المساعد الشخصي الرقمي

مشاهدة النسخة كاملة : أعزائي أليكم لعبة جديدة تخص منتدى المرأة والطفل ((epoo ))

فجرالإسلام
18-04-2005, 01:45 AM
بسم الله الرحمن الرحيم





أحبتي في الله ..

عندي لكم لعبه تختص بمنتدى المرأة والطفل..

وأدعوكم جميعاً للمشاركة في هذه اللعبة التي سوف تخص المرأة والأسرة والأبناء وما يتعلق بهم من مواضيع

وأرجو أن تجدوا فيها الفائدة والإستفادة ..

اللعبة عبارة عن أسئلة خاصة بقسم المرأة

وسوف يُترك المجال للجميع للإجابة ..


مثلاً أنا أضع سؤال ومن يأتي بعدي يجيب على السؤال كما يريد ( سواء بشكل مبسط أو موسع )

من خلال خبرته الشخصية أو من خلال قراءاته ومعلوماته .. بشرط أن يضع بعد ذلك سؤال جديد ..

وهكذا ..





ولا تنسوا إخوتي وأخواتي ..

1- أن يكون السؤال ضمن المجال المذكور أعلاه ..

2- ترقيم الأسئلة المطروحة حتي يسهل الرجوع إليها عند وضع الإجابات وقراءتها ,,

3- كما أنه يسمح لكل مشارك أن يجيب على أي سؤال من الأسئلة السابقة ولكن بشرط الإجابة أيضاً على السؤال الأخير المطروح .. بالإضافة إلى وضع سؤال جديد .





أعزائي...

بتواصلكم ومشاركتكم معنا يدوم سرورنا

فلا تبخلوا علينا وعلى أنفسكم بالإفادة والاستفادة ,,

وجزى الله خيراً كل من يحضر ويشارك .

تقبلوا تحياتي

epoo
فجرالإسلام
18-04-2005, 01:47 AM
والسؤال الاول هو :

ما هي أساليب الحياة السعيدة بنظركم ؟؟

وأرجوا منكم بعد الإجابة عن السؤال وضع سؤال جديد
crimzon red
18-04-2005, 04:53 AM
أساليب الحياة السعيدة؟ (انت متأكد انه دي لعبه يا ايبو ولا حصه تدبير منزليhttp://smilies.sofrayt.com/fsc/doh.gif)

انت عايز لسته يعني؟ الصبر.(ده مختصر اللسته http://smilies.sofrayt.com/%5E/r/nahaha.gif)

السؤال، خلي بالك هو مهم جدا.
كيف تصنع الملخيه. (هي بتصنع ولا تطبخ؟ :o )
dynameta
18-04-2005, 11:15 AM
شكرا يا اخ ايبو على الموضوع او اللعبه
الفكرة كويسه بس السؤال الاول فعلا عاوز موضوع لوحده

اما اجابه سؤال كريمزون :
انا مش عارفه اصلا ان كنتى بتسالى بجد ولا بيتختبرى الولد اللى هيدخل وراكى ؟؟
هقولك باختصار
بعد ما ( تخرطى ) الملوخيه ..
بتحطى شوربه على النار و تحطى فيها توم و بعد ما تغلى شويه صغيرين تحطى الملوخيه ...كويس؟؟
اول ما تبدا تغلى ..اطفى عليها ..( ما تسييهاش تغلى )
وبعد كده تعملى التوم بتاع ( التقليه ) ...( يعنى معلقه سمنه فيها توم و كسبرة وتحمريهم )
ولما يتحمر التوم ده تحطيه على الملوخيه و وتغطيها شويه ( دقيقتين مثلا عشان تاخد الريحه )
وتسخنيها تانى بس بردو ما تخليهاش تغلى اوى
ومتنسيش طبعا الملح

س:
ايه هى كيفيه استخدامات خل التفاح
سواء فى الاكل او للريجيم او للماسكات ؟؟
فجرالإسلام
18-04-2005, 06:55 PM
بجد الموضوع بتاعك يا ديناميتا صعب شووووية

حد غيرى يتكلم لو سمحت وانا هقول سؤال


هههههههههههههههههههههههههههههه

انتو قلبتوها ملوخية ماشى ايوة كدة يا ديناميتا اية الحجات دى

هوة دة الكلام

الي بعدى ازاى بتتعمل الرز ؟؟؟

عشان عايز اتعلمو

epoo
ramaa
18-04-2005, 09:05 PM
طريقه عمل الرز ؟!!!!!!!!!

ده سهله جدا .......

شوف .اول حاجه تجيب كميه الارز المراد طهوها ...وتغسله كويس (طبعا ميه بس :D )

وتسيبه نصف ساعه وبعدين تصفيه وتنزل مي عليه ...

وبعدين ....في حاله عندكم براد كهربائي تملاه ماء وتخليه يغلي..(للتسهيل والسرعه)

وتجيب طنجرة وتحط فيها شويه زيت ذرة او دوار الشمس....

ولما يحمى ......بتحط عليه الارز ...بنفرض انكم مثلا بتطبخوا كاستين ارز

بيكون تحط كاستين ماء...وتحط شويه ملح ...

وبعدين تسيبه يغلي والارز يشرب الماء بس قبل ما يتحرق ..تقلبه وبعدين تنقله

على عين صغيرة وتخلي النار هادئه جدا عشان مش يشيط:smiletest

وبعدي هياخذ كده من 45 الى 30 دقيقه ...وبعدين بالهنا والشفا :)

واذا حابب تعرف ازاي الارز بالشعريه فده سهل ...تحمر شعريه في الزيت من البدايه

اما اذا حابب تعرف طريقه عمل ارز بتاع الارز بالخلطه ...

فده موال تاني .......

بس طبعا اسهل حاجه ...ان يكون عندكم الحله الكهربائيه بتاعت الارز بتسهل كتير:D
dynameta
18-04-2005, 10:13 PM
فين السؤال يا راما؟؟
فجرالإسلام
19-04-2005, 02:56 AM
هوة رز ولا خارطة الطريق صعبة اوووووووووووووى

وتقولى سهههههههههههل ههههههههههههههه

epoo
ramaa
19-04-2005, 08:51 PM
هوة رز ولا خارطة الطريق صعبة اوووووووووووووى

وتقولى سهههههههههههل ههههههههههههههه

epoo
:eek: :eek:

هو كده صعب ده كله في خمس دقايق :)
dynameta
19-04-2005, 09:26 PM
يا راما متنسيش انهم ولاد بردو
اكيد معجزة بالنسبه لهم لو عملوا حله رز من غير خساير
معلش معلش
ممكن نبقي نخترعلكم طريقه سهله عن كده شويه لو حبيتوا
egyptianlion
22-04-2005, 07:16 PM
طب سؤال اسهل لحد ما راما تفتكر سؤالها :)

أذكر طريقة عمل المكرونة ( من غير ما تنقلها من على الكيس ! :p )
dynameta
22-04-2005, 09:57 PM
اقولك انا يا جيببو :5bowtie:



بص على ضهر الكيس وانت تعرف :p
egyptianlion
23-04-2005, 01:32 AM
لا لعلمك انا ليا خبرة كبيرة اوى فى عمل المكرونة !

وبالذات ايام الإمتحانات ساعات اروح اقعد فى شقة العيلة لوحدى ( عشان المفروض اذاكر ) بهرى نفسي مكرونة لغاية ما لسانى يبقى لسان عصفور وبطنى تبقى مقصوصة ورجلى اسباجيتي ! :o

وباعرف اعمل 4 انواع من المكرونات ! :)

1 - مكرونة من غير ملح ( اكتشاف علمى خطير : لو نسيتي الملح اثناء سلق المكرونة .. انسي تعرفى تصلحيها تانى ! )
2 - مكرونة من غير صلصة ( ساعات الطماطم والصلصة و السمنة ( او الزبدة ) بترفض التطبيع مع بعض ! )
3 - مكرونة من غير مكرونة ( لما يقع منى 3 / 4 الكيس على الأرض وانا ماسك ميت حاجة فى وقت واحد )
4 - مكرونة ينفع تتاكل ! ( كل ما اخلص دورة كاملة من ال 3 انواع اللى فاتت :( )
golog
23-04-2005, 01:47 AM
احب اهنى الاخ ايبو
علىالموضوع رائع وحيلاقى ان شاء الله اقبال كبير
وازى الصحة يا ايبو يارب تكون بخير....
-
---------------------------------------------------------------



ما شاء الله عليك يا اسد امها داعية عليها اللى حتتجوزك يا محمد ..

فعلا رجل مثالى وطباخ درجه اولى .!!!!! دا طبيعى لواحد فى علوم طبعا....

---------------------------------------------------------------------------------------------
وياترى شباب المنتدى بيعرفوا يطبخــــــــــــــــــوا ايه تانى؟
غير الــــــــــشاى والبيض المسلوق دا ازى كنتوا بتعرفوا تعملوهم اساسا...
dynameta
23-04-2005, 01:56 AM
لا و الله جيببو اثبت شطارة فائقه و مجهود جبااار
استمر يا جيببو
مستقبلك باهر
بس فى نوع تانى من المكرونه اسمه " كبسه المكرونه "

وده بقه لما تطلع المكرونه زى الفل الا حاجه وااحده بس
انك نسيتها شويه فى الميه ...فاتسلقت بزمه

تطلع كلها حته واحده

و على كل ...بالهنا و الشفا
egyptianlion
23-04-2005, 04:30 AM
ما شاء الله عليك يا اسد امها داعية عليها اللى حتتجوزك يا محمد ..
فعلا رجل مثالى وطباخ درجه اولى .!!!!!


ليه هوه انا حتجوز سيدة اعمال حترجلنى ( عكس تستتنى ) فى البيت؟ :p

- المفروض ان ده تعدى على تخصصاتها ! .. وانا محبش اتدخل فى شغلها ! :D

انما لغاية ما تشرف بقى :rolleyes: .. ربنا يتولانى ! :5headache
egyptianlion
23-04-2005, 04:35 AM
بس فى نوع تانى من المكرونه اسمه " كبسه المكرونه "
وده بقه لما تطلع المكرونه زى الفل الا حاجه وااحده بس
انك نسيتها شويه فى الميه ...فاتسلقت بزمه
تطلع كلها حته واحده


...... مانا نسيت اقولك ان الأربع انواع بيطلعوا كده :D

يا اما تطلع نية شوية وفيها نشا ! ، فبفضل المكبوسة دى !!

انما تطلع ليها علاقة باللى باكلها فى البيت ؟ ؟ - hopeless case ! :5shocking
ramaa
23-04-2005, 11:04 PM
يا راما متنسيش انهم ولاد بردو
اكيد معجزة بالنسبه لهم لو عملوا حله رز من غير خساير
معلش معلش
ممكن نبقي نخترعلكم طريقه سهله عن كده شويه لو حبيتوا

ما انا قلت يجيبوا حله الكهربا......

ويشتروا راحتهم:)
ramaa
23-04-2005, 11:07 PM
لا لعلمك انا ليا خبرة كبيرة اوى فى عمل المكرونة !

وبالذات ايام الإمتحانات ساعات اروح اقعد فى شقة العيلة لوحدى ( عشان المفروض اذاكر ) بهرى نفسي مكرونة لغاية ما لسانى يبقى لسان عصفور وبطنى تبقى مقصوصة ورجلى اسباجيتي ! :o

وباعرف اعمل 4 انواع من المكرونات ! :)

1 - مكرونة من غير ملح ( اكتشاف علمى خطير : لو نسيتي الملح اثناء سلق المكرونة .. انسي تعرفى تصلحيها تانى ! )
2 - مكرونة من غير صلصة ( ساعات الطماطم والصلصة و السمنة ( او الزبدة ) بترفض التطبيع مع بعض ! )
3 - مكرونة من غير مكرونة ( لما يقع منى 3 / 4 الكيس على الأرض وانا ماسك ميت حاجة فى وقت واحد )
4 - مكرونة ينفع تتاكل ! ( كل ما اخلص دورة كاملة من ال 3 انواع اللى فاتت :( )

ههههههههههههههههههههههههههههههههه

:D :D :D لا والله

على كدة عنلقبكم بالشيف اسمامه السيد:)
egyptianlion
23-04-2005, 11:24 PM
على كدة عنلقبكم بالشيف اسامه السيد:)

ممكن ! .. ماهو " اسامة " برضة من اسماء " الأسد " ! ;)
ramaa
23-04-2005, 11:52 PM
ممكن ! .. ماهو " اسامة " برضة من اسماء " الأسد " ! ;)

:)

ده بجد ملعوبه جوووووووووون

ما شاء الله على حضور الذهن ...:cool:
هانى احمد
24-04-2005, 04:15 PM
فين السؤال اللى هجاوب عليه؟:redface:
dynameta
24-04-2005, 05:37 PM
شيف ايه بس يا راما ...انتى عاوزة تودينا المستشفى واحد ورا التانى ولا ايه ؟؟؟
جيببو اللى هيطبخ لنا ...مش هاكل ...سورى يا اسد مصر
بس اصلى مش بحب المكرونه ...

حد يقولنا المسقعه بتتعمل ازاى ؟؟
egyptianlion
24-04-2005, 06:05 PM
يااه بسيطة جدا !

حظك حلو ان الشيف " الأسد " السيد هوا اللى حيرد بنفسه ! :cool:

المسقعة يا ميتا بتتعمل من باذنجان يتم تقشيره جيدا ثم تقطيعه ثم وضعه فى الثلاجة " ليسقع " ! :D

وبالهنا والشفا :5crackup:

( على فكرة يا جماعة ، اى حد عنده طريقة " مختلفة " لأى اكلة سابقة يقولها برضه ! .. للفائدة العامة ! .. مش لازم تاخدوا بكلامى وتبطلو ابتكار! :5bouncy: )

السؤال التالى :

لا خلوها عليكم المرة دى .. بس بلاش اكل المرة دى عشان الواحد جاع مع انى لسه متغدى ! :p :o
dynameta
24-04-2005, 06:23 PM
ياا ....شكرا السيد الشيف اسد مصر
سهلتولنا الطبخ خالص
بقي المسقعه بتتعمل كده بس ...امال ايه العك اللى كنا بنعمله زمان ده ؟؟؟
قال طماطم وتوم و فلفل و بطاطس وشغلانات جامده جدا عشان تتعمل فى ساعتين و تتاكل فى دقيقتين

لا ...دنا ههريهم مسقعه للصبح بقه ...الف شكر يا اسد مصر
بس ممكن تحط سؤال؟؟
ramaa
25-04-2005, 10:48 PM
انا ممكن احط .........

حدا يعرف كيف يسوي مقلوبه ؟؟؟؟؟؟؟

اذا مش بتعرفوا خبروني وانا اعطيكم طريقتها
dynameta
26-04-2005, 12:46 AM
راما
اقولهالك بطريقه الشيف " اسد مصر " ؟؟؟

بصى اعملى اى اكله تحبيها و روحى قالبه الطبق اللى هيه فيه ....بقت مقلوبه
ramaa
26-04-2005, 07:44 PM
راما
اقولهالك بطريقه الشيف " اسد مصر " ؟؟؟

بصى اعملى اى اكله تحبيها و روحى قالبه الطبق اللى هيه فيه ....بقت مقلوبه


ههههههههههههههههههههههههههههه

لا جبتي التايه :eek:

لا طبعا مش كده :smiletest المقلوبه ديه اكله اعتقد ان اصلها فلسطيني;)

بس كده كفايه اديني سهلتها :D
فجرالإسلام
29-04-2005, 06:01 AM
انتى شكلك يا متفجرات مش بتعرفى تعملى حاجة وعمالة تتكلمى وخلاص عايزين نشوف منك حاجة راما الي بتتكلم على طول ال مسقعة ال
فجرالإسلام
29-04-2005, 06:02 AM
انتو بتتكلمو فى حاجة قديمة اووووووى خلونا فى الجديد
ramaa
30-04-2005, 11:11 PM
انتى شكلك يا متفجرات مش بتعرفى تعملى حاجة وعمالة تتكلمى وخلاص عايزين نشوف منك حاجة راما الي بتتكلم على طول ال مسقعة ال

المسقعه ........

بالرغم اني مش بحبها بس مش مشكله هاخبركم عن طريقتها....

اول حاجه تجيب الباذنجان الكبير اللي مدور....

ويقطع حلقات تقريبا سمكها ما يزيد عن 2سم....وانا بفضله انه يقشر ....

وبعدين يغسل بالماء...ثم يصفى....ثم يترك في الملح ...ويترك فيه حوالي ربع او

نصف ساعه...والملح عشان ما يتغير لونه .......وكمان عشان ما يشرب زيت كتير

وبعدين ننتقل للحم المفروم .......

هتجيب اللحم المفروم ونضع عليه بصل مفروم .....ممكن تضع الاول البصل على النار

لين يصبح لونه ذهبي...وبعدين تضع عليه اللحم المفروم ...

او ان يوضع بدون تحمير......وبعدين نحط ملح وفلفل ....

ولما اللحم ...يشارف على الاستواء ممكن وضع فلفل رومي قطع صغيرة عشان يعطي

نكه لذيذه للحم.....وبعدين نضع معجون الطماطم او الصلصه ....بكميه مناسبه...

ويترك على النار...اهم حاجه انه اذا زاد الماء على اللحم ممكن نكشف الغطاء عن

الطنجرة عشان يتبخر ...وتكون العصاج متسبك.....

وبعدين نحضر حله لقلي الباذنجان....نضع زين ونخليه لين ما يحمى ....

طبعا بالقلي معروف ان النار تكون مرتفع لحتى يحمى الزيت ...بس لما نبدأ بقلي الطعان

بنخفض الحرارة ...عشان يستوي بدون شياط .....

وبعد قلي الباذنجان ....وتصفيته جيدا من الزيت....

نحضر صينيه فرن ......ونضع اللحم المفروم في الاسفل ...ومن ثم نضع الباذنجان

وبعدين نشعل الفرن ......من 10 الى 15 دقيقه عشان يسخن ........

وبعدين نضع الصينيه الى ان يحمر الباذنجان .....

وبعدين بالهنا والعافيه .......
dynameta
30-04-2005, 11:28 PM
الف شكر يا راما على طريقتك ...
ليه محطيتيش سؤال
ramaa
30-04-2005, 11:50 PM
انا حطيت سؤال ولسه مش حد جاوبه .........

هيفضل موجود ليوم التلاثاء اذا ما حدا جاوبه راح اجاوبه واحط غيره
فجرالإسلام
04-10-2005, 12:01 AM
فين السؤال يا راما

او حد تانى يقول سؤال