ممكن نحلل فيلم سوا؟نبتدي بـ umrao jaan

[atticus]

ازيكم.. بخطف ساعه بسرعه اعمل فيها الموضوع ده قبل ما ادعك في المذاكره و قرف الامتحانات:crazy000: و مع الاسف مش هبقي موجود كتير لحد ما ربنا يكرم بالاجازه بقي

الفكره هنا اننا نمسك فيلم و نحلله و نفصصه سوا

يعني نفكر في كل جوانبه من تمثيل- اخراج - تصوير- موسيقي- ديكور - ملابس- قصه - سيناريو... الخ

طبعا موضوع زي ده ياريت ونبي بلاش الاقي فيه كلمه مشكور يا مان

-------------------------------------------------------------------------------------
المهم انا اللي هبتدي بفيلم

umrao jaan

بطوله ايشوريا راي- ابيشيك باتشان - شبانه عزمي - سونيل شيتي

http://i.indiafm.com/posters/movies/06/umraojaan/still13.jpg

طبعا كلنا عارفين قصه الفيلم و في السريع كده عشان اللي مش عارفينها

هي قصه اميران بنت صغيره اتخطفت و هي طفله لأن و الدها شهد ضد احد القرويين
فخرج من السجن خطف الابنه و باعها لبيت دعاره و هناك غيروا اسمها لأومراو جان ادا
و اتعلمت فنون الرقص والغناء و الشعر ... ......الخ
طبعا تقابلت بعد كده مع فتي الاحلام ابيشيك باتشان واللي اسمه نواب سلطان
و استمرت قصه حبهم كام شهر
تحدي فيهم ابوه اللي طرده و بعدها تخلي عنه اصدقاءه و سافر لمنزل احد اخواله

http://i.indiafm.com/stills/06/umraojaan/still8.jpg

في نفس الوقت استغلت اومراو احد معجبيها فايز علي و اللي كان ارهابي ذلك العصر
عشان يروح بيها للمدينه اللي فيها نواب سلطان - نواب قابل فايز قبل مقابلته لأومراو
و طبعا سمم افكاره تجاهها و قال انها خانته .. الخ
النتيجه التقليديه لما نواب شاف وشها.. غوري من وشي مش عايز اشوف لك خلقه
حاولت ترجع لأهلها خصوصا بعد غزو الانجليز للمدينه اللي كان يها بيت الدعاره.. و المنطقي انهم طردوها :shutup00:

http://i.indiafm.com/stills/06/umraojaan/still24.jpg

قصه مكرره في افلام كتير بس مع الاسف ان القصه دي حقيقه جدااااااا و اللي مش مصدق يراجع موقع ويكيبيديا
لأن شخصيه اومراو جان و القرف اللي شافته كان حقيقي و المشاهد اللي في الاول لما في راجل عجوز بيسمعها ده كان كاتب و شاعر اردي مشهور هو اللي كتب قصتها الحزينه دي و خلدها في تاريخ الادب في الهند

نبتدي تحليل بقي في الفيلم
انا عن نفسي همسك نقطه القصه خصوصا اني شفت الفيلم القديم واللي الظلمه المفتريين قالوا عليه كلاسيك

كمقارنه بالقديم بصراحه الجديد يكسب
القصه متماسكه في بعضها اكتر
في تسلسل منطقي للأحداث
و في حوار مكتوب حلو و متطور بين الشخصيات
يعني الحوار بيوصل لشئ مش رغي فارغ و بس زي كتير قوي من الافلام الهندي
مفيش قفزات زمنيه مفاجئه بالعكس كله ماشي في تسلسل منطقي للحدث والسيناريو مترابط جدا
كل ده زي الفل بس......................................

الفيلم طويل بشكل يغيظ و يفقع
مش عارف ليه بصراحه و الطول ده كله جه منين
يعني هو كان ممكن لو قسموه يبقي مسلسل اومراو جان و هيبقي ساعتها مسلسل ناجح
ولايق عليه اللت والعجن بتاع المسلسلات بكل الطول اللي فيه ده
انا متفهم جدا وجهه نظر الناس اللي كانت قاعده في السنيما و هي بتتفرج عليه
اكيد فطسوا و هما في كراسيهم

http://i.indiafm.com/stills/06/umraojaan/still50.jpg

حاجه تانيه ان الفيلم مش مناسب للوقت اللي احنا فيه
يعني فكره العاهره ذات القلب الذهبي زيما بيسموها مش فكره مستحبه قوي
خصوصا في الافلام الشرقيه و خصوصا في الزمن ده محدش بقي له خلق للرومانسيه الزياده بتاعت الفكره دي
و معاناه العاهره اللي اجبرتها الظروف علي الهم التقيل ده

انا كده خلصت اللي بعدي يكمل بقي و ممكن يناقش اكتر من نقطه

و ممكن برضه اكتر من عضو يناقش نفس النقطه بس طبعا من غير تفنيد في رأي اللي قبله

و ياريت مش عايز ردود شكرا عشان ده مش موضوع شكر ده موضوع مناقشه بينا

تحياتي

ميدو

[mohamed_a_d]

تموت انت في المواضيع الجماعيه مش كده :bye10000: ... عموما فكره حلوه يا ميدو

انا بقي همسك نقطه الديكو و الملابس ده كده اولا

بصراحه الفيلم ده انا معرفش ازاي لجنه الاوسكار فلت منها في الترشيحات في الفئتين دول فئه احسن ملابس واحسن ديكور

http://i.indiafm.com/posters/movies/06/umraojaan/still2.jpg

طيب بلاش الاوسكار و اللي سمعت ان ايشواريا كان نفسها قوي الفيلم يترشح لها من كتر الاتقان اللي فيه

جوايز الفيلم في الهند ليه فيلم زي ده فلت منها

كل مشهد فيه عباره عن لوحه حقيقيه وتنفع تتاخد خلفيه للكومبيوتر..فعلا منتهي الاتقان و واضح جدا كم الجهد المبذول فيه.. سواء في الديكورات او الملابس..يعني مثلا كل المشاهد اللي معموله في بيتها وحجره نومها جزء كبير منها كان في بيت حقيقي ( بس مش فاكر اسم المدينه ايه) و تم اضافه ديكورات له و بناء بعض الديكورات طبعا

http://i.indiafm.com/stills/06/umraojaan/still35.jpg

مثال اخر ان البيت اللي كان ابيشيك بيقابلها فيه برضه بيت حقيقي.. هنا مقصدش اقول ان مهندس الديكور عمل جهد قليل بالعكس تماما مهندس الديكور هنا اختار بيوت قديمه عشان توحي فعلا بالعصر ده و عمل جهد واضح في انه يظهر الطابع الهندي الجميل في العصر ده و اللي ظهر عليه استخدام بعض الاشياء الغربيه ( يعني كان في مشهد مثلا في بيانو في الغرفه)..
حجم الانتاج العالي واضح جدا في ديكورات الفيلم يعني مثلا تخيلوا ان الصوره دي اللي قاعده عليه ده مرجيحه :in_love0: ...ممكن ابيع بيتنا كله عشان اشتري واحده زيها دي (جتنا نيله في حظنا الهباب)

http://i.indiafm.com/posters/movies/06/umraojaan/still12.jpg


حاجه تانيه في ملابس الابطال و اللي علي ما اعتقد انها كانت مناسبه جدا للعصر ده طبعا انا معرفش تاريخ الملابس في الهند بس طبعا لاحظت ان محدش لبس ساري خالص .. لأن الاحداث بتدور في مقاطعه مسلمه من الهند و حتي اللغه الاولي لها الارديه ومظنش الساري ابو بطن عريانه كان منطقي في المناطق دي

http://i.indiafm.com/stills/06/umraojaan/still14.jpg

بس طبعا لاحظت ان الوان الملابس اتعلمت بطريقه عشان تليق و تحاكي خلفيات الديكور و احيانا برضه كانت خلفيات الديكور بتتعمل بألوان كأنها معموله بس عشان تليق علي الوان عيونهم!!

http://i.indiafm.com/posters/movies/06/umraojaan/still1.jpg

عارف ان دي نقطه هتعتبروها غريبه بس مثلا في اخر اغنيه في الفيلم اللي كانت لابسه فيها ازرق و الخلفيه وراها زرقا ولا حظوا لما الكاميرا بتركز علي وشها قوي و مدي زرقه عيونها و اللي هي اصلا مش بالدرجه دي .. عن نفسي حسيت كأنها معموله كده مع الخلفيه

كذلك في مشهد جلوسها علي المرجيحه و هي لابسه بنفسجي و التنجيد بتاع المرجيحه برضه بنفسجي

يعني بصراحه مصمم الديكور و الملابس كانوا رايقييييييييييين قوي و عملوا شغلهم بفن عالي عشان يقدموا متعه بصريه عاليه للمشاهد

http://i.indiafm.com/stills/06/umraojaan/still54.jpg
ملاحظه تانيه علي الملابس.. هي البذخ العالي جدا فيها....كم ثراء غير طبيعي في الملابس و الوانها و الاكسسوارات اللي عليها .... الخ و علي الرغم من كده ( مش انا اللي ملاحظ ده طبعا ) في بعض المشاهد تلاقي الابطال لابسين هدوم كلها متاخده من نفس القماش بالظبط و ده سواء رجال او سيدات !!!

انا عارف اني استخدمت صور كتيره بس حبيت اوضح وجهه نظري و رب صوره تغني عن الف كلمه

===============

بالنسبه لموضوع طول الفيلم يا ميدو و دي نقطه داخله شويه في الموسيقي و الاستعراضات واللي كتير منها كان متاخد من اغاني تراثيه عندهم علي اغاني جديده ... بصراحه الفيلم عايز يتقص منه 99% من اغانيه
الفيلم فيه 11 اغنيه تقريبا و كل اغنيه مدتها تتراوح ما بين 6- 8 دقايق .. كتييييييييير جدا جدا لو حسبناهم علي 10 اغاني بس و كل اغنيه 6 دقايق يعني 60 دقيقه يعني ساعه كامله كان ممكن تقل من الفيلم لو حذفنا كل ده

بس طبعا مينفعش يكون فيلم هندي من غير استعراضات دي حاجه... حاجه تانيه الفيلم عن حياه عاهره و راقصه.. يعني لازم نجيب حاجه من حياتها الراقصه يبقي علي الاقل اغنيه واحده كانت كافيه و هي في وجهه نظري اغنيه سلام ... اللي غنتها في حفل تقديما و كانت لابسه الساري الذهبي

http://i.indiafm.com/stills/06/umraojaan/still36.jpg

و الاغنيه دي علي الرغم من طولها المبالغ فيه جدا جدا الا انها اجمل اغاني الفيلم علي الاطلاق و افضل لحن و افضل رقص لأيشواريا راي في كل حياتها المهنيه.. حركاتها معقده جدا و رغم كده عملتها بتمكن شديد

طبعا الموسيقي في الفيلم جيده و اقول جيده و ليست ممتازه لأن مهما ان كان يظل تذوقنا للفن الهندي القديم ضعيف لأن دي مهما ان كان ثقافه مختلفه و احنا بعيدين عنها.. يعني ممكن نقدر الحان الاغاني الحديثه لكن هنا الحان الفيلم معموله بطريقه مغرقه في القدم و دي طبعا نقطه تحسب لصناع الفيلم لكن تمنع عنا تذوقها و تذوق جمالها بطريقه كامله

بالنسبه للأغاني انا مقتنعتش غير بأغنيه سلام و بقيه الاغاني حسيتها ضعيفه قوي و محشوره حشر

حاجه تانيه في طول الفيلم... بالنسبه لي ( و علي فكره انا كمان شفت الفيلم القديم لريخا) ان الفيلم الحديث كان لازم ينتهي علي نفس مشهد الفيلم القديم يعني لحد ما امها واخوها طردوها من البيت.. كل المشاهد اللي بعد كده بما فيها الاغنيه .. كلها زياده كان ممكن تتقطع بسهوله و من غير اي تأثير سلبي علي المشاهد

بجد الفيلم ده لو كانت مدته ساعه و نص مثلا او ساعتين الا ربع بالكتير كان هيفرق قوي و كان هيبقي افضل.. غير ان تقبل الناس له كان هيكون احسن.. خصوصا انه فشل بقوه في الهند و الغريب انه نجح بالخارج ( بس مش نجاح ساحق )

انا بجد المره دي طولت قوي قوي قوي
كفايه و تصبحوا علي خير

[mohamed_a_d]

علي فكره انت ادتني فكره كويسه.. نعمل مسابقه احسن تقرير او نقد او مراجعه و تحليل ( اهم حاجه متبقاش مجرد سرد و حكي للفيلم و بس) سواء بقي عمل جماعي او فردي.. ايا كان حسب المشتركين.. بس طبعا مش هنبتدي فيها دلوقت خااالص لأن ده موسم الامتحانات.. فغالبا هيبقي بعد الموسم ما يخلص وانا عارف ان معانا نسبه حلوه هنا من طب و صيدله و اسنان و امتحاناتكم يا حلوين بتخلص في اخر يونيو :shutup00: ..يعني ممكن تتعمل علي اول شهر يوليو كده:busted_r: ..متأخر قوي بس مش مشكله اهو نضمن ان كلنا نبقي اجازه و فاضيين :msn-wink: و يبقي في مشتركين كتير.. و ممكن نعتبر موضوعك تدريب عليها و مثال نمشي عليه في التحليل :icon30:

صحيح نسيت اقولك.....شكرا يا مان :harhar10: :harhar10: :harhar10: :harhar10:
:harhar10: :harhar10: :harhar10: :harhar10: :harhar10: :harhar10: :harhar10: :harhar10: :harhar10: :harhar10:

[atticus]

صحيح نسيت اقولك.....شكرا يا مان

بففففففففففف -------- فسرها انت دي بقي

[mohamed_a_d]

بففففففففففف -------- فسرها انت دي بقي

مش عارف افسرها :harhar10:

[mohamed_a_d]

طبعا بما ان محدش معبرك و الكل امتحانات ..( شويه و انا كمان هختفي لي بتاع تلات اسابيع او شهر عشان مذاكرتي نا كمان)فقلت اعبرك بقي في نقطه كمان و هي التمثيل
بصراحه مش هحلل غير تمثيل ايشواريا .. عشان لو حللت البقيه و منهم ابيشيك عارف ان في ناس هنا هتقولي انت متحيز ضده فهسكت خالص و حد غيري يحلل تمثيله

المهم ... انا شايف ان اداءها مجملا كان قوي جدا و مناسب لطبيعه الشخصيه المرسومه لها.. و لها مشاهد قويه جدا و صعب اني اتخيل اي طريقه تانيه كانت تتعمل بيها غير كده ( مثلا لما عرفت ان ابيشيك سافر و قعدت لوحدها علي سريرها تعيط و الطريقه اللي ايديها بتشد بيها علي مفرش السرير)


برضه مقدرش انكر مشاهدها و هي عامله ست عجوزه .. صحيح الصوت فلت شويه منها في بعض المشاهد و مبانش عليه العجز قوي بان كأنها بتقلد العجزه بس مجملا معقول جدا

بس اجمل مشاهد علي الاطلاق لما اهلها طردوها ...... فعلا اداء رائع و تعبير وشها و هي ماشيه ساكته مذهوله و علي وشها مراره و عيونها بتدمع رهيييييييييب.. و بعدها تقابل الشحات المجذوم و هو بيدعي لها لما تدي لها دهبها .. ان راجل زي ده دعي لها و قال لها انها طيبه و ملاك و ان اللي زيها هو اللي يدعي له بقلبها الطيب لأنه خاطئ (مش المشهد كان كده برضه و لا انا بخرف و الذاكره التيفال اشتغلت ؟؟)

المهم انا ليا بعض الاعتراضات علي ايشواريا في الفيلم في بعض النقاط... علي الرغم من انها ملاءمه للدور ومثلته حلو ..لــــــــــكـــــــــــن.. (دايما بيبقي وراها مشكله لكن دي) ايشواري كبيره قوي علي الدور و مش عارف ليه كان شكلها معجز و تعبان جدا في الفيلم ( برضه في دووم كان شكلها تعبان و معجز).. و مش عارف هي كنت بتمثل الفيلم و هي عندها التهاب في القزحيه و لا ملتحمه العين و لا ايه بالظبط لأن عنيها طالعه محمره جدا كأنها ملتهبه!!:busted_r: .. و بحسبه بسيطه مفترض ان اميران اتخطفت من بيت اهلها و هي طفله عمرها تقريبا 12 سنه.. قولوا عدي عليها 8 سنين تدريب شاق اقولكم .. خلوها 10 سنين يعني الدور لواحده عمرها 22 سنه تقريبا .. ايشواريا عملت الدور وهي حوالي 32 سنه يعني اكبر 10 سنين و مع حاله الهزال و الشكل الغريب اللي كانت فيه ده شكلها اكبر من كده كمان ...بس نرجع نقول دي مسأله ممكن نتغاضي عنها ما سميه الخشاب عندها 41 سنه و بتمثل طالبه جامعه

اعتراض تاني .. ايشواريا مشاهدها العاطفيه سخيفه جدا و مش نافع فيها الدلع بالمره:busted_r: ..مش عارف ليه حسيت كده بس لها كام مشهد كده معجبونيش و مع الاسف مش فاكر امثله دلوقت
برضه مع سونيل شيتي .. كل مشاهدها معاه رخممممممممممممممممه جدا خصوصا مشهده و هو سكران و دخل عليها اوضتها و هي فضلت متخشبه معاه و قال لها انها تمثال .. دي مش بتمثل .. دي بتسمع الكلام
نهايته يعني ممكن نعتبر ان المشاهد اللي فيها دراماعاليه قوي هي كانت افضل مشاهدها التمثيليه .... و دي ملاحظه ليا علي ايشواريا راي عموما في كل افلامها .. ان لها قدره عاليه غرييييييييبه جدا علي نقل الالم و الاسي اكتر من نقل السعاده للمشاهد
يعني نقدر نقول كده صحتها مبتجيش غير علي النكد :harhar10::harhar10::sly00000::sly00000:

يالا حد غيري بقي يكمل بقيه الممثلين و طبعا من ضمنهم ابيشيك .. و كده كفايه عليها بقي في الموضوع ده .. عشان تبقي فرصه لكل واحد بقي يقول و يبدع و نعبر الغلبان اللي عامل الموضوع ده :harhar10:

[atticus]

مفيش حاجه ممكن تعجبك 100 في الميه؟
ده انت رهيب
شكرا علي التحليل
بس كان نفسي يبقي في اكتر من واحد يشترك فيه
فين الناس الي اشتركو في تأليف الفيلم قبل كده
الاعضاء الدائمين

[osamakimo]

اشكرك لفتح الموضوع بس القصه عن حياه عاهره مش مقبوله على الرغم من انها طلع عينها

ام بالنسبه للديكور والملابس شى خرافى بصراحه

وفى الاجمال اليلم عجبنى على الرغم من طول مدته

[atticus]

اشكرك لفتح الموضوع بس القصه عن حياه عاهره مش مقبوله على الرغم من انها طلع عينها

ام بالنسبه للديكور والملابس شى خرافى بصراحه

وفى الاجمال اليلم عجبنى على الرغم من طول مدته

ما احنا بنقول نحلل الفيلم ككل

يعني نحلل القصه سواء مقبوله او مش مقبوله مننا دي مش النقطه اللي بنتكلم فيها

التحليل يعني تقول رأيك و تحاول تبقي حيادي تجاه الشئ

و بعدين انت محللتش حاجه في الفيلم ليه :sly00000::shutup00:

[حياة شارو]

بصراحة انا مشفتش الفيلم
بس سمعت انه كويس
فأكيد قريب قوي هشوفه
وبعدها هارجع تاني واقولك رأيي
واحللك الفيلم لقطة لقطة

[tamercome]

http://img210.imageshack.us/img210/2327/umraojaan20061bpo4.jpg


شكرا جزيلا يا اخى العزيز على تقديم مناقشه لهذا الفيلم الرائع
انت قدمت تحليل وسرد لقصة واحداث الفيلم وانتقاد الوقت الطويل وانتفاد فكرة الفيلم
اولا طول الفيلم ده موجود فى معظم الافلام الهنديه ان لازم الفيلم يبقى ثلاثه ساعات ولا يقل عن ساعتان ونصف
اما حاليا تجد الافلام الحديثه اصبحت اغلبها ساعتان
وطبعا نادر لما تجد فيلم ثلاثه ساعات ولم يوجد به تطويل
الا بعض الافلام لا تمل حتى لو كانت عشر ساعات مثل veerzaara وDeewaar وDilwale Dulhaniya Le Jayenge و gangaa jamunaa saraswathi و nard
وذلك لانها افلام سريعه فى الاداء وترابط الاحداث والاغانى قمه والاستعراضات رهيبه

الفيلم قدم الفكره برؤيه جميله الا ان الاداء كان بطىء شويه يمكن علشان يتماشى مع الفتره الزمنيه لاحداث الفيلم

اخى الغالى والمتميز جدااا محمد شكرا جزيلا على المعلومات القيمه عن الفيلم وانت لم تترك لى شىء اقوله تكلمت عن اداء ابطال الفيلم عن الملابس عن الديكور عن الموسيقى عن الاغانى بارك الله فيك
الصراحه الملابس فوق الوصف الديكور لم اجد مثله ولا فى قصص الف ليله وليله الديكور ده اكيد المنتج صرف كتير عليه كتير جداااااااا
اتكلم عن التصوير التصوير رهيب جدااااااااااااااااااااااا من زوايا التصوير ومن قرب او بعد الكاميرات واظهار الجمال الموجود فى الحلى او الملابس او الديكورات او تعبير وجوه ابطال الفيلم التصوير فيه ابداع وتميز وحقيقه الصوره هى اللى بتكلم


موضوعات مناقشه الافلام رائعه علشان اللى عايز يعرف فيلم قبل تحميله ولم يعرف عته شيئا يدخل القسم هنا سيجد ما يريده

ممكن يقدم موضوع عنوانه من يريد معرفة قصه فيلم واحداثه وتقييم الفيلم قبل تحميل الفيلم يدخل هنا ؟



وشكرا جزيلا لكم جداااااااااااااااااااااااااا جداااااااااااااااااااااااااااااااااا