أزاي أنقل من لابتوب لكومبيوتر عادي

[Hussein Bakr]

أزاي أنقل من لابتوب لكومبيوتر عادي
يعني منغير فك هاردات وكلا من ده
مفيش مثلاً وصلة يو أس بي أو حاجة تنقل بين الأتنين؟؟
أي حاجة
طب ينفع أوصلهم بسلك نيتورك الأتنين مع بعض على طول
طرفين بس يعني؟؟
يا ريت الأفادة

[ramah_1]

تقدر بكابل نتورك عادي
و لو عايز فيه كابل يو اس بي علشان تنقل بين اي جهازين و الرعه كويسه جدا

[dr_soft]

بسم الله الرحمن الرحيم
عندك اكتر من طريقه يا مان
الاول : انك تقدر تستخدم وصله اسمها USB Link ودى انا شخصيا مش مقتنع بها لان الوصله دى بيكون معاها اسطوانه فيها برنامج تعريف لازم تسطبه على الجهازين " اللاب توب والجهاز اللى انت هتنقل عليه" وسرعه النقل بتاعتها بطيئه جدا.
التانى : انك بتنقل عن طريق ال LAN وهنا هيكون فى احتمالين
1- ان الجهاز اللى انت هتنقل عليه يكون متوصل بشبكه . " يعنى فى سويتش موجود" وفى الحاله دى النقل هيكون عادى انك توصل السلك وتشوف الجهاز على اى WORKGROUP .
2- انك هتوصل الجهازين ببعض مباشره وفى الحاله دى لازم الوصله تكون زى الوصله اللى طالعه من الراوتر. لان ليها توصيله خاصه عن بقيه الوصلات.
لا اله الا انت سبحانك انى كنت من الظالمين

[Hussein Bakr]

يا نهار أبيض يه الكلام ده كله
شكراً على أي حال
بس واضح أن الموضوع ملعبك
أنا هحاول بردة وهرد عليكم لو في حاجة
شكراً مرة تانية

[dr_soft]

وانا تحت امرك يا مان

[mamdouh1967]

الوضوع سعل وانا عامله في بيتنا
اولا بتشتري كبل شبكه مقلوب وده رخيص اسمه
كرس كيبل
وطبعا الجهازين عاليهم كارت شبكه
يبقي مافيش غير شويه شغل بالسوفت
1\ تسمي الجهازين باسم ورك جروب واحده _ي كل جهاز باسم غير التانيمثلا الورك جروب اي يو واسم الجهاز الاول ام واحد والتاني ام اتنين
2\ وبعدين تخش علي البرتشنات ووكلك يمن وتعمل شير(مشاركه) لكل البرتشانات او البرتشن الي انت عاوزه يتشاف هنا وهنا
3\ الخطوه ديه اختيار ي ( انك تعمل اي بي ثابت لكل جهاز ولعالمك انا مش باعملها باسيبه ياخد اي بي اتوماتك ك يمكن ياخد ثواني زياده في البحث لكم مش بتفرق بعد كده _ وسعات يطلعلي علامه حمرا علي ايقونه كارت الشبكخ بجوار الساعه بس برده والله ما بتفرق
4 ادخل علي الجهاز اة واحد وافته استارت بحث_ سرش) وابحث عن كمبيوتر اور بيبول واكتب في خانه البحث ام اتنين ثم بحث ثواني وهايجبلك الجهاز التاني وتقدر تضبل كلك عاليه وتخل نشوف البارتشن الي شيرتها سيات

[aime]

ياباشا فى اى شركة كمبيوتر فى حاجة اسمها باور usb بيوصل الهارد بتاع الجهاز على الاب توب وبينقل بسرعة كويسة جدا سعرة بالمصرى حوالى 40 جنية

[khaled_ss5]

سلاموا عليكم
باشا
انته احسن حاجه تشتري فلاشه 2 ولا 4 جيجا وتاخد الحاجه عليهه من جهاز لجهاز وتريح نفسك

[amir farouk]

ده موضوع سهل جدا وانا بستخدمه روح لاي سنتر كمبيوتر واطلب منه وصله لنقل الداتا بين اللابتوب والبي سي وهي وصلة usb وسرعتها عاديه جدا كانك بتنقل من هارد لهاره في جهاز واحد