دعـــــــــــــوة للمغتربـيــن للمشاركة - دعوا مشاعرنا تتكلم و تنضج

[hanny_moon25]

اخواننا المغتربين .. فى امريكا .. فى الخليج .. وفى كل بقاع العالم .. ..

اعزائى .. لا تتقوقعوا حول انفسكم و مشاعركم .. و مشاكلكم .. افتحوا مواضيع تحت باب المغتربين .. واحد للسعودية .. اخر للكويت .. الأمارات .. امريكا .. افريقيا .. اوربا .. فرنسا .. المملكة المتحدة .. استراليا .. الخ الخ

اذا لم يكن لك هدف تريد الوصول اليه من طرحك .. دع اخوانك فى الوطن يتعلمون .. كيف تعيش حياتك .. و يومك .. الأسعار عندكم .. الحالة الأقتصادية ..
التق بافراد من نفس الوطن ( المهجر) .. و تداول معهم .. فكروا سويا .. دعوا مشاعرنا تنضج .. دعونا نصل الى سن الرشد .. دعونا نتواصل سويا .. و نحيا سويا ..

الكلمات القليلة التى قد لا تعنى لك شيئا .. قد تكون كل شيئ فى حياة اخ لك فى الوطن او الدين او الغربة ..

ما رايكم دام فضلكم؟
منتظر مشاركاتكم

[WhyWeDie]

تسلم أخي الكريم

على الدعوة

فكرة جميلة

ياريت الكل يعمل بيها

[Nour2004]

السلام عليكم ورحمة الله وبركاته
موضوع جميل وباذن الله حشارك معاكم

[ramykamel2002]

Atmana asharek ma3akom

[تيتو 111]

ربنا يوفقكم ورمضان كريم

[oldmagic2020]

السلام عليكم ورحمة الله وبركاته
موضوع جميل وباذن الله حشارك معاكم

شكرا خاص للزميل طارح الموضوع لان فعلا غربتنا لازم يكون فيها مشاركة

[Samer_eg]

انا مصري وعايش في امريكا لو حد حب يتعرف دة أيميلي Madison_guy82@yahoo.com

[dentalman]

يعنى يا جماعة كله بيخش يشكر ويمشى؟؟

كله بيقول فكرة جميلة وخلاص على كده
بصراحة انا زهقت كلمة شكرا ومشكور بسبب المنتدى

يبقى الواحد بيدور ع الحاجة المفيدة ،،، وللاسف يقعد يقلب ف صفحات كتيرة مافهاش غير تشكرات وبس

يعنى ياريت نشارك بايجابية اكتر ونكتب ف الموضوع بدل ماحنا عمالين بنمدح فيه وبس

ده تعليق ومشاركتى ف الموضوع ف المشاركة الجاية

[dentalman]

اسمحولى اشارك ف موضوع خواطر المغتربين ده

انا الاول مغترب دلوقتى بقى لى شهرين بس

طبعا انا متصور ان اسوأ فترة ف الغربة هى الفترة دى،، اول فترة
بتلاقى نفسك ف صراع وفى معاناة مابين كذا حاجة

الوحدة : خصوصا لو روحت مكان مافيش حد من اهلك ولا اصحابك سبقك وعايش فيه ،، وده اللى حصللى ، جيت مدينة عمر ماحد اعرفه جالها قبل كده ف السعودية وبالتالى بقيت حاسس انى وحيد من الاهل والمعارف وكل حاجة

حنينك لأهلك :: ساعتها بتعرف يعنى ايه أم ،، يعنى ايه زوجة ،،،يعنى ايه حد يقوللك حمدالله ع السلامة لما ترجع البيت ،، يعنى ايه تلاقى الاكل متحضر وهدومك مغسولة ،،، بتحس ساعتها انك كنت ف نعمة ماكنتش واخد بالك منها زى نعم كتيرة من ربنا وماحدش واخد باله منها

احتياجك للناس:: من الحاجات اللى بتاثر ف نفس الواحد انه يحس انه محتاج لحد ،، وده بردو بتحسه ف الفترة الاولى من الغربة ،، بتبقى محتاج ماديا ،، وبتبقى محتاج لحد يدلك ،، ومحتاج لحد يقوللك ،، على طول محتاج وعلى طول لاجئ ع اللى حواليك ،،، صعب طبعا

احساس الغربة نفسه،، وانك تحس انك مش ف بلدك وانك مواطن مالكش دية ف البلد دى ،، ويمكن ده احساس مخصوص ( ملاكى ) يعنى للمصريين
انك عارف انك لاقدر الله لو وقعت ف مشكلة ،، مفيش حد هيقلب الدنيا عشانك ،،،، وعارف ان اى مشكلة هتقع فيها هتبقى الكفة دايما ميالة لابن البلد ولو على حسابك ،،، مالكش غير ربنا بقى تطلب منه حفظك وسترك انه يبعد عنك المشاكل والمصايب

يعنى دى شوية حاجات خلتنى اعيش حالة اكتئاب اول ماجيت هنا ،، يمكن دلوقتى احسن شوية من الاول،، يمكن مجرد تعود

بس دى خواطر حسيت وبحس بيها ف اول شهرين غربة بالنسبة لى وحبيت احكى عنهم

واخر حاجة :: انى بدعى حسبى الله ونعم الوكيل ف اللى خللوا شبابنا يطلع يتغرب ويتبهدل عشان يحاول يجيب فلوس بعد مالقى ان مفيش فلوس ف مصر

حسبى الله ونعم الوكيل ف اللى بالعين فلوس مصر ف بطونهم ومخلليين الام تتحرم من ابنها ،، والشاب يتحرم من اهله عشان يلاقى قرش يصرفه على بيته ويعيش بيه انسان

رغيت كتير وصدعتكم

بس الموضوع جه ع الجرح فنزفت
سلام ياشباب
وسلمولى على مصر واهلها وترابها

[SCOOP]

شكرا يا dentalman على مشاركتك الجميله دى فى الموضوع و ياريت كل واحد يحكى اللى هو فعلا حاسس بيه فى الغربه ..

و ننتظر منك اخى dentalman موقف تعرضت ليه كان بسيط او عديته بصعوبه عشان برده نتعلم منه و ناخد حذرنا , و ياريت الكل يحكى اى موقف و لو بسيط عشان الكل ياخد باله و يعمل حسابه ..

[Samer_eg]

حقيقي الموضوع جميل قوي وانا عن نفسسي مغترب عايش في امريكا ممكن كل اللي بيشوف كلمه امريكا بيقول انت حظك من السماء .. بصراحه الواحد بيفقد حجات كتير قوي في الغربه زي الأهل الأصدقاء واقل حاجه المشورة بينك وبين اهلك أو اصدقائك انا عايش في ولايه في الشمال ناس بالنسبه لي غريبه وحياة جديدة حتي الأكل بالنسبه لي مش هو الأكل اللي الواحد اتعود عليه من ايد الحجه الموقف اللي أثر فيه لما عرفت ان والدتي صحتها مش بخير ودخلت المستشفي وكانت بتعمل عمليه الموقف دة خاليني اكرة الغربه ومبفتش عارف اعمل ايه لاني مكنش معايا فلوس ارجع بلدي وكنت اصلا لسه واصل امريكا جديد وكنت بدون شغل ساعتها كنت علي استعداد اني ارجع بلدي علي شان اطمن علي والدتي واهلي بس الحمد لله ربنا كرمها وشفاها .. دة كان من اصعب المواقف اللي اثرت فيا حقيقي .. نصيحتي لكل مغترب بعيد عن بلدة العمل بكد اشتغل كتير ومتنساش ربنا لان القعدة حتفتح عينيك علي حجات ممكن تغير دنيتك واخرتك ومتنساش اهلك يا جماعه انا اعرف واحد صحبي مبيسالش في اهله فاكر انه علي شان في امريكا بقي خلاص ملك الدنيا وما فيها . وفي الأخر بدعي ربنا يوفقنا كلنا ويجعلنا شباب صالح لنفسه واهله ولبلدة

[SCOOP]

فعلا يا اخى سمير كلامك كله صح انا صراحه مش فى غربه عشان كده معنديش كلام اقدر اشارك بيه , و لكن فعلا موقف انك لازم ترجع و الفلوس مش مكفيه ده طبعا مؤلم جدا فى حد ذاته , و ربنا يسهلك و يكرمك ان شاء الله هناك , و شكرا على مشاركتك معانا و منتظرين اى مشكله تانى و لو متحلتش حتى ممكن هنا نشارك كلنا و نساعدك فى حلها و انك تعدى منها ازاى , و ان شاء الله ربنا ميجبش مشاكل ..

[محمد الماذون]

تسلم أخي الكريم

على الدعوة

فكرة جميلة

ياريت الكل يعمل بيها

[Tamo_]

موضوع جميل جدا وارجو من الاعضاء المغتربين التواصل ونعتبر هذا الموضوع فضفضة

لا تبخلوا علينا وعلى الاعضاء ببضعة كلمات توصف احساسكم بالغربة .

لو علم الناس ما نعانيه في الغربة لما تمنوا ان يتركوا الوطن ليلة

[tommy_4_love]

اسمحولى اشارك ف موضوع خواطر المغتربين ده

انا الاول مغترب دلوقتى بقى لى شهرين بس

طبعا انا متصور ان اسوأ فترة ف الغربة هى الفترة دى،، اول فترة
بتلاقى نفسك ف صراع وفى معاناة مابين كذا حاجة

الوحدة : خصوصا لو روحت مكان مافيش حد من اهلك ولا اصحابك سبقك وعايش فيه ،، وده اللى حصللى ، جيت مدينة عمر ماحد اعرفه جالها قبل كده ف السعودية وبالتالى بقيت حاسس انى وحيد من الاهل والمعارف وكل حاجة

حنينك لأهلك :: ساعتها بتعرف يعنى ايه أم ،، يعنى ايه زوجة ،،،يعنى ايه حد يقوللك حمدالله ع السلامة لما ترجع البيت ،، يعنى ايه تلاقى الاكل متحضر وهدومك مغسولة ،،، بتحس ساعتها انك كنت ف نعمة ماكنتش واخد بالك منها زى نعم كتيرة من ربنا وماحدش واخد باله منها

احتياجك للناس:: من الحاجات اللى بتاثر ف نفس الواحد انه يحس انه محتاج لحد ،، وده بردو بتحسه ف الفترة الاولى من الغربة ،، بتبقى محتاج ماديا ،، وبتبقى محتاج لحد يدلك ،، ومحتاج لحد يقوللك ،، على طول محتاج وعلى طول لاجئ ع اللى حواليك ،،، صعب طبعا

احساس الغربة نفسه،، وانك تحس انك مش ف بلدك وانك مواطن مالكش دية ف البلد دى ،، ويمكن ده احساس مخصوص ( ملاكى ) يعنى للمصريين
انك عارف انك لاقدر الله لو وقعت ف مشكلة ،، مفيش حد هيقلب الدنيا عشانك ،،،، وعارف ان اى مشكلة هتقع فيها هتبقى الكفة دايما ميالة لابن البلد ولو على حسابك ،،، مالكش غير ربنا بقى تطلب منه حفظك وسترك انه يبعد عنك المشاكل والمصايب

يعنى دى شوية حاجات خلتنى اعيش حالة اكتئاب اول ماجيت هنا ،، يمكن دلوقتى احسن شوية من الاول،، يمكن مجرد تعود

بس دى خواطر حسيت وبحس بيها ف اول شهرين غربة بالنسبة لى وحبيت احكى عنهم

واخر حاجة :: انى بدعى حسبى الله ونعم الوكيل ف اللى خللوا شبابنا يطلع يتغرب ويتبهدل عشان يحاول يجيب فلوس بعد مالقى ان مفيش فلوس ف مصر

حسبى الله ونعم الوكيل ف اللى بالعين فلوس مصر ف بطونهم ومخلليين الام تتحرم من ابنها ،، والشاب يتحرم من اهله عشان يلاقى قرش يصرفه على بيته ويعيش بيه انسان

رغيت كتير وصدعتكم

بس الموضوع جه ع الجرح فنزفت
سلام ياشباب
وسلمولى على مصر واهلها وترابها

كلالالالامك مؤثر جدا وحاسس بيه اوى
رغم انى مازلت طالب ومتغرب داخل حدود مصر

بس بتخنق لما اتغرب اسبوعين او ثلاثة
ربنا يستر عليا وعليك وعلينا كلنا

[romiro_hero]

بسم الله الرحمن الرحيم
السلام عليكم ورحمة الله وبركاتة
أنا من حوالى 12 سنة غريب ومتغرب فى السعودية شفت النصب فى التأشيرات وشفت التجارة فى أرزاق المصريين هنا وشفت الكفيل بياخد 200 و300 و500 فى الشهر على الشخص الواحد كلة حسب وضعة
وشفت الفيزا ب 5000 ريال وشفتها ب 30000 ألف جنية
شفت ناس قعدت 12 سنة ماينزلوش وناس قعدت 5 سنين
مش علشان نسو أهاليهم ولا علشان عليهم حكم تأبيدة
علشان اللى جاى على قد اللى رايح.
شفت كتير وقليل شفت العاشرة مساء وشفت 90 دقيقة وشفت وائل الأبراشى
شفت أحمد عز والعز اللى هو فيه
شفت يسرا وليلى علوى حاملين الشعلة الأولمبيه
شفت البيوت بتقع على سكانها وشفت مسكن الأيواء
أنا بس نفسى كل اللى نهبوها وسرقوها ربنا يبتليهم بسرطان
من كتر ماشفت بقى عادى لو أشوف لى قبر أدفن نفسى فيه
وربنا يسمع من اللى بيقول بكره هتتعدل....

[ahmedmester]

انا بدأت اخاف من الغربه

انا اخويا في الامارات وابن عمي في السعوديه

وبعرف اول باول عاملين ايه ده غير اصحابي

المفروض ان شاء الله قريب هسافر

نعمل ايه مفيش حلول كتير قدامنا غير الغربه رغم عيوبها الكتير قوي

ربنا يستر

[biyankoo]

انا بقي برده في اخر سنه في الكليه و ناوي اهج من لبلد اللي زي الفل

و احب اقول حسبي الله و نعم الوكيل علي اللي سرقنها و اللي بيخلونا

نهرب من البلد

[Ragia -Al afo]

Alsalamo alikom
Gazak Allah kol khair for that topic. I am studying now in Europe
I came since one year and one month......U will not believe me if I say that almost every day I cryyyyyyyy
The study is hard but I am happy cos I am learning something....
Here, they respect the humanbeing, everything is tidy, clean and good
But sometimes cos I wera HIJAB Alhamdoellha , I find them staring at me.....then I say to myself Alahmdoellah I am better than them 10000000000000000000000000 times
Alhamdoellah ala nema al Islam wa kafa beha neama

[احمدالقناص]

:detective2::detective2::detective2:السلام عليكم ورحمة الله وبركاته
موضوع جميل وباذن الله حشارك معاكم:thumbdown:

[احمدالقناص]

السلام عليكم ورحمة الله وبركاته
موضوع جميل وباذن الله حشارك معاكم:cocktail::cocktail::cocktail:

[احمدالقناص]

:42::42::sleep::31::31:السلام عليكم ورحمة الله وبركاته
موضوع جميل وباذن الله حشارك معاكم:0:

[احمدالقناص]

زداعااااااااااااااااااااااااااااااااااان:sleep::sl eep::sleep::oh::oh:

[احمدالقناص]

بااااااااااااااااااااااااااااااااااااااااااااااااي وشكراااااااااااااااااااا:2::glasses:

[احمدالقناص]

وي ياول ول ياول

[IORI YAGAMI]

اخى dentalman قال ما فيه الكفاية

انا لى سنة متغرب وحضيف حاجه صغيره على كلامه

قسما بالله ان الخير المنهوب فى مصر اكثر الف مره من اللى فى الخليج

بلدنا فيها ميه حلوه وده مش فى الخليج , فيها كهرباء وبترول وغاز وعدد سكان كبير وخير لا يحصى

وحسبى الله ونعم الوكيل فى اللى خلانا نسيبها ونطلع بره


انا عايز ارجع مصر