مشكله ظهرتلي في الويندوز

[casper]

المشكله ببساطه هي ان فيه ملفات كتير اسمائها اتغيرت وليها مساحه كبيره
ومش عايزه تتمسح نهائي
ودي صوره ليها

http://www4.0zz0.com/2007/03/03/01/47878384.jpg
http://www.graaam.com/up/p3ic/f77a21ac17.JPG

وبصراحه جربت معاها كل البدع
حاولت امسحها من ال safe mode ومنفعش
من هارد تاني وبرضو منفعش
قالولي فيه برنامج بيفك الارتباط اسمه unlocker ولا حياة لمن تنادي
ايه الحل؟؟؟؟؟؟؟؟؟؟؟؟؟؟

[casper]

والمشكله التانيه ان حوالي 90% من البرامج اللي على الجهاز او بمعني اصح الملفات بامتداد EXE تعطلت واصبحت كلها شبه بعض وعند الضغط على اي منها تظهر هذه الرساله وطبعا جميع الملفات فقدت شكلها واصبح لونها ازرق كما بالشكل


http://www3.0zz0.com/thumps/2007/03/03/02/58186540.jpg (http://www.0zz0.com/realpic.php?s=3&pic=2007/03/03/02/58186540.jpg)


http://www3.0zz0.com/2007/03/03/02/58186540.jpg



مع العلم ان انا جهازي اصيب بفيروس JEFFO وازلته بالمكافي وقمت بتثبيت نسخه ويندوز جديده
ورغم ذلك المشكله هذه مازالت موجوده



فما الحل وياريت محدش يقولي افرمت الهارد لانه 120 جيجا ومليان برامج مقدرش اجمعها تاني

فياريت عايز منكم حل رحيم

[casper]

للدرجه دي المشكله عويصه ومحدش عارفلها حل

اين العباقره
ويييير
وييييير

[eslamsgsg]

طيب يا مان انا عندى شوية اسئلة كدة ليك عشان نعالج المشكلة بالراحة وواحدة وواحدة .... اوكى ,,, عشان لو انى معرفتش القيلك حل عندى ولاهى ان شاء الله هسئلك فى الحوار دة لغاية ام احل لك مشكلتك ....
اوكى ... نتفق مبدايا ان فى عندك فيرس ودا اكيد لانة واضح ان ضرب لك كل الملفات الى على الجهاز وكمان بوزلك امتدادات الملفات ... طيب ,,, انا ليا بعض الاسئلة اولها انا عايز اعرف الحوار دة فى كل البرتشنات الى على الهارد ولا مثلا على الدى والسى فتقوم تفرمط الويندوز وتريح نفسك لان فى على فكرة فى فيروسات بنت كلب مبترضاش تشال الابالفرمتة ودا حصلى مع فيروس win32
ونتا اكيد عرفة مرضاش يشال وكل اما اعمل اسكان القية كل شوية رحت مفرمتة وهوا الحمد لله على الدى ... " الويندوز يعنى "
وكمان انا ملاحظ فى الصورة الاولى ان الملفات اسمائها ظاهرها بلغة غريبة اوكى ... ودا اكيد الفيروس الى عمل كدة وكمان منعك انك تخش حتى على البرامج ....
ومعلش عايزك تتاكد انك ظابط اللغة بتاعت الوينوز عندك تمام عشان شكل الملفات الى عندك والاسماء بتاعتها مش مريحنى لان الحوار دة يا ما لغة يا اما فيروس وهوا الى عمل الكلام دة .... فتاكد الله يكرمك ....
يا ريت ترد على كل الاسئلة الى قلتها لك اوكى ونا خت اللينك بتاع مشكلتك يعنى رد عليا هنا اوكى مش لازم على الخاص ....
سلام ياا مان ,.... مستنى ردك

[eslamsgsg]

اخى كاسبر ,,, او عندك اميل يا ريت تكتبة عشان ابقا اكلمك فى اى وقت
سلام ...

[casper]

اولا احب اشكرك على سرعة استجابتك :icon30:
واسال زي منتا عايز :smoke100:

1- بالنسبه للبرامج البايظه موجوده في كل الدريفات
2- بالنسبه للملفات الغريبه الاسماء دي عباره عن ملف مضغوط كنت بفكه والجهاز هنج وبعد ما اعدت تشغيل الجهاز لقيتهم بالمنظر ده
وهما موجودين كلهم في مكان واحد
3- اللغه متقلقش منها مضبوطه وزي الفل
4- واحب اقولك ملحوظه بالنسبه للبرامج انها كانت مصابه بفيروس jeefo فجربت النورتن مكنش عنده خيار الا انه يمسح الملفات فشيلت النورتن وجربت المكافي فكان عنده خيار افضل وهو انه يصلحها او يعملها ريبير فقولت كويس وخليته يصلح كل الملفات وبعد كده شيلت الاكس بي والميلينيوم ونزلتهم تاني من ايمدجات بالجوست


وكانت النتيجه في الاخر هي اللي انت شوفتها دي:busted_r:
فايه الحل



said_saleh55eg@yahoo.com

[eslamsgsg]

اخى كاسبر ... بعد التحية ....
بالنسبة للبرامج الى انتا بتقول عليها بايزة انتا المفروض انك تعملها shify deelete
اوكى لكن لو مش عايزة تشال فا دا حوار تانى فجرب تشيلها معلش حتى لو مهمة ... وابقى نزلها تانى يا سيدى مش مشكلة .... اوكى ...
وبعدين انتا بتقول انك استخمت النورتون اوكى وقلك انى هشيل البرامج الى فيها فيارس ... خلاص اوكى شيلها يا عم وريح نفسك لان اغلبية برامج الحماية تقلك على طول اعملها دليت ....
وبعدين انا عايز اعرف انتا قبل ما تعمل سكان بالمكافى او النورتون كانت الملفات شكلها كدة بردة وبعد ما عملت اسكان فضلت زى ما هيا ولا اية ؟؟؟؟
طيب انا عاوزك تجرب الكسبر سكاى يا معلم النسخة الانتى فيرس او السيكيورتى بس الاول يا معلم لازم اقلك على شوية حاجات كدة عشان تظبط الاوبشن بتاعة اوكى وان شاء الله الكسبر سكاى هيقوم بالواجب .... لو مش عندك قولى وانا ارفعة لك بالمفتاح اوكى ....
وبعدين يا مان انا عايز عرف الملفات معلش كان شكلها كدة لما الفيرس جالك وبردة فضل شكلها كدة لما الفيرس شلتة ونزلت ويندوز وكدة ؟؟؟؟ " السؤال دا يهمنى جدا """
اوكى يا ريت تجاوبنى على الاسئلة دى وان شاء الله هقلك الحل فى اقرب وقت ....
سلام ... بس سورى يا ريت تحط اميلك الهوت لانى لا استخدم الياهو .... اوكى
اسلام ....

[casper]

شوف يا برنس
دلوقتي احنا عندنا ملفات بايظه وبرامج بايظه
بالنسبه للملفات دي لا عايزه تتمسح بالديل ولا بالشيفت ولا بالكيبورد كله :no000000:
اما البرامج فهي بتتمسح عادي بس انا كنت اعيز اشغلها زي ماكانت
لكن شكلها فكان عادي فالاول قبل المكافي ميمسح منها الفيروس لكن الظاهر ان المكافي اما بيعمل ريبير للملف بيصيغه من تاني بطريقته والمره دي معرفش

يعني يا معلم

البرامج ---> اصيبت ---> شكلها عادي ---> سكان بالنورتن ---> شكلها عادي برضو ---> سكان بالمكافي ---> الفيروس اختفى ---> الايقونات المصابه كلها تحولت للون الازرق وضربت :fruits_c:


اما عن فكرة الكاسبر فحجرب جايز يكون عندي فيروسات تانيه مش باينه:shutup00:

وبالنسبه للهوت انا مبستخدمهوش بس ممكن اعمل عليه ميل وقولهولك

وربنا يقويك وتحلها

[eslamsgsg]

صديقى ... كاسبر ...
هبتدى اقلك حلول ... وربنا يسهل ...
اولا ... انا عايزك تشيل البرامج المصابة كلها اوكى .... دى حاجة .... وكدة يبقا خلصنا من حوار البرامج ...
ثانيا ... بالنسبة للملفات المصابة وانها مش عايزة تشال جرب الطرقة الى انا كنت قلتها للعضو اوسا وهى ...
tools >>>folder options <<<view <<<
,,, تابع خليك معايا اكيد انتا شايف العلامات بتاعت اخفاء الملفات او الى اسمها hidden files
اوكى روح ونشط الخانة او علم علامى صح على show hiden files and folders
وبعدين كمان شيل علامة صح على الخيار الى بعدة واسمة hide protected operating system files
اوكى وتك اوكى وapply
جرب الطريقة الى فاتت دى وهقولك نفس الكلام لو لقيت اى امتداد لاى ملف انتا شاكك فية اعملة شفت ديليت على طول ...اوكى ... لانك كل اما تتك على اى برنامج يجيب لك رسالة خطا .... فجرب وقولى ....
ثالثا ... انتا كنت قلتقى انك عندك فيروس اسمة jeefo
,,,, عايزك تعملى سرش على الجهاز عندك بالاسم الفيروس دة جايز تلاقية واعملة دليت على طول بس الاول اعمل اظهار للملفات وامتدادتها عشان يظهر ... اوكى
رابعا ... خش على قايمة استارت ورن ... واكتب الامر دة msconfig

خش على اخر اختيار وهوا start up
هتلاقى برامج كتير شوف لو اى واحد فيهم غريب شيل علامة الصح من علية .... اوكى ....
خامسا ... عايزك تستب الكسبر سكاى " الانتى فيرس او السيكيوريتى " وتعملة ابديت وكمان عايز قبل ما تشغلة عايزك تظبط الاوبشن بتاعة وذلك كالتالى ...
افتح الكسبر عادى خالص .... وبعدين روح على القائمة بتاعت protection
وبعدين file anti virus
اضغط عليها هتلاقى نافذة اتفتحتلك على المين اضغط عليها اوكى هتلاقى تحت حاجة اسمها action
وتحتها اختيارين هما " prompt for action >>>> we block access
نشط الخانة بتاعتة block access
اوكى ودى يعنى معناها انة يعالج الملفات لو فيها فيارس اما لو معرفش يعالجاها يعملها دليت وخلاص ....
اتمنى انك تجرب الحلول دى حل حل ولو مفيش حاجة نفعت بردة قلى ونا ان شاء الله هقلك على حلول تانية ....
اخوك اسلام .... يا ريت تبقى تيب اميلك الهوت ميل هنا ..... اوكى ...
سلام .....

[casper]

اسف لتاخر الرد
بس بصراحه بعد تنفيذ الخطه الجهاز ضرب و السيستم سقط والهارد مرضيش يتفرمت
واخدت وقت لغاية ما سيطرت على الوضع
المهم بالنسبه للملفات الغريبه اللي ماكنتش عليزه تتمسح لقيت حل بسسسسسسسييييييييييييييييييييييييييط جدا
وهو اني عمل scandisk عادي خااااااللللللص واتصلح اسمائهم وبالتالي ادرت امسحهم
اما الكاسبر فمقدرش يطلعلي اي فيروس في الجهاز وبالتالي اتاكدت ان البرامج اللي مش عايزه تشتغل مش مصابه
وكذلك الحال ببرنامج nod32
ففيه حل تاني ولا ايه

[eslamsgsg]

امسحها يا عم وريح دماغك ..... بدل انتا بتقول انك عرفت تشيل الملفات الغريبة .... ونتا كمان بتقول انك ملقتش فيراس بالكسبر ... يبقى تمام كدة شيلهم وخلاص ....
سلام ....

[HANY_GODA2004]

اعتقد ان الحل هو الفورمات

[casper]

خلاص يا عم علم وينفذ

[casper83]

بالظبط كده
حل المشكلة دى هو الفوركات
انها حصلتلى قبل كده
و كانت الملفات بتتقرى مساحات وهمية
يعنى كان بيطلعلى ملفات بمساحة 100 جيجا و 130 و 150جيجا
و ماكنتش بتردى تدليت او تتفتح
رحت مفرمت بالبارتيشن ماجيك و ريحت دماغى
اعتقد ان السبب ان ممكن يكون الميديا اللى عليها البارتيشنات خدت كهربا زيادة او حاجة زى كده

[casper83]

سورى
اقصد
الفورمات

[Programing®Addict]

الحل لذيذ واسهل من دا كله
الحل في انه يعمل ديفراج مينت للهارد كله بس من علي الدوس