لمدة سنتين تلاتة مثلا وصدقونى والله بعد سنتين تلاتة حتلاقى اللانسر مو 98 مثلا بقت ب10-15 الف زى برة بالظبط
دة انا شوفت عربية تويوتا سيليكا مو 92 معروضة للبيع على 1500دولار
العربية دى عندنا بتتباع ب 60000 جنية ودة رقم قليل عشان العربية مش مشهورة ولا مطلوبة فى مصر تخيل بقى لو كانت معروفة كان يبقى تمنها كام
على العموم انا اسف لو كنت طولت بس ليا تعقيب بسيط اخير
(مافيش فايدة)
Challenger4ever
26-12-2007, 10:38 PM
أتفق مع (still bad) في كل اللي قاله
فعلا سوق المستعمل ليها دور كبير في اللي بيحصل ده بس ماننساش كمان ان في أيادي خفية لناس كبار بتلعب في السوق وواخدة توكيلات لعربيات يمكن ليها سوق كبير عندناومالهاش سوق أوي برة ومغليين في أسعارهافبالتالي السوق كله بيرفع
saifooon
26-12-2007, 11:32 PM
صباحو تشاؤم
انتو نسيتو ان موضوع ظبط الاسعار ده بتاع الحكومه ولا ايه
وعلى راى الزعيم العظيم احمد السقا
من النهارده مفيش حاكومه.....انا الحاكومه
saifooon
26-12-2007, 11:33 PM
ابسط يا عم يوفى
مولعينلك الموضوع ردود اهه
مافيش حاجه علينا؟؟
AhmedIG
27-12-2007, 12:57 AM
واحد صاحبى كويتى اتعرض عليه البى أم زد 3 مستعمل ب 900 دينار يعنى 14 ألف مصرى تقريبا هههههه
سلملى عال 127 المستعمل ب 20 ألف .... ولا أقولك سلملى عالمترو ههههههه
Challenger4ever
28-12-2007, 01:36 PM
No Comment
yoofiman1
31-12-2007, 02:25 AM
بسم الله الرحمن الرحيم
السلام عليكم ورحمة الله وبركاته
طيب وبعدين؟؟
هنفضل نتكلم نتكلم ومفيش حاجة بتتغير كالعادة، يمكن الوضع بيزيد سؤ يوم بعد يوم
والله الواحد بدأ يفقد الأمل في كل حاجة بس الواحد بيصبر نفسه ويقول أكيد ان شاء الله بكرة أحسن
وسمعني سلام ماشربتش من نيلها؟؟؟ لأ ماشربتش أصل الميه قاطعة
خليها على الله......بس دايما اول الحل فى اى مشكلة ان الناس تتكلم والى احنا بنعمله هنا اننا بنعمل حاجة كده زى: Brain Storming
يعنى بنناقش مشكلة بشكل جماعى ودورى ومرتب
وماتقلقش من حوار الميه ده خاالص.... احنا موفرين الميه المعدنية على الترابيزة قدام كل عضو......لا تقلق
yoofiman1
31-12-2007, 02:25 AM
على فكرة والله يا جماعة احنا فعلا السبب فى غلاء العربيات دى
الفروض انو طول ما فى طلب العرض بيزيد وبالتالى الاسعار بتقل
واحنا عندنا العكس ماعندناش حاجة بتقل ابدا
الطلب بيزيد والعرض بيزيد والاسعار بتزيد والناس كمان بتزيد
انا من رائيى المتواضع ان سبب غلاء السيارات الرهيب دة
هو تمسكنا بالقديم واحد حيقولى يعنى هو احنا لاقينا جديد وماركبناش
هو دة بقى بالظبط اللى مخلى السوق نار كدة
ان كل واحد بيقول منا مش معايا تمن الجديدخلينى فى المستعمل وبالتالى بيزيد الطلب على المستعمل عشان طبعا حوالى اكتر من نص الشعب امكانياتة ماتسمحلوش بشراء الجديد
وطبعا عارفين جشع التجار طالما فى حاجة مطلوبة والطلب زيادة عليها
اضرب يابا فى الاسعااار لفوووق براحتك
واللى معاة عربية مستعملة دلوقتى ومطلوبة زى ال 128 وال بيجو 504 مثلا بيحس انو معاة كنز وتلاقية طالب ارقام خيالية فى عربية كانت موديل السبعينات يعنى بقالها يييجى اكتر من 30 سنة شغالة
انا اللى شايفو ان اللى مخلى العربيات الجديدة اسعارها كدة هو اسعار المستعمل
يعنى بالعقل كدة اما تلاقى بيجو 504 مو 79 معروضة على 45000 جنية
يبقى عايز التويوتا كورولا مو 2008 تبقى بكام ؟
انا رائيى ان حل المشكلة دى هو مقاطعة كل المستعمل واللى عايز يجيب عربية ومعاة مثلا 20 -25 مايجيبش ويقضيها تكوسة بعشر تلاف جنية لمدة سنتين تلاتة مثلا وصدقونى والله بعد سنتين تلاتة حتلاقى اللانسر مو 98 مثلا بقت ب10-15 الف زى برة بالظبط
دة انا شوفت عربية تويوتا سيليكا مو 92 معروضة للبيع على 1500دولار
العربية دى عندنا بتتباع ب 60000 جنية ودة رقم قليل عشان العربية مش مشهورة ولا مطلوبة فى مصر تخيل بقى لو كانت معروفة كان يبقى تمنها كام
على العموم انا اسف لو كنت طولت بس ليا تعقيب بسيط اخير
(مافيش فايدة)
انا مقتنع جدا بان المستعمل اسعاره زايدة بعبط ومقتنع كمان ان مقاطعته والبعد عنه احد الوسائل بس لازم ده يتوازى مع تخفيض سعر الجديد........بس انا باتصور ان موضوع المستعمل ده هاينضرب قريب مع الطوفان الصينى الى داخل علينا الى شعاره ليه تتعب نفسك فى التصليح طالما ممكن تجيب جديد.
yoofiman1
31-12-2007, 02:35 AM
ابسط يا عم يوفى
مولعينلك الموضوع ردود اهه
مافيش حاجه علينا؟؟
يا باشا ده العشم برضه
الدار داارك....امرح فيها كيف ما تحب
وانا بعتذر عن التأخير لأنى والله لبست كام نباطشية كده خلونى ما شفتش النت من يجى خمس ايام
البركة فيكم
yoofiman1
31-12-2007, 02:37 AM
واحد صاحبى كويتى اتعرض عليه البى أم زد 3 مستعمل ب 900 دينار يعنى 14 ألف مصرى تقريبا هههههه
سلملى عال 127 المستعمل ب 20 ألف .... ولا أقولك سلملى عالمترو ههههههه
اعتقد ان مفيش وجه مقارنة بين السوق المصرى والسوق الخليجى
مفيش مقارنة اساسا بين السوق الخليجى واى سوق فى العالم
على رأى فيلم الماجيك.....واحد بيقول:
(الناس الى هناك شكلها مش لايق على الابراج والعمارات والشوارع النضيفة......تحس انها بلاد جرافيك....مافيهاش روح)
احنا لو فكرنا نقارن نفسنا بدول اوضاعها مشابهة مننا شوية زى تركيا وايران والمغرب وماليزيا وغيرها....ممكن نعرف احنا فين بالظبط
thepilot666666
31-12-2007, 01:45 PM
thanxxxxxxxxxxxxxx
saifooon
02-01-2008, 02:56 AM
أحنا مش موجودين أصلا جانب اى بلد
احنا عالم لوحده يا برنس
torwa
09-01-2008, 06:41 PM
التكتك ب18000 جنيه يا جماعه
AhmedIG
09-01-2008, 06:52 PM
هههههه بتتكلم جد ؟
توكتوك ب 18000 ؟
دة تهريج ههههههههه
still bad
09-01-2008, 09:36 PM
التكتك ب18000 جنيه يا جماعه
ههههههههه لا يا راجل مش للدرجة دى هو ممكن تلاقية ب 6 او 8
sherif_m
09-01-2008, 10:23 PM
لا ياجماعة فهلا انا لعرف واحد بيبيع تكاتيك وفعلا تمنو في الحدود دي 18000 او 17000 جنيه مصري
Challenger4ever
09-01-2008, 11:02 PM
No Comment
للمرة الثانية
™ ΛHM€D NΘUH
13-01-2008, 05:02 AM
سلام عليكم
اولا انا عارف والله ان فعلا الموضوع فاقع خلق الله كلهم بس مش بس الاسعار اللى تجنن الواحد فى البلد دى
تقدر تقول تقريبا العربيات بكل ما يتعلق بها فى مصر ماشيه بطريقه
( فتح عينك تاخد على عينك وكبر دماغك تركب فيرارى )
الحكايه اكبر من موضوع جمارك عاليه فالعربيات غاليه
الحكايه ببساطه اننا اصلا شعب المفترض اننا بنحب العياقه والعربيات الجديده
فلو الجمارك بقت رخيصه البلد كلها هتركب عربيات جديده وطبيعى حال قطع الغيار هيقف وده هيضر مستوردين كتير
وطبعا بما ان الحكومه ماشيه بمبدا ان الشعب 95% عايشين لخدمه اسيادهم رجال الاعمال والمسئولين اللى هما 5%
يبقى لازم نعيش طول عمرنا فى عصر الزيستافا وال 125 علشان اسيادنا يركبو ما لذ وطاب من الامريكى والالمانى
ثانى حاجه اننا لو ركبنا عربيات جديده نسبه استهلاك البنزين هتقل وده برده هيؤدى ان مصر يبقى فيها فائض بترول كتير للتصدير وده مرفوض عالميا
ثالث حاجه لو ركبنا عربيات جديده هنبدأ اول خطوات التحضر وده مرفوض تماما ( علشان نبقى اقل من اسيادنا برده:lol )
يا جماعه مينفعش اننا شغالين بحكومه بتخطط هتغلى السكر والشاى امتى ونقولهم والنبى خفضو الجمارك
الحكايه محتاجه تغيير جزرى الاول فى كل قوانين وضوابط السيارات فى مصر وبعدين نفكر فى الاسعار
انا عن نفسى مش من مؤيدى تخفيض الجمارك دلوقتى لعده اسباب
اولا لو خفضنا الجمارك العربيات هتزيد فى البلد وهيقف حال المرور اكتر
يبقى احنا محتاجين الاول نوقف كل العربيات القديمه ونعين كوادر جديده فى المرور تنظم حركه المرور
بجد بدون التحيز لأى حد فى الشارع
محتاجين حلول مرضيه للجميع وملهاش علاقه بوقف شوارع علشان معالى حرس الحدود نازل من البيت ولا دودى ابن عماد باشا رايح يجيب كادبورى من السوبر ماركت
محتاجين بجد نكون بنفهم يعنى ايه عربيه متستحقش سعرها فمحدش هيشتريها ويعنى ايه عربيه مسلوبه الاوبشن الناس كلها تعترض عليها
المفروض وده اللى بيحصل فى كل مكان ان القوى الشرائيه هى اللى بتحدد طبيعه السوق
انما هنا فى مصر السوق ماشى على هوا اصحاب المعارض وحروبهم مع التوكيلات وفى المستعمل السماسره
ابسط مثال على المهزله دىالكورولا الجديده
التوكيل هينزل العربيه صناعه جنوب افريقيا علشان يوفر هامش ربح كبير ليه بسبب طبعا العماله الرخيصه والتقفيل الزباله بتاع المصانع هناك
وكمان الموتور اللى هينزل فى العربيه اصلا مش مكود من الشركه ولا تويوتا معترفه بيه علشان كدا لو دورت على النت مش هتلاقى ارقام عمله موجوده ابدا
فناس ولاد حلال بتوع معارض استوردو عربيات من اليابان علشان يبيعوها بسعر اقل وكمان معاها ضمان وطبيعى مواصفات احسن وموتور احسن
رد فعل التوكيل كان رفع فواتير استيراد عربياته علشان باقى المعارض كلها تخسر وتغلى العربيات على الناس والدنيا تبوظ ويبقى التوكيل هو المستفيد الوحيد
وحاجات تانيه كتير زى الفيرنا و الفيرنا فيفا والكيا سيراتو و .. و ...
يعنى ببساطه احنا بقينا لعبه فى ايد التوكيلات
ضرب فواتير ونصب واستيراد عربيات من بلاد مقتوله زى الهند وجنوب افريقيا
وكل الهدف هو هامش ربح يدخل بيه التجار موسوعه جينيس للضحك على الدقون
صدقنى انا رأى النهائى ان احنا اللى عملنا كده فى نفسنا وخلينا التجار والتوكيلات تتحكم فينا
لأننا ببساطه بنفرح لمجرد ركوب عربيه ونقول ارضى بقليلك وحتى مش بنكلف نفسنا عناء
البحث على اى وسيله وليكن النت علشان نعرف كل عربيه فى البلد دى تستحق ايه بجد مش نجرى ورا الاسم وخلاص واعلانات الجرايد
اسف جدا جدا جدا لو طولت بس قولت اطلع كل اللى فى نفسى
saifooon
13-01-2008, 04:54 PM
بصراحه كده انت جيبت م لاخر
الناس هى فعلا السبب علشان مش عارفين ان احنا قوه
مش قادرين نفهم ان السوق اساسا معمول لخدمه القوة الشرائيه
و احنا القوة الشرائيه
بس بيبيعولنا العربيه الصينى ب ستين الف و بنشتريها
طب تفهم العالم دى ازاى
يبقى الجدع من دول راكب العربيه المعموله من كانز البيبسى (الصينى كله) و فاكر نفسه جاب الديب من ديله
و مش واخد باله ان العربيه دى غير مسموح دخولها اوروبا علشان معدتش من اختبارات السلامه
و الصينى ده مثال من امثله كتير قوى
يا ناس الموتسيكلات الصينى باعتراف الصين ذات نفسها ان الصين كانت عايزه الموتوسيكل يوصل للمستهلك بسعر 500 جنيه مصرى
ايوه 500 خمسميه بس
بص مستوريدينا الشطار بيبيعوهولنا ب 5000 وانت طالع
والجميل ان الناس برضه بتشترى
احنا بقينا زى الطور
مالناش غير نجر الساقيه و خلاص
مافيش تفكير ف اى حاجه غير حاجر الساقيه بكره ازاى ؟
حسبى الله و نعم الوكيل
yoofiman1
15-01-2008, 12:33 AM
سلام عليكم
اولا انا عارف والله ان فعلا الموضوع فاقع خلق الله كلهم بس مش بس الاسعار اللى تجنن الواحد فى البلد دى
تقدر تقول تقريبا العربيات بكل ما يتعلق بها فى مصر ماشيه بطريقه
( فتح عينك تاخد على عينك وكبر دماغك تركب فيرارى )
الحكايه اكبر من موضوع جمارك عاليه فالعربيات غاليه
الحكايه ببساطه اننا اصلا شعب المفترض اننا بنحب العياقه والعربيات الجديده
فلو الجمارك بقت رخيصه البلد كلها هتركب عربيات جديده وطبيعى حال قطع الغيار هيقف وده هيضر مستوردين كتير
وطبعا بما ان الحكومه ماشيه بمبدا ان الشعب 95% عايشين لخدمه اسيادهم رجال الاعمال والمسئولين اللى هما 5%
يبقى لازم نعيش طول عمرنا فى عصر الزيستافا وال 125 علشان اسيادنا يركبو ما لذ وطاب من الامريكى والالمانى
ثانى حاجه اننا لو ركبنا عربيات جديده نسبه استهلاك البنزين هتقل وده برده هيؤدى ان مصر يبقى فيها فائض بترول كتير للتصدير وده مرفوض عالميا
ثالث حاجه لو ركبنا عربيات جديده هنبدأ اول خطوات التحضر وده مرفوض تماما ( علشان نبقى اقل من اسيادنا برده:lol )
يا جماعه مينفعش اننا شغالين بحكومه بتخطط هتغلى السكر والشاى امتى ونقولهم والنبى خفضو الجمارك
الحكايه محتاجه تغيير جزرى الاول فى كل قوانين وضوابط السيارات فى مصر وبعدين نفكر فى الاسعار
انا عن نفسى مش من مؤيدى تخفيض الجمارك دلوقتى لعده اسباب
اولا لو خفضنا الجمارك العربيات هتزيد فى البلد وهيقف حال المرور اكتر
يبقى احنا محتاجين الاول نوقف كل العربيات القديمه ونعين كوادر جديده فى المرور تنظم حركه المرور
بجد بدون التحيز لأى حد فى الشارع
محتاجين حلول مرضيه للجميع وملهاش علاقه بوقف شوارع علشان معالى حرس الحدود نازل من البيت ولا دودى ابن عماد باشا رايح يجيب كادبورى من السوبر ماركت
محتاجين بجد نكون بنفهم يعنى ايه عربيه متستحقش سعرها فمحدش هيشتريها ويعنى ايه عربيه مسلوبه الاوبشن الناس كلها تعترض عليها
المفروض وده اللى بيحصل فى كل مكان ان القوى الشرائيه هى اللى بتحدد طبيعه السوق
انما هنا فى مصر السوق ماشى على هوا اصحاب المعارض وحروبهم مع التوكيلات وفى المستعمل السماسره
ابسط مثال على المهزله دىالكورولا الجديده
التوكيل هينزل العربيه صناعه جنوب افريقيا علشان يوفر هامش ربح كبير ليه بسبب طبعا العماله الرخيصه والتقفيل الزباله بتاع المصانع هناك
وكمان الموتور اللى هينزل فى العربيه اصلا مش مكود من الشركه ولا تويوتا معترفه بيه علشان كدا لو دورت على النت مش هتلاقى ارقام عمله موجوده ابدا
فناس ولاد حلال بتوع معارض استوردو عربيات من اليابان علشان يبيعوها بسعر اقل وكمان معاها ضمان وطبيعى مواصفات احسن وموتور احسن
رد فعل التوكيل كان رفع فواتير استيراد عربياته علشان باقى المعارض كلها تخسر وتغلى العربيات على الناس والدنيا تبوظ ويبقى التوكيل هو المستفيد الوحيد
وحاجات تانيه كتير زى الفيرنا و الفيرنا فيفا والكيا سيراتو و .. و ...
يعنى ببساطه احنا بقينا لعبه فى ايد التوكيلات
ضرب فواتير ونصب واستيراد عربيات من بلاد مقتوله زى الهند وجنوب افريقيا
وكل الهدف هو هامش ربح يدخل بيه التجار موسوعه جينيس للضحك على الدقون
صدقنى انا رأى النهائى ان احنا اللى عملنا كده فى نفسنا وخلينا التجار والتوكيلات تتحكم فينا
لأننا ببساطه بنفرح لمجرد ركوب عربيه ونقول ارضى بقليلك وحتى مش بنكلف نفسنا عناء
البحث على اى وسيله وليكن النت علشان نعرف كل عربيه فى البلد دى تستحق ايه بجد مش نجرى ورا الاسم وخلاص واعلانات الجرايد
اسف جدا جدا جدا لو طولت بس قولت اطلع كل اللى فى نفسى
والله يا باشا تشريفك لينا ده كرم كبير علينا وكلام متكلف وموزون وانا شايف فعلا ان الاصلاحات المرورية من اول اسباب حل مشكلة السيارات فى مصر وشايف اكتر ان الاصلاح المرورى انسب حل فيه ان البلد تفرش ونروح شوية فى الصحرا بعيد عن المدن المزدحمة
yoofiman1
15-01-2008, 12:54 AM
بصراحه كده انت جيبت م لاخر
الناس هى فعلا السبب علشان مش عارفين ان احنا قوه
مش قادرين نفهم ان السوق اساسا معمول لخدمه القوة الشرائيه
و احنا القوة الشرائيه
بس بيبيعولنا العربيه الصينى ب ستين الف و بنشتريها
طب تفهم العالم دى ازاى
يبقى الجدع من دول راكب العربيه المعموله من كانز البيبسى (الصينى كله) و فاكر نفسه جاب الديب من ديله
و مش واخد باله ان العربيه دى غير مسموح دخولها اوروبا علشان معدتش من اختبارات السلامه
و الصينى ده مثال من امثله كتير قوى
يا ناس الموتسيكلات الصينى باعتراف الصين ذات نفسها ان الصين كانت عايزه الموتوسيكل يوصل للمستهلك بسعر 500 جنيه مصرى
ايوه 500 خمسميه بس
بص مستوريدينا الشطار بيبيعوهولنا ب 5000 وانت طالع
والجميل ان الناس برضه بتشترى
احنا بقينا زى الطور
مالناش غير نجر الساقيه و خلاص
مافيش تفكير ف اى حاجه غير حاجر الساقيه بكره ازاى ؟
حسبى الله و نعم الوكيل
موضوع الموتوسيكلات ده فعلا حقيقى لدرجة ان الصين رفعت قضايا على التجار المصريين عشان يرخصوا سعر البضاعة بتاعتهم وقدموا ورق يثبت السعر الى التجار دفعوه فى الصين عشان يبيعوا اكتر بهامش ربح اقل للتاجر بدل ما يبيعوا اقل بهامش ربح كبير للتاجر
على فكرة دى سياسة التجارة الاسيوية بشكل عام
الاسيويين يهتموا بال market share يعنى حصتهم من السوق على عكس الامريكان الى بيهتموا بال profit يعنى الربح.....بس الامريكان النهارده اكتشفوا ان الاسيويين هم الى صح او بمعنى ادق هم الاصح وعشان كده النهارده فى عربية امريكانى ب 70000 جنيه بس اسمها افيو....الكلام ده لو حد قالو زمان ماكانش حد هايصدقه ويقوله يا راجل معقولة امريكا ترضى تعمل عربية بالسعر ده.....النهارده الامريكان بدأوا يهتموا بحصتهم فى السوق بدل ما يبيعوا الشيروكى لفئة معينة ويسيبوا بقية السوق للوحش الصينى يلتهمه براحته
ونرجع للعربيات الصينى.....والله بصراحة يا جماعة انا شايف مع الوقت محدش فى مصر هايركب عربية غير الصينى......لأن هم مع الوقت هايحسنوا البضاعة بتاعتهم ويطوروها(اظن احنا ملاحظين الفرق بين الاسبيرانزا الصغيرة الجديدة وال QQ ) الى كانت نازلة قبل كده
مع الوقت هايتقدموا قوى ومحدش هايقدر ينافس الاسعار بتاعتهم....كل المطلوب مننا ان احنا نحل المشكلة بتاعتنا ونخللى العربيات عندنا بنفس سعرهافى السوق العالمى
AhmedIG
15-01-2008, 07:59 PM
الموضوع بقى يقرف بجد ....
مفيش نظام أبدا ً .... لا الميكروباصات لها نظام ولا محطات الأتوبيس لها نظام وحاجات تسد النفس ...
تلاقى الميكروباص يقف وقت ماهو عايز ، والأتوبيس الأخضر والمكيف يقف براحته ، مفيش حاجة اسمها محطات ... ازاى ؟ ... لما الميكروباص كل 100 متر يقف عشان ينزل او يطلع واحد أكيد هيوقف الطريق ... والأمثلة كتيييييييير ...
اما الميكروباصات ذات نفسها .. فدى كارثة .. تقريبا دة مش ميكروباص ... دة كأنك راكب فزبة ... شوية شوية والميكروباص هيسيبك ويمشى ... أنضف ميكروباص فى القاهرة ممكن تركبه بتاع حلوان من العباسية .... وطبعا ً ضيق وزفت ... اما بقى ميكروباصات ألف مسكن ومدينة نصر أجارك الله ... سواقين زبالة وحاجة تقرف ..
غير كدة وكدة تبص تلاقى عربيات فى الشارع متتركبش ... وتاكسيات زبالة متتركبش ....
قبل ما نطلب ترخيص سعر السيارات .. الأولى نصلح المشاكل اللى عندنا أهمهم الزحمة والسيارات القديمة ....
أولا ً المفروض يوضع قانون بمنع السيارات القديمة تحت موديل معين وليكن مثلا 1990 .... ويتم التصرف فى السيارات دى بأى شكل ... ممكن بيعها واعادة تصنيعها ... وطبعا صاحبها بياخد مبلغ رمزى فى المقابل ... وعلى الدولة توفير وسائل مواصلات أكثر راحة وأكثر نظاما ً .... فمع حظر كمية كبيرة من السيارات فى المقابل توفير وسائل مواصلات أكثر ....
يعنى كل السيارات تحت موديل 90 مثلا يتم استبدالها بأتوبيسات عامة ... وبالتالى هتقل الزحمة ...
وسائل المواصلات لابد أن توفر الراحة والسرعة ... مش معقولة كل الأتوبيسات تطلع فى وقت واحد .. المفروض فيه نظام ووقت محدد بين كل أتوبيس والتانى ... ولازم المحطات تكون على أبعاد متساوية ...
حرام أوى لما حاجة زى الترماى تفضل شغالة لغاية وقتنا هذا ... دة مالوش لازمة صراحة ...
أهم مشكلة بتواجهنا مش تمن العربية .. لأ دى مشكلة أساسية فى الزحمة والطرق الزبالة والعربيات القديمة الزبالة جدا ً ..
بعد مانحل المشاكل دى ... أكيد العربيات الجديدة هترخص ... مفيش ميزة أبدا ً لما يكون معاك عربية آخر حاجة ومش عارف تمشى بيها فى الطرق المعفنة والوقوف المتواصل دة .....
theaboos
16-01-2008, 03:09 PM
:31: هنا في مصر و للأسف عشان مفيش رقابة التاجر عايز يكسب 200% و بيتفقوا كلهم على أسعار معينة عشان كلهم يكسبوا.
في أي مكان في العالم حتى الصومال المليانة حروب نسبة الربح بتكون معقولة 20% 30% كحد أقصى مش 200%.
و أنا كنت في الخليج و كان عندي دايو لانوس أشتريتها مستعملة و كانت زي الجديدة ب ألف ريال عماني يعني 15 ألف جنية.
أما هنا شوف المهزلة العربية الدايو المستعملة تلاقي صاحبها عايز 50 ألف .و ال15 ألف هنا في مصر ماتجيبش 128 .
ده مهزلة و هبل لازم يوقف عند حدةز
و حسبنا الله و نعم الوكيل
saifooon
22-01-2008, 01:00 AM
أولا ً المفروض يوضع قانون بمنع السيارات القديمة تحت موديل معين وليكن مثلا 1990 .... ويتم التصرف فى السيارات دى بأى شكل ... ممكن بيعها واعادة تصنيعها ... وطبعا صاحبها بياخد مبلغ رمزى فى المقابل ... وعلى الدولة توفير وسائل مواصلات أكثر راحة وأكثر نظاما ً .... فمع حظر كمية كبيرة من السيارات فى المقابل توفير وسائل مواصلات أكثر ....
يعنى كل السيارات تحت موديل 90 مثلا يتم استبدالها بأتوبيسات عامة ... وبالتالى هتقل الزحمة ...
أهم مشكلة بتواجهنا مش تمن العربية .. لأ دى مشكلة أساسية فى الزحمة والطرق الزبالة والعربيات القديمة الزبالة جدا ً ..
.....
يا أستاذ احمد مافيش كده ف الدنيا
لازم بيبقى فيه عربيات قديمه
بس الفكره انه فيه فرق ما بين قديمه و متهالكه
لان الفقر عندناجامديعنى انه لو واحد معاه عربيه موديل 80 زى حالاتى
تفتكر انه مانفسوش يركب حاجه جديده
تفتكر ان تصليحها رخيص ؟
ابدا
لماتحسب كميه الفلوس اللى بتدفع تصليحات سنويا على عربيه قديمه حاتلاقيها اكتر بكتير جدا من تصليح الجديده
ده غير فرق استهلاك البنزين لما عربيتك تعمل باللتر الواحد 5 كيلومتر
بس العربيات الجديده غاليه جدا على واحد فى الحاله دى
فيا استاذ احمد لو العربيه الجديده قدامى ب 15 او 20 الف
حاخلى اللى عندى اللى هى موديل 80 ليه؟
مانا حابيعها خرده ب 15 جنيه واشترى جديد
و تخيل بيقى ان ممكن ال20 دول يتقسطو كمان حاتبقى فله
يبقى حانجيب حاجه ب 30ولا 35 وتبقى محترمه خالص
و ماحدش حايشترى لانوس ب 50 استعمال بعد كده
وطلب خاص جدا منك يا استاذ احمد
ماتحسسناش ان الناس اللى راكبين عربيات جامده مش طايقنا ف البلد
دى بلدنا كلنا
كلنا تعبانين بس عايشين مع بعض
واللى خالانى اركب عربيه معفنه والعربيات القديمة الزبالة جدا والناش تشاور و تقول بص العربيه اللى من العصر الحجرى دى اللى قبل اختراع التكييف مش بمزاجى
يعنى انا مش معايا 250 الف و بخيل
لا ابدا خالص
و محدش بيحب يهزأ نفسه يعنى لو مش قادر يبيعها حايصلحا على الاقل
بس تصور ان مافيش حق تصليحها
ف بيهدر كرامته جواها احسن ما يهدر كرامته براها ف الاوتوبيس
وسؤال للناس اللى فوق
هو لو فيه اوتوبيس لامبورجينى ماشى ف الشارع حضراتكو حاتركنو عربياتكو المرسيدس و البى ام والبورش والذى منه و تركبو الاوتوبيس النضيف حتى لو كان الاوتوبيس ده جاجوار ؟
AhmedIG
22-01-2008, 05:55 PM
يا أستاذ احمد مافيش كده ف الدنيا
لازم بيبقى فيه عربيات قديمه
بس الفكره انه فيه فرق ما بين قديمه و متهالكه
ايوة يا باشا بس معتقدش فيه حاجة موديل قديم ومش متهالكة :jap:
لان الفقر عندناجامديعنى انه لو واحد معاه عربيه موديل 80 زى حالاتى
تفتكر انه مانفسوش يركب حاجه جديده
تفتكر ان تصليحها رخيص ؟
ابدا
لماتحسب كميه الفلوس اللى بتدفع تصليحات سنويا على عربيه قديمه حاتلاقيها اكتر بكتير جدا من تصليح الجديده
ده غير فرق استهلاك البنزين لما عربيتك تعمل باللتر الواحد 5 كيلومتر
بس العربيات الجديده غاليه جدا على واحد فى الحاله دى
فيا استاذ احمد لو العربيه الجديده قدامى ب 15 او 20 الف
حاخلى اللى عندى اللى هى موديل 80 ليه؟
مانا حابيعها خرده ب 15 جنيه واشترى جديد
و تخيل بيقى ان ممكن ال20 دول يتقسطو كمان حاتبقى فله
يبقى حانجيب حاجه ب 30ولا 35 وتبقى محترمه خالص
و ماحدش حايشترى لانوس ب 50 استعمال بعد كده
عندك حق ....
وطلب خاص جدا منك يا استاذ احمد
ماتحسسناش ان الناس اللى راكبين عربيات جامده مش طايقنا ف البلد
دى بلدنا كلنا
كلنا تعبانين بس عايشين مع بعض
ههههه يا باشا اعذرنى لو كنت حسستك بكدة .... انا أساسا ً معنديش عربية لا جديدة ولا قديمة ... وطلعان عين **%$$** فى الميكروباصات والمواصلات ....
انا بس مخنوق جامد ..
Challenger4ever
23-01-2008, 11:27 PM
بسم الله الرحمن الرحيم
بداية احب اتفق مع (saifooon) في كل اللي قاله
لازم بيبقى فيه عربيات قديمه
بس الفكره انه فيه فرق ما بين قديمه و متهالكه
أكيد لازم يكون في عربيات قديمة بدليل انك بتلاقي برة ناس غاوية تركب العربيات دي يس ده بمزاجهم مش مضطرين لكده زي هنا
يعني مثلا في حد هيبقى معاه 20 الف جنيه يقدر يجيب بيهم عربية موديل 90 وانت طالع ويروح يجيب عربية بالفين وللا تلاتة تطلع عينه
أكيد لا طبعا بس هو مش لاقي العربيات دي في حدود الفلوس دي
خد عندك مثلا الموظف العادي يوم ما بيبقى مرتبه حلو ومحوشله قرشين بيجيب ايه؟؟
يا اما لادا يا شاهين ....طيب اشمعنى دول؟
لان العربيتين دول يوم لاقدر الله ما هيحصل فيهم حاجة هيلاقي قطع غيارهم عند البقال في حدود امكانياته وبرخص التراب وفي بدائل متوفرة زي قطع غيار الفيات. مش هيروح لمركز خدمة يكع ويحس انه بيتسرق.
أعذروني اذا كنت شردت عن الموضوع ومعلش طولت عليكم
saifooon
31-01-2008, 02:40 AM
متشكر لاتفاقك معى يا
Challenger4ever
العربيات اغلى من تمنها الحقيقى و كمان مواصفاتها اقل من المواصفات الاوروبى و الامريكى و الخليجى
يعنى اقل مواصفات هى اللى بتيجى مصر
yoofiman1
08-02-2008, 01:06 PM
اولا انا متأسف يا جماعةعلى التأخير بس فعلا الواحد مش بيطول ياخد نفسه وبدأ يعتبر ان التواصل على النت بقى رفاهية الواحد بيحاول يقتنصهامن وقت للتانى
لكن الى مجمد قلبى انى قلت كتير انى مش باتعامل مع الموضوع انه بتاعى.....ابدا.....الموضوع للجميع وانا افخر انه ساحة حوار حقيقية
يعنى محدش يخبط ويستأذن......خش برجلك اليمين علطول وقول الى انت عاوزه
متشكر قوى يا جماعة
yoofiman1
08-02-2008, 01:25 PM
سواقين زبالة وحاجة تقرف ..
فاكر سيد بتاع تامر وشوقية؟
قبل ما نطلب ترخيص سعر السيارات .. الأولى نصلح المشاكل اللى عندنا أهمهم الزحمة والسيارات القديمة ....
احلى كلمتين......من غير ما نحل مشكلة الزحمة ونفرش البلد شوية فى الصحرا ونلغى المركزية بتاع القاهرة ونهج كلنا على خارجها ونخليها مدينة سياحية بس
من غير ده ماتستنوش اى حل
ومن غير حل مشكلة صفايح الزبالة الى ماشية فى الشوارع واحنا مصدقين انها عربيات.....يبقى محدش يقول الجديد غالى ليه
أولا ً المفروض يوضع قانون بمنع السيارات القديمة تحت موديل معين وليكن مثلا 1990 .... ويتم التصرف فى السيارات دى بأى شكل ... ممكن بيعها واعادة تصنيعها ... وطبعا صاحبه بياخد مبلغ رمزى فى المقابل ... وعلى الدولة توفير وسائل مواصلات أكثر راحة وأكثر نظاما ً .... فمع حظر كمية كبيرة من السايارات فى المقابل توفير وسائل مواصلات أكثر ....
يعنى كل السيارات تحت موديل 90 مثلا يتم استبدالها بأتوبيسات عامة ... وبالتالى هتقل الزحمة ...
وسائل المواصلات لابد أن توفر الراحة والسرعة ... مش معقولة كل الأتوبيسات تطلع فى وقت واحد .. المفروض فيه نظام ووقت محدد بين كل أتوبيس والتانى ... ولازم المحطات تكون على أبعاد متساوية ...
هو ده صعب......بس ممكن يعملوا ضوابط صارمة لاعادة الترخيص وممكن يزودوا ضريبة تجديد الرخصة كل ما عمر السيارة زاد بس ده لازم يقابل بتسهيلات فى شراء الجديد والاهم منه طبعا تقديم وسيلة مواصلات ادمية
حرام أوى لما حاجة زى الترماى تفضل شغالة لغاية وقتنا هذا ... دة مالوش لازمة صراحة ...
انا مش قادر افهم ايه لازمة تروماى مدينة نصر وبالذات الى ماشى بطول شارع مصطفى النحاس.....ده مرة كان هايدوسنى ويفرمنى لانى كنت معدى قدامه ومش حاسس بيه انه موجود وماشى.....لا صوت ولا سارينة ولا هو حجمه كبير عشان تاخد بالك منه ولا اى حاجة.....السواق طلع من الشباك وقعد يصوت: يا بيييه....يا بيييه.....والله العظيم يا جماعة فعلا كنت هاموت.....شكله ما كانش معاه فرامل كمان.....والكارثة ان عمرى ما شفته مليان
ولا تروماى حلوان الى كان اثر تاريخى......مخليين القضبان بتاعته لحد دلوقتى عمالة تدربك فى العربيات
حاجات غريبة جدا
أهم مشكلة بتواجهنا مش تمن العربية .. لأ دى مشكلة أساسية فى الزحمة والطرق الزبالة والعربيات القديمة الزبالة جدا ً ..
بعد مانحل المشاكل دى ... أكيد العربيات الجديدة هترخص ... مفيش ميزة أبدا ً لما يكون معاك عربية آخر حاجة ومش عارف تمشى بيها فى الطرق المعفنة والوقوف المتواصل دة .....
وانا معاك قوى ان موضوع السعر ده عرض مش مرض
المرض هو الزباااااالة الى بقت فى كل حاجة فى حياتنا حتى فى معاملاتنا الانسانية
yoofiman1
08-02-2008, 01:32 PM
:31: هنا في مصر و للأسف عشان مفيش رقابة التاجر عايز يكسب 200% و بيتفقوا كلهم على أسعار معينة عشان كلهم يكسبوا.
في أي مكان في العالم حتى الصومال المليانة حروب نسبة الربح بتكون معقولة 20% 30% كحد أقصى مش 200%.
و أنا كنت في الخليج و كان عندي دايو لانوس أشتريتها مستعملة و كانت زي الجديدة ب ألف ريال عماني يعني 15 ألف جنية.
أما هنا شوف المهزلة العربية الدايو المستعملة تلاقي صاحبها عايز 50 ألف .و ال15 ألف هنا في مصر ماتجيبش 128 .
ده مهزلة و هبل لازم يوقف عند حدةز
و حسبنا الله و نعم الوكيل
عمان اولى يا باشا....الحق سافر قبل ما تتخنق:lol:
yoofiman1
08-02-2008, 01:34 PM
يا أستاذ احمد مافيش كده ف الدنيا
لازم بيبقى فيه عربيات قديمه
بس الفكره انه فيه فرق ما بين قديمه و متهالكه
لان الفقر عندناجامديعنى انه لو واحد معاه عربيه موديل 80 زى حالاتى
تفتكر انه مانفسوش يركب حاجه جديده
تفتكر ان تصليحها رخيص ؟
ابدا
لماتحسب كميه الفلوس اللى بتدفع تصليحات سنويا على عربيه قديمه حاتلاقيها اكتر بكتير جدا من تصليح الجديده
ده غير فرق استهلاك البنزين لما عربيتك تعمل باللتر الواحد 5 كيلومتر
بس العربيات الجديده غاليه جدا على واحد فى الحاله دى
فيا استاذ احمد لو العربيه الجديده قدامى ب 15 او 20 الف
حاخلى اللى عندى اللى هى موديل 80 ليه؟
مانا حابيعها خرده ب 15 جنيه واشترى جديد
و تخيل بيقى ان ممكن ال20 دول يتقسطو كمان حاتبقى فله
يبقى حانجيب حاجه ب 30ولا 35 وتبقى محترمه خالص
و ماحدش حايشترى لانوس ب 50 استعمال بعد كده
وطلب خاص جدا منك يا استاذ احمد
ماتحسسناش ان الناس اللى راكبين عربيات جامده مش طايقنا ف البلد
دى بلدنا كلنا
معفنه والعربيات القديمة الزبالة جدا والناش تشاور و تقول بص العربيه اللى من العصر الحجرى دى اللى قبل اختراع التكييف مش بمزاكلنا تعبانين بس عايشين مع بعض
واللى خالانى اركب عربيهجى
يعنى انا مش معايا 250 الف و بخيل
لا ابدا خالصلامبورجينى ماشى ف الشارع حضراتكو حاتركنو عربياتكو المرسيدس و البى ام والبورش والذى منه و تركبو الاوتوبيس النضيف حتى لو
و محدش بيحب يهزأ نفسه يعنى لو مش قادر يبيعها حايصلحا على الاقل
بس تصور ان مافيش حق تصليحها
ف بيهدر كرامته جواها احسن ما يهدر كرامته براها ف الاوتوبيس
وسؤال للناس اللى فوق
هو لو فيه اوتوبيس كان الاوتوبيس ده جاجوار ؟
saifooon والله واحشنى يا باشا وانت اكتر واحد مطمنى انه سداد وانا غايب....ثم ايه يا عم الكلام الكبير ده.....بالراحة شوية يا عم كلنا مطحونين :13:
yoofiman1
08-02-2008, 01:39 PM
بسم الله الرحمن الرحيم
بداية احب اتفق مع (saifooon) في كل اللي قاله
أكيد لازم يكون في عربيات قديمة بدليل انك بتلاقي برة ناس غاوية تركب العربيات دي يس ده بمزاجهم مش مضطرين لكده زي هنا
يعني مثلا في حد هيبقى معاه 20 الف جنيه يقدر يجيب بيهم عربية موديل 90 وانت طالع ويروح يجيب عربية بالفين وللا تلاتة تطلع عينه
أكيد لا طبعا بس هو مش لاقي العربيات دي في حدود الفلوس دي
خد عندك مثلا الموظف العادي يوم ما بيبقى مرتبه حلو ومحوشله قرشين بيجيب ايه؟؟
يا اما لادا يا شاهين ....طيب اشمعنى دول؟
لان العربيتين دول يوم لاقدر الله ما هيحصل فيهم حاجة هيلاقي قطع غيارهم عند البقال في حدود امكانياته وبرخص التراب وفي بدائل متوفرة زي قطع غيار الفيات. مش هيروح لمركز خدمة يكع ويحس انه بيتسرق.
أعذروني اذا كنت شردت عن الموضوع ومعلش طولت عليكم
الكلام ده عظيم قوى
بدليل بنامج pimp my ride
فعلا عندهم عربيات متهالكة وقديمة....بس مش هو ده العادى ده غير انها بتكون رخيصة جدا ده غير انهم بيروقوها وبيركبوها مزاج كأنها حاجة اثرية على عكس عندنا ما احناش راكبينها بمزاجنا
بالمناسبة يا كبير.....فى ناس بتبص للشاهين على انها حلم حياته
Challenger4ever
08-02-2008, 05:32 PM
طب ايه رايك بقى ان انا أعرف واحد حلمه يجيب 128
هو مش حلم حياته بجد
أهو بيقول احسن من مفيش بدل البهدلة والشحططة في المواصلات
yoofiman1
08-02-2008, 06:47 PM
طب ايه رايك بقى ان انا أعرف واحد حلمه يجيب 128
هو مش حلم حياته بجد
أهو بيقول احسن من مفيش بدل البهدلة والشحططة في المواصلات
اى حاجة فى الدنيا هاتكون احسن من نظرة الاحتقار والازدراء والتعالى والتماهى واللكاعة الى بيبصهالك سواق الميكروباص لما تسأله عن الفكة
طبعا النظرة دى بتكون متبوعة برد حازم جازم قاطع مانع لاى محاولات تفاوض :مفيش فكة يا بيه
اى حاجة فى الدنيا اكيد هاتكون احسن من كده
admin_Tika
08-02-2008, 08:55 PM
والله انا مش عارف اقولك ايه
yoofiman1
09-02-2008, 01:50 AM
والله انا مش عارف اقولك ايه
يعنى هو حضرتك طالما لسه مستفقزتش المكان فاحسن حاجة تقولهالنا: العربيات النص نقل لما بتتوضب بتبقى كفااااءة
AhmedIG
09-02-2008, 02:07 AM
الميكروباصات دى حاجة ما يعلم بيها الا ربنا خصوصا لواحد طويل زيى... عذاب وحياتك ، تخيل معرفش اركب إلا قدام او ورا السواق ، ولو ركبت ورا السواق لازم ارفع رجلى عالبتاع دى ، ولما ارفع رجلى يقولى نزلها تحت ، *** يعنى كأنها مثلا سجادة شيموا وهى حتة بتاع كدة رجلى تتوسخ لو سندت عليها ... ومعرفش أنزلها لأنى لو نزلتها شوية شوية هتحضن السواق ، فبضطر انزل وآخد اللى بعده ..
ولا الزنقة بقى ، مش عارف اقولك ، بالذات فى الشتا ، تبقى مطالب بغلق الإزاز عشان السادة الركاب متكلفتين فى السقعة ، مش مهم النفس بقى ، والريييحة ، وانا بقول بصطبح بوش مين ...
ربنا يرزقنا ياااااااارب ...
وتسلم عالموضوع بيخلى الواحد يطلع عن أنفاسه .... ايه يطلع من انفاسه دى ، مش عارف هو مثل كدة وخلاص هههههه
اقصى سرعة
09-02-2008, 03:01 AM
شكرا جزيلا فعلا على الموضوع الرائع
والحوار شى رائع بصراحة
والله انا مش عارف ااقول اية
بس انا من راى انولازم يشيلوا الجمارك والضرايب نهائيا علشان نعرف
نعيش عيشة هنية هوا دة الحل
واظن انوا قمة الظلم لما العربية تبقى برة ب 70 الف وتبقى عندنا ب 475الف وانا قصدى على الكامرى طبعا وقيس على كدة
واالناس اللى بتقول انوا السبب فى الناس انفسهم انا لااظن ذلك ابدا
مهما لازم يعيشوا وبعدين فين جهاز حماية الستهلك
والناس اللى بتقول انوا لوا بقت العربيات زى برة مش هنعرف نتحرك من مكانا والله العظيم انوا لو عايزين يحلوها هيحلوها بس لاحياة لمن تنادى
وانا نفسى يعدموا العربيات المتهالكة يعنى احنا مفيش عربية عندنا تتعدم ابدا كلوا شغال وطبعا بيكون صاحب العربية من الشعب المطحون
يعنى تخييلوا انو الالنترا برة ب 30 الف وهنا ب 100 الف تخيلوا لو العربيات رخصت الدنيا هتبقى ازاى
وياسلام على المواصلات اللى فعلا ماتنفش غير تكون مخصصة لنقل الحيوانات وليس البنى أدميين
طب انا عايز اقولكوا مثال انا واحد صاحبى مرتبوا 167 جنية قولولى يجيب عربية اية ومتجوز وعندوا عيال
وان شاء الله فى امل كبير فى بلدنا ياجماعة ودى البداية< الحوار >
saifooon
11-03-2008, 09:23 PM
بحب الحوار بجد مش هزار
exit1988
15-03-2008, 07:44 AM
بند 1 . تأمم الشركة العالميه لقناة الجزيرة الفضائيه شركة مساهمة قطريه
ههههييييييييييييييييييييييييييييييييييييييييههه
يا دين النبى
ايه الحلاوه دى
عظمه على عظمه يا ست
بند 2. يتم إلغاء 50% من قيمه الجمارك على جميع السيارات
كما يتم إلغاء 50% من قيمه الضريبه على جيمع السيارات
يا راااااااااااااااجل
تصوروا لو بجد البند 2 اتنفذ
مش الحياه تبقى حلوه والناس تركب عربيات نضيفه
انتوا عارفين اللى عاوز يقعد فى بلدنا دى ويركب عربيه
لازم يكون حاجه من اتنين
يا حرامى
يا وارث قرشين حلوين من الحاج الله يرحمه
وأنا مشكلتى أنى مش واحد من الأتنين دول
Eng_aamer
29-04-2008, 02:41 AM
و الله العظيم الشعب المصري ده عايش في البدنجان
يشتري عربيه128 ولا 132 بيجي 25 الف
مع ان قدامه ان يشتري حاجه ياباني موديل 85 مثلا بنفس التمن
بس يقولك ايه الفيات قطع غياره رخيصه
طيب يا عم الحاج ما هو انت كل يووووم هتروح للمكانيكي و توجع دماغك
plastics68
09-05-2008, 02:10 AM
شباب . العربيات في مصر غالية علشان الجمارك 400% من ثمنها ...
الكلام ده من جريدة الاهرام الاسبوعي ملحق السيارات ..
الدليل ان سيارات المعاقين رخيصة جدا يعني مثلا ممكن تشتري عربية ماتريكس ب 20 الف لانها معفاه من الجمارك
الدليل الثاني ان العربيات في بورسعيد رخيصة برضه يعني مثلا ال هوندا سيفيك ب 30 الف . لانها معفاه ب 200% من الجمارك . بس علشان تشتريها لازم انك تكون بورسعيدي و ترخص منطقة حرة
samehafez
09-05-2008, 10:09 AM
المشكلة ان العربيات مينفعش سعرها ينزل .. لان مينفعشا الضرايب تنزل لان الحكومة محتاجة الفلوس دي لان مفيش موارد تانية المشكلة ان المفروض ان فيه موارد تانية بس الطبيعي في دول العالم المتقدمة ان ميكنش فيه موارد تانية بس احنا عندنا الحكومه هي التاجر و الصانع و مقدم الخدمات و هي كمان اللي يتلم الضرايب ....ليه مش عارف حد فاهم حاجة ..... بس اسعار العربيات صعب تنزل و حتي بعد ما البنزين غلي العربيات برضة هتفضل غالية ......ثم انا عاوز اعرف انتم زعلانين ليه ما الغالي تمنه فيه ....
viper7777777
17-05-2008, 04:12 PM
ربنا يتولانا برحمته والله
viper7777777
17-05-2008, 04:12 PM
ربنا يتولانا برحمته والله
dr mad
17-05-2008, 05:57 PM
واظن انوا قمة الظلم لما العربية تبقى برة ب 70 الف وتبقى عندنا ب 475الف
يا باشا
البنزين مدعوم
و اى دولة بتدعم البنزين بتغلى الجمارك و يمكن اكتر من مصر
ما ينفعش تقارن بالسعودية
لان كل بلد ليها ظروفها
dr mad
17-05-2008, 06:00 PM
المشكلة ان العربيات مينفعش سعرها ينزل .. لان مينفعشا الضرايب تنزل لان الحكومة محتاجة الفلوس دي لان مفيش موارد تانية المشكلة ان المفروض ان فيه موارد تانية بس الطبيعي في دول العالم المتقدمة ان ميكنش فيه موارد تانية بس احنا عندنا الحكومه هي التاجر و الصانع و مقدم الخدمات و هي كمان اللي يتلم الضرايب ....ليه مش عارف حد فاهم حاجة ..... بس اسعار العربيات صعب تنزل و حتي بعد ما البنزين غلي العربيات برضة هتفضل غالية ......ثم انا عاوز اعرف انتم زعلانين ليه ما الغالي تمنه فيه ....
بالضبط هو ده الى عايز اقوله
dr mad
17-05-2008, 06:00 PM
المشكلة ان العربيات مينفعش سعرها ينزل .. لان مينفعشا الضرايب تنزل لان الحكومة محتاجة الفلوس دي لان مفيش موارد تانية المشكلة ان المفروض ان فيه موارد تانية بس الطبيعي في دول العالم المتقدمة ان ميكنش فيه موارد تانية بس احنا عندنا الحكومه هي التاجر و الصانع و مقدم الخدمات و هي كمان اللي يتلم الضرايب ....ليه مش عارف حد فاهم حاجة ..... بس اسعار العربيات صعب تنزل و حتي بعد ما البنزين غلي العربيات برضة هتفضل غالية ......ثم انا عاوز اعرف انتم زعلانين ليه ما الغالي تمنه فيه ....
بالضبط هو ده الى عايز اقوله
dr mad
17-05-2008, 06:03 PM
و كمان لو حد لاحظ
ان اسعار العربيات فى دول الخليج زادت بشكل الكبير فى السنين الى فاتت
yoofiman1
18-05-2008, 01:41 AM
الميكروباصات دى حاجة ما يعلم بيها الا ربنا خصوصا لواحد طويل زيى... عذاب وحياتك ، تخيل معرفش اركب إلا قدام او ورا السواق ، ولو ركبت ورا السواق لازم ارفع رجلى عالبتاع دى ، ولما ارفع رجلى يقولى نزلها تحت ، *** يعنى كأنها مثلا سجادة شيموا وهى حتة بتاع كدة رجلى تتوسخ لو سندت عليها ... ومعرفش أنزلها لأنى لو نزلتها شوية شوية هتحضن السواق ، فبضطر انزل وآخد اللى بعده ..
ولا الزنقة بقى ، مش عارف اقولك ، بالذات فى الشتا ، تبقى مطالب بغلق الإزاز عشان السادة الركاب متكلفتين فى السقعة ، مش مهم النفس بقى ، والريييحة ، وانا بقول بصطبح بوش مين ...
ربنا يرزقنا ياااااااارب ...
وتسلم عالموضوع بيخلى الواحد يطلع عن أنفاسه .... ايه يطلع من انفاسه دى ، مش عارف هو مثل كدة وخلاص هههههه
ولله ي جماعة واحشنى......وباعتذر جدا لان كنت مشغول قوى الفترة الى فاتت وزى ما قلت قبل كده ده مش موضوع حد يخش يقول فيه مشكور يقوم التانى يقوله نورت......ده موضوعنا كلنا
ما اقدرش اقول على الميكروباصات احسن من الى قاله سواق الميكروباص العظيم سيد اخو شوقية:
دى لعنة
yoofiman1
18-05-2008, 01:55 AM
والناس اللى بتقول انوا لوا بقت العربيات زى برة مش هنعرف نتحرك من مكانا والله العظيم انوا لو عايزين يحلوها هيحلوها بس لاحياة لمن تنادى
< الحوار >
ده كلام تهريج طبعا........بلدنا مساحتها مليون كيلومتر والناس ماعندهاش مانع تهج من الزحمة والدليل السحب الفظيع على المدن الجديدة......اللى اهم حاجة فيها ان لازم يكون معاك عربية!!!!!!!!!!
وانا نفسى يعدموا العربيات المتهالكة يعنى احنا مفيش عربية عندنا تتعدم ابدا كلوا شغال وطبعا بيكون صاحب العربية من الشعب المطحون
< الحوار >
ايوه بس يوفروا البديل
طب انا عايز اقولكوا مثال انا واحد صاحبى مرتبوا 167 جنية قولولى يجيب عربية اية ومتجوز وعندوا عيال
< الحوار >
مع كامل الاحترام: قوله يتكل على الله ويشتغل رقاصة......على فكرة الرقص الرجالى مطلوب دلوقتى
yoofiman1
18-05-2008, 02:02 AM
المشكلة ان العربيات مينفعش سعرها ينزل .. لان مينفعشا الضرايب تنزل لان الحكومة محتاجة الفلوس دي لان مفيش موارد تانية المشكلة ان المفروض ان فيه موارد تانية بس الطبيعي في دول العالم المتقدمة ان ميكنش فيه موارد تانية بس احنا عندنا الحكومه هي التاجر و الصانع و مقدم الخدمات و هي كمان اللي يتلم الضرايب ....ليه مش عارف حد فاهم حاجة ..... بس اسعار العربيات صعب تنزل و حتي بعد ما البنزين غلي العربيات برضة هتفضل غالية ......ثم انا عاوز اعرف انتم زعلانين ليه ما الغالي تمنه فيه ....
الباشا قريب محمد منصور
saifooon
22-06-2008, 03:15 AM
والله وحشنى الموضوع ده
بس كنت عايز ارد على الاستاذ اللى قال حكايه البنزين المدعوم
ايه رايك بعد ما البنزين شاله منه الدعم
العربيات رخصت ؟؟؟؟؟؟؟؟؟؟
والا شاله منه الدعم علشان الدعم اللى فى البنزين كان بيسد فلتر البنزين
الموضوع كله يتلخص فى كلمه واحده
الــــــــــــــــــــــــــــــكـــــــرش
yoofiman1
23-06-2008, 05:31 AM
والله وحشنى الموضوع ده
بس كنت عايز ارد على الاستاذ اللى قال حكايه البنزين المدعوم
ايه رايك بعد ما البنزين شاله منه الدعم
العربيات رخصت ؟؟؟؟؟؟؟؟؟؟
والا شاله منه الدعم علشان الدعم اللى فى البنزين كان بيسد فلتر البنزين
الموضوع كله يتلخص فى كلمه واحده
الــــــــــــــــــــــــــــــكـــــــرش
يا باشا وانت واحش الموضوع
ويكلمتينك دول عداك العيب.............
وأزح
tam74k
19-07-2008, 02:04 AM
موضوعكم مهم جدا ومحير في نفس الوقت
يعني لو اتكلمنا عن السيارات الزيرو هتلاقي ان الفرق في السعر مش 100% علشان نقول دي جمارك وضرائب يعني مثلا السيارة الكامري لما يكون سعرها في الخليج ما يعادل 140 الف جنيه لو هي كاملة المواصفات و 6 سلندر واجي اسأل عليها في مصر الاقيها ب 560 الف جنيه طبعا ده اكثر من الضعف ؟؟؟؟
ونفسي افهم الفرق ده ايه تفاصيله ؟
حد يفهمني !!!!!
sa3dawy
19-07-2008, 12:10 PM
موضوعكم مهم جدا ومحير في نفس الوقت
يعني لو اتكلمنا عن السيارات الزيرو هتلاقي ان الفرق في السعر مش 100% علشان نقول دي جمارك وضرائب يعني مثلا السيارة الكامري لما يكون سعرها في الخليج ما يعادل 140 الف جنيه لو هي كاملة المواصفات و 6 سلندر واجي اسأل عليها في مصر الاقيها ب 560 الف جنيه طبعا ده اكثر من الضعف ؟؟؟؟
ونفسي افهم الفرق ده ايه تفاصيله ؟
حد يفهمني !!!!!
اققولك انا التفاصيل
التفاصيل" 265% جمارك " على العربيات الاكتر من 2000 cc
لا تعليق
vegoooo
29-07-2008, 02:31 AM
على حد معلوماتى البسيطه فى الموضوع ده أقدر أقولك ليه السيارات غاليه اوى كده فى مصر عندك مثلا الجمارك لو عربيتك 2000سىسى تقريبا جماركها حوالى 125% يعنى مره وربع قد تمنها ده غير الضريبه أما لوعربيتك 1300 سىسى بتبقى رحمه شويه حوالى 45% ومش عايز السيارات تكون غاليه والكلام ده طبعا مش موجود فى الخليج أرجو أن أكون قد أفدتكم 0
momogamil
29-07-2008, 05:08 PM
طب ايه رايكو الحكومه تطالب شركات العربيات العالميه انها تصنعلنا تكاتك على قدنا وهو كل واحد يلم مراته وعياله فتكتك هوندا سيفك ولا لانسر ولا لاتوس ولا فيرنا احسن مالبهدله بتاعت المركوباظات والكلام الفاضي ده وحتى لو انتشرت التكاتك صغيره مش هتعمل زحمه واستهلكها للبنزين حنين دانتا يمكن لو خدت زيت القليه اللي مراتك قلت بيه شندوشات العيال بتاعت المدرسه (الزيت الوسخ) وحطيتو فيه هيشتغل و 100 % وفي ميزه بقى مش موجوده فالعربيه انو لو اتقلب تنزل باحترامك كده تعدلو وتكمل مشوارك
انما عربيات وكلام فاضي ايه انا شابف بعض اثرياء القوم بيقولو ان العربيات الصيني حلوه ولازم نركبها قلت باسم الله ماشاء الله البلد فيها فلوس اهوه وربنا يوسع على الناس وعلينا
واحب اقول ان اي حد نفسو يشتري عربيه يتفرج على كمال الشناوي وهوه جامبو شاديه فالعربيه الكاديلك وشارع الكورنيش اللي سفلته احسن من سفلتت شارع الشانزليزيه ويفتكر ان احنا ركبنا عربيات نضيفه لغاية ما زهقنا ويحاول يقنع نفسه اننا راكبين الفرنا واللانوس موووووضه مش فقر :boulay:
عذرا للاطاله
yoofiman1
29-07-2008, 08:32 PM
طب ايه رايكو الحكومه تطالب شركات العربيات العالميه انها تصنعلنا تكاتك على قدنا وهو كل واحد يلم مراته وعياله فتكتك هوندا سيفك ولا لانسر ولا لاتوس ولا فيرنا احسن مالبهدله بتاعت المركوباظات والكلام الفاضي ده وحتى لو انتشرت التكاتك صغيره مش هتعمل زحمه واستهلكها للبنزين حنين دانتا يمكن لو خدت زيت القليه اللي مراتك قلت بيه شندوشات العيال بتاعت المدرسه (الزيت الوسخ) وحطيتو فيه هيشتغل و 100 % وفي ميزه بقى مش موجوده فالعربيه انو لو اتقلب تنزل باحترامك كده تعدلو وتكمل مشوارك
انما عربيات وكلام فاضي ايه انا شابف بعض اثرياء القوم بيقولو ان العربيات الصيني حلوه ولازم نركبها قلت باسم الله ماشاء الله البلد فيها فلوس اهوه وربنا يوسع على الناس وعلينا
واحب اقول ان اي حد نفسو يشتري عربيه يتفرج على كمال الشناوي وهوه جامبو شاديه فالعربيه الكاديلك وشارع الكورنيش اللي سفلته احسن من سفلتت شارع الشانزليزيه ويفتكر ان احنا ركبنا عربيات نضيفه لغاية ما زهقنا ويحاول يقنع نفسه اننا راكبين الفرنا واللانوس موووووضه مش فقر :boulay:
عذرا للاطاله
فكرة زى الفل
ويا سلام بقى لما التكتك ينجنط ويتروش ويتعملوا اسبويلر
الواحد يفضل ماشى يتكتك طول الطريق مع الجماعة والعيال على اغنية التكتك
momogamil
29-07-2008, 10:40 PM
فكرة زى الفل
ويا سلام بقى لما التكتك ينجنط ويتروش ويتعملوا اسبويلر
ازاي فاتتني دي ياباشا احنا لسه هنروش احنا نطلب من فيراري تنزلنا تكتك ب 80000 جنيه كده متكتك ومتجنط وحاجه اكسرا خالص
medhatsat
31-07-2008, 07:43 PM
خلينا نتكلم في نقطة تانية
الاسعار كلها بتزيد .. مش العربيات بس
اقوللك ليه
لما تروح انت كمواحد عايز يعمل مشروع .. تاخد قرض من البنك بفايدة ( 7% سنويا) على الاقل
وتفتح مصنع او اي حاجة استهلاكية لعامة الناس
طبعا عاوز تكسب بسرعة عشان ترد القرض
فهتضيف الفائدة على سعر السلعة طبعا
تخيل لو رحت تجيب عربية بالتقسيط من البنك برضه
!!!!!!!!!!!!
في الاخر هتلاقيها دايرة مغلقة .. لكنها تتحرك دائما الى ارتفاع الاسعار
الموضوع يا باشا موضوع اقتصاد عام .. مش عربيات بس
تحياتي للموضوع المهم فعلا
yoofiman1
31-07-2008, 11:42 PM
خلينا نتكلم في نقطة تانية
الاسعار كلها بتزيد .. مش العربيات بس
اقوللك ليه
لما تروح انت كمواحد عايز يعمل مشروع .. تاخد قرض من البنك بفايدة ( 7% سنويا) على الاقل
وتفتح مصنع او اي حاجة استهلاكية لعامة الناس
طبعا عاوز تكسب بسرعة عشان ترد القرض
فهتضيف الفائدة على سعر السلعة طبعا
تخيل لو رحت تجيب عربية بالتقسيط من البنك برضه
!!!!!!!!!!!!
في الاخر هتلاقيها دايرة مغلقة .. لكنها تتحرك دائما الى ارتفاع الاسعار
الموضوع يا باشا موضوع اقتصاد عام .. مش عربيات بس
تحياتي للموضوع المهم فعلا
مفيش خلاف على الكلام ده
بس نحب نقول ان سعر السيارات فى مصر مقارنة بسعرها فى اى دولة تانية مرتفع جدا بغض النظر عن الغلاء فى باقى السلع........ممكن يكون فى سلع تانية فى مصر اغلى من الخارج زى مثلا الموبايلات او اجهزة الكمبيوتر
بس فى السيارات الموضوع فج قوى
pazoka81
03-08-2008, 10:56 PM
بجد يا جماعة انا اول مرة اشوف موضوع المناقشة فيه مفيدة وشيقة للدرجة دي بس انا كان ليا راي متواضع وهو ان السيارات في مصر غالية( فحت ) بسبب انها فيها اكبر (سبوبة) ممكن تطلع من سلعة تجارية بتدخل مصر بمعني ان الحكومة لو كانت لقت اي (سبوبة) غير العربيات تعملها عشان تطلع منها فلوس كانت عملتها ولكن مافيش احسن من الفلوس اللي بتيحي من العربيات وده طبعا للفرق الرهييييييب بين تمنها في اوروبا والدول العربية وتمنها في مصر وكمان الموضوع سهل اوي اجيب بقرش وابيع بعشرة وناس بتشتري بالهبل حاجة كده في منتهي السهولة وبعدين الناس اللي اشترت ابدا اعملها مخالفات (اتاوة) واخد منها فلوس تاني كل يوم يعني كمان سلعة معمرة جدا لجيب للحكومة يا عم هاقول ايه ولا ايه.......
كفاية كده بقي احسن شكلنا هنتمسك كلنا..........:whistle::whistle:
المشكلة ان العربيات مينفعش سعرها ينزل .. لان مينفعشا الضرايب تنزل لان الحكومة محتاجة الفلوس دي لان مفيش موارد تانية المشكلة ان المفروض ان فيه موارد تانية بس الطبيعي في دول العالم المتقدمة ان ميكنش فيه موارد تانية بس احنا عندنا الحكومه هي التاجر و الصانع و مقدم الخدمات و هي كمان اللي يتلم الضرايب ....ليه مش عارف حد فاهم حاجة ..... بس اسعار العربيات صعب تنزل و حتي بعد ما البنزين غلي العربيات برضة هتفضل غالية ......ثم انا عاوز اعرف انتم زعلانين ليه ما الغالي تمنه فيه ....
مفيش موارد تانية ازاي يعني اسمع ياسيدي قناة السويس دي ايه والبترول والسياحة والثروات المعدنية ودي كتير في مصر ممكن اعدلك فوق 20
نيجي بقي للضرايب مش عايز اقولك بيلمو اد ايه دا غير الرسوم الي الدولة بتحصلها لما تعمل اي حاجة مكن اعدلك 100000 بند
نيجي لمورد الجمارك لو مصر كانت بتستفيد بالفلوس الي جمعتها من الجمارك من 20 سنة كان زمنا بنينا شبكة طرق محترمة لمصر كلها
طبعا انا نست موراد كتير كفايوة ان مفيش دولة في الخليج عندها نصف مواردنا
طبعا انا مع اللغاء الجمارك وخصوصا ان احنا مش بنستفيد بفلوسها بس الاول لازم نعمل شبكة طرق محترمة
في حاجة كنت عايز اقولها مع اني عارف انكو هتختلفو معايا انا نفسي مصر ترجع تاني دولة زراعية ونسبنا من الرأسمالية والكلام ده الي احنا بنطبقه غلط دا احنا حتي مش عارفين نأكل نفسنا وبنستورد يبقي هننفع ازاي
فكرة زى الفل
ويا سلام بقى لما التكتك ينجنط ويتروش ويتعملوا اسبويلر
الواحد يفضل ماشى يتكتك طول الطريق مع الجماعة والعيال على اغنية التكتك
هههههههههههههههههه ياسلام علي الفكرة وطبعا مش هنحتاج تكييف لانه اير كوندشن طبيعي
yoofiman1
09-08-2008, 08:03 AM
بجد يا جماعة انا اول مرة اشوف موضوع المناقشة فيه مفيدة وشيقة للدرجة ديwhistle::whistle:
ده كان هدفنا من اول يوم
موضوع نفضفض فيه فى اكبر مشكلة بتواجه اى شاب النهارده.......
فعلا.....النهارده العربية هى اول طموح عند اى شاب فينا......قبل الشقة.....وقبل العروسة......الواقع بيقول كده
وبكرر تانى ما كانش هدفنا انا نقول بقين فييجى واحد يقول مشكور فارد عليه واقوله قشطة يا برنس....ساهللله
الواحد بيقعد بالاسابيع ما يجيش هنا ولما يرجع يلاقى الناس بتشارك وبترد على بعضها كأنه موضوعها الشخصى .....وهو فعلا كده......موضوعنا كلنا.......وبصراحة انا باتعلم منكم
بس انا كان ليا راي متواضع وهو ان السيارات في مصر غالية( فحت ) بسبب انها فيها اكبر (سبوبة) ممكن تطلع من سلعة تجارية بتدخل مصر بمعني ان الحكومة لو كانت لقت اي (سبوبة) غير العربيات تعملها عشان تطلع منها فلوس كانت عملتها ولكن مافيش احسن من الفلوس اللي بتيحي من العربيات وده طبعا للفرق الرهييييييب بين تمنها في اوروبا والدول العربية وتمنها في مصر وكمان الموضوع سهل اوي اجيب بقرش وابيع بعشرة وناس بتشتري بالهبل حاجة كده في منتهي السهولة وبعدين الناس اللي اشترت ابدا اعملها مخالفات (اتاوة) واخد منها فلوس تاني كل يوم يعني كمان سلعة معمرة جدا لجيب للحكومة يا عم هاقول ايه ولا ايه.......
whistle::whistle:
الكلام ده عشرة على عشرة
فاكرين فيلم عمارة يعقوبيان
فاكرين لما الحاج عزام (نور الشريف) حب يكبر قوى وينضف عمل ايه؟؟؟
دور على توكيل عربيات (نيسان)
مين الى خلصله التوكيل؟؟........الوزير كمال الفولى (خالد صالح)......فى اكبر اسقاط على التزاوج الرهيب بين الثروة والسلطة......اقل امجتهدين ذكاءا بيقول ان علاء الاسوانى او وحيد حامد او حتى خالد صلح كانوا بيعملوا اسقاط على كمال الشاذلى وزير الدولة لشئون مجلسى الشعب والشورى فى ذلك الوقت (يعنى الراجل الى بيطبخ القوانين)......
كمال الفولى طلب عمولته عينى عينك من الحاج عزام
العمولة دى بره السبووبة خااالص.....وبره فلوس التوكيل الى هايندفع لليابانيين.......
مين البأف الى هايدفع ال 200 مليون العمولة بتاع كمال بيه والى معاه.......الى هايشترى نيسان.....يعنى انا وحضراتكم.........
اخدتم بالكم كمان كمال الفولى قال ايه؟؟؟.....قال:انا مش لوحدى يا حاج عزااام.....انا مجرد مندوب
فهمتم العربيات هنا غالية قوى ليه عن بره
كفاية كده بقي احسن شكلنا هنتمسك كلنا..........:whistle::whistle:
متخافش
شوف يا ابن الناس......بلدنا فى الالفية التالتة......اتكلم براحتك وقول لى نفسك فيه ما عدا 3 خطوط حمرا
ملكش دعوة بالراجل الكبير (ربنا يباركلنا فى صحته وعمره)......
وملكش دعوة بالراجل الى هايكون الراجل الكبير(ربنا يوفقه ويساعده علينا)......
وملكش دعوة بالاخوان المسلمين (ربنا ياخدهم)
بعد كده قول الى نفسك فيه.......احنا فى بلد ديموقرطى (وعلى فكرة اى بلد ديموقراطى برضه فى الدنيا دى ليه خطوط حمرا)
هاتقرب من ال 3 دول......انا اول واحد هايبيعك وششششششششششششششششششششششششششش
ما اعرفوش يا باشا.......ماليش دعوة يا باشا........انا بتاعكوا يا باشا
هى دى مصر.......بوسوا ايديكم وش وضهر......مليتوا البلد......هاهاهاه
yoofiman1
28-08-2008, 03:04 AM
مفيش موارد تانية ازاي يعني اسمع ياسيدي قناة السويس دي ايه والبترول والسياحة والثروات المعدنية ودي كتير في مصر ممكن اعدلك فوق 20
نيجي بقي للضرايب مش عايز اقولك بيلمو اد ايه دا غير الرسوم الي الدولة بتحصلها لما تعمل اي حاجة مكن اعدلك 100000 بند
نيجي لمورد الجمارك لو مصر كانت بتستفيد بالفلوس الي جمعتها من الجمارك من 20 سنة كان زمنا بنينا شبكة طرق محترمة لمصر كلها
طبعا انا نست موراد كتير كفايوة ان مفيش دولة في الخليج عندها نصف مواردنا
طبعا مفيش جدال على الكلام ده
يكفى انى اقول ان الدخل القومى المصرى الذى يبلغ 404.9 مليار دولار هو تانى اكبر دخل قومى فى ا