المساعد الشخصي الرقمي

مشاهدة النسخة كاملة : فزورة قديمةشوية

adel_makkar
24-04-2005, 02:27 AM
اول فزورة فى المنتدى اظن :rolleyes: و ده مش السؤال طبعا :D
الفزورة : لديك 12 كرة كلها لها نفس الوزن ماعدا واحده ، و لديك ميزان ذو كفتين
متاح لك إستخدام الميزان 2 مرات فقط للحصول على الحل ومش 3
الفزورة الاصلية للاخ aaaa42bbbb مشرف الاذكياء
adel_makkar
27-04-2005, 03:52 AM
اى حد يقول اى حاجة و حايتكو
popos_6
27-04-2005, 04:25 AM
انا بفكر فيها اهو
popos_6
27-04-2005, 04:41 AM
طبعا الميزان لازم يبقى بكفتين يعني هيكون بتلاته
ويا ريت تعرفني هو انا لازم استعمل الميزان مرتين بس عشان اعرف الكرة اللي مش من نفس وزن باقي الكرات يا ريت تعرفني عشان انا السؤال ده لازم اعرفه عشان احلهالك
almaeihm
27-04-2005, 11:00 AM
طيب سؤال يا عادل

اللغز الأصلي بتاع مشرفنا aaaa42bbbb كان طالب معرفة الكرة المختلفة.. مش كذا و بس.. لا هو كان عاوزنا نحدد هي اثقل أو أخف... طيب انته في سؤالك هذا المطلوب هو إيجاد الكرة المختلفة فقط و إلا كمان عايزنا نقول لك هي أثقل و الا أخف؟؟

أرجو الإيضاح
adel_makkar
28-04-2005, 04:05 AM
السؤال فيه خدعة صغيرة , وانا عايز احدد المختلفة فقط
almaeihm
02-05-2005, 02:43 PM
يا استاذ عادل

أنا أعتقد ان السؤال فيه حاجة مش مضبوطة

يعني بما انك ما حددت هل الكرة المختلفة أخف أو أثقل يبقى أنا عندي 24 إحتمال... وزنتين بس بالميزان هيدوني 9 احتمالات فقط!!!!!!!!!!!

طيب حتى لو فرضنا ان الـ 12 كرة ممكن يتقسموا إلى مجموعات و نعامل كل مجموعة ككرة واحدة و ليس كمجموعة كرات.. برضه تحديد المختلفة صعب جدا...

أنا بصراحة غلب حماري... مش عارف

أمال الأذكياء اللي في المنتدى فين... عاوزين مساعدة يا اخواننا

تحياتي
adel_makkar
02-05-2005, 03:05 PM
مانا كمان مستنى العباقرة و اللغز عبارة عن فكرة تنفيذ ومش هاوضح اكتر من كدة
الكابتن كيمو
02-05-2005, 04:02 PM
أحط 6 كور في كل ناحية
طبعا الميزان حيختل لوجود كرة مختلفة في الوزن
ح شيل كرة من كل ناحية
عندي احتمالين

1) لو الميزان اتعدل معناها ان كرة من اللي شلتهم مختلفة في الوزن عن الباقي
سعتها ح وزن اي كرة من الاتنين اللي شلتهم مع أي كرة أخرى
لو طلعت نفس الوزن يبقى التانية هي اللي مختلفة
لو طلعت مختلفة في الوزن يبقى هي الكرة التي نبحث عنها

2) لو الميزان فضل مختل يبقى الكرتين اللي شلتهم عاديين ساعتها ح شيل كرتين تانيين و هكذا لحد ما الميزان يتعدل
ساعتها ح نكرر الخطوة رقم 1
الكابتن كيمو
02-05-2005, 04:08 PM
غالبا الحل هيطلع غلط عشان مينفعش اشيل كور من الميزان
adel_makkar
02-05-2005, 08:00 PM
اخيرا يا كابتن كيمو حلتها والحل ممكن يتنفذ اثنا التحميل برضة وانا بحييك على الحل
laplac
02-05-2005, 08:11 PM
والله انا مش شايف حل غير حل الكابتن كيمو ... لانك قلت الحل اثناء التنفيذ .. يعني زي مالكابتن كيمو عمل ..
انا مع كيمو
الكابتن كيمو
02-05-2005, 08:13 PM
ايه ده يعني انا طلعت عبقري
من زمان و انا بقول اني خسارة في البلد دي :d
noor_409
02-05-2005, 08:42 PM
أنا غير مقتنع بالحل... لأن إزالة كرة من كل كفة في الميزان يعتبر استخدام للميزان ، لأننا بذلك نقوم بوزن مجموعتين مختلفتين.

مجرد رأي...
almaeihm
03-05-2005, 06:48 AM
أنا غير مقتنع بالحل... لأن إزالة كرة من كل كفة في الميزان يعتبر استخدام للميزان ، لأننا بذلك نقوم بوزن مجموعتين مختلفتين.

مجرد رأي...

أنا معاك يا نور

تغيير عدد الكور في كل كفة يعتبر وزنة جديدة

بصراحة الحل "مخيب للظن"... أنا كنت فاكره هيكون مقنع أكثر من كذا

تحياتي
adel_makkar
03-05-2005, 10:23 AM
براحة شوية الحل ممكن يكون غير مقنع لكن فكر شوية لان عند بداية التحميل ستبدأ بوضع الكرات فى الميزان ولو الكور دى فى حجم كور البولينج مثلا اكيد هاتحطهم على اجزاء اكيد و بالتالى فانت طالما حطيت اول كرتين ورايح عشان تحط الباقى يبقى انت لسة ما استخدمتش الميزان الا مرة واحدة
almaeihm
03-05-2005, 10:48 AM
براحة شوية الحل ممكن يكون غير مقنع لكن فكر شوية لان عند بداية التحميل ستبدأ بوضع الكرات فى الميزان ولو الكور دى فى حجم كور البولينج مثلا اكيد هاتحطهم على اجزاء اكيد و بالتالى فانت طالما حطيت اول كرتين ورايح عشان تحط الباقى يبقى انت لسة ما استخدمتش الميزان الا مرة واحدة
أنا معاك للآخر يا استاذ عادل

في البداية خلينا نفكر في حل الكابتن كيمو:

هو بيقول نحط ست كور في كل ناحية... دي وزنة

بعدين بيقول شيل كورة من كل ناحية... و هذا يعادل لو أنك فضيت الكفتين تماما و بعدين حطيت خمس كور في كل كفة... يبقى دي وزنة مختلفة... بقوا وزنتين

بعدين إذا كان الكابتن كيمو محظوظ فالميزان هيتعدل بعد الوزنة الثانية.. و لتحديد الكرة المختلفة من بين الإثنين اللي شلناهم يبقى هنحتاج وزنة كمان... بقوا ثلاث وزنات

يبقى يا عم عادل بالطريقة دي نحتاج 3 وزنات إذا كنا محظوظين... و أكثر من كذا إذا كان الحظ معاكسنا...

طيب يا عادل.. خلينا نشوف جوابك انت:

انت ممكن تجيب كور تنس أو كور قولف أو بولنج.. أو حتى من الكور اللي بيهدوا بيها المباني :D .. ده ما يهمش في حاجة (إلا إذا كان الميزان مش هيتحمل الوزن طبعا :))

طيب لما تحط الدفعة الأولى.. يبقى دي وزنة... و بعدين زودت عليها الدفعة الثانية يبقى دي وزنة ثانية.. و كمان انت بالوزنتين ذول لسه ما حددتش المختلفة.. و الله أعلم انت كم وزنة زيادة بتحتاج بالطريقة دي لمعرفة المختلفة...

و يا أخي لما انته عاز تحطهم على دفعات.. إشمعنى بتحط شوية في كل كفة.. ما تحطهم كلهم في كفة و بعدين تجيب الباقي و تعبي الكفة الثانية ;) ... لأن لو عملتها بطريقة الدفعات اللي انت قايل عليها يبقوا وزنتين بدون نقاش

و بعدين يا عادل زي ما قلت في ردي الثاني... الوزنتين بيطلعوا لك 9 إحتمالات بس... يعني حتى لو انت قلت لنا هل الكرة المختلفة أخف أو أثقل فهيكون عندنا 12 إحتمال... يعني وزنتين ما يكفوش برضه...

هذا رأيي و الله أعلم

تحياتي لك
adel_makkar
03-05-2005, 09:16 PM
يا جماعة انا اسف على اللغز لكن بجد عندنا فى الكلية مسائل تقريبا زى اللغز دة بتعتمد فى الاساس على طريقة التنفيذ يعنى اشوف المتاح واشتغل على الاساس ده وانا اوعدك ما احطش لغز زى ده يحتمل النقاش وانا اسف مرة ثانية
noor_409
03-05-2005, 09:35 PM
يا جماعة انا اسف على اللغز لكن بجد عندنا فى الكلية مسائل تقريبا زى اللغز دة بتعتمد فى الاساس على طريقة التنفيذ يعنى اشوف المتاح واشتغل على الاساس ده وانا اوعدك ما احطش لغز زى ده يحتمل النقاش وانا اسف مرة ثانية

لا داعي للأسف يا عزيزي... و أرجو ألا تكون تضايقت منا :)

و مرحباً بك و بألغازك و لو كانت تحتمل النقاش :D
الكابتن كيمو
03-05-2005, 10:40 PM
يا جماعة ما هو كده كده عشان افضي الميزان عشان اوزن من جديد لازم اشيل الكور واحدة واحدة .. و ساعتها الاحظ الميزان اختل و لا لاء .. يعني متعتبرش وزنة جديدة