اتصالات وهم الاحسن

[rostom_3_2]

الشركه التالته فى مصر واديتنا وهم انها الاحسن لكن للاسف طلعت برده حراميه الخط قايلين فى كل حته ان الخط ب 10 جنيه بس


والدقيقه هتبقى 7 قروش


تروح امبارح تبص تلاقى الخط ب 35 جنيه يقولك 10 جنيه ده الحجز و25 سعر الخط طب فيه رصيد كام مافيهوش بتشتريله كارت ب 20 جنيه


ط بالدقيقه بكام 39 قرش والصلاحيه مدى الحياه


يعنى شغل نصب علنى والناس بتشترى وخلاص هوهو ككده نظام سوبر دردشه بس الميزه الواحيده هو ان الكارت ابو 10 بعشره وال 20 بعشرين وا ل40 ب 40 يعنى مافيش مصاريف زياده واعتقد ان فودافون وموبينيل هيعملو كده برده مش هيسيبهوا يعنى


يعنى كلها سرقه ونصب

عالم حراميه

[sony6020]

يا سيددددددى امال هاكسبو منين

[matrixre]

شكرا يابوب علي النصيحة ديه علي رأيك احنا نصبر شوية وفودافون اكيد هتعمل الكارت كده وال35 اللي كنا حجزين بيهم خط اهو نشجن بيهم احسن

[™HaTeM]

والله انا اشترتي الخط وبجد الشركه اروع من الاتينن الثانين لان فيه خدمات مكانش معلن عنها ولقيتها موجوده وخدمات مجانيه مكناش نحلم بيها

[rostom_3_2]

طب زى ايه يا حاتم ياريت تقول لينا

[hanyloveme]

حاتم ياريت توضح عن المزايا الى مكناش نحلم بيها يمكن اغير لاايى واروح اجيب الخط الى انا حجزتة

[rostom_3_2]

مش عارف يا جماعه انا مش حاسس انى فى احسن غير سعر الكارت انما فودافون ضربتهاف ىف سعر دقيقه الفيديو كول خليتها ب 50 قرش تقريبا

[greenman2005]

الحكايه مش حكايه سرقه
المشكله ان فى اشاعات طلعت بان الدقيقه ب7 قروش
طبعا عمرها ما حتحصل ان يكون سعر دقيقه المحمول ب7 قروش طب ازاى ؟
تانى حاجه الشركه دى متكلفه كتير قوى عشان تدخل السوق المصرى فلازم تلم فلوسها و بعدين تبقى تكسب
يعنى مش اقل من سنه او اتنين على بال ما تبدأ تكسب من السوق المصرى و يمكن اكتر
انت اللى يهمك هنا الخدمه اللى بتقدمهالك انها تكون بسعر كويس مش اغلى من الشركتين التانيين و تكون بجوده احسن

[rostom_3_2]

اكييد طبعا بس مشاكل لاشبكه كتيير على حسب كلام مستخدميها

[العـنـتـيـل]

و الله الواحد يفضل على الخط بتاعه العادي جدا

[ehab_bari]

رزق الهبل على المصريين

[mohalexeg]

والله عندك حق يا مان

[مصطفي قندهار]

عندك حق يا مان خلي الحال كما هو عليه وعلي المتضرر اللجوء لاتصالات
وياريت تحول خمسه جنيه لكل واحد كتب رد علشان تعمل حاجه مفيده للناس.......ههههههه
اوك يا مان سلام

[eng_mahmoud_aly]

ساطرح فى هذا الموضوع مميزات خط اتصالات مصر ( الشبكة الثالثة ) التى استطعت معرفتها واللى يعرف حاجة زيادة ياريت يقول لنا عليها

(1) معرفة رصيدك مجانا بدلا من 20 قرش فى الشركتين الاخرتين وذلك بالكود *555#
(2) معرفة الارقام التى اتصلت بك وتليفونك مغلق او خارج نطاق الخدمة وذلك مجانا عن طريق رسالة تصلك مجانا بدلا من اشتراك 10 جنيه فى موبينيل و 50 قرش للرسالة فى فودافون
(3) قيمة كارت الشحن بدون ضريبة المبيعات اى ان سعر الدقيقة يقف عليك ب 34 قرش مقارنة ب موبينيل وفودافون وذلك اذا كنت مثلا تشترى كارت ال 10 جنيه بالسعر الرسمى وهو 11.5 جنيه اما اذا كنت تشتريه اغلى من الموزعين ب 12.5 جنيه فسعر الدقيقة يكافىء فى هذه الحالة فى خط اتصالات 29.5 قرش
(4) لك 5 دقائق مجانا مدى الحياة كل شهر بمجرد اجراء مكالمة مدفوعة واحدة فقط لمدة دقيقة واحدة فقط فى الشهر وذلك العرض مفيد لمن يتكلم قليلا اى لن يحتاج لشحن كارت الا كل فترة طويلة جدا وفى نفس الوقت التحدث مجانا لمدة 5 دقائق مجانا كل شهر
(5) تستطيع الدخول على موقع اتصالات على الانترنت مجانا تماما ومعرفة الاخبار ومواقيت الصلاة وخلافه عدد لانهائى من المرات سواء بالجيل الثالث او الجيل الثانى ونصف (الجى بر ار اس ) للتليفونات التى لا تدعم الجيل الثالث مثل نوكيا 6600 بدلا من 1 جنيه فى اليوم فى فودافون كما ان سعر تحميل الاغانى من عاى الموقع موحد ب 4 جنيه بدلا من اسعار متغيره على موقع فودافون وطبعا موبينيل خارج المنافسة فى هذا المجال
(6) لك 3 ميجا بايت انترنت فى الشهر لاى موقع مجانا تماما ولم يعلن عن نهاية العرض حتى الان بعكس فودافون التى اعطت 5 ميجا بايت كل يوم ولكن يتم خصم 1 جنيه كل يوم تدخل فيه على الانترنت للاستفاده من العرض وطبعا موبينيل خارج المنافسه ايضا العيب فقط ان سعر الميجا فى اتصالات 7.5 جنيه بعد ما تخلص ال 3 ميجا المجانيه وفى فودافون 5 جنيه فقط ولكن اتصالات نزلت بالعرض اولا فقامت فودافون بعمل سعر اقل .
(7) تستطيع الدخول على موقع اتصالات او على اى موقع انترنت حتى لو رصيدك اقل من 5 جنيه بعكس فودافون التى لاتسمح بالخول على الانترنت الا اذا كان رصيدك اكثر من 5 جنيه
(8) سعر الرسائل الملتي ميديا (mms ب 75 قرش بدلا من 95 قرش فى موبينيل وفودافون
(9) خدمة رنتك اغنيتك صوت الاغنيه فيها اقوى واوضح وهى بسعر 4 جنيه للاغنيه فى الشهر + 19 قرش سعر الدقيقة فى المكالمة لاختيار الاغنيه
(10 ) سعر مكالمة خدمة العملاء 333 ب 39 قرش مهما طالت مدتها بعكس فودافون فيها سعر المكالمة ب 50 قرش وموبينيل 150 قرش
(11) خدمة ارسال رسالة فيها كلمة كلمنى مجان لاى موبايل فى اى شبكة فى مصر ا حتى 3 مرات فى اليوم عن طريق الكود *111 *رقم الموبايل # مثل فودافون ولا اعرف فى موبينيل

وجميع الخدمات والاسعار السايقة انا مجربها بنفسى اما الذى لم اجربه فهو
(1) خدمة المحادثة الجماعية حتى 6 اشخاص مجانا
(2) خدمة البريد الصوتى مجانا مثل فودافون و 50 قرش للدقيقة فى موبينيل
(3) اول 3 دقائق من كل مكالمة فيديو مجانا يعنى اكلم 3 دقائق واقفل واكلم تانى بعكس فودافون التى تعطى 20 دقيقة فقط ولم يعلن عن نهاية هذا العرض حتى الان وطبعا موبينيل خارج المنافسة فى هذا المجال

هذ وقد وصل عدد المشتركين فى اتصالات حتى الان 400 الف مشترك طبقا لهذا المقال
http://www.masrawy.com/News/2007/Egy.../etisalat.aspx
اتصالات تجتذب 400 الف مشترك في أول شهر لها بمصر

وكنت قد سمعت انها عامله عرض الخط + نوكيا n70 ب 950 جنيه او n73 ب 1250 جنيه ولكن لا اعرف مدى صحة الخبر او معلومات كافيه عنه لذلك من يعرف اى معلومات يا ريت يقول لنا

[rostom_3_2]

طب ياباشا ياريت تتااكد ليا من اخر حته ديه بتاع ان السيريس

[kfm2009]

والله انا شغال على اتصالات وكل الى قال عليه مظبوط وميه ميه ومفيش حاجة غلط والله كل حاجه فيها تمام ومظبوط واسعارهم موحده وخصوصا الخمس دقايق دول عطهملى وزى كده كل شهر ان شاء والى حاجز خط يجيبه بالأمانه ومش هيندم ابدا انى هو جابه