قضيها اغاني وسيبك من البرمجه ووجع البطن(كل عيش وعييش) [الأرشيف] - موقع الدي في دي العربي

Programing®Addict

17-04-2007, 08:18 AM

ياجماعه في معلومه لذيذه اوي
ايه هيا بقي ان المانيا بجلاله قدرها اخذت حوالي 300 بروجرامر من الهند علشان يشتغلوا عندها في وظايف معينه ..
ايه رايكم بقي واحنا الشعب المصري خش كده علي موقع الدي في دي هتلاقي اكثره نشاطا الاغاني والافلام والترجمه ...
ياسلام ونعم التخصص
ياجماعه انا بقالي اسبوعيني بخش علي صفحه البرمجه مبتتغيرش وصفحه الافلام والاغاني ياسلام ونعم التجديد
فعلا ربنا يكرمنا ........
نحن شعب يريد التخلف مش اكتر...
اعذروني في كلامي بس اديني بفضفض

hashem897

17-04-2007, 03:29 PM

كلام مظبوط ودة فعلا بيحصل
بس في نقطة مش عجباني بصراحة وهي نحن شعب يريد التخلف مش اكتر...
احنا مش بنحب التخلف ولا حاجة بدليل ان شركة مايكروسوفت بجلالة قدرها فاتحة فرع في مصر ونسخ الوندوز العربي بتظلع من عندنا
المشكلة بقا علي ما اعتقد ان احنا معندناش ومبنعرفش نعمل فريق عمل وهي دي المشكلة
ان عندنا ناس كويسة جدا وممكن يعمل برنامج كويس بس لكن شغال لوحده مش بيكتسب خبره من غيره وهي دي المشكلة

SAMEH_3ABDALLAH

17-04-2007, 07:24 PM

انا معاك فى كلامك بس ليا اضافة
بالنسبة لفريق عمل يمكن يكون مستحيل شوية
تعالى دور كدا عندنا كام واحد محترف لغات برمجة
يتعدوا على الصوابع
ولكن الهند اللى كنا بنتريق عليهم و نقول انهم بيركبوا الافيال
اصبحنا اللى بنركب الافيال
اعظم مبرمجين فى العالم هنود
اعظم هنود فى العالم المصريين

SAMEH_3ABDALLAH

17-04-2007, 07:28 PM

و كمان مفيش رعاية ولا تشجيع عشان يبتكروا زى زمان
طب حيبتكروا ايه
بالذمة مستنى حاجة منهم
انا واحد من الناس بطلت اكتب برامج مع انى بابرمج من حوالى 8 سنوات بس ايه اللى فادنى ولا حاجة
وكنت الحمد لله بنافس برامج كبيرة و لكن ايه يعود بعد كدا و
ولاحاجة

سلام

eslammohamed

17-04-2007, 10:50 PM

طب والحل يا شباب
ماحنا فعلا هنافضل كده
مستهلللللللللللللللللللللللللللللللللللللللللللللل لللللللللكككككككككككون وبس
مافيش اي انتاج او ابتكار
احنا فين يا رجاله

hashem897

18-04-2007, 09:16 AM

طيب لية منبداش احنا
يلا نعمل فريق عمل ونشتغل سوا ونستفيد من بعض ومش شرط نكون محترفين علي فكرة المهمم الكل يستفيد
اية رائيكم ؟؟؟

Ayman Xp

18-04-2007, 04:06 PM

للأسف كلامك صحيح
لكن team work فى مصر لا وجود له الكل يريد أن يستأثر بالمعلومه لوحدة وماحدش يبقى أحسن منه والطعن فى الظهر وما إلى ذلك
ولذلك لا تنتظر تقدم
بخصوص عمل فريق انا على أستعداد لفتح قسم مشفر فى البرمجه و على كل من يريد الاشتراك أخذ الباس الخاصه بيه وعمل فريق لمساعدة أعضاء منتدى البرمجه وفى نفس الوقت نستفاد نحن
جمعوا أنفسكم وأهلا وسهلا

hashem897

18-04-2007, 09:15 PM

والله انا طرحت الفكرة قبل كدة ومش عارف لية الادارة مهتمتش واعتقد ان حتي الموضوع اتحذف
يا ريت تتنفذ الفكرة لان اكيد الكل هيستفاد

Ayman Xp

18-04-2007, 11:27 PM

لو وجدت أقبال من الأعضاء لا مانع عندى

hashem897

18-04-2007, 11:52 PM

محنا هنرجع تاني لنفس النقطة وهي موضوع الاقبال!!!
المنتدي اصلا محتاج صحوة من حالة النوم والركود الي احنا فيها دي انا مش عارف لية مش بتتعمل مسابقات في منتدي البرمجة زي الي بتحصل في منتديات الاغاني والمصارعة وكدة
المهم ... احنا عايزين نعرف مين الي ممكن يبدأ معانا بشكل اولي في موضوع فريق العمل وبعدين اكيد الاعضاء هتتحمس لما تلاقي شغل وفريق العمل هيكبر زي الي حصل في قسم الهكر وغيره

Ayman Xp

19-04-2007, 12:43 AM

الاعضاء لا تشجع الادارة
لو الاعضاء نشطين المشرف هاينشط
إنما لما يكون الاعضاء تخش تطلب فقط و تختفى مش منطق وأكيد المشرف وقتها أى كان مجهودة بيزهق ويتعب و هو بشر فى النهايه له حياته الشخصيه
لذلك الاعضاء تفكر وعلى الادارة التنفيذ وفى حاله وجود أعضاء نشطين متواجدين لا مانع من توليتهم الأشراف

hashem897

19-04-2007, 09:09 AM

كلام منطقي 100 في 100
طيب تحب نعمل موضوع عن انشاء فريق عمل؟؟؟؟؟

SAMEH_3ABDALLAH

19-04-2007, 06:36 PM

ماشى
انا موافق على الموضوع دا
يكون كويس

eslammohamed

19-04-2007, 06:45 PM

انا موافق علي فكره التيم وانا معاكوه اهو
وانا اسلام اسلام محمد في 4 حسابات ومعلومات المودرن اكاديمي
مبرمج سي شارب وسيكوال 2005

يالا .... مين تاني هايشترك معانا في الفريق

hashem897

19-04-2007, 10:30 PM

انا طبعا
يلا بقا اعتقد جه دور الادارة

SAMEH_3ABDALLAH

20-04-2007, 06:29 AM

نعمل استفتاء او اعلان عن الموضوع دا

hashem897

23-04-2007, 12:28 AM

ونرجع نقول لا حياة لمن تنادي!!!!!

SAMEH_3ABDALLAH

23-04-2007, 05:59 PM

عندك حق والله

لاحياة لمن تنادى
بس يجب اعلان الادارة

SAMEH_3ABDALLAH

23-04-2007, 06:01 PM

طب قولوا الادارة تتمثل فى مين وانا ابعت الرسالة
او مين اللى مسئول
الكل لازم يعملوا كدا الكل يرسل للادارة حتى يبقى الموضوع جد

Programing®Addict

24-04-2007, 04:01 AM

ياسلام والله انا نسيت اني كنت عامل المضوع ده وياسلام الواحد فعلا رديتلوا الحياه تاني لما شاف الحماسه ديه
بصوا ياجماعه انا معاكم في اي حاجه فريق عمل فريق تدريب المبتدئيم من الصفر ونعمل امتحاانات
او نعمل فكره برامج ونبتدي نفكر تيجي ازاي ونبتدي نعملهها ومنوا ندرب نفسينا ونبتدي نعرضها علي شركات كبيره
بس تكون تليق بمستوي الشركه يعني وتدل علي فكر البرنامج
كده يعني نرفع من عزمنا شويه لغايه منشوف الدنيا هاتمشي ازاي
او نحاول نشوف الناس الي ناويه تاخ الامتحات بتاعه الشهاده الجد او الي نواييين يطوروا الشهاده الجيدده ونعمل مكتبه كتب بالامثله بتاعتها الي بيطلع عين الناس عقبال متجيبها وساعات مبتبقاش موجوده
او نجيب امثله ونبتدي نشتغلها
في افكار جديده كتيررر للمنتدي ده بس نلاقي تفاعل ياريت
وانا معاكم و مش معاهم

SAMEH_3ABDALLAH

24-04-2007, 09:27 AM

كدا كويس
بس لازم اى حد عايز الموضوع دا يرسل للادارة (ابو عبدالله)
انا رسلتله رسالة لعمل منتدى خاص بفريق عمل و تغيير المشرفيين
الكل لازم يعمل كدا

hashem897

24-04-2007, 12:00 PM

انا فكرت في موضوع اظن انه هيكون جامد جدا ان شاء الله :icon30:
:clap0000: وهو نادي الديفيدي البرمجي :clap0000:
وكنت قعدت كتبت الموضوع بس عايزكم تضيفوا عليه عشان بعد كدة هنحطه في كل الاقسام بتاعة البرمجة وندي للادارة علم بيه يمكن يهتمو ولومهتموش لازم احنا نهتم بس ان شاء الله هيتعمله قسم خاص قريب باذن الله
المهم نص الموضوع زي ما انا كنت كاتبه اهوه :smoke100:

نادي الديفيدي البرمجي
Dvd Programming Club

الأخوة والأخوات أعضاء وروادي المنتدى البرمجي
تحية طيبة وبعد ،،،
نظرا للركود الشديد الذي حل بالمنتدى البرمجي بشكل عام ونظرا لعدم وجود أي مواضيع جديدة أو مشاركات مفيدة من قبل الأعضاء مما أدي إلي إهمال يكاد يكون كلي من قبل مشرفي القسم البرمجي
جاءت الفكرة بإنشاء نادي الديفيدي البرمجي والذي نأمل أن يعود بالفائدة علي جميع الأعضاء
أهداف النادي
بث الحياة في المنتدى البرمجي من جديد
تكوين فريق عمل خاص بالنادي
مساعدة الأعضاء المبتدئين والذين يحتاجوا إلي مساعدة فعالة
عمل مواضيع جديدة ومفيدة يستفاد منها الأعضاء
إحياء روح الجماعة والعمل المشترك بين أعضاء المنتدى

بس طبعا عايزين نزود علي الموضوع شوية من ناحية الاهداف وشروط العضوية وامتيازات الاعضاء وكدة :showoff0:
فكل الي عنده فكرة مفيدة او تعديل ولو بسيط حتي ولو في صيغة الموضوع يضيفها هنا:msn-wink:
وربنا يسهل:bye10000:

SAMEH_3ABDALLAH

24-04-2007, 12:12 PM

انا معاك بس كدا حنلغى المنتدى البرمجى

keemo_genral

24-04-2007, 03:23 PM

يا ريت بجد الموضوع ده يتنفذ .. انا حاولت كذا مرة اعمل مواضيع دورية خاصة بالبرمجةعموما ... وراسلت بعض المشرفين عشان نشوف حل للتفاعل ,, وكان الرد إن المشرفين مشغولين بإمتحانات وخلافه ,, وخلصت الإمتحانات وبقى الحال!! ياريت فعلا لو نعمل فرق عمل فى المنتدى .. مش شرط يكون للناس اللى بتشتغل بس .. ممكن يكون للطلبة او للناس اللى بتتعلم كمان !!

ومازلنا فى إنتظار التفاعل من الإدارة....

thegem4ever

24-04-2007, 03:36 PM

حمادة الكومندا جه يا رجالة

كلية تجارة وقريبا هندسة ان شاء الله

مبرمج Vb
وقريبا مبرمج C++

وانا معاكو في التيـــــــــــــــــــــــــم وورك

Programing®Addict

25-04-2007, 06:35 AM

اهلا اهلا اهالا بيك يابرنسه
عامل ايه نورت بجد الموضوع
ايه ياجماعه انتوا فين وراحت الحماسه خلاص والي قولتوا عليها يعني مش هايمشي
يعني فعلا نسيبنا من البرمجه ونقضيها اغاني ونبقي سايبين الغرب هما الي يتقدموا مع ان احنا الاساس
يلا بقي عاوز اشوفكم بجد في المنتدي ده ناثر فيه علشان لو نجحنا يبقي احنا بجد نقدر ناثرفي الشركات
او في اي شيء احنا نقدر نبقي مسولين عنه
يارب اشوفكم بقي
سلام

SAMEH_3ABDALLAH

25-04-2007, 09:00 AM

المشكلة مين الى حيبدا
لازم الادارة تاخد موقف مش احنا
ماينفعش نعمل حاجة من نفسنا
كل واحد عايز منتدى خاص بفريق عمل او ينضم
يبقى يكلم الادارة لان هما فى ايدهم كل حاجة
و لازم يتعمل استفتاء فى كل قسم للبرمجة بس مين يعمل كدا

hashem897

25-04-2007, 11:46 AM

لالالا مفيش حاجة اسمها الحماسة راحت بس انا عرضت فكرة وكنت عايزكم تكملوها معايا عشان نبدا نخاطب الادارة بفكرة موجودة فعلا

Ayman Xp

25-04-2007, 01:43 PM

كما قلت فى حاله طرحت أمامى خطه عمل واضحه ورأيت أقباله من الأعضاء على الفكرة لا مانع لدى من إنشاء القسم
إنما الكلام يبقى حلو ووقت التنفيذ لا أجد أحد !!!!!!!!!!!!!!

SAMEH_3ABDALLAH

25-04-2007, 10:48 PM

ياباشا توكل على الله و اعمل موضوع او اعلان ونشوف مين اللى معانا ولو ملقيتش مشاركة يبقى ارفعه و نلغى الموضوع و يبقى الحال كما هو عليه
لكن ما الخطوة القادمة فالان تقدم اكترمن واحد فى الموضوع و عرض مساهمته
بس يتعمل اعلان مثبت فى كل المنتدى البرمجى العام فى كل اقسام المنتدى و نشوف مين المشارك
احنا ماينفعش نعمل حاجة من انفسنا
وانا شايف فكرة نادى البرمجى دا كويسة بتاعة الاخ
هشام كويسة ناخد راى الناس ونشوف مش حنخسر اى حاجة
بس اعمل اعلان مثبت ع المنتدى العام البرمجى بالموضوع
مش حينفع اللى بنعمله دا

SAMEH_3ABDALLAH

25-04-2007, 10:54 PM

توكل على الله بس واعمل اعلان عن الموضوع دا
ونشوف مين معانا و لو لقيت ان العملية مش نافعة الغى الاعلان وبلاش ويبقى الحال كما هو عليه
بس واضح ان الناس مستعدة و متحمسة للفكرة
واويد فكرة الاخ هشام بانشاء نادى dvd للبرمجة
كويس الفكرة دى
ابدا انت بس واعمل اعلان مثبت ع المنتدى البرمجى العام بالفكرة و انشاء الله حيكون فيه رد فعل ايجابى

تحياتى
سلام

SAMEH_3ABDALLAH

25-04-2007, 10:58 PM

فكرة dvd Programming Club
كويسة و تنفع و تصحى المنتدى شوية

hashem897

26-04-2007, 09:16 AM

يا ريت يكون في رد فعل من المشرفين بقا

SAMEH_3ABDALLAH

26-04-2007, 10:46 AM

يلا يا استاذ ايمن

Ayman Xp

27-04-2007, 02:05 PM

هذا الموضوع تم تثبيته ولن أفتح منتدى ب 5 أعضاء أبدا على الأقل لابد من توفر ما لا يقل عن 15 موضوع أفتح بيهم القسم
ولذلك
جمعوا أنفسكم واختاروا مشرفا منكم ولا مانع لدى بعد الأطلاع على أعماله من تعينه مشرفا وفتح القسم بإذن الله

marmar_s

27-04-2007, 11:07 PM

انا كمان معاكو وكده نبئى 6

marmar_s

27-04-2007, 11:20 PM

انت المفروض تفتح القسم وهما لما يلاقو الموضوع اتنفذ هيتحمسو اكتر ويزيدو
بس افتحو انت بس

Ayman Xp

28-04-2007, 02:25 AM

ليست من سياسه المنتدى فتح قسم بلا مواضيع
لابد من وضع الأسس والقواعد التى سوف يتأسس عليها هذا القسم و إلا لفشلت فكرته قبل تنفيذها

hisham87

28-04-2007, 02:47 AM

وانا معاكوا ان شاء الله تعالى بس ياريت يكون بسرعه يعنى

hashem897

28-04-2007, 03:23 PM

احنا كنبنا اهداف النادي واتكلمنا في الموضوع قبل كدة
واحنا علي فكرة اكتر من خمسة
وبعدين الهدف هو خدمة الاعضاء وتنشيطهم مش تكوين رابطة عشان نكون اكتر من خمسة

SAMEH_3ABDALLAH

30-04-2007, 09:21 AM

يعنى ايه 5 اعضاء

وضح اكتر النقطة دى

وبالنسبة لل 15 موضوع فعندى ال 15 موضوع

و خلى بالك المنتدى دا حيبقى مشترك فى جميع لغات البرمجة يعنى
مش حيبقى لغة برمجة واحدة
وفى حاجة
لما القسم الجديد يتفتح يتعمل اعلان عن ايقاف الاعضاء اللى يطلبوا برامج كاملة
فى كل الاقسام لانهم زادوا عن الحد

بالنسبة لموضوع المشرف
فانا اختار واحد من 2
(hashem897 او A.B.D)
بالنسبة للاعضاء المشتركين

(hashem897 , A.B.D,alibaloo,marmar_s,hannnny)
اظن ان كدا 5 وانا مش شايف ان ليها لازمة موضوع 5 اعضاء

سلام ومش حاتكلم فى الموضوع دا تانى حنفضل نتكلم ومفيش اى تقدم ولا تنفيذ كله كلام
افتح المنتدى عشان يكون فيه رد فعل انت حتعرف منين ان الناس حتشتغل ولا لا
اعمل استفتاء بالمشرف وشوف الناس حتصوت لمين
ولو المنتدى مش حيلاقى اى اهتمام احذفه
سلام

سلام

mohaa.asala

02-05-2007, 03:35 PM

فكره جميله وانا معاكم ان شاء الله بس تبدأ الفكره تتنفذ

Ayman Xp

02-05-2007, 03:42 PM

إذن جمعوا أسمائكم وأرسلوها لى فى رساله خاصه حيث أن القسم سوف يكون قاصرا على تلك الشحصيات فقط

hashem897

02-05-2007, 03:42 PM

دة بقا الي اسمه تنفيييييييييض وهدم للافكار البناءة
وارجع واقول لاحياة لممن تنادي

hashem897

02-05-2007, 03:44 PM

طيب بما اننا احنا الاتنين كتبنا الرد في نقس الوقت بالضبط .. سبحان الله
يبقا يا احنا هنبعتلك الي انت عايزه
بس كان ليا سؤال يعني اية حيث أن القسم سوف يكون قاصرا على تلك الشحصيات فقط؟؟؟؟

hashem897

02-05-2007, 03:45 PM

hashem897

02-05-2007, 03:46 PM

semsam_87

02-05-2007, 10:17 PM

كلامك صح و تماممممممممممممممممممممممممممممممممممممممم

Ayman Xp

03-05-2007, 05:09 AM

هذا القسم سوق يكون عباره عن المطبخ الذى يتم فيه عمل فريق العمل والاعداد وما إلى ذلك
بخصوص الأستاذ hannnny الذى لم أرى له عباره مفيدة فى هذا الموضوع فقط تشتكى وتوجه الاتهامات جزافا
أولا العمل فى المنتدى تطوعى ولا ينتظر أحد فينا مقابل من أحد انا بصفتى مشرف عملى تنظيمى بحت وأحاول مساعدة الأعضاء فى الرقى بهذا المنتدى لو كلامك فيه شئ من الصحه لما قومت بتثبيت الموضع ولا بالرد عليه أصلا
نحاول جاهدين مساعدة بعضنا البعض مثل الأخ صاحب الموضوع والأستاذ hashem897
إنما حضرتك فقط عملك كله النقد فقط لا غير لا تريد المساعدة فى شئ إلا توجيه اللوم للإدارة
أخى العزيز المنتدى يكون ناجح باعضائه ثم مشرفيه
حتى لو مشرف المنتدى مقصر لظروفه ساعدة أنت وفى حاله لم تجد تقدير من المنتدى يحق لك وقتها إلقاء اللوم

keemo_genral

03-05-2007, 07:26 AM

إخوانى الأعزاء أرجو أن لا ننسى ما نريد فى ظل الشد والجذب الموجود .. فكلنا مشرفين وأعضاء نريد أن نفيد ونستفيد !!
وتردد على بالى سؤال ليه إحنا منتظرين قسم جديد يتفتح عشان نشتغل؟؟ أظن ممكن موضوع زى اللى إحنا فيه حاليا يفى بالغرض لحد م يتفتح قسم خاص !!! ياريت منتعلقش بالصغائر والشكليات ونهتم بالهدف الأسمى والأفكار ..
ممكن مثلا من دلوقتى نبدأ نقسم نفسنا .. يعنى كل واحد يقول هو بيبرمج أيه أ, حتى إذا كان لسة بيدرس بيدرس لغات أيه عشان نعرف إحنا بنتكلم على أيه بالضبط !!
فى إنتظار ردودكم..

SAMEH_3ABDALLAH

03-05-2007, 08:21 AM

بص انا لا انقد ولا اوجه اتهامات بدون سبب ولا القى بالتهم على الناس
ولكن
فى حاجات عايزة تغيير
وبالنسبة للمشاركة التى حذفت فانا اتعجب لماذا حذفت
فانا اوضح اهداف المنتدى الجديد
وهذه ليست طريقة للرد على المشاركة فالاحسن الرد عليها وعدم حذفها
وثانيا مامعنى ان لايوجد عبارة مفيدة فى كلامى
العبارات المفيدة تحذف و المواضيع تحذف فاين المفيد الذى تتكلم عنه
وقلت 100 مرة
افتح المنتدى و عندى المواضيع
عندى استعداد لوضع مواضيع جديدة
و المنتدى لايقتصر على 5 اعضاء بل يدخله كل فرد للمساعدة وليس لعمل برامج كاملة ولكن هذه ليست سياسة المنتدى الرئيسية وللعلم يوضع اعلان تحذيرى لايقاف الاعضاء الذين يطلبون برامج كاملة
المنتدى فكرته الاساسية تكوين فريق عمل يكتسب الخبرات من بعضه وهذا موضح بفكرة الاخ هشام
وبالظبط زى المطبخ اللى بتقول عليه
واكرر مرة اخرى انا لا القى بالتهم على الناس ولا انقدهم بدون سبب
وابقى احذف المشاركة دى كمان

يلا سلام

keemo_genral

03-05-2007, 08:29 AM

إخوانى Ayman Xp , hannnny ....
ياريت منطلعش عن سياق الموضوع الأساسى اللى الموضوع ده أصلا مفتوح علشانه ... أنا عرضت فكرة .. ياريت يكون فيه رد !! وأرجو إن متكونش فيه ردود تانية خارج سياق الموضوع عشان نحقق إستفادة حقيقية وميكون اخرة الموضوع قفله !!!
ياريت ميكونش كلامى زعل حد .. انا كل اللى أقصده التركـــــــــــــــيز ....

SAMEH_3ABDALLAH

03-05-2007, 09:00 AM

وبالنسبة للمنتدى حاله الان لا يسر وخاصة المواضيع ثابتة ولا يوجد جديد الا كل حين
فكيف يكون ناجح باعضائه وهو اساسا اعضائه قليلة
بص يا استاذ ايمن انت تعمل موضوع مثبت ودا يكون احسن
عن المشتركين فى المنتدى الجديد لو الاعضاء كتيرة والكل مستعد لوضع مواضيع ومساعدات يبقى المنتدى مفتوح
لو الاعضاء قليلة يبقى منتدى خاص بنا فقط لانها ستكرر ماساة منتدى البرمجة من جديد وحيبقى ملوش لازمة خالص

بخصوص الأستاذ hannnny عملك كله النقد فقط لا غير لا تريد المساعدة فى شئ إلا توجيه اللوم للإدارة

اقرا مشاركتى فى الموضوع وتعرف اذا كنت اريد المساعدة ام لا فانا لا احب الكلام الكثير فى المواضيع

ع العموم ياسيدى
شكرا لاهتمامك بالموضوع وجزاك الله كل خير
وارجوا تنفيذ الفكرة فى اقرب وقت وانا اول المشاركين فى المنتدى

Ayman Xp

03-05-2007, 09:20 AM

انتم أصحاب الفكرة ولست أنا
لذلك قبل أن أقوم بفتح القسم لكم لابد من معرفه المجموعه التى سوف تقوم بيه ومن منكم ملتزم
ولابد من وضع باسورد له وتكون مع تلك المجموعه فقط ويعطوه لأى عضو تجد تلك اللجنه أنه يستحق إلى أن يقف القسم على قدميه ووقتها يفتح للأعضاء لأنه لو تم فتحه للأعضاء كلهم سوف يفشل القسم تمام
أنا أتكم من واقع خبرتى وقد أتبعنا هذا الاسلوب مع أكثر من قسم وبالفعل حققوا نجاح كبير
لكى لا يطول الموضوع
أرجوا أن تتتناقشوا مع بعضكم البعض وترسلوا لى الصورة النهائيه لأقوم بتنفذيها بعد الاتفاق على جميع التفاصيل
ثم ترسل لى على الخاص
طبعا لاحقا سوف أختار من تلك المجموعه شخص أو شخصان للإشراف بناء على عمله

SAMEH_3ABDALLAH

03-05-2007, 09:24 AM

بالنسبة للمنتدى حاله لايسر
وانا معك فيما تجادلنا فيه سابقا عن اعضاء المنتدى البرمجى (اخطف واجرى ) ل اتضاح بعض الامور
وبالنسبة للمنتدى الجديد
لو عايز المنتدى يكون خاص انا موافق بس فى حاجة

تعمل يا استاذ ايمن اعلان عن المنتدى و تطلب من الاعضاء ان يسجلوا فى الموضوع لو لقيت ان الاستجابة من الجميع ووجدت ان مشتركين المنتدى اصبحوا كثيرين يبقى منتدى مفتوح
لو لم يرد الا القليل فبالطبع منتدى خاص باعضاء معينة حتى لا تتكرر ماساة منتدى البرمجة عامة

وبالنسبة لكلامك

بخصوص الأستاذ hannnny عملك كله النقد فقط لا غير لا تريد المساعدة فى شئ إلا توجيه اللوم للإدارة

اقرا مشاركتى فى الموضوع وتعرف اننى من اول المشاركين فى المنتدى الجديد انا لا احب الكلام الكتير ولااوجه اللوم و الاتهام لاى شخص ولكن انظر لحال منتدى البرمجة سيئ جدا جدا بالمقارنة مع منتديات اخرى يكتب فيها عشرات المواضيع يوميا

وعموما ياسيدى شكرا لاهتمامك بالموضوع و جزاك الله كل خير
وابدا فى التنفيذ فى اقرب وقت وانشاء الله اكون اول المشاركين بالمنتدى

SAMEH_3ABDALLAH

03-05-2007, 09:57 AM

hashem897

03-05-2007, 12:12 PM

ماشي ماشي يا استاذ ايمن الف شكر علي الاهتمام
بص يا سيدي احنابشكل اساسي
hashem897
hannnny
keemo_genral
anoos1973
A.B.D
حلو كدة يا باشا
ادينا خمسة واعتقد مفيش اي قسم فيه 5 مشرفين
عارف هتقوليمش كلكم هتبقوا مشرفين وبتاع ... انا عارف
انت بس فض الاشكال دة واعمل القسم وادينا الباصورد واحنا هنمشيه
حلو؟؟
واذا الموضوع منجحش ابقا اقفله وهيكون ليك الحق في كدة
ماشي يا سيد الكل
لو في اي حاجة تانية لسة ممكن توقف الموضوع قولنا واحنا هنجاوبك
اخوك هشام