المساعد الشخصي الرقمي

مشاهدة النسخة كاملة : عيد ميلاد

almaeihm
08-05-2005, 11:29 AM
صاحبي زارني امبارح و لقيته متضايق جدا... و لما سألته ماله زعلان... قال لي: لا زعلان و لا حاجة.. أنا بس بأفكر في حاجة شاغلة تفكيري و مش قادر أوصل لحلها... طبعا بصفتي صديق طيب رحت استفسرت عن اللي بيفكر فيه... رد عليه: أبدا يا سيدي.. ابن اختي.. باسأله انت عيد ميلادك إمتى بالضبط عشان أجيب لك أحسن هدية... راح مديني مجموعة قطع بلاستيكية... كل قطعة مكتوب عليها اليوم و الشهر... و بكده كل يوم من أيام السنة مكتوب على قطعة من القطع دول... و بعدين راح جايب لي ميزان بكفتين و قال لي ان كل القطع البلاستيكية وزنهم واحد ما عدا القطعة اللي مكتوب عليها تاريخ ميلاده... و قال لي انه عايزني أعرف تاريخ ميلاده بأقل عدد من الوزنات...
بس يا عم ادي كل الحكاية.. فكرك انت ممكن تساعدني؟؟؟

رديت عليه: أولا أنا ضد فكرة أعياد الميلاد... ثانيا الواد ابن اختك ده رخم رخااااامة.. يعني اذا كانت دي الطريقة الوحيدة انك تعرف بيها تاريخ ميلاده يبقى هو ما يستاهلش هدية و توفر حقها لإقساط عربيتك... ثالثا و ده الأهم.. انت شايفني اينشتاين لما تقول لي ساعدني.. أنا يا دوب عرفت أحل لغز الـ 12 كورة.. و ساعات أتلخبط فيه كمان :)..

و بعد إلحاح... وافقت أساعد صاحبي... و قلت له: طيب يابني اعصر دماغك يمكن تفتكر تاريخ ميلاده و تريحنا من الهم ده... قال لي: و الله ما انا فاكر... بس أنا متأكد انه اتولد سنة 1990.. و غير كده مش فاكر خاااالص...

السؤال: كيف تستطيع معرفة تاريخ ميلاد ابن اخت صاحبي بأقل عدد من الوزنات؟

تحياتي للجميع
الكابتن كيمو
08-05-2005, 02:40 PM
يعني هم كام قطعة بالظبط
almaeihm
08-05-2005, 02:46 PM
يعني هم كام قطعة بالظبط

يا كابتن كيمو... الإجابة في الفزورة نفسها :D

كل قطعة مكتوب عليها اليوم و الشهر... و بكده كل يوم من أيام السنة مكتوب على قطعة من القطع دول...

تحياتي
mahmoudawad2004
08-05-2005, 05:24 PM
معنى كلامك انهم 365 قطعة ؟
طيب و لما اسم السنة مش موجود على القطع يبقى ايه لازمة سنة 1990 ..
يمكن اتولد يوم 19 / 9 ؟
M_SALEM9900
08-05-2005, 05:30 PM
يعني ايه مش فاهم
ALAAAAAAA
08-05-2005, 06:31 PM
طيب نقول وبالله التوفيق
اولا لابد ان نزيل قطعة من القطع جانبا حتى نتم الوزن
اذا يبقى معنا364
نضع نصفهم فى كفة والنصف الاخر فى كفة فاذا تساوت الكفتان كانت القطعة التى ازلناها هى الحل اما اذا طبت كفة عن الاخرى ........ملاحظة انت لم تذكر هل القطعة المختلفة اخف ام اثقل .......
عموما لو كانت اخف اذا نأخذ القطع التى تقبع فى الكفة التى ارتفعت ويكون عددها 182
فنقوم بقسمتهم الى نصفين ونضع كل نصف فى كفة ونعيد الوزن وهكذا دواليك حتى نجد القطعة المطلوبة
اذا سيكون لدينا الاتى...
اولا نقسمهم الى 182
ثانيا الى 91
ثالثا الى 45
رابعا الى 22
خامسا الى 11
سادسا الى 5
سابعا الى 2
ثامنا الى 1
اذا فمجموع الوزنات هو ثمانى مرات
adel_makkar
09-05-2005, 01:30 AM
ياعم اسال اختك ولا جوزها ولا حتى البواب اصل يوم عيد الميلاد ها يجى عيال كتير يلعبوا معاه
eladdah
09-05-2005, 02:06 AM
صعبه فعلا :5crackup:
mansoura
09-05-2005, 04:10 AM
على كلامك هم 366 يوم اى 366 قطعه عشان هى سنه كبيسه

1- نقسم 366 على 3 مجموعات كل مجموعه 133 قطعه
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه موجوده فى المجموعه الثقيله

2-نقسم المجموعه التى توصلنى اليها وهى 133 قطعه على 3 مجموعات 44 :44 :45
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه موجوده فى المجموعه الثقيله
وفى اسؤ الاحتملات تكون المجموعه الثالثه هى الموجود بها القطعه المطلوبه

3-نكرر نفس الخطوات بقسمه 45 قطع على 3 مجموعات وليكن كل مجموعه 15 قطعه
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه موجوده فى المجموعه الثقيله

4-ونقسم 15 قطعه على 3 مجموعات 5 قطع
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه موجوده فى المجموعه الثقيله

5-ونقسم 5 قطع على 3 مجموعات 2: 2 :1
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه هى الموجوده خارج الميزان
واسؤ الاحتملات هو عدم طب الميزان لذالك نقوم باخر خطوه

6- نقم بوضع القطعتين الموجودتين فى المجموعه الثقيله فى الميزان والتى يطب عنده الميزان هى القطعه الموجود عليها تاريخ الميلاد
ولا تزعل نفسك
almaeihm
09-05-2005, 08:43 AM
معنى كلامك انهم 365 قطعة ؟
طيب و لما اسم السنة مش موجود على القطع يبقى ايه لازمة سنة 1990 ..
يمكن اتولد يوم 19 / 9 ؟

لا يا عم... هو ما اتولدش يوم 19/9...

و بالنسبة للسنة... فإنت ممكن تستفيد منها و ممكن ما تستفيدش :) ... إحنا هنا ديموقراطيين قوي :D

تحياتي لك
almaeihm
09-05-2005, 08:45 AM
يعني ايه مش فاهم

يعني ابن اخت صاحبي ايه تاريخ ميلاده... و لازم تعرفه عن طريق القطع البلاستيكية

يا خبر يا M_salem9900.. ده الواد عيد ميلاده هيعدّي و انت لسه بتسأل أيه المطلوب :)

تحياتي لك
almaeihm
09-05-2005, 08:52 AM
طيب نقول وبالله التوفيق
اولا لابد ان نزيل قطعة من القطع جانبا حتى نتم الوزن
اذا يبقى معنا364
نضع نصفهم فى كفة والنصف الاخر فى كفة فاذا تساوت الكفتان كانت القطعة التى ازلناها هى الحل اما اذا طبت كفة عن الاخرى ........ملاحظة انت لم تذكر هل القطعة المختلفة اخف ام اثقل .......
عموما لو كانت اخف اذا نأخذ القطع التى تقبع فى الكفة التى ارتفعت ويكون عددها 182
فنقوم بقسمتهم الى نصفين ونضع كل نصف فى كفة ونعيد الوزن وهكذا دواليك حتى نجد القطعة المطلوبة
اذا سيكون لدينا الاتى...
اولا نقسمهم الى 182
ثانيا الى 91
ثالثا الى 45
رابعا الى 22
خامسا الى 11
سادسا الى 5
سابعا الى 2
ثامنا الى 1
اذا فمجموع الوزنات هو ثمانى مرات
محاولة حلوة كثييير يا أخ ALAAAAAAA (علاء.. يمكن؟!).. أو اخت (آلاء... برضه يمكن؟!) :)

و لكن انت ردك كان يعتمد على أن القطعة المختلفة أخف... طيب ماذا لو كانت أثقل؟

حاول تجيب طريقة تعرف بيها هل القطعة المختلفة أخف أو أثقل...

و بعدين انت عملتها في ثمان وزنات... هو ده آخر كلام؟؟

تحياتي لك
almaeihm
09-05-2005, 08:55 AM
ياعم اسال اختك ولا جوزها ولا حتى البواب اصل يوم عيد الميلاد ها يجى عيال كتير يلعبوا معاه

ما هو كلهم عاملين رباطية عليه... مؤامرة متفقين عليها كلهم... ما فيش قدامنا غير الطريقة اللي في السؤال

فكر شوية يا عادل ده انت أبو الهندسة كلها ;)

تحياتي
almaeihm
09-05-2005, 08:58 AM
صعبه فعلا :5crackup:

لا صعبة و لا حاجة... انت شد حيلك و هتعرف تحلها انشاء الله...

تحياتي لك
almaeihm
09-05-2005, 09:06 AM
على كلامك هم 366 يوم اى 366 قطعه عشان هى سنه كبيسه

1- نقسم 366 على 3 مجموعات كل مجموعه 133 قطعه
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه موجوده فى المجموعه الثقيله

2-نقسم المجموعه التى توصلنى اليها وهى 133 قطعه على 3 مجموعات 44 :44 :45
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه موجوده فى المجموعه الثقيله
وفى اسؤ الاحتملات تكون المجموعه الثالثه هى الموجود بها القطعه المطلوبه

3-نكرر نفس الخطوات بقسمه 45 قطع على 3 مجموعات وليكن كل مجموعه 15 قطعه
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه موجوده فى المجموعه الثقيله

4-ونقسم 15 قطعه على 3 مجموعات 5 قطع
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه موجوده فى المجموعه الثقيله

5-ونقسم 5 قطع على 3 مجموعات 2: 2 :1
ونزن المجموعه الاولى والثانيه وهنى 3 احتمالين
ا-الميزان متتساوى اى القطعه موجوده فى المجموعه الثالثه
ب-الميزان طب اى القطعه هى الموجوده خارج الميزان
واسؤ الاحتملات هو عدم طب الميزان لذالك نقوم باخر خطوه

6- نقم بوضع القطعتين الموجودتين فى المجموعه الثقيله فى الميزان والتى يطب عنده الميزان هى القطعه الموجود عليها تاريخ الميلاد
ولا تزعل نفسك

محاولة جميلة جدا يا mansoura... بس أنا لي شوية ملاحظات:

- انت لما قسمت القطع إلى ثلاث مجموعات.. ليه طلع في كل مجموعة 133 قطعة؟.. بيتهيألي كثير
- انت افترضت ان القطعة المختلفة ثقيلة بينما السؤال ما قالش كده...
- في الوزنة الثانية لو ما طلعتش الكفتين متوازنة.. انت ما وضحتش تقسيمك للقطع هيكون ازاي... يعني انت أخذت حالة واحدة و هي أن الكفتين متعادلتين.. و على الأساس ده انت بنيت بقية حلك...

بس هذا لا يمنع انك حليت حل حلو... و أتمنى تحاول ثاني

تحياتي لك
mansoura
09-05-2005, 09:33 AM
عندك حق

هم هنقسمهم 3 مجموعات كل مجموعه 122
1-نوزن الاولى مع الثانيه
2-نوزن الثانيه مع الثالثه
اذا طب الميزان فى الوزنتين اذا المجموعه الثانيه هى المجود بها القطعه المطلوبه
واذا طب الميزان مره واحده فى الوزنتين اذا هى المجموعه التى تحرك الميزان عند وضع امامها المجموعه الثانيه
واذا كانت المجموعه الثانيه هى (الاثقل او الاخف) فان القطعه المطلوبه (اثقل او اخف )على التوالى
وهنى ناخ احد الاحتملين واليكن اثقل

3-نقسم المجموعه الى 3 مجموعات41 : 41 : 40
ونزن المجموعتين الاولى والثانيه اذ طب الميزان ناخذ المجموعه الاثقل واذا لم يتحرك الميزان ناخذ المجموعه الثالثه
اى سوف يوجد 41 قطعه على الاكثر به القطعه المطلوبه

4--نقسم المجموعه المستنتجه الى 3 مجموعات 14 :14 :13
ونزن المجموعتين الاولى والثانيه اذ طب الميزان ناخذ المجموعه الاثقل واذا لم يتحرك الميزان ناخذ المجموعه الثالثه
اى سوف يوجد 14 قطعه على الاكثر به القطعه المطلوبه

5-نقسم المجموعه المستنتجه الى 3 مجموعات 5: 5: 4
ونزن المجموعتين الاولى والثانيه اذ طب الميزان ناخذ المجموعه الاثقل واذا لم يتحرك الميزان ناخذ المجموعه الثالثه
اى سوف يوجد 5 قطعه على الاكثر به القطعه المطلوبه

6- نقسم المجموعه المستنتجه الى 2:2: 1
ونزن المجموعتين الاولى والثانيه اذ طب الميزان ناخذ المجموعه الاثقل واذا لم يتحرك الميزان ناخذ المجموعه الثالثه
اى سوف يوجد2 قطعه على الاكثر به القطعه المطلوبه

7-ثم نزنهم و القطعه الاثقل هى المكتوب عليها تاريخ الميلاد
ولو اخذنا الاحتما الثانى وهى ان تكون خفيفه ستكون هى نفس الخطوات بس بدل اخذ الكفه الطبه ناخذ الكفه الغير طبه
almaeihm
09-05-2005, 10:51 AM
عندك حق

هم هنقسمهم 3 مجموعات كل مجموعه 122
1-نوزن الاولى مع الثانيه
2-نوزن الثانيه مع الثالثه
اذا طب الميزان فى الوزنتين اذا المجموعه الثانيه هى المجود بها القطعه المطلوبه
واذا طب الميزان مره واحده فى الوزنتين اذا هى المجموعه التى تحرك الميزان عند وضع امامها المجموعه الثانيه
واذا كانت المجموعه الثانيه هى (الاثقل او الاخف) فان القطعه المطلوبه (اثقل او اخف )على التوالى
وهنى ناخ احد الاحتملين واليكن اثقل

3-نقسم المجموعه الى 3 مجموعات41 : 41 : 40
ونزن المجموعتين الاولى والثانيه اذ طب الميزان ناخذ المجموعه الاثقل واذا لم يتحرك الميزان ناخذ المجموعه الثالثه
اى سوف يوجد 41 قطعه على الاكثر به القطعه المطلوبه

4--نقسم المجموعه المستنتجه الى 3 مجموعات 14 :14 :13
ونزن المجموعتين الاولى والثانيه اذ طب الميزان ناخذ المجموعه الاثقل واذا لم يتحرك الميزان ناخذ المجموعه الثالثه
اى سوف يوجد 14 قطعه على الاكثر به القطعه المطلوبه

5-نقسم المجموعه المستنتجه الى 3 مجموعات 5: 5: 4
ونزن المجموعتين الاولى والثانيه اذ طب الميزان ناخذ المجموعه الاثقل واذا لم يتحرك الميزان ناخذ المجموعه الثالثه
اى سوف يوجد 5 قطعه على الاكثر به القطعه المطلوبه

6- نقسم المجموعه المستنتجه الى 2:2: 1
ونزن المجموعتين الاولى والثانيه اذ طب الميزان ناخذ المجموعه الاثقل واذا لم يتحرك الميزان ناخذ المجموعه الثالثه
اى سوف يوجد2 قطعه على الاكثر به القطعه المطلوبه

7-ثم نزنهم و القطعه الاثقل هى المكتوب عليها تاريخ الميلاد
ولو اخذنا الاحتما الثانى وهى ان تكون خفيفه ستكون هى نفس الخطوات بس بدل اخذ الكفه الطبه ناخذ الكفه الغير طبه

مجهود حلو... طريقتك واضحة و حلك جميل... بس انت زودت وزنة كمان عن حلك السابق...

أنا أعتقد انك ممكن تعملها بعدد أقل من الوزنات ;)

أشكر لك مشاركتك الفعالة... و أنتظر محاولتك القادمة

تحياتي
mansoura
10-05-2005, 12:04 AM
دى اخر حل وصلت اليه بس
من نحية انى زويت وزنه
فانا وضحت النقطه دى
انحنى ممكن نعرف ان القطعه ثقيله او خفيفه عن طريق الوزنه الاولى والوزنه الثانيه
يعنى لو كانت المجموعه الاخدناها من الوزنتين هى الطبه اذا القطعه وزنها اثقل والعكس صحيح
almaeihm
10-05-2005, 11:53 AM
دى اخر حل وصلت اليه بس
من نحية انى زويت وزنه
فانا وضحت النقطه دى
انحنى ممكن نعرف ان القطعه ثقيله او خفيفه عن طريق الوزنه الاولى والوزنه الثانيه
يعنى لو كانت المجموعه الاخدناها من الوزنتين هى الطبه اذا القطعه وزنها اثقل والعكس صحيح

و أنا أشكرك على حلك...

و هو حل ممتاز... و لكنه تطلب 7 وزنات... و ده مش أقل عدد من الوزنات

ممكن تحلها بوزنات أقل

تحياتي لك
hachem
10-05-2005, 07:39 PM
I know the answer and the gerneral procedure which will lead to

6

weights only

but I will not give details waiting for others to think a little bit
almaeihm
13-05-2005, 05:09 PM
I know the answer and the gerneral procedure which will lead to

6

weights only

but I will not give details waiting for others to think a little bit

ماشي يا أستاذ هاشم

أنا أحترم فيك انك بتترك فرصة لبقية الأعضاء للتفكير

تحياتي لك
hachem
13-05-2005, 06:32 PM
ماشي يا أستاذ هاشم

أنا أحترم فيك انك بتترك فرصة لبقية الأعضاء للتفكير

تحياتي لك


thanks

and u know that if one of us knows the answer

he should let others think also :smiletest
aaaa42bbbb
09-07-2005, 03:40 AM
للرفع بالصفحة الأولى
TOKOMAXX_2
10-07-2005, 01:19 PM
كدة عيد ميلاد الواد فات خلاص و إحنا عمالين نتكلم
almaeihm
16-07-2005, 08:00 AM
نداء إلى العضو العزيز hachem:

اللغز ده بقى له أكثر من شهرين و لا حدش حله... انت دلوقت عداك العيب... سبت فرصة كبيرة للأعضاء... و ممكن الآن تحط حلك لو حبيت...

أصل حرام أحط حل اللغز و أنا عارف و متأكد ان فيه عضو بيعرف الحل...

تحياتي
DR_OZY
16-07-2005, 08:58 AM
لا لا لا استنى افكر فيها شويه

ولو ما رديتش النهارده

ابقى حط الحل بكره
almaeihm
16-07-2005, 09:49 AM
لا لا لا استنى افكر فيها شويه

ولو ما رديتش النهارده

ابقى حط الحل بكره
يا عم خذ راحتك... النهارده و بكره و بعده... أنا مش مستعجل إطلاقا...

المسألة و ما فيها ان الأخ hachem سبق و قال انه توصل للحل و لكن حب يدي فرصة لبقية الأعضاء للمحاولة... و لما ما حدش جاوب عملت نداء لـhachem علشان يحط الحل بتاعه...

و أنا مش عارف ليه عندي إحساس قوي انك هتعرف الحل...

بانتظار حلك

تحياتي
DR_OZY
16-07-2005, 11:11 AM
و أنا مش عارف ليه عندي إحساس قوي انك هتعرف الحل

بعد أول محاوله للحل شكلى هاخيب ظنك
مش راضيه تطلع اقل من 7 وزنات
بس هاحاول تانى طالما الوقت مفتوح
طه محسن
16-08-2005, 07:29 AM
هو آخر كلام 6 وزنات ؟؟؟

أصل أنا مش عايز أحاول وبعدين يطلع فيه أقل من 6 !!! :)
almaeihm
16-08-2005, 08:14 AM
بعد أول محاوله للحل شكلى هاخيب ظنك
مش راضيه تطلع اقل من 7 وزنات
بس هاحاول تانى طالما الوقت مفتوح
لا يا دكتور... أنا ظني فيك ما يخيبش أبدا...

انت بس ركز و اعصر دماغك و هتعرفها ان شاء الله...

تحياتي
almaeihm
16-08-2005, 08:17 AM
هو آخر كلام 6 وزنات ؟؟؟

أصل أنا مش عايز أحاول وبعدين يطلع فيه أقل من 6 !!! :)
لا يا طه... انت حاول تجيبها بـ 6 وزنات... و اكتب لنا حلك و انت متطمن...

منطقيا.. ما فيش أقل من كده... و أشك أن أي حد ممكن يجيبها في أقل من 6 وزنات...

في انتظار محاولاتك...

تحياتي
طه محسن
16-08-2005, 06:48 PM
احنا متفقين إن سنة 1990 كانت 365 يوم .. لأان فبراير كان 28 يوم .. يعني 365 قطعة بلاستيكية وواحدة فيهم مختلفة في الوزن .. وفي نفس الوقت مش عارفين إذا كانت القطعة المختلفة أتقل ولا أخف (نفس مشكلة ال12 كورة !!!) .. لحد كده صح ؟؟

فيه بأة مشكلة في تقسيم المجموعات .. بس يا ريت يا (هاشمتو) لو فيه حاجة غلط من السطرين اللي فوق قوللي .. عشان مكملش علي أساس خاطىء
almaeihm
16-08-2005, 07:44 PM
احنا متفقين إن سنة 1990 كانت 365 يوم .. لأان فبراير كان 28 يوم .. يعني 365 قطعة بلاستيكية وواحدة فيهم مختلفة في الوزن .. وفي نفس الوقت مش عارفين إذا كانت القطعة المختلفة أتقل ولا أخف (نفس مشكلة ال12 كورة !!!) .. لحد كده صح ؟؟

فيه بأة مشكلة في تقسيم المجموعات .. بس يا ريت يا (هاشمتو) لو فيه حاجة غلط من السطرين اللي فوق قوللي .. عشان مكملش علي أساس خاطىء
ممتاز يا طه... ولكن هو فيه غلط في الكلام اللي قلته.. راجع السطرين كويس...

بس يبدو انك ماشي في اتجاه صحيح...

تحياتي
طه محسن
16-08-2005, 10:38 PM
أمال ممتاز إيه لما فيه غلط !!! :)

أظن الغلط في عدد القطع .. 366 يعني ؟؟!!!!

طيب .. أنا حاولت أحلها ب 365 قطعة .. والخطوة الأولي :

111 - 111 - 111 - 32 أو 32 - 32 - 1 - 150 - 150 .. فيه حاجة منهم قريبة من الصح ؟؟؟

ولا هما 366 قطعة ؟؟
almaeihm
17-08-2005, 06:36 PM
هو شكل التقسيم بتاعك يا طه مش عاطفي :)... يعني أنا مش مستريح له بصراحة...

أما بالنسبة لسؤالك فالإجابة في الفزورة نفسها :D
كل قطعة مكتوب عليها اليوم و الشهر... و بكده كل يوم من أيام السنة مكتوب على قطعة من القطع دول...
و على فكرة.. ما فيش هنتات بعد كده :).. شد حيلك و حط الحل كامل...

تحياتي
™Hessein
18-08-2005, 01:23 AM
بص انت تجيب الولد و تديله قلمين على وشه وهو هيقر ويعترف .
rouk89
19-08-2005, 02:01 AM
[b]طب يا عم اقتله و خلصنا يا اما تقول لنا الحل ايه

انا فكرت فيها بس لاقيت إن 6 وزنات قليل قوى

بس على العموم مستنى الحل
almaeihm
19-08-2005, 10:47 AM
بص انت تجيب الولد و تديله قلمين على وشه وهو هيقر ويعترف .
[b]طب يا عم اقتله و خلصنا يا اما تقول لنا الحل ايه

انا فكرت فيها بس لاقيت إن 6 وزنات قليل قوى

بس على العموم مستنى الحل
يا جماعة الولد عنده ثقة في ذكاء خاله... و انتوا كده هتهزوله الثقة دي :)

و على فكرة هو ممكن حلها عن طريق 7 وزنات بالراحة كما بين ALAAAAAAA... و لكن بالإمكان حلها عن طريق 6 وزنات...

و لا زلنا في انتظار الحل...

تحياتي
DR_OZY
19-08-2005, 06:06 PM
بما ان هاشمتو مش عاوز يعترف ان القطع 366

يبقى حاولوا اثبات انهم 364 وانا اجيبها فى 6 وزنات
chessspy
20-08-2005, 08:49 AM
بسم الله الرحمن الرحيم
الحل اه يا باشا ان شاء الله:

اولا عدد ايام سنه 1990 هو 364 لان فبراير في السنه دي 28 يوم .. يبقي عندنا 364 قطعه
-هنقسمهم 3 مجموعات كل مجموعه 121 قطعه و هيتبقي قطعه بره... طبعا انا همشي ورا اطول الاحتمالات و فيش داعي اقول الاحتمالات الي هتبقي ضعيفه.

-هنوزن اول مجموعتين مع بعض لو :
* مختلفين : يبقي القطعه في واحده فيهم

وبكده هنستبعد الباقي و هنشوف مين اتقل المجموعه الاولي ولا التانيه لو:
الاولي اتقل؟ : نوزنها مع المجموعه التالته و لو بتساويها يبقي المجموعه التانيه هي المختلفه وهي اخف وطبعا لو مختلفين يبقي الاولي هي المختلفه و الاتقل
التانيه اتقل ؟:نوزنها مع التالته و لو بتساويها يبقي الاولي هي المختلفه و هي اخف ولو مختلفين يبقي التانيه مختلفه و اتقل..
بفرض ان التانيه اتقل و هي المختلفه يبقي دلوقتي عندنا 121 قطعه
نقسمهم بنفس الطريقه 3 مجموعات 40 - 40 - 40 وهيتبقي واحده وهنكرر نفس الي عملناه قبل كده لحد منوصل لاخر مجموعهبالشكل ده :
40 هنقسمهم : 13 13 13 و يتبقي واحده
13 هنقسمهم : 4 4 4 و يتبقي واحده
4 هنقسمهم : 1 1 2 نوزن اول اتنين مع بعض مختلفين يبقي هي الاتقل متساوين يبقي نوزن اخر اتنين مع بعض و هي الاتقل

*متساوين: يبقي نستبعد المجموعتين و القطعه لسه بره
نوزن اخر مجموعه مع اي واحده من اول اتنين لو بتساويها يبقي هي القطعه الي بره
لو مختلفين يبقي هي المجموعه دي المختلفه و طبعا هنعرف اذا كانت اتقل ام اخف من وضع الميزان و بكده هيبقي عندي 121 قطعه و معايا 4 وزنات اقدر اكرر الي عملته فوق بنفس الطريقه

يا رب اكون صح
تحياتي لك
almaeihm
20-08-2005, 09:47 AM
بما ان هاشمتو مش عاوز يعترف ان القطع 366

يبقى حاولوا اثبات انهم 364 وانا اجيبها فى 6 وزنات
يا دكتور... ما هي واضحة... و علشان كده أنا مش هأقول :D ...

يعني تخيل ان مجموعة القطع دي مكتوب عليها تواريخ كل يوم من أيام السنة... و مهما كان تاريخ ميلادك هتلاقي قطعة تحمل نفس التاريخ... واضحة...

تحياتي
almaeihm
20-08-2005, 09:54 AM
بسم الله الرحمن الرحيم
الحل اه يا باشا ان شاء الله:

اولا عدد ايام سنه 1990 هو 364 لان فبراير في السنه دي 28 يوم .. يبقي عندنا 364 قطعه
-هنقسمهم 3 مجموعات كل مجموعه 121 قطعه و هيتبقي قطعه بره... طبعا انا همشي ورا اطول الاحتمالات و فيش داعي اقول الاحتمالات الي هتبقي ضعيفه.

-هنوزن اول مجموعتين مع بعض لو :
* مختلفين : يبقي القطعه في واحده فيهم

وبكده هنستبعد الباقي و هنشوف مين اتقل المجموعه الاولي ولا التانيه لو:
الاولي اتقل؟ : نوزنها مع المجموعه التالته و لو بتساويها يبقي المجموعه التانيه هي المختلفه وهي اخف وطبعا لو مختلفين يبقي الاولي هي المختلفه و الاتقل
التانيه اتقل ؟:نوزنها مع التالته و لو بتساويها يبقي الاولي هي المختلفه و هي اخف ولو مختلفين يبقي التانيه مختلفه و اتقل..
بفرض ان التانيه اتقل و هي المختلفه يبقي دلوقتي عندنا 121 قطعه
نقسمهم بنفس الطريقه 3 مجموعات 40 - 40 - 40 وهيتبقي واحده وهنكرر نفس الي عملناه قبل كده لحد منوصل لاخر مجموعهبالشكل ده :
40 هنقسمهم : 13 13 13 و يتبقي واحده
13 هنقسمهم : 4 4 4 و يتبقي واحده
4 هنقسمهم : 1 1 2 نوزن اول اتنين مع بعض مختلفين يبقي هي الاتقل متساوين يبقي نوزن اخر اتنين مع بعض و هي الاتقل

*متساوين: يبقي نستبعد المجموعتين و القطعه لسه بره
نوزن اخر مجموعه مع اي واحده من اول اتنين لو بتساويها يبقي هي القطعه الي بره
لو مختلفين يبقي هي المجموعه دي المختلفه و طبعا هنعرف اذا كانت اتقل ام اخف من وضع الميزان و بكده هيبقي عندي 121 قطعه و معايا 4 وزنات اقدر اكرر الي عملته فوق بنفس الطريقه

يا رب اكون صح
تحياتي لك
أهلا بالأخ جاسوس الشطرنج...

طيب خلينا في الأول في الوزنات بتاعتك...

المجموعات اللي 121.. انت احتجت وزنتين علشان تعرف المجموعة المختلفة... و بكده المجموعات اللي 40 هتهتاج وزنتين علشان تحدد المجموعة المختلفة... و بالمثل بالنسبة للمجموعات اللي 13 و 4... و بالتالي انت استهلكت 8 وزنات و لسه ما وصلتش للقطعة المختلفة...

مش عارف اذا كنت فهمت حلك والا لا...

و لكن على فكرة... افتراضك من الأول كان خاطيء... تأكد من عدد أيام السنة البسيطة و الكبيسة...

أشكرك على حلك... و لكن أتمنى منك المحاولة مرة أخرى...

تحياتي
DR_OZY
20-08-2005, 09:57 AM
طب يكونش الواد حط ايام السنه الهجريه؟؟؟
rouk89
20-08-2005, 05:31 PM
السلام عليكم
انا تقريبا عرفت الحل بس استحملونى لانه معقد شويه و انا هحاول اشرحه كويس
6 وزنات

ملاحظة : انا معتمد على حلى إن القطعة المراد ايجادها اثقل من الباقى و لو عايزنها اخف مش مشكلة نغير الحل


بسم الله الرحمن الرحيم
دلوقتى احنا عندنا 364 قطعة لانها سنة كبيسة يبقى هنقسمها 122 122 120

أولا الوزن بين 122 122
أول وزنه:-------- نوزن بينهم و لو طلعوا متساوين انتقل الى ثانيا
نقسمهم 41 41 40
تانى وزنه:-------- نوزن ال41و ال41 و الاتقلتكون معانا فى الوزنه الى بعدها و لو طلعوا متساوين انتقل الىرقم 1 تحت شويه

بافتراض انهم مش متساوين يبقى واحده هتكمل معانا

ثالث وزنه:-------نقسم ال41 الى 20 20 1 و نوزنهم والاتقل يكمل معانا

رابع وزنه :---------نقسم ال20 الى 7 7 6 و نوزن ال7 وال 7
* اذا كانوا متساوين انتقل الى رقم 2
واذا كانوا غير متساوين الاثقل يكمل معانا

خامس وزنه :----نقسم ال7 الى 3 3 1
و الاثقل يكمل معانا " اذا مطلعش الواحد اصلا ده فى حاله اذا كانوا متساوين"


السادسة و الاخيرة فى هذه المرحلة :----
نقسم ال 3 الى 1 1 1
و بعدين نوزن بين اى 1 و 1 و نشوف

الانتقالات "معلش استحملنى ":----
1 - بافتراض ان 41 و ال41 طلعوا متساوين يبقى مش هنعمل اى حاجة بعد تانى وزنه و هنعمل الاتى

نقسم ال40 الى 15 15 10
ثالث وزنه :----- و نوزن ال 15 و ال15
اذا كانوا متساوين انتقل الى رقم 3 "معلش دوختكم "

اذا كانوا مختلفين
رابع وزنه
هنقسمهم 5 5 5
و نوزن اى 5 و5
لو طلعوا متساوين " نفذ ما يحدث هنا من الوزنه الخامسه "
و لو طلعوا مختلفين
يبقى هنقسمهم 2 2 1
خامس وزنه :------- بين ال2 و ال2
الانقل يكمل معانا

سادس وزنه : ------ هنقسم ال 2 الى 1 1
و نوزن و نشوف ايه الاخبار

-------------------------------------------------------------------------
2- بافتراض ان 7 و 7 طلعوا قد بعض يبقى مش هنعمل اى حاجة بعد رابع وزنه و نعمل الاتى
نقسم ال 6 الى 3 و 3

خامس وزنه " الله يصبركم "
نوزن بينهم و الى يطلع اتقل يكمل معانا

و نقسمهم الى 1 1 1

سادس وزنه :------ نوزن بين اى 1 و 1
--------------------------------------------------------------------------
3 - اذا كانوا ال15 و ال15 متساوين يبقى مش هنعمل اى حاجة بعد الوزنه الثالثة

نقسم ال10 ل 5 5
رابع وزنه : نوزن بينهم و الاتقل يكمل

و نقسم ال5 الى 2 2 1

خامس وزنه : نوزن بين ال2 و ال2
الاتقل ايه..................يكمل معانا

و نقسمهم 1 1 1

سادس وزنه : نوزن بين اى 1 و 1

ماشى
--------------------------------------------------------------------------

ثانيا :----لو طلعوا ال122 و ال122 متساوين
نبدا من رقم 1 " فوق شويه " بس بعد ما نقسم ال 120 الى 40 40 40 و نشتغل بعد كده و هيطلعوا 6 وزنات





و اتمنى ان يكوم حلى صحيح و انتظر رد صاحب الفزورة
و شكرا عشان استحملتونى
rouk89
20-08-2005, 10:33 PM
مجرد ملاحظة بسيطة
اى وجود لواحد فى حالة المقارنة و طلع الوزنين متساوين يبقى الواحد هو الى احنا عايزينه
زى 2 2 1
اذا كان 2 =2 اذا الكارت المراد هو 1
rouk89
20-08-2005, 11:12 PM
ايه يا جماعة مفيش اى تعليق على الحل و لا ايه
almaeihm
21-08-2005, 12:16 PM
طب يكونش الواد حط ايام السنه الهجريه؟؟؟
لا يا دكتور... ما فيش فايدة من المراوغة :) ... هي إيام السنة الميلادية...

تحياتي
almaeihm
21-08-2005, 12:20 PM
السلام عليكم
انا تقريبا عرفت الحل بس استحملونى لانه معقد شويه و انا هحاول اشرحه كويس
6 وزنات

ملاحظة : انا معتمد على حلى إن القطعة المراد ايجادها اثقل من الباقى و لو عايزنها اخف مش مشكلة نغير الحل


بسم الله الرحمن الرحيم
دلوقتى احنا عندنا 364 قطعة لانها سنة كبيسة يبقى هنقسمها 122 122 120

أولا الوزن بين 122 122
أول وزنه:-------- نوزن بينهم و لو طلعوا متساوين انتقل الى ثانيا
نقسمهم 41 41 40
تانى وزنه:-------- نوزن ال41و ال41 و الاتقلتكون معانا فى الوزنه الى بعدها و لو طلعوا متساوين انتقل الىرقم 1 تحت شويه

بافتراض انهم مش متساوين يبقى واحده هتكمل معانا

ثالث وزنه:-------نقسم ال41 الى 20 20 1 و نوزنهم والاتقل يكمل معانا

رابع وزنه :---------نقسم ال20 الى 7 7 6 و نوزن ال7 وال 7
* اذا كانوا متساوين انتقل الى رقم 2
واذا كانوا غير متساوين الاثقل يكمل معانا

خامس وزنه :----نقسم ال7 الى 3 3 1
و الاثقل يكمل معانا " اذا مطلعش الواحد اصلا ده فى حاله اذا كانوا متساوين"


السادسة و الاخيرة فى هذه المرحلة :----
نقسم ال 3 الى 1 1 1
و بعدين نوزن بين اى 1 و 1 و نشوف

الانتقالات "معلش استحملنى ":----
1 - بافتراض ان 41 و ال41 طلعوا متساوين يبقى مش هنعمل اى حاجة بعد تانى وزنه و هنعمل الاتى

نقسم ال40 الى 15 15 10
ثالث وزنه :----- و نوزن ال 15 و ال15
اذا كانوا متساوين انتقل الى رقم 3 "معلش دوختكم "

اذا كانوا مختلفين
رابع وزنه
هنقسمهم 5 5 5
و نوزن اى 5 و5
لو طلعوا متساوين " نفذ ما يحدث هنا من الوزنه الخامسه "
و لو طلعوا مختلفين
يبقى هنقسمهم 2 2 1
خامس وزنه :------- بين ال2 و ال2
الانقل يكمل معانا

سادس وزنه : ------ هنقسم ال 2 الى 1 1
و نوزن و نشوف ايه الاخبار

-------------------------------------------------------------------------
2- بافتراض ان 7 و 7 طلعوا قد بعض يبقى مش هنعمل اى حاجة بعد رابع وزنه و نعمل الاتى
نقسم ال 6 الى 3 و 3

خامس وزنه " الله يصبركم "
نوزن بينهم و الى يطلع اتقل يكمل معانا

و نقسمهم الى 1 1 1

سادس وزنه :------ نوزن بين اى 1 و 1
--------------------------------------------------------------------------
3 - اذا كانوا ال15 و ال15 متساوين يبقى مش هنعمل اى حاجة بعد الوزنه الثالثة

نقسم ال10 ل 5 5
رابع وزنه : نوزن بينهم و الاتقل يكمل

و نقسم ال5 الى 2 2 1

خامس وزنه : نوزن بين ال2 و ال2
الاتقل ايه..................يكمل معانا

و نقسمهم 1 1 1

سادس وزنه : نوزن بين اى 1 و 1

ماشى
--------------------------------------------------------------------------

ثانيا :----لو طلعوا ال122 و ال122 متساوين
نبدا من رقم 1 " فوق شويه " بس بعد ما نقسم ال 120 الى 40 40 40 و نشتغل بعد كده و هيطلعوا 6 وزنات





و اتمنى ان يكوم حلى صحيح و انتظر رد صاحب الفزورة
و شكرا عشان استحملتونى
أهلا بالأخ rouk89...

أشكر لك مشاركتك في حل اللغز... و لكن عندك مشكلتين... الأولى أن افتراضك لعدد أيام السنة الكبيسة غلط... و ده لخبط لك الدنيا من الأساس ... الثانية هي انك لازم تفترض في حلك ان القطعة خفيفة أو ثقيلة.. و لكن هذا الإفتراض ليس له أساس يدعمه...

أتمنى منك المحاولة مرة اخرى...

تحياتي
rouk89
22-08-2005, 12:13 AM
الى الاخ almaeihm
تعليق على ملاحظتك
1 - بالنسبة لعدد الكروت على مااعتقد إن عدد ايام السنة الكبيسة " 1990 " هو 364 يوم و لو عايزها اى عدد ممكن اظبطها
2 - بالنسبة للوزن انا فعلا حددت ان الكارت اتقل و لو عايزها اخف مش مشكلة

و انتظر ردك
و تقبل فائق الاحترام
almaeihm
22-08-2005, 09:20 AM
الى الاخ almaeihm
تعليق على ملاحظتك
1 - بالنسبة لعدد الكروت على مااعتقد إن عدد ايام السنة الكبيسة " 1990 " هو 364 يوم و لو عايزها اى عدد ممكن اظبطها
2 - بالنسبة للوزن انا فعلا حددت ان الكارت اتقل و لو عايزها اخف مش مشكلة

و انتظر ردك
و تقبل فائق الاحترام
أهلا مرة أخرى يا أخ rouk89...

للأسف عدد أيام السنة الكبيسة مش 364 يوم... و لذلك لزمت عليك انك تتأكد من الحاجة دي في ردي السابق...

أما بالنسبة لكون القطعة أخف أو أثقل.. فالحاجة دي احنا ما نعرفهاش يا rouk89... يعني أنا مش عايزك تفترض انها أخف.. و برضه مش عايزك تفرض انها أثقل... لأن و بإختصار الإفتراض ده غير مدعوم... الطريقة الصحيحة للحل لزم تضع جميع الإحتمالات في الحسبان.. يعني لو وزنت مجموعة من القطع.. و الكفية اليمين مالت... يبقى أنت عندك احتمالين: يا إما القطعة المختلفة أثقل من البقية و هي في الكفة اليمين.. يا إما أخف من البقية و في الكفة الشمال... و لكن ما فيش افتراضات إطلاقا...

حاول ثاني... معليش أنا عارف ان اللغز ده رخم حبتين :D ...

تحياتي
rouk89
22-08-2005, 02:44 PM
شكرا على الرد الجميل
و ساحاول ان شاء الله
usama ahmed
23-08-2005, 11:19 PM
انا عايز اعرف هم كام قطعه
366 ولا 365؟؟؟
:5bomb: :5bomb:
almaeihm
24-08-2005, 12:19 PM
شكرا على الرد الجميل
و ساحاول ان شاء الله
في انتظار محاولاتك أخي الكريم...

تحياتي
almaeihm
24-08-2005, 12:21 PM
انا عايز اعرف هم كام قطعه
366 ولا 365؟؟؟
:5bomb: :5bomb:
أهلا يا عم أسامة يا مغلبنا :)...

هو انت مش عندك رزنامة (تقويم - calendar) في البيت؟... خلاص يا عم.. عد الأيام و ريح دماغك ;) ...

تحياتي
usama ahmed
24-08-2005, 05:04 PM
طب انا عندى سؤال كمان
انا مغلبكوا ليه بقى؟؟؟؟ :D :D
اعتبره hint يا هاشمتو وقلنا هم كام قطعه وانا بعون الله الاقى الحل :smiletest
سلاااااااااااااااااااااااااام
usama ahmed
24-08-2005, 08:29 PM
اللغز ده صدعنى وتعبنى والله ..
انا بس نفسى اعرف عدد القطع بطريق مباشر يعنى تقولى هم كام قطعه بالظبط عشان ارتاح :5bomb:
انا لو عرفت هاركز اكيد وان شاء الله اجيب الحل يا رب
اوعى تقولى مفيش Hint عشان قلبى ما يقفش :eek:
سلااااااااااااااام
almaeihm
24-08-2005, 11:44 PM
ماشي يا عم أسامة...

نعتبره هينت... و هأقولك ان عدد أيام السنة البسيطة هي 365 يوم... و عدد أيام السنة الكبيسة هي 366 يوم...

و انت مهما كان تاريخ ميلادك.. سواء اتولدت في سنة بسيطة أو سنة كبيسة.. هتلاقي قطعة عليها تاريخ يوم ميلادك...

أعتقد كده بقت واضحة ;) ...

تحياتي
usama ahmed
28-08-2005, 12:32 AM
انا سبت اللغز ده كام يوم كده ورجعت افكر فيه تانى :rolleyes: :rolleyes:
وسبحان الله من تانى او تالت محاوله عرفت الحل :)
بس للاسف الحل مش كامل
يعنى انا قسمت القطع الى 3 مجموعات 122
وانا قدرت اطلع القطعه المختلفه ب 6 وزنات بس فى حاله تساوى اى مجموعتين فى اول وزنه
لكن معرفتش اطلع الحل لو كفه اتقل من التانيه
انا طمعان فى كرمك ب Hint كمان
ممكن تقولى اذا كانت طريقه الحل فى الحاله التانيه تختلف كثيرا ام قليلا(او ما بتختلفش خالص ويبقى انا غبى) عن حاله التساوى.. :smiletest :smiletest :smiletest
معلش انا عارف انى بطلب Hints كتير :o :o
بس انت الخير والبركه يا هاشمتو وربنا يخليك للمنتدى ولينا :5emoticon
سلااااااااااااااام
almaeihm
28-08-2005, 08:19 AM
انا سبت اللغز ده كام يوم كده ورجعت افكر فيه تانى :rolleyes: :rolleyes:
وسبحان الله من تانى او تالت محاوله عرفت الحل :)
بس للاسف الحل مش كامل
يعنى انا قسمت القطع الى 3 مجموعات 122
وانا قدرت اطلع القطعه المختلفه ب 6 وزنات بس فى حاله تساوى اى مجموعتين فى اول وزنه
لكن معرفتش اطلع الحل لو كفه اتقل من التانيه
انا طمعان فى كرمك ب Hint كمان
ممكن تقولى اذا كانت طريقه الحل فى الحاله التانيه تختلف كثيرا ام قليلا(او ما بتختلفش خالص ويبقى انا غبى) عن حاله التساوى.. :smiletest :smiletest :smiletest
معلش انا عارف انى بطلب Hints كتير :o :o
بس انت الخير والبركه يا هاشمتو وربنا يخليك للمنتدى ولينا :5emoticon
سلااااااااااااااام
إذا كان الحل مش كامل يا أسامة يبقى ما تقدرش تقول انك عرفت الحل من ثاني او ثالث محاولة ;) ...

و طريقة الحل الاستراتيجية هي طريقة لا تختلف كثيرا سواء الكفتين تساوت أو أحداهما مالت... و انت مش غبي إطلاقا يا أسامة... و مشاركاتك تشهد بكده... و لكنك فقط لم تستطع إلى الآن التوصل إلى الحل الصحيح و ده بيحصل معانا كلنا :)...

و في انتظار محاولاتك يا قمر...

تحياتي
usama ahmed
28-08-2005, 12:25 PM
فعلا طلع عندى حاجه غلط..
انا هحاول تانى وربنا يوفق..
سلاااااااااااام
usama ahmed
28-08-2005, 03:15 PM
معلش يا هاشمتو انا عارف انى زهقتك باللغز ده
بس بصراحه دخل نافوخى ونفسى احله
حتى كل اما ازهق احن ليه تانى وارجع افكر
بس انا فعلا لاقيت طريقه اجيب القطعه المختلفه فى حاله تساوى اول مجموعتين
والحل ده انا ما بعرفش فيه القطعه اثقل ولا اخف لكن بعرف القطعه المختلفه وخلاص
طبعا ممكن اعرف هى اتقل او اخف او ممكن لا
انا وحظى
بس مش عارف اعملها خالص فى حاله عدم التساوى فى الوزنه الاولى
هو انت متاكد يا هاشمتو ان ليها حل واحد بس
اصل لو كان كده يبقى انا اكيد غلطان
بس انا راجعت عليها كتير
طب انا اقولك عليها وانت تقولى صح ولا غلط او ما تنفعش او اى حاجه؟؟؟
انا فى انتظار ردك
سلااااااااااااااااااااام
almaeihm
28-08-2005, 06:19 PM
معلش يا هاشمتو انا عارف انى زهقتك باللغز ده
بس بصراحه دخل نافوخى ونفسى احله
حتى كل اما ازهق احن ليه تانى وارجع افكر
بس انا فعلا لاقيت طريقه اجيب القطعه المختلفه فى حاله تساوى اول مجموعتين
والحل ده انا ما بعرفش فيه القطعه اثقل ولا اخف لكن بعرف القطعه المختلفه وخلاص
طبعا ممكن اعرف هى اتقل او اخف او ممكن لا
انا وحظى
بس مش عارف اعملها خالص فى حاله عدم التساوى فى الوزنه الاولى
هو انت متاكد يا هاشمتو ان ليها حل واحد بس
اصل لو كان كده يبقى انا اكيد غلطان
بس انا راجعت عليها كتير
طب انا اقولك عليها وانت تقولى صح ولا غلط او ما تنفعش او اى حاجه؟؟؟
انا فى انتظار ردك
سلااااااااااااااااااااام
بص يا أسامة ياشا...

من ناحية ان ليها حل واحد فأنا مش متأكد من كده بصراحة... و لكن أي حل تستخدمه لازم يكون نافع في كل الحالات يا أسامة... يعني الحل الصحيح ده بيغطي كل الاحتمالات...

انت أكيد عندك حاجة غلط في حلك... و هو ده اللي مخليه ما ينفعش في كل الحالات... حتى لو كتبته يا أسامة فلا أعتقد اني هأفيدك بحاجة... يعني طالما هو ما بيوصلش للنتيجة فهو غلط من أولها...

و أنا سعيد ان اللغز عجبك... و اتمنى تستمر في المحاولة...

تحياتي
usama ahmed
29-08-2005, 03:23 PM
انا اسف جدا يا هاشمتو ان انا زهقتك كده وانا شايف ان مافيش غيرى بيحاول....
معلش فى الكلمه انا اسف انت متاكد ان حلك بيغطى كل الاحتمالات..
معلش برده (جل من لا يسهو)
سلاااااااااام
fantastic 5
29-08-2005, 04:26 PM
عزيزي هاشمتو
انا كنت بشوف موضوع (الغاز المنتدى غير المحلولة )
ولقيت ان اللغز ده ييجي ب 10 وزنات
ولو طلعت صح (وده مستبعد طبعا )
قولي عشان اقول الطريقة
usama ahmed
29-08-2005, 04:33 PM
عزيزي هاشمتو
انا كنت بشوف موضوع (الغاز المنتدى غير المحلولة )
ولقيت ان اللغز ده ييجي ب 10 وزنات
ولو طلعت صح (وده مستبعد طبعا )
قولي عشان اقول الطريقة
ازيك يا مدهش ..
انت كده بعيد اوى...
احنا جبنها ب 7 وزنات ..
وهاشمتو قالى انها ممكن تيجى ب6 ..
وانا عمال احاول لغايه ما جالى كالو فى نافوخى..
حاول معايا يا مدهش الاتحاد قوة...
fantastic 5
29-08-2005, 04:51 PM
6 !!!!!!!!!!!!!؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!
انا اخر كلام كان 10 ودخت لحد ما جبته 6
6
6
6
مش ممكن
fantastic 5
29-08-2005, 04:55 PM
طيب انا هقول طريقتي
نقسمهم 5 مجموعات ونوزن اتنين لو قد بعض نرميهم ولو لا نرمي اتنين من المجموعات الي باقية
هايفضل 3 مجموعات وطبعا طريقتهم معروفة
لحد مانوصل لمجموعة واحد 73 قطعة نحط عليهم واحدة من المجموعات التانية ونقسمهم مجموعتين
الناتج 37 نعمل زي الي فات
19 زي الي فات
10 نقسمهم 5 و 5 ونشوف
5 نوزن اتنين لو قد بعض نرميهم ولو لا نرمي اتنين من المجموعات الي باقية
هايفضل 3 وطريقتهم معروفة
اظن مافيش ابسط من كده ولو هاشمتو عنده اعتراض
انا على اتم استعداد نعمل عليه رباطية انا واسامة
fantastic 5
29-08-2005, 04:56 PM
كده 9 وزنات لا مؤاخذة مش 10
fantastic 5
29-08-2005, 04:57 PM
طيب هي تيجي ب 7 ازاي
fantastic 5
29-08-2005, 05:00 PM
وبعدين يارجالة 1990 كانت 365 يوم مش 366 يوم
fantastic 5
29-08-2005, 05:01 PM
عيل رخم صحيح
usama ahmed
29-08-2005, 05:08 PM
بص يا مدهش.....
انا موافق تماما على حكايه الرباطيه دى..
ابعتلك موضوع ال7 وزنات فى رساله وانت تحاول معايا نتطوره او نشوف غيره عشان يبقى 6؟
سلااااااااااااام
fantastic 5
29-08-2005, 05:20 PM
ماشي وانا موافق
usama ahmed
29-08-2005, 07:53 PM
ازيك يا هاشمتو........
انا الحمد لله بعد عناء شديد وتعب مالوش مثيل وبعد ما دماغى ورمت قدرت اوصل للحل الصحيح _ ان شاء الله_.
الشرح:
هنقسم ال366 قطعه الى 3 مجموعات
122أ 122ب 122ج
الوزنه الاولى:
نوزن 122أ مع 122ب
لو طلعت المجموعتين مختلفتين نعمل التقسيمه دى فى الوزنه التانيه(دايما هاخد الاحتمالات الاصعب)
الوزنه التانيه:
81أ +41ب : 41أ +81ج (وطبعا فى بقيه ال ج بره وكمان 81 ب)
لو الكفه اليمين تقلت يبقى المختلفه اثقل وفى 81أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 81 ب
لو الكفه الشمال تقلت يبقى القطعه المختلفه فى 41أ او 40 ب(ناخد قطعه على جنب) (نمشى على ده لانه اصعب حاجه)
الوزنه التالته:
27أ+13ب : 14أ+27ج
لو الكفه اليمين تقلت يبقى المختلفه اثقل وفى 27أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 27ب
لو الكفه الشمال تقلت يبقى القطعه المختلفه فى 14أ او 13ب(نمشى على ده لانه اصعب حاجه)
الوزنه الرابعه:
9أ + 4ب : 5أ +9 ج
لو الكفه اليمين تقلت يبقى المختلفه اثقل وفى 9أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى9ب
لو الكفه الشمال تقلت يبقى القطعه المختلفه فى 5أ او 4ب(نمشى على ده لانه اصعب حاجه)
الوزنه الخامسه:
3أ+2ب : 2أ+3ج
لو الكفه اليمين تقلت يبقى المختلفه اثقل وفى 3أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 2ب
لو الكفه الشمال تقلت يبقى القطعه المختلفه فى 2ب
الوزنه السادسه :
عندنا 3 قطع (2ب و1ب اللى طنشناها فوق) واحنا عارفين ان القطعه اخف بما ان أ خلصت
نوزن ما بين اى قطعتين
لو تساوت الكفتان يبقى المختلفه التالته وهى اخف
لو اختلفا يبقى هى القطعه الاخف
usama ahmed
29-08-2005, 07:56 PM
نرجع للوزنه الاولى تانى ..
122أ : 122ب
لو حصل والكفتين متساويتين..يبقى المختلفه فى 122ج
الوزنه التانيه:
81ج : 81أ
لو اليمين تقلت يبقى القطعه اتقل وفى 81 ج(كده بقت سهله,هتمشى تقسيم لتلات مجموعات لغايه الاخر, وأشرحها لو عايز )
لو متساويين يبقى هى فى 41 ج(ناخد 2 على جنب)
الوزنه التالته:
نقسم 39ج الى 27 12
نوزن 27ج :27أ
لو اليمين تقلت يبقى القطعه اتقل وفى 27 ج(كده بقت سهله,هتمشى تقسيم لتلات مجموعات لغايه الاخر, وأشرحها لو عايز )
لو الكفتين متساويين يبقى هى فى 12ج
الوزنه الرابعه:
تقسم 12ج الى 9 و 3
نوزن 9ج :9أ
لو اليمين تقلت يبقى القطعه اتقل وفى 9 ج(كده بقت سهله,هتمشى تقسيم لتلات مجموعات لغايه الاخر, وأشرحها لو عايز )
لو الكفتين متساويين يبقى هى فى 3ج (او اللى 2 اللى على جنب)
الوزنه الخامسه:
نوزن 3ج :3أ
لو اليمين تقلت يبقى القطعه اتقل وفى 3ج(بقت سهله)
لو متساويين يبقى المختلفه فى 2 ج
الوزنه السادسه:
1ج :1أ
لو 1ج اتقل او اخف يبقى هى دى
لو متساويين يبقى هى القطعه اللى بره
ولو انى معرفش انها اتقل ولا اخف (بس كده يبقى انا حددت القطعه اللى عليها يوم ميلاد الوادوانت ماشرطش معرفه حاله القطعه )

انا اعتمدت فى الحاله اللى فاتت على ان الكفتين متساويتين او كفه ال ج اتقل فطبعا لو اخف هى هى مش فارقه.
لو انت اللى مألف اللغز ده..
يبقى بجد والله يا هاشمتو انا ابصم لك بالعشرة على ذكاءك بل عبقريتك..ما شاء الله...
واوعى تفتكر انها مجامله....
شكرا يا باشا عاللغز...
سلااااااااااااااااام
fantastic 5
29-08-2005, 07:59 PM
بصراحة انا مش فاهم حاجة من الحل بتاع اسامة
بس يا هاشمتو عشان منزعلش من بعتينا
القطع 365 والوزنات 7
وده اخر كلام
غير كده يبقى غلط
fantastic 5
29-08-2005, 08:33 PM
هو حل اسامة مقنع
بس يارجالة 1990 كانت 365 يووووووووووووووووووووووووووووووووووووم
انتو عايزين تطيرو البرج الي فاضل في نافوخي
almaeihm
29-08-2005, 08:55 PM
انا اسف جدا يا هاشمتو ان انا زهقتك كده وانا شايف ان مافيش غيرى بيحاول....
معلش فى الكلمه انا اسف انت متاكد ان حلك بيغطى كل الاحتمالات..
معلش برده (جل من لا يسهو)
سلاااااااااام
و لا زهقتني و لا حاجة... أنا دائما أرحب بأسئلتك...

بالنسبة للحل اللي عندي فهو أكيد يغطي لكل الإحتمالات...

تحياتي
almaeihm
29-08-2005, 08:59 PM
عزيزي هاشمتو
انا كنت بشوف موضوع (الغاز المنتدى غير المحلولة )
ولقيت ان اللغز ده ييجي ب 10 وزنات
ولو طلعت صح (وده مستبعد طبعا )
قولي عشان اقول الطريقة
أهلا يا مدهش باشا...

10 وزنات كتير جدا... يا راجل ده انت في لغز "نتيجة السباق" كنت هاريني تخفيضات... و دلوقت ما شاء الله نازل بأعلى سعر في المناقصة :)...

طيب هي تيجي ب 7 ازاي
الحل موجود في الصفحة الأولى من الموضوع...

تحياتي
almaeihm
29-08-2005, 09:03 PM
ازيك يا هاشمتو........
انا الحمد لله بعد عناء شديد وتعب مالوش مثيل وبعد ما دماغى ورمت قدرت اوصل للحل الصحيح _ ان شاء الله_.
الشرح:
هنقسم ال366 قطعه الى 3 مجموعات
122أ 122ب 122ج
الوزنه الاولى:
نوزن 122أ مع 122ب
لو طلعت المجموعتين مختلفتين نعمل التقسيمه دى فى الوزنه التانيه(دايما هاخد الاحتمالات الاصعب)
الوزنه التانيه:
81أ +41ب : 41أ +81ج (وطبعا فى بقيه ال ج بره وكمان 81 ب)
لو الكفه اليمين تقلت يبقى المختلفه اثقل وفى 81أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 81 ب
لو الكفه الشمال تقلت يبقى القطعه المختلفه فى 41أ او 40 ب(ناخد قطعه على جنب) (نمشى على ده لانه اصعب حاجه)
الوزنه التالته:
27أ+13ب : 14أ+27ج
لو الكفه اليمين تقلت يبقى المختلفه اثقل وفى 27أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 27ب
لو الكفه الشمال تقلت يبقى القطعه المختلفه فى 14أ او 13ب(نمشى على ده لانه اصعب حاجه)
الوزنه الرابعه:
9أ + 4ب : 5أ +9 ج
لو الكفه اليمين تقلت يبقى المختلفه اثقل وفى 9أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى9ب
لو الكفه الشمال تقلت يبقى القطعه المختلفه فى 5أ او 4ب(نمشى على ده لانه اصعب حاجه)
الوزنه الخامسه:
3أ+2ب : 2أ+3ج
لو الكفه اليمين تقلت يبقى المختلفه اثقل وفى 3أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 2ب
لو الكفه الشمال تقلت يبقى القطعه المختلفه فى 2ب
الوزنه السادسه :
عندنا 3 قطع (2ب و1ب اللى طنشناها فوق) واحنا عارفين ان القطعه اخف بما ان أ خلصت
نوزن ما بين اى قطعتين
لو تساوت الكفتان يبقى المختلفه التالته وهى اخف
لو اختلفا يبقى هى القطعه الاخف
برافو يا أسامة... بجد انت قريب جدا جدا جدا من الحل الصحيح... بس عندك مشكلة في الوزنتين الثالثة و الرابعة... و علشان كده أنا ما عرفتش أكمل بقية الحل بتركيز...

يا أسامة انت في الوزنة الثالثة هتحط 40 قطعة في كفة و 41 قطعة في الكفة الثانية... يبقى أكيد الكفة اللي فيها قطع أكثر هتكون أثقل... و الوزنة الرابعة نفس الحكاية...

انا مش عارف انت عملت كده ليه يا أسامة... يا ريت تراجع الوزنتين دول علشان أعرف أفهم الحل كله... و دائما يا أسامة عدد القطع لازم يكون متساوي في الكفتين.. دي حاجة بديهية...

بالنسبة لحالة التساوي في الوزنة الأولى فهي من النظرة السريعة لا يبدو فيها مشكلة و لكن سأراجعها بتدقيق بعد اكتمال الحل...

تحياتي
fantastic 5
29-08-2005, 10:24 PM
يبقى الوزنة التالتة والرابعة في الحل بتاع اسامة
= 27ا+13ب : 13ا+27ج : 1ا ونوزن الاتنين ونشوف لو متساويين يبقى ال 1 ا هي المطلوبة ولو لا نكمل نفس النظام
ونفس الكلام في الوزنة الرابعة
واظن ده التعديل الوحيد المنطقي
ولا ايه يا هاشمتو
فعلا اجابة اسامة صح
usama ahmed
30-08-2005, 12:24 AM
انا اسف يا جماعه ...
دى غالبا غلطات مطبعيه قبل ما اغير تفكيرى ..
هاصلحها ..
usama ahmed
30-08-2005, 12:49 AM
ازيك يا هاشمتو........
انا الحمد لله بعد عناء شديد وتعب مالوش مثيل وبعد ما دماغى ورمت قدرت اوصل للحل الصحيح _ ان شاء الله_.
الشرح:
هنقسم ال366 قطعه الى 3 مجموعات
122أ 122ب 122ج
الوزنه الاولى:
نوزن 122أ مع 122ب
لو طلعت المجموعتين مختلفتين نعمل التقسيمه دى فى الوزنه التانيه(دايما هاخد الاحتمالات الاصعب)
الوزنه التانيه:
81أ +41ب : 41أ +81ج (وطبعا فى بقيه ال ج بره وكمان 81 ب)
لو الكفه اليمين تقلت يبقى المختلفه اثقل وفى 81أ(سهله تقسيم ثلاثى)
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 81 ب (سهله تقسيم ثلاثى)
لو الكفه الشمال تقلت يبقى القطعه المختلفه فى 41أ او 40 ب(ناخد قطعه ب على جنب) (نمشى على ده لانه اصعب حاجه)
الوزنه التالته:
27أ+13ب : 14أ+26ج
لو الكفه اليمين تقلت يبقى المختلفه اثقل وفى 27أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 27ب
لو الكفه الشمال تقلت يبقى القطعه المختلفه فى 14أ او 13ب(نمشى على ده لانه اصعب حاجه)(ننفض للقطعه اللى على جنب)
الوزنه الرابعه:
9أ + 4ب : 5أ +8 ج
لو الكفه اليمين تقلت يبقى المختلفه اثقل وفى 9أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى9ب(ننفض للقطعه اللى على جنب)
لو الكفه الشمال تقلت يبقى القطعه المختلفه فى 5أ او 4ب(نمشى على ده لانه اصعب حاجه)
الوزنه الخامسه:
3أ+2ب : 2أ+3ج
لو الكفه اليمين تقلت يبقى المختلفه اثقل وفى 3أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 2ب(او القطعه اللى على جنب)
لو الكفه الشمال تقلت يبقى القطعه المختلفه فى 2ب(ونقدر نجيبها بسهوله)
الوزنه السادسه :
عندنا 3 قطع (2ب و1ب اللى طنشناها من البدايه ) واحنا عارفين ان القطعه اخف بما ان أ خلصت
نوزن ما بين اى قطعتين
لو تساوت الكفتان يبقى المختلفه التالته وهى اخف
لو اختلفا يبقى هى القطعه الاخف

ممكن تراجعولى عالحل ده لان انا لو راجعت بمنظورى تانى مش هاعرف اذا كان فى غلط ولا لا
usama ahmed
30-08-2005, 12:53 AM
وجزء حاله التساوى زى ما هو
almaeihm
30-08-2005, 09:51 AM
ازيك يا هاشمتو........
انا الحمد لله بعد عناء شديد وتعب مالوش مثيل وبعد ما دماغى ورمت قدرت اوصل للحل الصحيح _ ان شاء الله_.
الشرح:
هنقسم ال366 قطعه الى 3 مجموعات
122أ 122ب 122ج
الوزنه الاولى:
نوزن 122أ مع 122ب
لو طلعت المجموعتين مختلفتين نعمل التقسيمه دى فى الوزنه التانيه(دايما هاخد الاحتمالات الاصعب)
الوزنه التانيه:
81أ +41ب : 41أ +81ج (وطبعا فى بقيه ال ج بره وكمان 81 ب)
لو الكفه اليمين تقلت يبقى المختلفه اثقل وفى 81أ(سهله تقسيم ثلاثى)
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 81 ب (سهله تقسيم ثلاثى)
لو الكفه الشمال تقلت يبقى القطعه المختلفه فى 41أ او 40 ب(ناخد قطعه ب على جنب) (نمشى على ده لانه اصعب حاجه)
الوزنه التالته:
27أ+13ب : 14أ+26ج
لو الكفه اليمين تقلت يبقى المختلفه اثقل وفى 27أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 27ب
لو الكفه الشمال تقلت يبقى القطعه المختلفه فى 14أ او 13ب(نمشى على ده لانه اصعب حاجه)(ننفض للقطعه اللى على جنب)
الوزنه الرابعه:
9أ + 4ب : 5أ +8 ج
لو الكفه اليمين تقلت يبقى المختلفه اثقل وفى 9أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى9ب(ننفض للقطعه اللى على جنب)
لو الكفه الشمال تقلت يبقى القطعه المختلفه فى 5أ او 4ب(نمشى على ده لانه اصعب حاجه)
الوزنه الخامسه:
3أ+2ب : 2أ+3ج
لو الكفه اليمين تقلت يبقى المختلفه اثقل وفى 3أ
لو الكفتين متساويتين يبقى كل القطع اللى فى الميزان عاديه وتبقى المختلفه اخف و فى 2ب(او القطعه اللى على جنب)
لو الكفه الشمال تقلت يبقى القطعه المختلفه فى 2ب(ونقدر نجيبها بسهوله)
الوزنه السادسه :
عندنا 3 قطع (2ب و1ب اللى طنشناها من البدايه ) واحنا عارفين ان القطعه اخف بما ان أ خلصت
نوزن ما بين اى قطعتين
لو تساوت الكفتان يبقى المختلفه التالته وهى اخف
لو اختلفا يبقى هى القطعه الاخف

ممكن تراجعولى عالحل ده لان انا لو راجعت بمنظورى تانى مش هاعرف اذا كان فى غلط ولا لا
حلك جميل جدا يا أسامة... بس عندك ملاحظتين لازم يتوضحوا:

بص على السطر اللي بالأحمر... طبعا انت حتى لحظة وصولك لهذا السطر كنت قد استهلكت 3 وزنات... و انت قلت ان القطعة المختلفة هي في 27ب ... و بما ان عندك بس27 قطعة ولسه قدامك 3 وزنات فدي مسألة سهلة جدا يا أسامة... و ممكن تجيبها بالراحة... ولكن لو دققت هتلاقي ان في الحقيقة انت عندك 28 قطعة مش 27 (القطعة اللي خذتها على جنب)... طيب دلوقت ازاي هتعرف القطعة المختلفة بين الـ 28 دول بثلاث وزنات بس؟...

فيه حاجة ثانية... بص على السطر اللي بالأزرق... انت قلت ان لو الكفة الشمال ثقلت يبقى القطعة المختلفة في 2ب... طيب ليه ما تكونش في 2أ؟... و بكده يكون لسه عندك 4 قطع و ما فاضلش عندك غير وزنة واحدة بس... و دي ما تجيش...

يمكن أكون مش واخذ بالي من وجهة نظرك يا أسامة لأن حلك بيختلف عن حلي... و لذلك أرجو منك توضيح النقطتين دول...

تحياتي
usama ahmed
30-08-2005, 11:13 AM
سنيه انا هاركز وهاحط الحل الكامل
usama ahmed
30-08-2005, 11:34 AM
على فكرة انا عندى غلطه للاسف..
حكايه (القطعه اللى على جنب دى مالهاش لازمه)...صح؟
طب ما هو مدهش قال ان 1990 كانت 365 يوم يعنى انا ممكن من غير وزن استبعد 29 فيراير.
ينفع؟
مستنى ردك عشان اكمل.
almaeihm
30-08-2005, 11:42 AM
على فكرة انا عندى غلطه للاسف..
حكايه (القطعه اللى على جنب دى مالهاش لازمه)...صح؟
طب ما هو مدهش قال ان 1990 كانت 365 يوم يعنى انا ممكن من غير وزن استبعد 29 فيراير.
ينفع؟
مستنى ردك عشان اكمل.
و الله يا أسامة انت لو شايف ان ده هيساعدك... إعملها على طول و اكتب الطريقة بعد التعديل...

تحياتي
usama ahmed
30-08-2005, 11:48 AM
طب بالنسبه لان السنه 365 يوم؟
usama ahmed
30-08-2005, 11:51 AM
لو انا قدرت استبعد 29 فبراير يبقى هتيجى ان شاء الله
almaeihm
30-08-2005, 11:58 AM
طب بالنسبه لان السنه 365 يوم؟
لو انا قدرت استبعد 29 فبراير يبقى هتيجى ان شاء الله
انت مش بتقول ان مدهش قال انه متأكد ان سنة 1990 كان فيها 365 يوم... أنا بأقولك ان كلامه صح... و انت ممكن تستخدم المعلومة دي لصالحك... و استبعد 29 فبراير لوحبيت و انت متطمن...

و دلوقت أنت لازم تعرف لي ايه القطع المختلفة من الـ 365 دول... يالله شد حيلك يا باشا...

تحياتي
usama ahmed
30-08-2005, 12:25 PM
مش راضيه تيجى خالص يا هاشمتو
fantastic 5
30-08-2005, 03:19 PM
اسامة اسمع
انا جبتها ب 7 وزنات وهي 365
عشان اقول يمكن دي معلومة
هاشمتو هي اول خطوة نقسمهم 5 مجموعات مش كده ولا انت ناوي تجنني
اسامة قسمهم 5 وطلع منهم 3 مجموعات بس اشتغل عليهم كل مجموعة 73 قطعة
وكمل زي ما انت عايز انا لحد هنا مقدرش اجيبها غير ب 7 وزنات
almaeihm
30-08-2005, 03:32 PM
مش راضيه تيجى خالص يا هاشمتو
انت تعبت في اللغز ده يا أسامة... معليش اضغط على نفسك و اعصر دماغك شوية علشان ما يروحش تعبك على الفاضي...

اسامة اسمع
انا جبتها ب 7 وزنات وهي 365
عشان اقول يمكن دي معلومة
هاشمتو هي اول خطوة نقسمهم 5 مجموعات مش كده ولا انت ناوي تجنني
اسامة قسمهم 5 وطلع منهم 3 مجموعات بس اشتغل عليهم كل مجموعة 73 قطعة
وكمل زي ما انت عايز انا لحد هنا مقدرش اجيبها غير ب 7 وزنات
7 وزنات يا مدهش دي ما فيهاش مشكلة إطلاقا... و سبق وحلها أحد الأعضاء من فترة طويلة... احنا عايزينها بست وزنات بس...

تقسيم المجموعات ده يخضع لطريقتك اللي قد تختلف عن طريقتي تماما... مثلا الطريقة اللي عندي أنا بأقسم الكور أكثر من 3 مجموعات... و للمعلومية فهي مش 5 مجموعات :)...

فيه حاجة يبدو انكم مش واخذين بالكم منها... و هي هتساعدكم كثير لو عرفتوها...

حاولوا مرة أخرى...

تحياتي
fantastic 5
30-08-2005, 03:36 PM
طيب ممكن 73 مجموعة
او بقى مجموعات غير متساوية
بس لو قسمتها من الاول مجموعات غير متساوية
مش هتعرف اذا كانت اتقل ولا اخف
انا مش شايف غير انها لو 365 يبقى 7 وزنات قصر الكلام
بس لو في اقل يبقى ان شاء الله مش هاوصله
ممكن احاول وخد بالك من كلامي
وياريت ترد عليه
almaeihm
30-08-2005, 03:42 PM
طيب ممكن 73 مجموعة
او بقى مجموعات غير متساوية
بس لو قسمتها من الاول مجموعات غير متساوية
مش هتعرف اذا كانت اتقل ولا اخف
انا مش شايف غير انها لو 365 يبقى 7 وزنات قصر الكلام
بس لو في اقل يبقى ان شاء الله مش هاوصله
ممكن احاول وخد بالك من كلامي
وياريت ترد عليه
يا مدهش أنا هأقولك بصراحة...

يا أخي انت قرفتني في عيشتي :) ... من ساعة ما شفت اللغز ده و انت بتغني على دماغي بالسبع وزنات :) ... يا سيدي قلنا ما ينفعوش... تقدر تجيبهم في 6 وزنات و الا حد غيرك يشيل المناقصة؟ :D...

و بعدين أنا عايزك تكون جامد و تدخل بالحل الكامل بتاعك زي ما أسامة عمل... مش تقعد "تسقسق" عليه بالحل :)...

عموما... أنا هأريحك و أقولك ان 7 وزنات ده مش الحل المثالي... ممكن تيجي بـ6 وزنات...

تحياتي
fantastic 5
30-08-2005, 03:57 PM
طيب ياسيدي
هوانا مش نازلك من زور ليه كده يا اخي
حاسك كارهني من اول مادخلت المنتدى
ده انا غلبااااااان
بس الي انا متأكد منه ان اول مجموعات لازم يكونو متساويين ولا ايه
usama ahmed
30-08-2005, 07:40 PM
ممكن الحاجه اللى انت بتقول عليها يا هاشمتو مش واخدين بالنا منها وده على اساس اللى انا فهمته هى ان هم 366 قطعه بس فيهم واحده ما تنفعش تكون هى المختلفه اللى هى اللى مكتوب عليها 29 فبراير ودى ممكن استخدمها فى العمليه....كده ولا انت قصدك حاجه تانيه..
usama ahmed
30-08-2005, 07:45 PM
اسامة اسمع
انا جبتها ب 7 وزنات وهي 365
عشان اقول يمكن دي معلومة
هاشمتو هي اول خطوة نقسمهم 5 مجموعات مش كده ولا انت ناوي تجنني
اسامة قسمهم 5 وطلع منهم 3 مجموعات بس اشتغل عليهم كل مجموعة 73 قطعة
وكمل زي ما انت عايز انا لحد هنا مقدرش اجيبها غير ب 7 وزنات
انا جربتها كده فى الاول وماجتش..
احتمال هاشمتو يقصد ان احنا نقسمها اربع مجموعات...
انا برده جربتها قبل كده اربعه ومعرفتش.
سلاااااااااااااااااااااام
usama ahmed
30-08-2005, 07:50 PM
وصحيح يا مدهش احنا عمالين نقولك انها بتيجى ب6وزنات وانت برده مصر على 7.
يا بنى حاول معايا فى 6 عشان انا قربت ازهق
almaeihm
31-08-2005, 09:02 AM
ممكن الحاجه اللى انت بتقول عليها يا هاشمتو مش واخدين بالنا منها وده على اساس اللى انا فهمته هى ان هم 366 قطعه بس فيهم واحده ما تنفعش تكون هى المختلفه اللى هى اللى مكتوب عليها 29 فبراير ودى ممكن استخدمها فى العمليه....كده ولا انت قصدك حاجه تانيه..
الحاجة دي يا أسامة انتو وصلتوا لها من زمان... بس اللي بأقصده هو طريقة استخدام المعلومة دي في الحل...

يالله يا أسامه.. شد حيلك.. و الأهم انك تغير طريقة تفكيرك في اللغز عشان توصل للحل..

تحياتي
usama ahmed
01-09-2005, 03:44 AM
احنا دلوقت المفروض ان عندنا 366 قطعه منهم واحده مستبعدينها (29 فبراير)ونرمزلها بالرمز أ*
نقسم ال366 قطعه كالاتى:
121أ+1* , 122 ب ,122ج
الوزنه الاولى:
121أ+1* : 122ب
الاحتمال الاول: اختلاف الكفتين (الكفه اليمين هى اللى طبت مثلا)( اذن قطع ج كلها عاديه)
الوزنه التانيه:
81أ +41ب :40أ+82ج(تم استبعاد 1*)
- لو الكفه اليمين تقلت يبقى القطعه المختلفه فى 81أ واتقل(سهل ايجادها بالتقسيم 3 مجموعات)
- لو الكفتان تساويتا يبقى القطعه المختلفه فى 81ب اللى بره واخف(سهل ايجادها بالتقسيم 3 مجموعات)
- لو الكفه الشمال تقلت يبقى القطعه المختلفه يا اما فى 41ب واخف او فى 40أ واتقل(اصعب احتمال فناخده)
الوزنه التالته:
27أ + 14 ب : 13أ + 28ج
- لو الكفه اليمين تقلت يبقى القطعه المختلفه فى 27أ واتقل(سهل ايجادها بالتقسيم 3 مجموعات)
- لوالكفتان تساويتا يبقى القطعه المختلفه فى 27ب اللى بره واخف(سهل ايجادها بالتقسيم 3 مجموعات)
- لو الكفه الشمال تقلت يبقى القطعه المختلفه يا اما فى 14ب واخف او فى 13أ واتقل(اصعب احتمال فناخده)
الوزنه الرابعه:
9أ +5ب : 4أ+10ج
- لو الكفه اليمين تقلت يبقى القطعه المختلفه فى 9أ واتقل(سهل ايجادها بالتقسيم 3 مجموعات)
- لوالكفتان تساويتا يبقى القطعه المختلفه فى 9ب اللى بره واخف(سهل ايجادها بالتقسيم 3 مجموعات)
- لو الكفه الشمال تقلت يبقى القطعه المختلفه يا اما فى 5ب واخف او فى 4أ واتقل(اصعب احتمال فناخده)
الوزنه الخامسه:
3أ + 2ب : 1أ +4ج
- لو الكفه اليمين تقلت يبقى القطعه المختلفه فى 3أ واتقل(سهل ايجادها بالتقسيم 3 مجموعات)
- لوالكفتان تساويتا يبقى القطعه المختلفه فى 3ب اللى بره واخف(سهل ايجادها بالتقسيم 3 مجموعات)
- لو الكفه الشمال تقلت يبقى القطعه المختلفه يا اما فى 2ب واخف او فى 1أ واتقل(اصعب احتمال فناخده)
الوزنه السادسه والاخيرة:
1ب : 1ب
- لو تساوت الكفتان يبقى قطعه أ اللى بره هى المختلفه..( واتقل)
- لو اختلفا يبقى المختلفه هى الاخف

وبكده عرفنا اى قطعه هى اللى عليها تاريخ ميلاد الواد.....
usama ahmed
01-09-2005, 03:45 AM
نرجع بعد الوزنه الاولى تانى...
الاحتمال التانى:تساوى الكفتين..(القطعه المختلفه فى 122 ج)(قطع أ وقطع ب عاديه)
الوزنه التانيه:
81ج :81ب
- لو تقلت الكفه اليمين يبقى المختلفه فى اليمين واتقل (بقت سهله تقسيم 3 مجموعات)
- لو الكفه الشمال تقلت يبقى المختلفه فى الشمال واخف(بقت سهله تقسيم 3 مجموعات)
-لو تساوت الكفتان يبقى المختلفه فى 41ج اللى بره(اصعب احتمال فناخده)
الوزنه التالته:
-27ج : 27ب
- لو تقلت الكفه اليمين يبقى المختلفه فى اليمين واتقل (بقت سهله تقسيم 3 مجموعات)
- لو الكفه الشمال تقلت يبقى المختلفه فى الشمال واخف(بقت سهله تقسيم 3 مجموعات)
-لو تساوت الكفتان يبقى المختلفه فى 14ج اللى بره (اصعب احتمال فناخده)
الوزنه الرابعه:
9ج :9ب
- لو تقلت الكفه اليمين يبقى المختلفه فى اليمين واتقل (بقت سهله تقسيم 3 مجموعات)
- لو الكفه الشمال تقلت يبقى المختلفه فى الشمال واخف(بقت سهله تقسيم 3 مجموعات)
-لو تساوت الكفتان يبقى المختلفه فى 5ج اللى بره (اصعب احتمال فناخده)
الوزنه الخامسه:
3ج : 3ب
- لو تقلت الكفه اليمين يبقى المختلفه فى اليمين واتقل (بقت سهله تقسيم 3 مجموعات)
- لو الكفه الشمال تقلت يبقى المختلفه فى الشمال واخف(بقت سهله تقسيم 3 مجموعات)
لو تساوت الكفتان يبقى المختلفه فى 2ج اللى بره (اصعب احتمال فناخده)
الوزنه السادسه والاخيره:
1ج :1ب
- لو تقلت الكفه اليمين يبقى المختلفه فى اليمين واتقل
- لو الكفه الشمال تقلت يبقى المختلفه فى اليمين واخف
لو تساوت الكفتان يبقى المختلفه هى 1ج اللى بره ومعرفتش هى اتقل ولا اخف (انت ما اشطرتش كده)المهم انى عرفت عيد ميلاد الولد......

ده لو كان الكلام اللى فات ده كله صح....
usama ahmed
01-09-2005, 03:51 AM
ده شكلها كانت اخر محاوله ليا فى اللغز ده .. لانى ببساطه قربت اتشل ومش هاقرب للغز ده تانى لو طلع الحل اللى فات غلط الا بعد ما افوق..
راجعلى عليه يا هاشمتو وانصفنى الله يخليك خلينا نخلص...
وكمان العضوhachem قال انه عارف الاجابه..
فلو ده طلعت غلط وده الاغلب يا ريت هو يقول عالحل لو عايز وده حقه طبها من غير كلام..
سلاااااااااااااااااام
usama ahmed
01-09-2005, 01:18 PM
بص يا عم هاشمتو... انت قلتلى ان الاستراتيجيه واحده فى حاله التساوى او الاختلاف...
والحل اللى هاشرحه ده متهيالى ان هو الحل اللى انت حليتها بيه...
هنقسم ال366 قطعه الى 4 مجموعات
92أ , 92ب ,91ج ,91د
الوزنه الاولى:
92أ : 92ب
لو تساويا يبقى القطعه المختلفه فى 91ج او 91د
لو اختلفا يبقى المختلقه يا اما 92أ او 92 ب(ناخد ده الاصعب)(نفرض ان الكفه اليمين الاتقل)
الوزنه التانيه:
81أ +11ب : 11أ +81ج
- لو الكفه اليمين تقلت يبقى المختلفه فى 81أ واتقل(سهله تقسيم ثلاثى)
- لو الكفتان تساويتا يبقى المختلفه فى 81 ب اللى بره واخف(سهله تقسيم ثلاثى)
-لو الكفه الشمال اتقل من اليمين يبقى المختلفه يا اما موجوده فى 11أ واتقل او 11ب واخف(ناخد ده)
الوزنه التالته:
9أ + 2ب :2أ +9ج
- لو الكفه اليمين تقلت يبقى المختلفه فى9أ واتقل(سهله تقسيم ثلاثى)
- لو الكفتان تساويتا يبقى المختلفه فى 9 ب اللى بره واخف(سهله تقسيم ثلاثى)
- لوالكفه الشمال اتقل من اليمين يبقى المختلفه يا اما موجوده فى 2أ واتقل او 2ب واخف(ناخد ده)
الوزنه الرابعه:
2أ : 2ج
-لو الكفه اليمين تقلت يبقى القطعه المختلفه فى 2أ واتقل واقدر اعرفها بوزنه كمان(سهله)
-لو تساويتا يبقى المختلفه فى 2ب اللى بره واخف و اقدراعرفها بوزنه كمان(سهله )(زى بعض فناخد ده)
الوزنه الخامسه:
1ب :1ب
الاخف فيهم هى المختلفه وكده عرفناها..
الوزنه السادسه:
يمكن الاستغناء عنها فى الحاله اللى فاتت
لكن لا يمكن الاستغناء عنها عند حاله التقسيم الثلاثى...

مظبوط كده يا هاشمتو؟...
متهيالى الحل ده اصح واسهل من حلى اللى فات..
ومتهيألى برده ان هو الحل بتاعك...

فى انتظار ردك..
سلااااااااااااااااام
usama ahmed
01-09-2005, 07:18 PM
انت فين يا هاشمتوووووووووو
almaeihm
01-09-2005, 07:21 PM
عزيزي أسامة...

أشكر لك محاولاتك الجادة... و أنا أسعدني جدا اهتمامك باللغز...

أنا بأرد عليك دلوقت عشان ما تفتكرش اني مطنشك... و لكن للأسف لم يتسنى لي الوقت الكافي لمراجعة حلولك... و لكن أعدك بمراجعتها في أقرب وقت.. و الرد عليك...

و سلامتك من الشلل يا عنيه :)...

تحياتي
usama ahmed
01-09-2005, 07:25 PM
انا عايزك سريعا تبص عالمشاركه 105 ربنا يخليك لينا..
اصل انا حطيت الحل بقالى كتير وعايز اخلص..
يا اما صح وازقطط..
يا اما غلط واتشل..
شوف بقى انت عايز ايه ليا..
almaeihm
01-09-2005, 07:40 PM
و لا يهزك يا عم أسامة... أنا بصيت على حلك اللي في المشاركة 105... و هو حل جميل... بس للأسف مش كامل...

في احتمال مهم جدا انت طنشته خالص... و هو ان الوزنة الأولى تتساوى فيها الكفتين... يبقى انت لازم تقول لي الخطوات اللي هتعرف بيها هل القطعة المختلفة هي في 91ج أم في 91د...

معليش يا أسامة... علشان الحل بس يكون كامل :)...

تحياتي
usama ahmed
01-09-2005, 07:44 PM
ايوة نظريه برضه..
طب شوف 102 و 103 لما تلاقى الوقت الكافى...
usama ahmed
02-09-2005, 11:55 AM
معلش يا هاشمتو على زنى..
بس انا عايز اخلص..
102 103 معاك ومافتكرش صح...بص عليهم لما تلاقى وقت.
almaeihm
02-09-2005, 12:23 PM
احنا دلوقت المفروض ان عندنا 366 قطعه منهم واحده مستبعدينها (29 فبراير)ونرمزلها بالرمز أ*
نقسم ال366 قطعه كالاتى:
121أ+1* , 122 ب ,122ج
الوزنه الاولى:
121أ+1* : 122ب
الاحتمال الاول: اختلاف الكفتين (الكفه اليمين هى اللى طبت مثلا)( اذن قطع ج كلها عاديه)
الوزنه التانيه:
81أ +41ب :40أ+82ج(تم استبعاد 1*)
- لو الكفه اليمين تقلت يبقى القطعه المختلفه فى 81أ واتقل(سهل ايجادها بالتقسيم 3 مجموعات)
- لو الكفتان تساويتا يبقى القطعه المختلفه فى 81ب اللى بره واخف(سهل ايجادها بالتقسيم 3 مجموعات)
- لو الكفه الشمال تقلت يبقى القطعه المختلفه يا اما فى 41ب واخف او فى 40أ واتقل(اصعب احتمال فناخده)
الوزنه التالته:
27أ + 14 ب : 13أ + 28ج
- لو الكفه اليمين تقلت يبقى القطعه المختلفه فى 27أ واتقل(سهل ايجادها بالتقسيم 3 مجموعات)
- لوالكفتان تساويتا يبقى القطعه المختلفه فى 27ب اللى بره واخف(سهل ايجادها بالتقسيم 3 مجموعات)
- لو الكفه الشمال تقلت يبقى القطعه المختلفه يا اما فى 14ب واخف او فى 13أ واتقل(اصعب احتمال فناخده)
الوزنه الرابعه:
9أ +5ب : 4أ+10ج
- لو الكفه اليمين تقلت يبقى القطعه المختلفه فى 9أ واتقل(سهل ايجادها بالتقسيم 3 مجموعات)
- لوالكفتان تساويتا يبقى القطعه المختلفه فى 9ب اللى بره واخف(سهل ايجادها بالتقسيم 3 مجموعات)
- لو الكفه الشمال تقلت يبقى القطعه المختلفه يا اما فى 5ب واخف او فى 4أ واتقل(اصعب احتمال فناخده)
الوزنه الخامسه:
3أ + 2ب : 1أ +4ج
- لو الكفه اليمين تقلت يبقى القطعه المختلفه فى 3أ واتقل(سهل ايجادها بالتقسيم 3 مجموعات)
- لوالكفتان تساويتا يبقى القطعه المختلفه فى 3ب اللى بره واخف(سهل ايجادها بالتقسيم 3 مجموعات)
- لو الكفه الشمال تقلت يبقى القطعه المختلفه يا اما فى 2ب واخف او فى 1أ واتقل(اصعب احتمال فناخده)
الوزنه السادسه والاخيرة:
1ب : 1ب
- لو تساوت الكفتان يبقى قطعه أ اللى بره هى المختلفه..( واتقل)
- لو اختلفا يبقى المختلفه هى الاخف

وبكده عرفنا اى قطعه هى اللى عليها تاريخ ميلاد الواد.....
نرجع بعد الوزنه الاولى تانى...
الاحتمال التانى:تساوى الكفتين..(القطعه المختلفه فى 122 ج)(قطع أ وقطع ب عاديه)
الوزنه التانيه:
81ج :81ب
- لو تقلت الكفه اليمين يبقى المختلفه فى اليمين واتقل (بقت سهله تقسيم 3 مجموعات)
- لو الكفه الشمال تقلت يبقى المختلفه فى الشمال واخف(بقت سهله تقسيم 3 مجموعات)
-لو تساوت الكفتان يبقى المختلفه فى 41ج اللى بره(اصعب احتمال فناخده)
الوزنه التالته:
-27ج : 27ب
- لو تقلت الكفه اليمين يبقى المختلفه فى اليمين واتقل (بقت سهله تقسيم 3 مجموعات)
- لو الكفه الشمال تقلت يبقى المختلفه فى الشمال واخف(بقت سهله تقسيم 3 مجموعات)
-لو تساوت الكفتان يبقى المختلفه فى 14ج اللى بره (اصعب احتمال فناخده)
الوزنه الرابعه:
9ج :9ب
- لو تقلت الكفه اليمين يبقى المختلفه فى اليمين واتقل (بقت سهله تقسيم 3 مجموعات)
- لو الكفه الشمال تقلت يبقى المختلفه فى الشمال واخف(بقت سهله تقسيم 3 مجموعات)
-لو تساوت الكفتان يبقى المختلفه فى 5ج اللى بره (اصعب احتمال فناخده)
الوزنه الخامسه:
3ج : 3ب
- لو تقلت الكفه اليمين يبقى المختلفه فى اليمين واتقل (بقت سهله تقسيم 3 مجموعات)
- لو الكفه الشمال تقلت يبقى المختلفه فى الشمال واخف(بقت سهله تقسيم 3 مجموعات)
لو تساوت الكفتان يبقى المختلفه فى 2ج اللى بره (اصعب احتمال فناخده)
الوزنه السادسه والاخيره:
1ج :1ب
- لو تقلت الكفه اليمين يبقى المختلفه فى اليمين واتقل
- لو الكفه الشمال تقلت يبقى المختلفه فى اليمين واخف
لو تساوت الكفتان يبقى المختلفه هى 1ج اللى بره ومعرفتش هى اتقل ولا اخف (انت ما اشطرتش كده)المهم انى عرفت عيد ميلاد الولد......

ده لو كان الكلام اللى فات ده كله صح....
:eusa_clap:eusa_clap:eusa_clap:eusa_clap:eusa_clap
برافو برافو برافو... رائع يا أسامة... حلك جميل و واضح...

فيه بعض الأخطاء المطبعية و أنا علمتهم بالأحمر... و لكن استراتيجية الحل كانت واضحة و صحيحة...

أنا عارف ان اللغز ما كانش سهل... و انت تعبت فيه جدا... و لكن في الآخر تمكنت من حله بإبداع... و فعلا أهنيك عليه...

و للمعلومية فهذا اللغز ستوضع عليه نقاط إضافية نظرا لصعوبته...

حل اللغز من نصيب usama ahmed...

تحياتي
usama ahmed
02-09-2005, 12:33 PM
هيا فعلا اخطاء مطبعيه..
الله اكبر الله اكبر مش مصدق نفسى ...
صحيح لكل مجتهد نصيب ..
لو حلك انت غير ده قولى عليه الله يخليك ..
وشكرا يا سيدى عاللغز و عالنقاط الاضافيه ..
سلاااااااااااااااام