طريقة انهاء لعبه Prince Of Persia II

[olla_zeer]

اغلبنا لعب لعبه PoP2 وخلصها وطبعا اللعبه غنيه عن الوصف وكل اللى خلصها ماينكرش خيبة الامل اللى كان فيها لانه كان متوقع انه يلاعب Dahaka مش ال Empress

انا هنا فى الموضوع ده هاحاول ان شاء الله اوضح ازاى توصل وتلاعب Dahaka لان اللعبه زى ما اغلبنا يعرف ليها نهايتين


بسم الله

اولا علشان تعرف توصله لازم تجيب التسع life upgrade
وهنا هاقلكم ازاى

[akroman]

عزيزى الموضوع بتاعك شيق بس فين الحل انا مش شايف الموضوع :d

[olla_zeer]

انا للاسف واجهتنى مشكله انى مش هاقدر اضع صور مع الموضوع لكبر حجمها بس انا هاكتبها ان شاء الله

[olla_zeer]

اسف للعطل الفنى :D

اول Life upgrade

فى البنت اللى لابسه اسود انت بتحاربها مرتين مره على السفينه ومره تانيه لما بتكون عايزه تموت امبراطورة الزمن فى المره التانيه دى هاتلاقى حيطه قدامك فيها حاجه اجذبها ليك هايتفتحلك باب ادخل فيه بس كده.

التانى

ده صعب شويه اشرحهولكم لانه لازم بالصور على العموم اول ماتخاود القوه اللى بتبطأ هترجع للمكان اللى انت حاربت فيه الراجل اللى بيتكون من الغربان هاتلاقى باب قدامك ماتدخلش فيه على شمال الباب حيطه صغيره هاتطلع عليها بعد كده هاتمشى شويه هاتلاقى سلم طويل شويه جنب السلم ده زرار بتدوس عليه وتبطأ وتطلع على السلم ده هاتلاقى فتحه صغيره ادخل منها .

التالت

بعد لما تاخد السيف التانى بتروح على مكان كبير بتدخل السبف فى مكان بيطلعلك حاجه كده كل لما تلفها بيوديك على مكان فى مكان من الاربعه بيكون بتحت مش لفوق انزل معاها هاتلاقى التالت انا مش قادر اشرحها والله انا كنت عامل كل ده بالصور بس الموقع مش سمحلى لكبر حجم الصور.

الرابع

لما بتدخل على البرج بتاع الحداائق فى حاجه بتلفها بتقفل الباب اللى وراك وبتفتح باب قدامك لما بتدخل فى الباب ده بتطلع على سلم كده صغير وتقابل ناس كتير اوى منهم الراجل الاسود اللى بيختفى ويرمى عليك خناجر ده فى نفس المكان ده فى حاجه بتطلع عليها بتنزلها بتطلعلك صخره كده بتبطا علشان تطلع عليها المهم اتمنى اكون وصفت المكان صح المهم فى المكان ده قبل ماتطلع على الحاجه اللى بتطلعلك ضخره فى عند المكان اللى طلعت منه على الناحيه التانيه مكان كده مش عليه صور (على الارض) المهم انزل من عليه هو ده اللى هايوديك على اللايف الرابع.

الخامس

فى نفس البرج فى اخره بقى المره فى المكان اللى انت بتخلص فيه البرج ده عند الاربع عواميد اللى المفروض توصللهم ميه فا انت علشان توصلهم ميه بتدخل فى الغرفه اللى بتلف منه الحاجه اللى بتوصلهم الميه دى فى نفس الغرفه دى هاتطلع على حيطه هاوصلك للخامس

السادس

فى البرج التانى فى مكان الراجل العملاق اللى انت بتحاربه فى كتير بييجى فى مره بيكون وااقف بعيد وبيرمى عليك الكائنات اللى بتنفجر دى فى باب خشب فى ناحيه وفى الناحيه التانيه على نفس الرصيف اللى انت عليه حيطه مشروخه خلي الراجل العملاق ده يرمى على الحيه دى كائن من الكائنات دى هاتتفتح الحيطه ادخل فيها وده السادس

السابع

فى راجل عملاق تانى شكله غريب غير التانيين بتحرابه بعد لما تاخد السيف العقرب المهم بعد لما تموت الراجل ده علطول بينزلك سلم هاتطلع عليه بعد كده هاتخش فى مكان كده فى اعمده وناس من اللى لابسين حاجه سوده فى وشهم على اليمين فى حيطه مشروخه هاتكسرها هاتلاقى جواها زرار دوس عليه .............. مش هايحصل حاجه :D
لان فى فى نفس المكان حيه تانيه مشروخه بس على الشمال اكسرها بردو مش هلاتقى حاجه فا انت بقى تدخل على المكان الاول اللى فى الزرار تدوس على الزرار وتبطأ وتخدل على المكان التانى هاتلاقى باب اتفتح ادخل فيه وده السابع .

التامن

فى المكتبه حاجتين كده بتجذبهم ليك بعد لما تجذبهم بتنط ما بينهم لغايه ماتوصل لقمه واحد فيهم المهم بعد لما تمشى فى المكان ده بشويه هاتمشى على حاجه كده من فوق شكلها زى المربع بتمشى عليها زى اكنك ماشى على الحبل وبتقابلك فى النص بنت كده اللى بتنط لما تهجم عليك بعد كده بتضربها المهم بعد لما تمشى على الحاجه دى بتنط على حاجه تانيه زيها بالظبط وتمشى شمال لاء ماتمشيش شمال امشى يمين افضل ماشى لغايه لما تقابل الحيطه نتط عليها وتدوس C وتمشى يمين وتطلع تانى هاتلاقى زى شباك كده ادخل منه وآدى التامن.

التاسع والاخير

فى قاعه كده فى اول اللعبه خالص البنت اللى لابسه اسود (Shahdee) بتخرج منها وهى بتبصلك وتدحل وبيتقفل وراها باب فى القاعه دى (مش ورا الباب) المطلوب منك انك توصل لقمة القاعه وتجذب حاجه كده لتحت علشان تفتح الباب ده المه وانت فوق خالص قبل ما تمشى على الخشبه اللى بتجذب منها الحاجه اللى بتفتحلك الباب هاتلاقى باب حديد جواه صندوق اكسر الباب ده بالسيف العقرب واجذب الصندوق بره المكان اللى هو فيه وحطه عند الحيطه اللى على يمين الباب اطلع على الصندوق واجرى على الحيطه اللى انت راكن عليها الصندوق ونط ونط تانى هاتطلع على مكان فى زرار وباب دوس على الزرار وادخل من الباب وآادى التاسع والاخير.

بقت حاجه صغيره مكان السيف السيف هاتلاقوه فى نفس المكان اللى فى الساعه اللى الامبراطوره ادتلك منه السيف التانى هاتلاقى على الارض :D


اتمنى اكون وصلتلكم والله كان نفسى اشرحلكم الكلام ده بالصور كان هايبقى احسن بكتير :icon_cry:

يللا سلام

[medo_omar]

شكراْ على المعلومة المفيدة .

[akroman]

bas ana mesh 3aref a2tel elembratora ezfta
de mate3rafsh ezay a2dy 3leh wa a7'lass el l3ba
men shraha :D

[3ayesh-leky]

كلامك جميل و مفيد وكده انت هتخلينى العب اللعبه تانى لانى انا كنت متوقع ان فى اخرها هحارب ال dahaka ولقيت نهاية غير الى انا كنت متوقعها لكن انت بتقول ان فى نهايتين .. عموما هجرب واشوف
اما بالنسبه لموضوع الصور ف انت ممكن ترفعها بس بعد ماتحولها من الامتداد bmb الى gif او jpeg ودا عن طريق ال acdsee او برنامج ال paint نفسه ووانت تبعمل save as اختار الامتداد قبل ما تسيف لان الامتداد ال defult بيكون bmb ودا حجمه كبير ف لازم تغيره عن طريق برامج تغير امتداد الصور عشان مساحته تقل وفى الحاله دى ممكن ترفعهم على الموقع بمنتهى السهوله

[amr@epc]

شكرا لك على هذه الطريقة الجميلة فى شرح اللعبة و كنت اود ان تقول لى كيف احل المشكلة الاتية
http://www.dvd4arab.com/forums/showthread.php?t=44819