الحقونى قبل ما اتعب نفسيا من الشاشات

[arabicsheref]

للعلم دى اول مره اجيب شاشه جديده ليا انا ... قبل كدا جبت اتنين مستعمل .. والمراد حصل الاتى
انا جبت شاشه ال جى فلاترون جديده موديل نوفمبر 2006 ب 510 وحجمها 17 بوصه وغيرتها مرتين بس لما ببص فيها عينى بتزغلل برضه وبالذات لما ابص عند الساعه تحت وعلامه ستارت والايقونات اللى جنب الساعه ... ياترى دا عيب صناعه ولا عيب اعدادات لانى مش عارف اظبط اعداداتها ... ياريت اللى عارف يساعدنى ... وياترى لو وديتها الضمان هيلعبو فيها ويبوظوها ولا اوديها مع انى لسه شاريها من اسبوع بالظبط ... ومبدلها قبل كدا ... شكرا ومستنى الرد

[arabicsheref]

يا جدعان حد يعبرنى ... حتى لو حد مش فاهم بس حد يقولى اى حاجه انا حاسس انى تايه فى الصحرا والمصحف

[scorpionhossam]

اخي الكريم
حاول تشيل كل حاجه من جمب الشاشه من سماعات وغيره .. وجرب كده .. وعلى فكره ده مش عندك بس ده تقريبا في اغلبيه معظم الشاشات .. بس جرب وقولي .. وان شاء الله اقولك حل اخر
والله الموفق لي ولكم

[walied]

السلام عليكم ورحمه الله وبركاته

خذ رأي اكثر من شخص ممكن يكون انت اللي بيتهيأ لك ان اكدوا العيب وديها الضمان .

[arabicsheref]

اولا بشكركو يا رجاله على ردكو وبجد الواحد كدا مبيحسش انه لوحده ... ندخل بقى فى الموضوع ... دلوقتى انا بدلتها قبل كدا من الضمان عشان الاولانيه كانت مزغلله برضه زيها بالظبط وثانيا بتصفر وهى شغاله وبتسخن بطريقه فظيعه ... الشاشه اللى خدتها متبدله طلعت مزغلله واضائتها ضعيفه بس مبتسخنش خالص عامله زى التلج لو شغلتها يوم متواصل ومبتعملش صفاره .. المشكله ان الاضاءه ضعيفه ولما ببص فيها بتودع عينى والكونتراست والبريتنس مش بيزودو حاجه اوى يعنى ... انا فكرت انه يكون كهربا لان شاشتى القديمه خالص كانت نفس الحوار بس كنت جايبها مستعمله ... دى بقى جديده وجايبها من ضمان ال جى اللى فى السخاوى ... وعلى فكره نصيحه لاى حد ناوى يجيب شاشه اوعى تجيب من ال جى السخاوى لان الضمان بتاعهم ابن حراميه ومعندهومش ضمير ونص الشاشات اللى فى الكراتين على انها جديده مفتوحه قبل كدا وانا شوفت بعينى لما طلعت الضمان فى بابا مقفول فتحته عشان اخش اشوف حد يبدلى الشاشه اول مره لقيت واحد بيزعقلى جامد اوى عشان فتحت الباب وكان فى شاشات فوق بعض كتير اوى وكلها عليها اكياس كأنها شاشات جديده وجمبها كراتين كتير ... يعنى بيصلحو الشاشات البايظه ويبيعوها على انها جديده ... انا المشكله انى مش عارف لو روحت الضمان هيلعبو فيها ويبوظوها ومش هينفع يبدلوها طبعا لانى بقالى اسبوع كدا جايبها وفى مصر مافيش ضمن بيفهم فى اى حاجه وكلهم بهايم .. الضمان الوحيد فى مصر المحترم هو ضمان نوكيا بتاع الموبايلات ... بقيت الضمانات كلها ناس فهلويه وناس بنت ستين فى سبعين معندهومش ضمير وحتى الحاجات كلها اندونيسى او ماليزى مافيش كورى ولا يابانى .. ببساطه لاننا شعب محدش بيحترمه وعدم الاحترام دا جاى ما بين الناس وبعضها قبل ما يكون من الناس اللى برا ... ربنا يرحمنا جميعا ...وليا طلب عند اللى يعرف يعمله ... اللى يعرف مهندس كويس اروحله بالشاشه يشوفهالى ويقولى اعمل ايه عشان مروحش الضمان كدا علطول يبقى احسن يعنى لانى مش واثق فى الضمان لدرجه محدش يتخيلها ...معلش طولت عليكو ... السلام عليكم ورحمة الله وبركاته

[arabicsheref]

اه وفى حاجه كمان حصلت ... الشاشه ساعات لما افتح الكمبيوتر بعد ما يخلص شاشه الويندوز ويجى welcome تطفى اسود وترجع تانى فى ثانيه ... انا اتخنقت على فكره ...

[Hisham_Eng]

غير ال refresh rate بتاع الشاشة خليه 85Hz

[arabicsheref]

احلى حاجه ان كل واحد بيقول رد غير التانى ههههههههههه والباشا اللى بيقولى اشترى lcd وريح راسك ... ماهو المشكله مش فى lcd ولا عاديه ... المشكله ان نص اللى فى مصر مضروب يعنى تجيب ارخص نوع عشان لو طلع مضروب مصيبتك متبقاش كبيره اوى

[arabicsheref]

ها لسه فى ناس هترد ولا خلاص هتنفضولى على كدا ؟

[walied]

السلام عليكم ورحمه الله وبركاته

شوف ياباشا زهقهم ده حقك اي عيب في الشاشة وديها علي الضمان همه طبعا هيحاولوا يصلحوا العيب لغايه اما يزهقوا ويبدلوها .

[arabicsheref]

السلام عليكم ورحمه الله وبركاته

شوف ياباشا زهقهم ده حقك اي عيب في الشاشة وديها علي الضمان همه طبعا هيحاولوا يصلحوا العيب لغايه اما يزهقوا ويبدلوها .

لا ياعم دولا ولاد كلب هيلعبو فيها ولو بدلوها هيدونى واحده طلعان عين ابوها اكتر منها ... الله يخرب بيتهم

[walied]

السلام عليكم ورحمه الله وبركاته

ياباشا لا تيأس من رحمة الله وحاول ومتسلمش لا يضيع حق ورائه مطالب

حاول تتصل بجمعية حقوق المستهلك خذ نمرتهم من الدليل وأعرض عليهم مشكلتك.

[arabicsheref]

السلام عليكم ورحمه الله وبركاته

ياباشا لا تيأس من رحمة الله وحاول ومتسلمش لا يضيع حق ورائه مطالب

حاول تتصل بجمعية حقوق المستهلك خذ نمرتهم من الدليل وأعرض عليهم مشكلتك.

كلامك سليم 100-100 بس المشكله انى ساكن فى الحى السابع والمول فى السخاوى وعشان ابدلها لازم اروح بالكرتونه وانا مش معايا عربيه فا دا موال وهيقولى سيبها نصلحها وحوارات انت بس يا باشا اللى طيب ومهما عملت حتى لو بدلهالى هيدينى واحده اوحش منها ... الظاهر خلاص الناس بقت متعرفش تعمل حاجه غير السرقه