اهم الالعاب المنتظرة فى الفترة القادمة من عام 2005 [الأرشيف] - موقع الدي في دي العربي

Ahmed Abdo

29-04-2005, 05:29 PM

تقريباً فى منتصف هذا الشهر الحالى اعلنت اهم و اكبر شركات الالعاب عن الالعاب التى ستطرح فى الاسواق فى الفترة القادمة من عام 2005 تلبيتاً لمهرجان الالعاب العالمى المعروف E3, و فى هذا الموضوع سوف اطرح عليكم اهم هذه الالعاب فى نظرى و طبعاً مرفق مع هذا الموضوع قائمة بجميع الالعاب التى طرحت فى هذا المهرجان بترتيب الشركات.
لمزيد من المعلومات عن اى لعبة من هذه الالعاب يمكنكم زيارة هذه المواقع:
www.Gamespot.com
www.gamespy.com

Ahmed Abdo

29-04-2005, 05:47 PM

Prince of Persia 3: Hart of the Warrior

الناشر: Ubisoft

المصمم: Ubisoft

النوعية: Action

تاريخ الاصدار: الربع الرابع من هذا العام (Q4 2005)

نبذة: طبعاً هذا الجزء سيكون تكملة لما سبق و بنفس اسلوب الجيم بلاى الرائع مع تحسين ملحوظ فى الجرافيكس و فيزياء جسم برينس, ستدور الاحداث فى مدينة بابيلون مدينة الامير التى عاد فى الجزء الثانى ليجدها مشتعلة و هناك مخلوقات تطارده فيها.

Ahmed Abdo

29-04-2005, 06:08 PM

Commandos Strike Force

الناشر: Eidos Interactive

المصمم: Pyro Studios

النوعية: Action

تاريخ الاصدار: الربع الثانى من هذا العام (Q2 2005)

نبذة: انها تطوير جديد للعبة الشهيرة Commandos التى من اكثر الالعاب مبيعاً لشركة ايدوس, لقد تم تحديث المحرك تماماً و اصبح يسمح بلعب اللعبة باسلوب الفرست برسون فيو (first person perspective) و واضح انها ستكون من احسن العاب هذا العام. ابطال اللعبة هم "حامل الاسلحة الثقيلة - القناص - الجاسوس" .

Ahmed Abdo

29-04-2005, 06:25 PM

Hitman: Blood Money

الناشر: Eidos Interactive

المصمم: I\o Interactive

النوعية: Action

تاريخ الاصدار: لم يعلن حتى الان

نبذة: احداث جديدة جداً و اماكن مختلفة تماماً و انجين جديد دقته عالية جداً للعبة المنتظرة والشهيرة جداً Hitman 4 و بطلها المعروف العميل 47 كما وعدت شركة ايدوس بان هذا العدد سيكوان امتع بكثير من الجزء السابق. و طبعاً انا من اشد المعجبين بهذه اللعبة و فى انتظارها.

Mohammed Lotfy

29-04-2005, 06:28 PM

إيه يا باشا الشغل الجامد ده
ألف شكر يا مان على المجهود و إلى الأمام

Ahmed Abdo

29-04-2005, 06:40 PM

Call of duty 2

الناشر:Activision

المصمم: Infinity Ward

النوعية: Action

تاريخ الاصدار: الربع الثالث من هذا العام (Q3 2005)

نبذة: اصدار جديد من اللعبة الحربية الشهيرة لشركة Activision , انجين جديد جبار يسمح بعرض مساحات متسعة جداً و جرافيكس عالية جداً كما هو واضح من الصور المرفقة, و تقريباً و الله اعلم الاحداث ستدور فى دولة عربية!!!

محمد رافت

29-04-2005, 06:42 PM

متشكرين ياباشا على الموضوع ده وفى الانتظار المزيد من المعلومات عن الالعاب الجديده

lord ahmed

29-04-2005, 06:43 PM

الف شكر ياباشا على المعلومات دى
ومنتظرين منك المزيد
اطربنا يازعيم

Ahmed Abdo

29-04-2005, 07:00 PM

F.E.A.R

الناشر:VU Games

المصمم: Monolith Prod

النوعية: Action

تاريخ الاصدار: 06/07/2005

نبذة: لعبة رهيبة و منتظرة قمة فى الرعب و الاثارة و الدموية انجين جديد تقدمه شركة Monolith المعروف عنها طبعاً انها تقدم محركات رهيبة للالعاب و طبعاً هذا الانجين سيكون منافس قوى جداً لانجين DooM3 لجون كارماك و انجين Half life 2 لفريق فالف انترتينمنت, و اللعبة دى بقى على ضمانتى :smiletest

Ahmed Abdo

29-04-2005, 07:28 PM

Cold War : behind the iron curtain

الناشر: DreamCatcher Interactive

المصمم: Mindware

النوعية: Action

تاريخ الاصدار:June 15, 2005

نبذة: اللعبة رهيبة جداً و اسلوب الجيم بلاى هو التخفى (Stealth Mode) الذى يعجب العديد من اللاعبين و طبعاً انا منهم. الجرافيكس رهيبة جداً لدرجة ان الاعب فى بعض الاحيان سيتوقف عن اللعب للتأمل فى جرافيكس اللعبة و فيزياء جسم البطل الرهيبة. طبعاً اللعبة هتكون منافس رهيب للعبتى Tom Clancy's Splinter Cell و Metal Gear Solid .

Ahmed Abdo

29-04-2005, 07:41 PM

Blood Rayne 2

الناشر: Majesco Games

المصمم: Terminal Reality

النوعية: Action

تاريخ الاصدار:05/02/2005 يعنى قريباً جداً :5bouncy:

نبذة: هذا هو الجزء الثانى من اللعبة الدموية جداً Blood Rayne تعدنا شركة Terminal Reality فى هذا الاصدار ان تكون الجرافيكس غاية فى الجمال و الروعة و ان تكون فيزياء جسد راين افضل بكثير من فيزياء جسد برينس!! وطبعاً احنا فى انتظارها الان.

Ahmed Abdo

29-04-2005, 08:31 PM

Tomb Raider Legend

الناشر: Eidos Interactive

المصمم: Crystal Dynamics

النوعية: Action, Adventure

تاريخ الاصدار: 12/01/2005

نبذة: لثانى مرة تقوم شركة ايدوس بتغيير مصممى اللعبة عسى ان تكون اللعبة اكثر امتاعاً!! و طبعاً كعادة هذه السلسلة الجرافيكس رهيبة جداً و الموديلز لشخصيات اللعبة رهيبة جدا,ً لكن يا ترى هذا الاصدار الجديد من السلسلة سيعدنا بجيم بلاى اكثر مللاً من السابق له ام لا؟؟!!!

Ahmed Abdo

29-04-2005, 08:49 PM

The Incredible Hulk : Ultimate Destruction

الناشر: VU Games

المصمم: Radical Ent

النوعية: Action

تاريخ الاصدار: الربع الثالث من هذا العام (Q3 2005)

نبذة: انه الجزء الثانى من اللعبة الرائعة hulk احد ابطال قصص Marvel Comics المصورة و بصراحة مخبيش عليكوا انا من عشاق Marvel و شخصياتها الرائعة و بقراها منذ طفولتى و كنت اتمنى ان تتحول جميع هذه ااشخصيات لالعاب ها هو حلمى يتحقق واحداً تلو الاخر, اللعبة طبعاً رهيبة و ممتعة مثل الاصدار السابق و طبعاً واضح ان الجرافيكس افضل بكثير.

gamer

29-04-2005, 09:12 PM

موضوع رائع و مجهود كبير يا احمد ... نتمنى منك الاستمرار فى تعريفنا على احدث الالعاب .

و بالنسبه للالعاب التى اشرت اليها سابقا , فأكثر لعبه انتظرها هى Tomb Raider Legend و التى وعدتنا شركه Eidos بأنها ستكون مفاجأه بكل المقاييس .

Dr.Animation

29-04-2005, 09:29 PM

موضوع رائع و مشكور على المعلومات

بس أنا هسا زعلان على كرت الشاشة !!!

إيش هو الكرت اللي لازم نجيبه لهاي الألعاب ؟

رجاءاً حد يجاوبني لأني راح أشتري جهاز كمبيوتر جديد !!!

medo_omar

30-04-2005, 01:31 AM

موضوع رائع جداْ واسلوب عرض شيق وجميل .

شكراْ جزيلاْ لك عزيزى احمد واتمنى الاستمرار فى تعرفينا بأحدث الالعاب .

Ahmed Abdo

30-04-2005, 03:07 AM

الف شكر لكم يا اخوانى على ردودكوم الجميلة :smiletest , و انا هحاول بقدر الامكان اختيار و عرض اهم العاب الفترة القادمة.

Ahmed Abdo

30-04-2005, 03:22 AM

The Sims 2 Nightlife

الناشر: EA Games

المصمم: Maxis

النوعية: Strategy

تاريخ الاصدار: 08/01/2005

نبذة: انه امتداد جديد (expansion) من اللعبة المعروفة Sims2 و التى بالطبع يدور فيها اسلوب الجيم بلاى عن كيفية ادارة حياة شخصيات اللعبة و تحقيق اهدافهم, من الواضح ان هذا الامتداد ستدور احداثه فى الملاهى الليلية !!!
و فى رايى ان هذه النوعية من الالعاب اكثر انواع اللعب اهلاكاً للوقت لانه ليس لها نهاية.

Ahmed Abdo

30-04-2005, 03:38 AM

The Suffering: Ties That Bind

الناشر: Midway

المصمم: Surreal Software

النوعية: Action

تاريخ الاصدار: الربع الرابع من هذا العام (Q4 2005)

نبذة: كما هو معروف عن شركة Midway انها دائماً تقدم لنا الالعاب الدموية المرعبة, فهذ هو الجزء الثانى من اشهر العابها المرعبة The Suffering و طبعاً ملئ بالدموية و الرعب و ايضاً الجيم بلاى لهذه اللعبة يكون ممتع و لكنه يمتاذ بالصعوبة الى حدٍ ما, و فى نظرى فانها اسوا الالعاب الجديدة من حيث الجرافيكس و دقة التكستشرز (Textures).

Ahmed Abdo

30-04-2005, 03:55 AM

Mortal Kombat: Shaolin Monks (PS2, Xbox)

الناشر: Midway

المصمم: Paradox Dev

النوعية: Action

تاريخ الاصدار: September 2005

نبذة: بمناسبة ذكر شركة Midway فى الكلام فهذه هى اللعبة المعروفة و التى اشتهرت بها شركة Midway لعبة Mortal Kombat و هذه طبعاً كالعادة للعالم بتوع الـــPS2 و الـXBOX اللى انا بحقد عليهم :) , و طبعاً انا مقدرش اقول عنها حاجة هما بقى اللى يقولولنا من خبرتهم فى هذه اللعب!

Ahmed Abdo

30-04-2005, 04:19 AM

Fantastic Four

الناشر: Activision

المصمم: Beenox / 7 Studios

النوعية: Action

تاريخ الاصدار: August 23, 2005

نبذة: كما قلت لكم من قبل اننى اعشق شخصيات Marvel و هذه هى شخصيات الاربعة الرائعون اصبحت حقيقة و هم ( الرجل المطاطى - الرجل الحجرى - الرجل النارى - المراة الخفية )
اما عن الجرافيكس فبصراحة الصور مش واضحة و مش قادر احدد :o

Ahmed Abdo

30-04-2005, 04:26 AM

Medal of Honor: European Assault(Cube, PS2, Xbox)

الناشر: Electronic Arts

المصمم: Electronic Arts

النوعية: Action

تاريخ الاصدار: 06/06/2005

نبذة: هذه اللعبة للعالم بتوع الـــPS2 و الـXBOX و هذا كل ما اعرفه عنها!!!

Ahmed Abdo

30-04-2005, 04:36 AM

Castlevania: Curse of Darkness

الناشر: Konami

المصمم: Konami

النوعية: Action

تاريخ الاصدار: الربع الرابع من هذا العام (Q4 2005)

نبذة: انها لعبة مصاصين الدماء الشهيرة لشركة Konami التى دائماً كنت احلم بنزولها على الـPC و طبعاً هذا الحلم لم ولن يتحقق, يعنى اللعبة دى للجماعة بتوع الـــPS2 , بالنسبة للجيم بلاى فانا واثق انها حلوة و مرعبة اما عن الجرافيكس فانا معرفش حاجة!!

MODY 99

30-04-2005, 03:58 PM

واضح انه منذ بداية شهر يونيو 2005 سيشهد العالم ثورة فى مجال تكنولوجيا الالعاب
ممكن مواصفات الاجهزة اللى تقدر تشغل الالعاب دى

Dr.Animation

30-04-2005, 05:58 PM

ولله كلام صحيح و منطقي 100%

الألعاب تغيرت يعني السنة الجاي كلها ألعاب روعة

بس المشكلة إنو السنة الجاي عليه توجيهي

phantom

30-04-2005, 06:06 PM

آه الألعاب الجامده دي لكن أنا أكتر حاجه مستنيها هي لعبة comandosو هيبقى شكلها آه و هل هتكون قد المنافسة في هذة النوعيه من الألعاب زيcall of duty & medal od honor ولا هتخيب أملنا فيها
ألف شكر على المجهود الكبير المبذول

medo_omar

30-04-2005, 06:59 PM

شكراْ على التحديثات المستمرة .:)

Dr.Animation

30-04-2005, 08:02 PM

يا سلام على الألعاب

بس يا إخواني في بعض الألعاب القادمة الرائعة اللي ما حكيتوا عنها أي شيء

رجاءاً حطوها في الموضوع ,

ولكم مني جزيل الشكر

REDMAN20102

30-04-2005, 09:41 PM

تسلم و الله يا أخ أحمد على هذا الموضوع وياريت تمدنا بأستمرار بأحدث الألعاب :5flowerfa

Ahmed Abdo

30-04-2005, 10:01 PM

الف شكر لك يا اخى العزيز medo_omar على ردك و زوقك :)

اخوانى mody2088 و Dr.Animation بالنسبة لحكاية الاجهزة و كروت الشاشة دى مواضيع الكلام فيها يطول لكن باختصار شديد جداَ هقولكوا مواصفات الجهاز المناسبة (Recommended) لهذه الالعاب:

- كرت شاشة: Ati Radeon 9500 -128MB او اعلى
او GforceFX5400-128mb او اعلى

- رامات: 512MB او اعلى

- بروسيسور: AMD 1800XP او اعلى
او Pentium 4 1.8Ghz او اعلى و لكن يفضل الـــAmd لانه ادق فى حسبات الجرافيك عن الـــ P4 لان به امكانية 3d now التى لم يمكن لشركة Intel عملها حتى الان.

- كرت صوت: Creative 24Pit ليسمح بامكانية EAX3 الرائعة للصوت.

Dr.Animation

01-05-2005, 12:44 AM

مشكور يا أخي Ahmed Abdo بس كروت الشاشة الي وضعتها الجرافيكس تعبها ما بعالج المعالجة المطلوبة لهاي الألعاب , لأنو الواحد إذا بدو يلعب لعبة جديدة و ضخمه لازم يحط أقل كفاءه تكون 768 * 1024 علشان اللعبة تكون متوسطة , و أنا عندي MSI Geforce 4 5800 و بصراحه هو مش عاجبني بالمرة , لأني بشغل ثري دي ماكس عليه و بيعطيني نتيجه أقل من الوضع المنخفض بكثييير !!!!!

فعلشان هيك لازم نشوف كرت شاشة بمواصفات عالية , و برضو بسعر رخيص , أو غالي شوية

فبتقدر تفيدني يا أخي ؟؟؟

و مشكوووووووووووور

lord ahmed

01-05-2005, 12:58 AM

هايل جدا الالعاب دى منتظرين المزيد يازعيم
وواضح كدا يا جماعه ان فعلا ئوره الالعاب بدات مع بدايه هذه السنه
واللى جاى هيبقى اتقل
ربنا يقوينى ويقويكم

Ahmed Abdo

01-05-2005, 05:06 AM

الف شكر لكم يا اخوانى على ردودكوم.

اخى Dr.Animation

ليس هناك علاقة بين الريزوليوشن(Resolution) و بين كفائة الجرافيكس (Performance), يعنى لما تعلى الرزوليوشن او تقلله ده مش معناه انك عليت كفائة الجرافيكس بتاعت اللعبة, و عشان تعلى جرافيكس اللعبة مش لازم تعلى الريزوليوشن لكن لازم يكون كرتك فيه الامكانيات الاتية:
(Pixel Shading - Pump Maping - Antaliasing - Plure) و الكرت اللى انا قلتلك عليه فيه كل الحجات دى, اما بالنسبة لكرتك انت بتقول5800 Geforce 4 و لكن هل هو MX ام FX لان هناك فرق شاسع بينهم, لو كرتك GeforceMX يبقى الكارت اللى قلتلك عليه افضل من كارتك بكثييييير اما لو كارتك GeforcefX يبقى كرتك حلو جداً و هيشغل اللعب دى ان شاء الله و انت اللى ظلمه :smiletest

Ahmed Abdo

01-05-2005, 05:23 AM

Age of Empires III: The Empire Makers

الناشر: Microsoft

المصمم: Ensemble Studios

النوعية: Strategy

تاريخ الاصدار: November 1, 2005

نبذة: انه جزء جديد من اشهر و اكثر لعبة ستراتجى مبيعاً فى العالم, و لكن هذا الجزء يختلف عن الاجزاء السابقة من اللعبة تماماً لانه يحتوى على انجين ثلاثى الابعاد غاية فى الروعة و الدقة. و تقول شركة Ensemble Studios عن لعبتها الجديدة انها ستغير مقايس الالعاب الاستراتجى تماماً من حيث دقة الرسم والواقعية والجيم بلاى, و فعلاً واضح من الصور ان كلامهم صحيح تماماً. و انا فعلاً مش عارف ايه اللى نسانى اقولكوا عليها من البداية!!.

Dr.Animation

01-05-2005, 01:13 PM

مشكووور يا أخي Ahmed Abdo أولاً على الألعاب الرائعة ثم على ردك الجميل

بس يا أخي أنا فاهم في اللي حكيته و عارف إيش هو كرتي وهو كمان FX مش MX الرديء

وعارف إنو ال Resolution هي بس دقة نقطية ما بعتمد نهائياً على قوة الجرافيكس يعني مثلاً تشغيل ألعاب البلاي ستيشن 1 على الكمبيوتر و تعطيها أعلى Resolution ما راح يتحسن الجرافيكس نهائياً سوى دقة الصورة فقط .

و أنا عارف بقوة ال Textures و ال Pump Maping و ال Quality و الشغلات هاي كلها .

بس أنا كرتي متأكد إنو بشغل جميع الألعاب الجديدة , بس ما راح يشغلها بالشكل اللي أنا بدي إياه , و أنا قصدي كان بال Resolution علشان الدقة النقطية و إني إذا عليتها على الألعاب الجديدة راح تقطع بشكل بخوف

والموضوع الأهم هو 3D Max اللي راح أضعه في موضوع إنشاءالله و أخليك تنزله و تجربه عندك و شوف النتيجة اللي راح يعطيك الكرت اللي عندك

راح يعطيك 210 من 5000

هاي النتيجة اللي عطاني إياها و طبعاً كنت حاط ال Resolution بس 320 * 230

وكان يقطع بشكل بخووووووووووووووووف .

و إنشاءالله حأعطيك البرنامج برابط HTTP مباشر

وشكراً

Dr.Animation

01-05-2005, 01:30 PM

ومشكوووووووووووووور على لعبة Age Of Empire III

أنا من عشاق هذه اللعبة و إنت فرحتني بالخبرية الحلوة

ونتمنى منك المزيد يا أخي العزيز

Ahmed Abdo

01-05-2005, 08:29 PM

الف شكر لك يا اخى العزيز على ردك و على زوقك :)

Ahmed Abdo

02-05-2005, 04:46 AM

The Godfather

الناشر: Electronic Arts

المصمم: Electronic Arts

النوعية: Action

تاريخ الاصدار: 10/03/2005

نبذة: كلنا بدون شك نعرف الثلاثية الشهيرة لفيلم The Godfather اى الاب الروحى وطبعاً كلنا نعرف كيف كانت هذه الثلاثية ناجحة جداً. لذا فقد قامت شركة E.A بتاكيد هذا النجاح عن طريق عمل هذه اللعبة الرائعة المبنية على نفس قصة الجزء الاول من الفيلم لعام 1972 و بنفس اصوات الممثلين الحقيقيين الذين شاركوا فى الفيلم و لكن باحداث جديدة. باختصار شديد ان هذه اللعبة الرائعة ستغمس اللاعب فى عالم المافيا الخطر و بنفس اسلوب الجيم بلاى للعبة GTA الممتع جداً.

opps

03-05-2005, 10:18 PM

الف شكر لك يا اخى ومنتظرين المزيد يا man

SHAKSHAK

04-05-2005, 01:01 AM

مجهود كبير وعرض ممتاز للألعاب المنتظرة شكراً لك

Ahmed Abdo

04-05-2005, 05:51 PM

اخوانى shakshak_3333 و opps الف شكر لكم على ردودكم الجميلة :)

Ahmed Abdo

13-05-2005, 02:23 AM

Stubbs the Zombie

الناشر: Aspyr

المصمم: Wideload

النوعية: Action

تاريخ الاصدار: الربع الثالث من هذا العام (Q3 2005)

نبذة: ان هذه اللعبة فعلاً تعد جديدة من نوعها و قد اعجبتنى جداً, ان بطل اللعبة زومبى يدعى Stubbs ياكل مخوخ اعدائه بكل وحشية و يمكنه ان يستخدم بعض اعضاء جسمه كسلاح ضضهم و يمكنه ان ياكل مخوخ الادميين الاخرين حتى يجعلهم موتى احياء مثله ليساعدوه. فعلاً اللعبة قمة فى الدموية والشر و غاية فى الروعة. امابالنسبة للجرافيكس فشركة Wideload قامت باستخدام انجين Halo2 الغانى عن التعريف طبعاً.

moodyy25

14-05-2005, 06:08 AM

الف شكر ليك يا اخ احمد عبدو
بجد مجهود رائع وعرض شيق للعب
واحلى حاجه فيك انك حطيت ملف مرفق فى الاول فيه كل اللعب
بجد الف شكر وياريت تستمر فى العرض

AERO

14-05-2005, 04:48 PM

و الله العظيم يابني شغل جامد
ربنا يوفقك
اما حوارات كروت الشاشة دى مقلقاني اوى انا لسه مغير و جايب fx5200
و الناس بتقولي دة غلبان و مش حيقدلر علي الالعاب اللي جاية
ربنا يستر

Ahmed Abdo

15-05-2005, 09:23 AM

اخوانى moodyy25 و AERO الف شكر على ردودكم الجميلة دى, و ان شاء الله ساستمر فى تحديث هذا الموضوع و اتمنى انكم تظلوا متابعين له.
اما بالنسبة لـــfx5200 اعتقد انه ممكن يقعد معاك سنة ونصف تقريباً بدون تغيير.

Dr.Animation

15-05-2005, 03:54 PM

الف شكر يا أخي أنا عجبتني لعبة The God Father و خصوصاً إنها من Ea Sport's وكمان مأخوذة من اللعبة الشهيرة الرائعة مافيا إنشاءالله أول ما تنزل حجيبلك نسخة يا أخي Ahmed Abdo

Ahmed Abdo

15-05-2005, 05:33 PM

الله يخليك يا اخى العزيز , الف شكر لك :)

Ahmed Abdo

17-05-2005, 02:24 AM

Quake 4

الناشر: Activision

المصممين: id Software
-------- Raven Software

النوعية: Action

تاريخ الاصدار: الربع الرابع من هذا العام (Q4 2005)

نبذة: بعد غياب طويل جداً يقرب من حوالى خمس سنوات اعلن اخيراً كبير مبرمجى شركة Raven Software المبرمج Eric Biessman انه سيتم اصدار الجزء الجديد من لعبة Quake الشهيرة فى الربع الرابع من هذا العام و انها ستكون تكملة لقصة الجزء الثانى من اللعبة و ان مصممين شركة Raven هم من يصممون ادوار اللعبة و وحوشها و اسلحتها بالاشتراك طبعاً مع شركة id Software. كما اضاف كبير مصممى اللعبة فى شركةid Software المصمم Tim Willits ان محرك اللعبة سوف يكون انجين لعبة Doom3 الرهيب, و ان Quake 4 سوف تحتوى على اساليب متعددة من الجيم بلاى وهم القتال فى اماكن مغلقة (indoor) و القتال فى اماكن مفتوحة(outdoor) و القيادة. ايضا سيكون بمصاحبة اللاعب مجموعة من الجنود ليساعدوه فى القتال فى معظم الاوقات.
وطبعاً هذا الخبر يعد بالنسبة لى خبر بمليون جنيه لان واضح ان اللعبة هتكون رهيبة سواء فى الجيم بلاى او الجرافيكس :)

like_baby

17-05-2005, 02:48 AM

أشكركم جميعا على الماشاااركة والصراااحة الموضوووووووووع شيق ولذيذ ونافع ويستاهل الجهد والوقت
وكذلك التعليقاااااااااااات رائعة جدا وربنا يوفقكم للمزيد من الروااااائع
والسلام عليكم ورحمة الله وبركااااته

Ahmed Abdo

17-05-2005, 04:23 PM

الف شكر على ردك

Ahmed Abdo

18-05-2005, 06:59 PM

و هذه صور اضافية للعبة Prince of Persia 3 ينفرد بها المعلق احمد عبده :)
يا رب تعجبكم, و لو انى بدات احس انى بكلم نفسى.

Ahmed Abdo

18-05-2005, 07:37 PM

Need for Speed Most Wanted

الناشر: EA GAMES

المصمم: EA GAMES

النوعية: Driving

تاريخ الاصدار: الربع الرابع من هذا العام (Q4 2005)

نبذة: هذه هى لعبة nfs المعروفة وهذا هو الجزء الجديد منها الذى صرحت عنه الشركة العملاقة EA Games مؤخراً فى معرض الالعاب العالمى E3 و كما اعتدنا طبعاً فهذا الجزء واضح انه سيكون رهيب سواء فى الجرافيكس او اسلوب القيادة.
يقول المنتج المنفذ عن الجزء الجديد انه سيكون فى اماكن و طرق واسعة جداً و مفتوحة و ان اللاعب غير مجبر بطريق محدد و انه فى هذا الجزء سوف تطارد سيارات الشرطة اللاعب بطرق مختلفة و سوف يخطتو له الكمائن على حسب اسلوبه فى اللعب, لان الذكاء الاسطناعى (AI) للشرطة سيكون رهيب جداً و ايضاً لاول مرة عند حدوث اى حوادث سوف تؤذى السيارة على حسب الصدمة.
و مع الاسف هذه هى الصور فقط التى امكن لعدستنا الطقاتها :o

medo_omar

18-05-2005, 07:52 PM

الف شكر لك عزيزى احمد على هذا المجهود الكبير الذى تقوم به .

لكن الخبر الغير سعيد فى لعبة NFS Most Wanted هو هذه الجملة ( و ايضاً لاول مرة عند حدوث اى حوادث سوف تؤذى السيارة على حسب الصدمة. ) فهى ليست المرة الاولى التى يضعوا بها هذه الامكانية فلقد فعلوها من قبل فى الجزء الخاص بالبورش وكانت السبب الاساسى فى فشل هذه اللعبة .

Ahmed Abdo

18-05-2005, 07:53 PM

The Legend of Zelda: Twilight Princess

الناشر: Nintendo

المصمم: Nintendo

النوعية: Action

تاريخ الاصدار: فى عام 2005 ولكن لم يحدد بعد

نبذة: انها احد العاب النينتندو المشهورة جداً و التى ظهر لها اجزاء عديدة و كلها كانت رهيبة وغاية فى الروعة والجمال فعلاً و انا عن نفسى قد لعبت الجزء الاول و التانى من هذه اللعبة و فعلاً كانت مسلية جداً. اما عن الجزء الجديد فهو طبعاً صدر كالعادة للجيم كيوب فقط و واضح انه رائع جداً مثل الاجزاء السابقة و يقال عنه ان الاقبال علي هذا الجزء كان رهيب جداً فى معرض الـــE3.

Ahmed Abdo

18-05-2005, 08:08 PM

اخى العزيز medo_omar فى البداية طبعاً الف شكر على ردك.

تخيل كلامك ده احرجنى وهيخلينى اقول اللى مكونتش عاوز اقوله :)

هذا هو ما قاله منتج اللعبة Larry LaPierre عن اصابات السيارات, اقراه وانت هتعرف المقصود بهذا:

The focus of past Need for Speed Underground games was solely on delivering an exciting street racing game that truly represented the tuner culture. The damage model was not needed to deliver a great street racing game. This year, the team is focused on creating a game that truly captures the intensity of cop pursuits; an experience that rivals any chase scene you would see in a film or on TV. We've balanced vehicle damage in the game to make it fun for the player and to capture those epic Hollywood style police pursuit moments

يعنى الحكاية كلها مجرد عشان تتاثر بالمشهد فقط اثناء اللعب, لكنها لن تؤثر على سرعة السيارة :smiletest .

medo_omar

19-05-2005, 01:53 AM

طب الحمدلله لانى كنت ابتديت اتشأم من اللعبة قبل ما تنزل .:)

وطبعاْ مستنين بقيت التقارير عن الالعاب الجيدة وخاصة الالعاب التى اعلنوا عنها فى المعرض فهى كثيرة للغاية وستحتاج منك الى مجهود كبير .:)

Ahmed Abdo

19-05-2005, 02:05 AM

هى فعلاً كثيرة للغاية ربنا يسهل و اقدر الاحق عليها :)

Ahmed Abdo

21-05-2005, 12:41 AM

True Crime 2

الناشر: Activision

المصمم: Luxoflux

النوعية: Adventure

تاريخ الاصدار: الربع الرابع من هذا العام (Q4 2005)

نبذة: انه الجزء الثانى من اللعبة المعروفة True Crime التى كما نعلم جميعاً ان الجيم بلاى لهذه اللعبة يكون مزيج من اساليب العاب عديدة و هى GTA,MaX Payne,Mafia.
ولكن فى رايى انا ان الجزء الاول من هذه اللعبة لم يكن ممتعاً على الاطلاق بل وكان مملاً ايضاً, هل سيكون الجزء الثانى افضل منه ام لا؟ هذا هو ما سنعرفه فى الربع الرابع من هذا العام.

opps

21-05-2005, 12:47 AM

مجهود متميز الف شكر ليك يا اخ احمد عبدو

moodyy25

21-05-2005, 02:33 AM

شكرا ليك يا احمد
متزعلش من قلة الردود واستمر وربنا يكرمك

SHAKSHAK

21-05-2005, 03:13 PM

طريقة رائعة لعرض الألعاب و أسلوب أكثر من شيق
أنا كنت شكرتك قبل كده لكنى وجدت أنى لازم أشكرك تانى
شكراً ليك

Ahmed Abdo

22-05-2005, 08:06 AM

اخوانى الاعزاء جداً shakshak_3333 و moodyy25 و opps الف الف شكر على ردودكم المشجعة و ذوقكم لانى فعلاً كنت بدات ايأس من قلة الردود :o

Ahmed Abdo

22-05-2005, 08:37 AM

Call of Cthulhu: Dark Corners of the Earth

الناشر: 2K Games / Bethesda Softworks

المصمم: Headfirst Prod

النوعية: Adventure

تاريخ الاصدار: 08/01/2005

نبذة: ها هى افضل روايات كاتب الرعب الشهير الامريكى الاصل H.P. Lovecraft قد اصبحت حقيقة, انها القصة المرعبة جداً Cthulhu التى تتميز بالرعب القوطى كمعظم كتابات الكاتب الشهير H.P. Lovecraft و الرعب القوطى اى الرعب الشبيه بعوالم الكوابيس بالضبط و الذى لا يمكن لاحد تحمله, لذا فان هذه اللعبة ستكون قمة فى الرعب و هذا افضل ما فيها, اما عن نطق اسمها فقط كان يصف الكاتب الكبير H.P. Lovecraft طريقة نطقها بانها تقال هكذا (كوت-هلو-لهو) مع النباح فى نطقها :smiletest
و المفارقة الغريبة انه هناك ثلاثة العاب مبنية على هذه القصة الجبارة قيد التطوير الان و الثلاثة من شركات مختلفة و باسلوب جيم بلاى مختلف فاللعبة التى نتحدث عنها الان فرست برسون و هناك واحدة اخرى سيرد برسون ولكنها سوف تنزل فى الربع الثالث من عام 2006 و الثالثة سوف تكون رول بلايينج.

medo_omar

22-05-2005, 11:04 AM

شكراْ عزيزى احمد على هذا المجهود .

لكن هل تاريخ إصدار هذه اللعبة صحيح ؟؟!

phantom

22-05-2005, 04:56 PM

تقارير رائعه و إلى الأمام دائما

Ahmed Abdo

22-05-2005, 05:28 PM

اخوانى medo_omar و phantom الف شكر على ردودكم طبعاً.

اخى العزيز medo_omar:

تاريخ اصدار اللعبة هو واحد اغسطس 2005 (1-8-2005), لكن انا بكتب التاريخ كما تكتبه المواقع الامريكية (شهر- يوم - سنة) يعنى التاريخ موجود فى مواقع الالعاب هكذا (8-1-2005)
ما رايك, اكتب التواريخ زى ما بنكتبها احنا وخلاص؟

Ahmed Abdo

24-05-2005, 08:25 AM

Bet on Soldier

الناشر: Digital Jesters

المصمم: Kylotonn

النوعية: Action

تاريخ الاصدار:June 2005

نبذة: انه المستقبل البعيد بتكنولجيته الجبارة و جنوده الاليين الرهيبة العملاقة جداً, انها لعبة B.O.S المنتظرة التى قال عنها العديد من نقاد الالعاب انها ستضيف جديد لالعاب الفرست برسون, و من الافكار الجديدة التى تضيفها هذه اللعبة فى المالتى بلاير هى اسلوب الرهان اى انه يمكن للاعبين ان يضعوا رهاناً على قتل جندى معين او وحش معين و من يقتله يفوذ فى المرحلة, لذا سُميت Bet on Soldier اى راهن على الجندى.
اما عن الجرافيكس فواضح طبعاً انه رائع.

Ahmed Abdo

25-05-2005, 09:51 AM

Hellgate: London

الناشر: Namco

المصمم: Flagship Studios

النوعية: Role-Playing

تاريخ الاصدار: فى عام 2005 ولكن لم يحدد بعد

نبذة: ماذا لو فُتحت بوابة من بوابات الجحيم فى لندن؟ ماذا لو هجمت الشياطين والمسوخ على هذه المدينة؟
فكرة غريبة ولكن هذه هى فكرة هذه اللعبة الرهيبة التى قام بتصميمها نفس مصممى لعبة Diablo و التى اجمع معظم نقاد الالعاب على انها ستكون من افضل العاب هذا العام لاسباب عديدة. اهمها هى ان انجين اللعبة رائع جداً و يستخدم امكانيات فى الـDirectX9 جديدة لم تستخدم بعد مثل الـــSpeculer Maping وغيره, و السبب الثانى ان اسلحة اللعبة و طرق استخدامها و تصميماتها غاية فى الروعة و الامتاع, والسبب الثالث ان جميع مراحل اللعبة مختلفة عن بعضها تماماً اى ان اللاعب لن يقابل مكان متشابه مرتين و هذا فى حد ذاته غاية فى الابهار.
و هذه فى رايى اول لعبة محترمة تقدمها لنا شركة Namco.

medo_omar

25-05-2005, 11:15 AM

الف شكر يا احمد على هذا المجهود الكبير والمتواصل ونتمنى منك الاسنمرار دائماْ انشاء الله .؟

Ahmed Abdo

26-05-2005, 08:39 AM

الف شكر لك يا اخى العزيز medo_omar على ردك و اهتمامك, لكن المشكلة ان عدد الردود قليلة جداً. :o
انا خايف لنكون انا و انت بس المتابعين للموضوع :D

maraheb

26-05-2005, 11:05 AM

السلام عليكم

ألف شكر يا باشا

تحياااااتي

Ahmed Abdo

26-05-2005, 11:11 PM

الف شكر لك يا اخى على ردك

AERO

27-05-2005, 02:13 PM

الف شكر لك يا اخى العزيز medo_omar على ردك و اهتمامك, لكن المشكلة ان عدد الردود قليلة جداً. :o
انا خايف لنكون انا و انت بس المتابعين للموضوع :D

متخافش يا بو حميد
الناس بس مشغولة في الامتحانات
استني بس لاول الشهر الجاي حتلاقي الناس حاجة تانية و الدنيا هتولع :D :D :D

SHAKSHAK

28-05-2005, 03:48 PM

يا باشموهندس أحمد باشا
تأكد أن أنا من أشد المعجبين و المتابعين لموضوعك الشيق الجميل
و أكيد فيه ناس كتير أيضاً متبعاه بس بيكسلوا يكتبوا ردود
واصل تقديمك الممتع....... الأكثر من رائع للألعاب
أخوك محمح

walid_smh

28-05-2005, 09:37 PM

مجهود عظيم ومشاركات جميله الله ينور ياباشا .....

Ahmed Abdo

02-06-2005, 11:17 PM

اخوانى وحبايبى shakshak_3333 و AERO و walid_smh الف شكر لكم على ردودكوم و كلامكم الجميييل قوى ده, طمنتونى يا شباب على الموضوع :)

وطبعاً انا أسف جداً على تأخرى فى الرد عليكم, و لكن هذا بسبب انشغالى فى الامتحنات هذه الفترة. ايضاً هذا هو السبب الذى جعلنى مقل فى اضافة تعليقات عن العاب جديدة و لكن اعدكم بعد انتهاء فترة الامتحانات باذن الله باضافة تعليقات عن الالعاب الجديدة باستمرار علشان الدنيا تولع :D

ame

10-06-2005, 09:18 AM

شكرا على المجهود الكبير

kikoooo

10-06-2005, 02:02 PM

موضوع رائع جدا ومجهود ممتاز ..... اشكرك على العرض الرائع

AERO

10-06-2005, 04:45 PM

انت فين يابو حميد الامتحانات خلصت خلاص

walid_smh

10-06-2005, 06:37 PM

طمنا يابو حميد عملت ايه في الاستمحانات .......

Ahmed Abdo

13-06-2005, 06:10 AM

معلش يا جماعة اصل انا امتحاناتى لسة هتخلص 19-6 و انا دلوقتى لسة فى عز الزنقة :5headache :5bomb:
و طبعاً الف شكر على ردودكم كلكم الجميلة و المشجعة جداً, و معلش انتظرونى حتى 19-6.
و الف مبروك على اجازة اخر السنة يا شباب ;)

walid_smh

13-06-2005, 09:07 PM

ربنا معاك ياباشا وترجعلنا بالسلامة .....

sedik

15-08-2005, 07:21 AM

شكرا على المجهود ده بس انت نسيت اهم لعبة هتنزل فى 2005 و هى فيفا 2006 معشوقة اللاعبين

REDMAN20102

15-08-2005, 07:59 AM

أنت فين يا باشا وحشتنا تقاريرك بقالك شهريين غايب

omigo

16-08-2005, 08:36 AM

thx man

goood

phantom

16-08-2005, 03:54 PM

آه ياعم Ahmed Abdo فينك و فين تقاريرك الحلوه ....غبت عننا فين....مستنيينك بفارغ الصبر

Ahmed Abdo

17-08-2005, 06:49 AM

الف شكر لكم يا اخوانى على ردودكوم الحلوة دى و اتمنى ان اكون عند حسن ظنكم دائماً

و آسف جداً على طول غيابى لكن انا فعلاً حتى الان لم اجد لعبة عليها القيمة لاتحدث عنها بعد الالعاب التى اضفتها سابقاً :)
بس متقلقوش اكيد هلاقى العاب حلوة جديدة و هقلكم عليها :)

asamirmid

02-09-2005, 06:37 AM

alf alf shokr ya abu-7mid 3ala el mawdoo3 el gameel dah ...
i will write here in arabic when i back to my system ... i like the topic and like the games ...

Thanks

Egyption_Warrior

02-09-2005, 07:01 AM

شكراً لك على هذا الموضوع الرائع
موضوعك فعلاً رائع
ونتمنى منك المزيد
ونسيت ان تنوة على لعبتين وهما
Brother in Arms ---> Earned In Blood
&
Ghost Recon ---> Advanced War Fighter
لانهم من اشد الالعاب التى فى القمه بمعنى القمه
نريد منك ان تخبرنا بتاريخ نزولهم
ونتمنى لك التوفيق
لك التحيه والسلام

™MαFiα

02-09-2005, 07:49 AM

مجهود عظيم يابو حميد بس انا معرفش الموضوع مات ليه
هى الالعاب خلصت ولا ايه

GENNI

02-09-2005, 10:41 AM

فعلا ... موضوع أكثر من ممتاز بكل ما تحمله الكلمة من معاني ...
و الغريب جدا أنه تعرض بالذكر لألعاب لم يسمع بها البعض أساسا ...
و ذكر ألعابا كثيرة جدا ينزل لها تقارير الآن فقط ...

إنه موضوع فعلا من الصفوة ...
و أتمنى من كل قلبي أن يعود الأخ أحمد إلى سابق عهده ...
تحياتي ...

Ahmed Abdo

03-09-2005, 10:04 PM

الف شكر لكم يا اخوانى على ردودكوم الحلوة دى و على ذوقكم
و فعلاً اللعبتين اللى ذكرهم الاخ Egyption_Warrior من اروع الالعاب المنتظرة فى اواخر عام 2005 و انا مش عارف ازاى نسيتهم دول!!!!

Ahmed Abdo

03-09-2005, 11:51 PM

Brothers in Arms: Earned in Blood

الناشر: Ubisoft

المصمم: Gearbox Software

النوعية: Action

تاريخ الاصدار: 10/03/2005

نبذة: انه الجزء الثانى المنتظر من لعبة Brothers in Arms التى لها عدد لا بئس به من المعجبين و انا فى الحقيقة لست واحداً منهم :) . قصة هذا الجزء ستنقسم الى جزئين الجزء الاول من القصة سيكون اعادة لاحداث الجزء الاول Road to Hill 30 اما الجزء الثانى فسيتناول مغامرة واحداث جديدة جداً و قد صرح مصمم شركة Gearbox الكولونيل John Antal انهم فى هذا الجزء الجديد لن يهتموا بالجرافيكس اى ان الجرافيكس ستظل فى مستوى جرافيكس الجزء الاول و لكنهم سيهتموا اكثر بواقعية التخطيط العسكرى المتعلق بالقصة والاحداث بالاضافة الى تحسين كامل فى معارك جنود المشاة, وايضاً سوف يقود اللاعب ويواجه العديد من المركبات الحربية مثل العربات الحربية المصفحة والدبابات بمختلف انواعها. كما صرح ايضاً ان الذكاء الصناعى AI للجنود بشكل عام سيكون افضل بكثير.
و لكن انا فى رايى الشخصى ان Call of Duty 2 ستكون افضل منها بكثير من حيث الجرافيكس و الجيم بلاى ايضاً.

phantom

04-09-2005, 12:54 AM

أحب أكون أول المهنئين بعودتك إلينا و إلى المنتدى بالسلامه و تقرير جميل اتمنى إنه ميكونش أخر تقرايرك و تمتعنى بالمزيد إنشاء الله

GENNI

04-09-2005, 01:31 AM

و أنا سعيد جدا إني أكون ثاني المهنئين ...
و عود ٌ أحمد يا أحمد :D

و أتمنى نشوف منك تقارير أكتر بكتيييييييير ... لأن بصراحة و بجد ... تقاريرك فيها روح واحد خبير ...

شكرا يا أحمد على التقرير الرائع بتاع "BIA" ... و أنا باشاركك برضه كرهي للعبة دي و حبي الشديد للعبة Call Of Duty ...

تحياتي ...

Ahmed Abdo

04-09-2005, 02:08 AM

Tom Clancy's Ghost Recon3: Advanced Warfighter

الناشر: Ubisoft

المصمم: Ubisoft

النوعية: Action

تاريخ الاصدار:11/08/2005

نبذة: من الواضح طبعاً ان الشركة الفرنسية المعروفة يوبي سوفت قد اصبحت من اقوى شركات الالعاب و خاصتاً فى العامان الماضيان, على الرغم من انه هناك احتمال كبير ان تشترى شركة EA Gamesالكندية العملاقة حوالى ثلث هذه الشركة بما فيه من مبرمجين و مصممين. كما نعرف ايضاً انه من اسباب نجاح شركة Ubisoft هو احتكارها لجميع افكار مؤلف قصص الالعاب المعروف Tom Clancy و من احد اشهر سلاسل العاب Tom Clancy هى سلسلة العاب Ghost Recon التى تتناول فكرة فرق القتال الجماعى و كيفية التحكم فى جميع اعضاء هذه الفرق. لكننى فى الحقيقة لم اعجب بالجزئين السابقين من هذه اللعبة, لكن على النقيض تماماً فإن الجزء الثالث من الواضح جداً انه سيكون رائع بكل المقاييس.
فقد قال Bob Colayco احد نقاد موقع gamespot عن هذه اللعبة ان البيئة المحيطة بالشخصيات عالية الدقة و الوضوح و تحتوى على textures دقيقة جداً و اضاءات متقدمة advanced lighting و قد استخدم فيها مؤثرات جزيئية Particle effects عالية الوضوح و التى تظهر دقتها اكثر فى الانفجارات و الحركة. اما بالنسبة لنماذج الشخصيات Character models فستكون ذات دقة و تفاصيل عالية جداً و سوف تحتوى على ما يقرب من 20,000 بوليجون (Polygon) و التى تبلغ ضعف عدد البوليجونات التى كانت مستخدمة فى مودلز Ghost Recon 2.

Ahmed Abdo

04-09-2005, 02:16 AM

و هذه صور اضافية لهذه اللعبة الجبارة Ghost Recon3

Ahmed Abdo

04-09-2005, 02:21 AM

اخوانى الاعزاء GENNI و phantom الف شكر لكم على ردودكوم الحلوة دى و اتمنى ان اكون عند حسن ظنكم دائماً :)

RedHawk

04-09-2005, 11:26 PM

شكرا على موضوعك الأكتر من رائع و ربنا يخليك و تجيبلنا دايما أخبار الألعاب

AERO

05-09-2005, 01:23 AM

انت فين يا برنجى
حمدلله عاسلامة
هيا دي التقاريرا لجامدة

haitham_92004

05-09-2005, 07:09 PM

لا لا بجد انت عامل توبك هايل .. و مش عارف اوصف اللى انا فيه دلوقتى لانى مزبهل خالص و مش عارف اقول ايه

و الله انا قرأته كله و فعلا انت قلتلنا على احسن الالعاب و اللى كلنا ممكن ننزلها فى الفترة الجاية ان شاء الله

و على فكرة انا نزلت لعبتين .. تقريبا واحدة اسمها فانتاستك 4... و التانيه مش عارف اسمها

بس الموضوع دا هايل و الله و المفروض الاخوة المديرين يحذفو الردود و يعبقو التوبك و يسيبو الردرو بتاعتك بس اللى فيها الالعاب

متشكرين اوى يا باشا

Ahmed Abdo

06-09-2005, 04:37 AM

الف شكر لكم يا اخوانى على ردودكم واهتمامكم بالموضوع :)

اخى العزيز RedHawk: الف شكر على ردك وعلى ذوقك, و اتمنى انى فعلاً اقدر اختار افضل الالعاب لاتحدث عنها.

اخى العزيز AERO : الله يسلمك يا اخى :) , و الف شكر على ردك.

اخى العزيز haitham: الف شكر على ردك و على ذوقك و اهتمامك بالموضوع, بس معلش مش شايف حكاية حذف ردود الشكر دى بيخة شوية :) امال انا بجمع التقارير دى عشان مين؟! طبعاً عشان الاعضاء ولو ملقتش رددهم الحلوة دى هكتب لمين؟؟ :)

RedHawk

06-09-2005, 11:48 AM

الأخ أحمد عبده شكرا على ذوقك و الكلام اللي انا كتبته حقيقة مش مجاملة عشان انت فعلا فنان

hassanabu2000

31-10-2005, 03:59 PM

شكرا علي العرض الرائع

onlyonekimo

31-10-2005, 05:25 PM

شكرا علي مجهودك الاكثر من رائع

و مفيش اخبار عن Need 4 Speed الجديده؟؟

Ahmed Abdo

01-11-2005, 12:25 AM

الف شكر لكم يا اخوانى على ردودكم الجميلة المشجعة دى, و انتظرونى قريباً ان شاء الله فى الجزء الثانى من هذا الموضوع و هو " اهم الالعاب المنتظرة فى الفترة القادمة من عام 2006 " :bye10000:
اخى onlyonekimo:
اخر اخبار عن Need 4 Speed: most wanted انها هتنزل ان شاء الله فى 15 نوفمبر 2005 يعنى هانت :shiny000: .
و هذه صور جديدة لها :bigsmile: :