تقرير سطحي الفرق بين لانسر 2008 و 2007 انا شفتها

[M.E.D.O]

يا جماعه انا شفت اليوم لانسر 2008 الرائعه

انا عندي لانسر 2007

فهقولكم لقيت الفروق ايه

1- الشكل 2008 اطول و شكلها رياضيه اكتر ان كانت لا تعجبني مقدمتها لكن بجد عجبتني شكلها من الجنب
حيث يوجد خطوط نبكل عند الشباك . و خطين في الباب شكلهم جامد ... و العربيه اعلي جدا
2- الاطارات نازله اكبر 16 حتي في الاستاندارد .
3- الحجم هي اضيق من 2007 ااكيد و خاصة الكنبه اللي ورا ضيقه لكن بجد رائعه مريحه جدا حيث ان الكنبه واخده شكل انسيابي جميل .... لكن ضيقه للاسف
4- الشنطه اضيق من 2007.بشكل ملاحظ .
5- اللتابلوه يعني مفهوش الكلام اللي سمعناه بلوتوث و الكلام دا لكن العداد شكله مختلف جامد جدا .. و محطوط شاشه في الوسط زي شاشة الاوكتافيا بتنور نور اورانج .... نورت لما فتحت الباب يعني انا مشغلتش العربيه لكن الشاشه دي حددت انهه باب مفتوح بالظبط مش زي 2007 تنور و متعرفش انهه باب اللي مفتح ... يا رب تكونوا فاهمني

-التابلوه شكله افخم جدا جدا عليه زي رسمه خطوط متداخله شكلها اخر حاجه .
6- التكييف الظراير نفس ظراير التكييف اللي في 2007 3 ظرارير بس تحس بتقدم في الجديده شكلهم اجمد و احسن ...

7- الدرج اللي في التابلوه اصغر ..
10- الطاره عاديه جدا مفيهاش اي اوبشنز انا اصلي شوفت الستانارد منزلش لسه السبورت و كان منحوت شعار متسوبيشي باالنيكل عليها بس برضه مش مختلفه قوي .
11- الكاسيت شبه الكاسيت اللي في كرولا لكن بصراحه نسيت اشوف فيها سي دي و لا لأ .
12-السماعات حجمها اصغر و موجود 4 ; 2 في البابين اللي قدام و 2 في البابين اللي ورا مش عالشنطه زي 2007 .
9. الموتور 1500 سي سي و 105 هورس باور ....
10 - التمن 132 الف جنيه بالنسبه للمانيوال .
138 الف بالنسيه للاوتوماتيك و الاوتوماتيك الفتيس عادي زي 2007 لكن السرعات فيه P-R-N-D-1-2-3
مش زي 2007 P-R-N-D-Ds-L
الاسبورت لسه هتنزل كمان اسبوع ...... مفيش معلومات عنها

من الاخر العربيه شكلها حلو جدا لكن مش عاجباني شكل مقدمتها .. و من جوه افخم جدا جدا جدا جدا متكلفه يعني و مش عارف لو حد جرب العربيه عشان يقول كفائتها علي الطريق ....
معلش هبقي اصورها و احطلكم الصور ...
لو حد عايز يشوفها هيا في توكيل متسوبيشي اللي قدام كارفور .... في اسكندريه ....
مستني ردودكم و رايكم لو حد تاني شافها

[babo_2010]

الفشكر علي الموضوع الجامد بس اللانسر 2008 شكلها جامد جدا من قدام بجد sport edition والعربيه دي اكيد هتكسر الدنيا وهتفقع الكورولا .

[ahmedmohamed7]

2na shayf 2na LANCER momken tkon monafasa koia ll MAZDA3 wa HONDA CIVIC
bs al moshkla bt3tha 2nha 1500 cece bs
bs shklha to7fa wa shokrn 3la al takrir .M.E.D.O

[mostafa741]

جزاك الله كل الخير

[Mr.Esl@m]

شكرااااااااااااااااا على المعلومات

[M.E.D.O]

شكرا اخواني علي ردودكم بجد شجعتني و ان شاء الله قريبا هحط صور

[hazemozo]

شكرا على الأخبار الحلوة دى
و بالنسبة للموتور الجديد ده نفس الموتور اللى كان نازل فى mitsubishi colt supermini 2004
و طبعا الكولت دى عربية جامدة جدا
و أكيد مظبطين نسب الجير بوكس فى اللانسر و هتبقى أشد
و مستنين منك الصور متتأخرش علينا

[omrano276]

شكرا يا باشا علي الموضوع وفعلا مقدمتها مش حلوة

[M.E.D.O]

اخيرا لقيت حد نفس رايي هههه شكرا اخي

[zAzU]

3ala fekra ana rekebt el sport mn gwa tab3an awsa3 mn 2007 !!!!!!!!!!!!!!!!!
we shaklha mn 2odam a7la 7aga feha

[waleedallam]

بس اية الاسعار الغريبة دى اعتقد انها غالية اووى مقارنة مثلا بالميجان بفتيس استربترونيك وتمنها 125 الف وعربية كاشخة زى الكوايتة ما بيقولوارجو التاكيد على الاسعار ولية الموتور 1500 مش 1600 واية اسعار 1300 واية اسعار السبورت

[timon]

اعتقد ان بالنسبه للشكل ف 2007 احسن بالنسبالى فهى اكثر انسيابية من قدام , انما الجديدة 2008 (معرفش شركة متسوبيشى ليه بتحب تستنصح على عملائها ) فشكلها مقارب لل Evo الجديدة ومعرفش ايه السر انهم اقبسوا الشكل منها وبعدين فرق السعر بالنسبة للسيارتين واسع اوى اكتر من 30.000 جنيه وطبعا حرام بالنسبه للفروق اللى بينهم .

[M.E.D.O]

اخي Zazu
انا سالت المندوبين اللي فالتوكيل ميناللي اوسع قالولي 2007 و انا كنت لاحظت كدا لما ركبت جواها ... يا ريت تتاكد ان انت ركبت 2008.


ثانيا انا متاكد من السعر جدا لاني بفكر اجيبها ...... الموتور اكيد 1500 سي سي ....

و برضه لسه علي رايي مش عجباني المقدمه عاجباني مقدمة 2007 اكتر ..... انسيابيه اكتر ...

اعتقد ان مفيش غير نوع واحد من الموتور هوا 1500 سي سي مفيش 1300 .... هتاكد

شكرا لاخواني علي ردودكم و انا رايح بكره اشوفها تاني .........

[rockefeller]

لا يا شقيق انا شفت 1300 سى سى على 137 الف

[rockefeller]

ومين اللى بيقول 2008 اطول من 2007
العكس هو الصحيح

[M.E.D.O]

اخي اللي موجود 1500 مقيش 1300 و علي 132 اكيد ... دا للمانيوال مش للاوتوماتيك
و لاوتوماتيك ب 138 اكيد ايضا ..............

و ثانيا 2008 طويله مش عارف مين اطول لكن 2007 اوسع فعلا

شكرا لردك

[HRH Sameh]

موضوع جامد
وبالنسبة للطول الجديدة طولها 4.57 متر وتنقص حاجة بسيطة قوى عن اللي قبليها بتاع 1.25سم

[eio_2005]

أنا شفتها و عجبتنى جداااا.

[islam_shaker]

مشكوووور يا باشا

[M.E.D.O]

شكرا علي الردود

شجعتوني بجد

[maikel_nan]

انته كدددددددددددددددده

[kok3]

دى أسعار العربيه و انواعها


لانسر 1.5 M/T 2008 126000
لانسر 1.5 A/T 2008 130000
لانسر 1.5 F/O M/T 2008 133000
لانسر 1.5 F/O A/T 2008 137000
لانسر 1.5 F/O A/T S/R Sport 2008 148000



http://img361.imageshack.us/img361/48/amropellogors9.jpg (http://amropel.tripod.com)

[kok3]

العربيه جامده جدا والحقيقه انا بفكر اشتريها

http://img513.imageshack.us/img513/9397/lancerxw3.jpg (http://amropel.tripod.com)

http://img513.imageshack.us/img513/9376/lancer2iq5.jpg (http://amropel.tripod.com)

http://img513.imageshack.us/img513/2609/inside2yh8.jpg (http://amropel.tripod.com)

http://img513.imageshack.us/img513/131/inside3hi7.jpg (http://amropel.tripod.com)

[loveyou99]

شكرا يا باشا على الموضوع الرائع دا وفعلا شكل الانسر 2007 اجمل من 2008

[LONLY111]

http://www.mitsubishi-motors.com.eg
ده الموقع بتاع الوكيل أدخلوا أتفرجوا عليها بس فى حاجة هياتقريبا كده نازلةمن غير أوبشن خالص(بالنسبة للأوبشنز إللى نازلة بيها بره مصر يعنى مثلا بره نازلة 7 أيرباج فى مصر هيا أيرباج واحده يتيمة)فأنا رأيى بالنسبة للناس إللى بتفكر تجيبها تصبر شوية لما ينزل الخليجى بتاعها أكيد الأوبشنز هتبقى أكتر

[h a r d]

فعلا ان الانسر 2007 اطول

اخى الكريم ملحوظة صوغيرة ان بتبص على شكل العريبة لاكن من بصيت على امكانيات الماتور بعتها هتلاقية هوة هوة وانت اوز عريبة مريحة واوسع يعنى هتختار برضوا 1007 مش منظرة يعنى عشانتجيب 2008

[eslammt]

thanxxxxxxxxxxxxxxxxxxxxx

[Turbo_camara]

شكراً لك أخي على المشاركه الرائعه

[emadmody]

يعني مفيهاش شاشة الطريق اللي موجودة في الصور؟؟؟؟؟؟؟

[kimo 25]

thanksssssssssssss ya man

[mido85only]

شكرا علي المقارنه

[Master S]

شكرا على الموضوع

[r_ta7n]

الف الف شكر على المجهود

[leedo_leedo]

http://img.netcarshow.com/Lamborghini-Reventon_2008_1024x768_wallpaper_07.jpg

[bigstorm]

يا ميدو بصراحه انا مش معاك فى موضوع انها من ادام وحشه
بصراحه احلى حاجه فيها الوش بتاعها انا رأيى ان الشكل من ورا هوا اللى كان محتاج المصمم يركز شويه صغيرين اوى بس بصراحه هى تصميمها تحفه

[amr_elsharkawy]

بي العربية 135 حصان

[samir_gang]

شكرا ياباشا بس كنا عايزين صوره

[xamn_323]

بصراحه يا جماعه العربيه حلوه جدا
ومن قدام شكلها شيك
بس مش كتير 132000 جنيه علي عربيه 1500 مانيوال؟!!!!
لو عايزين رأيي اللي عايز يجيب لانسر يجيب 2007 احسن و أرخص.
و شكرا علي الموضوع الرائع

[bigstorm]

هى 2007 ارخص طبعا بس مش احسن خالص,,,
ال 2008 دى جامده موت...

[MODY_REFAT]

mashkooooor

[dr_mbh_dr]

أنا متهيألي ان لانسر الشكل الجديد عبارة عن ال evolution موديل 2005 ونزلوها علي انها موديل جديد لانى شفت منها نفس الشكل مع اختلاف بسيط فى الفانوس الخلفي وكمان سعرها ده عالي جدا بالنسبة للامكانيات اللى فيها واتوقع ان سعرها هينزل قريبا لان قليل اللي هيشتريها
واللي حابب انه يجيب متسوبيشي موجودة لانسر البوما موديل 2008 برضه وخليجي وفيها تعديلات كويسة أيضا

[bigstorm]

اصل انا شايف بصراحه ان اللانسر تستحق كل جنيه بيدفع فيها...
وحتى لو مبعتش كتير مش اللانسر هى اللى تنزل سعرها علشان تبيع..
وكمان هى منتشرتش اوى اكيد علشان ال2007 لسه موجوده والفرق فى السعر مش قليل اوى فأكيد الناس هتقول تاخد ال2007 ,,
بس بصراحه انا من الناس اللى بيحترموا الميتسوبيشى اوى ..

[italiano174]

السلام عليكم ورحمة الله وبركاته

[italiano174]

انا جبت يا جماعة العربية الانسر 2008 . بالنسبة يا جماعة لاداء العربية هى حلوة اوى فى الجرى بس صوتها عالى تحس ان انت راكب عربية فيها موتور 3000 سى سى انا جبت الاتوماتيك هو التجميع بتاع الفتيس الاتوماتيك بتاعها كويس بس لازم تدوس فالصوت بتاعها بيعلى هى صوتها اعلى من البوما بكتير فى المشى قصدى وانت بتجمع السرعة بس هى ادائها على الطريق جامد جدا جدا بعد لما توصل 80 تلاقى العربية عايزة تجرى اوى انا جبت بيها 180 واحلى حاجة فيها الثبات بجد احلى حاجة فيها وهى فيها مشكلة ان لما تشغل التكييف بياثر على السحب جامد مش عارف ليه وانا لما رحت الضمان قولتلهم عليز اشوف الموتور ده مضبوط ولا لا قالولى احنا منقدرش نعمل فيها حاجة علشان ميعرفوش عنها حاجة ومركز الصيانة بتاعهم سىء للغاية بس هى رياضوية جدا من حيث صوتها بس صوتها هو اللى مضايقنى شوية . هى لما بتبقى واقفة ان مش بتحس انا هى دايرة اساسا بس صوتها بيعلى فى الطلعات والمشى

[eslam wega]

هتشوفها كتير اوى فى الشارع متقلقش هتبقا عربية الشعب
زى الفيرنا كدا

[dr_mbh_dr]

ده ياجماعة تقرير من الآخر عن المقارنة بين العربيتين

البوما دي عربية تحفة وجميلة جدا ولو حبيت تقارنها بالجديدة تكسب بلا منازع ليه بقي :
1-المحرك 1600 التانية 1500 وده طبعا بيفرق فى عزم العربية وسحبها
2-الباورهورس 122 والتانية 112 والكلام ده اكيد واللي بيقول انها اقل من كده بيتكلم عن المواصفت 1300 ونزل معلومات خطأ عن ال 1600 ان هي اقل من الوكيل كاتب عنها وده متسجل في الشركة الام في اليابان وفي الموقع بتاعها
3-الصالون الكنبة الخلفية اوسع بكتير من الجديدة وبشكل ملحوظ جدا
4-الشنطة اكبر في البوما من الجديدة وكمان العربية أطول من الشكل الجديد والدريكسيون نازل فاضي مش زي ماهو معلن عنها.
5-ده رأيي ان الشكل القديم افضل من الجديد من حيث الفونيس الخلفية بالذات شكلها حاد وسىء ولأن الجديد واخده كتير جدا من ال evolution وده مخلي شكلها اقل من الشكل القديم
6-موجود من البوما خليجى 2008 وكمان مزودين فيها كماليات مش في 2007 زي فرش الكنبة له مخادع رأس عالية والفتيس تم تعديله بحيث انه يتنقل اتوماتيكا لوحده على حسب سرعتك ودى ميزة مهمة جدا بتساعد فى سحب العربية ومكنتش موجودة في الموديل 2007 البوما ايضا
7-فارق السعر بين الجديدة والبوما والاتنين نفس موديل السنة لايستاهل لأن زي ماقلت الكماليات اللي نازلة بيها العربية الجديدة لا تستحق انتظار حتي ما ينزل سعرها واتوقع ان الموديل الجديد لن يلاقي رواج كبير مثل الموديل البوما اللي محدش عمره اشتكي منه خالص
8-أتمني تكون استفدت وده كلام انا جايبة من ناس متخصصة وانا لفيت كتير وسألت عن الموديل 2008 كل أصحاب مركز البيع متخوفين من الموديل الجديد نظرا لضآلة الفرق بينه وبين الموديل السابق .

[bigstorm]

الف مبروك يا italiano >>>

[™Sala7 Skedo]

شكرا يا غالى

[~*~ CaSPeR~*~]

الجديدة شكلها فعلا تحفة
انا شفت مدرب حراس المرمى بتاع النادى الاهلى وهو راكبها
كان شكلها جامد آخر حاجة
ماشاء الله

[goldenrock23]

حلوة ايه العربيه ده موتورها وحش جدا و شكلها اوحش القديمه كانت احلى بكتير كانت ثابته على الارض و عريضه من ورا و راسيه و بعدين موتور الجديده قديم جدا من سنه 2004 عادى يعنى مفهوش جديد و الاوتوماتيك القديمه احلى من الجديده و شكرا على مجهودك

[H_SAKR]

والله ياجماعه اناانتظرت 2008 كتير لحد مانزلت وركبتها وسوقتها وبعدين استقريت على 2007 وفعلا اشتريتهاسوبراكشن سام وده راى الجميع ان 2007 احسن كتير من 2008 مش احسن فلوس وبس كل حاجه

[cerebrum]

شوفو يا جماعة أنا كنت مستني ينزل 2008 عشان أشتريه وأول مانزل

وشفته رحت اشتريت 2007 هاف سبورت خليجي

2008 إللي بجد متغيرة نشوفها في دول الخليج 2000 سي سي 153 حصان

وفتيس ستبترونيك 6 سرعات خرافة مع تبديل سرعات من خلف الدكسيون

وفيها نظام ملاحة بصراحة عربية معدية أوي

أما بالنسبة للانسر 1500 بتاعت مصر

خلو بالكو من حاجة الغتيس بتاعها نفس إللي في 1300 2007

لأن فتيس 1600 2007 cvt contiously variable transmission

بيستشعر قيادتك وبصراحة وأنا سايق ما بحسش خالص بنقل الغيار في cvt

[braveamr]

كان الله في العون,اللانسر الجديده2008 في الخليج ب 87500الف جنيه1500سي سي اوتوماتك اما الشكل الكلاسيك لانسر 2008(1600)سي سي فل اوبشن ب74300الف جنيه يمكن علشان الدوله شايفانا اغلي من اهل الخليج!!!!!

[new_fer3on]

الف شكر يا باشا

بس انا شايف ان كلها على بعضها من الامام والخلف تحفة

[memobasha2002]

شكرا يا باشا

[الروش ميدو]

merciiiiiiiiii moot
she car gamda

[zoom_x]

اللانسر الجديده تصميمها تحفه و الوجهة الامامية رائعه ولاكن الواجه الخلفيه هى اللى كانت تكون اقل ارتفاعا او فوانبس اكبر فونسها رفيعه اوى على الشنطه وخاصه اللى عليها سبويلر لاكن اتوقع نجحها اكثرمن 2007