من هي التي تستطيع ان تتعلق في فكر الرجل دائما.,؟؟

[*سارة*]

السلام عليكم ورحمة الله وبركاته .,,




من هي المرأة التي لايمكن أن ينساها الرجــــل ؟؟

من منكم يا اخواتى تعرف الاجابه على هذا السؤال .,؟؟

انا ساحاول اني اجاوب عليه .,,

واحب اشوف اجاباتكم .,؟؟

اوكي اتفقنا .,,,

والمرأة التي لاتُنسى يجب أن تكون على هذه الصورة .,,:love6:


1-انها ليست متفرجة على الحياة ، بل هي تعيش أحداثها ، تهتم بها
وبالأشياء التي تحدث منها والتي تحدث لها .

2-والمرأة التي لاتُنسى تتمتع كذلك بالأنوثة ، ولكنها لاتحاول بالضرورة
أن تبرزها أو تظهرها .

3- المرأة الذكية..فالذكاء هبة .. وموهبة .. تساعدنا في الفوز بأكبر
نصيب من العالم الذي نعيش فيه .

4- والمرأة التي تمنح الرجل شعوراً بأنه أكبر مما كان يعتقد في نفسه،
وتقوده الى أبعد مما كان يعتقد أنه قادرعلى الذهاب اليه .

5- والتي تستطيع أن تمنحه شعوراًبالأمان .. وبأن حياته معها كانت
تجربة مثمرة

6- فالمرأة التي يذكرها الرجل في النهاية هي التي يحتاج اليها ..
المرأة التي تريحه ..




ولكن في جميع الأحوال فأن المرأة الذكية تستطيع أن تجعل من نفسها
المرأة التي لاينساها الرجل !!

[mashakel]

شكرا سارة على الموضوع الجميل واللي كان لازم يتعمل من زماااااااااااااااااااااااااان

اما بالنسبة لي فانا افضل المراة الذكية التي تتوقع رغباتي و تحاول ان تلبيها بدون ان تشعرني انها تقوم بواجبها تجاهي و احب ان يتوافر فيها الجمال و ان تكون مهتمة بنفسها من حيث المظهر و التدين و ان تكون مراة عاملة اي لا تهتم ببيتها فقط بل بمستقبلها و ان تكون ممن لديهم احلام ليحققوها
وفي الاخر و الاول ان تهتم باطفالي قبل ان تهتم بي و تتبادل معي نفس الحب و نفس الاهتمام


و الحمد لله انا لقيت تلك المراة

PeAcE

[*سارة*]

والله عجبنى ردك جدا جدا ..
مافيش زيك كتير ..كلهم عاوزنها محدودة الطموح.. للبيت وبس.
واكرر شكرى على صراحتك ومشاركتك الجميلة ..

وربنا يوفقك معها يا رب ويرزقك الذرية الصالحة.يا رب

[GoodMan]

الاخت سارة اسمحى لى اتعارض معكى فى الرأى الخاص بيكى موضوع ان الرجل يريد المراءة للبيت فقط ده خلاص انتهى دلوقتى الشخص بيبحث عن الانسانة اللى تفهمه ويفهمها ويساعده بعضهم البعض فى رحلة العمر وده راى بايجاز ....

[*سارة*]

اخى اولا اشكرك على مشاركتك ..
بس للاسف انا لسة قرأه مقال بيثبت كده ..للاسف لسة فى ناس كده .
والحمد لله ان فى ناس زيكوا ..فى امل..

[crimzon red]

انا بتفق مع GoodMan، انه الرجل بيبحث فعلا عن امرأة هكذا،
لكن بعد الزواج بتنعكس الآيه وينتظر ان تتغير لزوجه مريحه اكثر من اي شي آخر. والله أعلم. :p

[egyptianlion]

انا بالنسبة لى باعتبر ان قمة راحتها انى اخليها ترتبط بوظيفة واحدة .. وهى الوظيفة الثابتة اللى خلقا ربنا ليها من الأساس .. بدل ما يبقى لها وظيفتين .. واحدة خارجية والاخرى داخلية !

موضوع المراة العاملة مش بالضرورة يعنى انانية من الرجل ! .. بل قد يكون احيانا قمة الانصاف منه !

انا اؤمن ان المراة خلقت بكيفية مختلفة عن الرجل لتؤدي وظيفة مختلفة فى الحياة ..

الخصائص البيولوجية للمرأة تظهر قدرات عضلية اضعف بكثير من الرجل ..فى حين تتمتع بقدرات عاطفية أقوى

انا مقتنع ان المرأة العاملة تؤدي وظيفتين وظيفة طبيعية خلقت لها ..ووظيفة فرضتها الظروف .. وبعض الافكار!

ولست مع من يطالب بتقسيم العمل - خارج وداخل البيت .. لأنه مهما كان فمساعدة المراة للرجل بالعمل خارجا عمل تطوعي منها .. وكذلك مساعدة الرجل للمراة داخليا ..وتلك هي الطبيعة التى خلقنا عليها والا لساوى الله بينهما فى الخصائص وما جعلهما مكملين لبعضهما ! ..
وانا ضد كل من يخالف الطبيعة لأن الطبيعة حتما ستقهره فى النهاية !

وانا اشفق على المرأة ان تؤدي وظيفتين (كما هو حال اغلب السيدات العاملات حاليا) .. يعمل الرجل فى الصباح ويعود ليرتاح ..بينما تعمل المرأة صباحا .. وتعود للأعمال المنزلية الأكثر مشقة .. وان ساعدها الرجل ..فكرما منه لا أكثر ! ..

ومن جهة اخرى ، فاغلب الدراسات الاجتماعية تؤكد دور الأم الفعل فى التنشئة الاجتماعية ، والذى من الصعب ان يعوضه الرجل ، والذى ينهار اذا ما عمل الاثنان وتركا اطفالهما للخادمات ودور الحضانة !

ولذلك ، انا مع المرأة فى ان تنال حقها فى وظيفة واحدة فقط كما يفعل الرجل ! .. وهذه هي قمة المساواة ! - وان كنت اتحفظ على تلك الكلمة التى توحى بالتمرد على خلق الله للزوجين غير متساويان اصلا فى العديد من الخصائص!

[crimzon red]

:rolleyes: :rolleyes: :rolleyes:

[rokey77]

أهــــم حاجة الذكـــــــــــــاء في رأيي

[enppi]

انا ان شاء الله اتمنى فى الله ان اتزوج مسلمة تعرف كثير عن زوجات الرسول والله الواحد لما بيسمع حاجة عن ازواج النبى بيتجنن شوفو البنات او الزوجات بتوع اليومين دول هما عارفين ان بعد الجواز بيكون سجن تعرفو الكلام دة بيحصل لية عشان ميعرفوش اغلبهم عن زوجات الرسول انا طبعا مش عايز نفسى فى زوجة تساوى ربع زوجات الرسول فعلأ دى امنيتى الزوجة بالاسلام والدين القوم دة سلحها للأبد

وشكرا على الموضوع الجميل دة

[*سارة*]

اخ egyption
والله ان من انصار جلوس المراة فى البيت لان هى ديه رسالتها الاساسية فى الحياة
وربنا اداها كل المقومات من اجل هذة الرسالة العظيمة..
لكن تخرخ للعمل اذاكان الزوج محتاج لمشاركة بس.
وربنا يبارك فيك يا اخى على رايك السديد المدعم بالاسباب والمسببات
واكرر شكرى على ردك ومشاركتك القيمة جدا..

[egyptianlion]

العفو يا اختى العزيزة .. وشكرا لك ايضا على كلامتك وعلى طرح هذا الموضوع

وكنت اود لو علقت على رايي ايضا الأخت العزيزة كررميزون .. ولكنها اكتفت بالنظر فقط الى مشاركتى بالأعلى :p

وموضوع عمل المرأة كمشاركة منها - عند الحاجة الشديدة لذلك - يجب ان يقدره الرجل اولا ! .. ان يعى تلك التضحية منها ويقدرها .. وان تستطيع التوفيق بين احتياجات بيتها - ولا اقول زوجها ! - وبين العمل ... وان كنت اشفق عليها بعد ذلك ! .. ويتحتم على الزوج بالمثل معاونتها فى المنزل .. ولكن يبقى دائما دور الرجل الاساسي خارجيا ودورها داخليا هو الأصل .. وخلاف ذلك فهو تطوعا من الطرفين

[hemo1983]

يا رب مراتي طب زي القمر
بس مش عايشة الدور و لا عارفة قيمة نفسها زيادة عن اللزوم
هي دي الست اللي تتعلق في فكري

[*سارة*]

شكرا يا خ... انمبى...
فعلا عندك حق لازم تكون عارفة عن زوجات الرسول الكثير..
ليكونوا لها قدوة تحتذى بها فى كل حياتها
وربنا يوفقك لنيتك الصالحة..

[мυѕтαfα]

اللهم اسألك برحمتك التي وسعت كل شئ.. أن تيسر لي جميع أموري لأنال مرادي... وتوفقني لما تحبه وترضاه..

1- طاعة الله سبحانه وتعالى في السر والعلن ، وطاعة رسوله صلى الله علية وسلم ،وأن تكون صالحة .
أن تكون ذات خلق حسن .
أن تحب الخير وتسعى جاهدة الى نشره.
أن تكون متوكلة على الله في السر والعلن ، غير ساخطة ولا يائسة.
أن تكون من المتطهرات نظيفة في بدنها وملابسها ومظهرها وأناقتها.
أن تتصف بالحياء .
ن تكون بسيطة،غير متكلفة، في لبسها ومظهرها وزينتها .
أن تكون شخصيتها متميزة، بعيدة عن تقليد الآخرين ، سواء في لبسها أو قولها أو سلوكها بوجه عام.

وكدة كفاية ااااااااااااااااااااااوى ... علشان انا عارف ان الكلام دة مش موجود اساسا دلوقتى...

واااااااااااااااااااالف شكر ليكى يا سارة على الموضوع الجميل

[*سارة*]

اولا شكرا على مشاركتك التى تدل على حسن خلقك
ثانيا ليه التشائم ده والله فيه بنات كتير بالمواصفات دي
لكن يمكن حكمك ده من النماذج اللي بتشوفها..
وبعدين مش في موضوعك (بتاع صور العرايس)
قلت انك حاجز التانيه المسمسمه ..خلاص بقى.
وبعدين لو فى مشاكل بينكم ممكن ادخل واصالح بينكم..
وشكرا مره تانيه على المشاركه..

[мυѕтαfα]

لا انا مش متشائم ولا حاجة بس هيا فين لو عندك واحدة بالمواصفات دى قوليلى وانا ماسبهاش
هامسك فيها بايدى واسنانى.......


وبالنسبة لعرستى :5bomb:
هوالحقيقة يا سارة فى فعلا مشاكل كتير ااااااااااااوى بنا
انا بغير عليها ااااااااااوى من اى حد وهيا مش عجبها كدة
وهيا مصممة على الانفصال ومش عارف اعمل اية يا ريت
يا سارة تدخلى وتعقليها ... وعلى فكرة يا سارة انا جبتلك عريس تحـفــة


وشكراعلى الكلام الجميل دة :p :p

[د. عماد الدين]

من منكم يا اخواتى تعرف الاجابه على هذا السؤال .,؟؟
أنا جيت بس أستغرب

هو الموضوع ده للبنات ولا للولاد

لأنى ملاحظ أن كل اللى شارك ( عدا قرمزيه ) شباب

عجبى والله

أنتوا ايه اللى دخلكم ؟؟؟؟

كلام الأخت ساره واضح فوق أهو !!!!!!

[محـMoHaMeDـمد]

معلش يا اخ ايموفلكس ماهى كاتبة الموضوع اصلا معترضتش وسرتها الردود
خلاص بقى نسيب المياه تجرى فى مجاريها ونهز رؤوسنا فى رضا وصفاء
مش كده ولا ايييييه؟
وبالنسبة لرأيى فأنا شايف انا المرأة اللى الراجل ميقدرش ينساها هى اللى تحترم نفسها وتحترمه وتحسسه طول الوقت ان فى بينهم حاجز
حاجز رقيق او سميك حسب نوع العلاقة بس المهم يحس ان فى بينهم حائل...حجاب...حاجة كده

[*سارة*]

اخى الفاضل .ايمو فليكــس
_________________
بصراحة بعد ما كتبت الموضوع .لقيت ان المفروض يرد الاولاد مش البنات .
لاننا اذاى حنعرف المراءة التى تتعلق فى ذاكرة الرجل. الا اذا تفضل الرجال واملوا علينا اهتمامتهم
بخصوص هذا الموضوع .لكن لوالبنات ردت كان ممكن تكتب اية....ولا انتا رايك اية .
وعلى فكرة الاخت كريمزون ما ردتش على سؤالى المطروح لانى لو مكانهاكنت حاكتب اية
وعلى العموم اشكر كل السادة الاعضاء على ردودهم القيمة.
واشكرك يا اخى الفاضل على تعليقك ..

[GENNI]

أختي العزيزة سارة ...

موضوع رائع كما تعودنا منك دائما ...

و أنا رأيي الشخصي ...
التي لن يمكن أن أنساها ... هي التي تدرك أنها إمرأة ... و تعي ذلك جيدا ... و تتصرف على هذا الأساس ...
بس كده :) ...

و أنا رأيي مع egyptianlion طبعا (أسد يابني :D) ...
يا جماعة الست مخلوقة عشان البيت ... و دي في حد ذاتها مهمة أصعب بكتير من مهمة الرجل ... انتو عايزين تاخدوا كل حاجة؟!! :D ... و في الآخر لا بتنفعوا في ده و لا في ده :p ... هاهاهاهاها ...

أوعوا حد يزعل ... أنا باهزر معاكم طبعا ... و أنتوا 100 100 و جدعان قوي ... (عشان مانضربش يا عم) ...

و شكرا يا سارة مرة أخرى ...

[*سارة*]

لا لا لا لا ...بقي كده يا اخ رامي ..ماشى .
انا شكلي كده حغير رأيي فيك خالص..
وفيها ايه لما البنت تشتغل... بالعكس بقى دى البنت اللى بتشتغل بيكون طموحها واسع وبالتالي
تكون احلامها كبيره لبيتها ...مش تقعد فى البيت تغسل وتكنس ويتحرق دمها من ده ومن ده وبس ..
وتكون مجرد اداه لراحة الجميع وبس...وعلى فكره بقى المفروض الزوج يساعد زوجته
ينظف الشقه يوم وهى يوم ..يغسل الاطباق يوم وهى يوم ...
لا الزوج ايه... يرجع يعيني من الشعل الساعه تلاته او اربعه تعبان ياكل ويدخل ينام
وبعدين يقوم ياخد خمسه فرفشه امام التلفزيون وبعدين يدخل يكمل نوم!!!!!!!
ومراته ذى الساقيه تفضل صاحيه طول اليوم وكمان تنام بعده...ده غير انها بتقوم قبله عشان تصحيه
وتشوف الاولاد ومدارسهم..

عجبك كده يا اخ رامي عصبتنى....كفايه كده علشان منزعلش مع بعض ..

وشكرا اخى رامى على مشاركتك وياريت متقلش تانى انك بتهزر
علشان اكيد احنا عارفين انك بتهزر ده غير ان مفيش زعل بين الاخوات..ولا ايه؟
وشكرا مره اخرى..

[dodashawky2]

بسم الله الرحمن الرحيم
يا سارة حرام عليكي كل دي مواصفات للست
اللي ترتكز في عقل الراجل
أنشالله يا بنتي ما أرتكزنا أحنا حنقطع نفسنا
عالعموم أنا بهرج لكن لو بجد بقى
رأيي أن المرأة الذكية تقدر تعمل أي حاجة عشان ترتكز في عقل الراجل
لو عايزة تشتغل وهو مش عايز يا أما حتعرف تقنعه
يا أما حتسايره في الأول وبعدين برضه حتقنعه
وهكذا في كل المواضيع
دي يا ستي لو هي اللي مزعلاه قبل مايزعل بتكون محسساه أن هو اللي غلطان وبتخليه كمان يعتذرلها
للأسف الراجل بقى عايز الست الذكية
وللأسف برضه دة مش من مصلحته نهائي
لأنها فعلا بتعرف أزاي تعيش وتتأقلم
وتأقلمه كمان بس على مزاجها.
ورأيي في الشغل أن والله من الأحسن للست قبل الراجل
أنها تشتغل والله دماغها بتوسع وعقلها بينضج أسرع
وبتكتسب خبرات في الحياة أسرع كمان.
لأن اللي بتقعد في البيت بتوصل ساعات أنها تبقى محدودة الأفق
وسطحية ومتعرفش أي حاجة غير الغسيل والأكل والعيال والتنظيف وبس
ولو هو حب يستشيرها في حاجة حيتصدم بعد كدة
دة رأيي يارب ميزعلش حد وأنا دايما والله في صف الراجل
لأنهم قوامون على النساء يعني لو عايزني أقعد
حتناقش لو ملقتش مجال للنقاش حقبل عشانه بس وهو بقى يتحمل النتائج
مرسيه عالموضوع الجميل دة يا سارة وأسفة عالتطويل

[FaReSALandloS]

واحده عيونها حلوه
وتكون مرحه ومثقفه
وبلاش اكمل

[FaReSALandloS]

الله ردي مش عاجبكم يا جماعه ولا ايه

[mgodaegs]

كل النساء لا يستطيع الرجل نسيانها
المراة النكدية لا يستطيع نسيانها حتى انه يكلم نفسه فى الطرقات حتى انه كلما اقترب من نزله تمنى طول الطريق
والمراة اللى زى السكر يتمنى يرجع بس متقولوش يا حبيبى انا عايزه ده وده فهو يتمنى الا تنطق

[هانى احمد]

اعتقد انه اى بنت بها ملامح من شخصية وشكل الام هى من تجعل اى رجل يتعلق بها واقصد بذلك ام الشخص
فالام بالنسبة له الاساس فى التعلق بالنساء واى واحدة منهن تشبهها اكثر زاد تعلقه بها اكثر وبمميزاتها

[*سارة*]

شكرا يا جماعة على ردودكم
وللاخ فارس ..لسه بدري يا ولد على الكلام ده .هههههههه

وبالنسبه للاخ mgodaegs مردودة لك يا سيدى..

والبنسبة للاخ هانى فانا متفقة معاك
علشان انا نفس الشىء فان الرجل الذى يتعلق بذهنى
رجل يشبه والدى ........

[REWESH]

انا ليا اضافة الرجل يحب ان تتقبلة المراه كما هو. يعنى متحاولش تغيره بطريقه مباشره

[dydy]

بصراحه بعد الكلام اللي انت قولتيه مش عارف اقول ايه تاني

[samah samy]

عزيزتى سارة لو انا البنات ردت ستكون الاجابة ............
الاول من هو الرجل الذى لن تنساه المرأة؟؟؟ الذى يتقى الله فى معاملتهم ، هو الرجل الذى يغار على اهل بيته، القادر على متطلبات الحياة الكريمة من كلمة الحلوة وعشرة الطيبة ومعاملة حنونة، هو الرجل الذى يقول الصدق دائما
وبالتالى فان المرأة التى لن ينساها الرجل هى:ـــ هى التى تساعده على تقوى الله ورضوانه، هى من تجعله سيدها ولا تشعرها بالغيرة من أحد ، من تبادلها كلماته الحلوة وتصون عشرته ، من تحترم صراحته وتشجعه عليها..
قال ختام الرسل(عليه افضل الصلاة والسلام)
فيما معناه ان الرجل اذا كره من زوجته خلقا رضى منها أخر..........

[dydy]

علي فكره الكلام سليم اللي قلتيه وبصراحه مش هقدر ازود عشان جايز حد ميعجيوش كلامي

وده ايميلي علي الياهو لو احد عاوز يعرف الكلام ده waled_ellol_2005

وياريت اكون عند حسن ظنك ياسماح

وشكرا علي ردك

[samah samy]

اما من ناحية عمل المرأة ......... بالله عليكم كل التعليم اللى تعلمنها وسنوات الدراسة الطويلة والتعب والجهد فى النهاية يدفن بالبيت
نعم يدفن مهما كانت الحياة ومتطلباتها داخل المنزل فانها ستفرغ سريعا فما اسهل القيام باعمال المنزل ولكن ....... وبعدين...... تجلس المرأة (للأكل) ويارت التخن هيكون فى الجسم وبس لا سيصل للمخ (يعنى مخها يتخن) دى الصراحة ........ وبعدها لما يجى الرجل يتكلم ويتناقش فى موضوع ما تكون هى على غير علم به بيقول عليها ايه فى الاخر ....... قولوا انتوا هيقول ايه.........وياسلام لما يتناقش فى نفس الموضوع مع صديقة العمل أو حتى مع جارته بالميكروبص قد ايه هيكره زوجته ويصفها بالغباء ,,,,,,,,,,,,,
وسابنا من كل ده هو مش حقنا الاحساس بالذات وبالاستقلال ولو حتى المادى عن الزوج.....
تربية الاطفال نعم تحتاج الى وجود الام دائما ,,,,,, ولذلك أراها معادلة صعبة
رأى الشخصى يمكن يكون متناقض مع رأى العام ولكن أرى ذلك طبيعى فالاراء نتاج للخبرة.............
إذا كرمنى الله بزوج وأطفال ورأيت أنهم فى حاجة الى وجودى الدائم ,, فتهون كل الدنيا فى سبيلهم .

[samah samy]

العفو.......... ويارت تقول كلامك فى المنتدى حتى يسمعه الجميع ونشوف هيجبنا ولا لأ ؟؟

[samah samy]

للى قال ان رده مش عجبنا........... وقال انه عاوز واحدة عيونها حلوة ومرحة ومثقفة............... هو الموضوع اتحول لخطبة....... وأنت مش معيا ان استحالة يجتمع الكل على شئ واحد يعنى اللى شايفه حلو تشوفه انت وحش
وفى مثل مصرى جميل بيقول (القرد فى عين مامته ..........) اللى مصرى هيعرفه

كلامى هــــزار .......... ............. ............. أوعى تزعل