لماذا نقول لا للتعديلات الدستوريه

[d-virus]

http://cruelworld.files.wordpress.com/2007/03/gse_multipart38178.jpg

http://farm1.static.flickr.com/163/427601680_77aeb66603_o.jpg



قول لا لقانون سيستغل قانون الأرهاب لحبس المواطنين و المعارضين للفساد للحبس بدون العرض على القضاء

قول لا لقانون سينتهك حرمه بيتك و يعرضك للمراقبه مثل مراقبه التليفون و مراقبه الأنترنت و مراقبه منزلك و كل ده بموجب الدستور الجديد هايبقى للداخليه حريه أتخاذ أى أمر بدون للرجوع للنيابه أو القضاء .

قول لا لدستور هايمنع الأحزاب السياسيه أنها تباشر مهامها فى الأصلاح .

قول لا لدستور بيدعم التوريث ألى هما بيخططولو من أكتر من 15 سنه .

قولا لا لدستور هايمنعك أنت أيوه أنت من أنك تقول رأيك بحريه .

قول لا لدستور هايخلى تهمه الأرهاب هى التهمه ألى هتوجه لأى معارض سياسى شريف .

قول لا لدستور هايقمع حريتك .

قول لا علشان أنت أنسان ولازم تمنع أى أنتهاك لحريتك .

قول لا علشان ده أخر أمل لينا فى مصر أننا نعيش بسلام .

و لو قلت أه مصر هاتقولك أه ه ه ه ه ه

http://cruelworld.files.wordpress.com/2007/03/demo.jpg

[batsha]

لا مجاهده فى معركه مهزومه مهزومه

[sherif615]

عزيزى من الواضح انك متفائل جدا بان كلمتنا ممكن يكون ليها تأثير, او ان ده فعلا استفتاء لرأى الناس فى تعديل الدستور, هو مجرد تكملة للديكور والمكياج قدام الناس اللى برة وخصوصا (ماما امريكا), ومش معنى كده اننا نقول نعم فى الاستفتاء, بس فى الاخر النتيجة هاتطلع موافقة ولو مفيش غير مبارك واللى حواليه هم بس اللى قالوا نعم والشعب كله قال لأ, انت ما سمعتش عن العبارة الشهيرة اللى بتقول "مبارك قال كلمته".........

[Get It Now]

يعنى نروح و نقول ( لأ ) ولا ننفض و ياريت الرد بسرعة

أهم حاجة نقلل إحتمالات التزوير

[d-virus]

اوك أنا متفق معاكو تماما أنه هايحصل تزوير فعلى الأقل تروح و تقول لا أو تبطل صوتك بدل ما يخلو عسكرى يمسك الصندوق و يصوت مكانك ألى حصل فى الأستفتاء بتاع الماده 67 كل ألى مرحش أدى صوته هما صوتو مكانه بنعم للعلم أليه التزوير بتحصل لما محدش يروح يصوت هما بيعتمدو على كده .

و على الأقل أنت عملت ألى عليك ورحت قلت رأيك .

[nova2006]

اخى الفاضل بالفعل يجب ان نشارك بقول كلمه لا حتى لو كنا متأكدين انه لن يؤخذ بها على الاقل لنشعر امام انفسنا بعدم التخاذل

[troydclick]

اتفق مع ما قاله الأخ شريف فما يحدث هو عبارة عن اجراء روتيني
ولا يستطيع الشعب الوقوف أمام الدولة ، الجيش فقط هو من يستطيع الوقوف أمامها وذلك لن يحدث طالما لم يشعر بأي ظلم

وأما ما حدث فى المادة 76 ، فيجب أن تعرف أن هناك 15 مليون مواطن لم يذهب للإدلاء برأيه من أصل 32 مليون

[d-virus]

يا جماعه ليه بنعقد الأمور و بنخنق على نفسنا ما لو شاركنا كلنا فى الأستفتاء أه ممكن يتزور المره ديه لكن المره ألى بعدها هايكون التزوير أصعب شويه و ألى بعدها مش هايبقى فيه تزوير خالص مافيش حاجه بتتصلح فى لحظه لازم بالتدريج و كمان هاقولكو على حاجه لذيذه جدا أنا فى استفتاء الماده 67 الناس قالولى نفس الكلام ده ألى أنتو قلتوه و جالى أكتئاب و خلونى فقدت الأمل فى أى تغير بس فى اخر لحظه رحت و شاركت هو أه طبعا النتيجه أتزورت تزوير علنى بس حسيت أنى برده عملت ألى عليا جربو مش هاتخسرو حاجه و كمان التصويت ده حقك أنتو تعرفو أن فى اوروبا ألى مش بيصوت بيعتبروه مش أنسان علشان تنازل عن حق ليه ألى هو حريه الرأى و التعبير

[timoo_317]

كل اللاهات تلك لا يوجد لها اي اساس من الصحة
سلام

[troydclick]

تيمو انت باين عليك كدا شغال في الحزب الوطني
اوعى تكون الشاذلي وداخل متخفي ههههههه

[a_khamis]

لازم كلنا نروح و نقول لا

[timoo_317]

تيمو انت باين عليك كدا شغال في الحزب الوطني
اوعى تكون الشاذلي وداخل متخفي ههههههه

هههههههههه لا يا مان مش كدا
الحمد لله لسه مش تابع لاي تنظيم معارض او حزب سيلسي او اي جماعة دينية
يعني بعرف اشوف الحاجه بعين تانية خالص
عين حرة
بس كدا
سلام

[d-virus]

يا تيمو لو أنت شايف أن كل الاهاااااااات ديه مش صحيحه ياريت تراجع البنود بتاعت التعديلات الجديده

[sherif615]

يا جماعه ليه بنعقد الأمور و بنخنق على نفسنا ما لو شاركنا كلنا فى الأستفتاء أه ممكن يتزور المره ديه لكن المره ألى بعدها هايكون التزوير أصعب شويه و ألى بعدها مش هايبقى فيه تزوير خالص مافيش حاجه بتتصلح فى لحظه لازم بالتدريج و كمان هاقولكو على حاجه لذيذه جدا أنا فى استفتاء الماده 67 الناس قالولى نفس الكلام ده ألى أنتو قلتوه و جالى أكتئاب و خلونى فقدت الأمل فى أى تغير بس فى اخر لحظه رحت و شاركت هو أه طبعا النتيجه أتزورت تزوير علنى بس حسيت أنى برده عملت ألى عليا جربو مش هاتخسرو حاجه و كمان التصويت ده حقك أنتو تعرفو أن فى اوروبا ألى مش بيصوت بيعتبروه مش أنسان علشان تنازل عن حق ليه ألى هو حريه الرأى و التعبير

انت معاك حق وصح 100% , بس المشكلة اننا يأسنا وفقدنا الامل خالص فى ان حال البلد دى يتصلح, إلا لما حال الناس يتصلح وتقدر تغير العصابة دى, انا طلعت بطاقة انتخابية من حوالى 3 او 4 سنين, كنت انا وصديق عزيز ليا, لحد دلوقتى ماعرفش رقمها ايه, مع ان صاحبى قاللى عليه, بس فى الاول والاخر مالهاش لازمة(الا فى وقت انتخابات مجلس الشعب ساعتها ممكن تجيبلك فلوس), وزى ماقال سعد زغلول : (مفيش فايدة)...........

فى الاخر انا عارف انك صح وان رأيى غلط بس انا حاولت اغيره بس صدقنى الواحد حاسس انه واقع فى حفرة يأس.............

شكرا لك...............

[mohhamed111]

مسكين يا شعب مصر لن تذوق طعم الحرية أبدا .. في ظل وطن تربى على الاستبداد .. الكل في مصر يؤمن بنوع واحد من الحرية و هي الحرية في حجب حرية و كسر إرادة الآخرين .. غما استبداد سياسي و إما استبداد باسم الدين

البقاء لله .. اليوم الإثنين 26 مارس .. إعلان وفاة مصر الوطن .. اليوم اولى خطوات تفكيك مصر الوطن .. الحكومة تمسك بمعول هدم و المعارضة الإسلامية تمسك بقادوم و الكل هدفه هدم الوطن .. البقية في حياتك يا شعب مصر

[JAWS13]

انا هقول لأ عشان اوجة رسالة غير مباشرة
تعبر عن رفضي للحكومة الحالية

[d-virus]

بجد أنا مبسوط من النقاش ألى بيحصل سواء مع المتفقين معى فى الرأى أو معارضينى

[gemy_000]

صدقني صوتنا مالوش لزوم يا صاحبي والله

[mohamed elsayed]

صدقني صوتنا مالوش لزوم يا صاحبي والله

هو ده اللى هما عايزين يوصلونا ليه
حنخسر ايه لو بقينا ايجابيين

[abdalh]

انا شاركت ورفضت لان حتي لو صوتك مش هيفيد لازم تعبر عن رايك ومتديش فرصة لحد انه يصوت مكانك وتسيب حقك بسهولة كده واذا مكانش الشباب هيشارك مين اللي هيشارك؟