يلا يلا كلكوا معزومين عندى النهاردة

[dynameta]

اهلا اهلا الضيوف بدأوا يهلوا
انتوا يا جماعه معزومين عندى ...بس بجد تقوقولى رايكوا فى اكلى بصراحه
نبتدى منين ......؟؟؟
اه نجيب العصير اولا ...لازم احييكوا بردو


عصير البرتقال و الليمون
------------------------

يخلط كوبان من عصير البرتقال, ونصف كوب من عصير الليمون , ونصف كوب من السكر , و نصف ملعقه من بشر البرتقال مع كوبين من الماء فى الخلاط .

يبرد العصير وقبل تقديمه يضاف اليه مكعبات الثلج .


ها تتغدوا بقه ؟؟؟؟
بصوا انا عملالكوا ايه .....
1- السمك
لمحبي السمك

- لكل 4 فطائر تستخدم ربع ك من السمك الفيليه

- تستخدم فطائر" الميلفاى " الجاهزة أو عجينه الفطيرة المنزليه ( كوب من الدقيق + 2 ملعقه من الزبده + ذرة
ملح + ماء للعجين حسب حاجه الدقيق )

-يعد السمك بتقطيعه الى مكعبات يضاف الى ملعقه من الزبده , و عصير ليمونتان , و ملح , و فلفل , و مقدونس
, ويرفع على النار حتى يتشرب ماءة , و يقلب بهز الاناء حتى لا يتفتت

- تحشي الفطائر بالسمك , و تغلق اطرافها الاربعه , و تلصق معا بعد تنديتها بالماء .

- تدهن الوجه بالبيض المخفوق , و تخبز الفطائرحتى تصبح ذهبيه اللون .

- تقدم مجمله بالبقدونس

2- الفراخ
لمحبي الفراخ

مشوى الدجاج الحار
------------------
- تتبل قطع الفيليه أو الشيش طاووق أو دبوس الدجاج بالخلطه الآتيه :

* 2 ملعقه ثوم مفروم
* ملعقه بشر زنجبيل
* مفرى بصله خضراء واحده
* 2 فلفل أخضر حار مفري
* ملعقه ( شاى) من الكارى
* كوب زبادى
* 2 ملعقه زيت
* توابل منوعه و ملح
* ربع كوب عصير ليمون
* تترك القطع فى التتبيله 6 ساعات على الاقل , و تشوى أو توضع فى صينيه لطهيها فى الفرن
*ويقدم الدجاج مع السلطه و الخبز و البطاطس المقليه .


3 - اللحوم
لمحبي اللحوم



اللحوم بقه النهارده :
***************
لحم الريّش مع زبد الأعشاب و الثوم
----------------------------------

ودى مقاديرها:
------------
ملعقتين ( من ملاعق المائده ) زيت
2 كيلو جرام لحم ريش قطعه واحده ( ضانى او بتلو وبقرى صغير )
ملعقتين ( من ملاعق الشاى ) فلفل اسود مكسر غير مطحون
ملعقه زيت اضافيه
ملعقه ( مائده ) خل

مقادير زبد الثوم
--------------
نصف كوب زبده (125 جم )
ملعقتين ( شاى ) ثوم مفروم
ملعقتا ( مائده ) مقدونس مفروم بالسكين
ملعقتين ( شاى ) نعناع طازج مفروم , او ملعقه ناشف
ملعقه( مائده ) خل

الطريــــــــــــــــقه
----------------
- يسّخن الزيت فى اناء واسع , ويضاف اللحم و يحمر جيدا من جميع الجوانب

- يوضع اللحم فى صينيه فرن , ويرش بالفلفل الأسود و يزج فى فرن ساخن نوعا
دون غطاء لمده ساعه

-تخلط ملعقه الزيت الاضافيه مع ملعقه الخل , و يمكن اضافه قليل من الملح حسب الرغبه
ويدهن بها سطح اللحم وتزج مرة اخرى فى الفرن لمده 10 دقائق او حتى يكتمل نضجها

-تقطع الريّش وتوضع فى طبق التقديم , وتصب عليها صلصه الثوم

و آدى طريقه عمل صلصه لثوم
-----------------------------

يصهر الزبد فى اناء صغير , ثم يضاف اليه الثوم والاعشاب , ويقلب معا حتى يبدا فى الغليان

- يرفع من على النار وتضاف ملعقه الخل فيصبح جاهزا للاستخدام .
وبالهنااااااااء والشفااااااااااااااااء

4- السلطه طبعا

سلطه خضر الربيع
------------------
بفرض ان عدد الاشخاص اللى هيتذوقوها 4 اشخاص
مده التحضير 20 ق
مده الطهو 40 ق

المقادير
-------
200 جم من البازلاء الطازجه
عرقان من الشمر
حبتان من الجزر
450 جم من اللوبيا الطازجه
ملعقه كبيرة من القشده الطازجه
80 جم من الزبده
5 مل من مرق الدجاج
باقه صغيرة من المقدونس
ملح
فلفل اسود

طريقه التحضير
---------------
- يقطع عرقا الشمر الى قسمين و تزال الاوراق الخارجيه و يفرمان
- يقشر الجزر و يقطع دوائر ,, تنظف اللوبيا و تقطع
- يغسل المقدونس ويفرمان فرما رقيقا
- تسلق كل من الخضر على حده الجزر و اللوبيا و البازلاء و الشمر
- ثم تصفي و تبرد تحت المياه
- يذوب 30 جم من الزبده و تقلب بها هذه الخضر التى يضاف عليها 5 مل من مرق الدجاج
- ثم تترك لتتخثر على النار لمده خمس دقائق
تضاف بعدها كميه الزبده المتبقيه ثم القشده الطازجه شيئا فشيئا حتى تصبح الصلصه متماسكه
- يرش فوقها المقدونس وتقدم السلطه ساخنه .

ملاحظه
--------
يمكن اضافه خضر اخرى على هذه السلطه


5- المخلل بقه
معرفش بتحبوة ولا لا؟

مخلل الطماطم
--------------

** يفضل تخليل الطماطم خضراء اللون صغيرة الحجم

الطريقه
-------

- ازيلي أعناق الطماطم و أغسليها جيدا .

- يتم تثقيب هذه الثمار بواسطه شوكه

- حضرى محلولا ملحيا مكون من كوب ملح و 9 أكواب ماء ويراعى استخدام الملح الخالى من الشوائب

-يصفى المحلول الملحى للحصول على محلول رائق .

- توضع ثمار الطماطم المجهزة مع بعض ثمار الفلفل الحريف ( حسب الرغبه ) و ترص فى برطمانات بنسبه 5 أجزاء من ثمار الطماطم , جزء من ثمار الفلفل , ثم يصب عليها المحلول الملحى السابق تجهيزة .

- وتترك الى أن يتم تخليلها , ثم تجهز بوضعها فى برطمانات تحتوى على محلول ملحى جديد بنسبه 10% + خل .

-تعقم البرطمانات بوضعها جافه فى فرن البوتاجاز بعد اشعاله و اطفائه لضمان عدم نمو الريم الابيض على سطح المخلل أثناء التخزين أو يغطى وجهها بالزيت والافضل أن تحفظ فى الثلاجه.

عملالكوا رز بالكارى ورز عادى بس مش هشرحهم لانهم سهلين

خلصتوا ؟؟؟ الحلو بقه بس قوموا اغسلوا ايديكوا الاول


6-عملالكوا الحلو بقه :
كومبوت المشمش

اكلمكو عنه و اقولكو عملته ازاى ؟؟؟ا

- يقدم كصنف حلو أو يستخدم فى تزيين و حشو الجاتوهات و عجينه الكريب.

-لكل 2 كيلو من المشمش يستخدم 6 اكواب من الماء وثلاثه من السكر.

-يعد المشمش بغسله جيدا و ازاله البذور والالياف الصغيرة منه بعد تقسيم كل ثمرة الى نصفين و يغسل ثانيه ويصفى

-يذاب السكر فى الماء على نار هادئه

-يرص المشمش فى برطمانات حتى الحافه .

-يغطى المشمش بالمحلول ,و تقفل البرطمانات باحكام .

-تعقم البرطمانات بوضعها فى اناء عميق واسع وغمرها بالماء حتى يعلو مسافه 1 سم , ويوضع الاناء على نار متوسطه ليغلي حوالى 20 دقيقه

-تحفظ البرطمانات بعد ان تبرد فى الثلاجه , و تستخدم ملعقه جافه فى استخراج الكمبوت منها مع وضعها فى الثلاجه مباشرة .


يلا بالهنا والشفا بس رايكوا بليز :5bowtie:

[crimzon red]

لاياستي، انا مش حاكل قبل ماتشربيني عصير،، الليمون والبرتقال بيحسس.
لو في فراوله مافي مانع(بيحسس لكن بحبه :p)

*ضيوف آخر زمن ;)

[BOOGY]

شكرا يا ديناميتا

بس انتي كده جوعتينا

[AMROBASHAH]

شكرا يا ديناميتا

هنيجيلك الساعه كاام بقى؟؟

[YOUSIF ДHMED]

نساء فقط
او رجال بعد؟؟؟؟؟؟؟؟؟؟؟؟؟؟؟؟

[أيمـن]

يظهر ان انا جيت متأخر زمان الأكل برد
على العموم حلو طالما انت اللي عاملاه يا ديناميتا
وتسلم ايديكي

[B@DR]

مشكورين على الأكل انا افتكرت عزومة بجد وجاي اكل وجبت الكنز معاياhttp://smilies.sofrayt.com/fsc/cheers2.gif

طلع الموضوع كلام والاكل علينا طيب اعمل ايه جوعتونيhttp://smilies.sofrayt.com/fsc/looking%20around2.gif

مشكور أختي على الوصفات اللي تجوع

تحياتي وتقديري لك أختي الفاضلة

[nenogirl]

انتى اساسا زى العسل يا دنميتا واكلك بردة عسل زيك وكل اللى تعملية حلو وانا معجبة بأسمك والصورة اللى انت حطاها وبردة خفت دمك
انا معزومة بقى و لا لأ؟

[dynameta]

يا نينو جيرل انتى اللى زى العسل والله
وطبعا على عينى وراسي انتى تنورى
وياجماعه كلكوا معزومين ولاد وبنات
الاكل ليكو كلكو هيكفى و يفيض كمان
وبالهنا والشفا كريمزون , بوجى , عمرو باشا , ايمن هاس , يوسف , نينو , مستر بدر
وشكرا انكوا شرفتونى النهارده
بس لسه فى ناس مجتش
انا مش هشيل الاكل و هستناهم
عشان ميزعلوش

[ramaa]

:eek: :eek: :eek:
ايه ده ......عزومه من غيري؟؟؟؟؟؟:5headache

لا ومش اي عزومه دا اوبين بوفيه..........:cool: :5bowtie:

طيب مش كنتي تقليلي عشان اساعدك .......:)

تسلم ايدك يا ديناميتا .....مش هنعرف ناكل بعد كده الا من اكلك:smiletest

[dynameta]

ونا عنيه ليكو رمروما
اطلبوا انتوا بس

[crimzon red]

شوفي يا دينا انا لسه منتبهه اني بقيت سوبر. علشان كده انا حطمع فيكي.(هو الواحد كل يوم بيسوبر؟ :p )
انا عايزة كيك شوكولا، قهوة، ايس كريم فنيلا،(لا باين لازم ارجع للمشي بتاعي :p ) وبونبون بتاع العيال(ايش معنا هما بياكلوه انا مالي،عايزة منه) هذا ايش بيسموه؟ hardcandy

*انا خايفه اقول مزيكا اقوم آخذ على دماغي. :5forbidde

[ahmedfawziabdo]

ممممممممممممممممممممممم
الواحد بعد مشمر وجية (مش دة محل عم عبدة بتاع الاكلبردة ولا أية) طيب والنبي واحد فراخ وطبق سمك وشوية سلطة كدة وتوصي شوية
والاخت crimzon red فكرتني بالتحلية (الكيك والشوكولاتة )
وبعد كدة مش هاكل حاجة نفسي مسدودة بقي

[mashakel]

لعلمكم الاكل ده فاسد و شكله بايت و كانت عايزه ترميه في الزبالة بس قالت حرام لازم اللي ياكله حبايبييييييي اللي في المنتدى و انا بانصح كل واحد بعد ما ياكل يروح على المنتدى الطبي ياخد له حاجة للتسمم و اي خدمة

PeAcE

[angeleyescoco]

يمىىىىىىىىىىىىىىىى شهيتينى :5bouncy: :5bouncy: :5bouncy: شكرا على الموضوع

[dynameta]

كده يا مشاكيلو
انت مش هتبطل مشاكل بقه؟
ماشي ماشي بتعمل دعايا لفلوموكس
انت محروم من الكيك اللى هعمله

[mohamed rashad]

انت جوعتنا ياعم انت

[dynameta]

طب ما الاكل قدامك مد ايدك و ما تتكسفش

[m@rw@n]

كويس انك هاتعزمينا على مفيش

[noorel3ioon]

بجد يا ديناميتا انتى جوعتينى اوى حقيقى تسلم ايديكى ماشاء الله شكلك استاذه فى المطبخ يا ريت العزومة دى تتكرر علطول ومانتحرمش من عزايمك ويجعله عامر يا اختى

[dynameta]

انتى عارفه يا كريمزون عنيا ليكى طبعا ( بس متزوديهاش يعنى :evil_lol: )

طيب الطلبات بتاعه احمد فوزى و كريمزون هتنزلكم من عند عم عبده بتاع الاكل ( عقابا ليكم )

اما مشاكل بقا فمش هياكل .. كفايه مشاكله ( وبعد الاكل فى صحون .. هه :evil_lol: )

هحط الاكل حالا يا مروان ان شاء الله .. وكل براحتك

وانتى يا نور العيون نورتينا و اهلا بيكى دايما

[meda85]

ِكرا على الاكل الجميل دة انا شبعت من كتر الوصف

[diamandati]

امممممممممممم شهيتيني يا ديناميتا
تسلم ايديك