ربما تكون انت من يهزم امريكا واسرائيل

[refathaggag]

سبحان الله وبحمده عدد خلقه ورضا نفسه وزنة عرشه ومداد كلماته
وما النصر إلا من عند الله
بما اننا ناس علميين او حتى مش علميين اى حد بيفكر
الفكرة ببساطة بسيطة
الفكرة انك تقول فكرة بس بعد تفكير وبعد ما تفكر هتقول اية
يعنى : بعد اللى شوفتة فى العراق والقدس وفلسطين فكرت ازاى نقدر نهزم اعدائنا وزاى نقدر نمنعهم من اللى بيعملوة فينا وفى المسلمين وزاى اقدر اساعد بأى طريقة ممكنة, بس المشكلة وانا قاعد افكر مالقيتش طريقة غير الدعاء من ربنا ان ينصرهم و ينصرنا (ودى حاجة كويسة جدا ), بس بس ربنا قال نعمل اللى علينا
قلت طب نعمل اللى علينا ازاى واحنا حلنا زى الزفت احنا متاخرين وهما متقدمين هما ا اقوياء واحنا ضعفاء ( طبعا بسب بعدنا عن الحق اقصد دينا الحق وما ترتب علية من تدهور فى حياتنا ) يعنى لا نقدر نروح ولا نيجى ولا نبعت ولا ندى ولا نأثر
المهم: ففكرت ان إحنا ممكن نساعد بطريقة بسيطة وهيا ان كل واحد يفكر فى فكرة ويقولها هنا يعنى بينشرها
طب الفكرة اية وعن اية ؟؟؟؟
الفكرة ازاى نهزم امريكا واسرائيل ؟؟؟؟؟
طبعا اللى هيسمع كدة هيقول اية ياعم الهبل دة !!! انت بتتكلم ازاى وبتقول اية ونهزم مين ياعم !!!
انا قلت فى الأول وما النصر إلا من عند الله بس لازم احنا نعمل اللى علينا من اجتهاد وتقدم وعلم وغيره مش الافكار بس وياما انتصرنا واحنا معندناش اسباب النصر بس كان عندنا الايمان وعندنا مجهودنا اللى نقدر علية.

بس دى فكرة ومبنية على الفكرة
الفكرة كل واحد يفكر فى فكرة ازاى نهزم امريكا واسرائيل ويفكر بجد وإجتهاد وإعتماد على الله,
يفكر ازاى بطريقه بسيطة نهزمهم او حتى نخسرهم او نتسبب لهم فى خسائر وإزاى نقدر بأفكرنا نساعد اخونا هناك فى المقاومة والتغلب على الاستعمار.
كل واحد يفكر فى فكرة أو أفكار بسيطة او معقدة واقعية أو خيالية كبيرة أو صغيرة يمكن تطبيقها ولا يمكن تطبيقها المهم ان ما نحجمش حد فكرزى ما انت عايز بس حاول تكون جدى فى الموضوع
بعد كدة تكتب فكرتك ربما حد يشوفها او حد يقرأها او حد ياخدها ويعدلها
او حد يستنبط منها حاجة تفيدة فى حاجة تانية.
وعايز افكركم بان ياما شعوب اتغلبت على شعوب بفكرة ويما اختراعات بدات بفكرة وياما مقاومة اتغلبت على جيوش بفكرة وياما انتصرنا على اعدأنا بفكره والامثلة كتير هنقول منها كتير
يعنى لو انت شغال فى مهنه أو فى تخصص معين فكر فى حاجة تقدر تساعد بيها فكر للمقاومة فى حاجة يقدروا يعملوها وتكون مؤثرة بالعدو وتكون بالموارد البسيطة والمتاحة الموجودة لديهم فمثلا المهندسين يفكروا ازاى نعطل دبابة بحاجة بسيطة الكيميائيين يفكرو ا فى حاجة بسيطة تتلف معدات بيستخدموها ازاى يقدروا يعملوا عمل مؤثر باستخدام مواد بسيطة ومتاحة ورخيصة وغيره وهكذا
( وربما تكون فكرة هايفة نواة لفكرة عظيمة) اهم حاجة نفكر ازاى نساعدهم
مثلا ازاى نوقع طيارة بحجر
ازاى اعطل دبابة بحتة قماش (ودى استخدموها فى حرب اليمن)
ازاى استخدم المياه زى النار
كل حاجة وليها نقطة ضعف المتخصصين يقولولنا عليها واحنا نفكر ازاى نستغلها.
وحتى لو مش متخصص وعندك فكرة قولها لنا ونتناقش فيها او حتى فكرة مجنونة.
ارجو اللى عنده فكرة يقولها ودة ممكن يكون جهاد مع الناس دى, جهاد بالفكرة وهي محاولة ربنا يجزينا جميعا عليها يارب
وياريت ننشر الطريقة دى فى كل مكان.
وممكن نسميها( جهاد بالفكرة) وطبعا دلوقتى كلمة جهاد بترعبهم
وممكن فكرتك تكون سبب فى هزيمة اعداء الله
وتكون انت من يهزم امريكا واسرائيل
وما رميت اذ رميت ولكن الله رمى
والله الموفق

[momomada]

تعرف انا حاسس بكلامك و عندي الفكرة بس لسة مش عارف اخرجها ازاي بس قريب ان شاء الله
بس انا بفكر اهزم الناس دي افتصاديا
لان دة اخطر سلاح ضدنا

وايضا افكر في هزيمة الخمول و الكسل في شباب الوطن العربي


المهم ربنا يقوينا يا رب
و ممكن موقعي خير دليل علي ذلك
www.mamadoinc.com

و شكرا علي الموضوع الجيد

[HANY_GODA2004]

الفكره الرئيسيه هي " لا يغير الله ما بقوم حتي يغيروا ما بانفسهم"
وطبعا الجمله وافيه ككلمتك بعدنا عن الحق شرحهما لا تكفيه الكتب واول حاجه ملاحظه صغيره جدا كام واحد دخل ردوقال راي مجرد راي هما بس فالحن في الاغاني الجديده ورنات الموبيل والكليبات العاريه و,,, كفايه كده


http://i106.photobucket.com/albums/m258/hany_3h/shokr/3h029.gif

[elhofy_2010]

على فكرة موضوع جيد أتمنى المزيد من الأفكار ضد الأستعمار لإخواننا العرب
عندى كلام كتير نفسى أقوله


بس الختام سلام

[نمر الاسلام]

قول حكيم

خير وسيلة للدفاع الهجوم

[laser2020]

السلام عليكم ورحمة الله وبركاته اولا هذا الكلام موجه لبه الأول ثم لاخوانى ياجماعه الأول نحن نريد ان نقول اننا نفكر كثيرا فى مشاكل مثل هذه المشاكل التى تواجه امتنا تفكيرا لمضمون وذات هذه القضيه وقد يكون هذه المشكله ناتجه اصلا عن مشكله افظع وعيب متوارث فينا فلابد ان نعمل فهرس واولويات لأمورنا حت نتمكن من تحديد المشكله الحقيقيه وقد يكون كلامى يحتاج الى تفصيل كالتالى
انا اقصد بالقضيه الأم لهذه القواضى هى معرفة الله عز وجل فاذا تعرفنا على الله معرفه حقيقيه سوف نتبع اوامره التى هى نورا لأى ظلمه تواجهنا فلابد الا نضع مشاكلنا المعاصره فى حجم غير حجمها حتى لا نعتقد فى استحالة حلها وننظر الى لب الموضوع وشكرا وانا فى انتظار ارئكم فى هذه النظره الشخصيه

[amrdiab_alex]

والله كلام جميل جدا بس احنا نسينا حاجة مهمة اوى ان الحل مش فى الدبابة الى حندمرها او فى الطيارة الى حنوقعها دة ميعتبرش حل اولك انا حل التميز والاكتفاء يعنى اية يعنى لو احنا عندنا اعلام متميز وبيعرض دينا وافكرنا بطريقة صريحة كانت فرقت كتير زى معملو اليهود واستغلو قضية ابادة اليهود من النازية وكسبوا استعطاف العالم دة مجال واحد لاكن لو جيت لباقى المجالات وحصل التميز فى المجال الى باولك علية مش بعيد زى ما احنا كنا بنئالدهم هما كمان يالئدونا وتلاقى اعداد كبيرة تدخل للاسلام لسماحتة انا عايز نقتدى بمنهج الرسول وسياستة فى الدعوة للدين حتى لرسول صلى الله علية وسلم كان يدعو ويدعو للدين وكان بامكانة ان يدعو الله لهلاك الكفار ولكنة لا يفعل لعل واحد منهم يدخل الدين وربنا يهدية هى دية الطريقة الصحيحة احنا لو كنا قريبين من الله مكنش حصل الى حصل

[نجم الصيدلة]

المفروض يكون في موقع او جهة لاستلام الأفكار ديه يعني كلمنا ده حيروح لمين و المفروض نقوله لمين ؟

[refathaggag]

الف شكر ليكم على الرد والاهتمام وافكاركم الجميلة وارائكم القيمة وشكر تانى على تحمل العناء فى كتابة ارائكم
= اولا : وانا بكتب الموضوع حاولت انى الخص فى الكلام حتى لا يمل من يقرا الموضوع ولكن لن يكفى الكلام فى حل مشاكلنا ولا تحقيق املنا ولا الهدف المنشود وهو التزمنة بديننا وانتصارنا فى اثبات الحق (الاسلام والتوحيد) وهو ما يتوجب علينا الانتصار فى شتى مجالات الحياة وانتصار يعنى تقدم ونبقى احسن من اى حد ضد الاسلام والتوحيد, وليس انتصار فقط فى المعارك الحربية او المقاومة وان كانت هذة الطريقة (الحروب يعنى ) طريقة بتلخص تقدمك وقدرتك بمعادلة بسيطة بس معادلة دنيوية: تفوق عددى + قدرة عسكرية + تقدم علمى >>>>>> نصر حربى سيادة احتلال تمللك طغيان ........
والتى تفتقر الى الايمان والعقيدة والهدف الخير وحسن المقصد ودة كان متوفر فى ايام الفتوحات الاسلامية ايام الاذدهار واللى فى الغالب كانت فتوحات بلا حروب وغزوات بلا معارك وانتشار سريع للإسلام بشكل طبيعى دون فرض على احد.

ثانيا : هدفى الاساسى فى الموضوع ان احنا نساعد بطريقة بسيطة وبمصادرنا الفقيرة (طبعا لا اقصد الموارد التى تملاء الدول العربية والاسلامية ) اى بالمتاح لدينا احنا الاشخاص البسيطة التى لا تستطيع ان تقوم بعمل مؤثر فى انهاء حرب على دولة واستعمار ,
ولكن الهدف افكار سريعة لا تاخذ منك جهد أو وقت طويل وفى نفس الوقت قد يراها احد او يقتنع بها فرد او تصل لاحد من المقاومة باى طريق كان والتى قد تكون افكار بسيط وانت تعرفها جيدا ولكن لا تاخذ انتباهك وبمجرد ان تسمعها تقول كيف لم افكر فيها كيف لم استخدمها وهذا ما ارجوه ان نقول شى قد يكون غائب عن اخواننا فى المقاومة أو جديد ويفيد او فكرة لم يتتطرق لها احد.أو على العكس ممكن تكون بسيطة وهايفة اومجنونة او مش منطقية ولكن ممكن ان تكون نواة لشئ افضل او بداية.......
ثالثا : ولم يكن هدفى التدمير او اسقاط طائرة او خراب او تفجير او اى شيئ يسيئ للاسلام
فالامريكان وامريكا والدول المعادية للاسلام استفدنا منها كتير ومانقدرش ننكر ذلك ودة بسبب تقدمهم(وتأخرنا ) وليهم فضل فى العلم اللى اتعلموه مننا زمان لكن لما يجوا ويعتدوا علينا ويقتلوا فينا لازم نقاومهم لما يمسوا دينا ويحاولوا يخربوا بلادنا لازم نقاومهم ودة مش متاح لينا احنا الاشخاص البسيطة دلوقتى
لكن دة بيوجب علينا الالتزام والرجوع للطريق الصحيح والاجتهاد فى التغير والعلم وان نصبح افضل ولكن ليس لعلة ان نكون اشخاص ذو مال ومكانة وتحقيق ذات ونفوذ واطماع دنيوية, ولكن يكون الهدف الاساسى ان نخدم الاسلام والمسلمين والبشرية وتعمير الارض بالخير والسلام وهو كله لوجه الله.
طبعا كل دة لم يكن اساس النقاش واساس الفكرة (وان كان هو الاساس فى كل شيئ )
لكنه ليس المكان ولا الطريقة المناسبة لحل ما سبق.
را بعا: ما سبق محاولة لمناقشة الردود الجميلة من الاصدقاء والتى تحمل الحب والغيرة على المسلمين والاسلام
وانا حاولت انها تكون شاملة لكل الردود مرة واحدة ثم لخصت الردود على الاصدقاء كل حسب رقم الرد كما يلى:

2= واحنا بنفكر ليس للخراب ولكن للدفاع , ليس للشر ولكن نفكر لدفع الشر وليس للضرر ولكن لمنع وكف الضرر,ردع المعتدى وليس الاعتداء.
3 = ولما نحاول نفكر ونتعب ونجتهد فى مساعدة اخونا المجاهدين والمقاومة ونكون احسن فى العلم والايمان والاخلاق والافكار نكون بنحاول نغير ما بأنفسنا حتى يغير الله ما بنا.

5 = وهنا وسيلة الهجوم خير وسيلة للدفاع اى الهجوم على المعتدى.
7 = نحن لا نهلك المشركين او الكافرين او صاحب ملة ودين ولكن نهلك المعتدين بصرف النظر عن الدين.
وليس طريقنا اكتساب العطف بالاكاذيب (ودى كانت فكرة (على فكرة) وكسبوا منها الكتير ولكن اظن انها فاشلة لأنها ببساطة كذبة)والناس كلها واولها امريكا عارفة ان دى كذبة بس القوة تعمل اكتر من كدة يعنى لو انا قوى اقول اللى انا عايزه وانت هتصدق اللى انا عايزه) ولكن هدفنا اثبات الحق بالحق وانتصار الحق لأنه حق.
8 = ولما نقول افكار ممكن توصل فكرتك وتكون اساس التغلب على الظلم مش لازم جهه او مكان احنا نبتدى ويمكن بعد كدة يبقى فى حد يرعى الافكار دى او مكان يجمع الافكار المؤثرة ويحسنها ويعطيها القوة المطلوبة.
وارجو ان يتسع صدركم لكلامى الكثير ولكن حتى استطيع توضيح الفكرة والرد واحترام الاصدقاء
واسف عن اى خطاء قد يكون فى كلامى او معلوماتى او رائى,
وشكرا

[refathaggag]

مثال االافكار : المقاطعة
ودى فكرة بسيطة وجامدة جدا و هيا شكل من اشكال العقاب لاى واحد بيغلط
ودى اى حد كان ممكن يقولها بس انت بعد ما تسمعها تقول انا مفكرتش فيها ازاى؟؟؟!!!!!! وكان ليها تاثير كبير وبمجهود بسيط جدا.
طبعا فكرة اقتصادية يمكن صاحبها كان خبير اقتصادى او شخص عادى او [U]ذكية ذكريا U]اا لما كانت بتقول ( لا لسانك يخاطب لسانى ولا لسانى يخاطب لسانك ) لما بتزعل من حد.

[zelzal92]

اولا اشكرك جزبل الشكر على الموضوع

بس المشكلة ان احنا لازم نعرف بنحارب مين الاول

الغريب من امثلتك انك بتقول المقاطعة .. واساسا المصالح الاولى لوجود البضائع دى فى بلدنا بتكون للقيادات .. بمعنى ان احنا مش هنقاطع منتجات دولة مغيرة لا داحنا هنقاطع وهنحارب حكومة وقيادات المفروض انهم يكونوا حائط صد لينا .. وللاسف فى زمن ساد فيه الطمع والجشع اصبحوا علينا .. وكلامى ليس مبنى على فكر هدام ابدا .. فيه مليون طريقة اخرى لكى نهزم اعدائنا .. وانا بإذان الله متابع الموضوع .. وان شاء الله هشارك بأفكار .. والله المستعان

zelzal

[ahmedezz21]

المهم أن الافكار دى من الممكن أن تستخدم ضدنا