مسابقة الالغاز للاذكياء فقط

[popos_6]

السلام عليكم ورحمة الله وبركاته

دي مسابقة انا قررت اعملها للالغاز والمسابقة عبارة عن اني كل يوم هحط لغزين واللي هيجاوبهم صح هيتحسبلو نقطه

واللي هيجمع 20 نقطة يبقى الراجل ده بجد هوعبقري زمانه

وهنبتدي باول لغزين بإذن الله وهما:

أ- ما هو الشئ الذي يصعد التل بسرعة قبل هبوطه


ب- ابكي عندما تدير راسي..... فمن انا؟؟؟؟


انا مستني اجاباتكو

وتقبلوا مني فائق احترامي وتقديري

[popos_6]

تؤ تؤ تؤ تؤ

كدة بجد مش تمام

امال فين رجالتنا الحلوة والجماعة اللي مفيش مسالة بتقف قدامهم حتى ولو كانت لوغاريتمات

انا قلت الاجابات هتنزل ترخ على دماغي زي المطرة

لكن للاسف ولا واحد رد يا خسارة :eek:

[adel_makkar]

بالنسبة ل<ب> فهى الصنبور الحنفية يعنى اما<ا> فانا بفكر فيها ويبقالى نقطة

[popos_6]

بالنسبة ل<ب> فهى الصنبور الحنفية يعنى اما<ا> فانا بفكر فيها ويبقالى نقطة


اجابتك على السؤال (ب) صحيحة

وشد حيلك بقى فالسؤال ( أ )

وعامة اذا معرفتش تحل ( أ ) فانا هقول عالاجابة الصحيحة وبعدها هحط اللغزين التانيين

[adel_makkar]

ضوء الشمس اثناء الشروق سيستغرق دقائق لصعود التل ويستغرق ساعات للنزول اى عند الغروب
ماليش دعوة انا عايز النقط بتاعتى

[popos_6]

ماشي يا سيدي هي اجابتك للسؤال ( أ ) غلط بس انا هديك نقطة عشان مشاركتك الجميلة دي


ولا تزعل يا سيدي

المهم رضاك عنا

[popos_6]

السؤال التاني المكون من لغزين هو ( ويا ريت الناس تجاوب عشان بجد ده منتدى الاذكياء يعني المفروض ان انتو ناس عباقرة ومفيش اي مسالة حتى ولو كانت لوغاريتمات هتقف قدامكو )

السؤالين هما:-

أ- وزعت مائة بيضة على خمسة اشخاص، وكان نصيب الاول اكبر من نصيب الثاني بالقدر الذي يزيد نصيب الرابع على نصيب الخامس، وكان نصيب الرابع اقل من نصيب الثالث بالقدر الذي يقل به نصيب الثالث عن نصيب الثاني.

فكم بيضة اخذ الثالث

ما قرابة هؤلاء الاشخاص:

1- زوجة والد عمك

2- حفيد الابن الوحيد لوالد عمك

3- الحفيد الوحيد لوالد عمتك

4- ابن ابن ام امك

[mag4all]

1جدتك
2ابنى
3انا
4-ابن خالى
اما السؤال الحسابى هفكر وادى الحل

[mag4all]

وادى حل المساله
الاول=35
التانى =30
التالت=20
الرابع=10
الخامس=5

[popos_6]

ما شاء الله عليك يا mag ايه يا عم الحلاوة دي

ربنا يحميك لشبابك يبني

بس عندك غلط واحد بس وهو فاللغز التاني رقم (2) هو مش ابن خالك هو حد تاني

فكر كويس واديني الاجابة

اما بالنسبة للسؤال الاول فياريت توضحلي ازاي وصلت للنتيجة دي

وكمان مرة بقللك ان انت عبقري بجد

وتقبل مني فائق احترامي وتقديري :hello2:

[adel_makkar]

حفيد الابن الوحيد لوالد عمك
المفروض يبقى ابن عمى
لكن انت بتقول لوالد عمك=جدى ,الابن الوحيد لوالد عمك=ابى ,حفيد الابن الوحيد لوالد عمك=انا

[adel_makkar]

طبعا mag4all سبق و حل الباقى :cool: و بالمناسبة انا راضى و مش عارف اساسا النقطة دى هاعمل بيها ايه ولا ايه :D :p

[mag4all]

شكرا يا باشا على الاطراء الجميل دهوشكرا على الاسئله الجامده يا واد يا جامد
بالنسبه للمساله لقيت ان فيه تسلسل بالنزول والاول هو الاعلى وان الفرق بين الاول والتانى زىالرابع والخامس وان التانى والتالت زى التالت والرابع تبقى المعادله اهى
5 10 10 5
35 + 30 + 20 + 10 + 5 =100
مستنى الاسئله الجايه

[popos_6]

طبعا mag4all سبق و حل الباقى :cool: و بالمناسبة انا راضى و مش عارف اساسا النقطة دى هاعمل بيها ايه ولا ايه :D :p


الجوايز كتير كتير في عربيات وموتوسيكلات وطيارات بس جمع اكتر تكسب اكتر

[popos_6]

شكرا يا باشا على الاطراء الجميل دهوشكرا على الاسئله الجامده يا واد يا جامد
بالنسبه للمساله لقيت ان فيه تسلسل بالنزول والاول هو الاعلى وان الفرق بين الاول والتانى زىالرابع والخامس وان التانى والتالت زى التالت والرابع تبقى المعادله اهى
5 10 10 5
35 + 30 + 20 + 10 + 5 =100
مستنى الاسئله الجايه


يا باشا والله ان انت برنس بجد راجل عبقري بمعنى اصح ومش هقللك غير استمر يا باشا

[popos_6]

وادي كمان لغزين عشان خاطر الناس الحلوة اللي شرفتنا النهارده فليلتنا:-

1- شكا احد تجار السيارات لصديق له عن خسائره.... فقال: بعت اليوم سيارتين .... كل واحدة بمبلغ سبعمائة وخمسين جنيهاً، الاولى خسرت فيها 25 % من ثمنها، والثانية ربحت فيها 25 % من ثمنها.

قال له صديقه : ولماذا تشكو...... فانت لم تخسر شيئاً لان نسبة الربح والخسارة متعادلة؟؟؟

فمن يا ترى منهما كلامه اصح من الثاني؟؟؟؟؟؟؟؟؟؟

2- عدد اذا ضرب في اربعة امثاله كان الناتج يساوي 6 + الرقم المطلوب

فما هو هذا الرقم؟؟؟؟؟؟؟

[mag4all]

1- طبعا الراجل خسران
لان اللى خسران فيها 25% كان تمنها 100 وخسران 250
انما اللى كسبان فيها25% كسبان حوالى 178 جنيه بس يبقى الفرق بخساره
هشوف بقى التانيه

[mag4all]

الرقم 2 مش محتاج اشوفها....ههههههههه

[mag4all]

كان تمنها 1000 مش 100 غلط كتابه

[popos_6]

كان تمنها 1000 مش 100 غلط كتابه


ايه يا عم الحلاوة والذكاوة دي كلها

انت ايه يا عم عقلك ده ذري

بس حلك للسؤال التاني غلط لانك فهمت غلط انا قصدي 6 + الرقم يعني العدد مكون من رقمين

مثلاً:- 76 يساوي 6 + 7

فهمتني يا باشا

[mag4all]

انت قصدك لو الرقم س تبقى المساله 4س= 6و س باعتبار ان السين مع السته عشرات

[popos_6]

انت قصدك لو الرقم س تبقى المساله 4س= 6و س باعتبار ان السين مع السته عشرات


بالظبط كده يا باشا يللا بقى عاوز اشوف سوبر mag وهو بيحلها

[mag4all]

بص يا عم انا قلت اكتبلك كل الاحتمالات عشان تراجعها بنفسك
عشان نطلع من رقم مضروب فى 4 رقم احاده اوله 6 يبقى الرقم احاده اولها 4 او 9 (16 او 36)
وبرده مجابتش معايا ادى كل الاحتمالات
14*4=56
19*4=76
24*4=96
29*4=116
34*4=136
39*4=156
44*4=176
49*4=196
54*4=216
59*4=236
64*4=256
69*4=276
74*4=296
79*4=316
84*4=336
89*4=356
94*4=376
99*4=396
ومع النظر لتسلسل النتائج هتلاقى ان الفرق مابين اى رقمين من الاساسى(79-74) هو 5.....وبين ارقام العشرات فى النتائج التى نبحت عنها هو 2 (316-296) وبهذا يكون التسلسل المنطقى ان الذياده فى الارقام الرئيسيه من غير الممكن ان تعوض الزياده فى ارقام العشرات فى النواتج......وبهذا هناك استحاله ان يتساوى الرقمين بل ان التسلسل فى عكس صالح النتيجه

وبهذا اكون عجزت عن حلها او انى لم افهم السؤال حتى الان بطريقه جيده
المعذره
مستنى اللى بعدها ومستنى الحل الصحيح

[moodyelgamal]

بس متهيالى ان المسالة ماتنفعش....

لان المعادلة اللى بتقولها معناها :
4y=6+10y

يعنى الy تساوى -1

و ده مستحيل لان 4- لا تساوى -16

الا لو قصدك 60 + y يبقى الحل يساوى 20



و غلب حمارى

[popos_6]

يا جماعة انتو كلكو فهمتوني غلط والله انا قصدي ان العدد هو 6 + الرقم اللي انت ضربته فنفسه اربع مرات

والجواب الصحيح هو العدد 3 لو ضربته في اربعة امثاله 3 * ( 12 ) = 36

[popos_6]

نخش بقى عاللغزين التانيين ويللا بقى عاوز الاجابات تنزل زي اي حاجه مبتنزل هههههههه:-

( أ ) في إحدى الحفلات ....أمسك أحد الحواه بحبل ، وقسمه ألى 6 أجزاء متساوية ، ثم قسم احد هذه الاجزاء الى ثلاثة اجزاء متساوية ، ثم قسم احد هذه الاجزاء الى جزئين متساويين ، ثم قسم احد هذين الجزئين الى 4 اجزاء متساوية .... فأمسك احد هذه الاجزاء ... وقال :- هذا الجزء من الحبل طوله 2 سم .... فكم كان طول الحبل الاساسي قبل تقسيمه؟؟؟


( ب ) بلد عربي ..... اسمه مكون من خمسة حروف

الاول والثاني .... للتسلية

الثالث والرابع ..... من الاسنان

الثاني والرابع والخامس بمعنى .... ظهر .

فما هو هذا البلد العربي

بيتهيالي اللغزين سهلين بالنسبة لناس عباقرة زييكو

[laplac]

الاجابه على (أ) 288 سم
(ب) مليش في الكلمات المتقاطعة بصراحه بس هفكر فيها برضه

[laplac]

(ب) لبنان ........... صح ؟؟

[popos_6]

(ب) لبنان ........... صح ؟؟


اجابتك صح صح صح يا عم انت انا مش عارف اقللك ايه بس يا عم انت يعني انت هنا وهناك كاسح الكل كده

ماشي يا عم ربنا يسامحك


هههههههههه انا بهزر احسن تزعل ولا حاجة

انا مقدرش على زعلك يا برنس

[popos_6]

طب خدو كمان لغزين وعاوز بقى بجد اشوف شطارطكم في حلهم

( أ ) أراد احد الصيادين ان يرسل بنادقه إالى مكان مسابقة الصيد ، وطول البنادق 140 سنتيمتراً ، ولم يجد صندوقا سوى بطول متر واحد .

فكيف يتصرف ؟؟؟؟

( ب ) كلمة من 3 حروف = ثلاثة ارباع العالم ، اذا حذفنا منها حرفاً اصبحت = ربع العالم.

ما هي؟؟؟؟؟؟؟؟؟؟

[adel_makkar]

ا- يفك ماسورة البندقية ياما يشيل البندقية معاة
ب-بحر و بر

[laplac]

(أ) لو كان اصدف ان الصندوق مربع .. و مافيش حل غير كده يبقى لو حطينا البندقيه بورب الصندوق (يعني بزاوية الصندق) هتكفي لان طول قطر الصندوق = الجذر التربيعي ل 2 = 141 سم .. فكده هيكفي

(ب) ربنا يخليك يا adel_makkar عشان انا كنت هتجنن واعرف اجابة سؤال (ب) ده ايه

[popos_6]

ا- يفك ماسورة البندقية ياما يشيل البندقية معاة
ب-بحر و بر


إجابتك للسؤال ( ب ) صحيحة 100 % اما ( أ ) فللاسف غلط

انا شكلي كده حسدتك ولا ايه

[popos_6]

(أ) لو كان اصدف ان الصندوق مربع .. و مافيش حل غير كده يبقى لو حطينا البندقيه بورب الصندوق (يعني بزاوية الصندق) هتكفي لان طول قطر الصندوق = الجذر التربيعي ل 2 = 141 سم .. فكده هيكفي

(ب) ربنا يخليك يا adel_makkar عشان انا كنت هتجنن واعرف اجابة سؤال (ب) ده ايه


اجابتك للسؤال ( أ ) صحيحة 100 %

وشوف بقى يا جدع سبحان الله انت تحل ( أ ) و عادل يحل ( ب ) طب وانا دلوقتي احسب النقطة لمين بقى

يعني اديك انت نص وهو نص ولا اعمل ايه بالظبط شور عليا

[popos_6]

ما شاء الله عليكو انتو ناس عباقرة والمصحف يا عم

وادي اللغز اللي بعده :-

( أ ) دجاجة امام دجاجتين ، ودجاجة بين دجاجتين ، ودجاجة خلف دجاجتين

فكم عدد الدجاجات؟؟؟؟

( ب ) ثلاثة اكوام من البيض غير متساوية .. مجموع البيض فيها جميعاً 48 بيضة .

إذا وضعنا من الكومة الاولى في الكومة الثانية عدداً من البيض مساوياً لما هو موجود في هذه الكومة الثانية ، ثم اخذنا من الثانية ، ووضعنا في الثالثة عدداً من البيض مساوياً لما هو موجود في هذه الكومة الثالثة .

وأخيرا اخذنا من الكومة الثالثة ووضعنا في الكومة الاولى عدداً من البيض يساوي العدد الموجود فيها .

اذا فعلنا هذا كله فإن عدد البيض في كل الاكوام الثلاثة سيكون متساوياً .

فكم بيضة كانت في كل من الاكوام الثلاث من البداية؟؟؟؟؟؟؟

[laplac]

حل (ب)
الكومة الاولى 22 بيضه
الكومة التانيه 14 بيضه
الكومة التالته 12 بيضه
اما (أ) فانا فعلا مش فاهمها . طب هما واقفين في :)
هية الفزورة دي بمناسبة شم النسيم ;)

[laplac]

انا شايف انهم 9 دجاجات .... يقمى لو طلع دجاج مش كويس فانا مش هعرف أعدهم

[popos_6]

حل (ب)
الكومة الاولى 22 بيضه
الكومة التانيه 14 بيضه
الكومة التالته 12 بيضه
اما (أ) فانا فعلا مش فاهمها . طب هما واقفين في :)
هية الفزورة دي بمناسبة شم النسيم ;)


حلك لــــ ( ب ) صحيح 100 %

اما ( أ ) فانت فكر فيها كويس 9 دجاجات غلط فكر كويس وركز

والفزورة دي فعلا بمناسبة شم النسيم عشان انت عارف بقى البيض وغيره وفنفس الوقت في دجاجة منهم انا اعرفها ومتفق معاها على انها تديني البيض قدام اني احطها فاللغز ده وانت عارف بقى الدنيا وسايط

فكر ف ( أ )

[laplac]

4 دجاجات بس واقفين على شكل حرف T

[noor_409]

3 دجاجات :)

[الكابتن كيمو]

3 فرخات --------

[adel_makkar]

طبعا 3 فرخات واقفين ورا بعض اصلى ما بحبش الدجاج :D :p

[adel_makkar]

بالنسبة لموضوع النقط انا مستعد اسيبله النقطة كلها (لانى معايا نقطة قبل كدة فاكر ايام لما مكنتش لاقى حد يجاوب فاكر و جبتلك الناس دى تحل هه كانت ايام)

[adel_makkar]

ملحوظة هامة: فى حاجات فى اول صفحة لم تحل الى الان

[mag4all]

طبعا 3 فرخات واقفين طابور ......فيه ايه يا بشر انا غبت 24 ساعه الاقى بتاع 4 الغاز محروقين.....طب ادوا فرصه لاخواتكوا الغلابه اللى مش فاضيين.......اديها يا ببوس وماترحمش

[laplac]

اه صح 3 فرخات ... انا ماليش فالنوع ده مالفوازير خالص :d ادوني أرقام وانا هقول على طول ;)

[Developer]

3 طبعا و على فكرة الفزورة مكررة بس على هيئة تانية كانت اولاد وبنات فى المنتدى هنا

[adel_makkar]

ياعم حللنا الغاز اول صفحة انا عايز اعرف ايه الى بيطلع اسرع ما بينزل لحسن انا خلاص تعبت من سلم بتنا

[popos_6]

ياعم حللنا الغاز اول صفحة انا عايز اعرف ايه الى بيطلع اسرع ما بينزل لحسن انا خلاص تعبت من سلم بتنا


هههههههه ماشي يا باشا سلامتك من كتر الطلوع والنزول

بص يا باشا حل اللغز هو :- النار.... لانها اذا اشتعلت في حشائش تغطي احد التلال ، فإن الحرارة الناتجة عن النار سوف تتجه ناحية اعلى التل ، وهنا ستعلو درجة حرارة الحشائش التي في اعلى التل ، وتكون عرضة للاحتراق اسرع من مثيلتها في اسفل التل

وادي يا سيدي اللغز اللي تعبك

[popos_6]

آ سف لغيابي وذلك لظروف صحية

وادي كمان لغزين عشان عيونكو :-

1- أراد احد المزارعين ان يوزع على اولاده من الابقار قبل موته ... وكان لديه 17 راس ماشية .. مما اوقعه في حيرة

فهو يريد ان يعطي ابنه الاكبر الذي يساعده نصفها .... وثلثها الى ابنه المتوسط ...... والتسع الى ابنه الاصغر .

فماذا يفعل المزارع ؟؟؟

2- كلمة مكونة من ثلاثة حروف ..... الاول ولاثالث اسم مشروب مشهور ، الثاني والثالث وحدة موازين ، والاول والثاني طائر .

فما هي الكلمة ؟؟

[adel_makkar]

هههههههه ماشي يا باشا سلامتك من كتر الطلوع والنزول

بص يا باشا حل اللغز هو :- النار.... لانها اذا اشتعلت في حشائش تغطي احد التلال ، فإن الحرارة الناتجة عن النار سوف تتجه ناحية اعلى التل ، وهنا ستعلو درجة حرارة الحشائش التي في اعلى التل ، وتكون عرضة للاحتراق اسرع من مثيلتها في اسفل التل

وادي يا سيدي اللغز اللي تعبك
انت بتضحك عليا لما التلال الى فى مصر مافهاش حشيش قصدى حشائش ودة لسببين اولها انها تربة صحراوية جافة ثانيا الجراد ماخلاش الحشيش يووه الحشائش
2 حاجة كلما ارتفعنا عن سطح الارض تقل درجة الحرارة و الاوكسجين الازم للمساعدة على الاحتراق
لكن التل لو الشمس بتعدى عليه هيدى الحل بتاعى

[adel_makkar]

الحل هو بطن صح

[mag4all]

ازاى هيدى نصف من الاول وهو معندوش غير رقم احادى ...17
الهى يا رب المزارع المؤرف يموت قبل ما يوزع....الحل الوحيد انه
يعطي ابنه الاكبر الذي يساعده نصفها .... وثلثها الى ابنه المتوسط ...... والتسع الى ابنه الاصغر .....وربنا معاه
هى كل روس الماشيه ابقار,,ويا ترى هو عنده 3 اولاد بس

الفزوره التانيه قديمه وعادل حلها
وفزوره النار مش حلوه ...حسدناك يا بوب
شكرا

[mag4all]

يارب يطلع عنده عيل واحد ويياخد هو ال17
يعنى يبقى هو الاكبر والمتوسط والاصغر وهو بابا وماما وانور وجدى

[mag4all]

او ما يكونش عنده عيال اصلا ودى تخاريف راجل بيفيص

[almaeihm]

هو الراجل مش "أحد المزارعين" زي ما قلت؟... طيب يبقى أكيد فيه مزارعين ثانيين في حتتهم :)

خلاص يروح للمزارع اللي بيته في آخر الشارع.. أصله راجل ابن حلال... و يستلف منه بقرة لونها مختلف أو يعلمها بطبشيرة علشان ما "تتلخفنش" :)

و يضم البقرة دي للبقر بتاعه... بقوا 18... خلاص ابنه الكبير ياخذ نصهم (9).. و اللي بعده ياخذ ثلثهم (6).. و الصغير خالص ياخذ تسعهم (2)... و يرجعوا البقرة الزايدة لصاحبها.. و يموتوا أبوهم :d

تحياتي

[mag4all]

ولو ان ال 9 مش نص ال17 ولا 6 تلتها ولا 2 تسعها ...بس انا معاك ان الحل الوحيد يموتوا ابوهم.

[popos_6]

انت بتضحك عليا لما التلال الى فى مصر مافهاش حشيش قصدى حشائش ودة لسببين اولها انها تربة صحراوية جافة ثانيا الجراد ماخلاش الحشيش يووه الحشائش
2 حاجة كلما ارتفعنا عن سطح الارض تقل درجة الحرارة و الاوكسجين الازم للمساعدة على الاحتراق
لكن التل لو الشمس بتعدى عليه هيدى الحل بتاعى

انت بتتكلم ازاي يا عم انت دي حقيقة علمية

تاني حاجة الحشيش لسه بخيره فمصر ومحصلوش حاجة يا عم وبالذات حشيش اسكندرية

[popos_6]

الحل هو بطن صح

اجابة صحيحة 100 % يا باشا

يللا اتجدعن انت بقى وحل اللغز التاني

[mag4all]

خلاص يا جماعه ده ناقص كل واحد يرمى التانىب "حجر" الصلع خير ومحصلش حاجه واللى معترض يسأل صاحب الموضوع بنفسه"الحشيش"...خدوا الموضوع "بنفس" كويسه..و"متروصوش" لبعض الغلط

[popos_6]

هو الراجل مش "أحد المزارعين" زي ما قلت؟... طيب يبقى أكيد فيه مزارعين ثانيين في حتتهم :)

خلاص يروح للمزارع اللي بيته في آخر الشارع.. أصله راجل ابن حلال... و يستلف منه بقرة لونها مختلف أو يعلمها بطبشيرة علشان ما "تتلخفنش" :)

و يضم البقرة دي للبقر بتاعه... بقوا 18... خلاص ابنه الكبير ياخذ نصهم (9).. و اللي بعده ياخذ ثلثهم (6).. و الصغير خالص ياخذ تسعهم (2)... و يرجعوا البقرة الزايدة لصاحبها.. و يموتوا أبوهم :d

تحياتي


الاجابة صح 100 % يا باشا بس هما مستلفوش بقرة من الراجل اللي فاخر الشارع ولا حاجة ده ابوهم هو اللي حط البقرة دي من خياله ( اصل الراجل اللي فاخر الشارع بتاعهم هما مخاصمينه )

[mag4all]

يا بوب عايزين اساله بجد.....مش اساله استظراف....لا9 نصف ال 17 ولا 6 التلت ولا 2 التسع ...ده لعب تقريبى.....هات ياعم اللى بعده خلينا نفكر شويه...ده انا لسه بقول الواد جامد تكسفنى كده

[popos_6]

خلاص يا جماعه ده ناقص كل واحد يرمى التانىب "حجر" الصلع خير ومحصلش حاجه واللى معترض يسأل صاحب الموضوع بنفسه"الحشيش"...خدوا الموضوع "بنفس" كويسه..و"متروصوش" لبعض الغلط


هههههههههه

ودي تيجي برضه ان احنا نفهمك غلط

[popos_6]

يا بوب عايزين اساله بجد.....مش اساله استظراف....لا9 نصف ال 17 ولا 6 التلت ولا 2 التسع ...ده لعب تقريبى.....هات ياعم اللى بعده خلينا نفكر شويه...ده انا لسه بقول الواد جامد تكسفنى كده


يا باشا انا لو هكسف الناس كلها مقدرش اكسفك

[mag4all]

الله يكرمك...على فكره انا لسه"متكيف" من موضوع الحشيش ده وربنا ما يجعل فيها كسوف...اصل انا "منكسفش" على رداله

[popos_6]

وادي كمان لغزين مفهمش لا لف ولا دوران عشان الناس متزعلش :-

أ- زرع مزارع بعض النباتات التي تنمو بسرعة في صوبة ، ولاحظ المزارع ان هذا النبات يتضاعف كل يوم ، وفي يوم الثلاثاء فوجئ المزارع بان النبات يملأ الصوبة تماماً .

فيا ترى في اي يوم كانت النباتات تملأ الصوبة حتى المنتصف ؟؟؟؟

ب_ خرج الفلاح الى السوق وفي جيبه مائة جنيه ، وهو يريد ان يشتري مائة طائر من الدجاج ، والحمام ، والعصافير .... ووجد الاسعار في السوق كالاتي : الدجاجة ثمنها 4 جنيهات ، والحمامة ثمنها جنيهاً واحداً ، وكل اربعة عصافير ثمنها جنيه واحد .

فهل تعرف كم اشترى الفلاح من كل نوع ليكمل شراء مائة طائر ؟؟؟؟

[mag4all]

الاثنين ..نشوف اللى بعده

[mag4all]

خد دى
16 دجاجه = 64 جنيه
20 حمامه= 20 جتيه
64 عصفر=16 جنيه
------------------------------
100 طائر=100 جنيه

اللى بعده يا كبير

[mag4all]

أ-اليوم اللى قبل الثلاثاء على طول هتبقى النبات فى نصف الصوبه"الاثنين" واليوم اللى بعده على طول تتضاعف وتملاها
ب-16 دجاجه = 64 جنيه
20 حمامه = 20 جتيه
64 عصف ر=16 جنيه
------------------------------
100 طائر= 100 جنيه
مردتش ليه صح ولا غلط

[popos_6]

أ-اليوم اللى قبل الثلاثاء على طول هتبقى النبات فى نصف الصوبه"الاثنين" واليوم اللى بعده على طول تتضاعف وتملاها
ب-16 دجاجه = 64 جنيه
20 حمامه = 20 جتيه
64 عصف ر=16 جنيه
------------------------------
100 طائر= 100 جنيه
مردتش ليه صح ولا غلط


حلك صح 100% يا كبير كبارات البلد

بس ( ب ) ليها حل تاني فكر فيه وقللي

ماشي يا كبير

[mag4all]

10 دجاج=40 جنيه
50 حمام=50 جنيه
40 عصفر=10 جنيه

ولا نردلك طلب يا باشا

[popos_6]

الف شكر للباشا mag وربنا ما يحرمنا منك ابدا يا كبير

وادي لغز لوحده اهو عشان انا شايف انه محتاج تفكير شوية واللغز بيقول:-

معانا 10 كرات نريد توزيعها على 5 خطوط .... بحيث يكون على كل خط 4 كرات.

كيف نوزعها؟؟؟

[mag4all]

على شكل نجمه يا باشا ......اى خدمه وكفايه النهارده انا تعبت وهنام ...تصبح على خير

[mag4all]

ادى رسم توضيحى

[noor_409]

يا بوب عايزين اساله بجد.....مش اساله استظراف....لا9 نصف ال 17 ولا 6 التلت ولا 2 التسع ...ده لعب تقريبى.....هات ياعم اللى بعده خلينا نفكر شويه...ده انا لسه بقول الواد جامد تكسفنى كده

هذا اللغز مكرر هنا سابقاً... لاحظ أن الخدعة في هذا اللغز أن مجموع النصف و الثلث و التسع لا يساوي الواحد بل يساوي 17\18 ، أي أننا نحتاج بقرة واحدة (و لو كانت خيالية) لنكمل الواحد الصحيح (18\18) و بعد التقسيم نحصل على 17 من 18 و يتبقى 1 (خيالي)...

الموضوع كله أن الأخ الذي يريد توزيع تركته أخطأ في الحساب. :)

[mag4all]

اللى بعده يا بوبوس

[adel_makkar]

اكيد النبات ده كان الحشيش
100 جنية=10000(قرش)

[popos_6]

اكيد النبات ده كان الحشيش
100 جنية=10000(قرش)


يا راجل بقى 100 جنيه = 10000 ( قرش )

طب متقللي انت بتجيبه منين وانا اخد اول طياره لهناك :D

[popos_6]

ادى رسم توضيحى


حلك صح طبعا يا باشا

بس للاسف الاستاذ نور قال انه كان موجود قبل كده

يعني مش عارف بقى هما هيحسبولك نقطة ولا لا

وتقبل مني فائق احترامي وتقديري

[popos_6]

اهلا وسهلا بيكو من جديد

اعذروني يا جماعة عالتاخير عشان الامتحانات قربت والواحد لازم بقى يلم نفسه ويقعد يذاكر

وادي اللغز اللي بعده يا جدعان عشان متقولوش ان انا حارمكو من حاجة:-

اشترك احمد ومحمد وماهر وجميل ووديع في سباق للسباحة القصيرة .... وبعد السباق وصف كل منهم مركزه في السباق.... فقال احمد : كان وديع الاول وكنت الثاني ، وقال محمد : كنت انا الثاني وكان وديع الثالث ، وقال ماهر : كان وديع الثاني وكنت انا الرابع ، وقال جميل ، كنت انا الثالث وكان محمد الاخير .

فما هو ترتيب الفائزين بالضبط في السباق؟؟؟

[dokdok50]

الترتيب
وديع_أحمد_ ماهر_جميل_محمد

[popos_6]

الترتيب
وديع_أحمد_ ماهر_جميل_محمد


للاسف يا باشا حلك غلط

فكر فيها كويس واديني الرد

[noor_409]

حلك صح طبعا يا باشا

بس للاسف الاستاذ نور قال انه كان موجود قبل كده

يعني مش عارف بقى هما هيحسبولك نقطة ولا لا

وتقبل مني فائق احترامي وتقديري

أنا لم أتكلم عن هذا اللغز... الحديث عن لغز المزارع و الـ17 رأس ماشية.

[almaeihm]

أنا لم أتكلم عن هذا اللغز... الحديث عن لغز المزارع و الـ17 رأس ماشية.

صحيح يا نور... أعتقد ان اللغز مكرر... و لكن بالمناسبة فلغز النجمة الخماسية مكرر أيضا

http://www.dvd4arab.com/forums/showthread.php?p=229030&highlight=%CE%E3%D3%C9#post229030

http://www.dvd4arab.com/forums/showthread.php?p=352619&highlight=%E4%CC%E3%C9#post352619

تحياتي

[adel_makkar]

هو فى اكتر من واحد فى المركز التالت لية؟؟؟

[dokdok50]

ده اخر حاجه عندى
وديع-أحمد-جميل-ماهر-محمد
لأن الترتيب على شكل دائرة صح؟؟؟؟؟؟؟؟؟

[adel_makkar]

لو الترتيب على شكل دائرة يبقى هم بيعوموا فى ماسورة هاهاهاهاهاهاهاهاها

[dokdok50]

تصدق ممكن بس مجتش فى بالى و لو طلعت صح نقسم" الماسورة "سوا
قصدى النقط طبعا و تحياتى

[mag4all]

لا يا عم دا شكلهم حشاشين وطالعين يجروا ورا بعض فى بانيو.....كل واحد فاكر نفسه كسب اكمنه "نفسه" طويل....اصل السباحه نفس
وكل واحد ماسك الللى او البوصه ....فاكر انه غطاس ودى هى العده
على العموم انا رسمت البانيو

[popos_6]

للاسف يا رجالة ولا واحد حل صح

كده بجد انا زعلت

عالعموم الحل الصحيح هو :- جميل - احمد - وديع - ماهر - محمد

عالعموم ولا تزعلو استنوا بقى لما اجيبلكو اللغز اللي بعده

[popos_6]

وادي اللغز اللي بعده ويا ريت الكل يفكر فيه كويس وميتسرعش :-

يسكن رجل في الطابق السادس

اذا صعد سلم منزله درجتين درجتين ، تبقى في النهاية درجة واحدة

واذا صعد ثلاث درجات في كل قفزة ، تبقى درجتان

واذا قفز في كل قفزة اربع درجات ، تبقى ثلاث درجات

واذا قفز خمس درجات في كل قفزة ، تبقى اربع درجات

واذا قفز ست درجات في كل قفزة ، تبقى خمس درجات

اما اذا استطاع ان يقفز سبع درجات في كل قفزة ، فسوف يصل الى الطابق السادس

فما هو عدد درجات سلم هذا الرجل؟؟؟؟؟؟؟؟

[mag4all]

لا بقى استنى يا بوب اذا كان انت قلت
وقال جميل ، كنت انا الثالث وكان محمد الاخير
فسر بقى الاجابه يا جميل وما تخدناش فى دوكه

[mag4all]

بص يا عم بوب
لو قلنا عدد الدرجات 119 يبقى حل صح....بس ما يطلعش دور سادس ...الا لو كنت عايز رقم كبير ...يبقى ناوى تقتلنا تفكيير...شوف لو الرقم صح اوك مش صح رد وقل لى روح موت.......لسه مستنى منك تفسير السؤال اللى فات ولو انى اشك ان له تفسيير اصلا

[popos_6]

بص يا عم بوب
لو قلنا عدد الدرجات 119 يبقى حل صح....بس ما يطلعش دور سادس ...الا لو كنت عايز رقم كبير ...يبقى ناوى تقتلنا تفكيير...شوف لو الرقم صح اوك مش صح رد وقل لى روح موت.......لسه مستنى منك تفسير السؤال اللى فات ولو انى اشك ان له تفسيير اصلا


يا باشا وانا اقدر اقللك روح موت ده انت اللي بتجاوب

ولو انت بقى مجاوبتش يبقى اروح انا ابيع بطاطا احسن

حللك صح 100 % يا mag

[popos_6]

يا جماعة انا اسف جدا اعتبروا ان اللغز اللي قبله ملغي لان بجد اجابته كذا واحد شاكك فيها

بس هو ده اللي موجود قدامي والله

ومدام بقى كله شاكك يبقى انا لازم الغيه

وتقبلوا مني اعتذاري

[popos_6]

وادي اللغز اللي بعده يا جماعة :-

سال احد الاصدقاء صديقه عن عمر اخيه فقال له : اخي اكبر مني ب 21 سنة ، وبعد مضي 12 سنة سوف يصبح عمره ضعف عمري .

فهل عرف الصديق عمر صديقه وعمر اخيه؟؟؟؟

[mag4all]

ولا تعتزر ولا حاجه انا كنت حاسس ان فيها انه
بس انا عصرت الجمجمه شويه وجبتلك حل تانى علشان ما يرضيتيش انك تبيع بطاطا
539 سلمه

[popos_6]

ولا تعتزر ولا حاجه انا كنت حاسس ان فيها انه
بس انا عصرت الجمجمه شويه وجبتلك حل تانى علشان ما يرضيتيش انك تبيع بطاطا
539 سلمه


يعني انا بعد مرحت كلمت الراجل وحجزت عنده عربيه عشان الف بيها اقله لا

عموما كله يهون عشان خاطر عيونك يا عم mag وبعدين ولا تعصر ولا حاجة وانا هديك نصيحة وهي انك متشربش العصير ده عشان عصير الجماجم فيه حجات بتهاجم وعلى فكرة 119 سلمة هو الحل الصحيح

يللا بقى يا بطل فكر في اللي بعده

[mag4all]

الكبير 30 سنه والصغير 9 سنين

[mag4all]

30 = 9+21
(9+12)*2=(30+12)=42

[adel_makkar]

ياعم انا كل ماجى احل اقع فى الفزورة البيظة انت بتحط السليم امتى لحسن كل ما اجى الاقيهم محلولين

[popos_6]

ياعم انا كل ماجى احل اقع فى الفزورة البيظة انت بتحط السليم امتى لحسن كل ما اجى الاقيهم محلولين


ههههههههه يا باشا ولا يهمك

انا يا سيدي بحطهم عالساعة 3 الفجر كده يعني طازة بطازة

وشد حيلك بقى معايا

[popos_6]

30 = 9+21
(9+12)*2=(30+12)=42


حلك صحيح 100 % يا باشا

ايه الحلاوة دي

[popos_6]

وادي اللغز اللي بعده للرجالة الحلوة:-

ثلاث شجرات : الاولى بها 351 فرعا وعمرها 9 سنوات ، والثانية بها 273 فرعا وعمرها 7 سنوات ، والشجرة الثالثة بها 117 فرعا.

فكم عمر الشجرة الثالثة؟؟؟؟؟

[sunshine]

وادي اللغز اللي بعده للرجالة الحلوة:-

ثلاث شجرات : الاولى بها 351 فرعا وعمرها 9 سنوات ، والثانية بها 273 فرعا وعمرها 7 سنوات ، والشجرة الثالثة بها 117 فرعا.

فكم عمر الشجرة الثالثة؟؟؟؟؟



اعتقد ان عمرها هايكون ثلاث سنوات

[mag4all]

وادي اللغز اللي بعده للرجالة الحلوة:-

ثلاث شجرات : الاولى بها 351 فرعا وعمرها 9 سنوات ، والثانية بها 273 فرعا وعمرها 7 سنوات ، والشجرة الثالثة بها 117 فرعا.

فكم عمر الشجرة الثالثة؟؟؟؟؟
351/9=39
273/7=39
اى ان السنه ب 39 فرع
117/39=3 سنيين

[romuo_only]

بجد الله ينور عليك بس ممكن تجيب حاجه اصعب لو ما عانكش ممكن استاذن سعاتك واادم انا

[mag4all]

نعزر بوب يا جماعه الراجل بيمتحن ومع ذلك متابعنا ....كتر خيرك يا كبير ....شد حيلك فى الامتحانات...بس ماتقطعوش مالشد.....ومش عشان بقلك شد....تروح تمسك جوزه وتغمزها وتقول لى بشد.......كده تجبنا نشد معاك......نفس طويل فى الامتحانات وكله فى التمام يا باشا

[dokdok50]

يا عم برحتك أنت لو محطتش خالص احنا برده حنحل

[heshamaction]

ايييه يا جدعان
هوا الواد طفش مننا ولا ايييه

[mag4all]

يا rumio_only لو عايز تساعد الراجل وهو فى امتحاناته مش هيمانع......بس برضه هيفضل التوبيك بتاعه ....ايه رايك يا بوب يا كبير

[popos_6]

اعتقد ان عمرها هايكون ثلاث سنوات


حلك صح يا باشا

[popos_6]

351/9=39
273/7=39
اى ان السنه ب 39 فرع
117/39=3 سنيين


حلك صح يا مدهش

والله يبني انت خسارة فالبلد دي

[popos_6]

بجد الله ينور عليك بس ممكن تجيب حاجه اصعب لو ما عانكش ممكن استاذن سعاتك واادم انا


والله يا باشا انا معنديش مانع المهم ان كله يشغل عقله ويحل معانا

وبعدين لو عندك اي لغز فاي وقت حطه يا عم ولا يهمك

[popos_6]

نعزر بوب يا جماعه الراجل بيمتحن ومع ذلك متابعنا ....كتر خيرك يا كبير ....شد حيلك فى الامتحانات...بس ماتقطعوش مالشد.....ومش عشان بقلك شد....تروح تمسك جوزه وتغمزها وتقول لى بشد.......كده تجبنا نشد معاك......نفس طويل فى الامتحانات وكله فى التمام يا باشا

والله يا باشا انا كل عيوني ليكم يعني

وبعدين احنا كده كده شكلنا هنبلط فالخط السنادي يعني متقلقش

اما بالنسبة لموضوع الشد ده فده طبعا قبل اي امتحان لازم نعمر الطاسه ولا يعني نخش الامتحان والطاسه فاضية :D

[popos_6]

يا عم برحتك أنت لو محطتش خالص احنا برده حنحل

والله يا باشا الواحد مش عارف يودي جمايلك دي فين

[popos_6]

يا rumio_only لو عايز تساعد الراجل وهو فى امتحاناته مش هيمانع......بس برضه هيفضل التوبيك بتاعه ....ايه رايك يا بوب يا كبير


والله يا جدعان اللي عاوز يساعدني فالامتحانات انا معنديش مانع بس هو يديني الوو بس وانا اخليه يشرف عندنا فالكلية ومتخافوش هظبطه :D

[mag4all]

يا كبير شد حيلك بلاش حكايه تبلط فى الخط دى انت عارف اليومين دول" شدة الخط "بالشىء الفلانى.....وانا مايرضينيش الطاسه تفضل فاضيه املاها اى حاجه او اقليلك فيها بيضتين اهو تعمر المعده والنافوخ وتنشر روايح المحبه كله مره واحده

[popos_6]

بصو بقى يا جدعان عشان كلو عمال يقول ان الالغاز دي سهلة خدو ده بقى بس عاوزكو تفكرو فيه كويس :-

شيئ مليئ بالثقوب .... ولكن لا يسرب الماء منه ابدا... فما هو؟؟؟؟ ( طبعا كله هيقول الاسفنج وانا بعرفكو من دلوقتي ان مش هو ده الحل الصحيح )

[mag4all]

بصو بقى يا جدعان عشان كلو عمال يقول ان الالغاز دي سهلة خدو ده بقى بس عاوزكو تفكرو فيه كويس :-

شيئ مليئ بالثقوب .... ولكن لا يسرب الماء منه ابدا... فما هو؟؟؟؟ ( طبعا كله هيقول الاسفنج وانا بعرفكو من دلوقتي ان مش هو ده الحل الصحيح )
يا كبير الحل فيه كذا وجهه نظر ...عندك مثلا جيبى ....ماهو ماليان خروم وعمروا ما جاب ميه....على العموم هفكر وارد....بس شكلها صعبه

[popos_6]

:D يا كبير الحل فيه كذا وجهه نظر ...عندك مثلا جيبى ....ماهو ماليان خروم وعمروا ما جاب ميه....على العموم هفكر وارد....بس شكلها صعبه

ههههههه لا يا راجل جيبك ايه انا بقى جيبي كله خروم عشان الواحد مبقاش معاه كاشات والله يا كبير كبارات البلد :D

[popos_6]

يا كبير الحل فيه كذا وجهه نظر ...عندك مثلا جيبى ....ماهو ماليان خروم وعمروا ما جاب ميه....على العموم هفكر وارد....بس شكلها صعبه

ههههههه لا يا راجل جيبك ايه انا بقى جيبي كله خروم عشان الواحد مبقاش معاه كاشات والله يا كبير كبارات البلد :D

[mag4all]

طب يا باشا ما تدينا شويه مسائل من بتوعك الجامديين وسيب دى نفكر فيها براحتنا......اصل دى فزوره تخميين ومؤاوحه اكثر منها ذكاء....خلينا نلف الجمجمه...مش قاعديين نخمن....يا ترى سفينه.....يا ترى البطه...يا ترى دماغ بابا.....اهى كلها حاجات مخرمه وما تطلعش منها باى حاجه

[popos_6]

طب يا باشا ما تدينا شويه مسائل من بتوعك الجامديين وسيب دى نفكر فيها براحتنا......اصل دى فزوره تخميين ومؤاوحه اكثر منها ذكاء....خلينا نلف الجمجمه...مش قاعديين نخمن....يا ترى سفينه.....يا ترى البطه...يا ترى دماغ بابا.....اهى كلها حاجات مخرمه وما تطلعش منها باى حاجه


اوكي يا باشا لف الجمجمة براحتك

واستنى مني اللي جاية

[popos_6]

وادي لغز كمان عالماشي عقبال كده متفكروا فاللي فات:-

أشار الاستاذ المحامي لضيفه وهو يشير الى صورة معلقة في غرفة مكتبه ، وقال :

- ليس لي اخوة ، او اخوات ..... ووالد صاحب هذه الصورة إبن ابي .

فمن هو صاحب الصورة؟؟؟؟

[mag4all]

ابن المحامى نفسه

[popos_6]

ابن المحامى نفسه


تمام جدا يا كبير

ويلا بقى حاول تجيب اللي قبله عشان انا هغير نشاطي وهبتدي احط الغاز على شكل اشكال هندسيه

وبعدين انا عاوز اخد رايك فحاجه وهي اني احط الغاز كمان على هيئة كلمة السر وهي شبه الكلمات المتقاطعه كده

يا ريت تقللي رايك

وكمان كل الاعضاء برضه يا ريت يدوني رايهم

[linkin_ander]

يا ريت عشان تجزبنا اكثر واكثر

[adel_makkar]

هو فيه حل عملى من الاخر هات مصفاة ادهنها بمادة دهنية (سمن) وابقى ابقلنى لو سربت

[mag4all]

الكلمات المتقاطعه محتاجه اجاده للغه.....وانت عارف اللى فيها.......على العموم لو حاجات زكاء مش لغه اوكى......لو دخلت فى لغه وكلمه معكوسه بتمسح فيها مناخيرك....وعكس كلمه ذكاء بس بتبتدى بحرف الخ.....يبقى انا منسحب من دلوقت...انت عودتنا عليك جامد...ما تنيمناش

[mag4all]

اشكال هندسيه بتبقى حلوه انا معاك

[like_baby]

أشكركم جميعا على الماشاااركة والصراااحة الموضوووووووووع شيق ولذيذ ونافع ويستاهل الجهد والوقت
وكذلك التعليقاااااااااااات رائعة جدا وربنا يوفقكم للمزيد من الروااااائع
والسلام عليكم ورحمة الله وبركااااته

[like_baby]

ممكن تسمحلي ان انضم للأذكياااء الي انتا منهم

[blueheart1]

بص يا معلم حط اللى انتى عاوزه الغاز بس انا بكره الهندسه عموما
بس من الاخر الاسئله جامده وانا شوفتها كلها بس انا دى لسه اول مشاركه ليا يعنى دى اول حاجه اكتبها فى المنتدى الجامد ده
عموما ربنا يوفقك وتخلينا نلف حوالين روحنا با الاسئله بتاعتك
سلامممممممممممممممممموووز

[mostafa phy]

بالنسبة للسؤال الاول الثور

السؤال الثاني الصنبور

[alnouran_77]

مفيش فوازير جديدة؟؟؟؟؟؟؟؟؟؟؟؟

[asmail]

فين الفوزير الجديدة

[TheLastSamurai]

الظاهر ان أنا جيت متاخر حبتين
أنا مستنى الأسئلة الجديدة
و أى حاجة مقبولة منك يا باشا اشكال هندسية ,كلمات اللى انتا عاوزه
انا مستنى على احر من الجمر

[mostafa_nazeeh]

الحل هو 36
س*4س=6+10س
4س2 = 6+10س
4س2-10س-6=0
(2س+1)(س-3)
س=3

[ayliz_2004]

يالا بقى عشان انت شوقتني

[sara sameh]

أعتقد أن الشئ الملئ بالثقوب ولا يسرب الماء هو الجلد

[masayeb]

الاسفنج هوه ملئ بالثقوب و لا يسرب الماء