نصائح ضرورية أثناء فترة الخطوبة للبنات

[*سارة*]

السلام عليكم

نصائح ضروريه جدا للشباب والصبايا
( اثناااء الخطوبه)

نصائح: الصراحة ضرورية جدا.. اثناء فترة الخطوبة
من المهم مناقشة الكثير من المواضيع قبل الشروع بالزواج، حيث انه من الأفضل أن تكون جميع المواضيع الجوهرية قد تم بحثها وبصراحة متناهية من قبل الشريكين قبل الإقدام على خطوه الزواج.
فعند ارتباطك بشخص تحبينه يجب أن تعرفي الكثير عنه بحيث يمكنك أن تعيشي معه طوال سنوات الزواج الطويلة.


اسأليه لماذا يريد الارتباط بك؟ إذا كان يريد أن ينجب أطفالا أو كان جوابه انه مقدم على الزواج بسبب الوحدة أو انه يسعى للاستقلال عن عائلته أو انه يسعى الى الرخاء المادي فان تلك الأسباب لا تعد كافية للزواج. يجب أن تعرفي منه ماذا يريد من الحياة كزوجين معا؟



استفسري اكثر عن حياته الأسرية، هل عائلته مسيطرة؟ بمعنى هل يتعين عليك أن تتواجدي كثيرا في منزل العائلة؟ ولا تنسي أن تتبيني ما هي التقاليد والعادات التي سيجلبها إلى منزل الزوجية؟ استفسري بالضبط عن أولوياته بالحياة وما هي نظرته في موضوع إنشاء العائلة؟



موضوع الأولاد. استفسري عن عدد الأطفال الذين يرغب بإنجابهم. وما هي طريقته في تربيتهم؟ اعرفي اكثر عن مدى الحرية التي سيسمح بها في منزله؟



كذلك اعرفي منة مدى ميوله الدينية. أي هل سيكون متزمتا في موضوع فرض شعائر العبادة عليك وعلى أطفاله. من المهم جدا التكلم بصراحة وانفتاح لأنك قد تكتشفين بعد فترة انك غير قادرة على التعامل معه لمجرد اختلاف في المعتقد أو وجهة النظر للدين.



موضوع اتخاذ القرارات. هل سيقوم هو باتخاذ القرارات الحاسمة في الحياة أم أنها ستكون ثمرة نقاش مشترك بينكما؟ هل بإمكانكما أن تديرا نوع من الحوار الجدي دون أن ينتهي الموضوع بمشكلة؟



جميع هذه الأمور و الكثير غيرها هي الأساس لعلاقة صحيحة بين أي شخصين يفكران بالارتباط.

لذلك خصصي بعض الوقت أثناء الخطبة لمناقشة مثل هذه المواضيع، ولا تحاولي الحصول على سعادة مؤقتة، فمعرفتك لزوج المستقبل قد تعني سعادة تدوم طوال حياتك الزوجية. :5emoticon

[dynameta]

بجد نصايح هايله اوى
ميرسي سارة
واكيد نعمل بيها

[nenogirl]

شكرا يا سارة على النصايح دية بس صدقينى فى ناس بتكون مش صادقة من البداية حتى لو كنتى صادقة معاهم وبيكدبوا وبيخدعوا على طول الخط ودة بناء على تجربة شخصية علشان يقولوا ان الرجالة المصريين ابرياء والمصريات كذا وكذا
وبدون دخول فى تفاصيل لكن فى ناس ممكن يخدعوا بلد والحمد للة على كل شئ وزى مافى وحششين فى كويسسين وأكيد النصايح دية بتنفع بردة بسسسسسسسسسسسسسسس مع الصدقيين

[هانى احمد]

علشان يقولوا ان الرجالة المصريين ابرياء والمصريات كذا وكذا


هو انتى حضرتك تقصدى مين بالظبط بالكلام ده
على فكرة انا مش داخل اتخانق ولا قصدى حاجة
انا شدنى عنوان الموضوع مش اكتر بس لاقيت الكلام ده
وعلى العموم يا اختى نينو كلامك مظبوط
زيى ما فيه مصريات بتكدب وتبقى حلوة قبل الجواز وبتعمل البدع فى نفسها
فيه شباب برضه بيضحك على المصريات بكلام معسول فى فترة الخطوبة
وبعد ما يتجوز ويلاقى نفسه مش قادر على تحمل المسؤليه فبيهرب ويعمل مشاكل مع مراته عشان يتطلق
وكلا النوعين سواء من الشباب او البنات مرفوض طبعا
ومن الاخر البنت اذا كانت عايزة تتجوز واحد كويس لازم تبص على مقدار تدينه قبل ماتبص على مالديه من اموال وعمل وعربيات
وكلما كان متدين وملتزم اكثر كلما نجحت الحياة الزوجية
وطبعا لابد بداية الزواج تكون بطاعة الله
يعنى مثلا الخروج فى فترة الخطوبة يكون مع محرم ومفيش حاجة اسمها امسك ايدك والكلام ده
والفرح يكون اسلامى ايضا
يعنى دى شوية نصايح منى ليكم
وانا اسف اذا كنت تدخلت فى موضوع حريمى
بس داخل انصحكم عشان محدش يقول عليا انى وحش :D

[*سارة*]

اختى العزيزة nenogir
اولا شكرا على مشاركتك
ثانيا زى ما بيقولوا لكل قاعدة شواذ وان كان الكلام ده بيبقى صعب التنفيذ على ارض الواقع
وانا معاكى فى كل كلمه قلتيها والله لكن بنعمل اللى علينا عسى حد يستفيد وربنا يوفقك



اما بالنسبة للاخ ...هانى ...
فانا قرات لك العديد من المشاركات والتى يكون مضمونها انك متحامل شوية على المصريات
ونفسك تتجوز اجنبية ولا غلط
لكن بالنسبة لردك فى الموضوع فانا متفقة معاك جدا وده ما يطلعش الا من شخص محترم
بيصون بنات المسلمين ربنا يبارك فيك
وحضرتك ما اقتحمتش موضوع نسائى ولا حاجة فالمواضيع مفتوحة لكلا الطرفين

[crimzon red]

لا لا لا، هاني بيتكلم عن ست يمكن تكون مظلومه؟ (مش كلهم ساحرات شريرات؟ :p ).

لا انا اطمنت عليك خلاص، يطلع منك برضه. :D

*معك حق في النصائح للخطوبه يا سارة ،علشان الواحد بيسمع حاجات غريبه من الناس وغصب عنك تفكر ياربي ازاي ما عرفوا الكالم هذا قبل الزواج؟ :p

[dudy]

الشباب فى وقت الخطوبة في حالة رومانسىههه ولا يظهر الشاب او الشابة فى حالتهم الطبعيه وبعد الزواج وتبعا للمواققف يظهر كلا منهم :5bowtie:

[YOUSIF ДHMED]

الموضوع للبنات بس http://smilies.sofrayt.com/^/aiw/shout.gif

انا جاسوس http://smilies.sofrayt.com/%5E/u/bighair.gif
وشفت كل شيء http://smilies.sofrayt.com/^/aiw/grin.gifhttp://smilies.sofrayt.com/^/aiw/grin.gifhttp://smilies.sofrayt.com/^/aiw/grin.gifhttp://smilies.sofrayt.com/^/aiw/grin.gif


وكشفت الا عيبكم http://smilies.sofrayt.com/%5E/f/2jump.gif




امزح بس......

[*سارة*]

وانا باقول شامة ريحة جاسوس...
مشكور على تجسسك..

انا بهزر

[محـMoHaMeDـمد]

بصراااااحة أنا مابعترفش بفترة الخطوبة دى كمقياس نهاااااائيا
حاجة من اتنين
1 - اما تتجوز واحدة اول مرة تكتشف شخصيتها وطريقة تعاملها يوم الفرح ودى طريقة ناجحة بدليل نجاح زواج آباءنا واجدادنا
2- تكون واحدة عارفها وعارف شخصيتها و طريقة تعاملها من بعيد ومع كل الناس مش معاك انت كخطيبها

اما فترة الخطوبة دى فكل واحد بيظهر فيها احسن ماعنده وبيدخر الاسوأ لما بعد الزواج
شكرا

[*سارة*]

والله ولا اناكمان مش بعترف بيها
لكن لازم وبعدين الطبع يغلب على التطبع
يعنى لازم يظهر ولو غلطه واحده تدل على حقيقتها
او حقيقته.
وشكرا أخى محمد على المشاركه..

[nenogirl]

انت بتتكلم صح واللة يا أخ محمد أنا رأى من رأيك

[محـMoHaMeDـمد]

شكرا على التأييد يا اختاى سارة والبنوتة نينو
على فكرة ياجماعة انا عملت موضوعين محدش علق عليهم خالص مش عارف ليه :(
اسمهم (بور) و (اختبار خفة الدم) عادى حتى لو وحشين ممكن اللى يدخل يكتب وحشين ونحاول نشيلهم
:)

[мυѕтαfα]

اولا شكرا يا سارة على الموضوع الجميل دة
بس اسمحيلى يا سارة اتكلم فى الموضوع دة بحرية شوية
ليس هناك أسسا و قواعد ثابتة لكل البشر فى موضوع الارتباط .. لأن لكل شخص ظروفه التى تختلف عن ظروف الآخر ، لكن هناك أمورا لا يجب تجاهلها أو التغاضى عنها ، مثل :

" القبول و الحب و التوافق الاجتماعى و التعليمى و الثقافى ، و الوضوح و الصراحة ، و توافق الخطيب مع أهل مخطوبته و العكس ، و توافق الأسرتين معا "

لابد أن يكون هناك قبول بين الطرفين ، و قدر من الحب ، لأنه بدون الحب لن يكون هناك تسامح أو غفران ، و هما أمران مهمان لبناء بيت سعيد .

- أمّا التوافق التعليمى و الثقافى فهما مهمان للغاية لأنهما سيفتحان مجالا للحوار ، و لغة تفاهم مشتركة .

- و كذلك التوافق الاجتماعى ، فكلما كان هناك توافق فى النشأة لكلا الطرفين ، فإن ذلك سيسهل عليهما طريقة التفاهم و يجنبهما كثيرا من المشكلات التى قد تنتج عن اختلاف البيئة التى نشأ فيها كل منهما .

- الوضوح و الصراحة : فكلما كانت هناك مصارحة كاملة من جانب كل طرف ، بكل ظروفه ، فسيكون هناك ارتياح ووضوح أكثر ..

وشكر ليكى مرة تانية يا سارة

[мυѕтαfα]

اسمحيلى يا سارة اقول بعض النصائح لعلا وعسا حد ياخد بيها

أعدّ قائمة حول النقط التي ترغبون إثارتها أثناء اللقاء.
استعد نفسياً لهذا اللقاء، لا تحضره وبالُك مشغول بأمور أخرى
إياك و كثرة الخروج بعد اللقاء الأول أو كثرة الحديث مع الخطيب – ولو بالهاتف – قبل العقد، ذلك خشية الملل أو الانجراف وراء العواطف...
المشاركة الوجدانية في الأفراح والأحزان من أعظم أسباب المودة
البحث عن نقاط الانسجام بينكما

بس كدة مش ها طول .... سسسسسسسسسللللللللللللاااااااااااااااااااااااااااام ممممممممممممووووووووو
ععععععععععععععععاااااااااااااااااااااااااااالللللل للللللللللللللللللللليييييييييييكككككككككووووووووو ووووو

[*سارة*]

شكرا على اضاقتك القيمة ...
يا اخى الفاضل....

[احمد طاهر]

زيى ما فيه مصريات بتكدب وتبقى حلوة قبل الجواز وبتعمل البدع فى نفسها
فيه شباب برضه بيضحك على المصريات بكلام معسول فى فترة الخطوبة
وبعد ما يتجوز ويلاقى نفسه مش قادر على تحمل المسؤليه فبيهرب ويعمل مشاكل مع مراته عشان يتطلق
وكلا النوعين سواء من الشباب او البنات مرفوض طبعا
ومن الاخر البنت اذا كانت عايزة تتجوز واحد كويس لازم تبص على مقدار تدينه قبل ماتبص على مالديه من اموال وعمل وعربيات
وكلما كان متدين وملتزم اكثر كلما نجحت الحياة الزوجية
وطبعا لابد بداية الزواج تكون بطاعة الله
يعنى مثلا الخروج فى فترة الخطوبة يكون مع محرم ومفيش حاجة اسمها امسك ايدك والكلام ده
والفرح يكون اسلامى ايضا
يعنى دى شوية نصايح منى ليكم
وانا اسف اذا كنت تدخلت فى موضوع حريمى
بس داخل انصحكم عشان محدش يقول عليا انى وحش :D


السلام عليكم ورحمه الله وبركاته

اخي وحبيب قلبي هاني

انا بشكرك جدا علي الاضافه الجميله للموضوع وانا معاك في الكلام ده

بس ليه فرح اسلامي وانت عارف اني مش هاعرف احضر الافرح دي عشان انا

بحس اني اقاعد في زار مش فرح اسلامي

:p :p :p

[احمد طاهر]

السلام عليكم ورحمه الله وبركاته

معلش نسيت

الف شكر علي الموضوع الجميل ده

[safsoufa]

اولا شكرا يا سارة على طرح الموضوع دة اولا انا مخطوبة وكنت مرتبطة بخطييبى قبل الخطوبة والتفاهم وحب سماع كل واحد ينا للتانى هو اللى خلى العلاقة بيينا تستمر وطبعا كل الكلام اللى قولتوه مممنه الصراحة,الحب,التساامح ودة اكتر حاجة
مفيش حد معصوم من الخطأ بس التسامح وكل واحد يحط نفسه مكان التانى هو اللى بيخلي العلاقة تستمر
وقبل اي حاجة حتي قبل الحب نفسه يجى الأحترااااااااااااااااااااااااام المتبادل اهم شئ
واحب اقول لكل بنات المنتدى والولاد يلا عقبالكم :p

[هانى احمد]

اختى العزيزة nenogir




اما بالنسبة للاخ ...هانى ...
فانا قرات لك العديد من المشاركات والتى يكون مضمونها انك متحامل شوية على المصريات
ونفسك تتجوز اجنبية ولا غلط
لكن بالنسبة لردك فى الموضوع فانا متفقة معاك جدا وده ما يطلعش الا من شخص محترم
بيصون بنات المسلمين ربنا يبارك فيك
وحضرتك ما اقتحمتش موضوع نسائى ولا حاجة فالمواضيع مفتوحة لكلا الطرفين

انا فعلا متحامل عليهم من اللى بشوفه منهم واعرفه واسمعه
وعشان كده فضلت الاجنبية طبعا ومش اى اجنبية لازم تكون مسلمة منذ ولادتها مش بعد ما كبرت وبقى ليها بوىفريند وخرجت وعملت اللى هى عايزاه اقوم اتجوزها
والرد بتاعى ده طبعا لاخواتى المسلمات مهما كانت جنسياتهم وبلادهم
فهو للمسلمات عامة
وشكرا اختى على الكلام الجميل منك ده لانى كنت فاكر نفسى تدخلت فى موضوع نسائى بحت

[هانى احمد]

السلام عليكم ورحمه الله وبركاته

اخي وحبيب قلبي هاني

انا بشكرك جدا علي الاضافه الجميله للموضوع وانا معاك في الكلام ده

بس ليه فرح اسلامي وانت عارف اني مش هاعرف احضر الافرح دي عشان انا

بحس اني اقاعد في زار مش فرح اسلامي

:p :p :p
يا احمد هو انا قلت له هات ناسى
ماسكة دفوف وبتقول حى :D :D :D
الافراح الاسلامية جميلة جدا بس احنا اللى اتعودنا على الافراح الاجنبى المختلطة واللى بتسبب فساد للشباب والبنات
يعنى مين فينا يرضى انه واحد غريب يفضل طول الفرح يبص لاخته او بنت خالته او بنت اخوه
مفيش
يبقى مفيش احسن من الرجال فى جانب والبنات فى جانب
وفيه اناشيد اسلامية جميلة بس احنا نحاول نعمل كده عشان ترضى ربنا
لو ابتديت برضا الله هيوفقك الله فى حياتك وزوجتك تطيعك
انما مش نقلبها هيصة ورقص والعروسة تلبس فستان قصير ولا شفاف وكله يبص ويبحلق والراجل جوزها مش مكسوف على دمه وفرحان طبعا ومش فى دماغه وده بيكلم فى دى والبنت دى بتحب فى الشاب ده واهلها مشغولين مع العروسة ويحصل بهدلة وفساد ونرجع بعد كده نلوم نفسنا

[golog]

والله يا اخىالفاضل هانى احمد
كلامك بيريحنى .. و بيدل على شخصية متزنة ومتدينة..
وبتزيد دايما بنظرى من خلال ردودك القيمة ...
وان فعلا باذن الله حيكون فرحى اسلامى ..انا عن نفسى ما بحبش الاختلاط خالص وما ارضاش اكون فرجة للرجال والنساء ومش حاخد راحتى خالص..
وغير كدة حاطبق شرع ربنا طبعا
وكما انى حضرت اغلب الافراح الاسلامية وكلها رقيقة والعروسة بتاخد راحتها وبتتصرف على طبعيتها وسطنا ....
واحنا بنغنى وبنعمل حفلة منظمة وبنعمل كل اللى نفسنا فية بدون حرج من اى شىء..
وانا بنصح كل اخواتى البنات انها تفكر فى الموضوع بجدية ومش حتندم ..
وعلى فكرة الاخت سارة اختى فعلا.....

[هانى احمد]

والله يا اخىالفاضل هانى احمد
كلامك بيريحنى .. و بيدل على شخصية متزنة ومتدينة..
وبتزيد دايما بنظرى من خلال ردودك القيمة ...
وان فعلا باذن الله حيكون فرحى اسلامى ..انا عن نفسى ما بحبش الاختلاط خالص وما ارضاش اكون فرجة للرجال والنساء ومش حاخد راحتى خالص..
وغير كدة حاطبق شرع ربنا طبعا
وكما انى حضرت اغلب الافراح الاسلامية وكلها رقيقة والعروسة بتاخد راحتها وبتتصرف على طبعيتها وسطنا ....
واحنا بنغنى وبنعمل حفلة منظمة وبنعمل كل اللى نفسنا فية بدون حرج من اى شىء..
وانا بنصح كل اخواتى البنات انها تفكر فى الموضوع بجدية ومش حتندم ..
وعلى فكرة الاخت سارة اختى فعلا.....

الله يكرمك يا اختى العزيزة
انتى احرجتينى بالكلام ده
بس فعلا ده اللى بيحصل
انا عن نفسى لو ربنا اراد وتزوجت هيكون اسلامى عشان انا محبش حد يبص على نساء عائلتى ولا على زوجتى
وبعدين الافراح الاسلامية كما ذكرتى جميلة جدا ورقيقة وبتسمح للعروسة انه تكون على راحتها
يعنى عايزه ترقص مثلا او تغنى مع اخواتها وصحباتها بيكون الموضوع بحرية
مش نقلد الاجانب ونرقص slow ونفضل نتفرج عليهم زيى المحرومين ونبحلق فى العروسة وتبقى حاجة قلة ادب ومسخرة
وبعدين الافراح الاسلامية مش مكلفة بالعكس دى اقتصادية جدا خصوصا وانه الشباب محتاج كل قرش فى بداية حياته
فبكده يكون ضرب عصفورين بحجر واحد
اول حاجة عمل شىء اسلامى جميل يرضى بيه الله عشان ربنا يرضى عنه طول حياته ويبارك له فى زوجته ويرزقه بالذرية الصالحة
وتانى حاجة وفر فلوس هو محتاج ليها اشد الاحتياج خصوصا وانه فى مقتبل حياته واكيد بيكون عليه اقساط للاثاث والاجهزة الكهربائية وخلافه
واتمنى وادعو الله ان يتزوجوا اخواننا واخواتنا بهذه الطريقة

[احمد طاهر]

واتمنى وادعو الله ان يتزوجوا اخواننا واخواتنا بهذه الطريقة

السلام عليكم ورحمه الله وبركاته

بالنسبه للافراح الاسلاميه انا معاك انها كويسه

بس احنا اليومين دول الناس بتبص علي المظاهر]

يعني الواحد بيكون عايز يعمل حاجه يفرح بيها

ويفرح الناس كلها لانها بتكون ليله في العمر

ولا انت مش معايا اخي هاني

[هانى احمد]

السلام عليكم ورحمه الله وبركاته

بالنسبه للافراح الاسلاميه انا معاك انها كويسه

بس احنا اليومين دول الناس بتبص علي المظاهر]

يعني الواحد بيكون عايز يعمل حاجه يفرح بيها

ويفرح الناس كلها لانها بتكون ليله في العمر

ولا انت مش معايا اخي هاني
يا احمد يا اخويا
انا مش ممانع انك تفرح خصوصا انه زيى ما انت بتقول انها ليلة العمر
لكن ده مش معناه انك عشان تفرح تعصى الله وتغضبه
ومش كده وبس
تكلف نفسك وترهق نفسك بديون عشان خاطر يبقى الفرح كويس فى عين الناس
احنا مشكلتنا الايام دى
المظاهر الكدابة
انت ليه تبص للى يبسط الناس ويعجبهم ويخليهم يرضوا عنك وتترك رضاء الخالق عز وجل
أولا :- مش كل الناس هيعجبها فرحك لانه الاذواق تتفاوت ففيه اللى يعجبه الفرح وفيه اللى هيقول يعنى اهوه كويس
وفيه اللى هيقول الفرح ده اى كلام
يعنى من الاساس انت مهما عملت وكلفت نفسك مش هترضى كل البشر
ثانيا: انت لما تبتدى حياتك بطاعة لله ومن بداية الفرح ربنا هيخلى الناس ترضى عنك وتحب وتعجب بفرحك
الاساس يا احمد هو الله ثم الرسول ثم الناس
وليس العكس
وبعدين انت جاى فى شعب بيفرح على اى حاجة
وحياتك انت هات طبلة واقف تحت بيتكم وشوية لمبات زينة هتلاقى البلد كلها عندك
يعنى عشان الناس تفرح مش مشكلة بالعكس ده اسهل شىء
انما عشان ترضى الله فده الشىء اللى تخاف منه ومش سهل أبدا
والسلام عليكم ورحمة الله وبركاته

[gamal_shaabaan]

يا سارة البنت لا نافعة في فترة الارتباط ولا الخطوبة ولاالجواز
ولا اى حاجة خالص
هما اصلا ربنا كدا خلقهم عشان يعاقب الرجالة علي زنب
احنا والله مش عرفينه

[samah samy]

لو مش كنت قرات ردك أخى tefatato كنت قولت نفس كلامك ................. الواعى الحكيم.

بالنسبة للى بيكره المصريات........ مش عارفة اقول ايه فى مثل بيقول (صوابعك مش زى بعضها) وفى نفس الوقت فى حديث أو فيما معناه(لا يلدغ المؤمن من جحر مرتين) ولكن افهمه صح لا اقصد به تأييد كلامك ولكن ما أقصده هو التانى فى الاختيار والاستفادة من التجربة حتى لا تلدغ مرة أخرى........
بالنسبة للحبيبة سارة.... ماذا تقصدى بقولك هل سيكون متزمتا في موضوع فرض شعائر العبادة عليك وعلى أطفاله............
هل تؤيدى ذلك أم ترفضيه؟؟؟؟
هل تعلمى ان حلمى ان أجد من يعيننى على تقوى الله ورضوانه ........ وعلى غرس الصفات النبيلة فى اطفاله

[*سارة*]

حبيبتى سماح
نورتى الموضوع
اخبارك ايه
بالنسبه لسؤالك طبعا انا فى المستقبل
ساحتاج الى من يعييننى على طاعة الله انا واطفالى ويصلح منى اذا تهاونت فى اداء شعائر ربنى
ولكن بالحسنى والبساطه بدون تزمت او تعقيد فى ممارسة شعائر الله
وربنا يوفقك ويوفقنا ويرزقنا الازواج الصالحة
وربنا يحقق حلمك يا سموحة يارب ...

[samah samy]

وادع الى سبيل ربك بالحكمة..............
لا جدال بذلك وبعدين طبعا احنا (يعنى البنات مش بنيجى غير بالحسنى)
اللهم امين على دعواتك...............
على فكرة أنا اخدت نسخة من الصورة بتاعتك ده بعد إذنك .........مش تعرفى اتبسطت قد ايه بها لانهم نجمى المفضلين والفليم ده رائع............
ركزى شوية فى المذاكرة ياصغيرتى...........

[hamdy85]

اولا شكرا يا سارة على الموضوع الجميل دة
بس اسمحيلى يا سارة اتكلم فى الموضوع دة بحرية شوية
ليس هناك أسسا و قواعد ثابتة لكل البشر فى موضوع الارتباط .. لأن لكل شخص ظروفه التى تختلف عن ظروف الآخر ، لكن هناك أمورا لا يجب تجاهلها أو التغاضى عنها ، مثل :

" القبول و الحب و التوافق الاجتماعى و التعليمى و الثقافى ، و الوضوح و الصراحة ، و توافق الخطيب مع أهل مخطوبته و العكس ، و توافق الأسرتين معا "

لابد أن يكون هناك قبول بين الطرفين ، و قدر من الحب ، لأنه بدون الحب لن يكون هناك تسامح أو غفران ، و هما أمران مهمان لبناء بيت سعيد .

- أمّا التوافق التعليمى و الثقافى فهما مهمان للغاية لأنهما سيفتحان مجالا للحوار ، و لغة تفاهم مشتركة .

- و كذلك التوافق الاجتماعى ، فكلما كان هناك توافق فى النشأة لكلا الطرفين ، فإن ذلك سيسهل عليهما طريقة التفاهم و يجنبهما كثيرا من المشكلات التى قد تنتج عن اختلاف البيئة التى نشأ فيها كل منهما .

- الوضوح و الصراحة : فكلما كانت هناك مصارحة كاملة من جانب كل طرف ، بكل ظروفه ، فسيكون هناك ارتياح ووضوح أكثر ..

وشكر ليكى مرة تانية يا سارة

انا معاك يا باشا فى الرأى لانى كنت خاطب بس مفيش نصيب مش بسبب من الاسباب الذكوره

[مشمشاية]

اهم حاجة بجد مع اى انسان هو الاحترام دة صح
لابد من وجود اولا القبول و يليه التفاهم العقلى و الاارتياح نفسى و طبعا التكافؤ بين الطرفين من النواحى الاجتماعية
والمستوى التعليمى و المادى
عرفين من فترة كنت بقول ان اخر جزء دة مش مهم موضوع التكافؤ يعنى لكنى عن تجربه بجد لابد من وجود التكافؤ والا هيكون فى غيرة و خلافات كثيرة ملهاش اول ولا اخر مع ان الحب بيغير كتير لكن ليس له سلطان على الطباع الا فى حالات نادرة الحدوث
احسن حاجة اننا نجمع العقل و القلب مع بعض عشان بعد الزواج مفيش حد فيهم يعترض لا العقل ولا القلب
وكله فى الاخر قسمه ونصيب بس احنا بنسعى
ربنا يكرمنا جميعا بالازواج و الزوجات الصالحين

[doudii]

موضوع جميل قوى و مرسية

[الرسالة]

يسلمو سارة على الموضوع الحلوووو وشكرا على التنبية

هذا زواج مولعبة أطفال

[meda85]

انا كمان عندى بعض النصائح للبنات
1-ان البنت متخرجش مع خطيبها ولازم المقابلة تتم داخل بيت الاهل ودون غلق الباب عليهم
2-عدم التصوير مع بعض حتى فى حفلة الخطوبة لان فى حالة فسخ الخطوبة فى بعض الرجال من سىء النية يقومون بتركيب صور عليها وطبعا قصدى مفهوم من غير توضيح
شكرااااااااا

[هارون]

وكمان











البنت تحترم نفسها




عشان مايرجعش ف كلامووووووو