مش عايزيين تعديل دستور

[d-virus]

يا جماعه الحوار كبير ولا أنتو لسه نايمين فى العسل و بتقولو بينكو و بين نفسكو و أحنا مالنا ما يغيرو الدستور هو يعنى الدستور الموجود عملنا أيه طبعا الكلام ده مش لذيذ خالص بصو بأه موضوع الدستور ده يفرق مع أى حد حتى الشحات ألى ماشى فى الشارع ده هايفرق معاه أنتو عارفيين معنى أنه يتقبض عليك و يطلع عين أمك ضرب و متتطلعش لنيابه و لا غيره ولا ياسيدى شوف أمناء الشرطه ألى ماشيين فى الشوارع دول شوفو دلوقتى بيطنططو على البشر أزاى و شغلين مصالح و ده و فيه قيود عليهم تخيل بأه مبأش فيه قيود عليهم و بتوع الحكومه ماشيين فى الشارع و هما عارفيين أنه بعد تفعيل الحوار بتاع ماده الأرهاب ده أن الريس بتاعه هو ربنا يعنى علشان يبطل رخامه عليك يبقى لازم ياخد أمر من ألى خلقك من الأخر هايعمل فيك ألى هو عايزه و مش كده بس هايرقبوك مش بعيد تلاقى جرس بيتكو بيرن الساعه 3 بليل و تلاقى واحد بيقولك عندنا نبطشيه مراقبه فى بيتكو النهارده روح أعملى شويه قهوه و يرخم عليك شويه و يعاكس فى بنتك و مراتك و قدامك و أنت ولا كلمه هاتنطق هايعملو فيك زى عمك عماد الكبير .
(http://www.youtube.com/watch?v=UfUL2haEKB4)
و مش كده بس ده أنت كمان هتبقى أرهابى و موضوع المظاهرات ده بدل ما هابتفض بالميه و عساكر الأمن المركزى ده كان زمان خلاص أيام ما كان فيه حريه بعد كده يا حلو هايضرب نار فى المظاهرات ليه ياعم هو كده و تلاقى فى النشره بتاعت تليفزيون عمو حسنى أنه تم أحباط مخطط أرهابى تبناه كلا من التيار الشيوعى المسلح بدعم من التيار الليبرالى المسلح و قام بالمهات الأنتحاريه كتائب الجماعه المحظوره مش بقولك هاتحصل حوراااااااات .

المهم أنت بتقرى الكلام ده و بتقول يعنى هانعمل ايه ما كده كده رضينا أو رفضنا هايعملو ألى فى دماغهم بس لو نزلنا كلنا مع بعض يوم الأحد 25/3 و قلنا مش عايزيين تعديل دستور أنت هاتعمل كده علشانك أنت علشان كرامتك علشان حريتك و علشان بلدك مستنينك يوم الأحد 25 / 3 علشان نقول كلنا مع بعض ” مش عايزيين تعديل دستور ” و لو أنت خايف من المظاهرات بسيطه دوس هنا و انت تعرف هاتعمل أيه (http://cruelworld.wordpress.com/2007/03/23/%d9%85%d8%b4-%d8%b9%d8%a7%d9%8a%d8%b2%d9%8a%d9%8a%d9%86-%d8%aa%d8%b9%d8%af%d9%8a%d9%84-%d8%af%d8%b3%d8%aa%d9%88%d8%b1-%d8%b7%d8%a8-%d9%86%d8%b9%d9%85%d9%84-%d8%a3%d9%8a%d9%87/)

[mohhamed111]

انا عاوزك تهدي نفسك خالص و تعتبر إن مافيش تعديلات ولا حاجة هأقول لسيادتك ليه ؟

سيبك من التاريخ المصري البوليسي و الثقافة الأمنية التي هي هي بالحرف تطبق من عصر قراقوش حتى الآن

هنبتدي من أيام الملكية التي يزعم البعض انها كانت أكثر حرية و حكايات البوليس السياسي

ثم عصر عبد الناصر و ما كان يعرف بمراكز القوى

ثم عصر السادات و قمع انتفاضة الشعب فيما أسماه انتفاضة الحرامية

كل المسميات السابقة أصبحت الآن اسمها مدلع شوية و يوحي بان هناك دولة لها أمن وهي مباحث امن الدولة .. التي اقترح تغير اسمها إلى مباحث أمن النظام

ملحوظة : أرجوكم يا شرطة الانترنت لا تحاسبوني على هذه الكلمات إلا بعد يوم الإثنين حيث انني بعد هذا اليوم سألتزم بالقانون و لن أعبر عن رأيي مرة أخرى و حيث أنني لا اتحمل الضرب و لا البهدلة

نرجع لموضوعنا .. عاوز أقولك إن ما سيقره الدستور من فقرة مثيرة للقلق كانت تطبق في كل وقت و في كل عصر .. الفرق الوحيد إنها ستتم وفقا للدستور و من بعده قانون الإرهاب .. آسف مكافحة الإرهاب .. يعني كله حسب القانون

[kamal_elbaz]

يا سيدي وانته بس عامل في نفسك كده ليه وحارق في دمك الموضوع بسيط جدا انته كل الي مطلوب منك انك تعمل الي عليك شارك برأيك
ويا ريت دعاة المقاطعه يمتنعوا المره دي ده المفروض شئ هيتحكم في مصير البلد يبقى المقاطعه مرفوضه ومش هتعمل حاجه

[d-virus]

أنا ضد القاطعه أنا بقول كده علشان نفسى أن الناس تروح و تقول رأيها و أنا بعرض رأيى و كل واحد حر فى رأيه

[a_khamis]

لازم كلنا نروح و نقول لا

[timoo_317]

عزيزي المواطن
من الاخر كدا و من غير كتر كلام
ارجو ان تكون المعارضة في مصر من اجل المعارضة و فقط
و حاجه كمان
هيا اصلا الاحزاب في مصر ايه دورها ولا يعني كنا شفنا نها حاجه واحده بس مفيدة من يوم ما طلعت
حزب التجمع و الوافد و الغد و الناصري مش عارف ايه و مصر الفتاه و الفتاه مصر و شوية كلام ملوش لازمه
عفوا لا يوجد اصلا دور لاي حزب ولا اي جماعة منذ و ان وعيت على الدنيا الا المعارضة من اجل امعارضة
و اظن انه حان الوقت لكي يتخلص الشعب من هذه الخرافات
خرافات الاحزاب و الجماعات المعارضة
سلام