المساعد الشخصي الرقمي

مشاهدة النسخة كاملة : ارجوا المساعدة

mostafa_10
25-03-2007, 10:57 PM
بسم الله الرحمن الرحيم

حصلت عندى مشكلة مش عارف ايه الحل فيها.


اولا انا عندي هارد 80 جيجا ويسترن ديجيتال... متقسم 3 أقسام .

وكان نوع الfile system >>>> FAT32

وبعدبين حاولت احوله لNTFS باستخدام الPartition magic

وكان شغال تمام وحول اول قسمين ....... وفي القسم الثالث العمليةو صلت ل 94% والكهربا قطعت على الجهاز

لما فتحت لقيت فولدرات اسمها غريب .... وتيجي تفتحها متفتحش ابدا ويطلع رسالة خطأ.

المهم قمت عامل check disk قعد حوالي نص ساعة ..... وبعدين ملقيتش الفولدرات الغريبة دي بس لقيت فولدر مخفي في اول الpartition اسمهfound.000 ومليان 6 جيجا ملفات امتدادها.chk

المشكلة انه حتى مش راضي يرجعه تاني لFAT32

هو مفيش مشكلة الا في حوالي جيجا حاجات مهمة جدا .... ومش هعرف اجيبها تاني .

ياريت اي حد يعرف طريقة ازاي ارجع الحاجات دي يبقى بارك الله فيه .
mindvision
25-03-2007, 11:38 PM
انا اعتقد كده ان الحاجات دي طارت !!! :no000000:
وتقدر تجرب فرصتك بقي باستخدام احد برامح الـrecover لاستعادة ملفاتك المهمة لان بس تكون مانتزلتش حاجة علي الهارد من ساعة المشكلة دي ماحصلت عشان تبقي نسبة الرجوع اكبر....
mostafa_10
26-03-2007, 01:46 AM
ربنا يبشرك بالخير

طيب ممكن برامج ايه اللي استخدمها ........ انا معرفش حاجه في برامج الrecover دي

لو ممكن تقولي على أي برنامج منهم ..... او تقولي اجيبهم منين

وعموما متشكرين يباشا على اهتمامك.
mindvision
26-03-2007, 08:55 AM
ربنا يبشرك بالخير

طيب ممكن برامج ايه اللي استخدمها ........ انا معرفش حاجه في برامج الrecover دي

لو ممكن تقولي على أي برنامج منهم ..... او تقولي اجيبهم منين

وعموما متشكرين يباشا على اهتمامك.

والله دي اخر حاجة انا ممكن اقولها لاي حد هنا... بس انا شايف ان الوضع صعب اوي من الوصف اللي انت بتقوله بتاع ملفات الـfound000 لان الملفات دي انا مابشفهاش غير لما يكون الجهاز اتقفل غلط والويندوز بيشوف ايه الملفات اللي باظت من القفل الغلط ده مثلا ويحولها زي مانت بتقول كده.... انا اسف انا عارف انه موقف صعب لكن اعرف ان انت مش اول واحد يواجه الموقف ده.. كلنا واجهنا الموقف ده وانا بالذات واجهته كتييييييييير....:sly00000:

اما بقي عن برامج الـrecover فيمكن اللي موجود منهم اللي انا قدرت الاقيه ليك احدث نسخة من برنامج Recover my Files واللي تقدر تنزله من هنا (http://rapidshare.com/files/22421051/Rec_my_files_398_5282_projectzck.org.rar)
mostafa_10
26-03-2007, 07:45 PM
عموما أنا متشكر جدا يباشا على اهتمامك البالغ

وأحب أقوللك ان الوضع اتغير شوية

أنا كنت استعوضت ربنا في الحاجات اللي ضاعت وقلت أما أعمل disk cleanup وخلاص.

المهم بعد ماعملت التنظيف وفتحت ملف الFound000 لقيت جواه جميع الملفات الللي كانت ضايعة بس طبعا كانت اسميها متغيره شوية ومتقسنه على حوالي 700 فولدر .


بس عموما الحمد لله ..... الوضع رجع طبيعي وكل حاجه رجعت .

واهم حاجه اني اتعلمت اني معدتش استخدم الpartition magic تاني ابدا ... ههههههههه

دا طلع عيني ياراجل.


وشكرا مرة تانية على الاهتمام ..... بارك الله فيك .


تقبل تحياتي
mindvision
26-03-2007, 10:46 PM
طيب كويس والله !!!
انا اتكسفت اقولك دور في الـfound000 دول لاني ببقي عارف انهم كتير والله... وفي ساعات بتبقي صعبة انك تلاقي حاجتك فيهم سليمة... فكويس بقي انك خدت الخطوة دي لوحدك :icon30: والف مبروك ياسيدي وخد بالك بقي المرة الجاية... :flex0000:
mostafa_10
28-03-2007, 07:28 AM
الله يخليك

عموما حصل خير


وأنا بقدم شكري مرة تانية .

بارك الله فيك